ବାଲେଶ୍ଵର, ଏପ୍ରିଲ ୨୪ (ଓଡିଶା ଡଟ କମ) କ୍ଷେପଣାସ୍ତ୍ର ପରୀକ୍ଷା କରାଯାଉଥିବା ହୁଇଲର ଦ୍ଵୀପ ଆଖପାଖରେ ସନ୍ଦେହ ଜଣକ ଗତିବିଧି ଯୋଗୁଁ ଜଣେ ଅଣ ଓଡିଆ ବ୍ୟକ୍ତିକୁ ଗିରଫ କରି ସ୍ଥାନୀୟ ଅଦାଲତରେ ହାଜର କରିଥିବା ପୁଲିସ ଶୁକ୍ରବାର କହିଛି ।
୩୦ ବର୍ଷର ଏହି ଯୁବକ ହୁଇଲର ଦ୍ଵୀପ ଆଖପାଖରେ ତିନିଦିନ ତଳେ ସନ୍ଦେହ ଜଣକ ଭାବେ ବୁଲାବୁଲି କରୁଥିବାବେଳେ କ୍ଷେପଣାସ୍ତ୍ର ଘାଟିର ସୁରକ୍ଷା କର୍ମୀଙ୍କ ହାତରେ ଧରା ପଡିଥିଲା ।
ସୁରକ୍ଷା କର୍ମୀ ପରବର୍ତୀ ସମୟରେ ଉକ୍ତ ବ୍ୟକ୍ତିକୁ ପାଇଁ ସ୍ଥାନୀୟ ସାମୁଦ୍ରିକ ଥାନାକୁ ହସ୍ତାନ୍ତର କରିଥିଲେ । ଗିରଫ ବ୍ୟକ୍ତି ନିଜ ନାମ ଥୋମାସ ଓ ତାମିଲନାଡୁ ରାଜ୍ୟର କନ୍ୟାକୁମାରୀର ବାସିନ୍ଦା କହୁଥିବା ବେଳେ ଉକ୍ତ ରାଜ୍ୟର ପ୍ରଶାସନ ସହ ଯୋଗାଯୋଗ କରି ତାହା ନିଶ୍ଚିତ କରିବା ପାଇଁ ପୁଲିସ ଉଦ୍ୟମ ଚଳାଇଛି ।
ବ୍ୟକ୍ତି ଜଣକ କାହିଁକି କ୍ଷେପଣାସ୍ତ୍ର ଘାଟି ଆଖ ପାଖରେ ବୁଲୁଥିଲେ ସେ ସମ୍ପର୍କରେ ଚିତ୍ର ସ୍ପଷ୍ଟ ହୋଇ ନ ଥିବା ବେଳେ ପୁଲିସ ସେ ଜଣେ ଗୁପ୍ତଚର ହୋଇଥିବା ଆଶଙ୍କା କରି ଖୋଳତାଡ ଚଳାଇଛି ।
ଏଠାରେ ଉଲ୍ଲେଖ ଯୋଗ୍ୟଯେ ଜିଲ୍ଲା ପୁଲିସ ତିନି ମାସ ତଳେ ଗୁପ୍ତଚର ବୃତ୍ତିରେ ଲିପ୍ତ ଥିବା ଅଭିଯୋଗରେ ଇଶ୍ଵର ଚନ୍ଦ୍ର ବେହେରା ନାମକ ଜଣେ ଡି ଆର ଡିଓ ର ସାମୟିକ ଫଟୋଗ୍ରାଫରକୁ ଗିରଫ କରିଥିଲା ।
ଓଡିଶା ଡଟ କମ
