ଛାତ୍ରଛାତ୍ରୀ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୬(ଓଡିଶା ଡଟ୍ କମ୍ )-ସ୍କୁଲସ୍ତରରେ ଡ୍ରପଆଉଟ୍ ରୋକିବା ପାଇଁ ସରକାର ମାଗଣା ପୋଷାକ ଯୋଜନା ଆପଣାଇଛନ୍ତି ଓ ଏହାଦ୍ୱାରା ସ୍କୁଲରେ ଉପସ୍ଥାନ ସଂଖ୍ୟା ବଢାଇଛି ଗଣଶିକ୍ଷାମନ୍ତ୍ରୀ ରବିନାରାୟଣ ନନ୍ଦ ଗୁରୁବାର ଦିନ ବିଧାନ ସଭାରେ ପ୍ରକାଶ କରିଛନ୍ତି ।

ସମାନଭାବେ ଦଶମ ଶ୍ରେଣୀରେ ମାଗଣା ସାଇକେଲ ଦିଆଯିବା ଦ୍ୱାରାଡ୍ରପଆଉଟ କମିଛି ବୋଲି ଗଣଶିକ୍ଷାମନ୍ତ୍ରୀ ନନ୍ଦ ପ୍ରକାଶ କରିଛନ୍ତି ।

୨୦୧୧-୧୨ ଆର୍ଥିକ ବର୍ଷରୁ ଆରମ୍ଭ ହୋଇଥିବା ମାଗଣା ସାଇକେଲ ଯୋଜନାରେ ସରକାର ଏଯାବତ୍ ୧୯୩ କୋଟି ୨୫ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି । ଏଥିରେ ୭ ଲକ୍ଷ ୩୪ ହଜାର ୬୯୨ ଛାତ୍ରଛାତ୍ରୀ ଉପକୃତ ହୋଇଛନ୍ତି ।

ସର୍ବଶିକ୍ଷା ଅଭିଯାନ ଓ ମୁଖ୍ୟମନ୍ତ୍ରୀଙ୍କ ରିଲିଫି ପାଣ୍ଠିରୁ ଏହି ଅର୍ଥ ଖର୍ଚ୍ଚ କରାଯାଉନି ବୋଲି ମନ୍ତ୍ରୀ ପ୍ରକାଶ କରିଛନ୍ତି । ଅନ୍ୟପକ୍ଷରେ ବିରୋଧୀ ଦଳ ଏହାକୁ ଏକ ଭୋଟବ୍ୟାଙ୍କ ଯୋଜନା ବୋଲି ଅଭିହିତ କରିବା ସହ ଏହାକୁ ସବୁ ସ୍କୁଲ ଓ ସବୁ ଦଳଙ୍କ ପ୍ରତି କାର୍ଯ୍ୟକାରୀ କରାଇବାକୁ ଅନୁରୋଧ କରିଛନ୍ତି ।

ସ୍ୱାଧୀନ ବିଧାୟକ ପ୍ରତାପ ଷଡଙ୍ଗୀ, ପ୍ରଫୁଲ ମାଝି, ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ଭୀମସେନ ଚୌଧୁରୀ, ଦେବୀ ଚାନ୍ଦ, ପ୍ରମୋଦ କୁମାର ମଲ୍ଲିକ ଓ କନକ ବର୍ଦ୍ଧନ ସିଂଦେଓ ପ୍ରମୁଖ ଏହି ଆଲୋଚନାରେ ଅଂଶ ଗ୍ରହଣ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୨୫ (ଓଡିଶା ଡଟ୍ କମ୍)-ସ୍ୱାମୀ ବିବେକାନନ୍ଦଙ୍କ ୧୫୦ତମ ଜୟନ୍ତୀ ଅବସରରେ ସମଗ୍ର ଓଡିଶାରେ ୧୨ ଜାନୁଆରୀ ୨୦୧୩ ତାରିଖରୁ ୧୨ ଜାନୁଆରୀ ପର୍ଯ୍ୟନ୍ତ ବ୍ୟାପକ କାର୍ଯ୍ୟକ୍ରମ ଆୟୋଜନ କରାଯିବ ।

‘ଭାରତ ଜାଗ – ବିଶ୍ୱ ଜଗାଅ’ ସଂଗଠନ ରାଜ୍ୟର ପ୍ରତ୍ୟେକ ସହର ଏବଂ ଗ୍ରାମରେ ଏହି ଅବସରରେ ଶୋଭାଯାତ୍ରାମାନ ଆୟୋଜନ କରିବ, ସ୍ଥାନୀୟ ରୋଟାରୀ ଭବନରେ ରବିବାର ଏକ ସାମ୍ବାଦିକ ସମ୍ମିଳନୀରେ ଏହାର ରାଜ୍ୟ ଅଧ୍ୟକ୍ଷ କର୍ଣ୍ଣେଲ୍ ଶରତ କୁମାର ମହାପାତ୍ର କହିିଛନ୍ତି ।

୧୮ ଫେବୃୟାରୀ ୨୦୧୩ ତାରିଖ ଦିନ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦଦ୍ୱାରା‘ସାମୂହିକ ସୂର୍ଯ୍ୟ ନମସ୍କାର’ କରାଯିବ । ୧୧ ସେପ୍ଟେମ୍ବର ୨୦୧୩ ଦିନ ବିଶ୍ୱ ବନ୍ଧୁତ୍ୱ ଦିବସ (ଚିକାଗୋ ବକ୍ତୃତା ଦିବସ) ଉପଲକ୍ଷେ ଯୁବକମାନଙ୍କୁ ନେଇ ରାଜ୍ୟର ବିଭିନ୍ନ ସ୍ଥାନରେ ‘ଭାରତ ଜାଗ ଦୋଡ଼’ କାର୍ଯ୍ୟକ୍ରମ ଆୟୋଜନ କରାଯିବ । ଏହି ସମାରୋହ କାର୍ଯ୍ୟକ୍ରମ ସମଗ୍ର ଓଡିଶାରେ ୨୦୧୪ ଜାନୁୟାରୀ ୧୨ ତାରିଖ ଦିନ ସମାରୋପ ହେବ ।

ଏହି ସମାରୋହ ଅଗଣିତ ଜନତାଙ୍କୁ ଉତ୍ସାହିତ କରିବା ସଙ୍ଗେ ସଙ୍ଗେ ନିଜ ନିଜର ବ୍ୟକ୍ତିତ୍ୱକୁ ପରିପ୍ରକାଶ କରିବାରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଏବଂ ଭାରତବର୍ଷର ସ୍ୱପ୍ନକୁ ସାକାର କରିବାରେ ସହାୟକ ହେବ ।

ଏହି କାର୍ଯକ୍ରମକୁ ସଫଳ କରିବା ପାଇଁ ରାଜ୍ୟର ବହୁ ବିଶିଷ୍ଟ ପ୍ରଶାସକ, ଶିକ୍ଷାବିତ୍, ସମାଜସେବୀ, ଚିକିତ୍ସକ, ସାହିତ୍ୟିକ, କଳାକାରଙ୍କ ସମେତ ଅନ୍ୟ ବିଭିନ୍ନ କ୍ଷେତ୍ରରେ ପ୍ରତିଷ୍ଠା ଲାଭ କରିଥିବା ପ୍ରମୁଖ ବ୍ୟକ୍ତି ସମୁହ ଏହି ସମାରୋହ ସମିତିର ସଦସ୍ୟ ରହିଛନ୍ତି । ଯାହାର ସଂପାଦକ ଅଛନ୍ତି ଶିକ୍ଷାବିତ୍ ଡ଼କ୍ଟର ଧୀରେନ୍ଦ୍ର ନନ୍ଦ ।

ଏହି ମହୋତ୍ସବ ପାଳନ ପରିପ୍ରେକ୍ଷୀରେ ଚଳିତ ମାସ ୧୬ ତାରିଖରେ ଏହାର ରାଷ୍ଟ୍ରୀୟ ସମିତି ମୋଟ ୭୦ ଜଣ ସଦସ୍ୟଙ୍କୁ ନେଇ ସଂରଚନା ହୋଇ ସାରିଛି ଯାହାର ଅଧ୍ୟକ୍ଷ ପରମ ପୂଜନୀୟା ମାତା ଅମୃତାନନ୍ଦମୟୀ ଦେବୀ ଏବଂ ୭ମ, ୮ମ ଓ ୯ମ ଲୋକସଭାର ପୂର୍ବତନ ସାଧାରଣ ସମ୍ପାଦକ ସମ୍ମାନନୀୟ ଡ଼କ୍ଟର ସୁବାସ କଶ୍ୟପ କାର୍ଯ୍ୟକାରୀ ଅଧ୍ୟକ୍ଷ ଅଛନ୍ତି ।

ତତ୍ ସହିତ ଦେଶର ଜଣେ ମହାନ୍ ବ୍ୟକ୍ତିତ୍ୱ ତଥା ଚିନ୍ତାନାୟକ ପ୍ରଫେସର ଅନିରୁଦ୍ଧ ଦେଶପାଣ୍ଡେ ଏହାର ରାଷ୍ଟ୍ରୀୟ ସମ୍ପାଦକ ଅଛନ୍ତି । ଏହି ସାମ୍ବାଦିକ ସମ୍ମିଳନୀରେ ସଂଗଠନର ରାଜ୍ୟ ସଂପାଦକ ଡ଼କ୍ଟର ଧୀରେନ୍ଦ୍ର ନନ୍ଦ, ପ୍ରଚାର ବିଭାଗ ସଂପାଦକ ଅଶୋକ ସାହୁ, ସମୀର ମହାନ୍ତି ପ୍ରମୁଖ ଉପସ୍ଥିତ ଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୧୫(ଓଡ଼ିଶା ଡ଼ଟ୍ କମ୍)-ବ୍ଲକଗ୍ରାଣ୍ଡ ଉଚ୍ଛେଦକରି ଶତପ୍ରତିଶତ ଅନୁଦାନ ଦାବିରେ ଆଜି ପୁଣି ରାଜରାସ୍ତାକୁ ଓହ୍ଲାଇଛନ୍ତି ରାଜ୍ୟର ବ୍ଲକଗ୍ରାଣ୍ଡ ହାଇସ୍କୁଲ ଶିକ୍ଷକ ଓ କର୍ମଚାରୀ । ୧୯୮୩ଟି ବ୍ଲକ ଗ୍ରାଣ୍ଡ ହାଇସ୍କୁଲର ୨୬ ହଜାରରୁ ଉର୍ଦ୍ଧ ଶିକ୍ଷକ ଓ କର୍ମଚାରୀ ଏହି ଆନ୍ଦୋଳନରେ ସାମିଲ ହୋଇଛନ୍ତି ।

ବିଭିନ୍ନ ଜିଲ୍ଲାରେ ଆନ୍ଦୋଳନକାରୀ ଶିକ୍ଷକ ଓ କର୍ମଚାରୀ ସବୁ ବିଦ୍ୟାଳୟରେ ତାଲା ପକାଇ ଶିକ୍ଷାଜିଲ୍ଲା ନିରୀକ୍ଷକ,ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯାଳୟ ଆଗରେ ଧାରଣା ଦେଇଛନ୍ତି ।

ଆନ୍ଦୋଳନକାରୀ ଆସନ୍ତା କାଲି ପ୍ରତି ପଞ୍ଚାୟତରେ ଏକଜୁଟ ହୋଇ ସଚେତନତା ରାଲି କରିବେ । ସରକାରଙ୍କ ଉଦାସୀନତା ଓ ଅଗଣତାନ୍ତ୍ରୀକ କାମନେଇ ଲୋକଙ୍କୁ ସଚେତନ କରିବେ ବୋଲି ବ୍ଲକଗ୍ରାଣ୍ଡ ହାଇସ୍କୁଲ ଶିକ୍ଷକ ସଂଘ କହିଛି ।

ଆସନ୍ତା ୨୯ ତାରିଖଯାଏ ଏଭଳି କାମ ଚାଲୁରହିବ ଏବଂ ଡିସେମ୍ବର ୧୦ରେ ରାଜଧାନୀରେ ବିଶାଳ ସମାବେଶ କରାଯିବ ବୋଲି ସଂଘ ପକ୍ଷରୁ କୁହାଯାଇଛି । ବଲାଙ୍ଗୀରରେ ଆଜି ଶତାଧିକ ଶିକ୍ଷକ କୋଶଳ କଳାମଣ୍ଡପ ପଡିଆରୁ ବାହାରି ସହର ପରିକ୍ରମା କରିଛନ୍ତି ।

ପରେ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ତାଲା ପକାଇଥିଲେ । ସେମାନେ ସରକାରଙ୍କ ଶିକ୍ଷକ ମାରଣନୀତି ବିରୋଧରେ ସ୍ଲୋଗାନ ଦେଇଛନ୍ତି । ତାଙ୍କର ସ୍ଲୋଗାନରେ ରହିଛି -ମନ୍ତ୍ରୀ ତୁମର ଚାକର ଏମ୍.ଏଲ୍.ଏ ଝାଡୁଦାର
ରାଜା ଆଇଏସ୍ଏ ଅଫିସର ଭକୁଆ ଭୋଟର ।

ସୁନ୍ଦରଗଡରେ ବ୍ଲକଗ୍ରାଣ୍ଡ ମାଧ୍ୟମିକ ଶିକ୍ଷକ ଓ କର୍ମଚାରୀ ସଂଘ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ତାଲା ପକାଇଛନ୍ତି । ବାଲଶ୍ୱର,ବ୍ରହ୍ମପରୁରେ ମଧ୍ୟ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ତାଲା ପକାଇଛନ୍ତି ଆନ୍ଦୋଳନକାରୀମାନେ ।

ବ୍ଲକଗ୍ରାଣ୍ଡ ଶିକ୍ଷକ ନେତା ପଞ୍ଚାନନ ସାହୁ କହିଛନ୍ତି ଯଦି ସେମାନଙ୍କ କଥା ସରକାର ନଶୁଣନ୍ତି ତେବେ ଅନିର୍ଦ୍ଧିଷ୍ଟକାଳ ପାଇଁ ସେମାନଙ୍କ ଆନ୍ଦୋଳନ ଚାଲୁରହିବ । ଏକଥା ମଧ୍ୟ ଆମେ ପ୍ରଶାସନକୁ ଜଣାଇ ଦେଇଛୁ । ଏହା ପରବର୍ତି ଆମେ ଯେଉଁ ପଦକ୍ଷେପ ନେବୁ ତାହାଦ୍ୱାରା ଛାତ୍ରଛାତ୍ରୀମାନେ ହଇରାଣ ହେବେ ।

ପାଠ ପଢାରେ ବ୍ୟାଘାତ ସୃଷ୍ଟି ହେବ । ସେଥିପାଇଁ ସରକାର ଦାୟୀ ରହିବେ । ୨୯ ତାରିଖ ପୂର୍ବରୁ ଯଦି ସେମାନଙ୍କର ଦାବି ପୁରଣ ନକରନ୍ତି ତାହେଲେ ସେମାନେ ବିଧାନସଭା ଆଗରେ ବିଶାଳ ସମାବେଶ କରିବେ ବୋଲି ଶ୍ରୀ ସାହୁ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ,ନଭେମ୍ବର ୬(ଓଡ଼ିଶା ଡ଼ଟ୍ କମ୍) –କଣାସ ବ୍ଲକ ଅନ୍ତର୍ଗତ ପାଣ୍ଡିଆକେରା ପଞ୍ଚାୟତର ବାଙ୍କତଳ ପ୍ରକଳ୍ପ ପ୍ରାଥମିକ ବିଦ୍ୟାଳୟ କାନ୍ଥ ଭୁଶୁଡିବାରୁ ଏକ ବଡ ଧରଣର ଅଘଟଣ ମଧ୍ୟରୁ ୪୩ ଜଣ ଛାତ୍ରଛାତ୍ରୀ ଅଳ୍ପକେ ବର୍ତି ଯାଇଛନ୍ତି ।

ଏହି ପ୍ରକଳ୍ପ ପ୍ରାଥମିକ ବିଦ୍ୟାଳୟର ନିଜସ୍ୱ ଗୃହ ନଥିବାରୁ ଗ୍ରାମ କୋଠାଘରେ ଚାଲିଥିଲା । ସୋମବାର ଦିନ ବିଦ୍ୟାଳୟର ଏକ ପଥରକାନ୍ଥ ସୋମବାର ଭାଙ୍ଗି ପଡ଼ିଥିଲା ।

ଛାତ୍ରଛାତ୍ରୀ ପ୍ରାର୍ଥନା କରୁଥିବାବେଳେ ମଟ ମଟ ଶବ୍ଦ ଶୁଣି ଭିତରେ ଥିବା ୪୩ ଜଣ ଛାତ୍ରଛାତ୍ରୀ ଜୀବନ ବିକଳରେ ବାହାରକୁ ପଳାଇ ଆସିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୪ (ଓଡ଼ିଶା ଡ଼ଟ୍ କମ୍)–ଶିଶୁ ଅଧିକାର ସପ୍ତାହ ପାଳନ ଅବସରରେ ପିପୁଲସ କଲଚରାଲ ସେଂଟର ତରଫରୁ ଆସନ୍ତା ନଭେମ୍ବର ୧୪ ତାରିଖ ଶିଶୁ ଦିବସ ଠାରୁ ନଭେମ୍ବର ମାସ ୨୦ ତାରିଖ ବିଶ୍ୱ ଶିଶୁ ଅଧିକାର ଦିବସ ପର୍ଯ୍ୟନ୍ତ ପିକକ୍ ଶିଶୁମେଳା ଅନୁଷ୍ଠିତ ହେବ ।

ୟୁନିଟ-୩ ଏକାମ୍ର ହାଟରେ ଅନୁଷ୍ଠିତ ହେବାକୁ ଥିବା ଏକ ସପ୍ତାହବ୍ୟାପି ଏହି ଶିଶୁ ମେଳାରେ ପ୍ରତ୍ୟେକ ସଂଧ୍ୟାରେ ପିଲାମାନଙ୍କ ଦ୍ୱାରାଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ସହ ବିଭିନ୍ନ ପ୍ରତିଯୋଗିତାମାନ ଅନୁଷ୍ଠିତ ହେବ ।

ସଂଗୀତ ପ୍ରତିଯୋଗିତା, ଆଧୁନିକ ନୃତ୍ୟ ପ୍ରତିଯୋଗିତା, କୌତୁକ ପୋଷାକ ପ୍ରତିଯୋଗିତା, ରାଇମସ ପ୍ରତିଯୋଗିତା, ଟ୍ୟାଲେଂଟ ହଟ ପ୍ରତିଯୋଗିତା, କୁଇଜ୍ ପ୍ରତିଯୋଗିତା, ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାମାନ ଅନୁଷ୍ଠିତ ହେବ ।

ଏଥିସହିତ ନୃତ୍ୟ ଉତ୍ସବ, ଶିଶୁ ନାଟକ ଉତ୍ସବ ଅନୁଷ୍ଠିତ ହେବାକୁ ଥିବା ବେଳେ ବାଜିରାଉତ ସମ୍ମାନ, ପ୍ରାଣନାଥ ପଟ୍ଟନାୟକ ସ୍ମାରକୀ ସମ୍ମାନ, ଶିଶୁ ପ୍ରତିଭା ସମ୍ମାନ, ସ୍ୱରୂପ ଜେନା ସ୍ମାରକୀ ସମ୍ମାନ,ଶିଶୁ ଅଧିକାର ସୁରକ୍ଷା ସମ୍ମାନ ଓ ଶିଶୁ ସାଥି ସମ୍ମାନ ପ୍ରଦାନ କରାଯିବ ।

ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଇଛୁକ ଥିବା କିମ୍ବା ଦଳଗତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ପାଇଁ ଆଗ୍ରହୀ ଛାତ୍ରଛାତ୍ରୀମାନେ ପିକକ୍ କାର୍ଯ୍ୟାଳୟ ଫୋନ ନମ୍ବର ୦୬୭୪-୨୩୮୨୧୭୫ରେ ଯୋଗାଯୋଗ କରିବାକୁ ଅନୁଷ୍ଠାନର ସଂପାଦକ ରଂଜନ ମହାନ୍ତି ଅନୁରୋଧ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅକ୍ଟେବର ୫ (ଓଡ଼ିଶା ଡ଼ଟ୍ କମ୍) – ସମାଜର ୯୩ ବର୍ଷ ପୂର୍ତି ଅବସରରେ ରାଜ୍ୟବ୍ୟାପୀ ଅନୁଷ୍ଠିତ ହୋଇ ଯାଇଛି ‘ସଦିଚ୍ଛାମୂଳକ ଗଣଦୌଡ’ ।

ରାଜଧାନୀ ଭୁବନେଶ୍ୱରରେ କୃଷି ମନ୍ତ୍ରୀ ଦେବୀ ମିଶ୍ର, ସୂଚନା-ଲୋକସମ୍ପର୍କ ଏବଂ ଶକ୍ତିମନ୍ତ୍ରୀ ଅରୁଣ ସାହୁ, ଯୋଗ ଦେଇଥିବା ବେଳେ ଜୟପୁରରେ ମନ୍ତ୍ରୀ ରବି ନନ୍ଦ ଯୋଗଦେଇଥିଲେ ।

ବିଭିନ୍ନ ସହରରେ ସ୍ଥାନୀୟ ବିଧାୟକ, ସାଂସଦ, ନଗରପାଳ, ସ୍ୱାଧୀନତା ସଂଗ୍ରାମୀ,ଜିଲାପାଳ, ଏସପି, ଅଥବା ପ୍ରଶାସନୀକ ଅଧିକାରୀମାନଙ୍କ ଦ୍ୱାରାଦୋଡ଼ କାର୍ଯ୍ୟକ୍ରମ ଶୁଭାରମ୍ଭ କରାଯାଇଥିଲା ।

ମୋଟ ୩୨ଟି ସହର ଏବଂ କଲିକତାରେ ଅନୁଷ୍ଠିତ ଗଣଦୌଡରେ କୁନି କୁନି ପିଲାଙ୍କଠାରୁ ଆରମ୍ଭକରି ବରିଷ୍ଠ ନାଗରିକ ପର୍ଯ୍ୟନ୍ତ ଶହଶହ ସଂଖ୍ୟାରେ ସ୍ୱତଃସ୍ଫର୍ତଭାବେ ଭାଗ ନେଇଥିଲେ ।

ବିଭିନ୍ନ ସ୍କୁଲ ଓ କଲେଜର ଛାତ୍ରଛାତ୍ରୀଙ୍କଠାରୁ ଆରମ୍ଭକରି ଯୁବକ ଯୁବତୀ, ସମାଜସେବୀ, କ୍ରୀଡ଼ାବିତ, ନେତା, ଅଭିନେତା, ମନ୍ତ୍ରୀ, ଅଫିସର ଏହି ଦୋଡ଼ରେ ଭାଗ ନେଇଥିଲେ ।

ଓଡ଼ିଶା ଡ଼ଟ୍ କମ୍