• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
    • ଓଡିଆ ଶିକ୍ଷା
  • କପି ରାଇଟ
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଗୁଲାପ ଜାମୁନ

ବଜାର ପ୍ରବେଶ କଲା ଓମଫେଡ ରସଗୋଲା,ଗୋଲାପ ଜାମୁନ

November 5, 2015 by ନିଉଜ ଡେସ୍କ Leave a Comment

ଓଡିଶା ଡଟକମ ସଂବାଦ ଦାତା

ଭୁବନେଶ୍ଵର, ନଭେମ୍ବର ୫ (ଓଡିଶା ଡଟ କମ) ଆସନ୍ତା ଦୀପାବଳୀ କୁ ଆଖି ଆଗରେ ରଖି ଓଡିଶା ରାଜ୍ୟ ସମବାୟ ଦୁଗ୍ଧ ଉତ୍ପାଦକ ମହାସଂଘ ଲିମିଟେଡ (ଓମଫେଡ) ବୁଧବାର ଭୁବନେଶ୍ଵର ଗ୍ରାହକକୁ ଭେଟି ଦେଇଛି ନିଜ ତିଆରି ରାଜ୍ୟର ପାରମ୍ପରିକ ମିଠା ରସଗୋଲା ଓ ଗୋଲାପ ଜାମୁନ ।

rasogolla - Copy
ଛବି: ରାଜ ନାରାୟଣ ଚୌଧୁରୀ, ଗ୍ରାଫିକ ଡିଜାଇନ: ବିକାଶ ଶର୍ମା

ଏକ କେଜି ଓ ଅଧା କେଜି ପୃଥକ ଟିଣ ପ୍ୟାକ ର ମୂଲ୍ୟ ଯଥାକ୍ରମେ ୧୭୦ ଓ ୯୦ ଟଙ୍କା ରଖା ଯାଇଛି । ଏହା ପ୍ରାରମ୍ଭିକ ଭାବେ ଭୁବନେଶ୍ଵରରେ ଥିବା ଓମଫେଡର ନିଜର ଆଇସକ୍ରିମ ପାର୍ଲର ମାନଙ୍କରେ ଉପଲବ୍ଧ ହେଉଥିବା ଓମଫେଡ ମାର୍କେଟିଙ୍ଗ ବିଭାଗ ମୁଖ୍ୟ ବସନ୍ତ ମିଶ୍ର ଓଡିଶା ଡଟ କମ କୁ କହିଛନ୍ତି ।

ପରବର୍ତ୍ତୀ ସମୟରେ ଏହା ଅନ୍ୟ ସହର ଓ ସ୍ଥାନ ମାନଙ୍କରେ ଉପଲବ୍ଧ ହେବ । ନିକଟରେ ପ୍ରିମିୟମ କ୍ଷୀର ନାମରେ ଅଧିକ ଲହୁଣୀଯୁକ୍ତ ଓ ଅଧିକ ପୃଷ୍ଟିକର ଉତ୍ପାଦ ଓମଫେଡ ବଜାରକୁ ଛାଡିଥିଲା ।ଏହି ଉତ୍ପାଦ ଗ୍ରାହକ ପସନ୍ଦ କରିଥିବା ବେଳେ ରସଗୋଲା ଓ ଗୁଲାପ ଜାମୁନକୁ ମଧ୍ୟ ପସନ୍ଦ କରିବେ ବୋଲି ସେ କହିଛନ୍ତି ।

ଦୁଗ୍ଧ ଜାତ ସାମଗ୍ରୀ ଉତ୍ପାଦନରେ ସର୍ବଦା ଅଗ୍ରଣୀ ଭୂମିକା ଗ୍ରହଣ କରିଆସିଥିବା ରାଜ୍ୟର ଦୁଗ୍ଧ ଚାଷୀଙ୍କ ଏହି ସର୍ବୋଛ ସମବାୟ ସଂସ୍ଥା ଗତ କେତେମାସ ମଧ୍ୟରେ ନିଜର ଉତ୍ପାଦର ପରିସର ବଢାଇବା ପାଇଁ ଓ ଉପଭୋକ୍ତାଙ୍କ ହୃଦୟ ଜିଣିବା ପାଇଁ ଅନେକ ପଦକ୍ଷେପ ନେଇଥିବା ପରିଲକ୍ଷିତ ହୋଇଛି ।

ଏହାର ଉତ୍ପାଦ ମାନଙ୍କର ନୁଆ ପ୍ୟାକେଜିଙ୍ଗ, ଯୁବ ପିଢୀଙ୍କ ସମେତ ସମାଜର ବିଭିନ୍ନ ବର୍ଗର ଲୋକଙ୍କୁ ଆକୃଷ୍ଟ କରିବା ପାଇଁ ରାଜଧାନୀରେ ଅନଲାଇନ ବିକ୍ରିର ବ୍ୟବସ୍ଥା ତଥା ସହରର ପ୍ରମୁଖ ସ୍ଥାନ ମାନଙ୍କରେ ଆଇସକ୍ରିମ ପାର୍ଲର ମାନ ଖୋଲିଛି ।

gulabjamun - Copy
ଛବି: ରାଜ ନାରାୟଣ ଚୌଧୁରୀ ଗ୍ରାଫିକ ଡିଜାଇନ: ବିକାଶ ଶର୍ମା

ସୋସିଆଲ ନେଟୱାର୍କରେ ନିଜର ଉପସ୍ଥିତି ଜାହିର କରିବା ଉଦ୍ଦେଶ୍ୟରେ ଏହି ସଂସ୍ଥା ଚାରି ମାସ ତଳେ ଆରମ୍ଭ କରିଥିବା ଏକ ସ୍ଵତନ୍ତ୍ର ଫେସବୁକ ପେଜ ବା ପୃଷ୍ଠାକୁ ପ୍ରାୟ ୩୭ ହଜାର ଲୋକ ଲାଇକ କରିଥିବାରୁ ଯୁବ ଗ୍ରାହକଙ୍କ ସହ ଓମଫେଡ ସମ୍ପର୍କ ବୃଦ୍ଧି କରିବାରେ ସଫଳ ହୋଇଛି ।

ନିକଟ ଭବିଷ୍ୟତରେ ରାଜଧାନୀରେ ଆଉ ଦଶଟି ଆଇସକ୍ରିମ ପାର୍ଲର ଖୋଲିବା ପାଇଁ ସରକାର ସହାୟତା ଯୋଗାଇଦେବେ ବୋଲି ଓମଫେଡ ପରିଚାଳନା ନିର୍ଦ୍ଦେଶକ ତଥା ମତ୍ସ୍ୟ ଓ ପଶୁ ସମ୍ପଦ ବିକାଶ ବିଭାଗ ର ସଚିବ ବିଷ୍ଣୁପଦ ସେଠୀ କହିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ସେଠୀଙ୍କ ନିରବଚ୍ଛିନ୍ନ ଉଦ୍ୟମ ଯୋଗୁଁ ଓମଫେଡ ଜନସାଧାରଣଙ୍କ ଅଧିକ ବିଶ୍ଵାସଭଜନ ହୋଇପାରିଛି ।

ଦେଶର ଅର୍ଥନୈତିକ ବିକାଶ ଉପରେ ଗବେଷଣା ଓ ସଚେତନତା ସୃଷ୍ଟି କରୁଥିବା ନୂଆଦିଲ୍ଲୀ ସ୍ଥିତ ଜଣାଶୁଣା ସର୍ବ ଭାରତୀୟ ସଂସ୍ଥା ଇନଷ୍ଟିଚ୍ୟୁଟ ଅଫ ଏକୋନୋମିକ ଷ୍ଟଡିସ (ଆଇଇଏସ ) ନିକଟରେ ସେଠୀଙ୍କୁ ଚଳିତ ବର୍ଷର ସମ୍ମାନ ଜନକ ଉଦ୍ୟୋଗ ରତ୍ନ ପୁରସ୍କାର ଦେବାପାଇଁ ଘୋଷଣା କରିଛି ।

ଏହି ପୁରସ୍କାର ପ୍ରତିବର୍ଷ ଦେଶର ଅର୍ଥନୈତିକ ଉନ୍ନତି ଓ ଔଦ୍ୟଗିକ ବିକାଶ କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ଦେଇଥିବା ବ୍ୟକ୍ତି ବିଶେଷଙ୍କୁ ଦିଆଯାଇଥାଏ ।

ଚଳିତ ବର୍ଷ ଏହି ପୁରସ୍କାର ମୁମ୍ବାଇ ଠାରେ ଆସନ୍ତା ନଭେମ୍ବର ୨୧ ତାରିଖ ଦିନ ଆୟୋଜିତ ହେବାକୁ ଥିବା ଏକ ସ୍ଵତନ୍ତ୍ର ଉତ୍ସବରେ ପ୍ରଦାନ କରାଯିବ। ସେଠୀଙ୍କ ସହ ଓଡିଶା ରାଜ୍ୟ ସମବାୟ ଦୁଗ୍ଧ ଉତ୍ପାଦକ ମହାସଂଘ ଲିମିଟେଡ (ଓମଫେଡ)କୁ ମଧ୍ୟ ଉତ୍କର୍ଷତା ପୁରସ୍କାର ପ୍ରଦାନ କରାଯିବ ବୋଲି ଇନଷ୍ଟିଚ୍ୟୁଟ ଅଫ ଏକୋନୋମିକ ଷ୍ଟଡିସର କାର୍ଯ୍ୟକାରୀ ନିର୍ଦ୍ଦେଶିକା ସଂଗୀତା ସିଂ ସୂଚନା ଦେଇଛନ୍ତି ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ଅର୍ଥ-ବ୍ୟବସାୟ Tagged With: ଓମଫେଡ, ଗୁଲାପ ଜାମୁନ, ବସନ୍ତ ମିଶ୍ର, ବିଷ୍ଣୁପଦ ସେଠୀ, ରସଗୋଲା

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ