ପୋସ୍କୋ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨(ଓଡ଼ିଶା ଡ଼ଟ୍ କମ୍) ପୋସ୍କୋ କମ୍ପାନୀ ପ୍ରସ୍ତାବିତ ପ୍ରକଳ୍ପ ପାଇଁ କମ୍ ପରିମାଣର ଜମି ନେବା ସହ ଉପ୍ତାଦନ କ୍ଷମତା କମାଇବାକୁ ପ୍ରସ୍ତୁତ ବୋଲି ଭାରତରେ ଅବସ୍ଥାପିତ ଦକ୍ଷିଣକୋରିଆ ରାଷ୍ଟ୍ରଦୂତ କିମ୍ ଜଙ୍ଗ କୁନ୍ କହିଛନ୍ତି ।

ଖଣି ନମିଳିଲେ କମ୍ପାନୀ କାରଖାନା ପାଇଁ ଅନ୍ୟ ଦେଶରୁ କଞ୍ଚାମାଲ ସଂଗ୍ରହ କରିବ ବୋଲି ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିବା ପରେ ସେ ଗଣମାଧ୍ୟମକୁ କହିଛନ୍ତି

ପ୍ରକଳ୍ପ ପ୍ରତିଷ୍ଠା ନେଇ ସେ ସଂପୂର୍ଣ୍ଣ ଆଶାବାଦୀ ଅଛନ୍ତି । ବର୍ତମାନ ସୁଦ୍ଧା ରାଜ୍ୟ ସରକାର ୨ ହଜାର ଏକର ଜମି ଅଧିଗ୍ରହଣ କରିଛନ୍ତି । ଆଉ ୭୦୦ ଏକ ଜମି ମିଳିବା ପରେ ପ୍ରକଳ୍ପ କାମ ଚଳିତ ବର୍ଷ ଶେଷ ଭାଗରେ ଆରମ୍ଭ ହେବ, ସେ କହିଛନ୍ତି ।

ଯେତିକି ଜମି ଉକ୍ତ ଅଞ୍ଚଳର ଲୋକଙ୍କର ନିଆଯାଇଛି ତାହାକୁ ଫେରାଇ ଦେବୁ ଏବଂ ପ୍ରକଳ୍ପ ପାଇଁ ନିକଟସ୍ଥ ଅଞ୍ଚଳର ଜମି ନିଆଯିବ । ଓଡ଼ିଶାରେ ନିଶ୍ଚୟ ପୋସ୍କୋ ପ୍ରକଳ୍ପ ପ୍ରତିଷ୍ଠା ହେବ । ଦରକାର ପଡ଼ିଲେ କାରଖାନାର ଉପ୍ତାଦାନ କ୍ଷମତା ହ୍ରାସ ପାଇପାରେ ବୋଲି ସେ କହିଛନ୍ତି ।

ଜଗତସିଂହପୁର ଜିଲ୍ଲା ପାରାଦ୍ବୀପ ନିକଟରେ ୧୨ ନିୟୁତ ଟନ୍ ଉପ୍ତାଦାନ କ୍ଷମତା ବିଶିଷ୍ଟ କାରାଖାନା ପ୍ରତିଷ୍ଠା ପାଇଁ ପୋସ୍କୋ ଗତ ୨୦୦୫ରେ ସରକାରଙ୍କ ସହ ବୁଝାମଣା ପତ୍ର ସ୍ୱାକ୍ଷର କରିଥିଲା । ସ୍ଥାନୀୟ ଲୋକଙ୍କ ବିରୋଧ ଯୋଗୁଁ ବର୍ତମାନ ପର୍ଯ୍ୟନ୍ତ କାର୍ଯ୍ୟ ଆରମ୍ଭ ହୋଇପାରି ନାହିଁ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆିଲ୍ଲୀ, ମାର୍ଚ୍ଚ ୩୦(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ପ୍ରସ୍ତାବିତ ପୋସ୍କୋ ପ୍ରକଳ୍ପ ପାଇଁ କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟ ଦେଇଥିବା ପରିବେଶ ମଂଜୁରୀକୁ ଶୁକ୍ରବାର ଜାତୀୟ ଗ୍ରୀନ ଟ୍ରିବ୍ୟୁନାଲ ବାତିଲ କରିଦେଇଛନ୍ତି ।

ମନ୍ତ୍ରଣାଳୟର ଏଭଳି ପରିବେଶ ମଂଜୁରୀକୁ ଟ୍ରିବ୍ୟୁନାଲ ସମାଲୋଚନା କରିବା ସହ ଏସଂପର୍କରେ ପୁନଃ ବିଚାର କରିବାକୁ ନିର୍ଦ୍ଦେଶ ଦେଇଛନ୍ତି ।

ପରିବେଶ ମଂଜୁରୀ ପ୍ରଦାନ ନେଇ ମନ୍ତ୍ରଣାଳୟ ପକ୍ଷରୁ ପକ୍ଷପାତିତା କରାଯାଇଥିବା ପ୍ରମାଣ ରହିଛି ଏବଂ ଏସଂପର୍କରେ ଅନୁଧ୍ୟାନ ପାଇଁ ଗଠନ କରାଯାଇଥିବା କମିଟିର ମୁଖ୍ୟ ଓଡ଼ିଶାର ବୋଲି ଟ୍ରିବ୍ୟୁନାଲ ଦର୍ଶାଇଛନ୍ତି ।

ଗତ ୨୦୧୧ ଜାନୁୟାରୀ ୩୧ରେ ଜଙ୍ଗଲ ଓ ପରିବେଶ ମନ୍ତ୍ରଣାଳୟ ଅତିରିକ୍ତ ସର୍ତ୍ତରେ ପୋସ୍କୋର ଇସ୍ପାତ ପ୍ରକଳ୍ପ ଓ ବନ୍ଦର ପ୍ରକଳ୍ପକୁ ସର୍ତମୂଳକ ମଞ୍ଜୁରୀ ପ୍ରଦାନ କରିଥିଲେ । ଏହା ବିରୁଦ୍ଧରେ ଓଡ଼ିଶାର ସାମାଜିକ କାର୍ଯ୍ୟକର୍ତା ପ୍ରଫୁଲ୍ଲ ସାମନ୍ତରା ଟ୍ରିବ୍ୟୁନାଲଙ୍କ ଦ୍ୱାରସ୍ଥ ହୋଇଥିଲେ ।

ଜଗତସିଂହପୁର ଜିଲ୍ଲାରେ ୫୨ ହଜାର କୋଟି ଟଙ୍କା ବ୍ୟୟରେ ଇସ୍ପାତ ପ୍ରକଳ୍ପ ପ୍ରତିଷ୍ଠା ପାଇଁ ଦକ୍ଷିଣ କୋରିଆ କମ୍ପାନୀ ପୋସ୍କୋ ୨୦୦୫ ଜୁଲାଇ ୨୨ରେ ରାଜ୍ୟ ସରକାରଙ୍କ ସହ ବୁଝାମଣାପତ୍ର ସ୍ୱାକ୍ଷର କରିଥିଲା ।

ତେବେ ଟ୍ରିବ୍ୟୁନାଲର ରାୟ ଆମ ପାଖରେ ପହଂଚି ନାହିଁ, ମିଳିବା ପରେ ତର୍ଜମା କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ମାର୍ଚ୍ଚ ୨୩(ଓଡ଼ିଶା ଡ଼ଟ୍ କମ୍) ଆବଶ୍ୟକ କର୍ମଚାରୀ ତଥା ପୋଲିସ ଅଧିକାରୀଙ୍କ ନଥାଇ ପାରାଦ୍ଵୀପ ସ୍ଥିତ ଅଭୟଚନ୍ଦ୍ରପୁର ଠାରେ ଶୁକ୍ରବାର ଉ୍ଘାଟିତ ହୋଇଥିବା ନୂତନ ଥାନା ଲୋକ ଦେଖାଣିଆ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।

ପ୍ରସ୍ତାବିତ ପୋସ୍କୋ ତଥା ଇଣ୍ଡିଆନ ଅଏଲ ଅଞ୍ଚଳରେ ଆଇନଶୃଙ୍ଖଳା ରକ୍ଷା ପାଇଁ ଗତ ପାଞ୍ଚ ବର୍ଷ ତଳେ ଏକ ଥାନା ପ୍ରତିଷ୍ଠା ପାଇଁ ସରକାର ନିଷ୍ପତି ନେଇଥିଲେ ।

ପୂର୍ବରୁ ଆଇଓସିଏଲ୍ ତିନୋଟି ଥାନା ଅଧିନରେ ଆସୁଥିବାରୁ ଆଇନଶୃଙ୍ଖଳା ରକ୍ଷା ପାଇଁ ବହୁତ ଅସୁବିଧା ହେଉଥିଲା । ଜିଲ୍ଲା ପୋଲିସ ମୁଖ୍ୟ ଏସ୍.ବେତ୍ତ ସିଂହ ଏହାର ଉ୍ଘାଟନ କରିଛନ୍ତି ।

ଏହାଦ୍ୱାରାଲୋକଙ୍କ ଧନ ଜୀବନ ସୁରକ୍ଷିତ ହୋଇ ପାରିବ ଏବଂ ଏହା ଆଇଓସିଏଲ୍ ଓ ପୋସ୍କୋ
ଅଞ୍ଚଳ ସମେତ ବଗଡ଼ିଆ, ଢିଙ୍କିଆ, ଗଡ଼କୁଜଙ୍ଗ, ନୂଆଗାଁ ପଞ୍ଚାୟତ ଲୋକଙ୍କୁ ସେବା ଯୋଗାଇଦେବ ବୋଲି ସିଂହ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ପାରାଦ୍ଵୀପ, ମାର୍ଚ୍ଚ ୧୫(ଓଡ଼ିଶା ଡ଼ଟ୍ କମ୍) ପୋସ୍କୋ ପ୍ରକଳ୍ପ ପାଇଁ ପାରାଦ୍ଵୀପ ବନ୍ଦର ବ୍ୟବହାର ନେଇ ସର୍ଭେ ନିମନ୍ତେ ଏକ ଛଅ ଜଣିଆ କମିଟି ଗଠନ କରିବାକୁ ନିଷ୍ପତି ନିଆଯାଇଛି ।

ବନ୍ଦରର ସୁବିଧା ସୁଯୋଗ ତଥା ଅନ୍ୟ ବିଷୟ ଉପରେ ସର୍ଭେ ପାଇଁ ଗଠିତ ଏହି କମିଟିରେ ବନ୍ଦରରତିନି ଜଣ ଏବଂ ପୋସ୍କୋ କମ୍ପାନୀର ତିନି ଜଣ ସଦସ୍ୟ ରହିବେ । ଆସନ୍ତା ଅପ୍ରେଲ ୨ରୁ ୧୪ ପର୍ଯ୍ୟନ୍ତ ସର୍ଭେ କାର୍ଯ୍ୟ ଚାଲିବ ବୋଲି କୁହାଯାଇଛି ।

ବନ୍ଦର କର୍ତୃପକ୍ଷଙ୍କ ପ୍ରସ୍ତାବ ଅନୁଯାୟୀ ଗୁରୁବାର ପୋସ୍କୋ ଉପ-ପରିଚାଳନା ନିର୍ଦ୍ଦେଶକଙ୍କ ନେତୃତ୍ୱରେ ଏକ ଦଳ ପାରାଦ୍ଵୀପରେ ପହଞ୍ଚି ବନ୍ଦର ଅଞ୍ଚଳ ବୁଲି ଦେଖିବା ସହ ଅଧିକାରୀଙ୍କ ସହ ଆଲୋଚନା କରିଛନ୍ତି ।

ବନ୍ଦରର ବିଭିନ୍ନ କାର୍ଯ୍ୟ, ବର୍ଥ, କ୍ଷମତା ଏବଂ ଭବିଷ୍ୟତ ଯୋଜନା ବିଷୟରେ ଅଧିକାରୀମାନେ
ପୋସ୍କୋ ଅଧିକାରୀଙ୍କୁ ଅବଗତ କରାଇଥିଲେ ।

ଚାରି ମିଲିଅନ ଟନ୍ ବିଶିଷ୍ଟ ପ୍ରକଳ୍ପର ପ୍ରଥମ ପର୍ଯ୍ୟାୟ ପାଇଁ କମ୍ପାନୀ ବନ୍ଦର ସାହାଯ୍ୟରେ ୨୫ ମିଲିଅନ୍
ଟନ୍ କଞ୍ଚାମାଲ ନେବା ଆଣିବା କରିବ ବୋଲି ଆଲୋଚନା ସମୟରେ ପୋସ୍କୋ ଅଧିକାରୀମାନେ କହିଛନ୍ତି ।

ଖୁବ୍ ଶୀଘ୍ର କମ୍ପାନୀ ତା’ର ନିର୍ମାଣ କାର୍ଯ୍ୟ ଆରମ୍ଭ କରିବ ଏବଂ ଏଥିପାଇଁ ପାରାଦ୍ବୀପ ବନ୍ଦର ସାହାଯ୍ୟରେ ଜାହାଜ ଚଳାଚଳ କରିବାକୁ ଯୋଜନା କରାଯାଇଛି ବୋଲି ଜଣେ ଅଧିକାରୀ କହିଛନ୍ତି ।

“ପ୍ରଥମ ଥର ପାଇଁ ପୋର୍ଟ ଟ୍ରଷ୍ଟ ଏବଂ ପୋସ୍କୋ ମଧ୍ୟରେ ଆଲୋଚନା ହୋଇଛି ଏବଂ କମ୍ପାନୀର ଏକ ଦଳ ବନ୍ଦରର ସୁବିଧା ସୁଯୋଗ ବିଷୟରେ ଅନୁଧ୍ୟାନ କରିଛନ୍ତି । ତେଣୁ ପ୍ରକଳ୍ପ କାର୍ଯ୍ୟ ପାଇଁ ବନ୍ଦର ବ୍ୟବହାର ଉପରେ ଆମେ ଆଶୀର୍ବାଦ ଅଛୁ” ବନ୍ଦର ଉପାଧ୍ୟକ୍ଷ ଅନନ୍ତ କୁମାର ବୋଷ କହିଛନ୍ତି ।

ପୋସ୍କୋ ପ୍ରକଳ୍ପ କାର୍ଯ୍ୟରେ ପାରାଦ୍ବୀପ ବନ୍ଦରକୁ ବ୍ୟବହାର କରିବା ପାଇଁ ଗତମାସରେ ବନ୍ଦର ଅଧ୍ୟକ୍ଷ ଜି.ଜଗନ୍ନାଥ ରାଓ ପୋସ୍କୋ କର୍ତୃପକ୍ଷଙ୍କୁ ପ୍ରସ୍ତାବ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ମାର୍ଚ୍ଚ ୧୩(ଓଡ଼ିଶା ଡ଼ଟ୍ କମ୍) ଏକ ଯୌତୁକ ଜନିତ ହତ୍ୟା ଘଟଣାରେ ପ୍ରମାଣ ନଷ୍ଟ କରିବା ଅଭିଯୋଗରେ ଗିରଫ ହୋଇଥିବା ପୋସ୍କୋ ବିରୋଧୀ ନେତା ଅଭୟ ସାହୁଙ୍କୁ ହାଇକୋର୍ଟ ମଙ୍ଗଳବାର ଜାମିନ ପ୍ରଦାନ କରିଛନ୍ତି ।

ଦଳିତଙ୍କୁ ଦୁର୍ବ୍ୟବହାର ଏବଂ ପୋସ୍କୋ ହିଂସାକାଣ୍ଡ ଘଟଣାରେ ପୂର୍ବରୁ କୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ । ପୋଲିସ ତାଙ୍କ ବିରୁଦ୍ଧରେ ତଳିତଙ୍କୁ ଦୁର୍ବ୍ୟବହାର ଏବଂ ସେମାନଙ୍କୁ ଜରିମାନା କରିବା ଭଳି ମାମଲା ରୁଜୁ କରିଥିଲା ।

ଉପରୋକ୍ତ ତିନୋଟି ମାମଲାରେ ପୋଲିସ ତାଙ୍କୁ ଗିରଫ କରି କୁଜଙ୍ଗ ସବ୍ଜେଲକୁ ପଠାଇଥିଲା ଏବଂ ପରେ ସୁରକ୍ଷା ଦୃଷ୍ଟିରୁ ଚୌଦ୍ଵାର ଜେଲକୁ ସ୍ଥାନାନ୍ତର କରାଯାଇଥିଲା ।

ଏହି ଜାମିନ ପରେ ସାହୁ ଆସନ୍ତାକାଲି ଚୌଦ୍ୱାର ଜେଲରୁ ଖଲାସ ହୋଇପାରନ୍ତି ବୋଲି ସଂଗ୍ରାମ
ସମିତିର ଜଣେ ନେତା କହିଛନ୍ତି । ଗତ ୨୫ ନଭେମ୍ବର ୨୦୧୧ରେ ଅଭୟ ଭୁବନେଶ୍ୱରରୁ ଢିଙ୍କିଆ
ଫେରୁଥିବା ବେଳେ ପୋଲିସ ତାଙ୍କୁ ଗିରଫ କରିଥିଲା ।

ଜାମିନ ମିଳିବା ପରେ ପୋସ୍କୋ ବିରୋଧୀ ଗୋଷ୍ଠୀ ତଥା ପ୍ରତିରୋଧ ସଂଗ୍ରାମ ସମିତି କର୍ମକର୍ତାଙ୍କ ମଧ୍ୟରେ ଆନନ୍ଦର ଲହରି ଖେଳିଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ପାରାଦ୍ବୀପ, ମାର୍ଚ୍ଚ ୧(ଓଡ଼ିଶା ଡ଼ଟ୍ କମ୍) ସ୍ଥାନୀୟ ଲୋକଙ୍କ ବିରୋଧ ଯୋଗୁଁ ନୂଆଗାଁରେ ହେବାକୁ ଥିବା ପୋସ୍କୋର ଆଲୋଚନାଚକ୍ର ପାରାଦ୍ବୀପରେ ଅନୁଷ୍ଠିତ ହୋଇଛି ।

ଲୋକଙ୍କ ସମସ୍ୟା ତଥା ବିଭିନ୍ନ ଦାବି ପୂରଣ ନକରି କମ୍ପାନୀ ଏଠାରେ କୌଣସି ଆଲୋଚନାଚକ୍ରର ଆୟୋଜନ କରିପାରିବ ନାହିଁ ବୋଲି ନୂଆଗାଁ ଅଞ୍ଚଳର ଲୋକମାନେ ଗୁରୁବାର ବିକ୍ଷୋଭ କରିବା ସହ ଧାରଣା ଦେଇଥିଲେ ।

ପୂର୍ବ ନିର୍ଦ୍ଧାରିତ ଅଫିସ୍ ପରିସରରେ ଟେଣ୍ଟ ବନ୍ଧାଯାଇଥିବା ବେଳେ ବୁଧବାର ରାତିରେ ପୋଲିସ ତାକୁ ଭାଙ୍ଗିଦେଇଥିଲା । ପୋସ୍କୋ ଅଧିକାରୀଙ୍କୁ ପ୍ରଶାସନର ବିନା ଅନୁମତିରେ ପ୍ରସ୍ଥାବିତ ଅଞ୍ଚଳକୁ ନଯିବା ପାଇଁ ମନା କରିଥିଲେ ମଧ୍ୟ ଦକ୍ଷିଣକୋରିଆର ଅଧିକାରୀମାନେ ସେହିସ୍ଥାନକୁ ଯାଇଥିବାରୁ ଉତ୍ତେଜନା ପ୍ରକାଶ ପାଇଥିଲା ।

ତେବେ ସ୍ଥାନୀୟ ଲୋକ ଏହି କାର୍ଯ୍ୟକ୍ରମକୁ ବିରୋଧ କରୁଥିବା ଜାଣିବା ପରେ ପୋଲିସ ପୋସ୍କୋ ନିର୍ଦ୍ଦେଶକ ଓ ଦକ୍ଷିଣକୋରିଆ ଅନ୍ୟ ଅଧିକାରୀମାନଙ୍କୁ ସର୍କିଟ ହାଉସକୁ ନେଇଯାଇଥିଲା ।

ପାରାଦ୍ବୀପର ଷଣ୍ଢକୁଦ ଠାରେ ପୋସ୍କୋର ଏଚ୍ଆର୍ଡି କେନ୍ଦ୍ରରେ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ପୋସ୍କୋ ଇଣ୍ଡିଆର ସିଏମ୍ଡି ୟଙ୍ଗ୍- ୱାନ୍-ୟୁନଙ୍କ ଅଧ୍ୟକ୍ଷତାରେ କୋରିଆର ସାମ୍ବାଦିକ ତଥା ଅନ୍ୟ ଅଧିକାରୀମାନେ ଏଥିରେ ଉପସ୍ଥିତ ଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଫେବୃୟାରୀ ୨୯(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ପୋସ୍କୋର ପ୍ରସ୍ତାବିତ ଅଂଚଳକୁ ଯାଇଥିବା ଚାରିଜଣ କର୍ମଚାରୀଙ୍କୁ ପ୍ରକଳ୍ପ ବିରୋଧୀମାନେ ଦୀର୍ଘ ସମୟ ଧରି ଅଟକ ରଖିବା ପରେ ବୁଧବାର ମୁକ୍ତ କରିଛନ୍ତି ।

ମଙ୍ଗଳବାର ବିଳମ୍ବିତ ରାତିରେ ଚାରି ଜଣ ଲୋକ ଏକ ଗାଡ଼ିରେ ବିଭିନ୍ନ ସାମଗ୍ରୀ ଧରି ଢିଙ୍କିଆ ଯାଇଥିବା ବେଳେ ପ୍ରକଳ୍ପ ବିରୋଧୀମାନେ ସେମାନଙ୍କୁ ପୋସ୍କୋ କର୍ମଚାରୀ ସନ୍ଦେହ କରି ଅଟକ ରଖିଥିଲେ ।

ପୋସ୍କୋ ପକ୍ଷରୁ ହେବାକୁ ଥିବା ସେମିନାର ପାଇଁ ମଂଚ ପ୍ରସ୍ତୁତ କାମ ନିମନ୍ତେ ଭୁବନେଶ୍ୱର ଏହି
ଲୋକମାନେ ଏକ ଗାଡ଼ିରେ ସେଠାରେ ପହଂଚିଥିଲେ । ପରେ ସେମାନେ ପୋସ୍କୋ କାର୍ଯ୍ୟାଳୟକୁ ରାସ୍ତା ପଚାରିବାରୁ ସ୍ଥାନୀୟ ଲୋକଙ୍କ ମନରେ ସନ୍ଦେହ ଉପୁଜିଥିଲା ।

ପରେ ଲୋକମାନେ ସେଠାରେ ପହଂଚି ଗାଡ଼ି ଏବଂ ସଂପୃକ୍ତ ଲୋକଙ୍କୁ ଫୁଲଖାଇ ମନ୍ଦିରରେ ଅଟକ
ରଖିଥିଲେ । ତେବେ କେତେକ ଲୋକ ସେମାନଙ୍କ ଆସିବାର କାରଣ ସଂପର୍କରେ ପଚାରିବା ସହ ପରିଚୟ
ମାଗିଥିଲେ ।

ସେମାନେ ଭୂଲ ବଶତଃ ଏହି ଅଂଚଳକୁ ଆସିଥିବା କହିବା ପରେ ବିରୋଧୀମାନେ ଆଜି ଅଟକ ଚାରି ଜଣଙ୍କୁ ମୁକ୍ତ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଫେବୃୟାରୀ ୨୮(ଓଡ଼ିଶା ଡ଼ଟ୍ କମ୍) ସ୍ଥାନୀୟ ଲୋକଙ୍କ ଦାବି ପୂରଣ ବିନା ସଂପୃକ୍ତ ଅଞ୍ଚଳରେ ପୋସ୍କୋ ପକ୍ଷରୁ ହେବାକୁ ଥିବା ସେମିନାର ବନ୍ଦ କରିବାକୁ ଦାବି ହୋଇଛି ।

ଦାବି ପୂରଣ ହୋଇନଥିବାରୁ ସେଠାରେ କାର୍ଯ୍ୟକ୍ରମ କରାଗଲେ ଆଇନ ଶୃଙ୍ଖଳା ପରିସ୍ଥିତି ଉପୁଜିବା ଆଶଂକା କରି ନୂଆଗାଁର ନବନିର୍ବାଚିତ ଲୋକ ପ୍ରତିନିଧିମାନେ ଏନେଇ ପୋଲିସ ଏବଂ ଜିଲ୍ଲା ପ୍ରଶାସନକୁ ଜଣାଇଛନ୍ତି ।

ସଂପୂର୍ଣ୍ଣ ଭାବରେ ପଞ୍ଚାୟତ ନିର୍ବାଚନ କାର୍ଯ୍ୟ ଶେଷ ହୋଇନଥିବାରୁ ପରିସ୍ଥିତି ଏବେବି ଉତ୍ତେଜନା ପୂର୍ଣ୍ଣ ରହିଛି । କମ୍ପାନୀ କର୍ତୃପକ୍ଷଙ୍କୁ ଏଭଳି କାର୍ଯ୍ୟକ୍ରମ କରିବା ପାଇଁ ଅନୁମତି ନଦେବାକୁ ନୂଆଗାଁ ସରପଞ୍ଚ ଅଞ୍ଜଳି ପ୍ରଧାନ ଓ ସମିତି ସଭ୍ୟା ସୌଦାମିନୀ ନାୟକ କହିଛନ୍ତି ।

ତେବେ ସ୍ଥାନୀୟ ଲୋକଙ୍କ ଠାରୁ ଅଭିଯୋଗ ପାଇବା ପରେ ପୋଲିସ ପକ୍ଷରୁ କାର୍ଯ୍ୟକ୍ରମ କରିବା ନେଇ କଟକଣା ଜାରି କରାଯାଇଛି ।

ଆସନ୍ତା ମାର୍ଚ୍ଚ ୧ରେ କମ୍ପାନୀ ନୂଆଗାଁ ପଞ୍ଚାୟତରେ ଥିବା କାର୍ଯ୍ୟାଳୟ ନିକଟରେ”ସେମିନାର ଅନ୍ ଇଂଜିନିୟରିଂ ସର୍ଭିସ ଇନ୍ ପୋସ୍କୋ ଷ୍ଟିଲ” କାର୍ଯ୍ୟକ୍ରମ ଆୟୋଜନ କରିବାକୁ ଯାଉଛି ।

ଏହି ସେମିନାରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେବାର କାର୍ଯ୍ୟକ୍ରମ ଥିବାବେଳେ ଇଡ଼୍କୋ ତଥା ସରକାରଙ୍କ ବରିଷ୍ଠ ଅଧିକାରୀମାନେ ଯୋଗ ଦେବାକୁ କହିଛନ୍ତି । ଏହାସହ ଦକ୍ଷିଣକୋରିଆ ଏବଂ ବିଭିନ୍ନ ସ୍ଥାନରୁ ପ୍ରାୟ ୫୦ ଜଣ ପ୍ରତିନିଧି ଯୋଗ ଦେବେ ।

ପୋସ୍କୋ ଇସ୍ପାତ ପ୍ରକଳ୍ପରେ ଇଂଜିନିୟରିଂ ପାଇଁ ସୁଯୋଗ ସୃଷ୍ଟି କରିବା ଏହି ସେମିନାର ଉଦ୍ଦେଶ୍ୟ । ତେଣୁ ଏଥିରେ ଜାତୀୟ ଓ ଅନ୍ତର୍ଜାତୀୟ ଶିଳ୍ପାନୁଷ୍ଠାନର ଇଂଜିନିୟରମାନେ ଯୋଗ ଦେବେ ବୋଲି କମ୍ପାନୀର ଜଣେ ବରିଷ୍ଠ ଅଧିକାରୀ କହିଛନ୍ତି ।

କାର୍ଯ୍ୟକ୍ରମରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରାଯାଇଛି ଏବଂ ଏଥିପାଇଁ ପୋଲିସ ଠାରୁ ଅନୁମତି ଲୋଡ଼ା ଯାଇଛି, ସେ କହିଛନ୍ତି ।

ଏହି କାର୍ଯ୍ୟକ୍ରମର ଆୟୋଜନ କରିବା ପୂର୍ବରୁ କମ୍ପାନୀ କର୍ତୃପକ୍ଷ ସ୍ଥାନୀୟ ଗ୍ରାମବାସୀଙ୍କ ସହ ଆଲୋଚନା କରିନଥିବାରୁ ପୋସ୍କୋ ସପକ୍ଷବାଦୀ ତଥା ମିଳିତ କ୍ରିୟାନୁଷ୍ଠାନ କମିଟି ସମାଲୋଚନା କରିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଜାନୁୟାରୀ ୧୩(ଓଡ଼ିଶା ଡ଼ଟ୍ କମ୍) ପୋସ୍କୋ ସଂଘର୍ଷ ମାମଲାରେ ଗିରଫ ଠିକ।ଦାର ବାପି ସର୍ଖେଲଙ୍କ ଜାମିନ ଆବେନ ଶୁକ୍ରବାର ପୁଣି ନାମଂଜୁର ହୋଇଯାଇଛି ।

ଜିଲ୍ଲା ଅଜିରିକ୍ତ ଦୌରାଜଜ୍ ବାପିଙ୍କ ଜାମିନ ନାମଂଜୁର କରିଥିବା ବେଳେ ଗତ ୪ ତାରିଖରେ ମଧ୍ୟ ତାଙ୍କ ଜାମିନ ନାମଂଜୁର କରିଥିଲେ ।

ସେ ଜଣେ ପ୍ରଭାବଶାଳି ବ୍ୟକ୍ତି ହୋଇଥିବାରୁ ସାକ୍ଷୀମାନଙ୍କୁ ପ୍ରଭାବିତ କରିବାର ସମ୍ଭାବନା ରହିଛି ଏବଂଆଇନଶୃଙ୍ଖଳା ପରିସ୍ଥିତି ଉପୁଜିବା ସମ୍ଭାବନା ମଧ୍ୟ ରହିଛି ବୋଲି ସରକାରୀ ଓକିଲ ଯୁକ୍ତ ଦର୍ଶାଇବା ପରେ ତାଙ୍କ ଜାମିନକୁ ନାମଞ୍ଜୁର କରାଯାଇଛି ।

ଗତ ଡ଼ିସେମ୍ବର ୧୪ରେ ପୋସ୍କୋ ଅଂଚଳରେ ହୋଇଥିବା ସଂଘର୍ଷ ତଥା ଏଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟଣାର ଅଭିଯୁକ୍ତ ଦର୍ଶାଇ ବାପିଙ୍କ ନାଁରେ କୁଜଙ୍ଗ ଥାନାରେଦୁଇଟି ମାମଲା ରୁଜୁ ହୋଇଥିଲା ।

କୁଜଙ୍ଗ ପୋଲିସର ଏକ ଦଳ ଗତ ଡ଼ିସେମ୍ବର ୨୩ରେ ସର୍ଖେଲଙ୍କୁ ଛତିଶଗଡ଼ ରାଜଧାନୀ ରାୟପୁରରୁ
ଗିରଫ କରିଥିଲା । ସଂଘର୍ଷ ଘଟଣାରେ ପୋଲିସ ବର୍ତମାନ ପର୍ଯ୍ୟନ୍ତ ଆଠ ଜଣଙ୍କୁ ଗିରଫ କରିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଜାନୁୟାରୀ ୬(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲା ନୂଆଗାଁ ଅଞ୍ଚଳରେ ଥିବା ପ୍ରସ୍ତାବିତ ପୋସ୍କୋ ପ୍ରକଳ୍ପର କାର୍ଯ୍ୟାଳୟ ଉପରେ ଦୁର୍ବୃତମାନେ ବୋମାମାଡ଼ କରିଥିବା ବେଳେ ଏଥିରେ କେହି ମୃତାହତ ହୋଇନଥିବା ପୋଲିସ ଶୁକ୍ରବାର କହିଛି ।

ଗୁରୁବାର ରାତିରେ ଦୁର୍ବୃତମାନେଦୁଇଟି ବୋମାମାଡ଼ କରିଥିବା ବେଳେ ଏଥିରେ କାର୍ଯ୍ୟାଳୟରେ ସାମାନ୍ୟ ଫାଟ ସୃଷ୍ଟି ହୋଇଛି । ଏହି ଘଟଣା ପରେ ସେଠାରେ ଥିବା କର୍ମଚାରୀମାନେ ଭୟରେ ପଳାଇଯାଇଛନ୍ତି ।

ପୂର୍ବରୁ ସଂପୃକ୍ତ କାର୍ଯ୍ୟାଳୟରେ ଭଙ୍ଗାରୁଜା କରିବା ଅଭିଯୋଗରେ ଗତ ମଙ୍ଗଳବାର ଦଧିବାମନ ଜିଉ ଜଙ୍ଗଲ କମିଟି ସଦସ୍ୟଙ୍କ ବିରୁଦ୍ଧରେ ମାମଲା ରୁଜୁ କରାଯିବା ପରେ ଏହି ବୋମାମାଡ଼ କରାଯାଇଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି ।

ଏହି ଘଟଣା ନେଇ କେହି ଅଭିଯୋଗ କରିନାହାନ୍ତି କିନ୍ତୁ ପୋଲିସ ପକ୍ଷରୁ ତୀକ୍ଷ୍ଣ ନଜର ରଖାଯାଇଛି ବୋଲି ଜିଲ୍ଲା ପୋଲିସ ମୁଖ୍ୟ ଏସ୍.ବେତ ସିଂହ କହିଛନ୍ତି ।

ତେବେ କମ୍ପାନୀର କୌଣସି ଠିକ୍ କାଗଜପତ୍ର ନଥିବା ବେଳେ ଜଙ୍ଗଲ କମିଟି ସଦସ୍ୟଙ୍କ ବିରୁଦ୍ଧରେ
ଥାନାରେ ମାମଲା ରୁଜୁ କରିବା ପାଇଁ ପୋସ୍କୋ କିଏ ବୋଲି ଗ୍ରାମବାସୀମାନେ କହିଛନ୍ତି ।

ବଳପୂର୍ବକ ଜମି ଅଧିଗ୍ରହଣ କରି ଏଠାରେ କାର୍ଯ୍ୟାଳୟ ଖୋଲାଯାଇଛି, ତେଣୁ କମ୍ପାନୀ ଅଧିକାରୀଙ୍କ କୌଣସି ଲୋକଙ୍କ ବିରୁଦ୍ଧରେ ମାମଲା ରୁଜୁ କରିବା ଅଧିକାର ନାହିଁ ବୋଲି ସେମାନେ କହିଛନ୍ତି ।

ଓଡ଼ିଶା ଡ଼ଟ୍ କମ୍