ବର୍ଣ୍ଣିକା ପଟ୍ଟନାୟକ

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ,

ଆବଶ୍ୟକ ସାମଗ୍ରୀ:

ବେସନ-୧୫୦ ଗ୍ରାମ, ସୁଜି-୫୦ ଗ୍ରାମ, ମଇା-୫୦ ଗ୍ରାମ, ଗାଜର- ୫୦ ଗ୍ରାମ, କ୍ୟାପସିକମ୍-୫୦ ଗ୍ରାମ, ବିନ୍- ୨୫ ଗ୍ରାମ, ପିଆଜ ଦୁଇଟା ବଡ଼, କଟା ଧନିଆ ପତ୍ର- ଅଳ୍ପ କିଛି, କଟା କଞ୍ଚାଲଙ୍କା-୨ ଚାମଚ(ଛୋଟ), ଭୃଷଙ୍ଗ ପତ୍ର ଅଳ୍ପ କିଛି, କଟା ଅଦା ଦୁଇ ଚାମଚ (ଛୋଟ), କରି ପାଉଡ଼ର ୧ ଚାମଚ (ଛୋଟ), ବଟର କିମ୍ବା ଘିଅ- ୪ ଚାମଚ(ବଡ଼) ଓ ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ:

ଉପରେ ଦିଆଯାଇଥିବା ସମସ୍ତ ପରିବାକୁ ଚୁନାଚୁନା କରି କାଟି ରଖନ୍ତୁ । ପିଆଜକୁ ମଧ୍ୟ ସେହିଭଳି ଭାବରେ କାଟି ରଖନ୍ତୁ । ସୁଜି,ମଇଦା,ବେସନ,ହଳଦି, ଲୁଣକୁ ଏକାଠି ଅଳ୍ପ ପାଣି ଦେଇ ଭଲ ଭାବରେ ମିଶାନ୍ତୁ ।

କାଟି ରଖିଥିବା ପରିବା, ପିଆଜ, କଟା ଅଦା, କଟା କଞ୍ଚା ଲଙ୍କା, କଟା ଧନିଆ ପତ୍ର, ଭୃଷଙ୍ଗ ପତ୍ର, କରି ପାଉଡ଼ର ପକାଇ ଭଲ ଭାବରେ ଗୋଳାନ୍ତୁ ଯଦି ଆବଶ୍ୟକ ହୁଏ ଅଳ୍ପ ପାଣି ଦେଇ ବହଳିଆ ଆଣ ପ୍ରସ୍ତୁତ କରି ରଖନ୍ତୁ ।

ତାୱାକୁ ଚୂଲିରେ ବସାଇ ଅଳ୍ପ ବଟର କିମ୍ବା ଘିଅ ପକାନ୍ତୁ । ଆଣରୁ ଦୁଇ ଚାମଚ ଦେଇ ଗୋଲ ପିଠା ଆକାରର ପ୍ରସ୍ତୁତ କରନ୍ତୁ ।

କଡ଼ାଇରେ ବଟର ଦେଇ ପିଠାକୁ ଓଲଟାଇ ବାଦାମି ରଂଗ ହେବା ପର୍ଯ୍ୟନ୍ତ ଭାଜନ୍ତ । ସସ୍ କିମ୍ବା ଚଟଣି ସହିତ ଗରମ ଗରମ ପପରିବେଷଣ କରନ୍ତୁ ଭେଜିଟେବୁଲ ପ୍ୟାନକେକ୍ ।

ଓଡ଼ିଶା ଡ଼ଟ୍ କମ୍

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ

ଆବଶ୍ୟକ ସାମଗ୍ରୀ:

ବଳିଥିବା ରନ୍ଧା ଅରୁଆ ଭାତ-ଦୁଇ କପ, ଚାଉଳ ଗୁଣ୍ଡ-୪ ରୁ ୫ ଚାମଚ(ଛୋଟ), ପିଆଜ-ଦୁଇଟା (ବଡ), କଟା କଞ୍ଚାଲଙ୍କା-ଦୁଇ ଚାମଚ(ଛୋଟ), ଧନିଆପତ୍ର କଟା- ଦୁଇ ଚାମଚ(ଛୋଟ), ଭଜା ବାଦାମ ମଞ୍ଜି-୨/୪ ଚାମଚ(ଛୋଟ)ଭୃଷଙ୍ଗ ପତ୍ର-ଅଳ୍ପ କିଛି, ସ୍ୱାଦ ଅନୁସାରେ ଲୁଣ, ଛାଣିବା ପାଇଁ ରିଫାଇନ ତେଲ, ଲେମ୍ବୁ ରସ-ଦୁଇ ଚାମଚ(ଛୋଟ)

ପ୍ରସ୍ତୁତ ପ୍ରଣାଳୀ:

ରନ୍ଧା ଭାତକୁ ଭଲ ଭାବରେ ଚକଟି ରଖନ୍ତୁ । ପିଆଜକୁ ଚୁନା ଚୁନା କରି କାଟି ରଖନ୍ତୁ । ବର୍ତ୍ତମାନ ଚକଟି ରଖିଥିବା ଭାତରେ ପିଆଜ, କଞ୍ଚାଲଙ୍କା, ଲେମ୍ବୁ ରସ, ଧନିଆପତ୍ର, ଭଜା ବାଦାମ ମଞ୍ଜି, ଭୃଷଙ୍ଗପତ୍ର,ଓ ସ୍ୱାଦ ଅନୁସାରେ ଲୁଣ ପକାଇ ଭଲ ଭାବରେ ଗୋଳାନ୍ତୁ ।

ବର୍ତ୍ତମାନ ଏଥିରେ ଚାଉଳଗୁଣ୍ଡ ପକାଇ ଗୋଳାଇ ରଖନ୍ତୁ । କଡାଇରେ ତେଲ ଗରମ କରି ପକୁଡି କିମ୍ବା ପିଆଜି ଆକାରରେ ଛୋଟ ଛୋଟ ବାଦାମି ରଙ୍ଗ ହେବା ପର୍ଯ୍ୟନ୍ତ ଛାଣନ୍ତୁ । କଡାଇରୁ ଗରମ ଗରମ କାଢି ସସ୍ କିମ୍ବା ପୋଦିନା ଚଟଣି ସହିତ ପରିବେଷଣ କରନ୍ତୁ ରାଇସ୍ ପକୁଡି ।

ଓଡ଼ିଶା ଡ଼ଟ୍ କମ୍

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ,

ଆବଶ୍ୟକ ସାମଗ୍ରୀ:

ବଡ଼ ଚିଙ୍ଗୁଡ଼ି-୨୫୦ ଗ୍ରାମ, ବାସୁମତି ଅରୁଆ ଚାଉଳ-୫୦୦ ଗ୍ରାମ, କ୍ୟାପ୍ସିକମ୍-୧୦୦ ଗ୍ରାମ, ଗାଜର-୫୦ ଗ୍ରାମ, ଅଦା-୧ଖଣ୍ଡ, ପିଆଜ-୨ଟା (ବଡ଼), ଗୋଟା ଗରମ ମସଲା ଅଳ୍ପ କିଛି, ତେଜପତ୍ର-୨ଟା, ଲେମ୍ବୁରସ-୧ ଚାମଚ(ବଡ଼), ରିଫାଇନ ତେଲ- ୨ଚାମଚ(ବଡ଼), ବଟର-୧ ଚାମଚ ଓ ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ :

 

ଚିଙ୍ଗୁଡ଼ିରୁ ଚୋପା ଛଡ଼ାଇ ଧୋଇ ଲୁଣ ଓ ଲେମ୍ବୁରସ ଗୋଳାଇ ରଖନ୍ତୁ । ଚାଉଳକୁ ଧୋଇ ରଖନ୍ତୁ । ପିଆଜ ଓ ଆକୁ ପତଳା ପତଳା ଲମ୍ବା ଲମ୍ବା କାଟି ରଖନ୍ତୁ । ଗାଜର ଓ କ୍ୟାପସିକମ୍ କୁ ଲମ୍ବା ଲମ୍ବା କାଟି ଧୋଇ ରଖନ୍ତୁ ।

ପ୍ରେସର କୁକର୍ ରେ କିମ୍ବା ଗୋଟିଏ ବଡ ପାତ୍ରରେ ତେଲ ଓ ବଟର ମିଶାଇ ଗରମ କରନ୍ତୁ । ସେଥିରେ ତେଜପତ୍ର ଓ ଗୋଟା ଗରମ ମସଲା( ଡାଲଚିନି, ଲବଙ୍ଗ, ଗୁଜୁରାତି) ପକାନ୍ତୁ । କଟା ପିଆଜ, କଟା ଅଦା, କଟା ପରିବା ପକାଇ ଅଳ୍ପ ସମୟ ଭାଜି ଗୋଳାଇ ରଖିଥିବା ଚିଙ୍ଗୁଡିକୁ ପକାନ୍ତୁ ।

ବର୍ତ୍ତମାନ ଏଥିରେ ଧୋଇ ରଖିଥିବା ଚାଉଳ ପକାଇ ଭଲଭାବରେ ଗୋଳାଇ ଚାଉଳରଦୁଇଗୁଣା ପାଣି ଦେଇ ସ୍ୱାଦ ଅନୁସାରେ ଲୁଣ ପକାଇ ଭଲଭାବରେ ଗୋଳାଇ ଢାଙ୍କୁଣି ଘୋଡାଇ ଧିମି ଆଞ୍ଚରେ ଚାଉଳ ସିଝିବା ପର୍ଯ୍ୟନ୍ତ ରାନ୍ଧନ୍ତୁ ।

ଚୁଲିରୁ ଓହ୍ଲାଇ ଉପରେ ଗରମ ମସଲା ଗୁଣ୍ଡ ଓ ଏକ ଚାମଚ ବଟର ପକାଇ ପ୍ଲେଟ୍ ରେ କାଢି ପରିବେଷଣ କରନ୍ତୁ ଚିଙ୍ଗୁଡି ପଲାଉ ।

ଓଡ଼ିଶା ଡ଼ଟ୍ କମ୍

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ,

ଆବଶ୍ୟକ ସାମଗ୍ରୀ:

ପାଳଙ୍ଗ ଶାଗ-୨ବିଡ଼, ପିଆଜ-୧ଟା(ବଡ଼), ରସୁଣ-୩/୪ କେିଲା, ଅଦା କଟା- ୨ ଚାମଚ(ଛୋଟ), ଗୋଟା ଜିରା -୧ ଚାମଚ(ଛୋଟ), କଞ୍ଚାଲଙ୍କା କଟା- ୨ଚାମଚ(ଛୋଟ), କରିପାଉଡ଼ର- ୧ ଚାମଚ (ଛୋଟ), ବେସନ-୧ କପ୍, କର୍ଣ୍ଣଫ୍ଲୋର-୨ ଚାମଚ(ବଡ଼), ସ୍ଵାଦ ଅନୁସାରେ ଲୁଣ, ଛାଣିବା ପାଇଁ ରିଫାଇନ୍ ତେଲ।

ପ୍ରସ୍ତୁତି ପ୍ରଣାଳୀ:

 

ଶାଗକୁ ଧୋଇ ଲମ୍ବା ଲମ୍ବା କାଟି ରଖନ୍ତୁ । ପିଆଜ,ରସୁଣ, ଅଦା ଓ କଞ୍ଚା ଲଙ୍କା ଲମ୍ବା ଲମ୍ବା କାଟି ରଖନ୍ତୁ । ଗୋଟିଏ ବଡ଼ ପାତ୍ରରେ ପାଳଙ୍ଗ ଶାଗ, କଟା ପିଆଜ, କଟା ରସୁଣ, କଟା ଅଦା,କଟା କଞ୍ଚାଲଙ୍କା ଓ କଟା ଧନିଆପତ୍ର ନିଅନ୍ତୁ ।

ଏଥିରେ ବେସନ, କର୍ଣ୍ଣଫ୍ଲୋର, କରିପାଉଡ଼ର ଓ ବେକିଙ୍ଗ ପାଉଡ଼ର ପକାନ୍ତୁ । ସ୍ୱାଦ ଅନୁସାରେ ଲୁଣ ପକାଇ ଏହି ସମସ୍ତ ସାମଗ୍ରୀକୁ ଅଳ୍ପ ପାଣି ଦେଇ ଗୋଳାଇ ରଖନ୍ତୁ ।

କଡ଼ାଇରେ ତେଲ ଗରମ କରି ପକୁଡ଼ି ପରି ଛାଣନ୍ତୁ । ଲାଲ ହୋଇଗଲେ କଡ଼ାଇରୁ କାଢି ଗରମ ଗରମ ସସ୍ କିମ୍ବା ଚଟଣି ସହିତ ପରିବେଷଣ କରନ୍ତୁ ପାଳଙ୍ଗ ପକୁଡ଼ି ।

ଓଡ଼ିଶା ଡ଼ଟ୍ କମ୍

“ଏଗ୍ ଡ଼୍ରପ ସୁପ୍” ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ

ଆବଶ୍ୟକ ସାମଗ୍ରୀ:

ମସରୁମ(ଛତୁ) ଦୁଇଟି ଛୋଟ, କଞ୍ଚା ମଟର ଦାନା- ୨ ଚାମଚ(ଛୋଟ), ଚୋପା ଛଡ଼ା ହୋଇଥିବା ଟମାଟୋ ଦୁଇଟି (ଛୋଟ), ବୋନଲେସ୍ ସ୍ରେଡ଼େଡ଼୍ ଚିକେନ- ୨ ଚାମଚ, ଅଣ୍ଡା-୨ଟା, ଚିକେନ୍ ଷ୍ଟକ- ଦେଢ କପ୍, ଅଜିନୋ ମଟୋ- ୧/୨
ଚାମଚ(ଛୋଟ), ସ୍ରେଡ଼େଡ଼ ଜିଞ୍ଜର- ୧ ଚାମଚ(ଛୋଟ) ଓ ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ:

ସ୍ରେଡ଼େଡ଼୍ ଚିକେନ ବା ସ୍ରେଡ଼େଡ଼୍ ଜିଞ୍ଜରର ଅର୍ଥ ଚୋପାଛଡ଼ା ହୋଇ ପତଳା ପତଳା ଲମ୍ବା ଲମ୍ବା କଟାଯାଇଥିବା ଚିକେନ୍ ବା ଅଦା । ପ୍ରଥମେ ଛତୁ, ଟମାଟୋ ଓ ଚିକେନ୍ ଲମ୍ବାଲମ୍ବା ପତଳାପତଳା କାଟି ରଖନ୍ତୁ ।

ଅଣ୍ଡାକୁ ଭାଙ୍ଗି କେଶର ଅଲଗା କରି ଅଣ୍ଡାର ଧଳା ଅଠାକୁ ଫେଣ୍ଟି ଅଲଗା ରଖନ୍ତୁ । ଚିକେନ୍ ଷ୍ଟକକୁ ଗୋଟିଏ ପାତ୍ରରେ ଚୂଲିରେ ବସାନ୍ତୁ । ଚିକେନ୍ ଷ୍ଟକ ଫୁଲି ଆସିଲେ ସେଥିରେ ଛତୁ, ଚିକେନ୍, ଟମାଟୋ ଓ ମଟର ଦାନା ପକାନ୍ତୁ ।

ବର୍ତ୍ତମାନ ସ୍ୱାଦ ଅନୁସାରେ ଲୁଣ ଅଜିନୋ ମଟୋ ଓ କଟା ଅଦା ପକାଇ ୫ ମିନିଟ ଫୁଟାନ୍ତୁ । ଶେଷରେ ଅଣ୍ଡାର ଧଳା ଅଂଶକୁ ଫୁଟୁଥିବା ସୁପ୍ ଉପରେ ଧିରେଧିରେ ଢାଳନ୍ତୁ ଓ ଘାଣ୍ଟନ୍ତୁ ।

ବେଶି ସମୟ ଫୁଟାନ୍ତୁ ନାହିଁ । ଫୁଟୁଥିବା ଅବସ୍ଥାରେ ଚୂଲିରୁ ଓହ୍ଲାଇ ସ୍ୱାଦ ଅନୁସାରେ ସସ୍ ପକାଇ ଗରମ ଗରମ ପରିବେଷଣ
କରନ୍ତୁ ଏଗ୍ ଡ଼୍ରପ୍ ସୁପ୍ ।

ଓଡ଼ିଶା ଡ଼ଟ୍ କମ୍

 

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ,

ଆବଶ୍ୟକ ସାମଗ୍ରୀ:

ବାସୁମତୀ ଅରୁଆ ଚାଉଳ, ଆଳୁ:୨୦ ଗ୍ରାମ୍, ଫୁଲକୋବି-୨୫ ଗ୍ରାମ୍, ଗାଜର:୨୦ ଗ୍ରାମ୍, ବିନ୍-୨୦ ଗ୍ରାମ୍, ମଟର ଦାନା-୨୦ ଗ୍ରାମ୍, ପନିର-୨୦ ଗ୍ରାମ୍, ପିଆଜ-୨ଟା(ବଡ) , ଅଦା-୧ଇଞ୍ଚ(ଏକ ଖଣ୍ଡ), ରସୁଣ-୫/୬ କୋଲା, କଞ୍ଚାଲଙ୍କା-୨/୩ଟା, ସାହାଜିରା-୧ଚାମଚ, ଡାଲଚିନି-୨ ଖଣ୍ଡ, ଗୁଜୁରାତି-୩/୪ଟା, ଅଳେଇଚ-୨ଟା, ତେଜପତ୍ର-୨ଟାଗୋଟା ଗୋଲମରିଚ-୧ ଚାମଚ(ଛୋଟ), ହଳୀଗୁଣ୍ଡ-୧/୨ଚାମଚ (ଛୋଟ), ଘିଅ-୩ ଚାମଚ(ବଡ), ଚିନି-୧ ଚାମଚ(ଛୋଟ), ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତ ପ୍ରଣାଳୀ:

 

ପରିବା ଗୁଡିକୁ ଲମ୍ବାଲମ୍ବା କାଟି ଧୋଇ ରଖନ୍ତୁ । ଚାଉଳକୁ ଧୋଇ ରଖନ୍ତୁ । ପିଆଜକୁ ବଡ ବଡ ଚାରିକୋଣିଆ, ଖଣ୍ଡ କରି କାଟି ରଖନ୍ତୁ । ପନିରକୁ ଛୋଟ ଛୋଟ ଖଣ୍ଡ କରି କାଟି ତେଲରେ ଭାଜି ରଖନ୍ତୁ । କଡାଇରେ ତେଲ ଦେଇ ପରିବା ଗୁଡିକୁ ଭାଜି ରଖନ୍ତୁ । ଅଦା, ରସୁଣ, କଞ୍ଚାଲଙ୍କାକୁ ଛେଚି ରଖନ୍ତୁ ।

ଗୋଟିଏ ପାତ୍ରରେ ଘିଅ ଗରମ କରି ସେଥିରେ ତେଜପତ୍ର ଓ ସାହାଜିରା ପକାନ୍ତୁ । ଡାଲଚିନି, ଗୁଜୁରାତି ଓ ଅଳେଇଚ ଛେଚି ପକାନ୍ତୁ । ବର୍ତ୍ତମାନ କଟା ପିଆଜ ପକାନ୍ତୁ । ପିଆଜ ଅଳ୍ପ ଭାଜି ହୋଇ ଆସିଲେ ଅଦା, ରସୁଣ ଓ କଞ୍ଚାଲଙ୍କା ଛେଚି ପକାନ୍ତୁ ।

ଭଲ ଭାବରେ ଗୋଳାଇ ଧୋଇ ରଖିଥିବା ଚାଉଳ ଓ ଗୋଟା ଗୋଲମରିଚ ପକାନ୍ତୁ । ହଳଦି ଗୁଣ୍ଡ ପକାଇ ଭଲ ଭାବରେ ଗୋଳାନ୍ତୁ । ବର୍ତ୍ତମାନ ଭାଜି ରଖିଥିବା ପରିବା ଓ ପନିର ପକାଇ ଭଲଭାବରେ ଗୋଳାନ୍ତୁ ।

ଚାଉଳରଦୁଇଗୁଣା ପାଣି ଦେଇ ସ୍ୱାଦ ଅନୁସାରେ ଲୁଣ ଓ ୧ ଚାମଚ ଚିନି ପକାଇ ଭଲ ଭାବରେ ଗୋଳାଇ ଢାଙ୍କୁଣି ଘୋଡାଇ ଧିମି ଆଞ୍ଚରେ ଭାତ ହେବା ପର୍ଯ୍ୟନ୍ତ ରାନ୍ଧନ୍ତୁ । ପଳାଉ ହୋଇଗଲେ ଚୁଲିରୁ ଓହ୍ଲାଇ ଉପରେ ଏକ ଚାମଚ ଘିଅ ଓ ୨ ଚାମଚ ଲେମ୍ବୁରସ ଦେଇ ପରଷନ୍ତୁ ନବରତ୍ନ ପଲାଉ ।

ଓଡ଼ିଶା ଡ଼ଟ୍ କମ୍

ଆବଶ୍ୟକ ସାମଗ୍ରୀ:

ମଇଦା – ୬ ଚାମଚ(ବଡ), ବଟର- ୪ ଚାମଚ(ବଡ), ( ବଜାରରେ ମିଳୁଥିବା ) କାସଟର୍ ସୁଗାର- ୫ ଚାମଚ(ବଡ), ଅଣ୍ଡା- ୩ଟା, ( ବଜାରରେ ମିଳୁଥିବା ) କୋକୋ ପାଉଡର-୧/୨ ଚାମଚ(ବଡ), ବେକିଙ୍ଗ ପାଉଡର- ୩ ଚାମଚ(ଛୋଟ), ଭ୍ୟାନିଲା ଏସଏନସ୍- ୨ ଚାମଚ (ଛୋଟ), କ୍ଷୀର- ୧ ଚାମଚ (ବଡ)।

ପ୍ରସ୍ତୁତି ପ୍ରଣାଳୀ:

 

ବଟରକୁ ଗରମ କରି ସେଥିରେ ଚିନି ମିଶାଇ ଭଲ ଭାବରେ ଗୋଳାନ୍ତୁ । ଅଣ୍ଡାକୁ ଭାଙ୍ଗି ଅଲଗା ଭଲ ଭାବରେ ଫେଣ୍ଟି ଚିନି ଓ ବଟର ସହିତ ମିଶାନ୍ତୁ ।

କୋକୋ ପାଉଡର, ମଇଦା ଓ ବେକିଙ୍ଗ ପାଉଡରକୁ ଏକାଠି ମିଶାଇ ରଖନ୍ତୁ । ପୂର୍ବରୁ ଫେଣ୍ଟି ରଖିଥିବା ଅଣ୍ଡା ମିଶ୍ରଣରେ ମଇଦାକୁ ଗୋଟେ ଗୋଟେ ଚାମଚ ପକାଇ ଭଲ ଭାବରେ ଗୋଳାନ୍ତୁ ।

ମିଶ୍ରଣ ନରମ ଓ ହାଲକା ହେବା ପର୍ଯ୍ୟନ୍ତ ଗୋଳାନ୍ତୁ । ଶେଷରେ ୧ ଚାମଚ କ୍ଷୀର ମିଶାଇ ଗୋଳାନ୍ତୁ । ବର୍ତ୍ତମାନ ଭ୍ୟାନିଲା ଏସ୍ଏନସ୍ ପକାଇ ଗୋଳାଇ ରଖନ୍ତୁ ।

ଗୋଟିଏ ଗୋଲାକାର ପାତ୍ରରେ ବଜାରରେ ମିଳୁଥିବା ବଟର ପେପର ଦେଇ ସେଥିରେ ବଟର ଲଗାଇ କେକ୍ ମିଶ୍ରଣକୁ ଧିରେ ଧିରେ ଢାଳନ୍ତୁ । ଓଭାନ ଗରମ କରି ୩୫୦ ଡିଗ୍ରି ସେଣ୍ଟିଗ୍ରେଡ୍ ରେ ୨୫ ମିନିଟ୍ ବେକ୍ କରନ୍ତୁ । କେକ୍ ହୋଇଗଲେ ଓଭାନରୁ କାଢି ଥଣ୍ଡା କରନ୍ତୁ ।

ଗୋଟିଏ ପ୍ଲେଟ୍ ରେ ପାତ୍ରଟିକୁ ଓଲାଟାଇ ଦିଅନ୍ତୁ । କେକ୍ ଉପରୁ ବଟର ପେପରକୁ କାଢି କେକ୍ ର ମଝିଭାଗରୁ କାଟି ଗୋଟିଏ ପରସ୍ତ କାଢି ଅନ୍ୟ ଏକ ପ୍ଲେଟ୍ ର ରଖନ୍ତୁ ।

କ୍ରିମ୍ ଓ ବଟରକୁ ଏକାଠି ଫେଣ୍ଟି କେକ୍ ଉପରେ ଲଗାଇ ଦେଇ କାଟି ରଖିଥିବା ଅନ୍ୟ ଭାଗଟିକୁ ତାଉପରେ ରଖି ଆଇସିଙ୍ଗ ସୁଗାରରେ ସଜାଇ ପରିବେଷଣ କରନ୍ତୁ ଚକଲେଟ୍ ଲେୟାର କେକ୍ ।

ଓଡ଼ିଶା ଡ଼ଟ୍ କମ୍

ଆବଶ୍ୟକ ସାମଗ୍ରୀ:

କଟା ବନ୍ଧାକୋବି-୨,ପିଆଜ-୧ଟା(ବଡ଼), କଟା ଧନିଆପତ୍ର ଅଳ୍ପକିଛ, କଟା କଞ୍ଚା ଲଙ୍କା -୨ ଚାମଚ(ଛୋଟ), କଟା ଅଦା-୨ ଚାମଚ(ଛୋଟ),ମଇଦା-୧/୨ କପ୍, କିର୍ଣ୍ଣେଫ୍ଲୋର-୨ ଚାମଜ(ବଡ଼),ସ୍ୱାଦ ଅନୁସାରେ ଲୁଣ, ଛାଣିବା ପାଇଁ ରିଫାଇନ୍ ତେଲ ।

ପ୍ରସ୍ତୁତି ପ୍ରଣାଳୀ:

ବନ୍ଧାକୋବିକୁ ପତଳା ପତଳା ଲମ୍ବା ଲମ୍ବା କାଟି ଧୋଇ ରଖନ୍ତୁ । ପିଆଜ, ଅଦା ଓ କଞ୍ଚାଲଙ୍କାକୁ ଲମ୍ବା ଲମ୍ବା କାଟି ରଖନ୍ତୁ । ବଡ଼ ପାତ୍ରରେ କଟା ବନ୍ଧା କୋବି, ପିଆଜ କଟା, ଅଦା କଟା, କଞ୍ଚାଲଙ୍କା ଏକାଠି ନିଅନ୍ତୁ ।

 

ବର୍ତ୍ତମାନ ଏଥିରେ ମଇଦା ଓ କର୍ଣ୍ଣଫ୍ଲୋର ପକାଇ ସ୍ୱାଦ ଅନୁସାରେ ଲୁଣ ଓ କଟା ଧନିଆପତ୍ର ପକାଇ ଭଲଭାବରେ ଗୋଳାନ୍ତୁ ।

ଏଥିରେ ପାଣି ଦିଅନ୍ତୁ ନାହିଁ, କାରଣ ବନ୍ଧା କୋବିରେ ଲୁଣ ପକାଇଲେ ଏଥିରୁ ପାଣି ବାହାରି ଥାଏ । ଏହିମିଶ୍ରଣକୁ ଭଲ ଭାବରେ ଗୋଳାଇ ରଖନ୍ତୁ ।

କଡ଼େଇରେ ତେଲ ଗରମ କରି ଏହାକୁ ପକୁଡ଼ି କିମ୍ବା ପିଆଜି ଆକାରରେ ଛାଣି ରଖନ୍ତୁ । ଗରମ ଗରମ ସସ୍ସହିତ ପରିବେଷଣ କରନ୍ତୁ ବନ୍ଧାକୋବି ପକୁଡ଼ି ।

ଓଡ଼ିଶା ଡ଼ଟ୍ କମ୍

 

 

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ,

ଆବଶ୍ୟକ ସାମଗ୍ରୀ :

ବନ୍ଧାକୋବି-୫୦୦ ଗ୍ରାମ, ଗାଜର-୨୦୦ ଗ୍ରାମ, ବିନ-୧୦୦ଗ୍ରାମ, କ୍ୟାପସିକମ୍-୧୦୦ଗ୍ରାମ,
ରସୁଣ(କଟା) ଚୁନାଚୁନା-୨/୪ ଚାମଚ(ବଡ), ମଇଦା-୧/୨ କପ, କର୍ଣ୍ଣର୍ଫ୍ଲୋର- ୪ଚାମଚ(ବଡ),
ଗୋଲମରିଚ ଗୁଣ୍ଡ-୨ ଚାମଚ(ଛୋଟ), ସୋୟାସସ-୧ ଚାମଚ(ଛୋଟ), ଚିଲିସସ-୨ ଚାମଚ(ଛୋଟ),
ଟମାଟୋ ସସ-୨ ଚାମଚ(ଛୋଟ), ଅଜିନୋ ମଟୋ-୧/୪ ଚାମଚ(ଛୋଟ), ଛାଣିବା ପାଇଁ ରିଫାଇନ ତେଲ ଓ ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ :

ଉପରେ ଦିଆଯାଇଥିାବ ସମସ୍ତ ପରିବାକୁ ଚୁନାଚୁନା କରି କାଟି ଧୋଇ ରଖନ୍ତୁ । କଟା ରସୁଣ ୨ ଚାମ(ଛୋଟ) କର୍ଣ୍ଣଫ୍ଲୋର ଓ ମଇଦା  ୪ ଚାମଚ (ବଡ) ଓ ସ୍ୱାଦ ଅନୁସାରେ ଲୁଣ ପରିବାରେ ମିଶାଇ ଭଲ ଭାବରେ ଗୋଳାଇ ରଖନ୍ତୁ ।

ବର୍ତ୍ତମାନ ଏଥିରେ କଟା ଧନିଆପତ୍ର ଅଳ୍ପ କିଛି ଓ ଗୋଳମରିଚ ଗୁଣ୍ଡ  ଏକ ଚାମଚ ଗୋଳାଇ ରଖନ୍ତୁ ।

କଢାଇରେ ତେଲ ଗରମ କରି ଗୋଳାଇ ରଖିଥିବା ପରିବାକୁ ଗୋଲ ଗୋଲ ଛୋଟ ଛୋଟ ବଲ ଆକାରରେ ଲାଲ ରଙ୍ଗ ହେବା ପର୍ଯ୍ୟନ୍ତ ଛାଣନ୍ତୁ । କଡାଇରୁ କାଢି ଗୋଟିଏ ପ୍ଲେଟ ରେ ରଖନ୍ତୁ  ।

ଅନ୍ୟ ଏକ କଡାଇରେ ୨ ଚାମଚ ତେଲ ପକାନ୍ତୁ । ତେଲ ଗରମ ହୋଇଗଲେ ଚୁନା ଚୁନା ରସୁଣ କଟା ପକାଇ ଧିମି ଆଞ୍ଚରେ ଅଳ୍ପ ସମୟ ଭାଜନ୍ତୁ । ଯେପରି ରସୁଣ ଲାଲ ନ ହୁଏ । ଗୋଟିଏ ଛୋଟ ଗିନାରେ ଚିଲି ସସ୍, ଟମାଟୋ ସସ୍ ଓ ସୋୟା ସସକୁ ଗୋଳାଇ ରଖନ୍ତୁ ।

ଅନ୍ୟ ଏକ ଗିନାରେ ୨ ଚାମଚ କଣ୍ଣେଫ୍ଲୋରକୁ ଅଳ୍ପ ପାଣି ଦେଇ ଗୋଳାଇ ରଖନ୍ତୁ । ବର୍ତ୍ତର୍ମାନ ଭଜା ରସୁଣରେ ଏକ ଗ୍ଲାସ ପାଣି ଦିଅନ୍ତୁ । ପାଣି ଫୁଟି ଆସିଲେ ସ୍ୱାଦ  ଅନୁସାରେ ଲୁଣ ପକାନ୍ତୁ ।

ବର୍ତ୍ତମାନ ପୂର୍ବରୁ ଗୋଳାଇ ରଖିଥିବା ସମସ୍ତ ସସ ଓ ଗୋଳାଇ ରଖିଥିବା କଣ୍ଣେଫ୍ଲୋର ପକାଇ ଧିମି ଆଞ୍ଚରେ ଭଲ ଭାବରେ ଘଂ।ଟନ୍ତୁ । ବର୍ତ୍ତମାନ ଏଥିରେ ପୂର୍ବରୁ ଛାଣି ରଖିଥିବା ପରିବା ବଲ ଗୁଡିକୁ ପକାଇ ଧୀରେ ଧୀରେ ଗୋଳାନ୍ତୁ ।

ଏଥିରେ ଅଜିନୋମଟୋ ଓ ଗୋଲମରିଚ ଗୁଣ୍ଡ ପକାଇ ଭଲ ଭାବରେ ଗୋଳାଇ ଚୁଳିରୁ ଓହ୍ଲାଇ ଗରମ ଗରମ ପରିବେଷଣ କରନ୍ତୁ ଭେଜିଟେବୁଲ ମନଚୁରିଆନ  ।

ଓଡ଼ିଶା ଡ଼ଟ୍ କମ୍