ଥାନା

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ମଇ ୨୨(ଓଡ଼ିଶା ଡ଼ଟ୍ କମ୍) କୋଲକାତା ଯାଉଥିବା ଏକ ଗୋରୁ ବୋଝେଇ ଟ୍ରକକୁ ମଙ୍ଗଳବାର ପୋଲିସ ଭଦ୍ରକ ଠାରେ ଜବତ କରିବା ସହ ଏହାର ଡ଼୍ରାଇଭରକୁ ଗିରଫ କରିଛି ।

କୌଣସି ସୂତ୍ରରୁ ଖବର ପାଇ ଟାଉନ ଥାନା ପୋଲିସର ଏକଦଳ ଖୋର୍ଦ୍ଧା ବେଗୁନିଆରୁ ଆସୁଥିବା ଏହି ଟ୍ରକ୍କୁ ୫ନମ୍ବର ଜାତୀୟ ରାଜପଥର ଡ଼ାହାଣୀଗଡ଼ିଆ ଛକଠାରେ ଜବତ କରିଛନ୍ତି ।

ଜିଲ୍ଲା ପୋଲିସ ମୁଖ୍ୟଙ୍କ ନିର୍ଦ୍ଦେଶରେ ଟାଉନ ଥାନାଧିକାରୀ ଗୋରୁ ଗୁଡ଼ିକୁ ଉଦ୍ଧାର କରି ରାଜଘାଟ ଛକ ସ୍ଥିତ ଗୋଶାଳାରେ ଛାଡ଼ିଦେଇଛନ୍ତି । ସଂପୃକ୍ତ ଡ଼୍ରାଇଭର ଧାମନଗର ଥାନା ବଜାରସାହି ନିବାସୀ ନୁର ଅହମ୍ମଦକୁ କୋର୍ଟ ଚାଲାଣ କରାଯାଇଥିବା ଜଣେ ଅଧିକାରୀ କହିଛନ୍ତି ।

ବେଆଇନ ଗୋରୁ ଚାଲାଣର ମୁଖ୍ୟ ପେଣ୍ଠ ସ୍ଥଳ ଭଦ୍ରକ ହୋଇଥିବା ବେଳେ ଚାଲାଣକାରୀଙ୍କ ସହ ହାତ ମିଳାଇଥିବା କେତେକ ପୋଲିସ କର୍ମଚାରୀଙ୍କ ମୋବାଇଲ ଟ୍ରାକିଂ କରି ଏସ୍ପି ସେମାନଙ୍କୁ ଅନ୍ୟତ୍ର ବଦଳି କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ମାର୍ଚ୍ଚ ୨୩(ଓଡ଼ିଶା ଡ଼ଟ୍ କମ୍) ଆବଶ୍ୟକ କର୍ମଚାରୀ ତଥା ପୋଲିସ ଅଧିକାରୀଙ୍କ ନଥାଇ ପାରାଦ୍ଵୀପ ସ୍ଥିତ ଅଭୟଚନ୍ଦ୍ରପୁର ଠାରେ ଶୁକ୍ରବାର ଉ୍ଘାଟିତ ହୋଇଥିବା ନୂତନ ଥାନା ଲୋକ ଦେଖାଣିଆ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।

ପ୍ରସ୍ତାବିତ ପୋସ୍କୋ ତଥା ଇଣ୍ଡିଆନ ଅଏଲ ଅଞ୍ଚଳରେ ଆଇନଶୃଙ୍ଖଳା ରକ୍ଷା ପାଇଁ ଗତ ପାଞ୍ଚ ବର୍ଷ ତଳେ ଏକ ଥାନା ପ୍ରତିଷ୍ଠା ପାଇଁ ସରକାର ନିଷ୍ପତି ନେଇଥିଲେ ।

ପୂର୍ବରୁ ଆଇଓସିଏଲ୍ ତିନୋଟି ଥାନା ଅଧିନରେ ଆସୁଥିବାରୁ ଆଇନଶୃଙ୍ଖଳା ରକ୍ଷା ପାଇଁ ବହୁତ ଅସୁବିଧା ହେଉଥିଲା । ଜିଲ୍ଲା ପୋଲିସ ମୁଖ୍ୟ ଏସ୍.ବେତ୍ତ ସିଂହ ଏହାର ଉ୍ଘାଟନ କରିଛନ୍ତି ।

ଏହାଦ୍ୱାରାଲୋକଙ୍କ ଧନ ଜୀବନ ସୁରକ୍ଷିତ ହୋଇ ପାରିବ ଏବଂ ଏହା ଆଇଓସିଏଲ୍ ଓ ପୋସ୍କୋ
ଅଞ୍ଚଳ ସମେତ ବଗଡ଼ିଆ, ଢିଙ୍କିଆ, ଗଡ଼କୁଜଙ୍ଗ, ନୂଆଗାଁ ପଞ୍ଚାୟତ ଲୋକଙ୍କୁ ସେବା ଯୋଗାଇଦେବ ବୋଲି ସିଂହ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆିଲ୍ଲୀ, ଫେବୃୟାରୀ ୨୭(ଓଡ଼ିଶା ଡ଼ଟ୍ କମ୍) ଓଡ଼ିଶାର ବିଭିନ୍ନ ମାଓବାଦୀ ପ୍ରବଣ ଅଞ୍ଚଳରେ ୭୦ଟି ନୂତନ ଥାନା ପ୍ରତିଷ୍ଠା କରିବାକୁ କେନ୍ଦ୍ର ସରକାର ନିଷ୍ପତି ନେଇଛନ୍ତି ।

ପ୍ରତ୍ୟେକ ଥାନା ପାଇଁ ଦୁଇ କୋଟି ଟଙ୍କା ଖର୍ଚ୍ଚ କରାଯିବ ଏବଂ ଏହି ଯୋଜନା ପାଇଁ କେନ୍ଦ୍ର ସରକାର ୮୦ ପ୍ରତିଶତ ଓ ରାଜ୍ୟ ସରକାର ୨୦ ପ୍ରତିଶତ ଅର୍ଥ ବହନ କରିବେ । ସମସ୍ତ ଥାନାରେ ଯେପରି ୪୦ ଜଣ ଲେଖାଏଁ କର୍ମୀଙ୍କୁ ମୁତୟନ କରାଯିବ ସେଥିପ୍ରତି ରାଜ୍ୟ ସରକାର ପଦକ୍ଷେପ ନେବେ ବୋଲି କୁହାଯାଇଛି ।

ଓଡ଼ିଶା ସମେତ ବିହାର, ଝାଡ଼ଖଣ୍ଡ, ଛତିଶଗଡ଼, ପଶ୍ଚିମବଙ୍ଗ, ଉତ୍ତର ପ୍ରଦେଶ ଏବଂ ଆନ୍ଧ୍ରପ୍ରଦେଶରେ ମଧ୍ୟ ନୂତନ ଥାନା ପ୍ରତିଷ୍ଠା ପାଇଁ ନିଷ୍ପତି ନିଆଯାଇଛି । ଏହି ସମସ୍ତ ଥାନା ପାଇଁ କେନ୍ଦ୍ର ସରକାର ପ୍ରଥମ ପର୍ଯ୍ୟାୟରେ ୧୨୦ କୋଟି ଟଙ୍କା ମଞ୍ଜୁର କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବ୍ରହ୍ମପୁର, ଡ଼ିସେମ୍ବର ୧୪(ଓଡ଼ିଶା ଡ଼ଟ୍ କମ୍) ଗଞ୍ଜାମ ଜିଲ୍ଲା ଶେରଗଡ଼ ଥାନା ଅଧିକାରୀ ମନୋରଂଜନ ମିଶ୍ରଙ୍କ ହତ୍ୟା ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ କରିଥିବା ପୋଲିସ ମଙ୍ଗଳବାର କହିଛି ।

ମୁଖ୍ୟ ଅଭିଯୁକ୍ତ ସମୀର ପଣ୍ଡା ଓ ତାର ସହଯୋଗୀ ସୁଶାନ୍ତ ନାୟକକୁ ବ୍ରହ୍ମପୁର ରେଳଷ୍ଟେସନ ନିକଟରୁ ସୋମବାର ବିଳମ୍ବିତ ରାତିରେ ଗିରଫ କରିଥିବା ଜଣେ ଅଧିକାରୀ କହିଛନ୍ତି ।

ଅଫିସ କାମ ସାରି ଘରକୁ ଫେରୁଥିବା ବେଳେ ଗତ ୨୬ ତାରିଖ ରାତିରେ ଦୁର୍ବୃତ୍ତମାନେ ଶେରଗଡ଼ ନିକଟସ୍ଥ ତକର୍ଡ଼ା ଠାରେ ମିଶ୍ରଙ୍କୁ ଗୁଳିକରି ହତ୍ୟା କରିଥିଲେ ।

ଏହି ଘଟଣା ପରେ ପୋଲିସ ଅଭିଯୁକ୍ତଙ୍କ ସ୍କେଚ ଜାରି କରିଥିଲା । ଏସ୍ପିଙ୍କ ନେତୃତ୍ୱରେ ବରିଷ୍ଠ ଅଧିକାରୀଙ୍କୁ ନେଇ ତିନୋଟି ସ୍ୱତନ୍ତ୍ର ଦଳ ଗଠନ କରାଯାଇଥିଲା ।

ଓଡ଼ିଶା ଡ଼ଟ୍ କମ୍