ବରଗଡ ଜିଲ୍ଲା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବରଗଡ,ସେପ୍ଟେମ୍ବର ୧୦(ଓଡ଼ିଶା ଡ଼ଟ୍ କମ୍)-ବରଗଡ ଜିଲ୍ଲା ପଦ୍ମପୁର ଠାରେ ପଦ୍ମପୁର ଟାଉନ କଂଗ୍ରେସ କମିଟ ପକ୍ଷରୁ ବନ୍ଦ ଡାକରା ଦିଆଯାଇ ଶାନ୍ତିପୂର୍ଣ୍ଣ ଭାବରେ ବନ୍ଦ ପାଳନ କରାଯାଇଛି ।

ପଦ୍ମପୁର ଭେଉଁରିଆ ଛକଠାରେ ପୂବତନ କଂଗ୍ରେସ ବିଧାୟକ ସତ୍ୟଭୂଷଣ ସାହୁଙ୍କ ନେତୃତ୍ୱରେ ରାସ୍ତାରୋକ କରାଯାଇଥିବାବେଳେ ସମସ୍ତ ଯାନବାହନ ବନ୍ଦ କରାଯାଇଥିଲା । ସ୍କୁଲ, କଲେଜ, ଦୋକାନ ବଜାର, ଅଫିସ,ବ୍ୟାଙ୍କ ସମେତ ଉପଜିଲ୍ଲାପାଳ କାର୍ଯ୍ୟାଳୟ ଆଦି ବନ୍ଦ କରାଯାଇଛି ।

ପଦ୍ମପୁର କୋର୍ଟ ଆଗରେ ପିକେଟିଂ କରାଯାଇ କୋର୍ଟ ବନ୍ଦ କରାଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ, ଜାନୁୟାରୀ ୩(ଓଡ଼ିଶା ଡ଼ଟ୍ କମ୍) ବରଗଡ ଜିଲ୍ଲାର ଭଟଲି ସ୍ଥିତ ଶ୍ରୀ ଶ୍ୟାମ ବିହାରୀ ମନ୍ଦିରର ମୂଖ୍ୟ ଉ୍ୟାଦେକ୍ତା ତଥା ସିଦ୍ଧଯୋଗୀ ମାଧୋବାବାଙ୍କ ବ୍ରହ୍ମଲୀନ ଦିବସ ମଙ୍ଗଳବାର
ମହାସମାରୋହରେ ପାଳିତ ହୋଇଯାଇଛି ।

ଏହି ଅବସରରେ ବାବାଙ୍କ ପ୍ରତିକୃତୀକୁ ତାଙ୍କ କୁସନପୁରୀ ସ୍ଥିତ ଆଶ୍ରମରୁ ଏକ ବର୍ଣ୍ଣାଢ଼୍ୟ
ଶୋଭାଯାତ୍ରାରେ ଭଟଲି ସ୍ଥିତ ଶ୍ୟାମ ବିହାରୀ ମନ୍ଦିର ପରିସରରେ ଥିବା ସମାଧି ସ୍ଥଳରେ ପଂହଁଚିଥିଲା ।

ବାବାଙ୍କ ସମାଧି ସ୍ଥଳରେ ଥିବା ତାଙ୍କ ପୀଠରେ ପୁଷ୍ପମାଲ୍ୟ ଅର୍ପଣ ପୂର୍ବକ ମନ୍ଦିର ନିର୍ମାଣରେ ଥିବା ତାଙ୍କ ଅବାନକୁ ଉପସ୍ଥିତ ଭକ୍ତ ଓ ଶ୍ରଦ୍ଧାଳୁମାନେ ଅବଲୋକିତ କରିଥିଲେ । ଅପରାହ୍ନରେ ବାବାଙ୍କ ଆଶ୍ରମରେ ଭଜନ ଓ ପ୍ରବଚନ କାର୍ଯ୍ୟକ୍ରମ ଆୟୋଜିତ ହୋଇଥିଲା ।

ଶ୍ୟାମ ବିହାରୀଙ୍କ ପ୍ରଥମ ମନ୍ଦିର ରାଜସ୍ଥାନ ରାଜ୍ୟର ଖାଟୁ ଠାରେ ଥିବାବେଳେ ଜିଲ୍ଲାର ଭଟଲି ଠାରେ ଅଛି ଭାରତରଦ୍ୱିତୀୟ ଶ୍ୟାମ ବିହାରୀଙ୍କ ଭବ୍ୟ ମନ୍ଦିର ।

ସମାରୋହରେ ଓଡ଼ିଶା ତଥା ପଡ଼ୋଶୀ ଛତିଶଗଡ଼ ରାଜ୍ୟର ଶ୍ରଦ୍ଧାଳୁମାନେ ମଧ୍ୟ ଯୋଗ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ଡ଼ିସେମ୍ବର ୨୯(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲା ବରପାଲି ଠାରେ ହୋଇଥିବା ଚାଷୀ ଆତ୍ମହତ୍ୟା ଘଟଣା ସମଗ୍ର ରାଜ୍ୟରେ ଆଲୋଡ଼ନ ସୃଷ୍ଟି କରିଥିବା ବେଳେ ଏହି ଘଟଣାର ଅନୁଧ୍ୟାନ କରିବାକୁ ଯାଇଥିବା ସ୍ଥାନୀୟ ତହସିଲଦାର ଓ ବିଡ଼ିଓଙ୍କୁ ଗ୍ରାମବାସୀମାନେ ଅଟକ ରଖିଥିଲେ ।

ବରପାଲି ତହସିଲଦାର ଓ ବିଡ଼ିଓ ତଦନ୍ତ ପାଇଁ ମଙ୍ଗଳବାର ଧିରପୁର ଗ୍ରାମକୁ ଯାଇଥିବା ବେଳେ ଉତ୍ତ୍ୟକ୍ତ ଗ୍ରାମବାସୀମାନେ ପ୍ରଶାସନିକ ଅବହେଳା ଅଭିଯୋଗ କରି ସେମାନଙ୍କୁ ଘେରାଉ କରି ରଖିଥିଲେ । ଫଳରେ ସେଠାରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା ।

ଅିନିଆ ବର୍ଷା ଯୋଗୁଁ ହୋଇଥିବା ଫସଲ ହାନୀ ସଂପର୍କରେ ଚାଷୀମାନେ ତହସିଲାରଙ୍କୁ ଜଣାଇବା ସହ ଏକ ସପ୍ତାହ ମଧ୍ୟରେ କ୍ଷତିପୂରଣ ଦିଆନଗଲେ ଗ୍ରାମବାସୀମାନେ ସମୂହ ଆତ୍ମାହୁତି ଦେବେ ବୋଲି ସେମାନେ ତାଙ୍କୁ ଲିଖିତ ଜଣାଇଥିଲେ ।

ମୃତ ଚାଷୀଙ୍କ ପରିବାରକୁ ଉଚିତ କ୍ଷତିପୂରଣ ସହ ସମସ୍ତ ଚାଷୀଙ୍କ ଧାନ ଉଚିତ ମୂଲ୍ୟରେ ବିକ୍ରୀ ବ୍ୟବସ୍ଥା କରିବାକୁ ଅଧିକାରୀ ଦ୍ୱୟ ପ୍ରତିଶୃତି ଦେବା ପରେ ଚାଷୀମାନେ ସେମାନଙ୍କୁ ଛାଡ଼ି ଦେଇଥିଲେ ।

ଅିନିଆ ବଷାଁ ଯୋଗୁଁ ଧାନ ଚାଷ କ୍ଷତିଗ୍ରସ୍ତ ହେବାରୁ ଏହି ଗ୍ରାମର ଚାଷୀ ଅଶୋକ ଖଟୁଆ ଓ ତାଙ୍କ ପୁଅ ସୁଜିତ ଖଟୁଆ ଆତ୍ମହତ୍ୟା କରିଥିଲେ ।

ଓଡିଶା ଡଟ୍ କମ୍