ନୂଆପଡ଼ା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୮(ଓଡ଼ିଶା ଡ଼ଟ୍ କମ୍) ନୂଆପଡ଼ା ଜିଲ୍ଲାରେ ମଙ୍ଗଳବାର ମାଓବାଦୀମାନେ ହତ୍ୟା କରିଥିବା କାର୍ଯ୍ୟରତ ପୋଲିସ ଏଏସ୍ଆଇଙ୍କ ପରିବାର ପାଇଁ ସରକାର ସ୍ୱତନ୍ତ୍ର ପେନ୍ସନ୍ ଘୋଷଣା କରିଛନ୍ତି ।

ନିହତ ମାଝୀଙ୍କ ନିକଟତମ ଆତ୍ମୀୟଙ୍କୁ ସରକାରୀ ଚାକିରୀ ସହିତ ଆଠ ଲକ୍ଷ ଟଙ୍କା ଅନୁକମ୍ପା ମୂଳକ ସହାୟତା ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ଏହାସହ ବୀମା ରାଶି ବାବଦ ଦଶ ଲକ୍ଷ ଟଙ୍କା ପ୍ରଦାନ କରାଯିବ ।

ଏହି ହତ୍ୟା ଘଟଣାକୁ ସେ ଅତ୍ୟନ୍ତ ଅମାନୁଷିକ ଓ ବର୍ବର ବୋଲି ଅଭିହିତ କରି ଏଥିରେ ସଂପୃକ୍ତ ଅପରାଧୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ କରାଯିବ ବୋଲି କହିଛନ୍ତି ।

ଧରମବନ୍ଧା ଫାଣ୍ଡି ଏଏସ୍ଆଇ କୃପାରାମ ମାଝୀ ନିକଟସ୍ଥ ସିଆର୍ପିଏଫ୍ କ୍ୟାମ୍ପକୁ ପାଣି ଟାଙ୍କି ନେଇ ଯାଉଥିବା ବେଳେ ପ୍ରାୟ ୧୦ରୁ ୨୦ ଜଣ ମାଓବାଦୀ ତାଙ୍କୁ ଅପହରଣ କରି ନେଇଥିଲେ । ତାଙ୍କ ସହ ଥିବା କନେଷ୍ଟବଳ ଦେବନାରାୟଣ ସାହୁଙ୍କୁ ସେମାନେ ଛାଡ଼ି ଦେଇଥିଲେ ।

ପରେ ପୋଲିସ କୁମ୍ବିଂ ଅପରେଶନରେ ସେହି ଅଞ୍ଚଳକୁ ଯାଇଥିବା ବେଳେ ମାଝୀଙ୍କ ଗୁଳିବିଦ୍ଧ ମୃତଦେହ ଠାବ କରିଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆପଡ଼ା, ମଇ ୮(ଓଡ଼ିଶା ଡ଼ଟ୍ କମ୍) ନୂଆପଡ଼ା ଜିଲ୍ଲାରେ ମଙ୍ଗଳବାର ମାଓବାଦୀମାନେ ଜଣେ ପୋଲିସ ଏଏସ୍ଆଇଙ୍କୁ ଅପହରଣ କରିନେବା ପରେ ତାଙ୍କୁ ହତ୍ୟା କରିଥିବା ପୋଲିସ କହିଛି ।

ଧରମବନ୍ଧା ଫାଣ୍ଡି ଏଏସ୍ଆଇ କୃପାରାମ ମାଝୀଙ୍କୁ ଆଜି ପୂର୍ବାହ୍ନରେ ପ୍ରାୟ ୧୦ରୁ ୨୦ ଜଣ
ମାଓବାଦୀ ବୁଧାଶ ଗାଁ ନିକଟରୁ ଅପହରଣ କରିନେଇଥିଲେ ।

ଏହି ଘଟଣା ପରେ ପୋଲିସ କୁମ୍ବିଂ ଅପରେଶନରେ ଯାଇଥିବା ବେଳେ ମାଝୀଙ୍କ ଗୁଳିବିନ୍ଧ ମୃତହେ
ଉଦ୍ଧାର କରିଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ।

ମାଝୀଙ୍କ ସହ ଥିବା କନଷ୍ଟେବଳ ଦେବନାରାୟଣ ସାହୁଙ୍କୁ ମାଓବାଦୀମାନେ ଛାଡ଼ି ଦେଇଥିଲେ ।
କୃପାରାମଙ୍କ ଘର କୋମନା ବ୍ଲକ ଅନ୍ତର୍ଗତ ବେଲଟୁକୁରୀ ଗାଁରେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆପଡ଼ା, ମାର୍ଚ୍ଚ ୪(ଓଡ଼ିଶା ଡ଼ଟ୍ କମ୍) ନୂଆପଡ଼ା ଜିଲ୍ଲାରେ ମାଓବାଦୀମାନେ ଏକ ଘରୋଇ ଠିକା କମ୍ପାନୀର କେତେକ ଗାଡ଼ି ପୋଡ଼ି ଦେଇଥିବା ପୋଲିସ ରବିବାର କହିଛି ।

ଶନିବାର ରାତିରେ ପ୍ରାୟ ୨୦ରୁ ୩୦ ଜଣ ମାଓବାଦୀ ବାରେଶବାହାଲ ଗ୍ରାମରେ ଲୋୟର ଇନ୍ଦ୍ର ପ୍ରକଳ୍ପର କାମ କରୁଥିବା ଡ଼ିଡ଼ି ବିଲ୍ଡ଼ରର୍ସର ୧୫ଟି ଗାଡ଼ିକୁ ପୋଡ଼ି ଦେଇଛନ୍ତି ।

ଘଟଣାସ୍ଥଳରେ ମାଓବାଦୀମାନେ ହାତ ଲେଖା ପୋଷ୍ଟର ଛାଡ଼ି ଯାଇଥିବା ବେଳେ ଠିକା କାମ ବନ୍ଦ କରିବାକୁ ପୂର୍ବରୁ ସେମାନେ ସଂପୃକ୍ତ କମ୍ପାନୀ ଅଧିକାରୀଙ୍କୁ ଧମକ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆପଡ଼ା, ଫେବୃୟାରୀ ୨୪(ଓଡ଼ିଶା ଡ଼ଟ୍ କମ୍) ନୂଆପଡ଼ା ଜିଲ୍ଲାରେ ମାଓବାଦୀମାନେ ଶୁକ୍ରବାର ପୋଲିସ ଇନ୍ଫର୍ମର ସନ୍ଦେହରେ ଜଣେ ମହିଳାଙ୍କୁ ହତ୍ୟା କରିଥିବା ପୋଲିସ କହିଛି ।

ସୁନାବେଡ଼ା ବଜାର ନିକଟସ୍ଥ ଏକ ସ୍ଥାନରୁ ଉକ୍ତ ମହିଳାଙ୍କ ମୃତ ଦେହ ଉଦ୍ଧାର କରାଯାଇଛି । ପୋଲିସ ଇନ୍ଫର୍ମର ସନ୍ଦେହରେ ତାଙ୍କୁ ହତ୍ୟା କରାଯାଇଛି ବୋଲି ମାଓବାଦୀମାନେ ସେଠାରେ ଛାଡ଼ଯାଇଥିବା ପୋଷ୍ଟରରେ ଉଲ୍ଲେଖ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ନୂଆପଡ଼ା,ନଭେମ୍ବର ୨୦(ଓଡ଼ିଶା ଡ଼ଟ୍ କମ୍) ନୂଆପଡା ଜିଲ୍ଲାରେ ମାଓବାଦୀମାନେ ଜଣେ ବ୍ଲକ ଅଧ୍ୟକ୍ଷଙ୍କୁ ଗୁଳି କରି ହତ୍ୟା କରିଥିବା ପୋଲିସ ରବିବାର କହିଛି ।

ସର ମହକୁମା ଠାରୁ ପ୍ରାୟ ୩୦ କି.ମି ଦୂରବର୍ତୀ ସୁନାବେଡ଼ା ଅଭୟାରଣ୍ୟ ସ୍ଥିତ ଗୌଧସ ଜଳପ୍ରପାତ ଅଂଚଳରୁ ରବିବାର ପୋଲିସ ନୂଆପଡ଼ା ବ୍ଲକ ଅଧ୍ୟକ୍ଷ ସୁନିଲ ୱୋଙ୍ଗନଙ୍କ ଶବ ଉଦ୍ଧାର କରିବା ସହ ସେଠାରେ ପଡ଼ିଥିବା ମାଓବାଦୀଙ୍କ ହାତ ଲେଖା ପୋଷ୍ଟର ଜବତ କରିଛି ।

ଘଟଣାସ୍ଥଳରୁ ମିଳିଥିବା ପୋଷ୍ଟର ।
ୱୋଙ୍ଗନ ଧରମବନ୍ଧା ଗାଁରେ ନିଜ ଘରେ ଥିବା ବେଳେ ଶନିବାର ସନ୍ଧ୍ୟାରେ କିଛି ମାଓବାଦୀ ଆସି ବୈଠକ ହେଉଥିବା କହି ତାଙ୍କୁ ଡ଼ାକି ନେଇଥିଲେ । ପରେ ସେମାନେ ତାଙ୍କୁ ଗୁଳି କରି ହତ୍ୟା କରିଛନ୍ତି ।

ମାଓବାଦୀଙ୍କ ନାଁରେ ଚାନ୍ଦା ଆଦାୟ କରୁଥିବା ସହ ସେ ଜନ ବିରୋଧୀ କାର୍ଯ୍ୟ କରୁଥିବାରୁ ତାଙ୍କୁ ହତ୍ୟା କରାଯାଇଛି ବୋଲି ମାଓବାଦୀମାନେ ପୋଷ୍ଟରରେ ଉଲ୍ଲେଖ କରିଥିବା ବେଳେ ପୋଲିସ ଚାକିରିରେ ଯୋଗ ନବୋକୁ ଧମକ ଦେଇଛନ୍ତି ।

ଓଡ଼ିଶା ଡ଼ଟ୍ କମ୍