ନବରଙ୍ଗପୁର ଜିଲ୍ଲା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଉମରକୋଟ୍, ଡ଼ିସେମ୍ବର ୪(ଓଡ଼ିଶା ଡ଼ଟ୍ କମ୍) ନବରଙ୍ଗପୁର ଜିଲ୍ଲା ଉମରକୋଟ ବିଧାନସଭା ଆସନ ପାଇଁ ହୋଇଥିବା ଉପନିର୍ବାଚନରେ ଶାସକ ବିଜୁ ଜନତା ଦଳ ପ୍ରାର୍ଥୀ ସୁବାସ ଗଣ୍ଡ ବିଜୟୀ ହୋଇଛନ୍ତି ।

ରବିବାର ସକାଳୁ ଭୋଟ୍ ଗଣତି ହୋଇଥିବା ବେଳେ ସୁବାସ ତାଙ୍କର ନିକଟତମ ପ୍ରତି୍ୱନ୍ଦି ବିଜେପି ପ୍ରାର୍ଥୀ ଧର୍ମୁ ଗଣ୍ଡଙ୍କ ଠାରୁ ୨୧୦୬୧ ଅଧିକ ଭୋଟ୍ରେ ବିଜୟୀ ହୋଇଛନ୍ତି ।

ସୁବାସଙ୍କୁ ୫୪୭୧୩ ଭୋଟ୍ ମିଳିଥିବା ବେଳେ ବିଜେପି ପ୍ରାର୍ଥୀ ଧର୍ମୁଙ୍କୁ ୩୩୬୫୨ ଏବଂ କଂଗ୍ରେସ ପ୍ରାର୍ଥୀ ଯତୀନ୍ଦ୍ର ଗଣ୍ଡଙ୍କୁ ୩୨୮୭୭ ଭୋଟ୍ ମିଳିଛି ।

ବିଜେଡ଼ି ବିଧାୟକ ଜଗବନ୍ଧୁ ମାଝୀଙ୍କ ହତ୍ୟା ପରେ ଏହି ଆସନ ପାଇଁ ଗତ ୩୦ ତାରିଖରେ ଉପନିର୍ବାଚନ ଅନୁଷ୍ଠିତ ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଉମରକୋଟ, ନଭେମ୍ବର ୩୦(ଓଡ଼ିଶା ଡ଼ଟ୍ କମ୍) ନବରଙ୍ଗପୁର ଜିଲ୍ଲା ଉମରକୋଟ ଉପନିର୍ବାଚନ ପାଇଁ ବୁଧବାର ସକାଳୁ କଡ଼ାସୁରକ୍ଷା ମଧ୍ୟରେ ଭୋଟ୍ ଗ୍ରହଣ ଆରମ୍ଭ ହୋଇଛି ।

ମୋଟ୍ ୧୬୨ଟି ଭୋଟଗ୍ରହଣ କେନ୍ଦ୍ରରେ ସକାଳ ଆଠଟାରୁ ମତଦାନ ଆରମ୍ଭ ହୋଇଥିବା ବେଳେ ଏହା ଅପରାହ୍ନ ୪ଟା ପର୍ଯ୍ୟନ୍ତ ଚାଲିବ ବୋଲି ଜଣେ ଅଧିକାରୀ କହିଛନ୍ତି ।

ଉମରକୋଟରେ ୫୨ ଓ ରାଇଘର ୧୧୦ ବୁଥ୍ ରହିଛି । ୬୭ଟି ବୁଥ୍ ହିଂସାପ୍ରବଣ ଥିବା ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି । ସମୁଦାୟ ୧ଲକ୍ଷ ୬୫ ହଜାର ୩୭ ଭୋଟର୍ ତିନି ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ଭୋଟର୍ଙ୍କ ମଧ୍ୟରୁ ୮୩ ହଜାର ୮୩୦ ଜଣ ପୁରୁଷ ଥିବାବେଳେ ୮୧ ହଜାର ୨୦୭ ଜଣ ମହିଳା ଅଛନ୍ତି ।

ଓଡ଼ିଶା-ଛତିଶଗଡ଼ ସୀମାକୁ ସିଲ କରିିଆଯାଇଥିବା ବେଳେ ଉମରକୋଟ ଝରିଗାଁ-ନବରଙ୍ଗପୁର-ରାୟପୁର ରାସ୍ତାରେ ଯାଉଥିବା ଗାଡ଼ି ଗୁଡ଼ିକ ଯାଂଚ କରାଯାଉଛି ।

ବିଜେପି ପକ୍ଷରୁ ଧର୍ମୁ ଗଣ୍ଡ ପ୍ରାର୍ଥୀ ହୋଇଥିବା ବେଳେ ବିଜେଡ଼ି ପକ୍ଷରୁ ସୁବାଷ ଏବଂ କଂଗ୍ରେସ ପକ୍ଷରୁ ଜୀତେନ୍ଦ୍ର ଗଣ୍ଡ ପ୍ରାର୍ଥୀ ହୋଇଛନ୍ତି । ଆସନ୍ତା ଡ଼ିସେମ୍ବର ୪ ତାରିଖରେ ଭୋଟ୍ ଗଣତି ହେବ ।

ବିଜେଡ଼ି ବିଧାୟକ ଜଗବନ୍ଧୁ ମାଝୀଙ୍କ ହତ୍ୟା ପରେ ଏହି ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେଉଛି ।

ଓଡ଼ିଶା ଡ଼ଟ୍ କମ୍