ବାର୍ଡ଼ଫ୍ଲୁ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୫(ଓଡ଼ିଶା ଡ଼ଟ୍ କମ୍) ରାଜଧାନୀ ଭୁବନେଶ୍ୱରରେ ବାର୍ଡ଼ଫ୍ଲୁ ଭୂତାଣୁ ଚିହ୍ନଟ ପରେ ରବିବାର ଠାରୁ କୁକୁଡ଼ା ମରା ଅଭିଯାନ ଆରମ୍ଭ ହୋଇଛି ।

କେନ୍ଦ୍ର ସରକାରଙ୍କ ଅନୁମତି ପରେ କେନ୍ଦ୍ରୀୟ କୁକୁଡ଼ା ଉନ୍ନୟନ ସଂସ୍ଥା ପରିସରରେ ପାଂଚଟି ରାପିଡ଼ ରେସ୍ପନ୍ସ ଟିମ୍ର ୨୯ ଜଣ ସସ୍ୟ ଏହି କାର୍ଯ୍ୟରେ ନିୟୋଜିତ ହୋଇଥିବା ପଶୁ ସଂପଦ ବିଭାଗର ଜଣେ ଅଧିକାରୀ କହିଛନ୍ତି ।

ଉକ୍ତ ସଂସ୍ଥାର ତିନି କିମି ପରୀସିମା ମଧ୍ୟରେ କୁକୁଡ଼ା ମରାଯିବ ଏବଂ ଏହା ତିନିଦିନ ଧରି ଚାଲିବ ବୋଲି ସେ କହିଛନ୍ତି ।

ଆଖପାଖ ଅଂଚଳର ଲୋକମାନଙ୍କ ମଧ୍ୟରେ ସଚେତନା ସୃଷ୍ଟି କରାଯିବା ସହ କୁକୁଡ଼ା ଏବଂ ଅଣ୍ଡା ବିକ୍ରି ତଥା ସେଗୁଡ଼ିକ ରଖିବା ଉପରେ କଟକଣା ଜାରି କରାଯାଇଛି ।

କୁକୁଡ଼ା ଉନ୍ନୟନ ସଂସ୍ଥା ପରିସରରେ କେତେକ କୁକୁଡ଼ା ମରିବା ପରେ ସେମାନଙ୍କ ନମୂନା ପରୀକ୍ଷା ପାଇଁ ଭୋପାଳ ପରୀକ୍ଷାଗାରକୁ ପଠାଯାଇଥିଲା ଏବଂ ସେଥିରୁ ଗୋଟିଏରେ ଏଚ୍୫ଏନ୍୧ ଭୂତାଣୁ ଚିହ୍ନଟ ହୋଇଥିଲା ।

ପୂର୍ବରୁ ଖୋର୍ଦ୍ଧା ଜିଲ୍ଲା କେରଙ୍ଗ ଏବଂ ମୟୁରଭଂଜ ଜିଲ୍ଲା ବେତନଟୀରେ ବାର୍ଡ଼ଫ୍ଲୁ ଭୂତାଣୁ ଚିହ୍ନଟ ହୋଇଥିଲା । କେରଙ୍ଗ ଅଂଚଳରେ ୩୧ ହଜାର ୯୧୨ଟି କୁକୁଡ଼ା ଏବଂ ବେତନଟୀ ଅଂଚଳରେ ୧୧ ହଜାର ୨୧୬ଟି କୁକୁଡ଼ା ମରାଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୪(ଓଡ଼ିଶା ଡ଼ଟ୍ କମ୍) ରାଜଧାନୀ ଭୁବନେଶ୍ୱରରେ ବାର୍ଡ଼ଫ୍ଲୁ ଭୂତାଣୁ ଚିହ୍ନଟ ହୋଇଥିବା ରାଜ୍ୟ ସରକାରଙ୍କ ଜଣେ ବରିଷ୍ଠ ଅଧିକାରୀ ଶନିବାର କହିଛନ୍ତି ।

କେନ୍ଦ୍ରୀୟ କୁକୁଡ଼ା ଉନ୍ନୟନ ସଂସ୍ଥା ପରିସରରେ କେତେକ କୁକୁଡ଼ା ମରିବା ପରେ ସେମାନଙ୍କ ନମୂନା ପରୀକ୍ଷା ପାଇଁ ଭୋପାଳ ପରୀକ୍ଷାଗାରକୁ ପଠାଯାଇଥିଲା ।

ସେଥିରୁ ଗୋଟିଏରେ ଏଚ୍୫ଏନ୍୧ ଭୂତାଣୁ ଚିହ୍ନଟ ହୋଇଥିବା ପଶୁସଂପଦ ବିଭାଗର ନିର୍ଦ୍ଦେଶକ ବେଣୁଧର ଦ।ସ ଓଡ଼ିଶା ଡ଼ଟ୍ କମ୍କୁ କହିଛନ୍ତି ।

ଏସଂପର୍କରେ ଶୁକ୍ରବାର ସୂଚନା ମିଳିବା ପରେ ସତର୍କତାମୂଳକ ପଦକ୍ଷେପ ସ୍ୱରୂପ ଉକ୍ତ ସଂସ୍ଥାର ତିନି
କିମି ପରୀସିମା ମଧ୍ୟରେ କୁକୁଡ଼ା ନେବା ଆଣିବା ଉପରେ କଟକଣା ଜାରି କରାଯାଇଛି ।

ବାର୍ଡ଼ଫ୍ଲୁ ରୋକିବା ପାଇଁ ଭୁବନେଶ୍ୱର ମହାନଗର ନିଗମ ସ୍ୱାସ୍ଥ୍ୟ ଅଧିକାରୀଙ୍କ ନେତୃତ୍ୱରେ ମୋବାଇଲ ଟିମ୍ ଗଠନ କରାଯାଇଛି । ପୂର୍ବରୁ ଖୋର୍ଦ୍ଧା ଜିଲ୍ଲା କେରଙ୍ଗ ଏବଂ ମୟୁରଭଂଜ ଜିଲ୍ଲା ବେତନଟୀରେ ବାର୍ଡ଼ଫ୍ଲୁ ଭୂତାଣୁ ଚିହ୍ନଟ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୬(ଓଡ଼ିଶା ଡ଼ଟ୍ କମ୍) ଖୋର୍ଦ୍ଧା ଜିଲ୍ଲା କେରଙ୍ଗ ପରେ ମୟୁରଭଞ୍ଜ ଜିଲ୍ଲାରେ ବାର୍ଡ଼ଫ୍ଲୁ ଚିହ୍ନଟ ହୋଇଥିବା ସୋମବାର ଜଣେ ଅଧିକାରୀ କହିଛନ୍ତି ।

ଏହି ଅଂଚଳରୁ ଭୋପାଳସ୍ଥିତ ପରୀକ୍ଷାଗାରକୁ ପଠାଯାଇଥିବା ୪୧ଟି ନମୂନା ମଧ୍ୟରୁ ଗୋଟିକରେ ବାର୍ଡ଼ଫ୍ଲୁ ଭୂତାଣୁ ଥିବା ଜଣାପଡ଼ିଛି, ମତ୍ସ୍ୟ ଓ ପଶୁ ସଂପଦ ବିଭାଗର ଜଣେ ଅଧିକାରୀ କହିଛନ୍ତି ।

ସଂପୃକ୍ତ ଅଂଚଳର ୩ କିଲୋମିଟର ପରିଧି ମଧ୍ୟରେ କୁକୁଡା ଓ ଅଣ୍ଡା ନେବା ଆଣିବା ଉପରେ କଟକଣା ଜାରି କରାଯାଇଛି ।

ସେହିପରି ଗତ ଚାରିଦିନ ମଧ୍ୟରେ କେରଙ୍ଗ ଓ ଏହାର ଆଖପାଖ ଅଂଚଳରୁ ୩୪ ହଜାରରୁ ଉଦ୍ଧ୍ୱର୍ କୁକୁଡା ଓ ବତକ ମରାଯାଇଛି ଏବଂ ପ୍ରାୟ ୨୦ ହଜାର ଅଣ୍ଡା ନଷ୍ଟ କରାଯାଇଛି ।

ବାର୍ଡ ଫ୍ଲୁ ସଂପର୍କରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ଜିଲ୍ଲା ପ୍ରଶାସନ ପକ୍ଷରୁ ଅଭିଯାନ
ଆରମ୍ଭ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୨(ଓଡ଼ିଶା ଡ଼ଟ୍ କମ୍) ରାଜ୍ୟରେ ବାର୍ଡ଼ଫ୍ଲୁ ଚିହ୍ନଟ ପରେ ଖୋର୍ଦ୍ଧା ଜିଲ୍ଲାରେ ଗୁରୁବାର କୁକୁଡ଼ା ମାରିବା ଅଭିଯାନ ଆରମ୍ଭ ହୋଇଛି ।

ଆଜି ସକାଳୁ କେରଙ୍ଗ ଅଂଚଳରେ ଏହି ଅଭିଯାନ ଆରମ୍ଭ କରାଯାଇଥିବା ବେଳେ କିଛିଦିନ ପାଇଁ ଏହା ଜାର ରହିବ ବୋଲି ଜିଲ୍ଲାପାଳ ରୂପା ମିଶ୍ର କହିଛନ୍ତି ।

କୁକୁଡ଼ାମରା ଅଭିଯାନରେ ପଶୁସଂପଦ ବିଭାଗର ୮୦ଜଣଙ୍କୁ ନେଇ ଗଠିତ ରାପିଡ୍ ରେସ୍ପନ୍ସ ଟିମ୍ ପି.କେ. ଆଗ୍ରୋଟେକ୍ ପ୍ରା. ଲିମିଟେଡ୍ ନାମକ କୁକୁଡ଼ା ଫାର୍ମରୁ କୁକୁଡ଼ାମରା ଆରମ୍ଭ କରି ପ୍ରଥମଦିନରେ ଫାର୍ମ ସହିତ ୮ଟି ଗ୍ରାମରୁ ପ୍ରାୟ ୨୩୦୦ କୁକୁଡ଼ା ମାରିଛନ୍ତି ।

ମାରିିଆଯାଉଥିବା କୁକୁଡ଼ା ଗୁଡ଼ିକୁ ବାହାରକୁ ଅଣାନଯାଇ ଫାର୍ମ ମଧ୍ୟରେ ଥିବା ଖାଲି ସ୍ଥାନରେ ଜରି ବ୍ୟାଗ୍ରେ ପ୍ୟାକ୍ କରି ପୋଡ଼ା ଯାଉଛି ।

କୁକୁଡ଼ା ମାନଙ୍କୁ ସେଠାରେ ପୋତାଯାଇ ଲୁଣ, ବ୍ଲିଚିଂ ଦିଆଯିବାର ବ୍ୟବସ୍ଥା କରାଯାଇଛି । ପୋତା ଯାଇଥିବା ସ୍ଥାନକୁ ପରେ କଂଟାବାଡ଼ ଦ୍ୱାରାଆବଦ୍ଧ କରାଯିବ ଏବଂ ତା’ ନିକଟରେ ନିଷିଦ୍ଧାଂଚଳଲେଖାଯିବାର ବ୍ୟବସ୍ଥା କରାଯିବ ବୋଲି ସେ କହିଛନ୍ତି ।

ଏହାଦ୍ୱାରାଲୋକମାନେ ଭୟଭୀତ ହେବାର କୌଣସି କାରଣ ନାହିଁ । ବୁଧବାର ସଂପୃକ୍ତ ଅଂଚଳ ଗସ୍ତ
କରିଥିବା ବିଶେଷଜ୍ଞ ଳର ଅନୁମୋଦନ ପରେ ଏହି ନିଷ୍ପତି ନିଆଯାଇଛି, ସେ କହିଛନ୍ତି ।

ଗତ କିଛିଦିନ ମଧ୍ୟରେ ରାଜ୍ୟର ବିଭିନ୍ନ ସ୍ଥାନରେ କାଉ ମୃତ୍ୟୁବରଣ କରୁଥିବାରୁ ନିକଟରେ ସରକାର ଶତାଧିକ କାଉଙ୍କ ନମୂନା ପରୀକ୍ଷା ପାଇଁ ଭୋପାଲ ପଠାଇଛନ୍ତି ।

କେରଙ୍ଗ ଅଂଚଳରେ ଗୋଟିଏ କୁକୁଡ଼ା ଠାରେ ଏହି ଏଚ୍୫ଏନ୍୧ ଭୂତାଣୁ ଚିହ୍ନଟ ହୋଇଥିଲା । ତେବେ ସମସ୍ତ ଜିଲ୍ଲାର ଜିଲ୍ଲାପାଳ ମାନଙ୍କୁ ସତର୍କ ରହିବାକୁ ମତ୍ସ୍ୟ ଓ ପଶୁସଂପଦ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ପାରାଦ୍ଵୀପ, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) ରାଜ୍ୟରେ ବାର୍ଡ଼ଫ୍ଲୁ ଚିହ୍ନଟ ହୋଇଥିବା ବେଳେ ପାରାଦ୍ଵୀପ ଅଞ୍ଚଳରେ ଗତ ୨୪ ଘଣ୍ଟା ମଧ୍ୟରେ ଶତାଧିକ କୁକୁଡ଼ା, କାଉ ଓ ବତକଙ୍କ ମୃତ୍ୟୁ ପରେ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି ।

ତେବେ ମୃତ ପକ୍ଷୀଙ୍କ ବିଷୟରେ ଖବର ପାଇ ପଶୁ ସଂପଦ ବିଭାଗ ପକ୍ଷରୁ ଲୋକଙ୍କ ମଧ୍ୟ ସଚେତନତା
ସୃଷ୍ଟି କରିବା ପାଇଁ କର୍ମଚାରୀଙ୍କୁ ନିଯୁକ୍ତ କରାଯାଇଛି ।

ବାର୍ଡ଼ଫ୍ଲୁ ଚିହ୍ନଟ ହୋଇଥିବା ବେଳେ ଏହାଯୋଗୁଁ ଏମାନଙ୍କ ମୃତ୍ୟୁ ହୋଇଥିବା ଲୋକମାନେ କହୁଥିବା ବେଳେ ମୃତ୍ୟୁର କାରଣ ସଂପର୍କରେ ଅଧିକାରୀମାନେ କିଛି କହୁନାହାନ୍ତି ।

ହଠାତ୍ କାଉ ଗୁଡ଼ିକ ତଳେ ପଡ଼ିଛଟପଟ ହେଉଛନ୍ତି ଏବଂ ମୃତ୍ୟୁବରଣ କରୁଛନ୍ତି । ଖାଲି ସେତିକି ନୁହେଁ ଗୋଟେ ଗୋଟେ ସ୍ଥାନରେ ୪/୫ଟି କାଉ ଏକ ସଙ୍ଗେ ମରି ପଡ଼ୁଥିବା ବେଳେ କେଉଁଠି ଗଛ ଡାଳରେ ମରି ଲଟିକିଛନ୍ତି ।

ଜିଲ୍ଲା ମୁଖ୍ୟ ପଶୁଚିକିତ୍ସାକ ପ୍ରେମାନନ୍ଦ ରାଉତଙ୍କ ନେତୃତ୍ୱରେ ଏକ ଦଳ ମୃତ ପକ୍ଷୀ ଗୁଡ଼ିକର ରକ୍ତ ନମୂନା ସଂଗ୍ରହ କରିନେଇଛନ୍ତି ।

ରକ୍ତ ନମୂନା ଗୁଡ଼ିକ ରାଜ୍ୟ ପରୀକ୍ଷାଗାରକୁ ପଠାଯିବ ଏବଂ ରିପୋର୍ଟ ମିଳିବା ପରେ ସେମାନଙ୍କ ମୃତ୍ୟୁ ବାର୍ଡ଼ଫ୍ଲୁ ଯୋଗୁଁ ହୋଇଛି କି ନାହିଁ ଜଣାପଡ଼ିବ ବୋଲି ରାଉତ କହିଛନ୍ତି ।

ଗତ ମାସରେ ପାରାଦ୍ଵୀପର ଗୋଟିଏ ଅଞ୍ଚଳରୁ ୪୦/୫୦ଟି କାଉଙ୍କ ମୃତ ହେ ମିଳିଥିଲା । ଫୁଲନଖରା ସ୍ଥିତ ପଶୁ ରୋଗ ଗବେଷଣା ସଂସ୍ଥା ପକ୍ଷରୁ ଏମାନଙ୍କ ରକ୍ତ ନମୂନା ସଂଗ୍ରହ କରାଯାଇଥିବା ବେଳେ ସେମାନଙ୍କ ମୃତ୍ୟୁ ନେଇ କାରଣ ଜଣାପଡ଼ିନଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୯(ଓଡ଼ିଶା ଡ଼ଟ୍ କମ୍) ରାଜ୍ୟରେ ବାର୍ଡ଼ଫ୍ଲୁ ଚିହ୍ନଟ ପରେ ଏଥିପ୍ରତି ସତର୍କ ରହିବାକୁ ସରକାର ସମସ୍ତ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିବା ଜଣେ ଅଧିକାରୀ ସୋମବାର କହିଛନ୍ତି ।

“”ଗତ ପନ୍ଦରଦିନ ମଧ୍ୟରେ ରାଜ୍ୟର ବିଭିନ୍ନ ଅଞ୍ଚଳରେ ଶତାଧିକ କାଉ ଓ କୁକୁଡ଼ା ମରି ପଡ଼ିଥିବା ଲକ୍ଷ୍ୟକରି ରାଜ୍ୟ ସରକାର ପ୍ରାୟ ୩୦୦ ପକ୍ଷୀଙ୍କର ରକ୍ତ ନମୂନା ଭୋପାଳସ୍ଥିତ ପରୀକ୍ଷାଗାରକୁ ପଠାଇଛନ୍ତି” ମତ୍ସ୍ୟ ଓ ପଶୁ ସଂପଦ ବିଭାଗ ସଚିବ ସତ୍ୟବ୍ରତ ସାହୁ କହିଛନ୍ତି ।

“”ସେଥିମଧ୍ୟରୁ ଗୋଟିଏ କୁକୁଡ଼ାର ଦେହରେ ଏଚ୍ଏସ୍ଏନ୍-୧ ଭୂତାଣୁ ଥିବା ପରୀକ୍ଷାଗାରରୁ ଆମକୁ ରବିବାର ଜଣାଇଥିଲେ । ଉକ୍ତ କୁକୁଡ଼ାଟି ଖୋର୍ଦ୍ଧା ଜିଲ୍ଲାର କେରାଙ୍ଗ ଅଞ୍ଚଳର” ସେ କହିଛନ୍ତି ।

“”ଆମେ ଖୋର୍ଦ୍ଧା ଜିଲ୍ଲା ପ୍ରଶାସନକୁ ଜିଲ୍ଲାର ସମସ୍ତ ପକ୍ଷୀଙ୍କର ସ୍ୱାସ୍ଥ୍ୟବସ୍ଥା ଉପରେ ନଜର ରଖିବା ପାଇଁ ନିର୍ଦ୍ଦେଶ ଦେଇଛୁ । ସେହି ଅଞ୍ଚଳରୁ କୌଣସି ପକ୍ଷୀ ବାହାରକୁ ନ ପଠାଯିବ ସେଥିପ୍ରତି ମଧ୍ୟ ନିର୍ଦ୍ଦେଶ ଦେଇଛୁ”ସାହୁ କହିଛନ୍ତି ।

ପକ୍ଷୀମାନଙ୍କର ଦେହରେ ବାର୍ଡ଼ଫ୍ଲୁ ଜନିତ ଲକ୍ଷଣ ଦେଖାଗଲେ ସେମାନଙ୍କ ରକ୍ତ ନମୂନା ସଂଗ୍ରହ କରି
ପରୀକ୍ଷା ପାଇଁ ପଠାଇବାକୁ ସମସ୍ତ ୩୦ଟି ଜିଲ୍ଲାର ଜିିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଥିବା ସେ କହିଛନ୍ତି ।

ବିଶ୍ୱ ପ୍ରସିଦ୍ଧ ଚିଲିକା ହ୍ରଦ ଓ ଭିତରକନିକାକୁ ଆସିଥିବା ବିଦେଶାଗତ ପକ୍ଷୀମାନଙ୍କ ଉପରେ କଡ଼ା ନଜର ରଖିବା ପାଇଁ ମଧ୍ୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦିଆଯାଇଛି ।

ଓଡ଼ିଶା ଡ଼ଟ୍ କମ୍