ବିଏସ୍ଏଫ୍

ଓଡ଼ିଶା ଡ଼ଟ୍ କମ୍ : ରତ୍ନାକର ଦାଶ

ମାଲକାନଗିରି, ମଇ ୨୮(ଓଡ଼ିଶା ଡ଼ଟ୍ କମ୍) ମାଓବାଦୀମାନେ ବନ୍ଧୁକ ଛାଡ଼ି ଜାତୀୟ ସ୍ରୋତରେ ସାମିଲ ହୋଇ ସହରର ଉନ୍ନତିରେ ସହଯୋଗ କଲେ ସହରର ବିକାଶ ସମ୍ଭବ ହୋଇପାରିବ ବୋଲି କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଜୟରାମ ରମେଶ କହିଛନ୍ତି ।

ସୋମବାର ଦିନିକିଆ ମାଲକାନଗିରି ଗସ୍ତରେ ଆସି ବିଭିନ୍ନ କେନ୍ଦ୍ରୀୟ ଯୋଜନାର ସମୀକ୍ଷା କରିବା ଅବସରରେ ସେ ମାଓବାଦୀଙ୍କୁ ଏହି ଆହ୍ୱାନ ଦେଇଛନ୍ତି ।

ସହରର ବିକାଶରେ ଯୁବକ ଓ ନାରୀ ମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ତେଣୁ ନାରୀ ଓ ଯୁବକମାନେ ସ୍ୱଇଚ୍ଛାରେ ରାଜନୀତିରେ ସାମିଲ ହେଲେ ସହରର ବିକାଶ ପଥରେ ଆଗେଇପାରିବ ବୋଲି ଏକ ସଭାରେ ଉଦବୋଧନ ଦେଇ ସେ କହିଛନ୍ତି ।

ଦିନ ୧୧ଟାରେ ରମେଶ ବିଏସ୍ଏଫ୍ କାର୍ଯ୍ୟାଳୟ ସ୍ଥିତ ହେଲିପ୍ୟାଡ଼ରେ ଓହ୍ଲାଇବା ପରେ ସେଠାରେ ଜିଲ୍ଲାର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ଏବଂ ସ୍ଥାନୀୟ ଆଦିବାସୀମାନେ ସାନ୍ତାଳୀ ଓ ସିଂହ ନୃତ୍ୟ ପରିବେଷଣ କରି ତାଙ୍କୁ ସ୍ୱାଗତ କରିଥିଲେ ।

ମହାତ୍ମା ଗାନ୍ଧୀ ଜାତୀୟ କର୍ମ ନିଯୁକ୍ତି ଯୋଜନାରେ କରାଯାଇଥିବା ଆମ୍ବ ଓ ଲିଚୁ ବଗିଚା ଦେଖିବା ସହିତ ଚାଷୀଙ୍କ ସୁବିଧା ଅସୁବିଧା ବିଷୟରେ ପଚାରି ବୁଝିଥିଲେ । ମନ୍ତ୍ରୀଙ୍କ ସହିତ ମାଲକାନଗିରିର ପୂର୍ବତନ ଜିଲ୍ଲାପାଳ ତଥା ତାଙ୍କ ବ୍ୟକ୍ତିଗତ ସଚିବ ଭୀନିଲ କ୍ରିଷ୍ଣା ମଧ୍ୟ ଆସିଥିଲେ ।

ପରେ ପଞ୍ଚାୟତ ପ୍ରତନିଧି ମାନଙ୍କଠାରୁ ସେମାନଙ୍କ ସୁବିଧା ଅସୁବିଧା ବିଷୟରେ ଶୁଣି ସମସ୍ୟା ଦୁରୀକରଣ ଦିଗରେ ପଦକ୍ଷେପ ନିଆଯିବ ବୋଲି ରମେଶ କହିଛନ୍ତି ।

ମାଓ ପ୍ରବଣ ଅଂଚଳର ବିକାଶ ହେଲେ ଆଦିବାସୀ ମାନଙ୍କର ବିକାଶ ସମ୍ଭବ ହୋଇପାରିବ । ସେହିପରି ୨୫୦ରୁ କମ୍ ପରିବାର ବାସ କରୁଥିବା ମାଓ ପ୍ରବଣ ଗାଁକୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଅନ୍ତର୍ଭୁକ୍ତ କରାଯିବ । ୧୭ହଜାର ଜଙ୍ଗଲ ଜମି ପଟ୍ଟା ପାଇଥିବା ହିତାଧିକାରୀଙ୍କୁ ଇନ୍ଦିରା ଆବାସ ଗୃହ ପ୍ରଧାନ କରାଯିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ନଭେମ୍ବର ୧୮(ଓଡ଼ିଶା ଡ଼ଟ୍ କମ୍) ମାଓବାଦୀ ପ୍ରଭାବିତ ରାଜ୍ୟ ମାନଙ୍କରେ ଯେଉଁ ଦମନ ପ୍ରକ୍ରିୟା ଆରମ୍ଭ ହୋଇଛି ସେଗୁଡ଼ିକ ମଧ୍ୟରେ ସମନ୍ୱିତ ଗୁଇନ୍ଦା ତଥ୍ୟର ଆଦାନ ପ୍ରଦାନ ଆହୁରି ବ୍ୟାପକ କରିବା ପାଇଁ ଗୁରୁବାର ଅନୁଷ୍ଠିତ ୟୁନିଫାଏଡ଼ କମାଣ୍ଡର ଦ୍ଵୀତୀୟ ବୈଠକରେ ନିଷ୍ପତ୍ତି ହୋଇଛି ।

ବିଭିନ୍ନ ଗଣମାଧ୍ୟମରେ ରାଜ୍ୟ ପୋଲିସ ଏବଂ କେନ୍ଦ୍ରୀୟ ଅର୍ଦ୍ଧ ସାମରିକ ବାହିନୀ ମଧ୍ୟରେ ସମନ୍ୱୟ ରହୁନଥିବା ନେଇ ପ୍ରକାଶିତ ସମ୍ବାଦ ଉପରେ ବୈଠକରେ ଆଲୋଚନା ହୋଇଥିଲା । ତେବେ ଏଭଳି ଖବରକୁ ଅବାସ୍ତବ ଏବଂ ଓଡ଼ିଶାରେ ଗ୍ରୀନହଣ୍ଟ ଅପରେସନ ଯୋଜନାବଦ୍ଧ ଭାବେ ଚାଲିଛି ବୋଲି ସହମତି ପ୍ରକାଶ ପାଇଥିଲା ।

ଏହାବ୍ୟତୀତ ମାଓ ଉପଦ୍ରୁତ ଛତିଶଗଡ଼, ଓଡ଼ିଶା, ଝାଡ଼ଖଣ୍ଡ ଏବଂ ପଶ୍ଚିମବଙ୍ଗରେ ଗୁଇନ୍ଦା ବ୍ୟବସ୍ଥାକୁ ଅଧିକ ସକ୍ରିୟ କରିବାକୁ ସ୍ଥିର ହୋଇଛି । ବିଶେଷକରି ପ୍ରତ୍ୟେକ ପଦକ୍ଷେପ କ୍ଷେତ୍ରରେ ସମନ୍ୱୟ ରକ୍ଷା କରିବାକୁ କୁହାଯାଇଛି ।

ଫଳରେ ମାଓବାଦୀଙ୍କ ଗତିବିଧି ଓ ଅବସ୍ଥିତି ସଂପର୍କରେ ରାଜ୍ୟ ପୋଲିସ ଅବଗତ ହେବା ସହ କେନ୍ଦ୍ରୀୟ ଅର୍ଦ୍ଧ ସାମରିକ ବାହିନୀ ମଧ୍ୟ ହୁସିଆର ହେବେ ।

ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପୋଲିସ ମହାନିର୍ଦ୍ଦେଶକ ମନମୋହନ ପ୍ରହରାଜ, ଆଇଜି ଅପରେଶନ ସଂଜୀବ ମାରିକ, ଗୃହ ସଚିବ ଉପେନ୍ଦ୍ରନାଥ ବେହେରା, ବିଏସ୍ଏଫ୍ ଅତିରିକ୍ତ ଡ଼ିଜି ଅରବିନ୍ଦ ରଞ୍ଜନଙ୍କ ସମେତ ସିଆର୍ପିଏଫ୍ ର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।

ଓଡିଶା ଡଟ୍ କମ୍

ଭୁବନେଶ୍ୱର, ନଭେମ୍ବର ୮(ଓଡ଼ିଶା ଡ଼ଟ୍ କମ୍) ରାଜ୍ୟରେ ମାଓବାଦୀ ମନ କାର୍ଯ୍ୟରେ ନିୟୋଜିତ ଥିବା ସୀମା ସୁରକ୍ଷା ବଳ(ବିଏସ୍ଏଫ୍) ସହ ରାଜ୍ୟ ପୋଲିସର ତାଳମେଳ ରହୁନଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅସନ୍ତୋଷ ବ୍ୟକ୍ତ କରିଛନ୍ତି ।

ତେଣୁ ବିଏସ୍ଏଫ୍ ସହ ରାଜ୍ୟ ପୋଲିସର ସମନ୍ୱୟ ରଖିବାକୁ ସେ ନିଦେ୍ର୍ଧଶ ଦେଇଛନ୍ତି ।

ଓଡ଼ିଶା ଡ଼ଟ୍ କମ୍