ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଯାଜପୁର, ଜୁଲାଇ ୨୬(ଓଡ଼ିଶା ଡ଼ଟ୍ କମ୍)ଦକ୍ଷିଣ ଆଫ୍ରିକାରେ ନିର୍ଯାତନାର ଶିକାର ହୋଇଥିବା ୨୩ ଜଣ ଓଡ଼ିଆ ଶ୍ରମିକ ମଙ୍ଗଳବାର ନିଜ ନିଜ ଗ୍ରାମକୁ ଫେରି ଆସିଛନ୍ତି ।
ସେମାନେ ସମସ୍ତେ ନିଜ ଭିଟାମାଟିରେ ପଂହଂଚିବା ପରେ ସମଗ୍ର ଅଂଚଳରେ ଖୁସିର ଲହରୀ ଖେଳିଯାଇଛି । ନିଜ ଲୋକଙ୍କୁ ଦେଖି ପରିବାରର ସସ୍ୟମାନେ ଖୁସିରେ କାନ୍ଦି ପକାଇଛନ୍ତି ।
ଅଧିକ ଦରମା ଓ ଅନ୍ୟାନ୍ୟ ସୁବିଧା ସୁଯୋଗ ପ୍ରଲୋଭନରେ ଯାଜପୁର ଜିଲ୍ଲାର ୧୪ ଜଣ, କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାର ନଅ ଜଣ ଶ୍ରମିକ ଦକ୍ଷିଣ ଆଫ୍ରିକାର ବିମ୍ବୋ ଠାରେ ଏକ ପ୍ରକଳ୍ପରେ କାମ କରିବା ପାଇଁ ଯାଇଥିଲେ ।
ଏକବର୍ଷ ଚୁକ୍ତି କରାଇ ଏହି ପ୍ରକଳ୍ପରେ କାମ କରିବା ପାଇଁ ବାଙ୍ଗାଲୋରର ଦୁଇ ଜଣ କଣ୍ଟ୍ରାକ୍ଟର ଓ ଯାଜପୁରର ଜଣେ ଏଜେଣ୍ଟଙ୍କ ଜରିଆରେ ସେମାନେ ସେଠାକୁ ଯାଇଥିଲେ । ସେଠାରେ ସେମାନଙ୍କୁ ଅସ୍ୱାସ୍ଥ୍ୟକର ପରିବେଶ ମଧ୍ୟରେ ରଖି ନିର୍ଯାତନା ଦିଆଯାଇଥିଲା ।
ପରେ ସେଠାକୁ ଯାଇଥିବା ଯାଜପୁର ଜିଲ୍ଲାର ନରେନ୍ଦ୍ର ମଲ୍ଲିକ ମ୍ୟାଲେରିଆରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିଲେ ।
ଏହି ଖବର ପରେ ସେଠାକାର ସରକାରଙ୍କ ସହ ସମନ୍ୱୟ ରକ୍ଷାକରି ଶ୍ରମିକ ମାନଙ୍କ ତୁରନ୍ତ ଓ ନିରାପଦ ଉଦ୍ଧାର ପାଇଁ ପକ୍ଷେପ ନେବାକୁ ଗତ ଜୁନ୍ ୩୦ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କୁ ପତ୍ର ଲେଖିଥିଲେ ।
ଓଡ଼ିଶା ଡ଼ଟ୍ କମ୍
