ପୋସ୍କୋ

ଓଡ଼ିଶା ଡ଼ଟ୍ କମ୍: ଅମରନାଥ ପରିଡା

ଜଗତସିଂପୁର,ଫେବୃଆରି ୩ (ଓଡିଶା ଡଟ୍ କମ୍)- ଦେଢବର୍ଷପରେ ପୁଣି ପୋସ୍କୋ ପାଇଁ ଜମି ଅଧିଗ୍ରହଣ ଆରମ୍ଭ । ବିରୋଧୀଙ୍କ ଗଡ ଗୋବିନ୍ଦପୁରୁରେ ପାନବରଜ ଭାଙ୍ଗି ପ୍ରାପ୍ୟ ଦେଇଛନ୍ତି ପ୍ରଶାସନ । ଏ ଘଟଣା ନେଇ ବିରୋଧୀ ଓ ପୋଲିସ ମୁହାଁମୁହିଁ ହେବା ଯୋଗୁଁ ଉତେଜନା ସୃଷ୍ଟି ହୋଇଥିଲା ।

ରବିବାର ଦିନ ଜମି ଅଧିଗ୍ରହଣ ପାଇଁ ପ୍ରଶାସନ ଓ ପୋଲିସ ପୁରା ପ୍ରସ୍ତୁତ ହୋଇ ଆସିଥିଲେ । ଦୀର୍ଘ ଦୁଇ ସପ୍ତାହର ପ୍ରସ୍ତୁତିପରେ ଜଗତସିଂପୁର ଜିଲ୍ଲାପାଳ,ଏସ୍ପି,ଇଡ୍କୋର ଅଧିକାରୀ ୧୨ ପ୍ଲାଟୁନ ପୋଲିସ ଫୋର୍ସ ଧରି ପ୍ରସ୍ତାବିତ ପୋସ୍କୋ ଅଞ୍ଚଳ ଢିଙ୍କିଆ ପଞ୍ଚାୟତର ଗୋବିନ୍ଦପୁର ମୌଜା ଭିତରେ ପୋଲିସ ପ୍ରବେଶ କରିଛି । କେବଳ ପ୍ରବେଶ କରିନାହାଁନ୍ତି ପାନବରଜ ଭଙ୍ଗାକାର୍ଯ୍ୟ ମଧ୍ୟ ଆରମ୍ଭ କରି ଦେଇଛନ୍ତି ।

ରବିବାର ପ୍ରଥମ ଦିନରେ ବଡପଡା, ବାଲିଟିକିରି ଓ ଗୋବିନ୍ଦପୁର ସୀମାରେ ପାନ ବରଜ ଭଙ୍ଗାଯାଇଛି । ଜଗତସିଂପୁର ଜିଲ୍ଲାପାଳ ସତ୍ୟ କୁମାର ମଲ୍ଲିକ କହିଛନ୍ତି ଯେଉଁ ଲୋକମାନେ ପାନ ବରଜ ଭାଙ୍ଗି ପ୍ରାପ୍ୟ ନେବାକୁ ସମ୍ମତି ଦେଇଥିଲେ ସେମାନଙ୍କର ବରଜ ଭଙ୍ଗାଯାଇ ଜମି ଅଧିଗ୍ରହଣ ହୋଇଛି ।

ଏହାକୁ ବିରୋଧ କରିଛନ୍ତି ପୋସ୍କୋ ପ୍ରତିରୋଧ ସଂଗ୍ରାମ ସମିତି । ଫଳରେ ବିରୋଧୀ ଓ ପ୍ରଶାସନ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ଏଥିରେ ୧୨ଜଣ ଆହତ ହୋଇଛନ୍ତି ବୋଲି ଅଭିଯୋଗ ହୋଇଛି ।

ପୋସ୍କୋ ବିରିଧୀମାନେ ଗୋବିନ୍ଦପୁର ସୀମାରେ ଧାରଣାରେ ବସିରହିଛନ୍ତି । ଏମାନଙ୍କ ସହିତ ସାମିଲ ହୋଇଛନ୍ତି ଜଗତସିଂପୁର ସାଂସଦ ମଧ୍ୟ ସାମିଲ ହୋଇଛନ୍ତି । କଂଗ୍ରେସର ଏକ ପ୍ରତିନିଧି ଦଳ ପୋସ୍କୋ ପ୍ରକଳ୍ପ ଅଞ୍ଚଳରେ ପହଞ୍ଚି ଘଟଣାର ଅନୁଧ୍ୟାନ କରିଛି ।

ପୂର୍ବରୁ ଇଡକୋ ପୋସ୍କୋ ପାଇଁ ଗଡ କୁଜଙ୍ଗ ଓ ନୂଆଗାଁ ଗ୍ରାମ ପଞ୍ଚାୟତରୁ ପାନବରଜ ଭାଙ୍ଗି ଓ ଜଙ୍ଗଲ କାଟି ୨ ହଜାର ଏକର ପରିମିତ ଜମି ହାତକୁ ନେବାପରେ କାର୍ଯ୍ୟାରମ୍ଭ ପାଇଁ ଆଉ ୭ଶହ ଏକର ଜମି ଆବଶ୍ୟକ ଅନୁଭବ କରିଥିଲେ ।

ଯାହା ଢିଙ୍କିଆ ପଞ୍ଚାୟତରେ ହିଁ ଉପଲବ୍ଧ ଥିଲା । ମାତ୍ର ପ୍ରତିରୋଧ ଓ ପ୍ରସ୍ତୁତି ଉଦ୍ୟମରେ ବିଳମ୍ବ ଯୋଗୁ ତାହା ବର୍ଷକ ମଧ୍ୟରେ ସମ୍ଭବ ହୋଇପାରି ନଥିଲା ।

ପ୍ରସ୍ତାବିତ ପୋସ୍କୋ ପ୍ରକଳ୍ପକୁ ନେଇ ପ୍ରଶାସନ ଓ ବିରୋଧୀଙ୍କ ମଧ୍ୟରେ ଛକାପଞ୍ଝା ଚାଲି ରହିଥବା ବେଳେ ବିରୋଧୀଙ୍କ ଧାରଣା ୧୫ଦିନରେ ପହଞ୍ଚିଛି ।

ଶନିବାର ବଡ଼ି ସକାଳୁ ଶତାଧିକ ବିରୋଧୀ ଗୋବିନ୍ଦପୁର ସୀମା ବାଲି ଟିକିରରେ ଏକାଠି ହୋଇଥିବା ବେଳେ କୃଷକ ନେତା ପିତାମ୍ବର ଦାସ, ଶ୍ରମିକ ନେତା କମ୍ରେଡ୍ ବାବୁରାମ ଚୌଧୁରୀ, ବିଷ୍ଣୁ ମୁଦୁଲି ପ୍ରମୁଖ ଆନ୍ଦୋଳନକୁ ଆହୁରି ଆଗେଇ ନେବାକୁ ପରାମର୍ଶ ଦେଇଥିଲେ ।

୬୦ରୁ ଉର୍ଦ୍ଧ୍ଵ ଛାତ୍ରଛାତ୍ରୀ ମଧ୍ୟ ଆଜିର ଧାରଣାରେ ସାମିଲ ହୋଇଥିଲେ । ଛୋଟ ଛୋଟ ପିଲାଙ୍କୁ ନେଇ ବିରୋଧୀଙ୍କ ପକ୍ଷରୁ ବାଜି ରାଉତ ବାଳୁତ ସେନା ଗଠନ କରାଯାଇଥିବା ବେଳେ ଅପରପକ୍ଷେରେ ପ୍ରଶାସନ ଆଜି ଜଣକୁ ଅତି ଗୋପନୀୟ ଭାବରେ ଚେକ୍ ପ୍ରଦାନ କରିଛି ।

କିଛିଦିନ ତଳେ ପୋସ୍କୋ ସପକ୍ଷବାଦୀ କୁହାଯାଉଥିବା ମିଳିତ କ୍ରିୟାନୁଷ୍ଠାନର ସଭ୍ୟ ଦଳିତ ନେତା ବାବୁଲି ରାଉତଙ୍କ ଭାଇ ବିରୋଧୀଙ୍କ ସହ ସାମିଲ ହୋଇଥିଲେ । ହେଲେ ତାଙ୍କୁ ୨ଲକ୍ଷ ୩୦ ହଜାର ଟଙ୍କାର କ୍ଷତିପୂରଣ ଚେକ୍ ପ୍ରଦାନ କରାଯାଇଛି ।

ଅତି ଗୋପନରେ ଚେକ୍ ନେଇଥିବା ଦୁର୍ଲ୍ଲଭ ରାଉତ କିଛି ଦିନ ତଳେ ପୋସ୍କୋ ବିରୋଧିଙ୍କ ସହିତ ସାମିଲ ହୋଇ ପ୍ରଶାସନଠାରୁ ଚେକ୍ ନେବେନି ବୋଲି ଧାରଣା ସ୍ଥଳରେ ଘୋଷଣା କରିଥିଲେ ।

ପ୍ରଶାସନ ତାଙ୍କୁ ମନେଇବାରେ ସଫଳ ହୋଇଥିବା ବେଳେ ଆଗାମୀ ଦିନରେ ବାକିଥିବା ସମସ୍ତ ୧୮ ଜଣଙ୍କୁ ଚେକ୍ ପ୍ରଦାନ କରି ଅଞ୍ଚଳକୁ ଶୀଘ୍ର ପଶିବା ପାଇଁ ଯୋଜନା କରିଛି ।

ଅପରପକ୍ଷରେ ବିରୋଧୀମାନେ ଛୋଟ ଶିଶୁଙ୍କୁ ମୁଖାକରି ପୁଲିସ ଓ ପ୍ରଶାସନକୁ ମୁକାବିଲା କରିବା ପାଇଁ ଯୋଜନା ପ୍ରସ୍ତୁତ କରିଥିଲେ । ଦୁଇଦିନତଳେ ପାରାଦ୍ୱୀପରେ ପୁଲିସ ବାହିନୀର ଏକ ଗୁପ୍ତ ବୈଠକ ବସିିଥିଲା ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଜଗତସିଂପୁର, ଜାନୁଆରୀ ୧୬(ଓଡିଶା ଡଟ୍ କମ୍)-ପ୍ରସ୍ତାବିତ ପୋସ୍କୋ ଅଞ୍ଚଳର ଗୋବିନ୍ଦପୁର-ନୂଆଗାଁ ସୀମା ବଟବେଲାରି ବାଲିଟିକିରାରେ ପୋସ୍କୋ ହଟାଇବା ଦାବିନେଇ ବିରୋଧୀମାନେ ଅନିର୍ଦିଷ୍ଟ କାଳ ପାଇଁ ଚଳାଇଥିବା ଧାରଣା ବୁଧବାର ଦିନ ତୃତୀୟ ଦିନରେ ପହଞ୍ଚିଛି ।

ବୁଧବାର ଦିନ ସକାଳୁ ଧାରଣାରେ ଶିଶୁ, ବୃଦ୍ଧ ଓ ମହିଳାଙ୍କୁ ଅଧିକ ସଂଖ୍ୟାରେ ସାମିଲ କରାଯାଇଛି । ବୁଧବାର ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ ଯୋଗଦେବାର କାର୍ଯ୍ୟକ୍ରମ ରହିଛି ।

ସୋମବାରଠାରୁ ରାଜସ୍ୱ କମିଶନରଙ୍କ ପାରାଦ୍ୱୀପ ଗସ୍ତ ଥିବାରୁ ସେ ମଧ୍ୟ ବୁଧବାର ପୋସ୍କୋ ଅଞ୍ଚଳ ଗସ୍ତ କରିବା ସମ୍ଭାବନା ରହିଛି ।ମଙ୍ଗଳବାର ଦିନ ଜଗତସିଂହପୁର ସାଂସଦ ବିଭପ୍ରସାଦ ତରାଇ ବିରୋଧୀଙ୍କ ଧାରଣାରେ ଯୋଗଦେଇ ଆନ୍ଦୋଳନକୁ ଆହୁରି ଜୋରଦାର କରିବାକୁ ସମର୍ଥନ ଜଣାଇଛନ୍ତି ।

ପୂର୍ବରୁ ପୋସ୍କୋ ବିରୋଧୀ ନେତା ଅଭୟ ସାହୁ ଓ ଭିଟାମାଟି ସୁରକ୍ଷା ଜନମଞ୍ଚ ସଭାପତି ଜୟନ୍ତ ବିଶ୍ୱାଳଙ୍କ ନେତୃତ୍ୱରେ ପ୍ରତିବାଦକାରୀମାନେ ଏକ ବିରାଟ ଶୋଭାଯାତ୍ରାରେ ଆସି ପହଞ୍ଚିବା ପରେ ଧାରଣାରେ ବସିଥିଲେ । ଢିଙ୍କିଆ, ଗୋବିନ୍ଦପୁର ଓ ପାଟଣା ଗ୍ରାମରୁ ହଜାର ହଜାର ପୋସ୍କୋ ବିରୋଧୀ ଏହି ଶୋଭାଯାତ୍ରାରେ ଆସିଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍: ଅମରନାଥ ପରିଡା

ଜଗତସିଂପୁର, ଜାନୁଆରୀ ୧୫(ଓଡିଶା ଡଟ୍ କମ୍)-ପୋସ୍କୋକୁ ହଟାଇବା ଦାବିରେ ମଙ୍ଗଳବାର ହେବାକୁ ଥିବା ଧାରଣାରେ ସାଂସଦ ବିଭୁପ୍ରସାଦ ତରାଇ ଓ ବିଶିଷ୍ଟ ଶ୍ରମିକ ନେତା ତଥା ବିଶ୍ୱମାନବିକ ଅଧିକାର ସଭ୍ୟ ଅଭିନ୍ନ ହୋତା ଯୋଗଦେବେ ବୋଲି ଜଣାପଡିଛି ।

ଏଥିସହିତ ଧାରଣାରେ ଶହଶହ ଶିଶୁ, ବୃଦ୍ଧ ଓ ମହିଳା ଭାଗ ନେବେ । ତେବେ ସୋମବାର ଠାରୁଆହୁରି ଅଧିକ ସଂଖ୍ୟାରେ ଲୋକଙ୍କୁ ସାମିଲ କରାଯିବ ବୋଲି ଆୟୋଜକମାନେ ସୂଚନା ଦେଇଛନ୍ତି ।

ପ୍ରସ୍ତାବିତ ପୋସ୍କୋ ଅଞ୍ଚଳର ଗୋବିନ୍ଦପୁର ନିକଟ ବଟବେଲାରି ବାଲିଟିକିରାରେ ପୋସ୍କୋକୁ ହଟାଇବା ଦାବିରେ ସୋମବାର ଦିନ ବିରୋଧୀ ନେତା ଅଭୟ ସାହୁ ଓ ଭିଟାମାଟି ସୁରକ୍ଷା ଜନମଞ୍ଚ ସଭାପତି ଜୟନ୍ତ ବିଶ୍ୱାଳଙ୍କ ନେତୃତ୍ୱରେ ବହୁ ଲୋକ ଏକ ବିରାଟ ଶୋଭାଯାତ୍ରରେ ଆସି ପ୍ରତିବାଦ ସଭା କରିବା ସହ ଧାରଣାରେ ବସିଥିଲେ ।

ପଶ୍ଚିମବଙ୍ଗ ସାଂସଦ ତଥା କୃଷକ ସଭାର ରାଷ୍ଟ୍ରୀୟ ଅଧ୍ୟକ୍ଷ ପ୍ରବୋଧ ପଣ୍ଡା ଏଥିରେ ଯୋଗଦେଇ ରାଜ୍ୟ ଓ କେନ୍ଦ୍ର ସରକାରଙ୍କ ତ୍ରୁଟିପୂର୍ଣ୍ଣ ନୀତିକୁ କଡ଼ା ସମାଲୋଚନା କରିଥିଲେ ।

ଅନ୍ୟମାନଙ୍କ ମଧ୍ୟରେ ଆଇ.ଏନ୍.ଟି.ୟୁ.ସିର ରାଜ୍ୟ ସମ୍ପାଦକ ତଥା କଂଗ୍ରେସ ନେତା ଜୟନ୍ତବିଶ୍ୱାଳ,ସିପିଆଇ ରାଜ୍ୟ ସହ ସମ୍ପାଦକ ଆଶିଷ କାନୁଗୋ ପ୍ରମୁଖ ଯୋଗଦେଇ ପୋସ୍କୋ ପ୍ରକଳ୍ପକୁ ଏହି ଅଂଚଳରୁ ତୁରନ୍ତ ପ୍ରତ୍ୟାହର କରାନଗଲେ ଆଗାମୀ ଦିନରେ ଆନେ୍ଦାଳନକୁ ଆହୁରି ଜୋରଦାର କରାଯିବ ବୋଲି କହିଥିଲେ ।

ଓଡିଶା ଡଟ୍ କମ୍