ଭୁବନେଶ୍ଵର, ଏପ୍ରିଲ ୨୩ (ଓଡିଶା ଡଟ କମ ) ନକ୍ସଲ ଉପଦ୍ରୁତ ଅଞ୍ଚଳରେ ସନ୍ତୋଷଜନକ କାର୍ଯ୍ୟ କରିଆସିଥିବାରୁ ରାଜ୍ୟସରକାର ବୁଧବାର ୩୪୭ ଜଣ ସ୍ପେଶିଆଲ ପୁଲିସ ଅଫିସରଙ୍କୁ କନେଷ୍ଟବଲ ଭାବେ ନିଯୁକ୍ତ କରିଛନ୍ତି ।
ରାଜ୍ୟର ନଅ ଟି ଜିଲା ସୁନ୍ଦରଗଡ, ରାୟଗଡା, ଦେବଗଡ, ଗଞ୍ଜାମ, ଯାଜପୁର, କେନ୍ଦୁଝର, କୋରାପୁଟ, ନୂଆପଡା ଓ ରାଉରକେଲାରେ କାମ କରୁଥିବା ଏହି ସ୍ପେଶିଆଲ ପୁଲିସ ଅଫିସରଙ୍କ ନିଯୁକ୍ତିକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି ।
ତିନିବର୍ଷ ଧରି ଏହି ଯୁବକମାନେ କ୍ରମାଗତ ସ୍ପେଶିଆଲ ପୁଲିସ ଅଫିସରଭାବେ କାର୍ଯ୍ୟକରି ସ୍ଥାନୀୟ ପୁଲିସ କତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିବାରେ ସଫଳ ହୋଇଛନ୍ତି।
ଜିଲୱାରୀ କନେଷ୍ଟବଲ ନିଯୁକ୍ତି ପାଇଥିବା ଏହି ଏସପିଓ ମାନଙ୍କ ସଂଖ୍ୟା ହେଉଛି ସୁନ୍ଦରଗଡରୁ ୨ ଜଣ, ରାୟଗଡାରୁ ୧୯୬, ଦେବଗଡରୁ ୩୫, ଗଞ୍ଜାମରୁ ୧୨, ଯାଜପୁରରୁ ୨୦ , କେନ୍ଦୁଝରରୁ ୮ , କୋରାପୁଟରୁ ୬୭ ନୂଆପଡାରୁ ୧ ଓ ରାଉରକେଲାରୁ ଛଅ ଜଣ ।
ଓଡିଶା ଡଟ କମ
