ପୁରୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ଜୁନ୍ ୨୬(ଓଡ଼ିଶା ଡ଼ଟ୍ କମ୍) ଶ୍ରୀଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ର୍ଶନକୁ କେନ୍ଦ୍ରକରି ଦୁଇ ସେବାୟତ ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ ଯୋଗୁଁ ମହାପ୍ରଭୁଙ୍କ ନୀତିରେ ବିଳମ୍ବ ହୋଇଛି ।

ଫଳରେ ବିଳମ୍ବିତ ରାତିରେ ହେରାପଂଚମୀ ନୀତି ହୋଇଥିବା ବେଳେ ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ମଙ୍ଗଳବାର ସକାଳେ ମହାପ୍ରଭୁଙ୍କ ନୀତି ସଂପନ୍ନ ହୋଇପାରି ନାହିଁ । ନୀତି ବିଳମ୍ବ ଯୋଗୁଁ ଭକ୍ତଙ୍କ ମଧ୍ୟରେ ଅସନ୍ତୋଷ ଖୋେଇଛି ।

ସୋମବାର ରାତିରେ ଦୁଇ ଗୋଷ୍ଠୀଙ୍କ ପରିବାର ମଧ୍ୟରେ ସଂଘର୍ଷ ହୋଇଥିବା ବେଳେ ଏଥିରେ ଶ୍ରୀମନ୍ଦିର ସେବାୟତ ଭିତରଚ୍ଛଙ୍କୁ ଇତା ସେବକଙ୍କ ସମର୍ଥକମାନେ ମାଡ଼ ମାରିଥିବା ଅଭିଯୋଗ ହୋଇଛି ।

ଭିତରଚ୍ଛ ସେବକ ଭବାନୀ ମହାପାତ୍ରଙ୍କ ପରିବାର ମହିଳାମାନେ ଶ୍ରୀଗୁଣ୍ଡିଚା ମନ୍ଦିରକୁ ର୍ଶନ କରିବାକୁ ଆସିଥିବା ବେଳେ ର୍ଶନ ସମୟରେ ଉଭୟ ପରିବାରଙ୍କ ମଧ୍ୟରେ ଠେଲାପେଲା ହୋଇଥିଲା ।

ର୍ଶନ ଶେଷ କରି ସମସ୍ତେ ଫେରି ଆସିଥିବା ବେଳେ ଇତା ସେବାୟତମାନେ ମନ୍ଦିର ଭିତରେ ଥିବା ସମୟରେ ଭିତରଚ୍ଛ ଏବଂ ତାଙ୍କର କେତେକ ସମର୍ଥକ ସେଠାରେ ପହଂଚି ଗାଳିଗୁଲଜ କରିବାରୁ ଗଣ୍ଡଗୋଳ ହୋଇଥିଲା ।

ପରେ ଭିତରଚ୍ଛ ମନ୍ଦିର ବାହାରକୁ ଯିବା ପରେ ଇତା ସେବକ ଓ ତାଙ୍କର ସମର୍ଥକମାନେ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଏ ଘଟଣା ନେଇ ଉଭୟ ଗୋଷ୍ଠୀଙ୍କ ପକ୍ଷରୁ ଥାନାରେ ଏତଲା ିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ପୁରୀ, ଜୁନ୍ ୧୯ (ଓଡିଶା ଡଟ୍ କମ୍) ଶ୍ରୀମନ୍ଦିରରେ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ନବଯୌବନ ଦର୍ଶନ ଲାଗି ମଙ୍ଗଳବାର ପୁରୀରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି ।

ଶ୍ରୀଜିଉମାନେ ଦେବସ୍ନାନ ପୂର୍ଣ୍ଣିମାଠାରୁ ଅସୁସ୍ଥ ହୋଇ ଚଉଦିନ ଅଣସର ଘରେ ରହିବାପରେ ନବଯୌବନ ପାଇ ରତ୍ନ ସିଂହସନରେ ଭକ୍ତ ମାନଙ୍କୁ ଦର୍ଶନ ଦେଇଛନ୍ତି ।

ଶ୍ରୀବିଗ୍ରହମାନଙ୍କର ପରିମାଣିକ ଦର୍ଶନ ପରେ ମଙ୍ଗଳ ଆଳତୀ, ମଇଲମ ଓ ଦଶ ଅବତାର ଦିଅଁ ବାହୁଡା ବିଜେ କରିବା ପରେ ନବଯୌବନ ଦର୍ଶନ ହୋଇଛି । ପରିମାଣିକ ଦର୍ଶନ ଶେଷ ହେବା ପରେ ଶ୍ରୀଜିଉମାନଙ୍କ ନବଯୌବନ ଦର୍ଶନ ପାଇଁ ସାହାଣ ମେଲା କରାଯାଇଛିା ।

ସାହାଣ ମେଲା ପରେ ଦଇତାପତି ସର୍ବାଙ୍ଗ ବନ୍ଦାପନା କରିଛନ୍ତି । ନବଯୌବନ ଦର୍ଶନ ପାଇଁ ଭକ୍ତମାନଙ୍କ ଭିଡକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ସହ ବ୍ୟାରିକେଡ଼ ବ୍ୟବସ୍ଥା କରାଯାଇଛି । ଟାଉନ୍ ଥାନା ଠାରୁ ସମସ୍ତ ଦୁଇ ଚକିଆ ଯାନକୁ ବନ୍ଦ କରାଯାଇଛି ।

ପରିମାଣିକ ଦର୍ଶନ ପାଇଁ ସାଧାରଣ ଭକ୍ତ ଦକ୍ଷିଣଦ୍ଵାର ଦେଇ ପ୍ରବେଶ କରିଥିବା ବେଳେ ଭିଆଇପି ମାନଙ୍କ ପାଇଁ ପଶ୍ଚିମ ଦ୍ଵାରର ବ୍ୟବସ୍ଥା କରାଯାଇଛି ।

ତେବେ ରଥଯାତ୍ରା ପାଇଁ ପୁରୀ ସହର ଚଳଚଞ୍ଚଳ ହୋଇପଡ଼ିଥିବା ବେଳେ ଦେଶ ବିଦେଶ ତଥା ବିଭିନ୍ନ ସ୍ଥାନରୁ ଲକ୍ଷାଧିକ ଭକ୍ତ ଆସି ଏଠାରେ ପହଞ୍ଚିଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ପୁରୀ, ଜୁନ୍ ୪(ଓଡିଶା ଡଟ୍ କମ୍) ସୋମବାର ଦେବସ୍ନାନ ପୂର୍ଣ୍ଣିମା ଅବସରରେ ମହାପ୍ରଭୁଙ୍କ ସ୍ନାନଯାତ୍ରା ଓ ଗଜ ବେଶ ଖେିବା ପାଇଁ ଶ୍ରୀକ୍ଷେତ୍ର ପୁରୀରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି ।

ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ଆଜି ଭୋରରୁ ମହାପ୍ରଭୁଙ୍କୁ ମଙ୍ଗଳାପର୍ଣ, ଡୋର ଲାଗି, ପୁଷ୍ପାଞ୍ଜଳି ଲାଗି ସୂର୍ଯ୍ୟପୂଜା, ଦ୍ଵାରପୂଜା ପ୍ରଭୁତି ହେବା ପରେ ତିନିଠାକୁରଙ୍କୁ ସ୍ନାନ ମଣ୍ଡପକୁ ଅଣା ଯାଇଥିଲା ।

ଏହି ଅବସରରେ ପ୍ରଭୁ ଜଗନ୍ନାଥ ଭାଇ-ଭଉଣୀଙ୍କ ସହ ବଡ ଦେଉଳରୁ ବାହାରି ସ୍ନାନ ବେଦୀକୁ ଆସିଛନ୍ତି । ଜ୍ୟେଷ୍ଠର ଅସହ୍ୟ ଗରମ ସହ୍ୟ କରି ନପାରି ଉତ୍ତର ଦିଗରେ ଅବସ୍ଥିତ ଗଭୀର କୂପର ଶୀତଳ ଜଳରେ ସ୍ନାନ କରିଛନ୍ତି ।

ଆନନ୍ଦବଜାର ସ୍ଥିତ ଉତ୍ତର ପୂର୍ବ କୋଣରେ ରହିଥିବା ସ୍ନାନ ମଣ୍ଡପରେ ୧୦୮ ଗରା ଜଳରେ ମହାପ୍ରଭୁଙ୍କୁ ସ୍ନାନ କରାଇବା ପରେ ଗଜପତି ମହାରାଜା ିବ୍ୟସିଂହ ଦେବ ଛେରା ପହଁରା କରିଛନ୍ତି ।

ଏହାପରେ ଠାକୁରମାନେ ଗଜ ବେଶରେ ସୁସଜ୍ଜିତ ହୋଇ ଭକ୍ତମାନଙ୍କୁ ଦର୍ଶନ ଦେବେ । ଏହି ବେଶ ପରେ ମହାପ୍ରଭୁଙ୍କ ନିକଟରେ ସକାଳଧୂପ ଭୋଗ ଅନୁଷ୍ଠିତ ହେବ । ଆଜିଦିନ ଯାକ କେବଳ ଏହି ଗୋଟିଏ ଭୋଗ ହିଁ ଠାକୁରଙ୍କ ପାଖରେ ଲାଗି ହେବ ।

ପରେ ସଂଧ୍ୟାରେ ସାହାଣ ମେଳା ଅନୁଷ୍ଠିତ ହେବ ରାତି ସାଢେ ୧୦ଟା ପରେ ଠାକୁରମାନେ ଅଣସର ଘରକୁ ପ୍ରବେଶ କରିବାର କାର୍ଯ୍ୟକ୍ରମ ରହିଛି । ସେଠାରେ ମହାପ୍ରଭୁ ୧୫ଦିନ ରହିବା ପରେ ପୁଣି ନବଯୌବନ ବେଶରେ ଭକ୍ତଙ୍କୁ ଦର୍ଶନ ଦେବେ ।

ମହାପ୍ରଭୁଙ୍କ ଏହି ବେଶ ଦର୍ଶନ ପାଇଁ ଲକ୍ଷାଧିକ ଭକ୍ତଙ୍କ ସମାବେଶ ହୋଇଛି । ଭିଡ଼କୁ ଦୃଷ୍ଟିରେ ରଖି ୨୦ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଥିବା ବେଳେ ସ୍ନାନ ମଣ୍ଡପ ନିକଟରେ କ୍ଲୋଜ ସର୍କିଟ କ୍ୟାମେରା ଲଗାଯାଇଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ମଇ ୧୬(ଓଡ଼ିଶା ଡ଼ଟ୍ କମ୍) ମରାମତି କାର୍ଯ୍ୟ ପାଇଁ ସାମୟିକ ଭାବେ ବୁଧବାର ଠାରୁ ଶ୍ରୀମନ୍ଦିର ସିଂହଦ୍ୱାରାେଇ ଭକ୍ତଙ୍କ ଯାତାୟାତ ବନ୍ଦ କରାଯାଇଛି ।

ଏହି ସମୟ ମଧ୍ୟରେ ସେମାନେ ଅନ୍ୟ ତିନି୍ଦ୍ଵାର ଦେଇ ଶ୍ରୀମନ୍ଦିର ଭିତରକୁ ପ୍ରବେଶ ଓ ପ୍ରସ୍ଥାନ କରିପାରିବେ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଉଛି ।

ଦୀର୍ଘଦିନ ଧରି ସିଂହଦ୍ଵାର ଗୁମୁଟ ଦୁର୍ବଳ ଥିବାରୁ ସ୍କାଫୋଲଡ଼ିଂ କରାଯାଇ ଗୁମୁଟ ମରାମତି କାର୍ଯ୍ୟ ଜାରି ରହିଛି । ଭାରତୀୟ ପ୍ରତ୍ନତତ୍ୱ ବିଭାଗ ପକ୍ଷରୁ ଆଜି ଠାରୁ ଗୁମୁଟ ଭିତରେ ପଥର ଗୁଡ଼ିକୁ ସୁରକ୍ଷିତ ରଖିବା ପାଇଁ କାର୍ଯ୍ୟ ଆରମ୍ଭ ହୋଇଛି ।

ତେଣୁ ଏହି ରାସ୍ତା ଦେଇ ଭକ୍ତମାନେ ଯାତାୟତ କରିପାରିବେ ନାହିଁ । ତେବେ ମନ୍ଦିରର ନୀତି ଦୃଷ୍ଟିରୁ ପ୍ରତ୍ୟହ ସିଂହଦ୍ଵାର ଯଥାରୀତି ଖୋଲାଯିବ ଏବଂ ବନ୍ଦ ହେବ ବୋଲି କୁହାଯାଇଛି । ସ୍ନାନପୂର୍ଣ୍ଣିମା ପୂର୍ବରୁ ଏହି ମରାମତି କାର୍ଯ୍ୟ ଶେଷ ହୋଇଯିବ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ମଇ ୮(ଓଡ଼ିଶା ଡ଼ଟ୍ କମ୍) ପୁରୀ ସହରରେ ମଙ୍ଗଳବାର ୱାଟର ୱାର୍କସ ରୋଡରେ ଡ୍ରେନ୍ କାର୍ଯ୍ୟ ଚାଲିଥିବାବେଳେ ପାଚେରୀ ଭୁଶୁଡ଼ି ପଡ଼ିବାରୁ ଚାପି ହୋଇ ୨ଜଣ ଶ୍ରମିକଙ୍କ ମୃତ୍ୟୁ ହେବା ସହ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି ।

ସକାଳେ ଡ୍ରେନ୍ ପାଇଁ ଗାତ ଖୋଳାକାମ ଚାଲିଥିବାବେଳେ ହଠାତ୍ ୫୦ଫୁଟ ଲମ୍ବର ଏକ ଇଟା ପାଚେରୀ ଗାତ ଭିତରକୁ ଭୁଶୁଡ଼ି ପଡ଼ିଥିଲା । ଫଳରେ ସେଠାରେ କାମ କରୁଥିବା ଶ୍ରମିକମାନେ ଚାପି ହୋଇଯାଇଥିଲେ ।

ସ୍ଥାନୀୟ ଲୋକଙ୍କ ସହାୟତାରେ ଅଗ୍ନିଶମ କର୍ମଚାରୀମାନେ ସେମାନଙ୍କୁ ଉଦ୍ଧାର କରିଥିଲେ । ତେବେ ଉଦ୍ଧାର ବେଳେ ଜଣେ ମହିଳା ଶ୍ରମିକଙ୍କ ମୃତ୍ୟୁ ହୋଇଯାଇଥିଲା ।

ଅନ୍ୟ ଜଣେ ଶ୍ରମିକଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଥିଲା ।

ମୃତକଙ୍କ ପରିବାରଙ୍କୁ ଜିଲ୍ଲା ପ୍ରଶାସନ ପକ୍ଷରୁ ୧୦ ହଜାର ଟଙ୍କା ଲେଖାଏଁ କ୍ଷତି ପୂରଣ ଦିଆଯିବା ସହ ଆହତ ଶ୍ରମିକ ଦ୍ଵୟଙ୍କୁ ୫ହଜାର ଟଙ୍କା ଲେଖାଏଁ କ୍ଷତିପୂରଣ ଦିଆଯିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଘୋଷଣା କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମାର୍ଚ୍ଚ ୨୩(ଓଡ଼ିଶା ଡ଼ଟ୍ କମ୍) ପୁରୀ ଜିଲ୍ଲା କାକଟପୁର ସ୍ଥିତ ଏକ ସ୍କୁଲରୁ ମ୍ୟାଟ୍ରିକ ପରୀକ୍ଷା ପ୍ରଶ୍ନପତ୍ର ଚୋରି ଘଟଣାର କ୍ରାଇମବ୍ରାଂଚ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି ।

ଶୁକ୍ରବାର ବିଧାନସଭାରେ ଏକ ମୁଲତବି ପ୍ରସ୍ତାବ ଉପରେ ଆଲୋଚନା ବେଳେ ସ୍କୁଲ ଓ ଗଣଶିକ୍ଷା ମନ୍ତ୍ରୀ
ପ୍ରତାପ ଜେନା ଏହା କହିଛନ୍ତି । ତେବେ ଜୁନ୍ ୩୦ ସୁଦ୍ଧା ପରୀକ୍ଷା ଫଳ ପ୍ରକାଶ କରିବାକୁ ପଦକ୍ଷେପ
ନିଆଯିବ ବୋଲି ସେ କହିଛନ୍ତି ।

କାକଟପୁର ବ୍ଲକ ଅଧିନସ୍ଥ ବାଜପୁର ଭଗବତୀ ବିଦ୍ୟାପୀଠରୁ ମଙ୍ଗଳବାର ରାତିରେ ମ୍ୟାଟ୍ରିକ ରେଗୁଲାର ପରୀକ୍ଷା ପ୍ରଶ୍ନପତ୍ର ଚୋରି ହେବା ପରେ ମାଧ୍ୟମିକ ଶିକ୍ଷା ପରିଷଦ ଏବଂ ସ୍କୁଲ ଓ ଗଣଶିକ୍ଷା ବିଭାଗର ମିଳିତ ନିଷ୍ପତି କ୍ରମେ ମ୍ୟାଟ୍ରିକ ପରୀକ୍ଷାକୁ ବାତିଲ କରିିଦିଆଯାଇଛି ।

କେବଳ ଆରମ୍ଭରୁ ହୋଇଥିବା ସାହିତ୍ୟ ପରୀକ୍ଷା ବ୍ୟତୀତ ଅନ୍ୟ ସମସ୍ତ ପରୀକ୍ଷା ଘୁଂଚାଇ ଦିଆଯାଇଛି । ତେବେ ଏକ୍ସରେଗୁଲାର ଓ ମଧ୍ୟମା ପରୀକ୍ଷା ଜାରି ରହିବ ବୋଲି ପରିଷଦ ପକ୍ଷରୁ କୁହାଯାଇଛି ।

ପରୀକ୍ଷା ବାତିଲକୁ ନେଇ ରାଜ୍ୟବ୍ୟାପୀ ଛାତ୍ରଛାତ୍ରୀ ଅଭିଭାବକ ତଥା ବୁଦ୍ଧିଜୀବୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ,ମାର୍ଚ୍ଚ ୨୧(ଓଡ଼ିଶା ଡ଼ଟ୍ କମ୍) ଶ୍ରୀମନ୍ଦିରରେ ପରିମାଣିକ ଦର୍ଶନ ପାଇଁ କରାଯାଇଥିବା ନୂତନ ବ୍ୟବସ୍ଥାକୁ ବିରୋଧ କରି ବୁଧବାର ପ୍ରଶାସନ ଓ ସେବାୟତଙ୍କ ମଧ୍ୟରେ ବିବାଦ ଯୋଗୁଁ ମନ୍ଦିରରେ ନୀତି ବନ୍ଦ ହୋଇଛି ।

ଶ୍ରୀମନ୍ଦିରର ଜୟବିଜୟ ଦ୍ଵାର ଖୋଲା ଯାଇନାହିଁ କିମ୍ବା ଠାକୁରଙ୍କ ପହଡ଼ ଭଙ୍ଗା ଯାଇନାହିଁ । ଠାକୁରଙ୍କ ମଙ୍ଗଳ ଆଳତୀ ନୀତି ମଧ୍ୟ ସଂପନ୍ନ ହୋଇନାହିଁ ଫଳରେ ହଜାର ହଜାର ଭକ୍ତ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ହୋଇଛନ୍ତି ।

ଜିଲ୍ଲାପାଳ, ଅରକ୍ଷୀ ଅଧିକ୍ଷକ ଓ ଶ୍ରୀମନ୍ଦିର ପ୍ରଶାସନର ବରିଷ୍ଠ ଅଧିକାରୀମାନେ ସେବାୟତଙ୍କ ସହ ଦୀର୍ଘ
ସମୟ ଧରି ଆଲୋଚନା କରିଥିଲେ ମଧ୍ୟ କୌଣସି ସମାଧାନ ସୂତ୍ର ବାହାରି ନଥିଲା ।

ସୂଚନାଯୋଗ୍ୟ ଯେ, ଶ୍ରୀମନ୍ଦିର ଗର୍ଭଗୃହରେ ପରିମାଣିକ ଟିକେଟ୍ଧାରୀଙ୍କୁ ଦର୍ଶନର ସୁଯୋଗ ଦିଆଯିବା ଫଳରେ ଳାଚକଟା ଭଳି ଅଘଟଣା ଘଟିବାର ଆଶଙ୍କା ରହିଛି ବୋଲି ଦର୍ଶାଇ ବିଭିନ୍ନ ସମୟରେ ଗଠିତ ଉଚ୍ଚସ୍ତରୀୟ କମିଶନ ଓ କମିଟିଙ୍କ ପକ୍ଷରୁ ଏହା ବନ୍ଦ କରିବା ପାଇଁ ସୁପାରିଶ କରାଯାଇଥିଲା ।

ତଦନୁଯାୟୀ ଶ୍ରୀମନ୍ଦିର ପ୍ରଶାସନ ଏ ସଂକ୍ରାନ୍ତରେ ବିଭିନ୍ନ ନିଯୋଗର କର୍ମକର୍ତା ଓ ସେବାୟତଙ୍କ ସହିତ ବାରମ୍ବାର ଆଲୋଚନା କରିଥିଲେ । ପରିମାଣିକ ଦର୍ଶନ ଦ୍ୱାରାନୀତି ବିଳମ୍ବ ହେଉଥିବାରୁ ଗର୍ଭଗୃହ ପରିବର୍ତେ ଭିତର କାଠ ସାମ୍ନାରେ ପରିମାଣିକ ଦର୍ଶନ କରିବା ପାଇଁ ନିଷ୍ପତି ନିଆଯାଇଥିଲା ।

ଗତ ୩ ତାରିଖ ଗଜପତି ମହାରାଜା ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶ୍ରୀମନ୍ଦିର ପରିଚାଳନା କମିଟି ବଜେଟ୍ ବୈଠକରେ ବିସ୍ତୃତ ଆଲୋଚନା କରାଯାଇ ଯଥାଶୀଘ୍ର ନୂତନ ବ୍ୟବସ୍ଥା କାର୍ଯ୍ୟକାରୀ କରିବାକୁ ମୁଖ୍ୟ ପ୍ରଶାସକଙ୍କୁ ଦାୟିତ୍ୱ ଦିଆଯାଇଥିଲା ।

ତେବେ ଆଜିଠାରୁ ନୂତନ ବ୍ୟବସ୍ଥା କାର୍ଯ୍ୟକାରୀ କରାଯିବାରୁ ସେବାୟତମାନେ ବିରୋଧ କରିଥିଲେ, ଫଳରେ ନୀତି ବନ୍ଦ ରହିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ମାର୍ଚ୍ଚ ୨୦(ଓଡ଼ିଶା ଡ଼ଟ୍ କମ୍) ହାଇକୋର୍ଟଙ୍କ ନିର୍ଦ୍ଦେଶ ପରେ ମଙ୍ଗଳବାର ଶ୍ରୀମନ୍ଦିର ମେଘନାଦ ପାଚେରୀ ନିକଟରୁ ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି ।

ଭାରତୀୟ ପ୍ରତ୍ନତାତ୍ୱିକ ସର୍ବେକ୍ଷଣ ସଂସ୍ଥା ଓ ଜିଲ୍ଲା ପ୍ରଶାସନର ମିଳିତ ଉଦ୍ୟମରେ ଜବରଦଖଲ ଉଚ୍ଛେଦ କରାଯାଉଥିବା ବେଳେ ପାଚେରୀର ଦଶ ଫୁଟ୍ ମଧ୍ୟରେ ସମସ୍ତ ନିର୍ମାଣ କାର୍ଯ୍ୟ ଭଙ୍ଗାଯିବ ବୋଲି ଜଣେ ଅଧିକାରୀ କହିଛନ୍ତି ।

ଶ୍ରୀମନ୍ଦିରର ସିଂହଦ୍ଵାର ଓ ମେଘନାଦ ପାଚେରୀ ଅସୁରକ୍ଷିତ ହୋଇପଡ଼ିଥିବା ନେଇ ଆଗତ ମାମଲାର ଶୁଣାଣି କରି ହାଇକୋର୍ଟ ବଡ଼ଛତା ମଠର କିଛିଅଂଶ ଦୁଇମାସ ମଧ୍ୟରେ ଭାଙ୍ଗି ଦେବା ପାଇଁ ସୋମବାର ନିର୍ଦ୍ଦେଶ ଦେଇଥିଲେ ।

ଉଚ୍ଛେଦ କାର୍ଯ୍ୟ ସମୟରେ ମଠ ପ୍ରଶାସନ ସହଯୋଗ କରିବା ସହ ଏହି କାର୍ଯ୍ୟ ସମୟରେ ମଠ, ମେଘନାଦ ପାଚେରୀର ଯେପରି କୌଣସି କ୍ଷତି ନହେବ ସେଥିପ୍ରତି ଦୃଷ୍ଟି ଦେବାକୁ କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ମାର୍ଚ୍ଚ ୧୬(ଓଡ଼ିଶା ଡ଼ଟ୍ କମ୍) ହାଇକୋର୍ଟଙ୍କ ନିର୍ଦ୍ଦେଶକ୍ରମେ ଶ୍ରୀମନ୍ଦିର ସିଂହଦ୍ଵାର ଗୁମୁଟ ଓ ମେଘନାଦ ପାଚେରୀ ସଂଲଗ୍ନ ଛାଉଣୀ ମଠର ଜବରଦଖଲ ଉଚ୍ଛେଦ କାର୍ଯ୍ୟ ଶୁକ୍ରବାର ଆରମ୍ଭ ହୋଇଛି ।

ଭାରତୀୟ ପ୍ରତ୍ନତାତ୍ୱିକ ସର୍ବେକ୍ଷଣ ସଂସ୍ଥା ଓ ଜିଲ୍ଲା ପ୍ରଶାସନର ମିଳିତ ଉଦ୍ୟମରେ ଛାଉଣୀ ମଠର ଶ୍ରୀମନ୍ଦିର ଗୁମୁଟ ଓ ମେଘନାଦ ପାଚେରୀକୁ ଲାଗି ରହିଥିବା ଅଂଶକୁ ଭଙ୍ଗାଯାଇଛି ।

ମଠ ମହନ୍ତ ମଧ୍ୟ ଉପସ୍ଥିତ ରହି ଉଚ୍ଛେଦ କାର୍ଯ୍ୟରେ ସହଯୋଗ କରିଛନ୍ତି । ଆସନ୍ତା ଦୁଇ ତିନିଦିନ ମଧ୍ୟରେ ଉଚ୍ଛେଦ କାର୍ଯ୍ୟ ଶେଷ ହେବ ବୋଲି ଜିଲ୍ଲା ପ୍ରଶାସନ ଓ ଏଏସ୍ଆଇ ପକ୍ଷରୁ କୁହାଯାଇଛି ।

ଶ୍ରୀମନ୍ଦିରର ସିଂହଦ୍ଵାର ଓ ମେଘନାଦ ପାଚେରିର ସୁରକ୍ଷା ପାଇଁ ହାଇକୋର୍ଟ ବିଚାରପତି ପ୍ରଦୀପ ମହାନ୍ତି ଓ ବିଚାରପତି ଇନ୍ଦ୍ରଜିତ୍ ମହାନ୍ତିଙ୍କୁ ନେଇ ଗଠିତ ଖଣ୍ଡପୀଠ ଗୁରୁବାର ମଠର ଜବରଦଖଲ ଉଚ୍ଛେଦ ପାଇଁ ନିର୍ଦ୍ଦେଶ ଦେଇଥିଲେ ।

ପୂର୍ବରୁ ଏହି ମାମଲାରେ ପୁରୀ ଜିଲ୍ଲାପାଳଙ୍କ ପକ୍ଷରୁ ହାଇକୋର୍ଟରେ ଏକ ରିପୋର୍ଟ ଦାଖଲ କରାଯିବା ସହ ଛାଉଣୀ ମଠ, ପ୍ରତିହାରୀ ନିଯୋଗ ଓ ବଡ଼ଛତା ମଠ ସିଂହଦ୍ଵାର ଗୁମୁଟ ପ୍ରତି ବିପଦ ସୃଷ୍ଟି କରୁଥିବାରୁ ଏହି ସୌଧ ଗୁଡ଼ିକୁ ଭାଙ୍ଗିଦେବା ପାଇଁ ଉଲ୍ଲେଖ କରାଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ମାର୍ଚ୍ଚ ୧୩(ଓଡ଼ିଶା ଡ଼ଟ୍ କମ୍) ପୁରୀ ସମୁନ୍ଦ୍ରରେ ମଙ୍ଗଳବାର ଗାଧୋଉଥିବାବେଳେ ଜଣେ ବିଦେଶୀ ମହିଳା ପର୍ଯ୍ୟଟକଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ଋଷର ଏହି ମହିଳା ଜଣକ ନିଜ ସଂପର୍କୀୟଙ୍କ ସହ ବୁଲିବାକୁ ଆସି ବଳିଆପଣ୍ଡା ଥାନା ଅନ୍ତର୍ଗତ ସମୁନ୍ଦ୍ରରେ ଗାଧୋଉଥିବା ବେଳେ ହଠାତ ଜୁଆର ଆସିବାରୁ ସେ ପାଣି ଭିତରକୁ ଚାଲିଯାଇଥିଲେ ।

ପରେ ତାଙ୍କୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା ଏବଂ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଓଡ଼ିଶା ଡ଼ଟ୍ କମ୍