ଓଡିଶା ଡଟକମ ସଂବାଦ ଦାତା
କ୍ୟୋଟୋ ( ଜାପାନ ) , ନଭେମ୍ବର ୬ (ଓଡିଶା ଡଟ କମ) ଜାପାନର ପ୍ରସିଦ୍ଧ କ୍ୟୋଟୋ ସହର ପ୍ରଶାସନ ସେଠାରେ ରହୁଥିବା ଓଡିଶାର କୁନା ଦାଶ (ଶ୍ରୀକାନ୍ତ କୁମାର ଦାଶ)ଙ୍କୁ ନିଜର ଅନ୍ତର୍ଜାତୀୟ ପର୍ଯ୍ୟଟନ ଆମ୍ବାସାଡର ଭାବେ ନିଯୁକ୍ତ କରିଥିବା ଦାଶ ଓଡିଶା ଡଟକୁ ଶୁକ୍ରବାର କହିଛନ୍ତି ।
କ୍ୟୋଟୋର ମେୟର ଦଇସାକୁ କୋଡୋକାୱା ଗତ ମଙ୍ଗଳବାର ସେଠାରେ ଆୟୋଜିତ ଏକ ସ୍ଵତନ୍ତ୍ର ଉତ୍ସବରେ ଏହା ଘୋଷଣା କରିବା ସହ ଦାଶଙ୍କୁ ଏ ସଂକ୍ରାନ୍ତୀୟ ଏକ ନିଯୁକ୍ତି ପତ୍ର ପ୍ରଦାନ କରିଛନ୍ତି ।
ଏ ଭଳି ନିଯୁକ୍ତି ପାଇବାରେ ଦାଶ ହେଉଛନ୍ତି ଜାପାନ ରେ ପ୍ରଥମ ଭାରତୀୟ ।
ଏହା ସହ ପଢନ୍ତୁ
କ୍ୟୋଟୋ ଏକ ଜାପାନର ଏକ ଜଣାଶୁଣା ଐତିହାସିକ ସହର । ବିଶ୍ଵର ବିଭିନ୍ନ ଦେଶରୁ ଏହି ସହରକୁ ପର୍ଯ୍ୟଟକ ମାନେ ନିୟମିତ ବୁଲିବା ପାଇଁ ଆସନ୍ତି ।
ଦାଶ ଭାରତ ତଥା ତାଙ୍କ ଗୃହ ରାଜ୍ୟ ଓଡିଶାରେ ଏହି ସହରର ପର୍ଯ୍ୟଟନ ସମ୍ପର୍କରେ ପ୍ରଚାର ପ୍ରସାର କରିବା ସହ ବହୁ ପର୍ଯ୍ୟଟକକୁ କ୍ୟୋଟୋ ସହର ପରିଦର୍ଶନ କରିବା ପାଇଁ ପ୍ରଭାବିତ କରି ପାରିବେ ବୋଲି ସେଠାକାର ପ୍ରଶାସନ ଆଶା ରଖିଛି ।
ଓଡିଶା ଡଟ କମ