ଜଗତସିଂପୁର

ଭୁବନେଶ୍ୱର ଏପ୍ରିଲ ୩୦ (ଓଡିଶା ଡଟ କମ) ଗୁରୁବାର ସକାଳ ଓ ଦିନ ୧୨.୩୦ ମଧ୍ୟରେ ଉପକୂଳ ଓଡିଶାର କେତେକ ସ୍ଥାନରେ ବର୍ଷା ଓ ଝଡ ତୋଫାନ ହେବାର ସମ୍ଭାବନା ଥିବା ଭୁବନେଶ୍ଵର ପାଣିପାଗ କାର୍ଯ୍ୟ।ଳୟ କହିଛି ।

ଉପଗ୍ରହ ମାଧ୍ୟମରେ ଉତ୍ତୋଳିତ ଚିତ୍ରରୁ ଏହାର ସଂକେତ ମିଳିଛି ।

ବାଲେଶ୍ଵର, ଯାଜପୁର, ଭଦ୍ରକ, କେନ୍ଦ୍ରାପଡା ଓ ଜଗତସିଂପୁର ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ଝଡ ତୋଫାନ ଓ ବର୍ଷା ହେବା ସହ ୬୦ ରୁ ୭୦ କିଲୋମିଟର ବେଗରେ ପବନ ବହିବାର ସମ୍ଭାବନା ଥିବା ପାଣିପାଗ କାର୍ଯ୍ୟ।ଳୟ ଏକ ଇସ୍ତାହାରରେ ପ୍ରକାଶ କରିଛି ।

ଓଡିଶା ଡଟ କମ

ଓଡିଶା ଡଟ୍ କମ୍ ସମ୍ବାଦଦାତା

ଜଗତସିଂପୁର, ଜାନୁଆରୀ,୨୦(ଓଡିଶା ଡଟ୍ କମ୍)-ଠିକାଦାରଙ୍କ ସନ୍ଦେହଜନକ ମୃତ୍ୟକୁ ନେଇ ପାରାଦ୍ୱୀପ ତୈଳ ବିଶୋଧନାଗାରରେ ଶନିବାର ଦିନ ଯେଉଁ ଲଙ୍କାକାଣ୍ଡ ସୃଷ୍ଟି ହୋଇଥିଲା ଆଜି ପରିସ୍ଥିତିରେ ସୁଧାର ଆସିଛି । ମୃତ୍ୟୁ ଶ୍ରମିକ ପରିବାରକୁ ୬ ଲକ୍ଷ ୫୦ ହଜାର କ୍ଷତିପୂରଣ ଦିଆଯିବ ବୋଲି ଘୋଷଣା କରାଯାଇଛି ।

ଜିଲ୍ଲା ପ୍ରଶାସନ ଓ ଶ୍ରମିକ ସଂଗଠନର ଆଲୋଚନାପରେ କିଛି ସର୍ତରେ ଧାରଣା ପ୍ରତ୍ୟାହାର ହୋଇଛି । କିନ୍ତୁ ଏହି ଘଟଣା ପାଇଁ ଜିଲ୍ଲା ପ୍ରଶାସନକୁ ଦାୟୀ କରିଛନ୍ତି ସ୍ଥାନୀୟ ବିଧାୟକ ତଥା ସ୍ୱାସ୍ଥ୍ୟମନ୍ତ୍ରୀ ଦାମୋଦର ରାଉତ ।

ସେ କହିଛନ୍ତି ପ୍ରଶାସନର ଛତ୍ରଛାୟାତଳେ ରହି ତୈଳ ବିଶୋଧନାଗାରର କିଛି ଦୁର୍ନୀତିଗସ୍ତ ପଦାଧିକାରୀ,ଅପରାଧ ପ୍ରବଣ ବ୍ୟକ୍ତିବିଶେଷ ଓ ଯୁବଗୋଷ୍ଠି ଏଭଳି ପରିସ୍ଥିତି ସୃଷ୍ଟି କରିଛନ୍ତି ।

କିନ୍ତୁ ଏହାକୁ ଖଣ୍ଡନ କରିଛନ୍ତି ଜଗତସିଂପୁର ଜିଲ୍ଲା ପାଳ ସତ୍ୟ କୁମାର ମଲ୍ଲିକ । ସେ କହିଛନ୍ତି ଏ ଘଟଣାପାଇଁ ଜଲ୍ଲା ପ୍ରଶାସନ ଦାୟୀନୁହେଁ । କୌଣସି ଘଟଣାବଳିକୁ ଜିଲ୍ଲା ପ୍ରଶାସନ ପ୍ରଶୟ ଦେବ ନାହିଁ କି ଦେଉ ନାହିଁ । ଯାହା ଘଟୁଛି କୌଣସି ଏକ ଘଟଣା ଚକ୍ରରେ ଘଟି ଯାଉଛି ।

କୁଜଙ୍ଗ ବ୍ଲକ ତ୍ରିଲୋଚନପୁର ଗାଁର ସଂଜୟ ପାଳ ଆଇଓସିଏଲ୍ ପ୍ରକଳ୍ପର ଆଇଓଟେପ୍ ଇନଫ୍ରା କମ୍ପାନୀରେ ଠିକାକାମ କରୁଥିଲେ । ରାତିରେ କାର୍ଯ୍ୟ ଚାଲୁଥିବାରୁ ସେ ଶୁକ୍ରବାର ରାତିରେ ଘରକୁ ନଫେରି କମ୍ପାନୀ ପରିସରରେ ରହିଯାଇଥିଲେ ।

ଶନିବାର ସକାଳେ ଶ୍ରମିକମାନେ କାମ କରିବାକୁ କମ୍ପାନୀ ଭିତରକୁ ଯିବାବେଳେ ସଞ୍ଜୟଙ୍କ ମୃତଦେହ ଝୁଲନ୍ତା ଅବସ୍ଥାରେ ୯ନଂ. ଟାଙ୍କି ସିଡିିରେ ଝୁଲୁଥିବା ଦେଖିବାକୁ ମିଳିଥିଲା । ସଞ୍ଜୟଙ୍କ ମୃତ୍ୟୁ ଖବର ବିଦ୍ୟୁତ ବେଗର ପ୍ରଚାର ହୋଇଯାଇଥିଲା ।

ଖବରପାଇ ନିକଟସ୍ଥ ତ୍ରିଲୋଚନପୁର ଗାଁର ହଜାର ହଜାର ମହିଳା ଓ ପୁରୁଷ ଆଇଓସିଏଲ୍ ଫାଟକ ନିକଟରେ ପହଞ୍ଚିଥିଲେ । ଶ୍ରମିକମାନେ ମଧ୍ୟ ଫାଟକ ନିକଟରେ ଏକତ୍ର ହୋଇଥିଲେ । ଲୋକେ ସଞ୍ଜୟଙ୍କ ମୃତଦେହ ଦେଖିବାକୁ ଚାହିଁଥିଲେ ମଧ୍ୟ ସିଆଇଏସଏଫ ଯବାନ ସେମାନଙ୍କୁ କମ୍ପାନୀ ଭିତରକୁ ଛାଡିନଥିଲେ । ଏହାକୁ ନେଇ ସ୍ଥାନୀୟ ଲୋକ ଓ ଶ୍ରମିକଙ୍କ ସହ ସିଆଇଏସଏଫ୍ ଯବାନଙ୍କ ପାଟିତୁଣ୍ଡ ହୋଇଥିଲା ।

ଉତ୍ୟକ୍ତ ଲୋକେ ୧ନମ୍ବର ଫାଟକ ନିକଟରେ ଧାରଣାରେ ବସି ପ୍ରକଳ୍ପ ଭିତରକୁ କାହାରିକୁ ଛାଡିନଥିଲେ । ଫାଟକ ନିକଟରୁ ଉଠାଇବା ପାଇଁ ସିଆଇଏସଏଫ୍ ଯବାନ ଲୋକଙ୍କୁ ଅନୁରୋଧ କରି ବିଫଳ ହେବାପରେ ଲାଠିମାଡ କରିଥିଲେ ।

ଜବାବରେ ଲୋକେ ମଧ୍ୟ ଢେଲାପଥର ମାଡ କରିଥିଲେ । ପରିସ୍ଥିତି ଅଧିକ ଜଟିଳ ହେବାରୁ ଯବାନ ମାନେ ୩ରାଉଣ୍ଡ ଫାଙ୍କା ଗୁଳିଚାଳନା କରିଥିଲେ । ଗୁଳିଚାଳନା ଦେଖି ଲୋକମାନେ ଜୀବନ ବିକଳରେ କିଏ କୁଆଡେ ଦୌଡି ପଳାଉଥିବାବେଳେ ସିଆଇଏସଏଫ୍ ଯବାନ ଶ୍ରମିକଙ୍କୁ ଗୋଡେଇ ଗୋଡେଇ ପିଟିଥିଲେ । ଏଥିରୁ ମହିଳା ବି ବାଦ ପଡିନଥିଲେ ।

ଲାଠି ମାଡରେ ତ୍ରିଲୋଚନପୁର ଗାଁର ରଥି ବେହେରା, ସୁଧୀର ପଣ୍ଡା, ଅମୂଲ୍ୟ ପଲାଇ, ଅମର ବେହେରା, ନରେଶ ବେହେରା, ଚାରୁ ବେହେରା, ନରି ପ୍ରଧାନ, ଅଧିର ଦାସ, ଅମିର ଦାସ, ରଂଜନ ନାୟକ, ବାବୁଲି ପଲାଇ, ରାଧୁ ଦାସ, ମାଧ ପାତ୍ର, ପ୍ରଶାନ୍ତ ବିଶ୍ୱାଳ, ଦିଲିପ ପାତ୍ର, ଚୁଟିଆ ଭୋଳ, ସୁଲୋଚନା ପ୍ରଧାନ, ଦମୟନ୍ତୀ ଦାସ, ଶକୁନ୍ତଳା ଚୈନୀ, ଭାରତୀ ବେହେରା, ସୁକାନ୍ତୀ ନାୟକ, କାଞ୍ଚନ ମହାନ୍ତି, ମଙ୍ଗରାଜପୁର ଗାଁର ପ୍ରମୋଦ ତରାଇ, ମାହାଳ ଗାଁର ରଂଜନ ଜେନା ପ୍ରମୁଖ ଆହତ ହୋଇଛନ୍ତି ।

ଆହତମାନେ କୁଜଙ୍ଗ, ଆଇଓସିଏଲ୍, ଅଠରବାଙ୍କି ଡାକ୍ତରଖାନାରେ ଚିକିତ୍ସିତ ହୋଇ ଘରକୁ ଫେରିଥିବା ବେଳେ ବେଳେ ୫ ଜଣ ଗୁରୁତର ଅବସ୍ଥାରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ପ୍ରତିବାଦରେ ମା’ ବୈଦେହୀ ଶ୍ରମିକ ସଂଘ ପକ୍ଷରୁ ୧ନମ୍ବର ଫାଟକ ସମ୍ମୁଖରେ ଧାରଣା ଦିଆଯାଇଛି ।

ସଂଘର ନେତା ରାକେଶ ପଟ୍ଟନାୟକ ଓ ବାବୁରାମ ଚୌଧୁରୀଙ୍କ ନେତୃତ୍ୱରେ ହଜାରେରୁ ଅଧିକ ଶ୍ରମିକ ଓ ସ୍ଥାନୀୟ ଲୋକ ଧାରଣାରେ ବସି ମୃତ ଠିକାଦାରଙ୍କ ପରିବାରକୁ ୫୦ଲକ୍ଷ ଟଙ୍କାର କ୍ଷତିପୂରଣ, ତଦନ୍ତ ଦାବି କରିବା ସହ ଆଇଓସିଏଲ୍ ପ୍ରକଳ୍ପ ସୁରକ୍ଷା ଦାୟିତ୍ୱରୁ ସିଆଇଏସଏଫ୍କୁ ବରଖାସ୍ତ କରିବାକୁ ଦାବି କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଜଗତସିଂପୁର, ଜାନୁଆରୀ ୧୬(ଓଡିଶା ଡଟ୍ କମ୍)-ପ୍ରସ୍ତାବିତ ପୋସ୍କୋ ଅଞ୍ଚଳର ଗୋବିନ୍ଦପୁର-ନୂଆଗାଁ ସୀମା ବଟବେଲାରି ବାଲିଟିକିରାରେ ପୋସ୍କୋ ହଟାଇବା ଦାବିନେଇ ବିରୋଧୀମାନେ ଅନିର୍ଦିଷ୍ଟ କାଳ ପାଇଁ ଚଳାଇଥିବା ଧାରଣା ବୁଧବାର ଦିନ ତୃତୀୟ ଦିନରେ ପହଞ୍ଚିଛି ।

ବୁଧବାର ଦିନ ସକାଳୁ ଧାରଣାରେ ଶିଶୁ, ବୃଦ୍ଧ ଓ ମହିଳାଙ୍କୁ ଅଧିକ ସଂଖ୍ୟାରେ ସାମିଲ କରାଯାଇଛି । ବୁଧବାର ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ ଯୋଗଦେବାର କାର୍ଯ୍ୟକ୍ରମ ରହିଛି ।

ସୋମବାରଠାରୁ ରାଜସ୍ୱ କମିଶନରଙ୍କ ପାରାଦ୍ୱୀପ ଗସ୍ତ ଥିବାରୁ ସେ ମଧ୍ୟ ବୁଧବାର ପୋସ୍କୋ ଅଞ୍ଚଳ ଗସ୍ତ କରିବା ସମ୍ଭାବନା ରହିଛି ।ମଙ୍ଗଳବାର ଦିନ ଜଗତସିଂହପୁର ସାଂସଦ ବିଭପ୍ରସାଦ ତରାଇ ବିରୋଧୀଙ୍କ ଧାରଣାରେ ଯୋଗଦେଇ ଆନ୍ଦୋଳନକୁ ଆହୁରି ଜୋରଦାର କରିବାକୁ ସମର୍ଥନ ଜଣାଇଛନ୍ତି ।

ପୂର୍ବରୁ ପୋସ୍କୋ ବିରୋଧୀ ନେତା ଅଭୟ ସାହୁ ଓ ଭିଟାମାଟି ସୁରକ୍ଷା ଜନମଞ୍ଚ ସଭାପତି ଜୟନ୍ତ ବିଶ୍ୱାଳଙ୍କ ନେତୃତ୍ୱରେ ପ୍ରତିବାଦକାରୀମାନେ ଏକ ବିରାଟ ଶୋଭାଯାତ୍ରାରେ ଆସି ପହଞ୍ଚିବା ପରେ ଧାରଣାରେ ବସିଥିଲେ । ଢିଙ୍କିଆ, ଗୋବିନ୍ଦପୁର ଓ ପାଟଣା ଗ୍ରାମରୁ ହଜାର ହଜାର ପୋସ୍କୋ ବିରୋଧୀ ଏହି ଶୋଭାଯାତ୍ରାରେ ଆସିଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍: ଅମରନାଥ ପରିଡା

ଜଗତସିଂପୁର, ଜାନୁଆରୀ ୧୫(ଓଡିଶା ଡଟ୍ କମ୍)-ପୋସ୍କୋକୁ ହଟାଇବା ଦାବିରେ ମଙ୍ଗଳବାର ହେବାକୁ ଥିବା ଧାରଣାରେ ସାଂସଦ ବିଭୁପ୍ରସାଦ ତରାଇ ଓ ବିଶିଷ୍ଟ ଶ୍ରମିକ ନେତା ତଥା ବିଶ୍ୱମାନବିକ ଅଧିକାର ସଭ୍ୟ ଅଭିନ୍ନ ହୋତା ଯୋଗଦେବେ ବୋଲି ଜଣାପଡିଛି ।

ଏଥିସହିତ ଧାରଣାରେ ଶହଶହ ଶିଶୁ, ବୃଦ୍ଧ ଓ ମହିଳା ଭାଗ ନେବେ । ତେବେ ସୋମବାର ଠାରୁଆହୁରି ଅଧିକ ସଂଖ୍ୟାରେ ଲୋକଙ୍କୁ ସାମିଲ କରାଯିବ ବୋଲି ଆୟୋଜକମାନେ ସୂଚନା ଦେଇଛନ୍ତି ।

ପ୍ରସ୍ତାବିତ ପୋସ୍କୋ ଅଞ୍ଚଳର ଗୋବିନ୍ଦପୁର ନିକଟ ବଟବେଲାରି ବାଲିଟିକିରାରେ ପୋସ୍କୋକୁ ହଟାଇବା ଦାବିରେ ସୋମବାର ଦିନ ବିରୋଧୀ ନେତା ଅଭୟ ସାହୁ ଓ ଭିଟାମାଟି ସୁରକ୍ଷା ଜନମଞ୍ଚ ସଭାପତି ଜୟନ୍ତ ବିଶ୍ୱାଳଙ୍କ ନେତୃତ୍ୱରେ ବହୁ ଲୋକ ଏକ ବିରାଟ ଶୋଭାଯାତ୍ରରେ ଆସି ପ୍ରତିବାଦ ସଭା କରିବା ସହ ଧାରଣାରେ ବସିଥିଲେ ।

ପଶ୍ଚିମବଙ୍ଗ ସାଂସଦ ତଥା କୃଷକ ସଭାର ରାଷ୍ଟ୍ରୀୟ ଅଧ୍ୟକ୍ଷ ପ୍ରବୋଧ ପଣ୍ଡା ଏଥିରେ ଯୋଗଦେଇ ରାଜ୍ୟ ଓ କେନ୍ଦ୍ର ସରକାରଙ୍କ ତ୍ରୁଟିପୂର୍ଣ୍ଣ ନୀତିକୁ କଡ଼ା ସମାଲୋଚନା କରିଥିଲେ ।

ଅନ୍ୟମାନଙ୍କ ମଧ୍ୟରେ ଆଇ.ଏନ୍.ଟି.ୟୁ.ସିର ରାଜ୍ୟ ସମ୍ପାଦକ ତଥା କଂଗ୍ରେସ ନେତା ଜୟନ୍ତବିଶ୍ୱାଳ,ସିପିଆଇ ରାଜ୍ୟ ସହ ସମ୍ପାଦକ ଆଶିଷ କାନୁଗୋ ପ୍ରମୁଖ ଯୋଗଦେଇ ପୋସ୍କୋ ପ୍ରକଳ୍ପକୁ ଏହି ଅଂଚଳରୁ ତୁରନ୍ତ ପ୍ରତ୍ୟାହର କରାନଗଲେ ଆଗାମୀ ଦିନରେ ଆନେ୍ଦାଳନକୁ ଆହୁରି ଜୋରଦାର କରାଯିବ ବୋଲି କହିଥିଲେ ।

ଓଡିଶା ଡଟ୍ କମ୍

 

ଓଡିଶା ଡଟ୍ କମ୍ ସମ୍ବାଦଦାତା

ଜଗତସିଂପୁର,ନଭେମ୍ବର ୩୦(ଓଡିଶା ଡଟ୍ କମ୍)-କେବଳ ପସ୍କୋ କଂପାନୀ ନୁହେଁ ସବୁ ବିଦେଶୀ କଂପାନୀ ଉପରେ ବ୍ରେକ ଲାଗିବା ଉଚିତ୍ । ଏହାଛଡା ଜମି ଅଧିଗ୍ରହଣ ନେଇ ଗ୍ରାମ ସଭାରେ ଅନୁମତି ପାଇଁ ଆଇନ ହେବା ଉଚିତ୍ ବୋଲି ଆନ୍ନା ହଜାରେ ତିନିଦିନିଆ ଓଡିଶା ଗସ୍ତରେ ଆସି ଜଗତସିଂପୁର ଠାରେ ଏହା କହିଛନ୍ତି ।

ଶୁକ୍ରବାର ନବନିର୍ମିତ କୃଷକ ସଂଗଠନ ପକ୍ଷରୁ ଆୟୋଜିତ ରାଜ୍ୟସ୍ତରୀୟ କୃଷକ ସମାବେଶରେ ଯୋଗଦେଇ ଆନ୍ନା କହିଛନ୍ତି ଆମର ଜମି ଖରାପ ହେଉଛି,ଆମର ପାଣି ଖରାପ ହେଉଛି,କଂପାନୀମାନଙ୍କ ଦ୍ୱାରାଆମର ସବୁ କିଛି ଖରାପ ହେଉଛି ଓ ଆମ ଅର୍ଥକୁ ସେମାନେ ଲୁଟକରି ନେଇ ଯାଉଛନ୍ତି ।

ଦିଲ୍ଲିରେ ବସି କମ୍ବା ବିଧାନସଭାରେ ବସି ସାଧାରଣ ଚାଷୀଙ୍କର ଜମି ନେଇ ପାରିବେ ନାହିଁ । ଯଦି ଜମି ନବାର ଅଛି ଗ୍ରାମ ସଭା ପାଇଁ ଆଇନ ତିଆରି କରିବାର ଅଛି । ସରକାର ସାଧରଣ ଜନତାଙ୍କୁ ଡରୁଛି । ଯଦି ଦେଶର ଜନତା ସଂଗଠିତ ହୋଇଯିବେ ଦୁର୍ନୀତି ଗସ୍ତ ସରକାର ଭାଙ୍ଗି ଯିବ । ତେଣୁ ଦୁର୍ନୀତିଗ୍ରସ୍ତ ଜନପ୍ରତିନିଧିଙ୍କୁ ଗାଦିଚୁ୍ୟତ କରିବାକୁ ଆନ୍ନା ଆହ୍ୱାନ ଦେଇଥିଲେ ।

ସେ କହିଲେ ଦେଶ ୬୫ ବର୍ଷ ହେବ ସ୍ୱାଧୀନ ହେଲାଣି । ଗୋରା ଯାଇଛନ୍ତି କଳା ଆସିଛନ୍ତି । ଦେଶର ଉନ୍ନତି ଅପେକ୍ଷା ଭଷ୍ଟ୍ରାଚାର ଅଧିକ ବଢ଼ିଛି । ତଳସ୍ତରରୁ ସଂସଦ ପର୍ଯ୍ୟନ୍ତ ଭ୍ରଷ୍ଟାଚାର ଭର୍ତି ହୋଇ ରହିଛି ।

ଦେଶର ଭ୍ରଷ୍ଟାଚାରକୁ ଦୂରୀଭୂତ କରିବାକୁ ହେଲେ ଯୁବଶକ୍ତିଙ୍କୁ ଅଣ୍ଟା ଭିଡ଼ିବାକୁ ପଡିବ । ତାଙ୍କ ଲଢ଼େଇ କେବଳ ଜନ ଲୋକପାଳ ବିଲରେ ସୀମିତ ତାହା ନୁହେଁ । ଭ୍ରଷ୍ଟାଚାରକୁ ମୂଳୋତ୍ପାଟନ କରିବା ପର୍ଯ୍ୟନ୍ତ ସେ ଲଢ଼ିବେ ।

ଦେଶର ଉନ୍ନତି କରିବାକୁ ହେବ । ଏହା ସହଜ ନୁହେଁ । ଏଥିପାଇଁ କେବଳ ଲାଠି, ଗୁଳିମାଡ଼ ଖାଇବାକୁ ହେବନି । ଜେଲ ଯିବାକୁ ପଡିବ । ଦେଶ ଏବେ ସେମାନଙ୍କର ବଳିଦାନ ଚାହୁଁଛି । ଯେଉଁମାନେ ଜେଲ ଯିବାକୁ ଓ ଗୁଳିମାଡ଼ ଖାଇବାକୁ ପ୍ରସ୍ତୁତ ସେମାନେ ଆଗେଇ ଆସନ୍ତୁ ବୋଲି ଆହ୍ୱାନ ଦେଇଥିଲେ ଅନ୍ନା ।

ସମାବେଶ ସ୍ଥଳରେ ଆନ୍ନା ପହଞ୍ଚିବା ପୂର୍ବରୁ ରାସ୍ତାସାରା ତାଙ୍କୁ ଉଛସ୍ୱିତ ସମ୍ପର୍ଦ୍ଧନା ଜ୍ଞାପନ କରାଯାଇଥିଲା । ନିର୍ଦ୍ଧାରିତ ସମୟରେ ଆନ୍ନା ପହଞ୍ଚିଥିଲେ ଜଗତସିଂପର ଗାନ୍ଧି ଛକରେ । ସେଠାରୁ ଏକ ବିଶାଳ ଶୋଭାଯାତ୍ରାରେ ଯାଇ ସେ ପହଞ୍ଚିଥିଲେ ଜିଲ୍ଲାପାଳ ପଡିଆରେ । ସେଠାରେ ଆନ୍ନାଙ୍କ ମୁହଁରୁ ବିପ୍ଲବର କଥା ଶୁଣିବାକୁ ଅନାଇ ବସିଥିଲେ ହଜାର ହଜାର ଚାଷୀ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପାରାଦୀପ,ନଭେମ୍ବର ୬(ଓଡ଼ିଶା ଡ଼ଟ୍ କମ୍) -ପାରାଦୀପ ଉପକୂଳରେ ଚାଲିଛି ଦୁଇ ଦିନିଆ ମିଳିତ ସମରଭ୍ୟାସ ‘ହମଲା’ । ଏଥିରେ ଭାରତୀୟ ନୈାସେନା,ତଟରକ୍ଷୀ ବାହିନୀ ଓ ଓଡିଶା ପୋଲିସ ଭାଗ ନେଇଛନ୍ତି ।

ଏଥର ପଡୋଶୀ ପଶ୍ଚିମବଙ୍ଗକୁ ବାଦ ଦିଆଯାଇ କେବଳ ଓଡିଶା ଉପକୂଳରେ ସମରଭ୍ୟାସ କରାଯାଉଛି । ଏଥର ପ୍ରଥମକରି ଓଡିଶା ପୋଲିସର ମହିଳା କର୍ମଚାରୀଙ୍କୁ ସାମିଲ କରାଯାଇଛି ।

ଜଗତସିଂପୁର ଆରକ୍ଷୀ ଅଧିକ୍ଷକ ସତ୍ୟବ୍ରତ ଭୋଇ କହିଛନ୍ତି ଏହି ସମରଭ୍ୟାସ ନିତାନ୍ତ ଦରକାର । ଜଳପଥରେ ସନ୍ତ୍ରାସବାଦୀମାନେ ଆକ୍ରମଣକଲେ ତାହାର କିପରି ମୁକାବିଲା କରାଯାଇ ପାରିବ ଏହି ସମରଭ୍ୟାସରେ ଶିକ୍ଷା ଦିଆଯାଉଛି ।

ଓଡ଼ିଶା ଡ଼ଟ୍ କମ୍