ନବରଙ୍ଗପୁର, ଏପ୍ରିଲ ୨ (ଓଡିଶା ଡଟ କମ) ଓଡିଶାର ନବରଂଗପୁର ଜିଲାର ଏକ ଗ୍ରାମରେ ବୁଧବାର ନିଜ ବନ୍ଧୁଙ୍କୁ ନିଆଁରେ ପୋଡି ହତ୍ୟା କରିବା ପରେ ଜଣେ ବ୍ୟକ୍ତି ପୁଲିସ ପାଖରେ ଆତ୍ମସମର୍ପଣ କରିଛନ୍ତି।
ଘଟଣ। ଘଟିଛି ଜିଲାର ଛତାବେଡା ଗ୍ରାମ ନିକଟରେ । ପାରା ଶିକ୍ଷକ ଭାବେ ନିକଟସ୍ଥ ଗ୍ରାମରେ କାମକରୁଥିବା ବିଶ୍ଵଜିତ ମିସ୍ତ୍ରୀ ସ୍କୁଲରୁ ଘରକୁ ଏକ ବାଇକରେ ଫେରୁଥିବାବେଳେ ବାଲ୍ୟବନ୍ଧୁ ପ୍ରଶାନ୍ତ ପଣ୍ଡା ଏକ ବାଡିରେ ତାଙ୍କୁ ଅତର୍କିତ ଆକ୍ରମଣ କରିଥିଲେ । ସେ ତଳେ ପଡିଯିବାପରେ ତାଙ୍କ ଉପରେ କିରାସିନି ଢାଳି ପଣ୍ଡା ନିଆଁ ଲଗାଇଦେଇଥିଲେ ।
ଡାକ୍ଟର ମିସ୍ତ୍ରୀଙ୍କୁ ପରେ ମୃତ ଘୋଷଣା କରିଥିଲେ । ଘଟଣାର କିଛି ସମୟ ପରେ ପଣ୍ଡା ପୁଲିସ ପାଖରେ ଆତ୍ମସମର୍ପଣ କରିଥିଲା ଏବଂ ନିଜର ଅପରାଧକୁ ସ୍ଵୀକାର କରିଥିବା ସ୍ଥାନୀୟ ପୁଲିସ କହିଛି । କୌଣସି କାରଣରୁ ପଣ୍ଡା ମିସ୍ତ୍ରୀକୁ ବିଭିନ୍ନ ସମୟରେ ଧମକଚମକ ଦେଇ ଆସୁଥିଲା ।
ଓଡିଶା ଡଟ କମ)