• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ବିଦ୍ୟୁତ

କଟକ: ବିଦ୍ୟୁତ କାଟ୍ ବନ୍ଦ ପ୍ରତିବାରେ ବିକ୍ଷୋଭ

July 23, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଜୁଲାଇ ୨୩(ଓଡ଼ିଶା ଡ଼ଟ୍ କମ୍) ବର୍ଦ୍ଧିତ ବିଦ୍ୟୁତ୍ ଶୁଳ୍କ ତୁରନ୍ତ ପ୍ରତ୍ୟାହାର କରିବା ସହ ବିଦ୍ୟୁତ୍ କ୍ଷେତ୍ରରେ ଘରୋଇକରଣ ବାତିଲ କରିବା, ବିଦ୍ୟୁତ କାଟ ତୁରନ୍ତ ବନ୍ଦ କରିବା ଦାବିରେ ଯୁବ ସଂଗଠନର ଅଲ୍ ଇଣ୍ଡିଆ ୟୁଥ୍ ଅର୍ଗାନାଇଜେସନ୍ (ଏଆଇଡ଼ିୱାଇଓ) ପକ୍ଷରୁ କଟକ ସ୍ଥିତ ସେସୁ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।

ସଂଗଠନର ସଭାପତି ତଥା ରାଜ୍ୟ ସଂପାଦକଙ୍କ ନେତୃତ୍ୱରେ ବିକ୍ଷୋଭକାରୀମାନେ ଶୋଭାଯାତ୍ରା ବାହାରି ସେସୁ କାର୍ଯ୍ୟାଳୟରେ ପହଞ୍ଚି ସେଠାରେ ବିକ୍ଷୋଭ କରିଥିଲେ । ଘରୋଇକରଣ ପରେ ବିଦ୍ୟୁତ୍ ସମସ୍ୟା ଆହୁରି ବୃଦ୍ଧି ପାଇଛି ବୋଲି ଏହି ଅବସରରେ ଆୟୋଜିତ ପ୍ରତିବାଦ ସଭାରେ କୁହାଯାଇଛି ।

କ୍ଷତି ଭରଣା କରିବାକୁ ଜନଗଣଙ୍କ ତଣ୍ଟି ଚିପି ବିଦ୍ୟୁତ୍ ଶୁଳ୍କ ବୃଦ୍ଧି କରାଯାଉଛି ଓ ଅନ୍ୟାୟ ଭାବେ ପିଛିଲାତାରିଖରୁ ବର୍ଦ୍ଧିତ ଶୁଳ୍କ ଆଦାୟ ଘୋଷଣା କରାଯାଇଛି ।

ତେବେ ବିଭିନ୍ନ ଅଞ୍ଚଳରେ ବିଦ୍ୟୁତ୍ ସଂଯୋଗ କରିବା, ଲୋଭୋଲ୍ଟେଜ୍ ସମସ୍ୟା ଦୂର କରିବା, ବିଜୁଳି କାଟ ବନ୍ଦ କରିବା ଆଦି ସମସ୍ୟାର ସମାଧାନ ଦିଗରେ କୌଣସି ପଦକ୍ଷେପ ନିଆନଯାଇ ସାଧାରଣ ଜନତାଙ୍କୁ ହଇରାଣ ହରକତ କରାଯାଉଛି ବୋଲି ଅଭିଯୋଗ କରାଯାଇଛି ।

ଦାବି ପୂରଣ ପାଇଁ ଶକ୍ତିମନ୍ତ୍ରୀଙ୍କ ଉଦ୍ଦେଶ୍ୟରେ ସଂଗଠନପକ୍ଷରୁ ଏକ ଦାବିପତ୍ର ସେସୁ କାର୍ଯ୍ୟନିର୍ବାହୀ ଅଧିକାରୀଙ୍କୁ ପ୍ରଦାନ କରାଯାଇଛି ଏବଂ ଦାବି ପୂରଣ ନହେଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି ସେମାନେ ଚେତାବନୀ ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଏଆଇଡ଼ିୱାଇଓ, ବିଦ୍ୟୁତ, ସେସୁ

ବିଦ୍ୟୁତ କାଟ୍ ନେଇ ଗୃହ କମିଟିର ଉଦ୍ଦବେଗ

May 25, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୫(ଓଡ଼ିଶା ଡ଼ଟ୍ କମ୍) ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ବାରମ୍ବାର ବିଦ୍ୟୁତ କାଟ୍ ନେଇ ବିଧାନସଭା ଗୃହ କମିଟି ଉଦ୍ଦବେଗ ପ୍ରକାଶ କରିଛି ।

ବିଦ୍ୟୁତ କାଟ୍ ଯୋଗୁଁ ସାଧାରଣ ଲୋକେ ଅସୁବିଧାର ସମ୍ମୁଖୀନ ହେଉଥିବାରୁ ସରକାର ଏ ଦିଗରେ ପଦକ୍ଷେପ ନେବାକୁ ବାଚସ୍ପତି ପ୍ରଦୀପ ଅମାତଙ୍କ ଅଧ୍ୟକ୍ଷତାରେ ଶୁକ୍ରବାର ଅନୁଷ୍ଠିତ ବୈଠକରେ କମିଟି ପରାମର୍ଶ ଦେଇଛି ।

ବିଦ୍ୟୁତ କାଟ୍ କୁ  ବୈଠକରେ ଉପସ୍ଥିତ ବିଧାୟକମାନେ ବିରୋଧ କରିବା ସହ ଏଥିପାଇଁ ଘରୋଇ ବଂଟନ କମ୍ପାନୀଙ୍କୁ ଦାୟୀ କରିଛନ୍ତି ।

ରାଜ୍ୟରେ ଅସହ୍ୟ ଗରମ ଅନୁଭୁତ ହେବା ସହ ନଈ, ପୋଖରୀ ଓ କୂଅ ଇତ୍ୟାଦି ସୁଖି ଗଲାଣି । ଏହି
ସମୟରେ ବାରମ୍ବାର ବିଦ୍ୟୁତ କାଟ୍ ବେଡି ଉପରେ କୋରଡା ଭଳି ହୋଇଛି ବୋଲି ସେମାନେ କହିଛନ୍ତି ।

ତେବେ ରାଜ୍ୟରେ ତିନିଟି ଅଲଟ୍ରା ପାୱାର ପ୍ଳାଣ୍ଟ ପ୍ରତିଷ୍ଠା କରାଯିବ ଏବଂ ସେଥିରୁ ସୁନ୍ଦରଗଡ ଜିଲ୍ଲାର ବେଡାବାହାଲରେ ଗୋଟିଏ ପାଇଁ ସ୍ଥାନ ନିରୂପଣ ହୋଇଥିବା ବେଳେ ଅନ୍ୟଦୁଇଟି ବଲାଙ୍ଗିର ଓ ଭଦ୍ରକ ଜିଲ୍ଲାରେ ପ୍ରତିଷ୍ଠା ହେବ ବୋଲି ମୁଖ୍ୟ ଶାସନ ସଚିବ ଏକ ସମୀକ୍ଷା ବୈଠକରେ କହିଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଗୃହ କମିଟି, ବିଦ୍ୟୁତ, ବିଧାନସଭା, ଭୁବନେଶ୍ୱର

ରାଜ୍ୟରେ ବିଦ୍ୟୁତ୍ ଶୁଳ୍କ ବୃଦ୍ଧି

March 23, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମାର୍ଚ୍ଚ ୨୪(ଓଡ଼ିଶା ଡ଼ଟ୍ କମ୍) ଓଡ଼ିଶା ବିଦ୍ୟୁତ ନିୟାମକ ଆୟୋଗ (ଓଇଆର୍ସି) ଚଳିତ ଆର୍ଥିକ ବର୍ଷ ପାଇଁ ଉପଭୋକ୍ତାଙ୍କ ନିମନ୍ତେ ବିଦ୍ୟୁତ୍ ଶୁଳ୍କ ବୃଦ୍ଧି କରିଛନ୍ତି ।

ବର୍ଦ୍ଧିତ ମୂଲ୍ୟ ଆସନ୍ତା ଅପ୍ରେଲ ୧ରୁ ଲାଗୁ ହେବ ବୋଲି ଶୁକ୍ରବାର ଆୟୋଗ ପକ୍ଷରୁ କୁହାଯାଇଛି । ଘରୋଇ ବିଦ୍ୟୁତ୍ ଉପଭୋକ୍ତାଙ୍କୁ ବର୍ତମାନ ଦେଉଥିବା ଶୁଳ୍ପ ଠାରୁ ୟୁନିଟ୍ ପିଛା ୮୦ ପଇସା ଅଧିକ ଦେବାକୁ ପଡ଼ିବ ।

ପୂର୍ବରୁ ଗତ ୨୦୧୧-୧୨ରେ ଆୟୋଗ ପକ୍ଷରୁ ୟୁନିଟ୍ ପିଛା ୨୦ରୁ ୨୫ ପଇସା ବୃଦ୍ଧି କରାଯାଇଥିବା ବେଳେ ହାଇକୋର୍ଟ ଏଥିରେ ରହିତାଶେ ଜାରି କରିଥିଲେ ।

ଘରୋଇ ଉପଭୋକ୍ତାମାନେ ପ୍ରଥମ ୫୦ ୟୁନିଟ୍ ପାଇଁ ୧ଟଙ୍କା ୪୦ ପଇସା ଦେଉଥିବା ବେଳେବର୍ତମାନ ସେମାନଙ୍କୁ ୨ଟଙ୍କା ୨୦ ପଇସା ଦେବାକୁ ପଡ଼ିବ । ୫୧ ୟୁନିଟ୍ରୁ ୨୦୦ ୟୁନିଟ୍ ଯାଏଁ ୩ଟଙ୍କା ୫୦ ପଇସା ଥିବା ବେଳେ ଏହା ବର୍ତମାନ ୩ଟଙ୍କା ୯୦ ପଇସାକୁ ବୃଦ୍ଧି କରାଯାଇଛି ।

ପୂର୍ବରୁ ୨୦୧ରୁ ୪୦୦ ୟୁନିଟ୍ ପର୍ଯ୍ୟନ୍ତ ୪ଟଙ୍କା ୩୦ ପଇସା ଥିବା ବେଳେ ବର୍ତମାନ ଏହା ୪ଟଙ୍କା
୯୦ ପଇସା ଏବଂ ୪୦୦ରୁ ଅଧିକ ୟୁନିଟ୍ ପାଇଁ ୪ଟଙ୍କା ୮୦ ପଇସା ଥିବା ବେଳେ ଏହା ୫ଟଙ୍କା
୩୦କୁ ବୃଦ୍ଧି କରାଯାଇଛି ।

ଫ୍ଲାଟ, ଆପାର୍ଟମେଂଟ ଓ ବିଭିନ୍ନ କଲୋନୀରେ ରହୁଥିବା ବ୍ୟବହାରକାରୀମାନେ ପୂର୍ବରୁ ୟୁନିଟ୍ ପିଛା ୪ଟଙ୍କା ୨୦ ପଇସା େଉଥିବା ବେଳେ ବର୍ତମାନ ଏହା ୪ଟଙ୍କାକୁ ହ୍ରାସ କରାଯାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଓଡିଶା, ବିଦ୍ୟୁତ

ବଡ଼ଦାଣ୍ଡରେ ଭୂତଳ ବିଦ୍ୟୁତ କେବୁଲ ବ୍ୟବସ୍ଥା

January 15, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧୪(ଓଡ଼ିଶା ଡ଼ଟ୍ କମ୍) ରଥଯାତ୍ରା ସମୟରେ ଅଘଟଣ ତଥା ବିଦ୍ୟୁତ ବିଭ୍ରାଟ ଘଟୁଥିବାରୁ ପୁରୀ ବଡ଼ଦାଣ୍ଡରେ ଥିବା ସମସ୍ତ ବିଦ୍ୟୁତ ଖୁଣ୍ଟ ଓ ଟ୍ରାନ୍ସଫର୍ମରକୁ ହଟାଇ ଭୂତଳ କେବୁଲ ବ୍ୟବସ୍ଥା କରିବା ପାଇଁ ନିଷ୍ପତ୍ତି ନିଆଯାଇଛି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଶୁକ୍ରବାର ଅନୁଷ୍ଠିତ ଉଚ୍ଚ ସ୍ତରୀୟ ବୈଠକରେ ନିଯାଇଥିବା ନିଷ୍ପତ୍ତି ଅନୁଯାୟୀ ବଡ଼ଦାଣ୍ଡର ଉଭୟ ପାଶ୍ୱର୍ରେ ୧୨ ଫୁଟ ତଳେ ସେହି କେବୁଲ ମାଧ୍ୟମରେ ବିଦ୍ୟୁତ ସଂଯୋଗ ଦିଆଯିବ ।

ଏଥିପାଇଁ ୨୨ କିମି ଉଚ୍ଚ ଶକ୍ତି ସଂପନ୍ନ ବିଦ୍ୟୁତ ତା’ର ଏବଂ ୧୨ କିମି ସ୍ୱଳ୍ପ ଶକ୍ତି ସଂପନ୍ନ ବିଦ୍ୟୁତ ତା’ର ବିଛାଯିବ ।

ସେଠାରେ ଥିବା ୧୯୨ଟି ଟ୍ରାନ୍ସଫର୍ମରକୁ ହଟାଇ ଦିଆଯାଇ ଅତ୍ୟାଧୁନିକ ଜ୍ଞାନ କୌଶଳରେ ନିର୍ମିତ ୭୪ଟି କମ୍ପାକ୍ଟ ଟ୍ରାନ୍ସଫର୍ମର ବସାଯିବ ।

ସାମୟିକ ଭାବେ ଏଥିପାଇଁ ୧୮ କୋଟି ଟଙ୍କା ଖର୍ଚ୍ଚ ହେବ । ସେଥିମଧ୍ୟରୁ ସେସୁ ୯ କୋଟି ଟଙ୍କା, ପର୍ଯ୍ୟଟନ ବିଭାଗ ତିନି କୋଟି ଟଙ୍କା ଓ ଶକ୍ତି ବିଭାଗ ବାକି ୬ କୋଟି ଟଙ୍କା ବହନ କରିବ ।

ଖୁବ୍ଶୀଘ୍ର ପ୍ରଥମେ ଗୁଣ୍ଡିଚା ମନ୍ଦିର ପାଖରୁ ଏହି କାର୍ଯ୍ୟ ଆରମ୍ଭ ହୋଇ ୧୨ ମାସ ମଧ୍ୟରେ ସମାପ୍ତ ହେବ ବୋଲି ଶକ୍ତି ମନ୍ତ୍ରୀ କହିଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଧନୁଯାତ୍ରା, ପୁରୀ, ବିଦ୍ୟୁତ, ମୁଖ୍ୟ ଖବର

ଏନ୍ଟିପିସିର ଛଅଟି ୟୁନିଟ୍ ସହ ଗ୍ରୀଡ଼କୋର ଚୁକ୍ତିନାମା

December 28, 2010 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୨୭(ଓଡ଼ିଶା ଡ଼ଟ୍ କମ୍) କେନ୍ଦ୍ର ସରକାରଙ୍କ ବିଦ୍ୟୁତ ଆବଣ୍ଟନ ଅନୁସାରେ ଜାତୀୟ ତାପଜ ବିଦ୍ୟୁତ ନିଗମ(ଏନ୍ଟିପିସି)ର ପୂର୍ବଭାରତରେ ଥିବା ଛଅଟି ୟୁନିଟ୍ ସହିତ ଗ୍ରୀଡ଼କୋ ସୋମବାର ଚୁକ୍ତିନାମା ସଂପାଦନ କରିଛି ।

ବିଦ୍ୟୁତ୍ କ୍ରୟ ଚୁକ୍ତିନାମା ବା ପାୱାର ପର୍ଚେଜ ଆଗ୍ରୀମେଣ୍ଟ(ପିପିଏ) ଅନୁସାରେ ତାହା କରାଯାଇଛି ।

ଏନ୍ଟିପିସିର ଯେଉଁ ଛଅଟି ୟୁନିଟ୍ରୁ ଓଡ଼ିଶା ତାହାର ଅଂଶ ବାବଦରେ ବିଦ୍ୟୁତ୍ ଶକ୍ତି ପାଇବ ତାହା ହେଲା ର୍ଲିପାଲିରେ ଥିବା ୩୨୦୦ ମେଗାୱାଟ, ୧୩୨୦ ମେଗାୱାଟ ବିଶିଷ୍ଟ ତାଳଚେର ତାପଜ ବିଦ୍ୟୁତ୍ କେନ୍ଦ୍ର, ପଶ୍ଚିମବଙ୍ଗରେ ଥିବା କଟୱା ୧୬୦୦ ମେଗାୱାଟ୍, ପିରପାଇଣ୍ଟି ୧୩୨୦ ମେଗାୱାଟ, ୫୦୦ ମେଗାୱାଟ ବିଶିଷ୍ଟ ଫରକ୍କା ଷ୍ଟେଜ-୩ ଏବଂ ବିହାର ମୁଜାଫରପୁର ଷ୍ଟେଜ-୨ରେ ଥିବା ୩୯୦ ମେଗାୱାଟ ।

ଚୁକ୍ତିନାମା ଅନୁସାରେ ଗ୍ରୀଡ଼କୋ ର୍ଲଦିପାଲଇ ୟୁନିଟରୁ ୧୬୦୦, ତାଳଚେର ଟିଟିପିଏସ୍ରୁ ୬୨୦, କଟୱାରୁ ୨୭୦, ପିରପାଇଁଣ୍ଟ ୟୁନିଟ୍ରୁ ୧୭୫, ଫରକ୍କା ଫେଜ-୩ରୁ ୮୩ ଏବଂ ମୁଜାଫରପୁର ୟନୁଟ୍ରୁ ୩୦ ମେଗାୱାଟ ବିଦ୍ୟୁତ ଶକ୍ତି ପାଇବ ।

ଗ୍ରୀଡ଼କୋ ପକ୍ଷରୁ ବାଣିଜ୍ୟିକ ମହା ନିଦେ୍ର୍ଧଶକ ଅଲେଖ ଚନ୍ଦ୍ର ମଲ୍ଲିକ ଓ ଏନ୍ଟିପିସି ପକ୍ଷରୁ ବାଣିଜ୍ୟିକ ମହା ପ୍ରବନ୍ଧକ ଭିକେ.ପାଧା ଏହି ପିପିଏରେ ସ୍ୱାକ୍ଷର କରିଛନ୍ତି ।

ଏନ୍ଟିପିସି ପକ୍ଷରୁ ଏକ ଅନ୍ୟାଧୁନିକ ମେଡ଼ିକାଲ କଲେଜ ଓ ଇଂଜିନିୟରିଂ କଲେଜ ଖୋଲାଯିବ ବୋଲି ଏହି ଅବସରରେ ଶକ୍ତି ମନ୍ତ୍ରୀ ଅତନୁ ସବ୍ୟସାଚୀ ନାୟକ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଏନ୍ଟିପିସି, ଗ୍ରୀଡକୋ, ବିଦ୍ୟୁତ, ମୁଖ୍ୟ ଖବର

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ