• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ବଲାଙ୍ଗିର

ଶିଶୁ ମୃତ୍ୟୁ ହାର ହ୍ରାସ ପାଇଁ ଅଧିକ ସଚେତନତା ଆବଶ୍ୟକ: କର୍ମଶାଳାରେ ମତ

August 28, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦ ଦାତା

ବଲାଙ୍ଗିର, ଅଗଷ୍ଟ ୨୬ (ଓଡିଶା ଡଟ କମ) ରାଜ୍ୟ ରେ ଶିଶୁ ମୃତ୍ୟୁ ହାର ପ୍ରତି ହଜାରରେ ୫୬ ଥିଲାବେଳେ ବଲାଙ୍ଗିର ଜିଲ୍ଲାରେ ୯୭ ରହିଥିବାରୁ ଏହାକୁ କମାଇବା ପାଇଁ ସବୁ ମହଲରେ ଅଧିକ ସଚେତନତା ଆବଶ୍ୟକ ବୋଲି ଏଠାରେ ଆୟୋଜିତ ଏକ କର୍ମଶାଳାରେ ରେ ବକ୍ତା ମାନେ କହିଛନ୍ତି ।

ସ୍ବେଛାସେବୀ ସଂଗଠନ ପିକକ ଏବଂ ୟୁନିସେଫ ପକ୍ଷ୍ୟରୁ ଆୟୋଜିତ ଏହି ଜିଲ୍ଲା ସ୍ତରୀୟ ଗଣମାଧ୍ୟମ କର୍ମଶାଳାରେ ସ୍ଥାନୀୟ ଜିଲ୍ଲାପାଳ ଏମ. ମୁଥୁକୁମାର ସମ୍ମାନିତ ଅତିଥି ଭାବେ ଯୋଗଦେଇ ଗଣମାଧ୍ୟମ ର ଭୂମିକା ଯେକୌଣସି ଉନ୍ନୟନ କାର୍ଯ୍ୟକ୍ରମ ର ସଫଳତା ପାଇଁ ଅତ୍ୟନ୍ତ ପ୍ରୟୋଜନ ବୋଲି ମତ ବ୍ୟକ୍ତ କରିଥିଲେ ।

ସୁସ୍ଥ ଶିଶୁ ପାଇବାକୁ ହେଲେ ଜଣେ ସୁସ୍ଥ ମା ଓ ସୁସ୍ଥ ପରିବେଶ ର ଆବଶ୍ୟକତା ଅଛି ଓ ସେଥିପାଇଁ ଅଧିକ ସଚେତନତାର ଆବଶ୍ୟକ ରହିଛି । ଗଣମାଧ୍ୟମ ଏଥିରେ ପ୍ରମୁଖ ଭୂମିକା ନେବାପାଇଁ ସେ ଅନୁରୋଧ କରିଥିଲେ । ସରକାରୀ କାର୍ଯ୍ୟକ୍ରମ କିଭଳି ଲୋକଙ୍କ ପାଖରେ ପହଞ୍ଚିବ ଏଥିପାଇଁ ଗଣମାଧ୍ୟମ,ସ୍ଵେଛାସେବୀ ସଙ୍ଗଠନ , ସରକାରୀ ସେବା ପ୍ରଦାନକାରୀ ସମସ୍ତେ ଏକାଠି ଉଦ୍ୟମ କଋବ ଉଚିତ ବୋଲି ସେ ମତବ୍ୟକ୍ତ କରିଥିଲେ ।
pecucଡି ଆର ଡି ଏ ର ସମ୍ମିଳନୀ ଗୃହରେ ମା, ନବଜାତ ଓ ଶିଶୁ ସ୍ୱାସ୍ଥ୍ୟ ସମ୍ପର୍କିତ ଏହି କର୍ମଶାଳା ପିକକ ର ସମ୍ପାଦକ ରଞ୍ଜନ ମହାନ୍ତି ସ୍ଵାଗତ ଭାଷଣ ଦେଇ ସ୍ୱାସ୍ଥ୍ୟ ସଚେତନତା ସୃଷ୍ଟି କ୍ଷେତ୍ରରେ ଗଣମାଧ୍ୟମର ଭୂମିକା ଉପରେ ଆଲୋକପାତ କରିବା ସହ , ଏହି କର୍ମଶାଳାର ଉଦେଶ୍ୟ ସମ୍ପର୍କରେ ବିବରଣୀ ପ୍ରଦାନ କରିଥିଲେ ।

ୟୁନିସେଫ ର ସ୍ଵାସ୍ଥ୍ୟ ବିଶେଷଙ୍ଗ୍ୟ ଡ. ଆଶିଷ ସେନ ରାଜ୍ୟର ତଥା ବଲାଙ୍ଗିର ଜିଲ୍ଲାର ଶିଶୁ ଓ ମାତୃ ସ୍ୱାସ୍ଥ୍ୟ ସଂକ୍ରାନ୍ତ ରେ ସବିଶେଷ ତଥ୍ୟ ଉପସ୍ଥାପନ କରିଥିଲେ । ସ୍ଵ।ସ୍ଥ୍ୟ ସର୍ବେକ୍ଷଣ ୨୦୧୨ – ୨୦୧୩ ତଥ୍ୟ ଅନୁଯାୟୀ ରାଜ୍ୟ ରେ ଶିଶୁ ମୃତ୍ୟୁ ହାର ପ୍ରତି ହଜାରରେ ୫୬ ଥିଲାବେଳେ ବଲାଙ୍ଗିର ଜିଲ୍ଲାରେ ୯୭ ଓ ରାଜ୍ୟରେ ମାତୃ ମୃତ୍ୟୁ ହାର ପ୍ରତି ଲକ୍ଷ୍ୟରେ ୨୩୦ ଥିବାବେଳେ ବରଗଡ,ଝାରସୁଗୁଡା,ସମ୍ବଲପୁର,ଦେଓଗଡ ,ସୁନ୍ଦରଗଡ ,କେଉଁଝର ,ବଲାଙ୍ଗିର , ଅନୁଗୁଳ ,ଢେଙ୍କାନାଳ ରେ ୨୩୪ ଏହି ହାର ରହିଥିବା ସେ କହିଥିଲେ ।

ନବଜାତ ଶିଶୁ ମୃତ୍ୟୁ ହାର ରାଜ୍ୟରେ ୩୭ ଥିବାବେଳେ ବଲାଙ୍ଗିର ଜିଲ୍ଲାରେ ସର୍ବାଧିକ ପ୍ରତି ହଜାରରେ ୭୧ ଜଣ ଶିଶୁ ମୃତ୍ୟୁ ବରଣ କରୁଥିବା ସେ ଦର୍ଶାଇଥିଲେ ।

ବଲାଙ୍ଗିର ଜିଲ୍ଲାର ମୁଖ୍ୟ ଚିକିସ୍ଛା ଅଧିକାରୀ ଡକ୍ଟର ରବିନାରାୟଣ ତ୍ରିପାଠୀ ଜିଲ୍ଲାର ସ୍ଵାସ୍ଥ୍ୟସେବା ଉପରେ ଆଲୋକପାତ କରିବ। ସହ କିଭଳି ସମ।ଜରେ ମାନସିକତା ର ପରିବର୍ତନ ହେବ ଏଥିପାଇଁ ଆମେ ଚେଷ୍ଟା କରିବା ତଥା ଶିକ୍ଷା ହିଁ ଏ ପରିବର୍ତନ ଆଣି ପାରିବ ବୋଲି କହିଥିଲେ ।

ଡି ପି ଏମ ଦିଲ୍ଲୀପ କୁମାର ଦୁବେ ଯୋଗଦେଇ ଜିଲ୍ଲାର ଏନ ଏଚ ଏମ ର ବିଭିନ୍ନ ଯୋଜନା ଉପରେ ଜଣାଇବା ସହ ତାର ସଫଳତା ଉପରେ ଆଲୋକପାତ କରିଥିଲେ ଓ ଆଗାମୀ ଦିନରେ ଗଣମାଧ୍ୟମ ର ସହଯୋଗ କାମନା କରିଥିଲେ । ଜିଲ୍ଲାର ଏ ଡି ଏମ ଓ [ଏଫ ଡବ୍ଲିୟୁ ] ଡାଃ ସୁଜନେନ ମିଶ୍ର ଆର ଏମ ଏନ ସି ଏଚ ର ଲକ୍ଷ ଉଦେଶ୍ୟ ତଥା ବଲାଙ୍ଗିର ଜିଲ୍ଲାର ମା ଓ ଶିଶୁ ସ୍ଵାସ୍ଥ୍ୟ ନେଇ ବିଭିନ୍ନ ତଥ୍ୟ ଉପସ୍ଥାପନ ସହ , ସରକାରୀ ଯୋଜନା ଓ ବିଭିନ୍ନ ସଫଳ ଘଟଣ। କୁ କିଭଳି ଗଣମାଧ୍ୟମ ପାଇ ପାରିବ ସେ ଦିଗରେ ସେମାନେ ଚେଷ୍ଟା କରିବେ ବୋଲି ମତଦେଇଥିଲେ ।

ବରିଷ୍ଠ ସାମ୍ବାଦିକ ଶ୍ରୀ ଯତୀନ୍ଦ୍ର ଦାଶ କହିଥିଲେ ଗଣମାଧ୍ୟମ ବିଭିନ୍ନ ସମସ୍ୟାକୁ ଲୋକଙ୍କ ପାଖରୁ ଆଣିବା ଓ ଏହାକୁ ଜଣାଇବା ପୂର୍ବରୁ ନିଜେ ସେ ବିଷୟରେ ପୁଙ୍ଖାନୁପୁଙ୍ଖ ଭାବେ ଜାଣିବା ଉପରେ ଗୁରୁତ୍ଵ ଆରୋପ କରିଥିଲେ । ଶେଷରେ ରାଜେନ୍ଦ୍ର ଯୁବକ ସଂଘ ର ଶ୍ରୀ ରାହୁଲ ପାଣିଗ୍ରାହୀ ଧନ୍ୟବାଦ ଦେଇଥିଲେ । ଏହି କର୍ମଶାଳାକୁ ପିକକ ର ଡାଃ ଏମ ବଳିଆରସିଂହ , ସୁନନ୍ଦା ବିଶ୍ଵାଳ ଓ ଜ୍ୟୋତି ମହାପାତ୍ର ପରିଚାଳନା କରିଥିଲେ ।
ଓଡିଶା ଡଟ୍ କମ୍

ନିଉଜ ଡେସ୍କ
ନିଉଜ ଡେସ୍କ

Filed Under: ସଭା ସମିତି Tagged With: ବଲାଙ୍ଗିର, ଶିଶୁ ମୃତ୍ୟୁ ହାର

୪୧ ବର୍ଷତଳର ପରଶୁରାମ ହତ୍ୟାକାଣ୍ଡରେ ଜଣେ ଗିରଫ

May 16, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ବଲାଙ୍ଗିର,ମଇ ୧୬ (ଓଡିଶା ଡ଼ଟ୍ କମ୍) ୪୧ ବର୍ଷ ପୂର୍ବେ ବଲାଙ୍ଗିର ଜିଲ୍ଲାରେ ଘଟିଥିବା ଏକ ବହୁ ଚର୍ଚିତ ହତ୍ୟାକାଣ୍ଡରେ ମଇ ଚାରି ତାରିଖରେ ନଅ ଜଣ ଦୋଷୀ ସାବ୍ୟସ୍ତ ହୋଇଥିବା ବେଳେ ସେମାନଙ୍କ ମଧ୍ୟରୁ ଜୀବିତ ଥିବା ତିନି ଜଣଙ୍କ ମଧ୍ୟରୁ ଜଣକୁ ସ୍ଥାନୀୟ ପୁଲିସ ଗିରଫ କରିଛି ।

ସେ ସମୟରେ କଂଗ୍ରେସର ସମ୍ପାଦକ ଭାବେ କାର୍ଯ୍ୟ କରୁଥିବା ଧୋବେଇ ପୋଢଙ୍କୁ ପୁଲିସ ଗିରଫ କରିଥିବା ବେଳେ ଆଉ ଦୁଇ ଜଣଙ୍କୁ ଗିରଫ ପାଇଁ ଉଦ୍ୟମ ଜାରି ରଖିଥିବା ଜିଲ୍ଲାର ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି।

ସୂଚନା ଯୋଗ୍ୟ ଯେ ପରଶୁରାମ ଶତପଥି ନାମକ ଭାରତୀୟ ଲୋକ ଦଳ ପାର୍ଟିର ସହରର ଜଣେ ଜଣାଶୁଣା ଯୁବ ନେତା ତଥା ସାମ୍ବାଦିକଙ୍କ ଉପରେ ୨୯ ନଭେମ୍ବର ୧୯୭୪ ମସିହାରେ କେତେକ ଲୋକ ଜିପ ଚଢାଇ ମାରିଥିବାର ଅଭିଯୋଗ ହୋଇଥିଲା । ହତ୍ୟା କରିବା ପୂର୍ବରୁ ସେମାନେ ତାଙ୍କୁ ବାରମ୍ବାର ଧମକ ଦେଇଥିବା ମଧ୍ୟ ଅଭିଯୋଗ ହୋଇଥିଲା ।

ଏହି ମାମଲାରେ ପୂର୍ବରୁ ସ୍ଥାନୀୟ କୋର୍ଟ ଓ ପରେ ହାଇକୋର୍ଟ ପୁଲିସ ଚାର୍ଜସିଟ ଦାଖଲ କରିଥିବା ଲୋକ ମାନଙ୍କୁ ଖଲାସ କରିଦେଇଥିଲେ । ତେବେ ସୁପ୍ରିମ କୋର୍ଟଙ୍କ ନିର୍ଦ୍ଦେଶ ପରେ ହାଇକୋର୍ଟ ଏହାର ପୁନଃ ଶୁଣାଣି କରି ନଅ ଜଣଙ୍କୁ ଆଜୀବନ ଜେଲ ଦଣ୍ଡ ଶୁଣାଇଥିଲେ ।

ତେବେ ସଜା ପାଇଥିବା ନଅ ଜଣଙ୍କର ଏହା ମଧ୍ୟରେ ମୃତ୍ୟୁ ହୋଇସାରିଥିବା ବେଳେ, ଜୀବିତ ଥିବା ତିନି ଜଣ ହେଲେ ଧୋବେଇ ପୋଢ, ପୂର୍ବତନ ବିଧାୟକ ପ୍ରସନ୍ନ ପାଲ ଓ ଆର୍ତତ୍ରାଣ ସିଂହଦେଓ । ପୋଢଙ୍କୁ ତାଙ୍କ ଗାଁ ପୁଇଁତଳା ବ୍ଲକର କୁରେଇବାହାଲ ଗ୍ରାମରୁ ଶୁକ୍ରବାର ଗିରଫ କରାଯାଇଥିବା ପୁଲିସ କହିଛି ।

ଓଡିଶା ଡଟ କମ

News Bureau
News Bureau

Filed Under: ଅପରାଧ, ରାଜନୀତି Tagged With: ୪୧ ବର୍ଷ ପୂର୍ବେ, ଧୋବେଇ ପୋଢ, ପରଶୁରାମ ହତ୍ୟାକାଣ୍ଡ, ବଲାଙ୍ଗିର

ଜଣ୍ଡିସ କବଳରେ ବଲାଙ୍ଗିର, ୩୭ ରୋଗୀ ଚିହ୍ନଟ

May 5, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ବଲାଙ୍ଗିର, ମଇ ୫ (ଓଡିଶା ଡଟ କମ) ବଲାଙ୍ଗିର ସହରରେ ଜଣ୍ଡିସ ବା କାମଳ ରୋଗରେ ଏକ ସପ୍ତାହ ମଧ୍ୟରେ ୩୭ ଜଣ ରୋଗୀ ଚିହ୍ନଟ ହୋଇଥିବା ଜିଲ୍ଲା ସ୍ୱାସ୍ଥ୍ୟ ବିଭାଗ ମୁଖ୍ୟ ଡାକ୍ତର ରବି ତ୍ରିପାଠୀ ମଙ୍ଗଳବାର କହିଛନ୍ତି ।

ସେମାନଙ୍କ ମଧ୍ୟରୁ ଚାରିଜଣ ସରକାରୀ ଡାକ୍ତର ଖାନାରେ ଭର୍ତ୍ତି ହୋଇଥିବା ବେଳେ ଅନ୍ୟମାନେ ନିଜ ଘରେ ରହି ଚିକିତ୍ସିତ ହେଉଥିବା, ସେ ଓଡିଶା ଡଟ କମକୁ କହିଛନ୍ତି । ସବୁ ରୋଗୀଙ୍କ ଅବସ୍ଥାରେ ଉନ୍ନତି ଘଟି ଥିବା ଓ ସମସ୍ତେ ବିପଦ ମୁକ୍ତ ଥିବା ସେ କହିଛନ୍ତି । ମୁଖ୍ୟତଃ ଦୂଷିତ ପାଣି ସେବନ ଯୋଗୁଁ ଜଣ୍ଡିସ ଦ୍ଵାରା ଲୋକେ ଆକ୍ରାନ୍ତ ହୋଇଥିବା ସେ କହିଛନ୍ତି ।

ପାଣି ପାଇପ ଫାଟି ନାଳ ପାଣି ସହ ମିଶି ରୋଗ ସଂକ୍ରମଣ ହେଇଥିବା ଆଶଙ୍କା କରାଯାଉଛି । ସ୍ୱାସ୍ଥ୍ୟ ବିଭାଗର ଅଧିକାରୀ ମାନେ ସହରର ବିଭିନ୍ନ ସ୍ଥାନ ପରିଦର୍ଶନ କରି ପାଇପ ପାଣି ସଂଗ୍ରହକରି ପରୀକ୍ଷା ପାଇଁ ପଠାଇଛନ୍ତି ।

ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି ତାଙ୍କ ପାଖରେ ଥିବା ସୂଚନା ଅନୁସାରେ ବଲାଙ୍ଗିରରେ ଦୂଷିତ ପାଣି ପିଇ ଶହ ଶହ ଲୋକ ଜଣ୍ଡିସ ରେ ଆକ୍ରାନ୍ତ ହୋଇଥିବା ବେଳେ ହଜାର ହଜାର ଲୋକ ଆକ୍ରାନ୍ତ ହେବ ପରିସ୍ଥିତି ସୃଷ୍ଟି ହୋଇଛି ।

ଯଦି ଠିକ ସମୟରେ ପଦକ୍ଷେପ ନିଆ ନ ଯାଏ ପରିସ୍ଥିତି ଭଯାବହ ହୋଇପାରେ ।

ଓଡିଶା ଡଟ କମ

News Bureau
News Bureau

Filed Under: ସ୍ୱାସ୍ଥ୍ୟ Tagged With: କାମଳ ରୋଗ, ଜଣ୍ଡିସ, ବଲାଙ୍ଗିର

ମ୍ୟାଲେରିଆ ନିୟନ୍ତ୍ରଣ ପାଇଁ ପାଇଲଟ୍ ପ୍ରକଳ୍ପ ଶୁଭାରମ୍ଭ

January 18, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଜାନୁଆରୀ ୧୮(ଓଡିଶା ଡଟ୍ କମ୍ )- ରାଜ୍ୟରେ ମ୍ୟାଲେରିଆ ଏକ ପ୍ରମୁଖ ଜନସ୍ୱାସ୍ଥ୍ୟ ସମସ୍ୟା । ଏହାର ଉଚିତ ମୁକାବିଲା କରି ମ୍ୟାଲେରିଆ ନିୟନ୍ତ୍ରଣ ପାଇଁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ନିରବଚ୍ଛିନ ଉଦ୍ୟମ ଜାରି ରହିଛି ।

DSC_0078

ଜାତୀୟ ଭେକ୍ଟର ବର୍ଣ୍ଣ ରୋଗ ନିୟନ୍ତ୍ରଣ କାର୍ଯ୍ୟକ୍ରମ ମାଧ୍ୟମରେ ବହୁ ବିଧ ପଦକ୍ଷେପ ଗ୍ରହଣ କରାଯାଇ ମ୍ୟାଲେରିଆ ନିୟନ୍ତ୍ରଣ ପାଇଁ ଉଦ୍ୟମ କରାଯାଉଛି । ଏ କ୍ଷେତ୍ରରେ ଆଉ ଏକ ନୂତନ କର୍ମସମ୍ପାଦନା ଗବେଷଣା ପ୍ରକଳ୍ପ ଭାବେ ପଥଦର୍ଶୀ ବ୍ୟାପକ କେଶ୍ ପରିଚାଳନା କାର୍ଯ୍ୟକ୍ରମ ଆରମ୍ଭ କରାଯାଇଛି ।

ଆଇ.ଏମ୍.ଏ ହାଉସ ସମ୍ମିଳନୀ କକ୍ଷରେ ଆୟୋଜିତ ଉତ୍ସବରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପ୍ରମୁଖ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଏହି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି ।

ଭାରତୀୟ ଡାକ୍ତରୀ ଗବେଷଣା ପରିଷଦ ( ଆଇ.ସି.ଏମ୍.ଆର୍ )ର ଏକ ପ୍ରମୁଖ ସଂଗଠନ ଜାତୀୟ ମ୍ୟାଲେରିଆ ଗବେଷଣା ପ୍ରତିଷ୍ଠାନ ( ଏନ୍.ଆଇ.ଏମ୍.ଆର୍ ) ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନର ସହଯୋଗରେ ନୂତନ ମ୍ୟାଲେରିଆ ଔଷଧ ପ୍ରସ୍ତୁତକାରୀ ଆନ୍ତର୍ଜାତିକ ଫାଉଣ୍ଡେସନ -ମ୍ୟାଲେରିଆ ଔଷଧ ଭେଞ୍ଚର ( ଏମ୍.ଏମ୍.ଭି) ତରଫରୁ ଓଡିଶାର ୩ଟି ଜିଲ୍ଲାରେ ଏହା କାର୍ଯ୍ୟକାରୀ କରାଯିବ ।

ଅନୁଗୋଳ , ଢେଙ୍କାନାଳ ଏବଂ ବଲାଙ୍ଗିର ଭଳି ଅତ୍ୟଧିକ ,ମଧ୍ୟମ ଓ କମ୍ ମ୍ୟାଲେରିଆ ପ୍ରବଣ ଜିଲ୍ଲାର ଦୁଇଟି ଲେଖା ବ୍ଲକ୍ ରେ ଏହି କାର୍ଯ୍ୟକ୍ରମ କରାଯିବ । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଜାତୀୟ ପତଙ୍ଗ ବାହୀତ ରେଗ ନିୟନ୍ତ୍ରଣ କାର୍ଯ୍ୟକ୍ରମ ( ଏନ୍.ଭି.ବି.ଡି.ପି.ସି ) ମାଧ୍ୟମରେ ଏହି ପ୍ରକଳ୍ପ କାର୍ଯ୍ୟକାରୀ କରିବ ।

ଏଥିରେ ସଂପୃକ୍ତ ବ୍ଲକ୍ ଅଞ୍ଚଳର ସମସ୍ତ ମ୍ୟାଲେରିଆ ଆକ୍ରାନ୍ତଙ୍କୁ ଆରମ୍ଭରୁ ଚିହ୍ନଟକରି ପୂର୍ଣ୍ଣ ମାତ୍ରା ଔଷଧ ସେବନ କରିବାକୁ ଦିଆଯିବା ସହିତ ଚିକିତ୍ସା କରାଯିବ ।

ଉକ୍ତ ଚିକିତ୍ସାରେ ଆକ୍ରାନ୍ତ ମଣିଷଙ୍କ ଦେହରୁ ମ୍ୟାଲେରିଆ ପାରାସାଇଟ ମଶାଙ୍କ ଦେହକୁ ଯାଇ ପାରିବନି ,ଫଳରେ ମ୍ୟାଲେରିଆ ଦ୍ରୃତ ହାରରେ ହ୍ରାସ ପାଇବ ଏବଂ ସଂପୃକ୍ତ ଅଞ୍ଚଳର ଅନ୍ୟ ଲୋକମାନେ ସହଜରେ ଆକ୍ରାନ୍ତ ହେବେ ନାହିଁ ।

ଏଣୁ ଯଦି ପ୍ରାରମ୍ଭିକ ସ୍ତରରେ ମ୍ୟାଲେରିଆ ରୋଗୀକୁ ଚିହ୍ନଟ କରାଯାଇ ଚିକିତ୍ସା ମାଧ୍ୟମରେ ତାହା ଦେହରେ ଥିବା ପାରାସାଇଟଗୁଡିକୁ ସମ୍ପୂର୍ଣ୍ଣ ମାରିଦିଆ ଯାଇ ପାରିବ ତାହା ହେଲେ ମ୍ୟାଲେରିଆକୁ ନିୟନ୍ତ୍ରଣ କରାଯାଇ ପାରିବ, ଯାହାକି ଏହି ନୂତନ ପ୍ରକଳ୍ପ ମାଧ୍ୟମରେ ଉଦ୍ୟମ କରାଯିବ ।

ପ୍ରଥମ କରି ଆରମ୍ଭ କରାଯାଇଥିବା ଏହି ଗବେଷଣା ମୂଳକ ପ୍ରକଳ୍ପର ସଫଳତା ବା ଫଳାଫଳ ଉପରେ ଆମ ଦେଶ ସମେତ ଦକ୍ଷିଣ ପୂର୍ବ ଏସିଆ ଦେଶମାନଙ୍କରେ ମ୍ୟାଲେରିଆ ପ୍ରବଣ ଅଞ୍ଚଳ ମାନଙ୍କରେ ମ୍ୟାଲେରିଆ ନିରାକରଣ ଦିଗରେ ବିଶେଷ ସହାୟକ ହୋଇ ପାରିବ ବୋଲି ଶ୍ରୀ ମହାପାତ୍ର ପ୍ରକାଶ କରିଛନ୍ତି ।

ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସ୍ୱତନ୍ତ୍ର ସଚିବ ଡାଃ ତ୍ରିବିକ୍ରମ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ ଅନ୍ୟମାନଙ୍କ ମଧ୍ୟରେ ଏନ୍.ଆଇ.ଏମ୍.ଆର୍ ନିଦେ୍ର୍ଧଶକ ଡାଃ ନିନା ଭୋଲେଚ୍ଚା , ବିଶ୍ୱ ସ୍ୱାସ୍ଥ୍ୟ ସଂଗଠନର ଡାଃ ଶିବା , ଜେନେଭା ସ୍ଥିତ ଏମ୍.ଏମ୍.ଭିର ପେନି ଗ୍ରେୱାଲ , ଭାରତ ସରକାରଙ୍କ ଏନ୍.ଭି.ବି.ଡି.ସି.ପିର ପୂର୍ବତନ ନିଦେ୍ର୍ଧଶକ ଡାଃ ପି.ଏଲ୍.ଯୋଶୀ ପ୍ରମୁଖ ଉଦ୍ବୋଧନ ଦେଇ ଏହି ପାଇଲଟ ପ୍ରକଳ୍ପ ଉପରେ ଆଲୋକପାତ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଅନୁଗୋଳ, ଢେଙ୍କାନାଳ, ବଲାଙ୍ଗିର, ମ୍ୟାଲେରିଆ

ବଲାଙ୍ଗିର: ୧୭ଦିନରେ ପହଞ୍ଚିଲା ଲୋୟର ସୁକତେଲ ଅନଶନ

September 12, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବଲାଙ୍ଗିର, ସେପ୍ଟେମ୍ବର ୧୨(ଓଡ଼ିଶା ଡ଼ଟ୍ କମ୍)-ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀ ପକ୍ଷରୁ ବଲାଙ୍ଗିର କଲେକ୍ଟରେଟ୍ ସମ୍ମୁଖରେ ଲୋୟର ସୁକତେଲ ପ୍ରକଳ୍ପ କାମ ଆରମ୍ଭ ସହ ୧୧ଦଫା ଦାବୀନେଇ ଆରମ୍ଭ ହୋଇଥିବା ଅନଶନ ୧୭ଦିନରେ ପହଞ୍ଚିଛିା

ଆନ୍ଦୋଳନକାରୀଙ୍କ ତରଫରୁ ସରକାରଙ୍କୁ ଆଲୋଚନା କରିବା ପାଇଁ ୭୨ ଘଣ୍ଟା ସମୟ ଦିଆଯାଇଛି । ଯଦି ସରକରା ଏହି ସମୟ ମଧ୍ୟରେ ଆଲୋଚନା ନକରନ୍ତି ତେବେ ନୂଆଖାଇକୁ ବର୍ଜ୍ଜନ କରାଯିବ ବୋଲି ଆନ୍ଦୋଳନକାରୀ ତରଫରୁ ସରକାରଙ୍କୁ ଚେତାବନୀ ଦିଆ ଯାଇଛି ।

ଗୋପାଳଜୀ ପାଣିଗ୍ରାହୀଙ୍କ ଆବାହକତ୍ୱରେ ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀର ଅରୁଣ ମିଶ୍ର, ଶ୍ରୀକର ମିଶ୍ର, ଇଂ.ମଗନଲାଲ ଅଗ୍ରୱାଲ, ଇଂପ୍ରେମରାଜ ସାଏ, ବିକ୍ରମାନନ୍ଦ ବହିାର ପ୍ରମୁଖଙ୍କ ସହ ଲୋୟର ସୁକତେଲ ସେଚ ପ୍ରକଳ୍ପ ଯୋଗୁଁ କ୍ଷତିଗ୍ରସ୍ତ ହେଉଥିବା ବହୁ ଗ୍ରାମବାସୀ ଆଜିର ଅନଶନ କାର୍ଯ୍ୟକ୍ରମରେ ସାମିଲ ହୋଇଥିବା ଖେିବାକୁ ମିଲିଛି ।

ଲାୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀ ପକ୍ଷରୁ ଉପସ୍ଥାପିତ ୧୧ଦଫା ଦାବୀଗୁଡ଼ିକ ମଧ୍ୟରେ ପ୍ରକଳ୍ପ ପାଇଁ କ୍ଷତିଗ୍ରସ୍ତ ହେଉଥିବା ଗ୍ରାମବାସୀ ଓ ଚାଷୀଙ୍କୁ ୨୦୦୬ ବଳରେ ୨୦୧୧ବିସ୍ଥାପିତ ନୀତି ଅନୁସାରେ କ୍ଷତିପୂରଣ ଓ ଥଇଥାନ କରିବା, ବୁଡ଼ି ଅଞ୍ଚଳର ଲୋକେ ସମ୍ପୂର୍ଣ୍ଣ ବିସ୍ଥାପିତ ନ ହେଲା ଯାଏ ଉକ୍ତ ଅଞ୍ଚଳରେ ମୌଳିକ ସୁବିଧା ଯୋଗାଇ ଦିଆଯିବା ସହ ପ୍ରକଳ୍ପର ଡ଼ାହାଣ ମୂଖ୍ୟ କେନାଲକୁ ଏକ ଶାଖା କେନାଲ ବାହାର କରାଯାଇ ୭ଟି ପଞ୍ଚାୟତ କୁ ଜଳସେଚନ ସୁବିଧା କରାଯିବା, ଲୋୟର ସୁକତେଲ ପ୍ରକଳ୍ପ କାମର ସମୀକ୍ଷା ପ୍ରତିମାସ କରାଯାଉ, ଲୋୟର ସୁକତେଲ ସଂଗ୍ରାମ ପରିଷଦର କିଛି ବ୍ୟକ୍ତିଙ୍କ ନାମରେ ସରକାର ଆକ୍ରୋଶମୂଳକ ଭାବେ ମକଦ୍ଧମା ରୁଜୁ କରିଥିବା ମାମଲାକୁ ପ୍ରତ୍ୟାହାର କରିବାକୁ ଜିଲାପ୍ରଶାସନ ମାର୍ଫତରେ ମୁଖ୍ୟମନ୍ତ୍ରୀଙ୍କ ଠାରେ ଦାବି ଉପସ୍ଥାପନ କରାଯାଇଛି ।

ଦୀର୍ଘ ୧୨ ବର୍ଷ ପରେ ବି ପ୍ରଶାସନିକ କଳର ଅବହେଲା ସାଙ୍ଗକୁ ରାଜନୈତିକ ଇଚ୍ଛାଶକ୍ତିର ଅଭାବ ଯୋଗୁଁ ଲୋୟର ସୁକତେଲ ପ୍ରକଳ୍ପ ନିର୍ମାଣ ନେଇ ଏବେ ବି ଅନିଶ୍ଚିତତା ଲାଗି ରହିଛି । ୨୧୭କୋଟି ଟଙ୍କାର ପ୍ରକଳ୍ପର ନିର୍ମାଣ କାର୍ଯ୍ୟ ବିଲମ୍ବ ଯୋଗୁଁ ଏବେ ତାହା ୧୨ଶହ କୋଟି ଟଙ୍କାରେ ପହଞ୍ଚିଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଜଳସେଚନ, ବଲାଙ୍ଗିର, ଲାୟର ସୁକତେଲ ସେଚ ପ୍ରକଳ୍ପ

ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀ ପକ୍ଷରୁ ଅନଶନ

August 27, 2012 by admin Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବଲାଙ୍ଗିର,ଅଗଷ୍ଟ ୨୭ (ଓଡ଼ିଶା ଡ଼ଟ୍ କମ୍)- ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀ ପକ୍ଷରୁ ବଲାଙ୍ଗିର କଲେକ୍ଟରେଟ୍ ସମ୍ମୁଖରେ ଲୋୟର ସୁକତେଲ ପ୍ରକଳ୍ପ କାମ ଆରମ୍ଭ ସହ ୧୧ଦଫା ଦାବୀନେଇ ଅନଶନ ଆରମ୍ଭ କରାଯାଇଛି ।

ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀ ପକ୍ଷରୁ ଉପସ୍ଥାପିତ ୧୧ଦଫା ଦାବୀଗୁଡ଼ିକ ମଧ୍ୟରେ ପ୍ରକଳ୍ପ ପାଇଁ କ୍ଷତିଗ୍ରସ୍ତ ହେଉଥିବା ଗ୍ରାମବାସୀ ଓ ଚାଷୀଙ୍କୁ ୨୦୦୬ ବଦଳରେ ୨୦୧୧ବିସ୍ଥାପିତ ନୀତି ଅନୁସାରେ କ୍ଷତିପୂରଣ ଓ ଥଇଥାନ କରିବା ଦାବି ଉପସ୍ଥାପନ କରାଯାଇଛି ।

ବୁଡ଼ି ଅଂଚଳର ଲୋକେ ସମ୍ପୂର୍ଣ୍ଣ ବିସ୍ଥାପିତ ନ ହେଲା ଯାଏ ଉକ୍ତ ଅଂଚଳରେ ମୌଳିକ ସୁବିଧା ଯୋଗାଇ ଦିଆଯିବା ସହ ପ୍ରକଳ୍ପର ଡ଼ାହାଣ ମୂଖ୍ୟ କେନାଲକୁ ଏକ ଶାଖା କେନାଲ ବାହାର କରାଯାଇ ୭ଟି ପଞ୍ଚାୟତକୁ ଜଳସେଚନ ସୁବିଧା କରାଯିବା, ଲୋୟର ସୁକତେଲ ପ୍ରକଳ୍ପ କାମର ସମୀକ୍ଷା ପ୍ରତିମାସ ,ଲୋୟର ସୁକତେଲ ସଂଗ୍ରାମ ପରିଷଦର କିଛି ବ୍ୟକ୍ତିଙ୍କ ନାମରେ ସରକାର ଆକ୍ରୋଶମୂଳକ ଭାବେ ମକଦ୍ଧମା ରୁଜୁ କରିଥିବା ମାମଲାକୁ ପ୍ରତ୍ୟାହାର କରିବାକୁ ଜିଲାପ୍ରଶାସନ ମାର୍ଫତରେ ମୁଖ୍ୟମନ୍ତ୍ରୀଙ୍କ ଠାରେ ଦାବି କରାଯାଇଛି ।

ଦୀର୍ଘ ୧୨ ବର୍ଷ ପରେ ବି ପ୍ରଶାସନିକ ଦଳର ଅବହେଲା ସାଙ୍ଗକୁ ରାଜନୈତିକ ଇଚ୍ଛାଶକ୍ତିର ଅଭାବ ଯୋଗୁଁ ଲୋୟର ସୁକତେଲ ପ୍ରକଳ୍ପ ନିର୍ମାଣ ନେଇ ଏବେ ବି ଅନିଶ୍ଚିତତା ଲାଗି ରହିଛି । ୨୧୭କୋଟି ଟଙ୍କାର ପ୍ରକଳ୍ପର ନିର୍ମାଣ କାର୍ଯ୍ୟ ବିଲମ୍ବ ଯୋଗୁଁ ଏବେ ତାହା ୧୨ଶହ କୋଟି ଟଙ୍କାରେ ପହଂଚିଛି ।

ଗୋପାଳଜୀ ପାଣିଗ୍ରାହୀଙ୍କ ଆବାହକତ୍ୱରେ ଲୋୟର ସୁକତେଲ ସେଚ ପ୍ରକଳ୍ପ କାର୍ଯ୍ୟକାରୀ କମିଟୀର ଅରୁଣ ମିଶ୍ର, ଶ୍ରୀକର ମିଶ୍ର, ଇଂ.ମଗନଲାଲ ଅଗ୍ରୱାଲ, ଇଂପ୍ରେମରାଜ ସାଏ, ବିକ୍ରମାନନ୍ଦ ବହିାର ପ୍ରମୁଖଙ୍କ ସହ ଲୋୟର ସୁକତେଲ ସେଚ ପ୍ରକଳ୍ପ ଯୋଗୁଁ କ୍ଷତିଗ୍ରସ୍ତ ହେଉଥିବା ବହୁ ଗ୍ରାମବାସୀ ଆଜିର ଅନଶନ କାର୍ଯ୍ୟକ୍ରମରେ ସାମିଲ ହୋଇଥିବା ଦେଖିବାକୁ ମିଲିଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ବଲାଙ୍ଗିର, ଲୋୟର ସୁକତେଲ ସେଚ ପ୍ରକଳ୍ପ

ପ୍ରଶାସନର ବିରୋଧ ସତ୍ତ୍ୱେ ଶୁଳିଆରେ ପଶୁ ବଳି

January 11, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ବଲାଙ୍ଗୀର, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) ପ୍ରଶାସନର ୧୪୪ ଧାରା ସତ୍ତ୍ୱେ ବଲାଙ୍ଗିର ଜିଲ୍ଲା ଖଇରଗୁଡ଼ା ଠାରେ ମଙ୍ଗଳବାର ପାରମ୍ପରିକ ପ୍ରଥାରେ ଆରମ୍ଭ ହୋଇଥିବା ଶୁଲିଆ ଯାତ୍ରାରେ ବଳି ଦିଆଯାଇଛି ।

ସକାଳୁ ଯାତ୍ରାପୀଠ ବଡ଼ଖଳାଠାରେ କୌଣସି ବଳି ଦିଆଯାଇ ନଥିଲେ ବି ସେଠାରୁ ପ୍ରାୟ ୨୦୦ ମିଟର ଦୂରରେ ଏକ ନୂଅାଁ ଖଳାରେ ଆଦିବାସୀମାନେ ପୂଜାର୍ଚ୍ଚନା କରି ଶତାଧିକ ପଶୁ ପକ୍ଷୀ ବଳି ଦେଇଛନ୍ତି ।

ପ୍ରଥା ଅନୁଯାୟୀ ପ୍ରତିବର୍ଷ ତୁଷୁରା ଥାନା ଅନ୍ତର୍ଗତ ଖଇରଗୁଡ଼ାର ବଡ଼ଖଳା ଶୂଲିଆ ପୀଠ, ନୂଅାଁଖଳା ଏବଂ ସାନଖଳାରେ   ପଶୁ ପଳି ଦିଆଯାଇଥାଏ । ଶୁଲିଆ ଯାତ୍ରାରେ ବଳିକୁ ବନ୍ଦ କରିବା ପାଇଁ ପ୍ରଶାସନ ପକ୍ଷରୁ ପୂର୍ବପ୍ରସ୍ତୁତି କରାଯାଇଥିଲା । ପୋଲିସ ଓ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ବଳି ଦିଆଯାଇଥିବା ବେଳେ ସେଠାରେ ପାଞ୍ଚ ପ୍ଲାଟୁନ ଫୋର୍ସ ମୁତୟନ   କରାଯାଇଛି ।

ତେବେ ଏହା ଶତାଧିକ ବର୍ଷର ପ୍ରାଚୀନ ପରମ୍ପରା ହୋଇଥିବାରୁ ଆଦିବାସୀଙ୍କୁ ବଳି ବନ୍ଦ କରିବାକୁ ବାଧ୍ୟ  କରାଯାଇପାରିବ ନାହିଁ ବୋଲି ବଳି ସପକ୍ଷବାଦୀମାନେ କହିଛନ୍ତି । ୨୦୦୫ରେ ବଳି ବନ୍ଦ ପାଇଁ ଜିଲ୍ଲା ପ୍ରଶାସନ ନିକଟରେ ଆବେଦନ କରାଯିବା ପରେ ସେହି ଦିନ ଠାରୁ ୨୦୦୮ ପର୍ଯ୍ୟନ୍ତ   ବଡ଼ ଖଳାରେ ବଳି ବନ୍ଦ କରାଯାଇଥିଲା ଓ ୨୦୦୯ରେ ପୁଣି ବଡ଼ ଖଳାରେ ବଳି ଦିଆଯାଇଥିଲା ।

ଏହାପରେ ପ୍ରଶାସନ ବିରୋଧରେ ହାଇକୋର୍ଟରେ ମାମଲା ରୁଜୁ ହୋଇଥିଲା । ହାଇକୋର୍ଟ ବଳିକୁ ସଂପୂର୍ଣ୍ଣ ବନ୍ଦ କରିବା ସହ ପ୍ରାଣୀ ସୁରକ୍ଷା ଆଇନକୁ ପାଳନ କରିବା ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ପଶୁ ବଳି, ପ୍ରଶାସନ, ବଲାଙ୍ଗିର, ମୁଖ୍ୟ ଖବର

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ