• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ବିଜେପୁର

ବିଜେପୁର ଉପନିର୍ବାଚନ: ସବୁଦଳରେ ଅନ୍ତର୍ଦ୍ଵନ୍ଦ

February 9, 2018 by ଓଡିଶା ଡଟ କମ Leave a Comment

ଦେବଦତ୍ତ ରଥ

ଚଳିତ ମାସ ୨୪ରେ ହେବାକୁ ଥିବା  ବିଜେପୁର ଉପ ନିର୍ବାଚନରେ ଜିତିବା ପାଇଁ  ତିନୋଟି ଯାକ ପ୍ରମୁଖ ଦଳ ବିଜେଡି, ବିଜେପି ଏବଂ କଂଗ୍ରେସ ପୂରା ମନ ପ୍ରାଣରେ ଲାଗି ପଡ଼ିଛନ୍ତି।

ଏହି ନିର୍ବାଚନ ଫଳାଫଳ ତିନୋଟି ଯାକ ଦଳ ପାଇଁ ଗୁରୁତ୍ୱ ବହନ କରୁଛି।ଏମିତିରେ ଅନ୍ୟ ସ୍ଥାନରେ ଉପ ନିର୍ବାଚନ ହେବା ଏବଂ ବିଜେପୁର ଭିତରେ ବହୁ ଫରକ ରହିଛି।

ବିଜେପୁର ଉପନିର୍ବାଚନକୁନ୍ଦୁଲି ଆଦି ଘଟଣା ଭିତରେ ଶାସକ ବିଜେଡ଼ି ଦଳ ଏହି ଆସନଟିକୁ ଦଖଲ କରିବାରେ ନବୀନଙ୍କ ପାଇଁ ସମ୍ନାନର ପ୍ରଶ୍ନ ହୋଇ ରହିଛି।

ତେଣେ କଂଗ୍ରେସ ସୁପ୍ତ,ନିଷ୍କ୍ରିୟ କୁହା ଯାଉଥିଲେ ମଧ୍ୟ ଏହି ଆସନଟି ପୂର୍ବରୁ କଂଗ୍ରେସ ହାତରେ ଥିବାରୁ ତାହା କଂଗ୍ରେସ ପାଇଁ ମଧ୍ୟ ସମ୍ମାନର ପ୍ରଶ୍ନ ହୋଇଛି ।

କିନ୍ତୁ ଏ ଭିତରେ ମୃତ ବିଧାୟକଙ୍କ ପତ୍ନୀ ରୀତା ସାହୁଙ୍କୁ ଟିକେଟ ଦେଇ ବିଜେଡି ରାଜନୈତିକ କୌଶଳରେ ପରିପକ୍ଵତା ପ୍ରଦର୍ଶନ କରିଛି ।

ବିଜେପୁର ଉପନିର୍ବାଚନ୨୦୧୪ ବିଧାନ ସଭା ନିର୍ବାଚନରେ ବିଜେପୁରରୁ ବିଜେଡି ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟ ମାତ୍ର ୪୫୮ ଭୋଟ ବ୍ଯବଧାନ ରେ ହାରିଥିଲେ। ତେବେ ହେବାକୁ ଥିବା ଉପନିର୍ବାଚନରେ ନବୀନଙ୍କ ଲୋକ ପ୍ରିୟତା ଏବଂ ସହାନୁଭୁତି ଆଧାରରେ ଭୋଟ ଅକ୍ତିଆର କରିବାର ବିଜେଡି ଯୋଜନା ରଖିଛି।

ଅନ୍ୟ ପକ୍ଷରେ କଂଗ୍ରେସ ବିଳମ୍ବରେ ପ୍ରାର୍ଥୀ ଚୟନ କରି ସମାଲୋଚିତ ହୋଇଥିବା ବେଳେ, ପ୍ରଣୟ ସାହୁଙ୍କୁ ପ୍ରାର୍ଥୀ କରି ଏବେ ପାରମ୍ପରିକ ଭୋଟ ଆଧାରରେ ଜିତିବାର ଆଶା ରଖି କସରତ ଆରମ୍ଭ କରି ଦେଇଛି।

ଏଣେ ମୋଦୀ ହାୱା ଭିତରେ ଏବଂ ଅମିତ ଶାହାଙ୍କ ରାଜ୍ୟରେ ମିଶନ-୧୨୦ ଯୋଜନାରେ ବିଜେପି, ତାହା ବିଜେପୁରରୁ ଆରମ୍ଭ କରିବା ପାଇଁ ଲାଗି ପଡ଼ିଛି। ବିଜେପି ପୂର୍ବତନ ବିଜେଡି ବିଧାୟକ ଅଶୋକ ପାଣିଗ୍ରାହୀଙ୍କୁ ପ୍ରାର୍ଥୀ କରିଛି ।

ବିଜେପୁର ଉପନିର୍ବାଚନତେବେ ସବୁ ଦଳରେ କିଛି ନା କିଛି ଅନ୍ତର୍ଦ୍ଵନ୍ଦ ଥିବା ପରିଲକ୍ଷିତ ହୋଇଛି ।ବିଜେଡି ପ୍ରାର୍ଥିନୀ ରୀତା ସାହୁଙ୍କୁ ଦଳର ସବୁ କର୍ମୀ ପୂର୍ଣ ମାତ୍ରାରେ ସମର୍ଥନ କରୁନଥିବା ବେଳେ, କଂଗ୍ରେସର ଗୋଟିଏ ଗୋଷ୍ଠୀ ସାହୁଙ୍କ ପ୍ରାର୍ଥିତ୍ଵ କୁ ଭିତରେ ଭିତରେ ବିରୋଧ କରୁଛନ୍ତି।

ଠିକ ସେହି ପରି ବାହାରକୁ ବିଜେପି ଜୋରଦାର ଲଢ଼େଇ କରିବ ବୋଲି ଜଣା ପଡୁଥିଲେ ମଧ୍ୟ ଭିତରେ ଭିତରେ ବିଜେପି ଭିତରେ ଅନ୍ତର୍ଦ୍ଵନ୍ଦ ବଢିଥିବା ପରିଲକ୍ଷିତ ହୋଇଛି ।

ରାଜ୍ୟ ସଭାପତି ବସନ୍ତ ପଣ୍ଡା ଦଳୀୟ ଶୃଙ୍ଖଳା ଭଙ୍ଗ କାରଣରୁ ଉପେନ୍ଦ୍ର ଖେତି, କୌସ୍ତୁଭ ସାହୁ, ଶରତ ଦାସ, ବୀରସେନ ସାହୁ ଏବଂ କୈଳାସ ବେହେରା ଏହିପରି ପାଞ୍ଚ ଜଣଙ୍କୁ ଦଳରୁ ବହିଷ୍କାର କରିଥିବାରୁ ଏହା ସ୍ପଷ୍ଟ ହୋଇଛି ।

ଦଳରେ ଦୀର୍ଘ ଦିନ ହେଲା କାର୍ଯ୍ୟ କରି ଆସୁଥିବା ପ୍ରକୃତ ସଙ୍ଗଠକ ମାନଙ୍କୁ ଅଣ ଦେଖା କରାଯାଇଥିବା ଅଭିଯୋଗ ହୋଇଛି ।

ଉପନିର୍ବାଚନର ଫଳାଫଳ ଫେବ୍ରୁଆରୀ ୨୮ରେ ପ୍ରକାଶ ପାଇବ ।

Filed Under: ମୁଖ୍ୟ ଖବର, ରାଜନୀତି Tagged With: ଉପନିର୍ବାଚନ, ବିଜେପୁର

ବରଗଡ଼: ବିଜେପୁର ବ୍ଲକରେ ଫ୍ଲୋରୋସିସ ଆତଙ୍କ

August 12, 2012 by admin Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବରଗଡ, ଅଗଷ୍ଟ ୧୨(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଳାର ଗାଇସିଲେଟ, ବରପାଲି, ଝାରବନ୍ଧ ଓ ବିଜେପୁର ବ୍ଲକରେ ଭୂତଳ ଜଳରେ ମାତ୍ରାଧିକ ପରିମାଣର ଲୌହ ଓ ଫ୍ଲୋରାଇଡ଼ର ମାତ୍ରା ରହିଥିବାରୁ ସମ୍ପୃକ୍ତ ଅଂଚଳରେ ଫ୍ଲୋରୋସିସ ରୋଗର ଲକ୍ଷଣ ଦେଖାଯାଇଛି ।

ବିଜେପୁର ବ୍ଳକ ପିପିଲିପାଲି ଗାଁର ୮୦ ପ୍ରତିଶତରୁ ଅଧିକ ବ୍ୟକ୍ତି ଅକାଳ ବାର୍ଦ୍ଧକ୍ୟ, ଶାରୀରିକ ଦୁର୍ବଳତା ଅନୁଭବ କରୁଥିବା ଏବଂ ଦନ୍ତରୋଗରେ ଆକ୍ରାନ୍ତ ହେଉଥିବା ଜଣାପଡ଼ିବା ପରେ ବରଗଡ଼ ଜିଲ୍ଳାର ବାୟୋ ଡ଼ାଇଭରସିଟି ସେଲର ସଦସ୍ୟ ମାନେ ଉକ୍ତ ଗ୍ରାମକୁ ଯାଇ ଏହାର ସତ୍ୟତା ଉପଲବ୍ଧି କରିଥିଲେ ।

ଏହି ଗାଁର ୪୮ ବର୍ଷିୟ ଖାନାପୂରୀ ପଟେଲଙ୍କ ଠାରେ ପାଞ୍ଚବର୍ଷ ତଳେ ଫ୍ଲୋରୋସିସର ଲକ୍ଷଣ ଦେଖାଯାଇଥିଲା । ଏ ସମ୍ପର୍କରେ ସେ ବୁର୍ଲା ମେଡ଼ିକାଲ କଲେଜ ଓ କଟକ ବଡ଼ ଡ଼ାକ୍ତରଖାନାରେ ପରୀକ୍ଷା କରି ତାଙ୍କୁ ସ୍କେଲେଟାଲ ଫ୍ଲୋରୋସିସ ହୋଇଥିବା ଜାଣିବାକୁ ପାଇଥିଲେ ।

ବିଗତ ପାଞ୍ଚ ବର୍ଷ ହେଲା ସେ ଚିକିତ୍ସିତ ହେଉଛିନ୍ତି । ତାଙ୍କ ଅଣ୍ଟାର ତଳକୁ କାର୍ଯ୍ୟ କରୁ ନଥିବାରୁ ସେ ଶଯ୍ୟାଶାୟୀ ଅଛନ୍ତି । ତାଙ୍କର ୭ ବର୍ଷର ନାତି ଓ ବୋହୁ ମଧ୍ୟ ନ୍ତ ଫ୍ଲୋରୋସିସର ଶିକାର ହୋଇଥିବା ଜଣାପଡ଼ିଛି । ପିପିଲିପାଲି ପ୍ରାଥମିକ ସ୍କୁଲରେ ପଢ଼ୁଥିବା ପ୍ରାୟ ୯୦ ପ୍ରତିଶତ ଛାତ୍ର ଛାତ୍ରୀ ଦନ୍ତ ଫ୍ଲୋରୋସିସର ଶିକାର ହୋଇଥିବା ଦେଖାଯାଇଛି ।

ଏହା ବ୍ୟତିତ ଛାତ୍ରଛାତ୍ରୀଙ୍କ ରୋଗ ପ୍ରତିରୋଧ ଶକ୍ତି ହ୍ରାସ ପାଉଥିବା, ରକ୍ତହୀନତାର ଶିକାର ହେଉଥିବା, ନିୟିମିତ ରୂପେ ଜ୍ୱରରେ ପଡ଼ୁଥିବା ଆଦି ଲକ୍ଷଣ ଖୋଯାଇଛି । ଗାଁର ୩୨ବର୍ଷିୟ ୱାର୍ଡ଼ ମେମ୍ବର ଗଜରାଜ ପଟେଲ ନିଜେ ମଧ୍ୟ ଉଭୟ ଦନ୍ତ ଓ ସ୍କେଲେଟାଲ ଫ୍ଲୋରେସିସର ଶିକାର ଥିବା କହିଛନ୍ତି ।

ଏସଂପର୍କରେ ବିଜେପୁର ବିଡ଼ିଓଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ତେବେ ବିଡ଼ିଓଙ୍କ ବଦଳି ପରେ ଏଥି ପ୍ରତି କେହି ଧ୍ୟାନ ଦେଉ ନାହାନ୍ତି । ଅବଶ୍ୟ କିଛି ସରକାରୀ ଅଧିକାରୀ ଆସି ନଳକୂପ ଜଳର ନମୂନା ନେଇଛନ୍ତି । ମାତ୍ର ଗ୍ରାମବାସୀଙ୍କୁ କୌଣସି ପ୍ରକାର ଚିକିତ୍ସାଗତ ସୁବିଧା ଯୋଗାଇ ଦିଆଯାଇ ନଥିବା କିମ୍ବା ସ୍ୱାସ୍ଥ୍ୟ ବିଭାଗ ପକ୍ଷରୁ କୌଣସି ପଦକ୍ଷେପ ନିଆଯାଇ ନଥିବା ଗଜରାଜ କହିଛନ୍ତି ।

ପ୍ରକାଶ ଯୋଗ୍ୟ, ପାନୀୟ ଜଳରେ ଫ୍ଲୋରାଇଡ଼ର ମାତ୍ରା ଲିଟର ପିଛା ୧.୪ ମିଲିଗ୍ରାମରୁ ଅଧିକ ହେଲେ ତାହାକୁ ମାରାତ୍ମକ ବୋଲି ଗ୍ରହଣ କରାଯାଇଥାଏ । ଏହି ପର୍ଯ୍ୟାୟରେ ଦାନ୍ତ ଗୁଡ଼ିକରେ ଥିବା ଏନାମେଲ କ୍ଷୟ ହେବା ସାଙ୍ଗକୁ ଦାନ୍ତ କଳା ହୋଇ ଦନ୍ତ ଫ୍ଲୋରୋସିସ ହୋଇଥାଏ ।

ସେହିପରି ଫ୍ଲୋରାଇଡ଼ର ମାତ୍ରା ୨.୦ରୁ ଅଧିକ ହେଲେ ତାହା ସ୍କେଲେଟାଲ ଫ୍ଲୋରୋସିସର କାରଣ ହୋଇଥାଏ । ବରଗଡ଼ ଜିଲ୍ଳା ପ୍ରଶାସନ ତଥା ସ୍ୱାସ୍ଥ୍ୟ ବିଭାଗ ଏ ସମ୍ପର୍କରେ ଅବଗତ ଥାଇ ସୁଦ୍ଧା ଏଭଳି ଗମ୍ଭୀର ସ୍ୱାସ୍ଥ୍ୟ ସଙ୍କଟ କ୍ଷେତ୍ରରେ କୌଣସି ପଦକ୍ଷେପ ନ ନେବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବରଗଡ଼ ଅଗ୍ରଗାମୀ ବାୟୋ ଡ଼ାଇଭରସିଟି ସେଲ ପକ୍ଷରୁ ଅଭିଯୋଗ କରାଯାଇଛି ।

ପାନୀୟ ଜଳଦ୍ୱାରା ପିପଲିପାଲିରେ ଫ୍ଲୋରୋସିସ୍ ହେଉଥିବା ପ୍ରମାଣିତ ହୋଇ ସାରିଥିବାରୁ ଗାଁରେ ଥିବା ଗଭୀର ନଳକୂପ ଗୁଡ଼ିକୁ ତୁରନ୍ତ ବନ୍ଦ କରିବା ସହ ଅନ୍ୟ ଅଞ୍ଚଳରୁ ପାଇପ ଯୋଗେ ପାନୀୟ ଜଳ ଯୋଗାଇ ଦେବାକୁ ଦାବି କରାଯାଇଛି ।

ବିଜେପୁର ବ୍ଳକର ଏହି ଗ୍ରାମ ସମେତ ପୁଟକିଗ୍ରିଞ୍ଜେଳ, ସାଇପାଲି ଓ ପୁରେନା ଗ୍ରାମର ଭୂତଳ ପାନୀୟ ଜଳରେ ମଧ୍ୟ ଫ୍ଲୋରାଇଡ଼ର ମାତ୍ରା ବିପଦଜନକ ସ୍ତରରେ ରହିଥିବା ଜଣାପଡ଼ିଛି । ବିଜେପୁର ବ୍ଳକ ସାଇପାଲି ପଞ୍ଚାୟତର ପୁଟୁକିଗ୍ରିଞ୍ଜେଲ ଗ୍ରାମରେ ଥିବା ନଳକୂପ ଗୁଡ଼ିକରେ ଫ୍ଲୋରାଇଡ଼ର ମାତ୍ରା ସର୍ବାଧିକ ୩.୯୦ରୁ ୪.୫୦ ମିଲିଗ୍ରାମ ପ୍ରତି ଲିଟର ଥିବା ବେଳେ ଲୌହର ମାତ୍ରା ୨୦.୪ ମିଲିଗ୍ରାମ ପ୍ରତି ଲିଟର ରହିଥିବା ଜଣାପଡ଼ିଛି ।

ତେବେ ଏହି ଗ୍ରାମ ଗୁଡ଼ିକ ପାଇଁ ପ୍ରଶାସନ ପକ୍ଷରୁ ପାନୀୟ ଜଳର ବିକଳ୍ପ ବ୍ୟବସ୍ଥା କରିବାରେ ଅବହେଳା କରାଯାଉ ଥିବା ବେଳେ ସଚେତନତା ଅଭାବରୁ ଲୋକେଦିନକୁଦିନ ଅଧିକ ରୋଗାଗ୍ରସ୍ତ ହେଉଛନ୍ତି ।

ଏଣୁ କାଳବିଳମ୍ବ ନକରି ବିଜେପୁର ଅଞ୍ଚଳର ଗାଁ ଗୁଡ଼ିକରେ ସ୍ୱାସ୍ଥ୍ୟ ବିଭାଗ ପକ୍ଷରୁ ସର୍ବେକ୍ଷଣ କରାଯିବା ସହ ଆବଶ୍ୟକ ପଦକ୍ଷେପ ନେବାକୁ ସ୍ଥାନୀୟ ଅଞ୍ଚଳର ଲୋକମାନେ ଦାବି କରିଛନ୍ତି

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର, ମୁଖ୍ୟ ଖବର Tagged With: ଫ୍ଲୋରୋସିସ, ବରଗଡ଼, ବିଜେପୁର

Primary Sidebar

ପୁରୀ ସ୍ନାନ ଯାତ୍ରା ଲାଇଭ

https://youtu.be/aDHujOQM1p8

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ