• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଡିଜିଟାଲ

(ଶ୍ରଦ୍ଧାଞ୍ଜଳି) ସାଇ ସ୍ମୃତି

June 3, 2015 by News Bureau Leave a Comment

: ଶ୍ରୀ ଅଖଣ୍ଡ

ମୁମ୍ବାଇରେ ରହୁଥିବା ଓଡିଶାର ଜଣେ ସାମ୍ବାଦିକ ତଥା ସମାଜ କର୍ମୀ ସାଇ ପ୍ରସନ୍ନଙ୍କ ଗତ ମଇ ୩୧ ତାରଖରେ ନାଗପୁରରେ ଅକାଳ ବିୟୋଗ ଘଟିଛି । ରାଉଲକେଲା ଆସୁଥିବା ବେଳେ ୩୦ ତାରିଖରେ ନାଗପୁର ଠାରେ ସେ ଅସୁସ୍ଥ ହୋଇପଡିଥିଲେ ।

Sai_photoତାଙ୍କୁ ସେଠାକାର ଡାକ୍ତରଖାନାରେ ଭର୍ତି କରାଯାଇଥିଲା । କିନ୍ତୁ ତାଙ୍କୁ ବଂଚାଇ ହେଲା ନାହିଁ । ଡିଜିଟାଲ୍ ଓଡିଶାର ସ୍ୱପ୍ନ ଦେଖୁଥିବା ସାଇ ପ୍ରସନ୍ନ ଏଥିପାଇଁ କାର୍ଯ୍ୟ ଆରମ୍ଭ କରିସାରିଥିଲେ । କିନ୍ତୁ ତାଙ୍କ ମୃତ୍ୟୁରେ ଏକ ବଡଶୂନ୍ୟ ସ୍ଥାନ ସୃଷ୍ଟି ହୋଇଗଲା ।

୨୦୦୮ରେ ମୁଁ ଏକ ଖବର କାଗଜରେ କାମ କରୁଥିବା ବେଳେ ପ୍ରଥମେ ସାଇ ପ୍ରସନ୍ନଙ୍କ ଫୋନ୍ ପାଇଥିଲି ।ତା ପରେ ସେ ସବୁବେଳେ ମୋ ସହ ଯୋଗାଯୋଗରେ ଥିଲେ। ଯେତେବେଳେ ସେ ଫୋନ୍ କରନ୍ତି, ଗୋଟିଏ କଥା କହନ୍ତି – ଓଡିଶା ପାଇଁ କିଛି କରିବାକୁ ଯୋଜନା କରୁଛି । ଲେଖାଲେଖି ଚାଲିଛି । ଆଉ ମୋତେ ପଚାରନ୍ତି, ତମର ସବୁ କଣ ନୂଆ ଆଇଡିଆ ଅଛି କୁହ । ତାଙ୍କ ଦ୍ୱାରା ପ୍ରତିଷ୍ଠିତ ଜନତା ବିକାଶ ମଂଚର କାର୍ଯ୍ୟକ୍ରମ ସମ୍ପର୍କରେ ମଧ୍ୟ ସେ ସବୁବେଳେ ମୋ ଠାରୁ ମତାମତ ଲୋଡନ୍ତି ।

ମୁମ୍ବାଇରୁ ଥାଇ ଓଡିଶାର ବହୁ ଲୋକଙ୍କ ସହ ସମ୍ପର୍କ ରଖିବା ସହ ବିଭିନ୍ନ କାର୍ଯ୍ୟକ୍ରମରେ ସାମିଲ କରିବା ଥିଲା ତାଙ୍କର ଅଭ୍ୟାସ ।ମଝିରେ ମଝିରେ ଭୁବନେଶ୍ୱର ଆସିଲେ ମୋତେ ଡାକନ୍ତି ଓ ଆମର ଦେଖାହୁଏ । ମାନବାଧିକାର ସମ୍ପର୍କିତ ମିଟିଂ ଓ କର୍ମଶାଳାରେ ମଧ୍ୟ ଦେଖାହୁଏ । ଗତ ମାସରେ ସେ ଡିଜିଟାଲ୍ ଓଡିଶା ଉପରେ ଏକ ସେମିନାର୍ କରିବା ପୂର୍ବରୁ ତାଙ୍କ ସହ ଘନିଷ୍ଠତା ବଢି ଯାଇଥିଲା ।

ଏହାକୁ କିପରି କରାଯିବ, ସେ ନେଇ ପୂର୍ବରୁ ହୋଇଥିବା ପ୍ରସ୍ତୁତିରେ ମୁଁ ସାମିଲ ହୋଇଥିଲି । ସେମିନାର ପୂର୍ବରୁ ମୋ ପାଖକୁ ସେ ଏକ ପ୍ରେସ୍ ରିଲିଜ୍ ପଠାଇଥିଲେ । ଆଉ ଅନୁରୋଧ କରିଥିଲେ, ଏହାକୁ ଓଡିଆରେ କରିବା ପାଇଁ । ମୁଁ ଓଡିଆରେ ଅନୁବାଦ କରି ତାଙ୍କୁ ଇ-ମେଲ୍ କରିଥିଲା । ଦୁଇ ଦିନ ପରେ ମୁଁ ପଚାରିଥିଲି – ଆପଣ ଏହା ଉପରେ କିଛି ମତାମତ ଦେଲେନି । କହିଲେ – “ତମେ ଲେଖିଛ, ଠିକ୍ ହୋଇଥିବ ମୁଁ ନିଶ୍ଚିତ ।”

ତଥାପି ମୁଁ କହିଲି, ଆପଣ ପଢିଛନ୍ତି କି ନାହିଁ ? ସେ କହିଲେ – ମୁଁ ଓଡିଆ ବୁଝି ପାରୁଥିଲେ ମଧ୍ୟ ଠିକ ରେ ପଢିପାରେ ନାହିଁ । ତଥାପି ସେ ଚାରି ପାଞ୍ଚୋଟି ଭାଷା କହିପାରନ୍ତି ବୋଲି ମୁଁ ସେହିଦିନ ସେମିନାର ରୁ ଜାଣିଲି । ମଇ ମାସ ୧ ତାରିଖରେ ହୋଇଥିବା ସେମିନାରରେ କିଛି ତ୍ରୁଟି ପାଇଁ ମୁଁ ସମାଲୋଚନା କରିଥିଲି ।

କିନ୍ତୁ ସେ ମୋ ପାଖକୁ ଫେସବୁକ୍ ମେସେଜ୍ ପଠାଇଥିଲେ – “So we should invite feedback from impartial people. . . .I consider my critics are my best friends than admirers” ।

ଓଡିଶାରେ ସେ ସକ୍ରିୟ ଭାବେ କାମ କରିବାକୁ ଆସିଥିଲେ ୨୦୧୫ରୁ । ସେ ଚାହୁଥିଲେ ଓଡିଶାକୁ ଏକ ଡିଜିଟାଲ୍ ରାଜ୍ୟରେ ପରିଣତ କରିବା ପାଇଁ ବିଭିନ୍ନ ସ୍ତରରେ ସଚେତନତା ସୃଷ୍ଟି କରିବା ଓ ସରକାରଙ୍କ ଉପରେ ଚାପ ପକାଇବା । ସେଥିପାଇଁ ସେ ଯୋଜନା ପ୍ରସ୍ତୁତ କରୁଥିଲେ । ଓଡିଶାର ବିଭିନ୍ନ ସ୍ଥାନରେ ଏଥିପାଇଁ ସଚେତନତା ସଭା, ସେମିନାର ଆୟୋଜନ କରିବା ପାଇଁ କାର୍ଯ୍ୟ ଚାଲିଥିଲା ।

କିଛି ଯୁବବନ୍ଧୁଙ୍କୁ ନେଇ ଏକ ଭଲ ଟିମ୍ ମଧ୍ୟ ଗଢିଥିଲେ । ଜୁନ୍ ୬ରେ ମିଡିଆ ଆଡଭୋକେସୀ ଉପରେ ସେ ଏକ ଟ୍ରେନିଂ କାର୍ଯ୍ୟକ୍ରମ କରିବାର ଥିଲା ଭୁବନେଶ୍ୱରେ । ଏଥିପାଇଁ ମଧ୍ୟ ସେ ଗୋଟିଏ ଦାୟିତ୍ୱ ଦେଇଥିଲେ । ସେହି କାମ । ଇଂରାଜୀ ପ୍ରେସ୍ ରିଲିଜ୍ ଓଡିଆ କରିବା କାମ । ମୁଁ ରାଜି ହୋଇଥିଲେ । ସେ କହିଥିଲେ ଟ୍ରେନିଂ ଆରମ୍ଭ ହେବାର ଦୁଇ ଦିନ ପୂର୍ବରୁ ପଠାଇବି । କିନ୍ତୁ ମେ ୩୧ରେ ସବୁ କଥା ସରିଗଲା ।

ସେ ଚାଲିଗଲେ ଆଉ ଏକ ଦୁନିଆକୁ । ମଇ ୧୫ ତାରିଖରେ ଫେସବୁକରେ ତାଙ୍କ ଆନ୍ଦୋଳନ ପାଇଁ ପାଣ୍ଠି କେଉଁଠୁ ଆସିବ ବୋଲି ସେ ପଚାରୁଥିଲେ । ମୁଁ କହିଥିଲି ମୋର ସେ ବିଷୟରେ ଧାରଣା କମ୍ । ତଥାପି କହିଥିଲି – ଅର୍ଥ ସଂଗ୍ରହ ଉପରେ ଧ୍ୟାନ ଦିଅନ୍ତୁ । ବ୍ୟକ୍ତିଗତ ସମ୍ପତିରେ ଏସବୁ କାମ ହୋଇପାରିବନି । ମୋ କଥାରେ ସେ ରାଜି ଥିଲେ ଓ ତାଙ୍କ ଉତ୍ତର ଥିଲା – “Now my bank balance is Zero, with no property”.  ସେ କହିଥିଲେ – ଜୁନ୍ ୧ରେ ଓଡିଶା ଆସିବି, ଏ ବିଷୟରେ କଥା ହେବା । ସବୁ କଥା କଥାରେ ହିଁ ରହିଗଲା !
–୦ —
ଲେଖକ ଜଣେ ମାନବାଧିକାର କର୍ମୀ,
ମୋ – ୯୮୬୧୨୧୦୧୦୧

News Bureau
News Bureau

Filed Under: ମାନବାଧିକାର Tagged With: ଅଖଣ୍ଡ, ଓଡିଶା, ଡିଜିଟାଲ, ସାଇ ପ୍ରସନ୍ନ, ସାମ୍ବାଦିକ

ଭୁବନେଶ୍ୱରରେ ରିଲାଏନ୍ସ ଡିଜିଟାଲ ଷ୍ଟୋର

March 16, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ମାର୍ଚ୍ଚ ୧୬(ଓଡ଼ିଶା ଡ଼ଟ୍ କମ୍) ରିଲାଏନ୍ସ ରିଟେଲର ଖାଉଟି ସାମଗ୍ରୀ ଓ ଇଲେକ୍ଟ୍ରୋନିକ୍ସ ଶାଖା ରିଲାଏନ୍ସ ଡ଼ିଜିଟାଲ ଶୁକ୍ରବାର ଭୁବନେଶ୍ୱରରେ ଏହାର ପ୍ରଥମ ଷ୍ଟୋର ଶୁଭାରମ୍ଭ କରିଛି ।

୮,୨୦୦ ବର୍ଗଫୁଟ ଅଞ୍ଚଳରେ ଖାରବେଳନଗରରେ ପ୍ରତିଷ୍ଠା କରାଯାଇଥିବା ଏହି ନୂଆ ଡିଜିଟାଲ ଷ୍ଟୋର ଗ୍ରାହକଙ୍କ ପାଇଁ ଆନନ୍ଦର ବିଷୟ ବୋଲି କୁହାଯାଇଛି ।

ଏଠାରେ ୨୦୦ ଜାତୀୟ ଓ ଆନ୍ତର୍ଜାତୀୟ ବ୍ରାଣ୍ଡର ଗ୍ରାହକଙ୍କ ମନପସନ୍ଦର ୪୦୦୦ ସାମଗ୍ରୀ ଉପଲବ୍ଧ ।

ଗ୍ରହକମାନେ ଏଠାରେ ଅତ୍ୟାଧୁନିକ ଏଲ୍ଇଡ଼ି ଓ ଏଲ୍ସିଡ଼ି ଟିଭି, ଘରୋଇ ଥିଏଟର, ଡିଜିଟାଲ କ୍ୟାମେରା, ମୋବାଇଲ ଫୋନ, ଆଇଟି ଓ ଅନ୍ୟାନ୍ୟ ଉପକରଣ ସହ ଇଲେକଟ୍ରୋନିକସ ଉପକରଣ ପାଇପାରିବେ ।

ନୂତନ ଷ୍ଟୋର ଶୁଭାରମ୍ଭ ଅବସରରେ ଗ୍ରାହକଙ୍କୁ କେତେକ ଅଫର ପ୍ରଦାନ କରାଯାଇଛି । ଏହି ଅଭିନବ ଅଫର ଜରିଆରେ ଗ୍ରାହକ ଯେକୌଣସି ପୁରୁଣା ଟିଭି ବିନିମୟରେ ଏକ ନୂଆ ଟିଭି, ଏସି, ରେଫ୍ରିଜେରେଟର, କିମ୍ବା ୱାସିଂମେସିନ ନେଇପାରିବେ ।

ଏହି ଉପରେ ୫୦୦୦ ଟଙ୍କାର ରିହାତି ମଧ୍ୟ ପାଇବେ । ଏହି ଅଫର ଯେକୌଣସି ପୁରୁଣା ଏସି, ରେଫ୍ରିଜେରେଟର, କିମ୍ବା ୱାସିଂମେସିନ ମେସିନ ପାଇଁ ବୈଧ ଅଟେ ।

ଗ୍ରାହକ ଭାଗ୍ୟଚକ୍ର ଘୂର୍ଣ୍ଣନ କରି ୧୦୦୦ ଟଙ୍କା ମୂଲ୍ୟର ରିଲାଏନସ ଡିଜିଟାଲ ଉପହାର ଭାଉଚର ଲାଭ କରିପାରିବେ । ଗ୍ରାହକ ମାତ୍ର ୧ ଟଙ୍କା ପ୍ରାରମ୍ଭିକ ଦେୟ ପ୍ରଦାନ କରି ଯେକୌଣସି ସାମଗ୍ରୀ ଏଠାରୁ ନେଇପାରିବେ ଏବଂ ଅବଶିଷ୍ଟ ଦେୟ ୧୦ଟି ସୁଧମୁକ୍ତ କିସ୍ତିରେ ପ୍ରଦାନ କରିପାରିବେ ।

ପ୍ରତ୍ୟେକ କ୍ରୟ ଉପରେ ନିଶ୍ଚିତ ଉପହାର । ମାତ୍ର ୧୨,୯୯୦ ଟଙ୍କା ମୂଲ୍ୟରେ ୩୨ ଏଲସିଡ଼ି ଟିଭି ୩୪,୯୯୦ଟଙ୍କା ମୂଲ୍ୟରେ ୪୦ ଏଲଇଡ଼ି ଟିଭି, ୨,୯୯୦ ଟଙ୍କା ମୂଲ୍ୟରେ ୨୦ ମାଇକ୍ରୋୱେଭ ଓ ୨,୯୯୦ ଟଙ୍କା ମୂଲ୍ୟରେ ଘରୋଇ ଥିଏଟର ଏଠାରେ ଉପଲବ୍ଧ ଅଛି ।

ଭୁବନେଶ୍ୱରଠାରେ ନିଜର ଉପସ୍ଥିତି ଜାହିର କରି ଆମେ ଆନନ୍ଦିତ । ଭୁବନେଶ୍ୱର ବାସିନ୍ଦାଙ୍କୁ ଆମେ ନିଜର ସାମଗ୍ରୀ ପ୍ରଦାନ କରି ସେମାନଙ୍କୁ ଅବିସ୍ମରଣୀୟ ଅନୁଭୂତି ଦେବାକୁ ଉଦ୍ୟମ କରୁଛୁ ବୋଲି ଉଦ୍ଦଘାଟନ ଅବସରରେ ରିଲାଏନ୍ସ ଡିଜିଟାଲର ସିଇଓ ବ୍ରିଆନ ବାଡ଼େ କହିଛନ୍ତି ।

ଦେଶରେ ରିଲାଏନ୍ସ ଏବେ ୫୯ଟି ଷ୍ଟୋର ଖୋଲିସାରିଲାଣି ଏବଂ ଆଗାମୀ ମାସରେ ଆହୁରି ଅନେକ ଷ୍ଟୋର ଖୋଲାଯିବାର ପରିକଳ୍ପନା ରହିଛି ବୋଲି ସେ କହିଛନ୍ତି ।

ଏହି ଷ୍ଟୋରରେ ସମସ୍ତ ପ୍ରକାର ଇଲେକ୍ଟ୍ରୋନିକ୍ସ, ଘରୋଇ ଥିଏଟର, ଟେଲିଭିଜନ, ଏଲ୍ସିଡ଼ି ଟିଭି, ଡିଜିଟାଲ କ୍ୟାମେରା, ମ୍ୟୁଜିକ ସାମଗ୍ରୀ, ମାଇକ୍ରୋୱେଭ, ବାତାନୁକୂଳ ମେସିନ, ରେଫ୍ରିଜେରେଟର, ଲାପଟପ, ଟାବଲେଟ, ମୋବାଇଲ ଫୋନ, ସ୍ମାର୍ଟ ଫୋନ ଆଦି ସାମଗ୍ରୀ ଉପଲବ୍ଧ ।

ଓଡ଼ିଶା ଡ଼ଟ୍ କମ୍

admin
admin

Filed Under: ଅର୍ଥ-ବ୍ୟବସାୟ, ଓଡିଶା ଖବର, ମୁଖ୍ୟ ଖବର Tagged With: ଡିଜିଟାଲ, ରିଲାଏନ୍ସ

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ