• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
    • ଓଡିଆ ଶିକ୍ଷା
  • କପି ରାଇଟ
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଜଗତସିଂହପୁର

ପୋସ୍କୋ ବିରୋଧିଙ୍କୁ ଭେଟିବା ପାଇଁ ଭିଡ଼

December 2, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍:ଅମରନାଥ ପରିଡ଼ା

ଜଗତସିଂହପୁର,ଡ଼ିସେମ୍ବର୨(ଓଡ଼ିଶା ଡ଼ଟ୍ କମ୍)କିଛିିଦିନ ତଳେ ପୋସ୍କୋ ବିରୋଧି ନେତା ଅଭୟ ସାହୁଙ୍କୁ ବିଭିନ୍ନ ମାମଲାରେ ଜଡ଼ିତ ଥିବା ଦର୍ଶାଇ ପୋଲିସ ଗିରଫ କରିବା ପରେ ତାଙ୍କ ସମର୍ଥକଙ୍କୁ ଭେଟିବା ପାଇଁ ଜଗତସିଂହପୁର ଜିଲ୍ଲାକୁ ସେଛ୍ୱାସେବୀ ଓ ମାନବାଧିକାର କର୍ମୀଙ୍କ ସୁଅ ଛୁଟିଛି ।

ସାହୁଙ୍କୁ ବିନା ଦୋଷରେ ତଥା ପୋସ୍କୋ ବିରୋଧି ଆନ୍ଦୋଳନକୁ ଚପାଇ ଦେବା ପାଇଁ ଗିରଫ କରାଯାଇଥିବା ତାଙ୍କ ସମର୍ଥକମାନଙ୍କ ଅଭିଯୋଗ ପରେ ଏହି କର୍ମୀ,ନେତା ଓ ବିଶେଷଜ୍ଞମାନେ ଏହାର ସତ୍ୟାସତ୍ୟ ଅନୁସନ୍ଧାନ ପାଇଁ ପହଂଚିଥିବା କୁହାଯାଉଛି ।

ପିଇଉସିଏଲ୍ ର ଜାତୀୟ ସାଧାରଣ ସଂପାଦିକା କବିତା ଶ୍ରୀବାସ୍ତବ ପୋସ୍କୋ ବିରୋଧୀଙ୍କ ଗଡ଼ ରୂପେ ପରିଚିତ ଢିଙ୍କିଆ ଓ ଗୋବିନ୍ଦପୁର ଗ୍ରାମକୁ ଯାଇ ସେଠାରେ ଗ୍ରାମବାସୀମାନଙ୍କ ସହ କଥାବାର୍ତ୍ତା କରିଥିଲେ । ତାଙ୍କ ସହ ମାନବାଧୀକାର ସୁରକ୍ଷା ପାଇଁ ୧୯୭୬ ରୁ କାମ କରିଆସିଥିବା ଏହି ସଂଗଠନର ରାଜ୍ୟ ସଂପାକ ପ୍ରମୋଦିନୀ ପ୍ରଧାନ ମଧ୍ୟ ଥିଲେ ।

ସିପିଆଇ ର ବରିଷ୍ଠନେତା ଏ.ବି.ବର୍ଦ୍ଧନ,ଡ଼ି.ରାଜାଙ୍କ ସମେତ ଅନ୍ୟାନ୍ୟ ରାଜ୍ୟସ୍ତରୀୟ ନେତା ରାମକୃଷ୍ଣ ପଣ୍ଡା ଓ ନାରାୟଣ ରେଡ୍ଡି ସେହି ଅଞ୍ଚଳକୁ ଯାଇ ଲୋକମାନଙ୍କ ସହ ଆଲୋଚନା କରିଥିଲେ । ସେହିପରି ସେମାନେ ଗୋବିନ୍ଦପୁର ଓ ନୂଆଗାଁ ରେ ଧାରଣା ଦେଇଥିବା ମହିଳାମାନଙ୍କ ସହ କଥାବାର୍ତା ହେବା ସହ ସମବେଦନା ଜଣାଇଥିଲେ ।

ଠିକ୍ ସେହିପରି ମିଳିତ ଜାତିସଂଘର ମାନବାଧିକାର ସେଲ ର ସଭ୍ୟ ମିଲନ କୋଠାରୀଙ୍କ ସମେତ ଅନ୍ୟ ତିନି ଜଣ ଢିଙ୍କିଆ ପହଂଚିଥିଲେ । ଗ୍ରାମବାସୀ ତାଙ୍କ ସମ୍ମୁଖରେ ଅଭିଯୋଗ କରିଥିଲେ ଯେ,ପୋଲିସ ପ୍ରାୟ ୮୦୦ଜଣ ସ୍ଥାନୀୟ ବାସିନ୍ଦାଙ୍କ ନାମରେ ମିଥ୍ୟା ମାମଲା ରୁଜୁ କରିଛି । ତେଣୁ ସେମାନେ ଆତଙ୍କିତ ହୋଇ ଗିରଫ ଭୟରେ ଘରୁ ବାହାରୁ ନଥିବା ଦର୍ଶାଇଥିଲେ ।

ଗ୍ରାମବାସୀମାନେ କହିଥିଲେ ଯେ,ଉକ୍ତ ଅଂଚଳରେ ସରକାର ଜନସାଧାରଣଙ୍କର ଶାନ୍ତିପୂର୍ଣ୍ଣ ଆନ୍ଦୋଳନ କୁ ଦବାଇବା ପାଇଁ ସମସ୍ତ ପ୍ରକାର ଚେଷ୍ଟା ଚଳାଇଛି । ତାଙ୍କୁ ଉପଯୁକ୍ତ ସୁରକ୍ଷା ଦିଆଯାଉ ବୋଲି ସେମାନେ ଦର୍ଶାଇଥିଲେ ।

ପୋସ୍କୋ ବିରୋଧୀ ନେତା ଶିଶିର ମହାପାତ୍ର ଏହି ଅଂଚଳକୁ ଯାଇଥିବା ସ୍ୱେଛାସେବୀ ଓ ମାନବାଧୀକାର କର୍ମୀଙ୍କୁ ଲୋକଙ୍କର ଦୁଃଖ ଦୁର୍ଦ୍ଦଶା ସଂପର୍କରେ ଜଣାଇଥିଲେ ।

ଉଲ୍ଲେଖଯୋଗ୍ୟ ଯେ, ଅଭୟଙ୍କ ନାମରେ ପ୍ରାୟ ୫୦ରୁ ଅଧିକ ଅପରାଧିକ ମାମଲା ରହିଥିବା ଦର୍ଶାଇ ପୋଲିସ ତାଙ୍କୁ ଗତ ସପ୍ତାହରେ ଗିରଫ କରିଛି । ସ୍ଥାନୀୟ କୋର୍ଟ ରେ ଜାମିନ ଆବେଦନ ଖାରଜ ହୋଇଯିବା ପରେ ସାହୁ ଏବେ ଚୌଦ୍ୱାର ଜେଲରେ ଅଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଜଗତସିଂହପୁର, ପୋସ୍କୋ

କୁଜଙ୍ଗ ବାଣ ବିସ୍ଫୋରଣରେ ମୃତ୍ୟୁସଂଖ୍ୟା ୩କୁ ବୃଦ୍ଧି

November 30, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୩୦(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲା କୁଜଙ୍ଗ ଅଞ୍ଚଳରେ ନିକଟରେ ହୋଇଥିବା ବାଣ ବିସ୍ଫୋରଣରେ ମୃତକଙ୍କ ସଂଖ୍ୟା ତିନିକୁ ବୃଦ୍ଧି ପାଇଛି ।

ବିସ୍ଫୋରଣରେ ଆହତ ହୋଇ ଚିକିତ୍ସିତ ହେଉଥିବା ଘୋମରା ଗ୍ରାମର ୪୦ ବର୍ଷ ବୟସ୍କ ବିଜନ ଜେନାଙ୍କ ବୁଧବାର କଟକ ବଡ଼ ଡ଼ାକ୍ତରଖାନାରେ ମୃତ୍ୟୁ ହୋଇଛି ।

ଗତ ୧୬ ତାରିଖରେ ହୋଇଥିବା ବିସ୍ଫୋରଣରେ ଜେନାଙ୍କର ଶରୀରର ୮୦ ପ୍ରତିଶତ ପୋଡ଼ିଯାଇଥିଲା । ପୂର୍ବରୁ ଆହତ ହୋଇ ଚିକିତ୍ସିତ ହେଉଥିବା ପିତୁନା ଜେନା ଏବଂ ଫକୀର ପାତ୍ରଙ୍କ ମୃତ୍ୟୁ ହୋଇଥିଲା ।

ମୃତକଙ୍କ ପରିବାର ବର୍ତମାନ ପର୍ଯ୍ୟନ୍ତ ଦାବି କରାଯାଇଥିବା କ୍ଷତିପୂରଣ ରାଶି ୫୦ ଲକ୍ଷ ଟଙ୍କା ଲେଖାଏଁ ପାଇ ନାହାନ୍ତି ବୋଲି ଗାଁ ମୁଖିଆ ମନୋଜ ପାତ୍ର ଅଭିଯୋଗ କରିଛନ୍ତି ।

“ବାଣ ବିସ୍ଫୋରଣରେ ମୋର ଏକମାତ୍ର ପୁତ୍ର ମୃତ୍ୟୁବରଣ କରିବାର ଏକ ସପ୍ତାହ ହୋଇଥିଲେ ମଧ୍ୟ କୌଣସି ପ୍ରକାର ସହାୟତା ମିଳି ନାହିଁ, ତେଣୁ ମୁଁ ବର୍ତମାନ ବଞ୍ଚିବା ପାଇଁ ଭିକ ମାଗୁଛି” ମୃତ ଫକୀର ପାତ୍ରଙ୍କ ବାପା ଧୀରେନ୍ଦ୍ର ପାତ୍ର କହିଛନ୍ତି ।

ବାଣ ବିସ୍ଫୋରଣରେ ସଂପୃକ୍ତ ବ୍ୟକ୍ତି ତଥା ଶାସକ ଦଳ ବିଧାୟକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି ।

ଏହି ଘଟଣାରେ ସଂପୃକ୍ତ ବ୍ୟକ୍ତିମାନେ ଫେରାର ଥିବାରୁ ସେମାନଙ୍କୁ ଗିରଫ କରାଯାଇପାରି ନାହିଁ ବୋଲି କୁଜଙ୍ଗ ଆଇଆଇସି ଗୁପ୍ତେଶ୍ୱର ଭୋଇ ଓଡ଼ିଶା ଡ଼ଟ୍ କମ୍ କୁ କହିଛନ୍ତି ।

ଗତ ୧୬ ତାରିଖରେ ବିଜୁ ଶ୍ରମିକ ସଂଠନ ଦ୍ୱାରା ପାରାଦ୍ଵୀପରେ ଆୟୋଜିତ ସଭାକୁ ଲୋକମାନେ ଶୋଭାଯାତ୍ରାରେ ଯାଉଥିବା ବେଳେ କୁଜଙ୍ଗ ନିକଟରେ ଏକ ଗାଡ଼ିରେ ଥିବା ବାଣ ବିସ୍ଫୋରଣ ହୋଇଥିଲା ଏବଂ ଏଥିରେ ଆଠ ଜଣ ଆହତ ହୋଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଓଡ଼ିଶା ଖବର, ଜଗତସିଂହପୁର, ବାଣ ବିସ୍ଫୋରଣ

ଲାଂଚନେଇ ରେକର୍ଡ଼ରୁମ୍ କର୍ମଚାରୀ ଗିରଫ

November 30, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍:ଅମରନାଥ ପରିଡ଼ା

ଜଗତସିଂହପୁର,ନଭେମ୍ବର ୩୦(ଓଡ଼ିଶା ଡ଼ଟ୍ କମ୍)ଜମିଜମା ସଂକ୍ରାନ୍ତୀୟ କାଗଜପତ୍ରର ନକଲ ଦେବା ପାଇଁ ଜଣେ ବ୍ୟକ୍ତିଙ୍କ ଠାରୁ ପାଂଚଶହ ଟଙ୍କା ଦ।ବି କରି ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ଥିବା ରେକର୍ଡ଼ ରୁମର ଜଣେ କର୍ମଚାରୀ ବୁଧବାର ଭିଜିଲାନସ ଦ୍ୱାରାଗିରଫ
ହୋଇଛନ୍ତି ।

ଭିଜିଲାନସ ଉପଅଧିକ୍ଷକ ବିଶ୍ୱନାଥ ମିଶ୍ରଙ୍କ ସୂତ୍ରରୁ ଜଣାପଡ଼ିଛି ଯେ,ବାଗୋଇ ଗ୍ରାମର ଦିଲ୍ଲୀପ କୁମାର ପଣ୍ଡା ତାଙ୍କ ଜମି ସଂକ୍ରାନ୍ତୀୟ କାଗଜର ନକଲ ପାଇଁ ଆବେଦନ କରିଥିଲେ । ତେବେ ରେକର୍ଡ଼ରୁମର କର୍ମଚାରୀ ମହେଶ୍ୱର ସାହୁଙ୍କୁ ଲାଂଚ ନଦେବାରୁ ତାହା ମିଳି ନଥିଲା ।

ବାରମ୍ବାର ହଇରାଣ ହେବା ପରେ ବାଧ୍ୟ ହୋଇ ପଣ୍ଡା ଏ ବିଷୟରେ ନିକଟସ୍ଥ ଭିଜିଲାନସ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ ।

ଓଡ଼ିଶା ଡ଼ଟ୍ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଜଗତସିଂହପୁର, ଜମିଜମା, ଲାଂଚ

ବାପାଙ୍କ ଚକ୍ଷୁ ଦ।ନ କଲେ ସନ୍ତାନ

November 27, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଜଗତସିଂହପୁର, ନଭେମ୍ବର ୨୭(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାର ଏକ ଗ୍ରାମରେ ଜଣେ ବ୍ୟକ୍ତିଙ୍କ ସନ୍ତାନମାନେ ବାପାଙ୍କ ମୃତ୍ୟୁ ପରେ ତାଙ୍କର ଚକ୍ଷୁ ଦ।ନ କରି ଉଦାହରଣ ସୃଷ୍ଟି କରିଛନ୍ତି ।

ବାର୍ଦ୍ଧକ୍ୟ ଜନିତ କାରଣରୁ କୁଜଙ୍ଗ ବ୍ଲକ ଅନ୍ତର୍ଗତ ବିଶ୍ୱାଳି ଗ୍ରାମର ୮୬ ବର୍ଷ ବୟସ୍କ ରାଜେନ୍ଦ୍ର ପରମାଣିକଙ୍କ ଶନିବାର ପରଲୋକ ହୋଇଥିଲା ।

ଚକ୍ଷୁାନ ଯୋଗୁଁ ଜଣେ ବ୍ୟକ୍ତି ଦୁନିଆକୁ ଦେଖିପାରିବ ଆଶାକରି ତାଙ୍କର ପାଂଚ ପୁଅ , ଦୁଇ ଝିଅ ଏବଂ ଜଣେ ସଂପର୍କୀୟ ରାଜେନ୍ଦ୍ରଙ୍କ ଚକ୍ଷୁଦାନ କରିଛନ୍ତି ।

“”ମୃତ୍ୟୁ ପରେ ମୋ ଆଖି ଦ।ନ କରିବେ ବୋଲି ଶ୍ୱଶୁର କହୁଥିଲେ । ତେଣୁ ଆମେ ଭୁବନେଶ୍ୱର ସ୍ଥିତ ଦୃଷ୍ଟିଦାନ ଚକ୍ଷୁ ଚିକିତ୍ସାଳୟ ଯୋଗାଯୋଗ କରିଥିଲୁ ଏବଂ ଡ଼ାକ୍ତର ଆସି ଠିକ୍ ଭାବେ ଚକ୍ଷୁଦୁଇଟିକୁ କାଢିଥିଲେ” ରାଜେନ୍ଦ୍ରଙ୍କ ଜ୍ୱାଇଁ ନୃସିଂହ ନାଥ ଭାବବିହ୍ୱଳ ହୋଇ କହିଛନ୍ତି ।

ନିଜେ ଚକ୍ଷୁାନ କଲେ ଅନ୍ୟ ଲୋକମାନେ ଏହା ଖେି ଉତ୍ସାହିତ ହେବେ ଏବଂ ମୃତ୍ୟୁପରେ ଚକ୍ଷୁଦାନ କରିବେ ଭାବି ଚକ୍ଷୁଦାନ କରିବାକୁ ସେ ସ୍ଥିର କରିଥିଲେ, ନୃସିଂହ କହିଛନ୍ତି ।

ବାପାଙ୍କ ଇଚ୍ଛା ଅନୁଯାୟୀ ତାଙ୍କର ଚକ୍ଷୁ ।ନ କରାଯାଇଛି ଏହାଦ୍ୱାରାଆମର କୌଣସି କ୍ଷତି ହୋଇ ନାହିଁ ବରଂଦୁଇଟି ଶିଶୁ ଦୁନିଆ ଦେଖିବାକୁ ସକ୍ଷମ ହେବେ ଏବଂ ତାଙ୍କ ପରିବାର ଲୋକଙ୍କ ହୃୟରେ ବାପା ସବୁଦିନ ବଂଚି ରହିବେ ବୋଲି ରାଜେନ୍ଦ୍ରଙ୍କ ପୁଅ ସଶିକାନ୍ତ କହିଛନ୍ତି ।

ବାପାଙ୍କ ମୃତ୍ୟୁ ଖବର ପାଇବା ପରେ ମୁଁ କାନ୍ଦିଥିଲି କିନ୍ତୁ ତାଙ୍କର ଚକ୍ଷୁ ଅନ୍ୟ ଦୁଇ ଜଣ ଜୀବନ ଆଲୋକିତ କରିବ ଜାଣି ବହୁତ ଖୁସି ବୋଲି ଅନ୍ୟ ଜଣେ ପୁଅ ଲେଲିନ କୁମାର ପରମାଣିକ କହିଛନ୍ତି ।

୮୦ରୁ ୮୯ ବର୍ଷର ବ୍ୟକ୍ତି ଚକ୍ଷୁଦାନ କରିବା ପାଇଁ ଉପଯୁକ୍ତ ତେଣୁ ବୟସ୍କ ଲୋକମାନେ ଚକ୍ଷୁ ଦ।ନ କରିବା ଉଚିତ୍ ବୋଲି ଚକ୍ଷୁ ବ୍ୟାଙ୍କ ର ନୀଳାଦ୍ରୀ ବିହାରୀ ଦ।ସ କହିଛନ୍ତି ।

ଏଭଳି ଲୋକମାନେ ସ୍ୱଇଚ୍ଛାରେ ଚକ୍ଷୁାନ କଲେ ଏହା ସମାଜ ପାଇଁ ଲାଭାୟକ ବୋଲି କେନ୍ଦ୍ରାପଡ଼ାର ଡ଼ାକ୍ତର ଜି.ସି.ଦାସ କହିଛନ୍ତି । ସବୁ ଧର୍ମର ଲୋକମାନେ ଚକ୍ଷୁାନକୁ ସମର୍ଥନ କରିଥାନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: ଚକ୍ଷୁ ଦ।ନ, ଜଗତସିଂହପୁର

ବାଣ ବିସ୍ଫୋରଣରେ ଗୁରୁତର ଆହତ ବାଳକଙ୍କ ମୃତ୍ୟୁ

November 17, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୧୭(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ଏକ ଶୋଭାଯାତ୍ରାରେ ଯାଉଥିବା ସମୟରେ ବାଣ ବିସ୍ଫୋରଣରେ ଗୁରୁତର ଆହତ ହୋଇଥିବା ବାଳକଙ୍କ ଗୁରୁବାର ମୃତ୍ୟୁ ଘଟିଛି ।

କୁଜଙ୍ଗ ଥାନା ଅନ୍ତର୍ଗତ କୋଠିଲାସାହି ଗ୍ରାମର ଦଶ ବର୍ଷ ବୟସ୍କ ପିଟୁଆ ଜେନାଙ୍କ ଶ୍ରୀରାମଚନ୍ଦ୍ର ଭଞ୍ଜ ମେଡ଼ିକାଲ କଲେଜ ହସ୍ପିଟାଲରେ ସକାଳୁ ମୃତ୍ୟୁ ହୋଇଛି । ବିସ୍ଫୋରଣରେ ତାଙ୍କ ଶରୀର ଶତପ୍ରତିଶତ ପୋଡ଼ି ଯାଇଥିଲା ବୋଲି ଡ଼ାକ୍ତରଖାନାର ଜଣେ ଡ଼ାକ୍ତର କହିଛନ୍ତି ।

ବୁଧବାର ବିଜୁ ଶ୍ରମିକ ସଂଗଠନ ପକ୍ଷରୁ ଆୟୋଜିତ ସମାବେଶରେ ଯୋଗ ଦେବାକୁ ଲୋକମାନେ ଶୋଭାଯାତ୍ରାରେ ଯାଉଥିବା ସମୟରେ ଏକ ଗାଡ଼ିରେ ବାଣ ବିସ୍ଫୋରଣ ହୋଇଥିଲା । ଏଥିରେ ସଂପୃକ୍ତ ବାଳକଙ୍କ ସହ ଅନ୍ୟ ଛଅ ଜଣ ଆହତ ହୋଇଥିଲେ ।

ସେମାନଙ୍କୁ ତୁରନ୍ତ କଟକ ବଡ଼ ଡ଼ାକ୍ତରଖନାରେ ଭର୍ତି କରାଯାଇଥିଲା । ଆହତଙ୍କ ମଧ୍ୟରୁ ବର୍ତମାନ ମଧ୍ୟ ଚାରି ଜଣଙ୍କ ଅବସ୍ଥା ଗୁରୁତର ଥିବା ଡ଼ାକ୍ତରଖାନା ପକ୍ଷରୁ କୁହାଯାଇଛି ।

ସଂପୃକ୍ତ ବାଳକଙ୍କ ମୃତୁ୍ୟ ପରେ ଗାଁ ଲୋକମାନେ ରାସ୍ତା ଅବରୋଧ କରିବା ସହ ପରିବାରକୁ ଦୁଇ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିବାକୁ ଦାବି କରିଛନ୍ତି ।

ସେହିପରି ବଳରାମପୁର ଗ୍ରାମର ସୁଦାମ ବିଶ୍ୱାଳ ନାମକ ଜଣେ ବ୍ୟକ୍ତି ଏହି ଘଟଣାକୁ ନେଇ ସମାବେଶର ଆୟୋଜକ ତଥା କଟକ ବାରବାଟୀ ବିଧାୟକ ଦେବାଶିଷ ସାମନ୍ତରାୟ, ଶୋଭାଯାତ୍ରାରେ ଯାଉଥିବା ସ୍ଥାନୀୟ ବିଧାୟକ ବିଷ୍ଣୁ ଦାସ ଏବଂ  ସ୍କୁଲ ଓ ଗଣଶିକ୍ଷା ମନ୍ତ୍ରୀ ପ୍ରତାପ ଜେନାଙ୍କ ନାଁରେ ଥାନାରେ ଅଭିଯୋଗ କରିଛନ୍ତି ।

“ସୁଦାମଙ୍କ ପୂର୍ବରୁ ପୋଲିସ ନିଜଆଡ଼ୁ ଏତଲା ଦାଏର କରିସାରିଛି । ତେଣୁ ଗୋଟିଏ ମାମଲା ପାଇଁ ଦୁଇଟି ଏତଲାର ଆବଶ୍ୟକତା ନାହିଁ” କୁଜଙ୍ଗ ଥାନା ଅଧିକାରୀ ଗୁପ୍ତେଶ୍ୱର ଭୋଇ କହିଛନ୍ତି । ପୋଲିସ ଘଟଣାର ତଦନ୍ତ କରୁଛି ଏବଂ ବର୍ତମାନ ପର୍ଯ୍ୟନ୍ତ କାହାରିକୁ ଗିରଫ କରାଯାଇ ନାହିଁ, ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଓଡ଼ିଶା ଖବର, ଜଗତସିଂହପୁର

ବାଣ ବିସ୍ଫୋରଣରେ ଶିଶୁ ସମେତ ଛଅ ଆହତ

November 16, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ବୁଧବାର ଏକ ଗାଡ଼ିରେ ଥିବା ବାଣ ବିସ୍ଫୋରଣ ଘଟି ଜଣେ ଶିଶୁଙ୍କ ସମେତ ଛଅ ଜଣ ଆହତ ହୋଇଥିବା ପୋଲିସ କହିଛି ।

ବିଜୁ ଶ୍ରମିକ ସଂଗଠନ ପକ୍ଷରୁ ଆୟୋଜିତ ସମାବେଶରେ ଯୋଗ ଦେବା ପାଇଁ ଲୋକମାନେ କୁଜଙ୍ଗରୁ ପାରାଦ୍ଵୀପ ଏକ ଶୋଭାଯାତ୍ରାରେ ଯାଉଥିବା ସମୟରେ ଗାଡ଼ିରେ ଥିବା ବାଣ ବିସ୍ଫୋରଣ ହୋଇଛି ।

ଏହି ଶୋଭାଯାତ୍ରାରେ ଆୟୋଜକଙ୍କ ସହ ସ୍ଥାନୀୟ ବିଧାୟକ ବିଷ୍ଣୁ ଦାସ, କଟକ ବାରବାଟୀ ବିଧାୟକ ଦେବାଶିଷ ସାମନ୍ତରାୟ ଯାଉଥିଲେ ।

ଗାଡ଼ିରେ ଥିବା ଜଣେ ଶିଶୁ ଓ ଅନ୍ୟ ଛଅ ଜଣ ବିସ୍ଫୋରଣରେ ଆହତ ହୋଇଥିବା ବେଳେ ସେମାନଙ୍କୁ କୁଜଙ୍ଗ ଡ଼ାକ୍ତରଖାନାରେ ଭର୍ତିି କରାଯାଇଥିଲା ଏବଂ ପରେ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି ।

ଆହତଙ୍କ ମଧ୍ୟରୁ ଛଅ ଜଣଙ୍କ ଶରୀରର ୭୫ ପ୍ରତିଶତ ପୋଡ଼ି ଯାଇଥିବାରୁ ସେମାନଙ୍କ ଅବସ୍ଥା ଗୁରୁତର ରହିଛି ବୋଲି ଜଣେ ଡ଼ାକ୍ତର କହିଛନ୍ତି ।

ଶୋଭାଯାତ୍ରାରେ ଯାଉଥିବା ସମୟରେ ସୁବାଷ ଜେନା ନାମକ ଜଣେ ବ୍ୟକ୍ତି ବାଣ ଫୁଟାଇଥିଲେ ଓ ଏହା ଚଳନ୍ତା ଗାଡ଼ିରେ ଥିବା ବାଣରେ ଲାଗିଯାଇଥିଲା ବୋଲି ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି ।

ଏହି ଘଟଣା ପରେ ସେହି ସ୍ଥାନରୁ ବିଧାୟକ ଦାସ ଓ ସାମନ୍ତରାୟ ପଳାଇ ଆସିଥିଲେ ଏବଂ ଡ଼ାକ୍ତରଖାନାକୁ ମଧ୍ୟ ଯିବାକୁ ମନା କରିଦେଇଥିଲେ । ଏହାକୁ ନେଇ ଲୋକଙ୍କ ମଧ୍ୟ ଉତ୍ତେଜନା ପ୍ରକାଶ ପାଇଥିଲା ।

ଗ୍ରାମବାସୀମାନେ କୁଜଙ୍ଗ ବଜାର ଠାରେ ଟାୟାର ଜାଳି ରାସ୍ତା ଅବରୋଧ କରିବା ସହ ଆହତ ବ୍ୟକ୍ତିଙ୍କୁ କ୍ଷତିପୂରଣ ଦେବାକୁ ଦାବି କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର, ବାଣ ବିସ୍ଫୋରଣ

ପୋସ୍କୋ ଅଧିକାରୀଙ୍କୁ ଆକ୍ରମଣ

November 1, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୧(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ପ୍ରସ୍ତାବିତ ପୋସ୍କୋ ପ୍ରକଳ୍ପ ଅଞ୍ଚଳକୁ ଯାଇଥିବା କମ୍ପାନୀର ଅଧିକାରୀଙ୍କୁ ମଙ୍ଗଳବାର ନୂଆଗାଁରେ ଶତାଧିକ ପୁରୁଷ ଓ ମହିଳାମାନେ ଆକ୍ରମଣ କରିଛନ୍ତି ।

କମ୍ପାନୀର ଉପ ମହାପ୍ରବନ୍ଧକ ସଂପୃକ୍ତ ଅଞ୍ଚଳକୁ ଗଛ କାଟିବା ତଥା ଚିଙ୍ଗୁଡ଼ି ଘେରି ଭାଙ୍ଗିବାକୁ ଯାଇଥିବା ବେଳେ ଲୋକମାନେ ଆକ୍ରମଣ କରିଛନ୍ତି । ଗତ ମାସରେ ପୋସ୍କୋ ପ୍ରକଳ୍ପ ପାଇଁ ଜିଲ୍ଲା ପ୍ରଶାସନ ପ୍ରାୟ ୧୫ ହଜାର ଗଛ କାଟି ସାରିଥିବା ବେଳେ ଏନେଇ ଲୋକମାନେ କ୍ଷତିପୂରଣ ଦେବାକୁ ଦାବି କରିଥିଲେ ।

ତେବେ ସଂପୃକ୍ତ ଅଧିକାରୀଙ୍କ ନେତୃତ୍ୱରେ ଇଡ଼୍କୋ ଅଧିକାରୀ ସଂଗ୍ରାମ ମହାପାତ୍ର ଚାରୋଟି ଗଛ କଟା ଯନ୍ତ୍ର ଧରି ଗଛ କାଟିବାକୁ ସେଠାରେ ପହଞ୍ଚିବାରୁ ଲୋକମାନେ ଏହାକୁ ବିରୋଧ କରିଥିଲେ । ଏହାକୁ ନେଇ ସେଠାରେ ଉତେଜନା ପ୍ରକାଶ ପାଇଥିଲା ।

ତେବେ ପାନବରଜ ଭାଙ୍ଗିବା ଯୋଗୁଁ କ୍ଷତିଗ୍ରସ୍ତ ହୋଇଥିବା ସାତ ଜଣଙ୍କୁ କ୍ଷତିପୂରଣ ଦେବାକୁ ପୋସ୍କୋ କମ୍ପାନୀ ଏବଂ ଇଡ଼୍କୋ ଅଧିକାରୀ ମନା କରିଦେଇଥିବା ବଡ଼ଘାଇପାଇ ଜଙ୍ଗଲ କମିଟିର ସସ୍ୟମାନେ ଅଭିଯୋଗ କରିଛନ୍ତି ।

ନିଜର ଦାବି ଉପସ୍ଥାପନ କରିଥିବା ବେଳେ ସଂପୃକ୍ତ ଅଧିକାରୀମାନେ ଆମକୁ ଏବଂ ମହିଳା ମାନଙ୍କୁ ଦୁର୍ବ୍ୟବହାର କରିଥିଲେ ବୋଲି ଜଣେ ପ୍ରଭାବିତ ଅକ୍ଷୟ ସାମଲ କହିଛନ୍ତି ।

ଲୋକଙ୍କ ଆକ୍ରମଣରେ ଆହତ ପୋସ୍କୋ ଅଧିକାରୀ ଏବଂ ଅନ୍ୟମାନଙ୍କୁ କୁଜଙ୍ଗ ଡ଼ାକ୍ତରଖାନାକୁ ପଠାଇ ଦିଆଯାଇଥିବା ମହାପାତ୍ର କହିଛନ୍ତି ।

ତେବେ ଉକ୍ତ କମିଟିର ଲୋକମାନେ ମିଛରେ ପାନବରଜ ଏବଂ ଚିଙ୍ଗୁଡ଼ି ଘେରି ଭାଙ୍ଗିବା ନେଇ କ୍ଷତିପୂରଣ ଦାବି କରୁଥିବାରୁ ଅଧିକାରୀମାନେ କ୍ଷତିପୂରଣ ରାଶି ଦେବାକୁ ମନା କରିଦେଇଥିଲେ ଏବଂ ଏହାକୁ ନେଇ ଗଣ୍ଡଗୋଳ ହୋଇଥିଲା ବୋଲି ସେ କହିଛନ୍ତି । ଚିଙ୍ଗୁଡ଼ି ଘେରି ପାଇଁ କମ୍ପାନୀ ୫୦ ଲକ୍ଷ ଟଙ୍କା କ୍ଷତିପୂରଣ ଦେଇସାରିଥିବା ସେ କହିଛନ୍ତି ।

ଏନେଇ ସେ ଆକ୍ରମଣକାରୀଙ୍କ ବିରୋଧରେ କୁଜଙ୍ଗ ଥାନାରେ ଲିଖିତ ଅଭିଯୋଗ କରିଛନ୍ତି । ଏହି ଘଟଣାରେ ପୋଲିସ ଦୁଇଟି ମାମଲା ରୁଜୁ କରିଥିବା କୁଜଙ୍ଗ ଆଇଆଇସି ଗୁପ୍ତେଶ୍ୱର ଭୋଇ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର, ନୂଆଗାଁ, ପୋସ୍କୋ

ଦୀପାବଳିରେ ଦୁର୍ଘଟଣା, ୧ମୃତ, ଶତାଧିକ ଆହତ

October 27, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଅକ୍ଟୋବର ୨୭(ଓଡ଼ିଶା ଡ଼ଟ୍ କମ୍) ଦୀପାବଳି ଅବସରରେ ରାଜ୍ୟର ବିଭିନ୍ନ ସ୍ଥାନରେ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ଲୋକ ଆହତ ହୋଇଥିବା ପୋଲିସ ଗୁରୁବାର କହିଛି ।

ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ରେପୁରପାଟଣାରେ ଘର ଉପରେ ବାଣ ପଡ଼ି ଅଗ୍ନିକାଣ୍ଡରେ ଜଣେ ଆଠ ବର୍ଷର ଶିଶୁ ଜୀବନ୍ତ ଦଗ୍ଧ ହୋଇଯାଇଛନ୍ତି ।

ରାଜଧାନୀ ଭୁବନେଶ୍ୱରର ସାତଟି ସ୍ଥାନରେ ଅଗ୍ନିକାଣ୍ଡ ହୋଇଥିବା ବେଳେ ଏକ ଶହରୁ ଉର୍ଦ୍ଧ୍ଵ ଲୋକ ଆହତ ହୋଇଛନ୍ତି । ସେହିପରି କଟକର ଦୁଇଟି ସ୍ଥାନରେ ଅଗ୍ନିକାଣ୍ଡ ଘଟି ତିନୋଟି ପରିବାରର ଚାରି ବଖରା ଘର ପୋଡ଼ିଯାଇଛି ।

ଆହତଙ୍କ ମଧ୍ୟରୁ ୩୫ ଜଣଙ୍କୁ କଟକ ବଡ଼ ଡ଼ାକ୍ତରଖାନାରେ ଭର୍ତ୍ତି କରଯାଇଥିବା ବେଳେ ସେମାନଙ୍କ ମଧ୍ୟରୁ
କେତେକଙ୍କ ଅବସ୍ଥା ଗୁରୁତର ରହିଛି । ସେହିପରି ପୁରୀ ସମୁନ୍ଦ୍ରରେ ଗାଧୋଉଥିବା ବେଳେ ପାଣିରେ ବୁଡ଼ି ଦୁଇ ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର, ଦୀପାବଳି, ପର୍ଯ୍ୟଟକ, ସମୁନ୍ଦ୍ର

ପୋସ୍କୋ ମଞ୍ଜୁରୀ ନେଇ ଗ୍ରୀନ ଟ୍ରିବ୍ୟୁନାଲର ନୋଟିସ୍

August 2, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅଗଷ୍ଟ ୨(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ପ୍ରସ୍ତାବିତ ପୋସ୍କୋ ପ୍ରକଳ୍ପ ତଥା ନିଜସ୍ୱ ବନ୍ଦର ପ୍ରତିଷ୍ଠା ପାଇଁ ଜଙ୍ଗଲ ଓ ପରିବେଶ ମନ୍ତ୍ରାଳୟ ଦେଇଥିବା ମଞ୍ଜୁରୀକୁ ନେଇ ଜାତୀୟ ଗ୍ରୀନ ଟ୍ରିବ୍ୟୁନାଲ ମଙ୍ଗଳବାର ନୋଟିସ ଜାରି କରିଛନ୍ତି ।

କେଉଁ ଆଧାରରେ ମନ୍ତ୍ରାଳୟ ପ୍ରକଳ୍ପକୁ ପରିବେଶ ମଞ୍ଜୁରୀ ପ୍ରଦାନ କରିଛି ବୋଲି ଦର୍ଶାଇ ଚାରି ସପ୍ତାହ ମଧ୍ୟରେ ଜବାବ୍ ଦାଖଲ କରିବାକୁ ମନ୍ତ୍ରାଳୟ, ଓଡ଼ିଶା ସରକାର, କମ୍ପାନୀ ଏବଂ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ଼କୁ ନୋଟିସ୍ ଜାରି କରିଛନ୍ତି ।

ସେପ୍ଟେମ୍ବର ଆଠ ତାରିଖରେ ଏହାର ପରବର୍ତ୍ତୀ ଶୁଣାଣି କରିବାକୁ ଟ୍ରିବ୍ୟୁନାଲଦିନ ଧାର୍ଯ୍ୟ କରିଛନ୍ତି ।

ପୋସ୍କୋ ପ୍ରକଳ୍ପକୁ ପରିବେଶ ମଞ୍ଜୁରୀ ବୋ ପାଇଁ କେନ୍ଦ୍ର ପରିବେଶ ଓ ଜଙ୍ଗଲ ମନ୍ତ୍ରଣାଳୟର ନିଷ୍ପତ୍ତକୁ ଚ୍ୟାଲେଞ୍ଜ କରି ପରିବେଶବିତ୍ ପ୍ରଫୁଲ୍ଲ ସାମନ୍ତରାୟ ଜାତୀୟ ଗ୍ରୀନ୍ ଟ୍ରିବ୍ୟୁନାଲରେ ଏକ ପିଟିସନ୍ ଦାଖଲ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ବିଶେଷ ଖବର Tagged With: ଜଗତସିଂହପୁର, ପୋସ୍କୋ, ବିଶେଷ ଖବର, ମୁଖ୍ୟ ଖବର

ପୋସ୍କୋ ପ୍ରକଳ୍ପ ପାଇଁ ଜମି ଅଧିଗ୍ରହଣ ୧୮ରୁ

May 8, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୭(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ପ୍ରସ୍ତାବିତ ପୋସ୍କୋର ଇସ୍ପାତ ପ୍ରକଳ୍ପ ପାଇଁ ଆସନ୍ତା ୧୮ ତାରିଖରୁ ଜମି ଅଧିଗ୍ରହଣ କାର୍ଯ୍ୟ ଆରମ୍ଭ ହେବ ବୋଲି ଶନିବାର ରାଜ୍ୟ ସରକାରଙ୍କ ଜଣେ ଅଧିକାରୀ କହିଛନ୍ତି ।

ଅଧିଗ୍ରହଣ ସମୟରେ ଢିଙ୍କିଆ ଗ୍ରାମର ବେସରକାରୀ ଜମିକୁ ଏଥିରେ ସାମିଲ କରାଯିବ ନାହିଁ ବୋଲି ଇଡ୍କୋ ପରିଚାଳନା ନିର୍ଦ୍ଦେଶକ ତଥା ପୋସ୍କୋ ପାଇଁ ସରକାରଙ୍କ ନୋଡାଲଅଫିସର ପ୍ରିୟବ୍ରତ ପଟ୍ଟନାୟକ ସାମ୍ବାଦିକଙ୍କୁ କହିଛନ୍ତି ।

ବୁଝାମଣାପତ୍ରର ନବୀକରଣ ଓ ପ୍ରକଳ୍ପ ପାଇଁ ଜମି ଅଧିଗ୍ରହଣର କୌଣସି ସମ୍ପର୍କ ନାହିଁ,ତେଣୁ ବୁଝାମଣାପତ୍ର ନବୀକରଣ ହୋଇନଥିଲେ ମଧ୍ୟ ଅଧିଗ୍ରହଣ କାର୍ଯ୍ୟ ହୋଇପାରିବ । ଏଥିପାଇଁ ଜିଲ୍ଲା ପ୍ରଶାସନ ଓଇଡ୍କୋ ପକ୍ଷରୁ ପ୍ରଥମେ ପାନବରଜମି ଅଧିଗ୍ରହଣ କରାଯିବ,ସେ କହିଛନ୍ତି ।

ଏହାପରେ ଚିଙ୍ଗୁଡି ଚାଷ ହେଉଥିବା ଜମି ଅଧିଗ୍ରହଣ ହେବ ଏବଂ ବିସ୍ଥାପନ ଓ ଥଇଥାନ ନୀତିରେ କ୍ଷତିଗ୍ରସ୍ତ ଲୋକଙ୍କୁ ଧାର୍ଯ୍ୟ ଅନୁଯାୟୀ କ୍ଷତିପୂରଣ ଦିଆଯିବ ।

କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟ ଗତ ସୋମବାର ପୋସ୍କୋ ପ୍ରକଳ୍ପକୁ ଚୁଡ଼ାନ୍ତ ଜଙ୍ଗଲ ଅନୁମତି ଦେବା ସହ ୧୨୫୩ଏକର ଜଙ୍ଗଲ ଜମି ଡ଼ାଇଭର୍ସନ ପାଇଁ ଅନୁମତି ପ୍ରଦାନ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଇସ୍ପାତ ପ୍ରକଳ୍ପ, ଜଗତସିଂହପୁର, ଜମି, ପୋସ୍କୋ, ମୁଖ୍ୟ ଖବର, ରାଜ୍ୟ ସରକାର

  • « Go to Previous Page
  • Page 1
  • Interim pages omitted …
  • Page 3
  • Page 4
  • Page 5
  • Page 6
  • Page 7
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ