ଗୃହ କମିଟି

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୫(ଓଡ଼ିଶା ଡ଼ଟ୍ କମ୍) ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ବାରମ୍ବାର ବିଦ୍ୟୁତ କାଟ୍ ନେଇ ବିଧାନସଭା ଗୃହ କମିଟି ଉଦ୍ଦବେଗ ପ୍ରକାଶ କରିଛି ।

ବିଦ୍ୟୁତ କାଟ୍ ଯୋଗୁଁ ସାଧାରଣ ଲୋକେ ଅସୁବିଧାର ସମ୍ମୁଖୀନ ହେଉଥିବାରୁ ସରକାର ଏ ଦିଗରେ ପଦକ୍ଷେପ ନେବାକୁ ବାଚସ୍ପତି ପ୍ରଦୀପ ଅମାତଙ୍କ ଅଧ୍ୟକ୍ଷତାରେ ଶୁକ୍ରବାର ଅନୁଷ୍ଠିତ ବୈଠକରେ କମିଟି ପରାମର୍ଶ ଦେଇଛି ।

ବିଦ୍ୟୁତ କାଟ୍ କୁ  ବୈଠକରେ ଉପସ୍ଥିତ ବିଧାୟକମାନେ ବିରୋଧ କରିବା ସହ ଏଥିପାଇଁ ଘରୋଇ ବଂଟନ କମ୍ପାନୀଙ୍କୁ ଦାୟୀ କରିଛନ୍ତି ।

ରାଜ୍ୟରେ ଅସହ୍ୟ ଗରମ ଅନୁଭୁତ ହେବା ସହ ନଈ, ପୋଖରୀ ଓ କୂଅ ଇତ୍ୟାଦି ସୁଖି ଗଲାଣି । ଏହି
ସମୟରେ ବାରମ୍ବାର ବିଦ୍ୟୁତ କାଟ୍ ବେଡି ଉପରେ କୋରଡା ଭଳି ହୋଇଛି ବୋଲି ସେମାନେ କହିଛନ୍ତି ।

ତେବେ ରାଜ୍ୟରେ ତିନିଟି ଅଲଟ୍ରା ପାୱାର ପ୍ଳାଣ୍ଟ ପ୍ରତିଷ୍ଠା କରାଯିବ ଏବଂ ସେଥିରୁ ସୁନ୍ଦରଗଡ ଜିଲ୍ଲାର ବେଡାବାହାଲରେ ଗୋଟିଏ ପାଇଁ ସ୍ଥାନ ନିରୂପଣ ହୋଇଥିବା ବେଳେ ଅନ୍ୟଦୁଇଟି ବଲାଙ୍ଗିର ଓ ଭଦ୍ରକ ଜିଲ୍ଲାରେ ପ୍ରତିଷ୍ଠା ହେବ ବୋଲି ମୁଖ୍ୟ ଶାସନ ସଚିବ ଏକ ସମୀକ୍ଷା ବୈଠକରେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୧୫(ଓଡ଼ିଶା ଡ଼ଟ୍ କମ୍) ସାମ୍ବାଦିକ ମାନଙ୍କୁ ସରକାରୀ ଗୃହ ଯୋଗାଣ, ଅଧିସ୍ୱୀକୃତି ପ୍ରଦାନ, ଚାକିରୀଗତ ସର୍ତ୍ତାବଳୀ ନିର୍ଦ୍ଧାରଣ କ୍ଷେତ୍ରରେ ସୃଷ୍ଟି ହେଉଥିବା ସମସ୍ୟାର ସମାଧାନ ପାଇଁ ବାଚସ୍ପତିଙ୍କ ଅଧ୍ୟକ୍ଷତାରେ ଏକ ଗୃହ କମିଟି ଗଠନ କରିବାକୁ ବିଧାନସଭାରେ ଦାବୀ ହୋଇଛି ।

ବୁଧବାର ବିଧାନସଭାରେ ଉଭୟ ଶାସକ ଓ ବିରୋଧି ବିଧାୟକ ମାନେ ଏହି ପ୍ରସଙ୍ଗ ଉତ୍ଥାପନ କରିଥିଲେ । ବିରୋଧି ଦଳ ନେତା ଭୂପିନ୍ଦର ସିଂହ ଏହି ପ୍ରସଙ୍ଗ ଉଠାଇ କହିଥିଲେ ଯେ, ଗଣମାଧ୍ୟମ ହେଉଛି ଗଣତନ୍ତ୍ରର ଚତୁର୍ଥ ସ୍ତମ୍ଭ ।

ଗଣମାଧ୍ୟମ ଯୋଗୁଁ ସାଧାରଣ ଲୋକଙ୍କ ପାଖରେ ସରକାରଙ୍କ ବାର୍ତ୍ତା ପହଞ୍ଚି ପାରୁଛି ଓ ସରକାରଙ୍କ ପାଖରେ ସାଧାରଣ ଲୋକଙ୍କ ଅଭାବ,ଅସୁବିଧା ପହଞ୍ଚୁଛି । ତେଣୁ ଗଣମାଧ୍ୟମ ପ୍ରତିନିଧିଙ୍କ କଥା ବିଚାର ହେବା ଦରକାର ।

ଅଧିସ୍ୱୀକୃତିପ୍ରାପ୍ତ ସାମ୍ବାଦଦାତା ମାନେ ସରକାରୀ ବାସଗୃହ ପାଇପାରୁନାହାନ୍ତି । ଯୋଗ୍ୟ ସାମ୍ବାଦିକ ମାନଙ୍କୁ ତୁରନ୍ତ ଏହା ଯୋଗାଇ ଦେବା ଆବଶ୍ୟକ । ସାମ୍ବାଦିକ ମାନଙ୍କ ସମସ୍ୟା ନେଇ ସରକାର ପଦକ୍ଷେପ ନେବାକୁ ବିଜେଡ଼ିର ପ୍ରଦୀପ ମହାରଥୀ ଦାବି କରିଥିଲେ ।

ସରକାର ଚାଷୀ, ଶ୍ରମିକ, ବିଧାୟକ, କର୍ମଚାରୀ ସମସ୍ତଙ୍କ କଥା ବିଚାର କରୁଛନ୍ତି ମାତ୍ର ଗଣତନ୍ତ୍ରର ଚତୁର୍ଥସ୍ତମ୍ଭ ସାମ୍ବାଦୀକ ମାନଙ୍କ କଥା କେହି ବିଚାରକୁ ନେଉନାହାନ୍ତି । ପେନସନ ବ୍ୟବସ୍ଥା ଘୋଷଣା ହୋଇଥିଲେ ବି କାର୍ଯ୍ୟକାରୀ ହେଉନାହିଁ ବୋଲି ଶୂନ୍ୟକାଳରେ ସ୍ୱତନ୍ତ୍ର ଉଲ୍ଲେଖ ମାଧ୍ୟମରେ ବିଜେଡ଼ି ବିଧାୟକ ଅନନ୍ତ ଦାସ କହିଥିଲେ ।

ଓଡ଼ିଶା ଡ଼ଟ୍ କମ୍