ପୁରୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ଡ଼ିସେମ୍ବର ୧୭(ଓଡ଼ିଶା ଡ଼ଟ୍ କମ୍) ପୁରୀ ସହରରେ ଏକ କୂଅରେ ପଡ଼ି ଶନିବାର ତିନି ଜଣଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ହେରାଗୋହିରୀ ସାହିର ସଂଜୟ ସିଂହଙ୍କ ଘର ପଛପଟେ ଥିବା କୂଅରୁ ଅଗ୍ନିଶମ ବିଭାଗ ଅଧିକାରୀମାନେ ସଂଜୟଙ୍କ ପତ୍ନୀ ମଧୁସ୍ମିତା, ତାଙ୍କ ପୁଅ ସିପୁନ ଏବଂ ଭାଣଜୀ ଶ୍ୱେତାପ୍ମାଙ୍କ ଶବ ଉଦ୍ଧାର କରିଛନ୍ତି ।

ସଂଜୟ ଗତ କିଛିଦିନହେଲା ଭୁବନେଶ୍ୱରର ଏକ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ଡ଼ିସେମ୍ବର ୧୦(ଓଡ଼ିଶା ଡ଼ଟ୍ କମ୍) ପୁରୀ ସ୍ଥିତ ଶ୍ରୀମନ୍ଦିରକୁ ପ୍ରବେଶ କରିବା ଦାବିରେ ଶନିବାର ଇସ୍କନ ଭକ୍ତମାନେ ସିଂହଦ୍ୱାର ସମ୍ମୁଖରେ ଧାରଣା ଦେଇଛନ୍ତି ।

ଇଟାଲୀ, କାନାଡା, ଫ୍ରାନ୍ସରୁ ଆସିଥିବା ପ୍ରାୟ ୩୦ ଜଣ ବିଦେଶୀ ଭକ୍ତ ଶ୍ରୀମନ୍ଦିର ପ୍ରବେଶ ପାଇଁ ଚେଷ୍ଟା କରିଥିବା ବେଳେ ଅନ୍ୟ କେତେକ ମନ୍ଦିର ସୂଚନା ଅଧିକାରୀଙ୍କ ସହ ଏସଂପର୍କରେ ଆଲୋଚନା କରିଥିଲେ ।

କେବଳ ହିନ୍ଦୁମାନେ ଶ୍ରୀମନ୍ଦିର ପ୍ରବେଶ କରିପାରିବେ ବୋଲି ଅଧିକାରୀ ଜଣକ କହିବା ପରେ
ସେମାନେ ସିଂହ୍ୱାର ସମ୍ମୁଖରେ ଧାରଣା ଦେଇଥିଲେ ।

ତେବେ କିଛି ସମୟ ପରେ ମନ୍ଦିର ପ୍ରଶାସନ ଓ ପୋଲିସ ବୁଝାସୁଝା କରିବାରୁ ସେମାନେ ଧାରଣାରୁ
ଉଠିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଡ଼ିସେମ୍ବର ୭(ଓଡ଼ିଶା ଡ଼ଟ୍ କମ୍) ପୁରୀ ସ୍ୱର୍ଗଦ୍ୱାର ଜମି ଜବରଦଖଲ ନେଇ ବୁଧବାର ରାଜ୍ୟ ସରକାର ହାଇକୋର୍ଟରେ ସତ୍ୟପାଠ ଦ।ଖଲ କରିଛନ୍ତି ।

୧୯୮୫ ଓ ୧୯୮୮ରେ ଦୁଇଟି ପର୍ଯ୍ୟାୟରେ ପୁରୀ ପୌରପରିଷଦକୁ ମୋଟ୍ ଏକ ହଜାର ଡ଼େସିମିଲ ଜମି ଦିଆଯାଇଥିଲା ଏବଂ ବର୍ତମାନ ଏଥିରୁ ୫୨୬ ଡ଼େସିମିଲ ଜବରଦଖଲକାରୀଙ୍କ କବ୍ଜାରେ ରହିଛି ବୋଲି ଏହି ସତ୍ୟପାଠରେ ଦର୍ଶାଯାଇଛି ।

ଆସନ୍ତା ସପ୍ତାହରେ ଏହି ମାମଲାର ପରବର୍ତୀ ଶୁଣାଣି କରାଯିବ । ନ୍ୟାସନାଲ ଆଇନଜୀବୀ ଫୋରମ ପକ୍ଷରୁ ଏନେଇ ହାଇକୋର୍ଟରେ ଜନସ୍ୱାର୍ଥ ମାମଲା ଦ।ଏର ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ନଭେମ୍ବର ୨୩(ଓଡ଼ିଶା ଡ଼ଟ୍ କମ୍) କଟକରେ ଟ୍ୟୁସନରୁ ଫେରୁଥିବା ବେଳେ ଅପହରଣ ହୋଇଥିବା ପଞ୍ଚମ ଶ୍ରେଣୀ ଛାତ୍ରଙ୍କୁ ପୋଲିସ ଖୋର୍ଦ୍ଧାରୁ ଉଦ୍ଧାର କରିଛି ।

ନିମସାହି ଅଞ୍ଚଳର ଦଶ ବର୍ଷ ବୟସ୍କ ଅବଦୁଲ ରେହେମାନଙ୍କୁ ପୋଲିସ ଶରଧାପୁର ଅଞ୍ଚଳରୁ  ମଙ୍ଗଳବାର ସଂଧ୍ୟାରେ ଉଦ୍ଧାର କରିଥିବା ଜଣେ ଅଧିକାରୀ ବୁଧବାର କହିଛନ୍ତି ।

ଅପହରଣ କରିଥିବା ଦମ୍ପତି ବାଦଲ ଓରଫ ଜୁଲ ଫିକର ଅଲ୍ଲୀ ଏବଂ ତାଙ୍କ ପତ୍ନୀଙ୍କୁ ଗିରଫ କରିଥିବା ବେଳେ ସେମାନଙ୍କ ଘର ରାଜକନିକା ଅନ୍ତର୍ଗତ ଓଳାଭର ଅଞ୍ଚଳରେ ବୋଲି ପୋଲିସ କହିଛି ।

ଉଭୟ ସ୍ୱାମୀ ସ୍ତ୍ରୀ ଅବଦୁଲଙ୍କୁ ଅପହରଣ କରି ଶରଧାପୁର ସ୍ଥିତ ତାଙ୍କ ଶ୍ୱଶୂର ଘରେ ରଖିଥିଲେ । ସେଠାରେ ତାଙ୍କୁ ମୁଣ୍ଡ ଜାମିନ ରଖି ୧୨ ଲକ୍ଷ ଟଙ୍କା ମାଗିଥିଲେ । ପରେ କଟକ ପୋଲିସ ଫୋନ୍ନ ମ୍ବରକୁ ଟ୍ରାକ୍ କରି ଖୋର୍ଦ୍ଧା ପୋଲିସ ସହ ଯୋଗାଯୋଗ କରିଥିଲା ।

ରବିବାର ସଂଧ୍ୟାରେ ଜଣେ ପଡ଼ୋଶୀ ଯୁବକ ରେହେମାନଙ୍କୁ ଟ୍ୟୁସନ ସ୍ଥାନରେ ଛାଡ଼ିବା ଓ ଟ୍ୟୁସନ ପରେ ଆଣିବାକୁ ଯାଇ ଆଉ ଫେରିନଥିବାରୁ ସଂପୃକ୍ତ ଛାତ୍ରଙ୍କୁ ଅପହରଣ କରିନିଆଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଅବଦୁଲ ଡ଼ିପିଏସ୍ କଳିଙ୍ଗ ବିଦ୍ୟାଳୟର ଛାତ୍ର ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ନଭେମ୍ବର ୧(ଓଡ଼ିଶା ଡ଼ଟ୍ କମ୍) ପୁରୀ ସ୍ଥିତ ବିଶ୍ୱପ୍ରସିଦ୍ଧ ଶ୍ରୀଜଗନ୍ନାଥ ମନ୍ଦିରର ପଶ୍ଚିମଦ୍ୱାରରେ ଥିବା ଗୁମୁଟରୁ ମଙ୍ଗଳବାର ପଥର ଖସି ଜଣେ ଭକ୍ତ ଆହତ ହୋଇଥିବା ବେଳେ ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦେଗ ପ୍ରକାଶ କରିଛନ୍ତି ।

ପଥରର ଓଜନ ପ୍ରାୟ ଏକ ଟନ୍ ହେବ ବୋଲି ଜଣାପଡ଼ିଛି । ଘଟଣା ପରେ ପଶ୍ଚିମ ଦ୍ୱାରକୁ ବନ୍ଦ
କରିିଆଯାଇଛି ।

ପୂର୍ବରୁ ମଧ୍ୟ ଏଭଳି ମନ୍ଦିରରୁ ପଥର ଖସିଥିବା ବେଳେ ରକ୍ଷଣାବେକ୍ଷଣ ଦାୟିତ୍ୱରେ ଥିବା ଭାରତୀୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥା (ଏଏସ୍ଆଇ) ସୁରକ୍ଷା ପ୍ରତି କୌଣସି ଧ୍ୟାନ ଦେଉନଥିବାରୁ ସାଧାରଣରେ ଉଦେଗ ପ୍ରକାଶ ପାଇଛି ।

ତେବେ ପଥର ପଡ଼ିବା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମନ୍ଦିରର ଉପଯୁକ୍ତ ସଂରକ୍ଷଣ ପ୍ରତି ସ୍ୱତନ୍ତ୍ର ଦୃଷ୍ଟି ବୋକୁ କେନ୍ଦ୍ର ସଂସ୍କୃତି ମନ୍ତ୍ରୀ କୁମାରୀ ଶୈଳଜାଙ୍କୁ ପତ୍ର ଲେଖିଛନ୍ତି ।

ଶ୍ରୀଜଗନ୍ନାଥ ମନ୍ଦିର କେବଳ ଓଡ଼ିଶାର ପ୍ରତୀକ ନୁହେଁ ଏହା ସମଗ୍ର ବିଶ୍ୱର ହିନ୍ଦୁ ଭକ୍ତି ଓ ଭାବନାର ପ୍ରତୀକ । ବର୍ତ୍ତମାନ କାର୍ତିକ ମାସ ଚାଲିଥିବା ବେଳେ ମନ୍ଦିରରେ ଭକ୍ତଙ୍କ ଭିଡ଼ ଲାଗିରହୁଛି । ଏଭଳି ସମୟରେ ପଥର ଖସିବା ଭକ୍ତ ମାନଙ୍କ ଭାବାବେଗକୁ ଆଘାତ କରିଛି ବୋଲି ମୁଖ୍ୟମନ୍ତ୍ରୀ ପତ୍ରରେ ର୍ଶାଇଛନ୍ତି ।

୧୯୭୫ ମସିହାରୁ ଶ୍ରୀମନ୍ଦିରର ରକ୍ଷଣାବେକ୍ଷଣ ଦାୟିତ୍ୱ ଭାରତୀୟ ପ୍ରତ୍ନତତ୍ୱ ସର୍ଭେକ୍ଷଣ ସଂସ୍ଥା ଉପରେ ନ୍ୟସ୍ତ ଥିବାରୁ ଏହାର ଉପଯୁକ୍ତ ସଂରକ୍ଷଣ ପାଇଁ ସଂପୃକ୍ତ ସଂସ୍ଥାକୁ ନିର୍ଦ୍ଦେଶ ଦେବାକୁ ସେ ଅନୁରୋଧ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅଗଷ୍ଟ ୬(ଓଡ଼ିଶା ଡ଼ଟ୍ କମ୍) ପୁରୀ ସ୍ଥିତ ଏମାର ମଠର ନୂଆ ଟ୍ରଷ୍ଟ ବୋର୍ଡ଼ ଗଠନ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।

ନିଲମ୍ବନ  ଆଦେଶ  ବିରୋଧରେ ପୂର୍ବତନ ମହନ୍ତ ରାଜଗୋପାଳ ରାମାନୁଜ ଦାସଙ୍କ ପକ୍ଷରୁ କରାଯାଇଥିବା ମାମଲାର ବିଚାର କରି ଶୁକ୍ରବାର ବିଚାରପତି ଏମ୍ଏମ୍ ଦାସ ନିଲମ୍ବନ ଆଦେଶ କୁ ରଦ୍ଦ କରିବା ସହ ଦେବୋତ୍ତର ବିଭାଗ ଦ୍ୱାରା ଗଠିତ ଟ୍ରଷ୍ଟ ବୋର୍ଡକୁ ରଦ୍ଦ କରି ଦେଇଛନ୍ତି ।

ସହରର ବିଶିଷ୍ଟ ନାଗରିକ ଓ ସରକାରୀ ଅଧିକାରୀଙ୍କୁ ନେଇ ମଠର ସୁରିଚାଳନା ପାଇଁ ଏକ ଟ୍ରଷ୍ଟ ବୋର୍ଡ ଗଠନ କରିବାକୁ ନିର୍ଦ୍ଦେଶ ଦେଇଛନ୍ତି । ମହନ୍ତ ଠାକୁରଙ୍କ ସେବା ପୂଜା କରିପାରିବେ କିନ୍ତୁ ମଠ ପରିଚାଳନାରେ ହସ୍ତକ୍ଷେପ କରିପାରିବେ ନାହିଁ ବୋଲି କୋର୍ଟ ରାୟରେ ଉଲ୍ଲେଖ କରିଛନ୍ତି ।

ଏହି ମଠରୁ ରୁପାଇଟା ଚୋରି ଘଟଣାରେ ମହନ୍ତଙ୍କ ସଂପୃକ୍ତି ଅଭିଯୋଗ ପରେ ଦେବୋତ୍ତର ବିଭାଗ ମହନ୍ତଙ୍କୁ ନିଲମ୍ବନ କରିବା ସହ ଏହାର ସୁରିଚାଳନା ପାଇଁ ଏକ ଟ୍ରଷ୍ଟବୋର୍ଡ ଗଠନ କରିଥିଲେ ।

ଓଡ଼ିଶା ଡ଼ଟ୍ କମ୍

ମଠରୁ ରୁପାଇଟା ଚୋରି ଘଟଣାରେ ମହନ୍ତଙ୍କ ସଂପୃକ୍ତି ଅଭିଯୋଗ ପରେ ଦେବୋତ୍ତର ବିଭାଗ ମହନ୍ତଙ୍କୁ ନିଲମ୍ବନ କରିବା ସହ ଏହାର ସୁରିଚାଳନା ପାଇଁ ଏକ ଟ୍ରଷ୍ଟବୋର୍ଡ ଗଠନ କରିଥିଲେ । “

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବ।ଦ ଦାତା

ପୁରୀ, ମଇ ୭(ଓଡ଼ିଶା ଡ଼ଟ୍ କମ୍) ପୁରୀ ସ୍ଥିତ ଏମାର ମଠରୁ ଉଦ୍ଧାର କରାଯାଇଥିବା ରୂପା ଇଟାକୁ ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଶନିବାର କଡ଼ା ସୁରକ୍ଷା ମଧ୍ୟରେ ଜିଲ୍ଲା ପୋଲିସ ଅସ୍ତ୍ରାଗାରକୁ ସ୍ଥାନାନ୍ତର କରାଯାଇଛି ।

ଏସ୍ପିଙ୍କ ତତ୍ତ୍ୱାବଧାନରେ ମଠ ପରିସରରେ ଥିବା ଦୁଇଟି କୋଠରୀର ସିଲ୍ ଖୋଲାଯାଇ ପ୍ରାୟ ନବେ କୋଟି ଟଙ୍କାର ରୂପା ଇଟା, ଅନ୍ୟ ରୂପା ସାମଗ୍ରୀ ଓ ସୁନା ଅଳଙ୍କାରକୁ ଅସ୍ତ୍ରାଗାର ମଧ୍ୟରେ ଗଚ୍ଛିତ ରଖାଯାଇଛି ।

ଏହି ସମୟରେ ମାଜିଷ୍ଟ୍ରେଟ, ମଠ ପରିଚାଳନା କମିଟି ସଦସ୍ୟ ଓ ବରିଷ୍ଠ ପୋଲିସ ଅଧିକାରୀମାନେ ଉପସ୍ଥିତ ଥିଲେ । ଚାରି ପ୍ଲାଟୁନ୍ ସୁରକ୍ଷା କର୍ମଚାରୀ ଏବଂ ତିନି ଜଣ ଡିଏସ୍ପିଙ୍କ ଉପସ୍ଥିତିରେ ଦୁଇଟି ଭ୍ୟାନରେ ଶ୍ରମିକମାନେ ଏହି ରୁପାଇଟା ନେଇ ରଖିଥିଲେ । ପୂର୍ବରୁ ମଠ ଅଞ୍ଚଳ, ବଣିଆପଟିକୁ ସିଲ୍ କରିିଆଯାଇଥିବା ବେଳେ ସମସ୍ତ ଦୋକାନ ବଜାର ବନ୍ଦ ରହିଥିଲା ।

ମଠର ମରାମତି ସମୟରେ ଶ୍ରମିକମାନେ ରୂପା ଇଟାର ସନ୍ଧାନ ପାଇବା ସହ ଆଠ ଖଣ୍ଡ ରୁପାଇଟା ଚୋରିକରି ନେଇଯାଇଥିଲେ । ଏହି ଘଟଣାରେ ପୋଲିସ ଢେଙ୍କାନାଳରୁ ଦୁଇ ଜଣ ଶ୍ରମିକଙ୍କୁ ଗିରଫ କରିଥିଲା ।

ପରେ ଫେବୃଆରୀ ୨୬ ରେ ଏମାର ମଠର ଏକ ବନ୍ଦ କୋଠରୀରୁ ତିନୋଟି କାଠବାକ୍ସରୁ ଗୋଟିକ ୩୦ ରୁ୪୦ କେଜି ଓଜନର ପ୍ରାୟ ୫୨୨ଟି ଇଟା ଜବତ ହେବାପରେ ପୋଲିସ ମଠ ମହନ୍ତଙ୍କ ଚାଲିଚଳନ ଉପରେ ତୀକ୍ଷ୍ଣ ଦୃଷ୍ଟି ରଖିଥିଲା ଓ ମହନ୍ତଙ୍କ ସହ ଅନ୍ୟ ଛଅ ଜଣଙ୍କୁ ଗିରଫ କରିଥିଲା ।

ମହନ୍ତଙ୍କୁ ଗିରଫ କରାଯିବା ପରେ ଦେବୋତ୍ତର ବିଭାଗ ଗୋପାଳ ରାମାନୁଜ ଦ।ସଙ୍କୁ ମହନ୍ତ ପଦବୀରୁ ନିଲମ୍ବିତ କରିବା ସହିତ ଏକ ପାଞ୍ଚ ଜଣିଆ ପରିଚାଳନା କମିଟି ନିଯୁକ୍ତ କରିଥିଲେ ।

ଉଦ୍ଧାର କରାଯାଇଥିବା ରୂପାଇଟା ମଠ ପରିସରରେ ରଖିବାକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ରୁପାଇଟା ମଠ ପରିସରରେ ରଖାଯିବା ସୁରକ୍ଷିତ ନୁହେଁ ବୋଲି ସରକାରଙ୍କ ପକ୍ଷରୁ ଯୁକ୍ତି ଦର୍ଶାଯାଇଥିଲା । ହାଇକୋର୍ଟ ଏହି ଯୁକ୍ତି ଗ୍ରହଣ କରିବା ସହ କଡ଼ା ସୁରକ୍ଷା ମଧ୍ୟରେ ରୂପାଇଟାକୁ ପୁରୀ ଜିଲ୍ଲା ଅସ୍ତ୍ରାଗାରରେ ରଖିବାକୁ ନିର୍ଦ୍ଦେଶ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ