• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ପ୍ରଶାସନ

ଜଗତଗୁରୁ ଶଙ୍କରାଚ।ର୍ଯ୍ୟଙ୍କୁ ମନାଇବ ଶ୍ରୀମନ୍ଦିର ପ୍ରଶାସନ

May 25, 2015 by News Bureau Leave a Comment

ଓଡିଶା ଡଟ କମ ସମ୍ବାଦଦାତା

ପୁରୀ,ମଇ ୨୫ (ଓଡିଶା ଡଟ କମ) : ରଥ ଉପରେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ କରିବା ପାଇଁ ଜଗତଗୁରୁ ଶଙ୍କରାଚାର୍ଯ୍ୟଙ୍କୁ ଅନୁରୋଧ କରିବ ଶ୍ରୀମନ୍ଦିର ପ୍ରଶାସନ। ଖୋଦ ଗଜପତି ମହାରାଜ ଏଥିପାଇଁ ଜଗତଗୁରୁଙ୍କୁ ନିମତ୍ରଣ କରିବାକୁ ଯିବେ। ସ୍ନାନ ପୁର୍ଣିମାରେ ଶଙ୍କରାଚ।ର୍ଯ୍ୟଙ୍କ ଆଗମନକୁ ସ୍ଵାଗତ କରାଯିବ ବୋଲି ରବିବାର ଅନୁଷ୍ଠିତ ପରିଚାଳନା କମିଟିର ବୈଠକରେ ସ୍ଥିର ହୋଇଛି।

ଶଙ୍କରାଚ।ର୍ଯ୍ୟଙ୍କ ଉଦବେଗ ଜନିତ ମନ୍ତବ୍ୟ ନେଇ ବୈଠକରେ ୩ ଘଣ୍ଟା ଧରି ଆଲୋଚନା ହୋଇଥିଲା। ଶ୍ରୀମନ୍ଦିର ପ୍ରଶାସନର ବିବାଦୀୟ ଚିଠି ଯୋଗୁଁ ଜଗତଗୁରୁ ଗତବର୍ଷ ରଥଯାତ୍ରାରେ ମହାପ୍ରଭୁଙ୍କୁ ଦର୍ଶନ କରିବାକୁ ଆସିନଥିଲେ। ତେଣୁ ଆଗାମୀ ରଥଯାତ୍ରାରେ ଜଗତଗୁରୁଙ୍କୁ ସମ୍ମାନର ସହ ନିମତ୍ରଣ କରିବାକୁ ମୁକ୍ତିମଣ୍ଡପ ପଣ୍ଡିତସଭାର ସଭ୍ୟ ପ୍ରସ୍ତାବ ଦେଇଥିଲେ। ସର୍ବସମ୍ମତି କ୍ରମେ ଏହାକୁ ଗ୍ରହଣ କରଯାଇଥିଲା।

ଜୁନ ୨ ରେ ଅନୁଷ୍ଠିତ ହେବାକୁଥିବା ସ୍ନାନଯାତ୍ରାରେ ୬ଜଣ ଶିଷ୍ୟଙ୍କ ସହ ଜଗତଗୁରୁ ଶ୍ରୀଜୀଉଙ୍କ ଦର୍ଶନ ପାଇଁ ଶ୍ରୀମନ୍ଦିର ବିଜେ କରିବେ। ଗୋବର୍ଦ୍ଧନ ପୀଠର ଏହି ପ୍ରସ୍ତାବକୁ ପରିଚାଳନା କମିଟି ସ୍ଵାଗତ କରିଛି। ସ୍ନାନବେଦୀରେ ବିଜେ କରିଥିବାବେଳେ ମହାପ୍ରଭୁଙ୍କୁ କୌଣସି ଅଣସେବାୟତ ସ୍ପର୍ଶ କରିପାରିବ ନ।ହିଁ। ଛତିଶ ନିଯୋଗରା ଏହି ପ୍ରସ୍ତାବ ଉପରେ ପରିଚାଳନା କମିଟି ମୋହର ମାରିଛି।

ଏହାଛଡା ହାତୀବେଶ ସୁରକ୍ଷା ଦାୟିତ୍ଵରେ ୪ ଜଣ ପୋଲିସ ଅଧିକାରୀଙ୍କୁ ନିୟୋଜିତ କରାଯିବ ବୋଲି ସ୍ଥିର ହୋଇଛି। ଲକ୍ଷାଧିକ ଭକ୍ତ ବଡଦାଣ୍ଡରେ ଛିଡା ହୋଇ ମହାପ୍ରଭୁଙ୍କୁ ଦର୍ଶନ କରୁଥିବାରୁ ସ୍ନାନବେଦୀ ଆଗରେ କାହାକୁ ଛିଡାହେବାକୁ ଅନୁମତି ଦିଆଯିବନ।ହିଁ। ସ୍ନାନପୁର୍ଣିମାରା ନୀତି ନିର୍ଘଣ୍ଟ କୁ ବୈଠକରେ ଅନୁମୋଦନ କରାଯାଇଛି। ଏହାର ସେବାୟତଙ୍କ ପାଳିଆ ପୁରସ୍କାର ଦୁଇଗୁଣ ବୃଦ୍ଧି କରାଯାଇଛି।

ଗତ ଏପ୍ରିଲ ୧ ତାରିଖଠାରୁ ଏହା ଲାଗୁ କରାଯିବ। ସେବାୟତଙ୍କ ପାଇଁ ପ୍ରଧାନମନ୍ତ୍ରୀ ବୀମା ଯୋଜନା ଲାଗୁକରାଯିବା। ଏହାର ସମସ୍ତ ଖର୍ଚ୍ଚ ଶ୍ରୀମନ୍ଦିର ପ୍ରଶାସନ ବହନ କରିବ। ଏହାସହ ଦାରୁ ମିଳିଥିବା ଗାଁଗୁଡିକୁ ୫ଲକ୍ଷ ଟଙ୍କା
ଲେଖାଏଁ ଆର୍ଥିକ ସହାୟତା ପ୍ରଦାନ କରିବାକୁ ସ୍ଥିର ହୋଇଛି।

ଓଡିଶା ଡଟ କମ

News Bureau
News Bureau

Filed Under: ମୁଖ୍ୟ ଖବର Tagged With: ପ୍ରଶାସନ, ଶଙ୍କରାଚ।ର୍ଯ୍ୟ, ଶ୍ରୀମନ୍ଦିର

ଶ୍ରୀମନ୍ଦିର ପ୍ରଶାସନ ଆୟବ୍ୟୟର ସ୍ଵତନ୍ତ୍ର ଅଡିଟ କରିବେ ଏଜି

May 11, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର,  ମଇ ୧୧ (ଓଡିଶା ଡ଼ଟ୍ କମ୍), ପୁରୀ ଶ୍ରୀମନ୍ଦିର ପ୍ରଶାସନର ଆୟବ୍ୟୟର ଏକ ସ୍ଵତନ୍ତ୍ର ଅଡିଟ କରିବାପାଇଁ ରାଜ୍ୟ ସରକାରଙ୍କୁ ମହାଲେଖାକାର (ସିଏଜି) ଚିଠି ଲେଖି ଜଣାଇଛନ୍ତି ।

୨୦୦୯ରୁ ୨୦୧୫ ମସିହା ମଧ୍ୟରେ ସରକାର ଶ୍ରୀମନ୍ଦିର ପ୍ରଶାସନକୁ ପ୍ରାୟ ୪୭.୦୪ କୋଟି ଟଙ୍କା ଅନୁଦାନ ଦେଇଛନ୍ତି ।ଏହା ବ୍ୟତୀତ ଚଳିତ ବର୍ଷ ହେବାକୁ ଯାଉଥିବା ନବ କଳେବରର ଆୟୋଜନ ପାଇଁ ସରକାର ଅତିରିକ୍ତ ତିରିଶ କୋଟି ଟଙ୍କା ଅନୁଦାନ ଦେଇ ସାରିଛନ୍ତି ।

ଯଦିଓ ପ୍ରତିବର୍ଷ ମନ୍ଦିର ପ୍ରଶାସନର ଆୟବ୍ୟୟ ଅଡିଟ ହେଉଛି, ଚଳିତ ବର୍ଷ ଏହାର ସ୍ଵତନ୍ତ୍ର ଅଡିଟ କରିବାପାଇଁ ସିଏଜି ପ୍ରସ୍ତାବ କହିଛି । ମନ୍ଦିର ପ୍ରଶାସନ ଏହି ଅଡିଟ ପାଇଁ ପ୍ରସ୍ତୁତ ଅଛନ୍ତି । ତେବେ ନବ କଳେବର ପାଇଁ ପ୍ରଶାସନ ବ୍ୟସ୍ତ ଥିବାରୁ ଜୁଲାଇ ମାସ ପରେ ଏହା କରିବା ପାଇଁ ସିଏଜିଙ୍କୁ ଜଣାଇ ଦିଆଯାଇଥିବା ମନ୍ଦିର ପ୍ରଶାସନର ଜଣେ ବରିଷ୍ଠ ଅଧିକାରୀ କହିଛନ୍ତି ।

ଓଡିଶା ଡଟ କମ

News Bureau
News Bureau

Filed Under: ରାଜନୀତି Tagged With: ଅଡିଟ, ଆୟବ୍ୟୟ, ଏଜି, ପ୍ରଶାସନ, ଶ୍ରୀମନ୍ଦିର

ଆଇଏଏସ ସ୍ତରରେ ପୁଣି ଅଦଳବଦଳ

May 2, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ମଇ ୨ (ଓଡିଶା ଡଟ କମ) ବରିଷ୍ଠ ଆଇଏଏସ ସ୍ତରରେ ଏକ ବଡ ଧରଣର ଅଦଳବଦଳକୁ ଦୁଇ ସପ୍ତାହ ହୋଇନାହିଁ, ରାଜ୍ୟ ସରକାର ଶନିବାର ପ୍ରଶାସନିକ ସ୍ତରରେ ପୁଣି ଏକ ଅଦଳବଦଳ କରି ବିଷ୍ଣୁ ପ୍ରସାଦ ସାହୁଙ୍କୁ ବୈଷୟିକ ଶିକ୍ଷା ଓ ତାଲିମ ବିଭାଗର ନିର୍ଦ୍ଦେଶକ ଭାବେ ନିଯୁକ୍ତି ଦେଇଥିବା ବେଳେ ଅନିଲ କୁମାର ସାମଲଙ୍କୁ ପର୍ଯ୍ୟଟନ ବିଭାଗର ନିର୍ଦ୍ଦେଶକ ଭାବେ ଉପସ୍ଥାପିତ କରିଛନ୍ତି ।

ସାମଲ ଓଡିଶା ପର୍ଯ୍ୟଟନ ନିଗମର ପରିଚାଳନା ନିର୍ଦ୍ଦେଶକ ଭାବେ ମଧ୍ୟ କାର୍ଯ୍ୟ କରିବେ । ଠିକ ସେହିପରି ମନୋରଞ୍ଜନ ପଟ୍ଟନାୟକଙ୍କୁ ଜେଲ ବିଭାଗର ଅତିରିକ୍ତ ଆଇଜି ଭାବେ ନିଯୁକ୍ତି ମିଳିଥିବା ବେଳେ, ବିଷ୍ଣୁ ପ୍ରସାଦ ପୃଷ୍ଟିଙ୍କୁ ମାର୍କଫେଡ ର ପରିଚାଳନା ନିର୍ଦେଶକ କରାଯାଇଛି ।

ଏହା ବ୍ୟତୀତ ସରକାର ପାଞ୍ଚ ଜଣ ଭାରତୀୟ ପ୍ରଶାସନିକ ସେବା ଅଧିକାରୀଙ୍କୁ କେନ୍ଦ୍ରକୁ ଡେପୁଟେସନରେ ଯିବା ପାଇଁ ଅନୁମତି ଦେଇଛନ୍ତି। ସେହି ଅଧିକାରୀ ମାନେ ହେଲେ ଅରବିନ୍ଦ ପାଢୀ ଓ ଉଷା ପାଢୀ, ଏସ ଅସ୍ଵାଥି, ପରାଗ ଗୁପ୍ତା ଓ ନିକୁଞ୍ଜ ସୁନ୍ଦର ରାୟ ।

ଓଡିଶା ଡଟ କମ

News Bureau
News Bureau

Filed Under: ରାଜନୀତି Tagged With: ଅଦଳବଦଳ, ଆଇଏଏସ, ନିର୍ଦ୍ଦେଶକ, ପ୍ରଶାସନ

ଅସ୍ତ୍ରଶସ୍ତ୍ର ପ୍ରଦର୍ଶନ କଟକଣାକୁ ନେଇ ପ୍ରଶାସନ, କର୍ମକର୍ତ୍ତା ମୁହାଁମୁହିଁ

April 10, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦଦାତା

ସମ୍ବଲପୁର, ଏପ୍ରିଲ ୧୦ (ଓଡିଶା ଡଟକମ) ଚାରିଦିନ ପରେ ହେବାକୁ ଥିବା ହନୁମାନ ଜୟନ୍ତୀ ଶୋଭାଯାତ୍ରାରେ ଅସ୍ତ୍ରଶସ୍ତ୍ର ପ୍ରଦର୍ଶନ ଉପରେ କଟକଣାକୁ କେନ୍ଦ୍ର କରି ସମ୍ବଲପୁର ସହରରେ ଜିଲା ପ୍ରଶାସନ ଓ ଜୟନ୍ତୀର କର୍ମକର୍ତ୍ତା ମାନେ ମୁହାଁମୁହିଁ ହୋଇଛନ୍ତି ।

ଗୋଟିଏ ପଟେ ଜୟନ୍ତୀ ଆୟୋଜକ ଅସ୍ତ୍ରଶସ୍ତ୍ର ପ୍ରଦର୍ଶନ କରିବା ଜିଦରେ ଅଟଳ ଥିବା ବେଳେ ପ୍ରଶାସନ ସେମାନଙ୍କୁ ଅନୁମତି ଦେବା ପାଇଁ ସ୍ପଷ୍ଟ ମନା କରିଦେଇଛି ।

ବିଚାର ଆଲୋଚନା ମାଧ୍ୟମରେ ଏହାର ସମାଧାନ କରିବାପାଇଁ ପ୍ରଶାସନ ତରଫରୁ ଜୟନ୍ତୀ ଆୟୋଜକଙ୍କ ସହ ଗୁରୁବାର ଏକ ବୈଠକ ଅନୁଷ୍ଠିତ ହୋଇଥିଲା ।ତେବେ ଦୁଇ ପକ୍ଷ ପରସ୍ପର ଜିଦରେ କାଏମ ରହିବାରୁ ଏହା ବିଫଳ ହୋଇଥିଲା ।

ଏଠାରେ ଉଲ୍ଲେଖଯୋଗ୍ୟ ଯେ ଧାର୍ମିକ କାର୍ଯ୍ୟକ୍ରମ ମାନଙ୍କରେ ଶାନ୍ତି ଭଙ୍ଗ ଆଶଙ୍କା କରି ଭାରତୀୟ ପିଙ୍ଗଳକୋଡ ଧାରା ୧୪୪-ଏ ଅନୁସାରେ ପ୍ରଶାସନ ସହରରେ ନିକଟରେ ଏହି କଟକଣା ଜାରି କରିଛି ।

ଏହି କଟକଣା ତିନିମାସ ପର୍ଯ୍ୟନ୍ତ ବଳବତ୍ତର ରହିବା ଓ ପରେ ଏହାର ଅବଧିକୁ ବଢାଯିବ ବୋଲି ଜିଲ୍ଲା ପୁଲିସ ମୁଖ୍ୟ ଅଖିଳେଶ୍ଵର ସିଂହ କହିଛନ୍ତି ।

ସମ୍ବଲପୁର ସହରରେ ଅତୀତରେ ଧାର୍ମିକ ଶୋଭାଯାତ୍ରାରେ ଅସ୍ତ୍ରଶସ୍ତ୍ର ଧାରଣକୁ କେନ୍ଦ୍ର କରି ସାମ୍ପ୍ରଦାୟିକ ଉତ୍ତେଜନା ଦେଖାଦେଇଥିବାରୁ ଏହି କଟକଣା ଜାରି କରାଯାଇଥିବା ସେ କହିଛନ୍ତି ।

“ତେବେ ସହରରେ ଶୋଭାଯାତ୍ରା ପାଇଁ ସ୍ଵାଭାବିକ ଅନୁମତି ଦିଆଯାଉଛି । ଶୋଭାଯାତ୍ରା ଉପରେ କୌଣସି ବାରଣ କରାଯାଇନାହିଁ “, ସେ କହିଛନ୍ତି ।

ଅନ୍ୟ ପକ୍ଷରେ ଜୟନ୍ତୀ କର୍ମକର୍ତ୍ତା ଅଭିଯୋଗ କରିଛନ୍ତି ଯେ ତାଙ୍କସହ ଆଲୋଚନା ନ କରି ପ୍ରଶାସନ ଏକ ଚାଟିଆ ଭାବେ ଏହି ପଦକ୍ଷେପ ନେଇଛି ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ରାଜନୀତି Tagged With: ଅସ୍ତ୍ରଶସ୍ତ୍ର, କର୍ମକର୍ତ୍ତା, ପ୍ରଶାସନ, ଶୋଭାଯାତ୍ରା, ସମ୍ବଲପୁର

ପୋସ୍କୋ ପାଇଁ ଜମି ଅଧିଗ୍ରହଣ ଜାରି

February 5, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍: ଅମରନାଥ ପରିଡା

ଜଗତସିଂପୁର,ଫେବୃଆରି ୫(ଓଡିଶା ଡଟ୍ କମ୍ )-ପ୍ରଶାସନର ଜମି ଅଧିଗ୍ରହଣ ଅଭିଯାନର ଦ୍ୱିତୀୟ ଦିନରେ ଗୋବିନ୍ଦପୁର ଗାଁର ୧୦ଟି ପାନ ବରଜକୁ କବ୍ଜାକୁ ନେଇଛି ।

ପ୍ରସ୍ତାବିତ ପୋସ୍କୋ ପ୍ରକଳ୍ପ ଅଧୀନସ୍ଥ ଗୁରୁତ୍ୱପୂର୍ଣ୍ଣ ଅଞ୍ଚଳ ଗୋବିନ୍ଦପୁରକୁ ଗତକାଲି ପ୍ରଶାସନ ଦଖଲ କରିବା ପରେ ସୋମବାର ବଡିଭୋରୁ ୧୨ ପ୍ଲାଟୁନ୍ ପୁଲିସ୍ ଫୋର୍ସ୍ ସହ ଜିଲା ପ୍ରଶାସନ ସେଠାରେ ପହଞ୍ଚିଥିଲା । ସକାଳ ସାତଟାରୁ ବରଜ ଅଧିଗ୍ରହଣ କାର୍ଯ୍ୟ ଆରମ୍ଭ ହୋଇ ୫ଟି ବରଜ ଭାଙ୍ଗିବା ପରେ ହରିଜନ ସାହିର କିଛି ଲୋକ ବିରୋଧ କରିଥିଲେ ।

ଫଳରେ ସକାଳ ୧୦ଟାରେ ମଙ୍ଗଳା ମନ୍ଦିର ପାଖରେ ପ୍ରଶାସନ ସହ ଗ୍ରାମବାସୀଙ୍କ ବାକ୍ବିତଣ୍ଡା ହୋଇଥିଲା । ଏହି ସମୟରେ ସ୍ଥାନୀୟ ଲୋକେ ୨୦୧୧ରେ ଜମି ଅଧିଗ୍ରହଣ ସମୟରେ ତତ୍କାଳୀନ ଜିଲାପାଳ ଓ ଆର୍ଡିସି ଯେଉଁ ପ୍ରତିଶୃତି ଦେଇଥିଲେ ତାହା କାର୍ଯ୍ୟକାରୀ ହୋଇନଥିବା ଦର୍ଶାଇ ବିରୋଧ କରିଥିଲେ ।

ଯେଉଁମାନଙ୍କର ଜମି ଯାଉ ନାହିଁ ଅଥଚ ସେମାନେ ପାନବରଜ ଶ୍ରମିକ ସେମାନଙ୍କ ପାଇଁ କି ବ୍ୟବସ୍ଥା ଗ୍ରହଣ କରାଯାଇଛି ତାହା ଜାଣିବାକୁ ଚାହିଁଥିଲେ ଗ୍ରାମର ସମୀର ଦାସ, ମନୋରଂଜନ ଦାସ ।

ଜିଲାପାଳ ସତ୍ୟପ୍ରକାଶ ମଲ୍ଳିକ ଓ ଏସ.ପି ସତ୍ୟବ୍ରତ ଭୋଇ ଗ୍ରାମବାସୀଙ୍କୁ ବୁଝାସୁଝା କରି ଦାବି ପୂରଣ କରାଯିବ ବୋଲି ପ୍ରତିଶ୍ରୁତି ଦେବା ପରେ ପୁଣି ୧୨ଟା ବେଳୁ ଜମି ଅଧିଗ୍ରହଣ କାର୍ଯ୍ୟ ଆରମ୍ଭ ହୋଇଥିଲା ।

ପ୍ରଶାସନ ୫୦ରୁ ଅଧିକ ବରଜ ଭାଙ୍ଗିବାକୁ ଲକ୍ଷ୍ୟ ରଖିଥିବା ବେଳେ ଗ୍ରାମବାସୀଙ୍କ ବିରୋଧ ଯୋଗୁଁ ତାହା ୧୦ ରେ ସୀମିତ ରହିଥିଲାବେଳେ ସେମାନଙ୍କୁ ମୋଟ ୧୪ ଲକ୍ଷ ୧୫ ହଜାର ୫୦୧ଟଙ୍କାର ଚେକ୍ ପ୍ରଦାନ କରାଯାଇଛି ।

ସୋମବାର ଦିନ ଅଧିଗୃହୀତ ହୋଇଥିବା ପାନବରଜ ମାଲିକମାନେ ଗୋବିନ୍ଦପୁର ଦିଲୀପ ପରିଡା, ଦିଲୀପ୍ ସାମନ୍ତରାୟ, ଧିରେନ୍ଦ୍ର ସ୍ୱାଇଁ, କେଳୁ ଦଳେଇ, ଟୁକୁନା ବର୍ଦ୍ଧନ ପ୍ରମୁଖ । ଅପରପକ୍ଷରେ ବିରୋଧୀ ନେତା ଅଭୟ ସାହୁଙ୍କ ନେତୃତ୍ୱରେ ବିରୋଧିମାନେ ପାଟଣାହାଟରେ ଏକାଠି ହୋଇ ପ୍ରଶାସନକୁ ମୁକାବିଲା କରିବାପାଇଁ ବୈଠକ କରିଥିଲେ । ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ପାନବରଜ, ପୋସ୍କୋ ପ୍ରକଳ୍ପ, ପ୍ରଶାସନ, ହରିଜନ ସାହି

ପୋସ୍କୋ ବିରୋଧୀଙ୍କ ଧାରଣାରେ ୪ ଦଳର ନେତା

January 30, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

କୁଜଙ୍ଗ, ଜାନୁଆରୀ ୩୦(ଓଡିଶା ଡଟ୍ କମ୍)-ପ୍ରସ୍ତାବିତ ପୋସ୍କ ପ୍ରକଳ୍ପର ଗୋବିନ୍ଦପୁର ବଟବେଲାରି ଠାରେ ପୋସ୍କ ବିରୋଧୀଙ୍କ ଧାରଣା ଅବ୍ୟାହତ ରହିଥିବାବେଳେ ମଙ୍ଗଳବାର ଦିନ ଚାରୋଟି ରାଜନୈତିକ ଦଳର ପ୍ରତିନିଧିମାନେ ଯୋଗଦେଇ ଧାରଣାକାରୀଙ୍କୁ ଉଦ୍ଦବୋଧନ ଦେଇଥିଲେ ।

ନୂଆଗାଁସ୍ଥିତ ପୋସ୍କୋ ଅସ୍ଥାୟୀ କାର୍ଯ୍ୟାଳୟରେ ଗତକାଲି ପ୍ରଶାସନ ପକ୍ଷରୁ କ୍ଷତିପୂରଣ ଚେକ୍ ବଣ୍ଟନ ପରେ ଆଜି ବିରୋଧୀମାନେ ତତ୍ପର ହୋଇଯାଇଛନ୍ତି । ବଟବେଲାରି ବାଲିଟିକିରାଠାରେ ଅଭୟ ସାହୁଙ୍କ ନେତୃତ୍ୱରେ ଶତାଧିକ ପୋସ୍କୋ ବିରୋଧୀ ମଙ୍ଗଳବାରଦିନ ଧାରଣାରେ ବସିଥିଲେ ।

ଏହି ଧାରଣାରେ ବହୁ ଛାତ୍ରଛାତ୍ରୀ ଉପସ୍ଥିତ ଥିବାବେଳେ ତିର୍ତ୍ତୋଲ ଶିକ୍ଷାଜିଲ୍ଲା ଅଧିକାରୀ ଓ ଜଗତସିଂହପୁର ପ୍ରକଳ୍ପ ସଂଯୋଜକ ନିର୍ମଳ ଦାସ ଘଟଣାସ୍ଥଳକୁ ଯାଇ ପିଲାଙ୍କୁ ବିଦ୍ୟାଳୟ ଫେରିଆସିବା ପାଇଁ ଅନୁରୋଧ କରିଥିଲେ ।

ରାଜ୍ୟର ପ୍ରମୁଖ ୪ଟି ରାଜନୈତିକ ଦଳ ସେମାନଙ୍କ ସହ ସାମିଲ ହୋଇଛନ୍ତି । ସିପିଆଇ ରାଜ୍ୟ ସଂପାଦକ ଦିବାକର ନାୟକ ଏଥିରେ ଯୋଗଦେଇ ସରକାର ବଳ ପ୍ରୟୋଗକରି ଜୋରଜବରଦସ୍ତ ଜମି ଅଧିଗ୍ରହଣ କଲେ ହଜାର ହଜାର କର୍ମୀ ଓ ନେତୃବୃନ୍ଦ ଧାରଣାସ୍ଥଳରେ ବସି ସରକାରଙ୍କୁ ଉଚିତ୍ ଜବାବ ଦେବେ ବୋଲି କହିଥିଲେ ।

ବାଣିଜ୍ୟ ମନ୍ତ୍ରୀ ଆନନ୍ଦ ଶର୍ମା ଓ ଦକ୍ଷିଣକୋରିଆରେ ପୋସ୍କୋ ଅଧିକାରୀଙ୍କ ଉଦ୍ଦବେଗ ସତ୍ୱେ ଏବଂ ଗ୍ରାମସଭାରେ ଜମି ଅଧିଗ୍ରହଣକୁ ସ୍ଥାନୀୟ ଲୋକେ ପ୍ରତ୍ୟାଖ୍ୟାନ କରିଥିବାବେଳେ ରାଜ୍ୟ ସରକାର କେଉଁ ଅଧିକାରରେ ଜୁଲମ କରି ପୁଲିସର ଭୟ ଦେଖାଉଛନ୍ତି ବୋଲି ପ୍ରଶ୍ନ କରିଥିଲେ ।

ଅନ୍ୟମାନଙ୍କ ମଧ୍ୟରେ ସମାଜବାଦୀ ପାର୍ଟିର ରାଜ୍ୟ ସଭାପତି ରବି ବେହେରା, ଫରୱାର୍ଡ ବ୍ଲକର ସନ୍ତୋଷ ମିତ୍ର, ସି.ପି.ଏମ୍ ର ସୁରେଶ ପାଣିଗ୍ରାହୀ ପ୍ରମୁଖ ପୋସ୍କୋ ଓ ପ୍ରଶାସନ ବିରୋଧରେ ବର୍ଷିଥିଲେ । ରାଷ୍ଟ୍ରୀୟ ଜନତା ଦଳର ନେତା ହରିଶ୍ ମହାପାତ୍ର ଯୋଗଦେଇନପାରି ତାଙ୍କର ଲିଖିତ ବାର୍ତା ପଠାଇଥିଲେ ।

ଓଡିଶା ଡଟ୍କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଅର୍ଥ-ବ୍ୟବସାୟ, ଓଡିଶା ଖବର Tagged With: ଛାତ୍ରଛାତ୍ରୀ, ପୋସ୍କୋ, ପ୍ରଶାସନ

କଂଗ୍ରେସ ସମାବେଶ ବଦଳାଇଲା ସରକାରଙ୍କ ନୀତି

September 12, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୧୨(ଓଡ଼ିଶା ଡ଼ଟ୍ କମ୍)- ରାଜ୍ୟସ୍ତରୀୟ ସମାବେଶ ପାଇଁ ରାଜନୈତିକ ଦଳ ଏବଂ ସଂଗଠନଗୁଡ଼ିକୁ ଲୋୟର ପିଏମଜିରେ ଅନୁମତି ଦିଆଯିବ ନାହିଁ ଜନତା ମଇଦାନ ଏବଂ ପ୍ରଦର୍ଶନୀ ପଡ଼ିଆ ପରି ସ୍ଥାନରେ ବଡ଼ ଧରଣର ସଭା ଓ ସମାବେଶ ପାଇଁ ଅନୁମତି ଦିଆଯିବ ।

ଉଚ୍ଚ ପ୍ରଶାସନିକ ସ୍ତରରେ ଏନେଇ ଯୋଜନା ଚୂଡ଼ାନ୍ତ କରାଯାଇଛି । ସେପ୍ଟେମ୍ବର ୬ କଂଗ୍ରେସ ସମାବେଶରେ ଅଘଟଣ ଉପରେ ତର୍ଜମା କରାଯାଇ ବଡ଼ ଧରଣର ସମାବେଶ ପାଇଁ ବିକଳ୍ପ ସ୍ଥାନ ବାଛିବା ଉପରେ ଗୁରୁତ୍ୱ ଦିଆଯାଇଥିଲା ।

ସୁରକ୍ଷା ଦୃଷ୍ଟିରୁ ବିଧାନସଭା ଏବଂ ସଚିବାଳୟ ସମ୍ମୁଖସ୍ଥ ଲୋୟର ପିଏମଜିରେ ବଡ଼ ଧରଣର ସମାବେଶ ପାଇଁ ଅନୁମତି ନବୋକୁ ପ୍ରଶାସନିକସ୍ତରରେ ମତ ପ୍ରକାଶ ପାଇବା ପରେ ଏହି ନିଷ୍ପତି ନିଆଯାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଂଗ୍ରେସ, ଜନତା ମଇଦାନ, ପ୍ରଶାସନ

ସଚିବ, ଜିଲ୍ଲାପାଳ ସ୍ତରରେ ବ୍ୟାପକ ଅଦଳବଦଳ

April 29, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅପ୍ରେଲ ୨୯(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଶୁକ୍ରବାର ବିଭିନ୍ନ ବିଭାଗର ସଚିବ ଓ ଜିଲ୍ଲାପାଳ ସ୍ତରରେ ବ୍ୟାପକ ଅଦଳବଦଳ କରିଛନ୍ତି ।

ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁସାରେ ୧୯୭୮ ବ୍ୟାଚ୍ର ପି.ଆର୍.ଶାହାଙ୍କୁ ଅବକାରୀ ବିଭାଗର ପ୍ରମୁଖ ସଚିବ ଭାବେ ଅବସ୍ଥାପତି କରାଯାଇଥିବା ବେଳେ ୧୯୮୧ ବ୍ୟାଚ୍ର ରଙ୍ଗଲାଲ ଜାମୁଡ଼ାଙ୍କୁ କୃଷି ବିଭାଗର ପ୍ରମୁଖ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିପରି ୧୯୮୫ ବ୍ୟାଚ୍ର ସୁରେନ୍ଦ୍ର ନାଥ ତ୍ରିପାଠୀଙ୍କୁ ଗ୍ରାମ୍ୟ ଉନ୍ନୟନ ବିଭାଗର ପ୍ରମୁଖ ସଚିବ, ୧୯୮୯ ବ୍ୟାଚ୍ର ପ୍ରୀପ କୁମାର ଜେନାଙ୍କୁ ପଞ୍ଚାୟତିରାଜ ଏବଂ ସୂଚନା ପ୍ରଯୁକ୍ତି ବିଦ୍ୟା ବିଭାଗର ସଚିବ, ୧୯୮୯ ବ୍ୟାଚ୍ର ସିଟିଏମ୍ ସୁଗୁଣାଙ୍କୁ ଶ୍ରମ ଓ ନିୟୋଜନ ବିଭାଗର ସଚିବ ଭାବେ ଅବସ୍ଥାପିତ କରାଯାଇଛି ।

୧୯୯୧ ବ୍ୟାଚ୍ର ସତ୍ୟବ୍ରତ ସାହୁଙ୍କୁ ଓମ୍ଫେଡ଼୍ ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ତଥା ମତ୍ସ୍ୟ ପଶୁସଂପ ବିଭାଗର ସଚିବ, ୧୯୯୪ ବ୍ୟାଚ୍ର ଜି.ମାଥିଭାଥନ୍ଙ୍କୁ ଶକ୍ତି ବିଭାଗ ସଚିବ, ୧୯୮୯ ବ୍ୟାଚ୍ର ଆଇଏଫ୍ଏସ୍ ଅଫିସର ସଂଜୀବ ଚଢାଙ୍କୁ ଉ୍ୟାନ ବିଭାଗ ନିର୍ଦ୍ଦେଶକ ଭାବେ ବଦଳି କରାଯାଇଛି ।

ମାଲକାନଗିରି ଜିଲ୍ଲାପାଳ ଆର୍.ଭୀନିଲ କ୍କ୍ରିଷ୍ଣାବଳମ ଅନୁସୂଚିତ ଜାତି ଜନଜାତି ବିଭାଗ ନିର୍ଦ୍ଦେଶକ, ବଲୱନ୍ତ ସିଂ ମାଲକାନଗିରି ଜିଲ୍ଲାପାଳ, ରବୀନ୍ଦ୍ର ପ୍ରସାଦ ସିଂ ଗଜପତି ଜିଲ୍ଲାପାଳ ।

ରାଜେଶ ପ୍ରଭାକର ପାଟିଲ କନ୍ଧମାଳ ଜିଲ୍ଲାପାଳ, ଶିବ ପ୍ରସାଦ ମିଶ୍ର ଅନୁଗୁଳ ଜିଲ୍ଲାପାଳ, ଅରବିନ୍ଦ ଅଗ୍ରୱାଲ ସମ୍ବଲପୁର ଜିଲ୍ଲାପାଳ ଓ ଯାଦବ ସଚିନ ରାମଚନ୍ଦ୍ରଙ୍କୁ କୋରାପୁଟ ଜିଲ୍ଲାପାଳ ଭାବେ ଅବସ୍ଥାପିତ କରାଯାଇଛି ।

କନ୍ଧମାଳ ଜିଲ୍ଲାପାଳ କିଷନ କୁମାର ଗଞ୍ଜାମ ଜିଲ୍ଲାପାଳ, ବେଯାନୀ ଚକ୍ରବର୍ତ୍ତୀଙ୍କୁ ଜଳସଂପଦ ବିଭାଗ ଅତିରିକ୍ତ ସଚିବ, ଡ଼ି.ଭି. ସ୍ୱାମୀ କେନ୍ଦୁଝର ଜିଲ୍ଲାପାଳ ଓ ଭି.କାର୍ତ୍ତିକେୟନ ପାଣ୍ଡିଆନଙ୍କୁ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବେ ବଦଳି କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଜିଲ୍ଲାପାଳ, ପ୍ରଶାସନ, ମୁଖ୍ୟ ଖବର, ରାଜ୍ୟ

ଆଇଏଏସ୍ ସ୍ତରରେ ଅଦଳବଦଳ

January 13, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧୩(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଗୁରୁବାର ଆଇଏଏସ୍ ଅଧିକାରୀ ସ୍ତରରେ ଏକ ଛୋଟ ଧରଣର ଅଦଳବଦଳ କରିଛନ୍ତି ।

ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁସାରେ ଚନ୍ଦ୍ରଶେଖର କୁମାରଙ୍କୁ ଉଚ୍ଚଶିକ୍ଷା ସଚିବ ଭାବେ ଅବସ୍ଥାପିତ କରାଯାଇଥିବା ବେଳେ ଡ଼ି.ଏନ୍.ଗୁପ୍ତାଙ୍କୁ ବିଜ୍ଞାନ କାରିଗରୀ ବିଭାଗ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିପରି ବିଜୟ ଆରୋରାଙ୍କୁ ପେନ୍ସନ୍ ଅଭିଯୋଗ, ଅମ୍ବିକା ମିଶ୍ରଙ୍କୁ ଉତ୍ତରାଞ୍ଚଳ ରାଜସ୍ୱ କମିଶନର ଓ ପ୍ରଦୀପ ଜେନାଙ୍କୁ ସୂଚନା ପ୍ରଯୁକ୍ତି ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଆଇଏଏସ୍, ପ୍ରଶାସନ, ମୁଖ୍ୟ ଖବର, ରାଜସ୍ୱ କମିଶନ

ପ୍ରଶାସନର ବିରୋଧ ସତ୍ତ୍ୱେ ଶୁଳିଆରେ ପଶୁ ବଳି

January 11, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ବଲାଙ୍ଗୀର, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) ପ୍ରଶାସନର ୧୪୪ ଧାରା ସତ୍ତ୍ୱେ ବଲାଙ୍ଗିର ଜିଲ୍ଲା ଖଇରଗୁଡ଼ା ଠାରେ ମଙ୍ଗଳବାର ପାରମ୍ପରିକ ପ୍ରଥାରେ ଆରମ୍ଭ ହୋଇଥିବା ଶୁଲିଆ ଯାତ୍ରାରେ ବଳି ଦିଆଯାଇଛି ।

ସକାଳୁ ଯାତ୍ରାପୀଠ ବଡ଼ଖଳାଠାରେ କୌଣସି ବଳି ଦିଆଯାଇ ନଥିଲେ ବି ସେଠାରୁ ପ୍ରାୟ ୨୦୦ ମିଟର ଦୂରରେ ଏକ ନୂଅାଁ ଖଳାରେ ଆଦିବାସୀମାନେ ପୂଜାର୍ଚ୍ଚନା କରି ଶତାଧିକ ପଶୁ ପକ୍ଷୀ ବଳି ଦେଇଛନ୍ତି ।

ପ୍ରଥା ଅନୁଯାୟୀ ପ୍ରତିବର୍ଷ ତୁଷୁରା ଥାନା ଅନ୍ତର୍ଗତ ଖଇରଗୁଡ଼ାର ବଡ଼ଖଳା ଶୂଲିଆ ପୀଠ, ନୂଅାଁଖଳା ଏବଂ ସାନଖଳାରେ   ପଶୁ ପଳି ଦିଆଯାଇଥାଏ । ଶୁଲିଆ ଯାତ୍ରାରେ ବଳିକୁ ବନ୍ଦ କରିବା ପାଇଁ ପ୍ରଶାସନ ପକ୍ଷରୁ ପୂର୍ବପ୍ରସ୍ତୁତି କରାଯାଇଥିଲା । ପୋଲିସ ଓ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ବଳି ଦିଆଯାଇଥିବା ବେଳେ ସେଠାରେ ପାଞ୍ଚ ପ୍ଲାଟୁନ ଫୋର୍ସ ମୁତୟନ   କରାଯାଇଛି ।

ତେବେ ଏହା ଶତାଧିକ ବର୍ଷର ପ୍ରାଚୀନ ପରମ୍ପରା ହୋଇଥିବାରୁ ଆଦିବାସୀଙ୍କୁ ବଳି ବନ୍ଦ କରିବାକୁ ବାଧ୍ୟ  କରାଯାଇପାରିବ ନାହିଁ ବୋଲି ବଳି ସପକ୍ଷବାଦୀମାନେ କହିଛନ୍ତି । ୨୦୦୫ରେ ବଳି ବନ୍ଦ ପାଇଁ ଜିଲ୍ଲା ପ୍ରଶାସନ ନିକଟରେ ଆବେଦନ କରାଯିବା ପରେ ସେହି ଦିନ ଠାରୁ ୨୦୦୮ ପର୍ଯ୍ୟନ୍ତ   ବଡ଼ ଖଳାରେ ବଳି ବନ୍ଦ କରାଯାଇଥିଲା ଓ ୨୦୦୯ରେ ପୁଣି ବଡ଼ ଖଳାରେ ବଳି ଦିଆଯାଇଥିଲା ।

ଏହାପରେ ପ୍ରଶାସନ ବିରୋଧରେ ହାଇକୋର୍ଟରେ ମାମଲା ରୁଜୁ ହୋଇଥିଲା । ହାଇକୋର୍ଟ ବଳିକୁ ସଂପୂର୍ଣ୍ଣ ବନ୍ଦ କରିବା ସହ ପ୍ରାଣୀ ସୁରକ୍ଷା ଆଇନକୁ ପାଳନ କରିବା ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ପଶୁ ବଳି, ପ୍ରଶାସନ, ବଲାଙ୍ଗିର, ମୁଖ୍ୟ ଖବର

Primary Sidebar

RSS LATEST

  • MO school to promote scientific learning
  • ବରିଷ୍ଠ ଅଭିନେତା ବିରାଜ ଦାସଙ୍କ ପରଲୋକ
  • ଡ଼ମ୍ପିଂ ରୁ ଅଳିଆ ଉଠୁ ନ ଥିବାରୁ ଅସନ୍ତୋଷ
  • ମହିଳା ନିର୍ବାଚିତ ଜନ ପ୍ରତିନିଧି ମାନଙ୍କ ତାଳିମ୍ ଅନୁଷ୍ଠିତ
  • ସନ୍ତୋଷୀ ମାଙ୍କ ମନ୍ଦିର ପ୍ରତିଷ୍ଠା ପାଇଁ ୧୦୮ କଳସ ଯାତ୍ରା
  • ପ୍ରଶାସନ ଓ ଜିଲ୍ଲା ପେଟ୍ରୋଲ ପମ୍ପ ମାଲିକମାନଙ୍କ ମଧ୍ୟରେ ସମନ୍ଵୟ ବୈଠକ
  • ନାବାଳିକା ନିର୍ଯାତନା ମାମଲାରେ କନଷ୍ଟେବଳ ଗିରଫ
  • ଖୋର୍ଦ୍ଧାରେ ଆଜିକାର ତାପମାତ୍ରା ୩୫ ଡିଗ୍ରୀ
  • ଗୋପାଳପୁରରେ ଆଜିକାର ତାପମାତ୍ରା ୩୩.୨ ଡିଗ୍ରୀ
  • ପାରାଦୀପରେ ଆଜିକାର ତାପମାତ୍ରା ୩୪.୪ ଡିଗ୍ରୀ