ଫସଲ

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

କେନ୍ଦ୍ରାପଡ଼ା, ଜାନୁୟାରୀ ୭(ଓଡ଼ିଶା ଡ଼ଟ୍ କମ୍) କେନ୍ଦ୍ରାପଡ଼ା ଜିଲ୍ଲାରେ ଶନବିାର ଘୂର୍ଣ୍ଣିଝଡ଼ ହୋଇ ବ୍ୟାପକ ଫସଲ କ୍ଷୟକ୍ଷତି ହୋଇଥିବା ବେଳେ ଜଣଙ୍କ ମୃତ୍ୟୁ ହୋଇଛି ।

ରାଜନଗର ବ୍ଲକ ଅର୍ନ୍ତଗତ ଏଣ୍ଡୁଳାପୁର, ଧାନିଆ, ତରପା, ଡ଼େରା ଆଦି ଗ୍ରାମରେ ଅପରାହ୍ନରେ ହଠାତ୍ ଘୂର୍ଣ୍ଣିଝଡ଼ ସହ ବର୍ଷା ଓ ପବନ ହୋଇଥିଲା ।

ଏଣ୍ଡୁଳାପୁରରେ ଦଶରୁ ଉଦ୍ଧ୍ୱର୍ ଘର ଭାଙ୍ଗି ଯାଇଥିବା ବେଳେ ଧାନ ଗଦା ଗୁଡ଼ିକ ନଷ୍ଟ ହୋଇଯାଇଛି । ଏହି ସମୟରେ ବଜ୍ରପାତ ଯୋଗୁଁ ତରପା ଗ୍ରାମର ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ଜଣେ ଅଧିକାରୀ କହିଛନ୍ତି ।

ଘୂର୍ଣ୍ଣିଝଡ଼ ଯୋଗୁଁ ଧାନିଆ ଗାଁର ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ବେଳେ ତାଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତି କରାଯାଇଛି । ସେହିପରି ଡ଼େରା ଗ୍ରାମରେ ବଜ୍ରପାତରେ ଧାନ ଗଡ଼ା ପୋଡ଼ି ନଷ୍ଟ ହୋଇଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧(ଓଡ଼ିଶା ଡ଼ଟ୍ କମ୍) ଅଦିନିଆ ବର୍ଷା ଯୋଗୁଁ ରାଜ୍ୟରେ ହୋଇଥିବା ଫସଲ କ୍ଷୟକ୍ଷତି ସଂପର୍କରେ ଅନୁଧ୍ୟାନ ପାଇଁ ଆସିଥିବା କେନ୍ଦ୍ରୀୟ ପ୍ରତିନିଧି ଦଳ ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତକରି ପରିସ୍ଥିତି ବିଷୟରେ ଆଲୋଚନା କରିଛନ୍ତି ।

କ୍ଷୟକ୍ଷତି ଅନୁଧ୍ୟାନ ପାଇଁ ଏହି ପ୍ରତିନିଧି ଦଳ ଅଧିକ କ୍ଷତିଗ୍ରସ୍ତ ଆଠଟି ଜିଲ୍ଲା ଗ୍ରସ୍ତ କରିଥିଲେ ।

ଅଦିନିଆ ବର୍ଷା ଯୋଗୁଁ ରାଜ୍ୟରେ ବ୍ୟାପକ ଫସଲ ହାନୀ ହୋଇଛି । ପରିସ୍ଥିତିର ମୁକାବିଲା ପାଇଁ ରାଜ୍ୟ ସରକାର ନେଇଥିବା ପକ୍ଷେପ ସନ୍ତୋଷଜନକ ବୋଲି ପ୍ରତିନିଧି ଦଳର ନେତୃତ୍ୱ ନେଇଥିବା କେନ୍ଦ୍ର କୃଷି ମନ୍ତ୍ରଣାଳୟର ଯୁଗ୍ମ ସଚିବ ପଙ୍କଜ କୁମାର ଗଣମାଧ୍ୟମକୁ କହିଛନ୍ତି ।

ଖୁବ୍ ଶୀଘ୍ର ଏ ସଂପର୍କୀତ ରିପୋର୍ଟ କେନ୍ଦ୍ର ସରକାରଙ୍କୁ ପ୍ରଦାନ କରାଯିବ ବୋଲି ସେ କହିଛନ୍ତି ।

ଚାଷ ପାଇଁ ଦିନ କୁ ଦିନ ଖର୍ଚ୍ଚ ବଢୁଥିବାରୁ ଏହାକୁ ଦୃଷ୍ଟି ରେ ରଖି ସିଆର୍ଏଫ୍ ନିୟମରେ ଥିବା ବ୍ୟବସ୍ଥା ସଂଶୋଧନ କରି ଜଳସେଚିତ ଜମି ହେକ୍ଟର ପିଛା ଦଶ ହଜାର ଟଙ୍କା ଓ ଅଣ ଜଳସେଚିତ ଜମି ହେକ୍ଟର ପିଛା ୨୦ ହଜାର ଟଙ୍କା ସହାୟତା ପ୍ରାନ କରିବାକୁ ସରକାରଙ୍କ ପକ୍ଷରୁ ଦାବୀ କରାଯାଇଛି ।

ଓଡିଶା ଡଟ୍ କମ୍

 

ଓଡ଼ିଶା ଡ଼ଟ୍ କମ୍ :ଅମରନାଥ ପରିଡ଼ା

ଜଗତସିଂହପୁର, ଡ଼ିସେମ୍ବର ୧୦(ଓଡ଼ିଶା ଡ଼ଟ୍ କମ୍) ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଧାନ ଫସଲ ନଷ୍ଟ ହୋଇଯାଇଥିବାରୁ କ୍ଷତିପୂରଣ ଦାବୀରେ ଜଗତସିଂହପୁର ଜିଲ୍ଲାର ଚାଷୀମାନେ ଶୁକ୍ରବାର ରାସ୍ତା ଅବରୋଧ କରିଛନ୍ତି ।

ବିରିଡ଼ି ବ୍ଲକର ଶତାଧିକ ଚାଷୀ କନ୍ଦରପୁର-ମାଛଗାଁ ଜାତୀୟ ରାଜପଥ ଅବରୋଧ କରିଥିଲେ । ଫଳରେ ଏହି ରାସ୍ତାରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା ।

ବର୍ଷା ଯୋଗୁଁ ଜିଲ୍ଲାର ହଜାର ହଜାର ଏକର ଧାନ ଚାଷ ଓ ପରିବା ଚାଷ ପ୍ରଭାବିତ ହୋଇଛି । ଯେଉଁ ଚାଷୀମାନେ ଧାନ କାଟି ଜମିରେ ରଖିଥିଲେ ସେଗୁଡ଼ିକ ବର୍ତ୍ତମାନ ବର୍ଷା ପାଣିରେ ବୁଡ଼ି ରହିଛି ।

ଏତେ ଗୁଡ଼ିଏ ଫସଲ ନଷ୍ଟ ହେବାସତ୍ତ୍ୱେ ସରକାର କୌଣସି ପକ୍ଷେପ ନେଉନଥିବା ଚାଷୀମାନେ ଅଭିଯୋଗ କରିଛନ୍ତି । ୫୦ ହଜାର ଟଙ୍କା ଲେଖାଏଁ କ୍ଷତିପୂରଣ ବୋକୁ ସେମାନେ ଦ।ବି କରିଛନ୍ତି।

ଫସଲ ନଷ୍ଟ ହେବା ନେଇ ବ୍ୟସ୍ତ ହେବାର କାରଣ ନାହିଁ । କେବଳ ଦୁଇରୁ ତିନି ପ୍ରତିଶତ ଧାନ ଅମଳ କରାଯାଇଥିବାରୁ ବିଶେଷ କ୍ଷତି ହେବ ନାହିଁ ବୋଲି କୃଷି ବିଭାଗ ପକ୍ଷରୁ ଜଣାପଡ଼ିଛି । ତେବେ କ୍ଷୟକ୍ଷତିର ଆକଳନ କରିବା ପାଇଁକର୍ମଚାରୀଙ୍କୁ ନିୟୋଜିତ କରାଯାଇଛି ବୋଲି ଜିଲ୍ଲା କୃଷୀ ଅଧିକାରୀ ନୀଳମଣି ଦ।ସ କହିଛନ୍ତି ।

ଓଡ଼ିଶା ଡ଼ଟ୍ କମ୍