ଦିଲ୍ଲୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୧୬(ଓଡ଼ିଶା ଡ଼ଟ୍ କମ୍) ଭୁବନେଶ୍ୱର ସ୍ଥିତ କିସ୍ କୁ ମଡ଼େଲ୍ ହିସାବରେ ଗ୍ରହଣ କରି ଦିଲ୍ଲୀରେ ଏହାର ଢାଞ୍ଚାରେ ଏକ ଆବାସିକ ସ୍କୁଲ ସ୍ଥାପନ କରିବାକୁ ଦିଲ୍ଲୀ ସରକାର ନିଷ୍ପତି ନେଇଛନ୍ତି ।

ଗତ ୧୪ ତାରିଖ ଦିଲ୍ଲୀ ମୁଖ୍ୟମନ୍ତ୍ରୀ ଶିଲା ଦୀକ୍ଷିତଙ୍କ ଦ୍ୱାରାଆୟୋଜିତ କ୍ୟାବିନେଟ୍ ମନ୍ତ୍ରୀଙ୍କୁ ନେଇ ଏକ ବୈଠକରେ ଏହି ନିଷ୍ପତି ନିଆଯାଇଛି । ପ୍ରସ୍ତାବିତ ସ୍କୁଲ୍ ରେ ତଫସିଲଭୁକ୍ତ ଜାତି, ଜନଜାତି, ପଛୁଆବର୍ଗ ଓ ସଂଖ୍ୟାଲଘୁ ସଂପ୍ରଦାୟର ଗରିବ ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରାଯିବ ।

ଦକ୍ଷିଣ-ପଶ୍ଚିମ ଦିଲ୍ଲୀର ନଜବଗଡ଼ଠାରେ ଏହି ସ୍କୁଲ ସ୍ଥାପନ ହେବ । ଦିଲ୍ଲୀ ସରକାରଙ୍କ ତଫସିଲଭୁକ୍ତ ଜାତି, ଜନଜାତି, ପଛୁଆବର୍ଗ ଓ ସଂଖ୍ୟାଲଘୁ କଲ୍ୟାଣ ବିଭାଗର ତତ୍ୱାବଧାନରେ ହେବାକୁ ଥିବା ଏହି ସ୍କୁଲରେ  ସମସ୍ତ ପରିଚାଳନା ଦାୟିତ୍ୱ କିସ୍ କର୍ତୃପକ୍ଷଙ୍କୁ ହସ୍ତାନ୍ତର କରିବାକୁ ନିଷ୍ପତି ହୋଇଛି ।

ଏଥିପାଇଁ ଦିଲ୍ଲୀ ସରକାରଙ୍କ ପକ୍ଷରୁ ନଜବଗଡ଼ଠାରେ ଦିର୍ଘ ଏକ ବର୍ଷ ହେଲା ୨୦ ଏକର ପରିମିତ ଜମିରେ ଭିତ୍ତିଭୂମି ନିର୍ମାଣ ଶେଷ ହୋଇଛି ।

ନିକଟରେ ଦିଲ୍ଲୀ ସରକାରଙ୍କ ଏକ ପ୍ରତିନିଧି ଦଳ କିସ୍ ପରିଦର୍ଶନ କରିବା ସହ କିସ୍ ୧୬,୫୦୦ ଛାତ୍ରଛାତ୍ରୀଙ୍କୁ ପ୍ରାଥମିକ ଶ୍ରେଣୀଠାରୁ ସ୍ନାତକୋତ୍ତର ଶ୍ରେଣୀ ପର୍ଯ୍ୟନ୍ତ ଗୁଣାତ୍ମକ ଶିକ୍ଷା ପ୍ରଦାନ କରିପାରୁଥିବା ହୃଦବୋଧ କରିଥିଲେ ।

ଏହି ପ୍ରତିନିଧି ଦଳର ରିପୋର୍ଟକୁ ଆଧାର କରି ଦିଲ୍ଲୀ ସରକାର ସେଠାରେ କିସ୍ ଭଳି ଏକ ମଡେଲ୍ ସ୍କୁଲ ସ୍ଥାପନ କରିବାକୁ ଘୋଷଣା କରିଛନ୍ତି । କିସ୍ ରେ ଗୁଣାତ୍ମକ ଶିକ୍ଷା ପ୍ରଦାନ କରାଯାଇ ପାରୁଥିବାରୁ ଶିକ୍ଷାାନ ପାଇଁ କିସ୍ ର ଶିକ୍ଷକ ମାନଙ୍କୁ ଏଠାକୁ ଅଣାଯିବ ବୋଲି ବୈଠକରେ କୁହାଯାଇଛି ।

ଛତିଶଗଡ଼ରେ କିସ୍ ଢାଞ୍ଚାରେ ଏକ ସ୍କୁଲ ଚାଲୁ ରହିଛି । ସେହିପରି ଝାଡ଼ଖଣ୍ଡ ଓ ମଧ୍ୟପ୍ରଦେଶ ସରକାର ମଧ୍ୟ ଏଭଳି ସ୍କୁଲ ନିର୍ମାଣ ପାଇଁ ଅନୁରୋଧ କରିଛନ୍ତି ବୋଲି କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ କହିଛନ୍ତି ।

ଦିଲ୍ଲୀ ସରକାରଙ୍କ ନିଷ୍ପତିକୁ ସ୍ୱାଗତ କରିବା ସହ ଉକ୍ତ ସ୍କୁଲ ଛାତ୍ରଛାତ୍ରୀଙ୍କୁ ଉଚିତ୍ ଶିକ୍ଷାଦାନ କରିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ଜାନୁୟାରୀ ୨୭(ଓଡ଼ିଶା ଡ଼ଟ୍ କମ୍) ବଲାଙ୍ଗୀର ଜିଲ୍ଲା ଲାଠୋରରେ ନିକଟରେ ହୋଇଥିବା ଘରପୋଡ଼ି ଘଟଣା ପ୍ରତିବାରେ ଶୁକ୍ରବାର ଦିଲ୍ଲୀରେ ବିକ୍ଷୋଭ ପ୍ରଦର୍ଶନ କରାଯାଇଛି ।

ଜବାହରଲାଲ ନେହେରୁ ବିଶ୍ୱବିଦ୍ୟାଳୟର ୟୁନାଇଟେଡ଼୍ ଦଳିତ ଛାତ୍ର ସଂଘ ପକ୍ଷରୁ ଓଡ଼ିଶା ଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇ ଧାରଣା ଦିଆଯାଇଛି ।

ଘରପୋଡ଼ି ଘଟଣାର ନିନ୍ଦା କରିବା ସହ ଲାଠୋରରେ ଦଳିତ ମାନଙ୍କୁ ଅଧିକ କ୍ଷତିପୂରଣ ସହ ନ୍ୟାୟ ଦେବାକୁ ଛାତ୍ରଛାତ୍ରୀମାନେ ଦାବି କରିଛନ୍ତି ।

ଗତ ରବିବାର ଏକ ଦୋକାନରୁ ସାର୍ଟ କିଣିବାକୁ ନେଇ ଦୋକାନୀ ଏବଂ ସ୍ଥାନୀୟ ଜଣେ ଯୁକଙ୍କ ମଧ୍ୟରେ ବଚସା ହୋଇଥିଲା । ପରେ ଯୁବକ ଜଣକ ନିଜ ପଡ଼ାରେ ଏସଂପର୍କରେ କହିବାରୁ କିଛି ଲୋକ ଦୋକାନକୁ ଯାଇ ଗାଳିଗୁଲଜ କରିବା ସହ ଦୋକାନୀଙ୍କ ପୁଅକୁ ମାଡ଼ ମାରିଥିଲେ ।

ଏହାପରେ ଦୋକାନୀଙ୍କ ପଡ଼ାର ଲୋକମାନେ ଏକତ୍ରିତ ହୋଇ ସଂପୃକ୍ତ ଦଳିତ ଯୁବକଙ୍କ ପଡ଼ାର ପ୍ରାୟ ୩୦ରୁ ଅଧିକ ଘରେ ନିଅାଁ ଲଗାଦେଇଥିଲେ ।

ଏହି ଘଟଣାରେ ପୋଲିସ ଜଣେ ନାବାଳକଙ୍କ ସମେତ ୪୨ ଜଣଙ୍କୁ ଗିରଫ କରିଥିବା ବେଳେ କ୍ଷତିଗ୍ରସ୍ତ
ଲୋକଙ୍କୁ ଅସ୍ଥାୟୀ ଶିବିରରେ ଥଇଥାନ କରାଯାଇଥିଲା । ତେବେ ଘଟଣାର ସମାଧାନ ପାଇଁ ଶାନ୍ତି କମିଟି ଗଠନ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସସମ୍ବାଦଦାତା

ନୂଆିଲ୍ଲୀ, ଅପ୍ରେଲ ୨୮(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲା ପାଇକମାଳରେ ପୋଲିସ ଏନ୍କାଉଣ୍ଟର ଘଟଣାକୁ ନେଇ ବିଜେପିର ଏକ ପ୍ରତିନିଧି ଦଳ ଦିଲ୍ଲୀରେ ଗୁରୁବାର ଜାତୀୟ ମାନବାଧିକାର କମିଶନଙ୍କ ଦ୍ୱାରସ୍ଥ ହୋଇଛନ୍ତି ।

ଗତ ଡ଼ିସେମ୍ବର ୨୭ରେ ପାଇକମାଳ ଠାରେ ମିଥ୍ୟା ଏନ୍କାଉଣ୍ଟରରେ ଦଳୀୟ ବ୍ଲକ ସଭାପତି ମାଧବ ସିଂହ ଠାକୁର, ରମେଶ ଚନ୍ଦ୍ର ସାହୁଙ୍କୁ ନିର୍ମମ ଭାବରେ ହତ୍ୟା କରାଯାଇଛି ବୋଲି ପ୍ରତିନିଧି ଦଳ କମିଶନ ସସ୍ୟ ଜଷ୍ଟିସ ଜି.ପି.ମାଥୁରଙ୍କୁ ସାକ୍ଷାତ କରି ଲିଖିତ ଭାବରେ ଜଣାଇଛନ୍ତି ।

ଠାକୁରଙ୍କ ପତ୍ନୀ ଗୀତାଞ୍ଜଳି ଠାକୁର ଓ ସାହୁଙ୍କ ପତ୍ନୀ ଯାଞ୍ଜସେନୀ ସାହୁ ଏବଂ ସେମାନଙ୍କର ପିଲାମାନେ ମଧ୍ୟ କମିଶନଙ୍କ ନିକଟରେ ଉପସ୍ଥିତ ହୋଇଛନ୍ତି ।

ଅନ୍ୟ ମାନଙ୍କ ମଧ୍ୟରେ ଦଳର ରାଷ୍ଟ୍ରୀୟ ସଂପାକ ଆଇନଜୀବୀ ଭୂପିନ୍ଦର ଯାଦବ, ସାଂସଦ ର୍ରୁଦ୍ରନାରାୟଣ ପାଣି, ପାଇକମାଳର ସଂଗ୍ରାମୀ ନେତା ପ୍ରଦୀପ୍ତ ପୁରୋହିତ ପ୍ରମୁଖ କମିଶନଙ୍କ ଦ୍ୱାରସ୍ଥ ।

ପାଇକମାଳରେ ଜଣେ ଯୁବତୀଙ୍କୁ ମନ୍ତ୍ରୀଙ୍କ ସଂପର୍କୀୟମାନେ କରିଥିବା ବଳାତ୍କାର ପ୍ରସଙ୍ଗକୁ ଯେପରି ବିଭିନ୍ନ ଜାତୀୟ ଆୟୋଗରେ ଉଠାଯାଇ ନ୍ୟାୟ ଦିଆଯାଇଛି ସେହିପରି ଏହି ଘଟଣାର ପ୍ରକୃତ ଦୋଷୀର ପର୍ଦ୍ଦାଫାଶ କରାଯିବ ବୋଲି ସାଂସଦ ର୍ରୁ ନାରାୟଣ ପାଣି କହିଛନ୍ତି ।

ଗତ ଡ଼ିସେମ୍ବର ୨୭ରେ ପାଇକମାଳ ଠାରୁ ୧୫ କିମି ଦୂର ବୋଡ଼ାସମ୍ବର ଜଙ୍ଗଲରେ ପୋଲିସ ଗୁଳିରେ ଠାକୁର ଓ ସାହୁଙ୍କ ମୃତ୍ୟୁ ହୋଇଥିଲା । ଏମାନେ ସିପିଆଇ ମାଓବାଦୀ ସଂଗଠନ ସହ ସଂପୃକ୍ତ ଥିଲେ ବୋଲି ଜିଲ୍ଲା ପୋଲିସ କହିଥିଲା ।

ମାଧବ ସ୍ଥାନୀୟ ବ୍ଲକ ବିଜେପି ସଭାପତି ଥିବା ବେଳେ ସାମାଜିକ କାର୍ଯ୍ୟ ପାଇଁ ସେ ବେଶ୍ ଜଣାଶୁଣା ଓ ରମେଶ ଜଣେ ବ୍ୟବସାୟୀ ଥିଲେ । ଏମାନେ ମାଓବାଦୀ କାର୍ଯ୍ୟରେ ସଂପୃକ୍ତ ନଥିଲେ ବୋଲି ତାଙ୍କ ପରିବାର ପକ୍ଷରୁ କୁହାଯାଇଥିଲା । ମିଥ୍ୟା ଏନ୍କାଉଣ୍ଟର କରି ଉଭୟଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଥିଲା ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା