ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜାନୁୟାରୀ ୧୨(ଓଡ଼ିଶା ଡ଼ଟ୍ କମ୍) ଆସନ୍ତା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଗୁରୁବାର ପ୍ରାର୍ଥୀପତ୍ର ଦାଖଲ ଶେଷ ହୋଇଛି ।
୨୧ଟି ଜିଲ୍ଲାର ଜିଲ୍ଳା ପରିଷଦ ସଭ୍ୟ ପଦ ପାଇଁ ୯୦୦ରୁ ଅଧିକ ପାର୍ଥୀପତ୍ର ଦାଖଲ ହୋଇଥିବା ବେଳେ ସରପଞ୍ଚ ପାଇଁ ୮୮୦୪ଟି ପ୍ରାର୍ଥୀପତ୍ର ଦାଖଲ ହୋଇଛି ।
କଂଗ୍ରେସ ଓ ବିଜେଡ଼ି ଉଭୟ ୮୫୪ ଲେଖାଏଁ ଜିଲ୍ଲା ପରିଷଦ ସଭ୍ୟ ଆସନରେ ପ୍ରାର୍ଥୀ ଦେଇଥିବା
ବେଳେ ବିଜେପି ୮୨୧ଟି ଆସନରେ ପ୍ରାର୍ଥୀ ଦେଇଥିବା ଜଣାପଡ଼ିଛି ।
ତେବେ ରାୟଗଡା ଜିଲ୍ଲାର ୧୩ଟି ପଞ୍ଚାୟତ, କାଶୀପୁରର ୧୨ଟି ଓ କଲ୍ୟାଣପୁରର ଗୋଟିଏପଞ୍ଚାୟତରେ କେହି ପ୍ରାର୍ଥୀପତ୍ର ଦାଖଲ କରିନାହାଁନ୍ତି ।
ପ୍ରାର୍ଥୀପତ୍ର ଦାଖଲ ହୋଇଥିବା ସ୍ଥାନଗୁଡ଼ିକରେ ଶୁକ୍ରବାର ନାମାଙ୍କନ ପତ୍ରଗୁଡ଼ିକୁ ଯାଞ୍ଚ କରାଯିବ ଏବଂ ୧୬ତାରିଖରେ ପ୍ରାର୍ଥଙ୍କ ନାମ ତାଲିକା ପ୍ରକାଶ ପାଇବ ।
ଫେବୃୟାରୀ ୧୧ରୁ ୧୯ ପର୍ଯ୍ୟନ୍ତ ପାଞ୍ଚଟି ପର୍ଯ୍ୟାୟରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବ ।
ଓଡ଼ିଶା ଡ଼ଟ୍ କମ୍
