• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

Odisha.com

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ବିମାନସେବା

ଉପକୂଳ ଓଡିଶାରେ କୁହୁଡିର ପ୍ରଭାବ, ଜନଜୀବନ ଅସ୍ତବ୍ୟସ୍ତ

February 2, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨(ଓଡିଶା ଡଟ୍ କମ୍)-ଶୀତ କମିଲା ବଢିଲା କୁହୁଡି । କୁହୁଡି ଯୋଗୁଁ କଲବଲ ହେଉଛନ୍ତି ଉପକୂଳ ବାସୀ । ରାଜଧାନୀର ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ରାଜ୍ୟର ଅଧିକାଂଶ ଅଞ୍ଚଳରେ ସକାଳ ୯ଟା ପର୍ଯ୍ୟନ୍ତ କୁହୁଡି କମୁନାହିଁ ।

କୁହୁଡି ଯୋଗୁଁ ଭୁବନେଶ୍ୱରରେ ଜୀବନ ଯାତ୍ରା ପ୍ରଭାବିତ ହୋଇଛି । ବିମାନସେବାରେ ମଧ୍ୟ ବାଧା ଉପୁଜିଛି । ଗତ ଦୁଇ ଦିନ ହେଲାଣି ରାଜ୍ୟର ଉପକୁଳ ଅଞ୍ଚଳର ସକାଳ କୁହୁଡିରେ ଆଛାଦିତ ହୋଇ ରହୁଛି । ଆଭ୍ୟନ୍ତରିଣ ଜିଲ୍ଲାରେ କୁହୁଡି ରହୁନି ସତ ଶୀତର ପ୍ରକୋପ ଏପର୍ଯ୍ୟନ୍ତ କମି ନାହିଁ ।

ଫୁଲବାଣୀ ଓ ସୁନ୍ଦରଗଡ଼ ଜିଲାକୁ ଛାଡ଼ିଦେଲେ ରାଜ୍ୟର ଅନ୍ୟ ସମସ୍ତ ଜିଲାରେ ସର୍ବନିମ୍ନ ତାପମାତ୍ରା ୧୦ଡ଼ିଗ୍ରୀ ସେଲସିୟସ ଉପରେ ରହିଛି । ଫୁଲବାଣୀରେ ରାତିର ସର୍ବନିମ୍ନ ତାପମାତ୍ରା ୬ଡ଼ିଗ୍ରୀ ଥିବାବେଳେ ଏହାର ଆଖପାଖ ଅଞ୍ଚଳରେ ସର୍ବନିମ୍ନ ତାପମାତ୍ରା ୫ଡ଼ିଗ୍ରୀ ତଳେ ରହିଛି ।

ତେବେ ଆସନ୍ତା ୨୪ ଘଣ୍ଟା ମଧ୍ୟରେ ଅଳ୍ପ କେତେକ ଅଞ୍ଚଳକୁ ବାଦଦେଲେ ରାଜ୍ୟର ବାକି ଅଞ୍ଚଳରେ ଶୀତ ପ୍ରକୋପ କମିବ । ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଘନ କୁହୁଡ଼ି ଦେଖାଦେବ ବୋଲି ଭୁବନେଶ୍ୱର ପାଣିପାଗ କେନ୍ଦ୍ର ସୂତ୍ରରୁ ଜଣାପଡ଼ିଛି ।

ଓଡିଶା ଡଟ୍ କମ୍

 

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: କମିଲା ଶୀତ ପ୍ରକୋପ, ଫୁଲବାଣୀ, ବିମାନସେବା, ରାଜଧାନୀ, ସୁନ୍ଦରଗଡ଼

ଭୁବନେଶ୍ୱର– ଝାରସୁଗୁଡାରୁ ବିମାନସେବା ଆରମ୍ଭ

November 2, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୨ (ଓଡ଼ିଶା ଡ଼ଟ୍ କମ୍)– ଝାରସୁଗୁଡାରୁ ବହୁ ପ୍ରତିକ୍ଷିତ ବିମାନସେବା ଆଜି ଆରମ୍ଭ ହୋଇଛି । ପରୀକ୍ଷା ମୁଳକ ଉଡାଣରେ ଏହି ବିମାନ ଭୁବନେଶ୍ୱର ଏୟାରପୋର୍ଟରୁ ବାହାରି ସ୍ଥାନୀୟ ଏୟାରପୋର୍ଟରେ ସକାଳ ୯ଟା ୪୫ମିନିଟ୍ରେ ପହଞ୍ଚିଥିଲା ।

ଏୟାର ଓଡିଶା ଅଧିକାରୀ ଏବଂ ଝାରସୁଗଡା ଏସ୍ପି କର୍ମେଶ କଁୱାର ପ୍ରମୁଖ ଏହି ବିମାନରେ ଆସିଥିଲେ । ୯ ସିଟି ବିଶିଷ୍ଟ ଏହି ବିମାନ ଭୁବନେଶ୍ୱରରୁ ଝାରସୁଗୁଡା ଦେଇ ରାଉରକେଲାକୁ ପ୍ରତିଦନ ଚଳାଚଳ କରିବ ।

ଭୁବନେଶ୍ୱରରୁ ଦିନ ୧୧ଟା ବେଳେ ବାହାରି ୧୨ଟା ବେଳେ ଝାରସୁଗୁଡାରେ ପହଞ୍ଚିବ । ଦିନ ୧୨ଟା ୩୦ ବେଳେ ରାଉରକେଲା ଅଭିମୁଖେ ଯିବ ବିମାନ ।

ଫେରନ୍ତା ଯାତ୍ରାରେ ରାଉରକେଲାରୁ ଅପରାହ୍ନ ୩ଟା ୫୦ରୁ ବାହାରି ଝାରସୁଗୁଡାରେ ୪ଟା ୧୦ ମିନିଟ୍ରେ ପହଞ୍ଚିବ । ଅପରାହ୍ନ ୪ଟା ୩୦ରୁ ଝାରସୁଗୁଡାରୁ ବାହାରି ୫ଟା ୩୦ ମିନିଟ୍ ରେ ଭୁବନେଶ୍ୱରରେ ପହଞ୍ଚିବ ।

ଭୁବନେଶ୍ୱରରୁ ଝାରସୁଗୁଡା ଭଡା ୫୪୯୯ ଟଙ୍କା ରଖାଯାଇଛି । ଏୟାର ଓଡିଶା ତରଫରୁ ଝାରସୁଗୁଡା, ରାଉରକେଲା ସହିତ ରାୟପୁରୁକୁ ମଧ୍ୟ ସଂଯୋଗ କରିବା ଲାଗି ଯୋଜନା କରାଯାଇଛି । ରାୟପୁରକୁ ଆସନ୍ତା ୯ ତାରିଖରେ ଉଡାଣ ହେବ ବୋଲି ସୂଚନା ଦିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଅର୍ଥ-ବ୍ୟବସାୟ, ଓଡିଶା ଖବର Tagged With: ଝାରସୁଗୁଡା, ବିମାନସେବା, ରାଉରକେଲା

ସେପ୍ଟେମ୍ବରରୁ ରାଜ୍ୟର ବିଭିନ୍ନ ସ୍ଥାନକୁ ବିମାନସେବା ଯୋଜନା

July 2, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୩(ଓଡ଼ିଶା ଡ଼ଟ୍ କମ୍) ଆସନ୍ତା ସେପ୍ଟେମ୍ବର ମାସରୁ ରାଜ୍ୟର ବିଭିନ୍ନ ସ୍ଥାନକୁ ବିମାନ ସେବା ଆରମ୍ଭ କରିବାକୁ ପ୍ରସ୍ତାବ ରଖାଯାଇଥିବା ମଙ୍ଗଳବାର ରାଜ୍ୟ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି ।

ସୋମବାର ମୁଖ୍ୟ ଶାସନ ସଚିବ ବିଜୟ ପଟ୍ଟାନୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏସଂପର୍କିତ ବୈଠକରେ ଏହି ନିଷ୍ପତି ନିଆଯାଇଥିବା ବେଳେ ବୈଠକରେ ଏୟାର ଇଣ୍ଡିଆ ପରିଚାଳନା ନିର୍ଦ୍ଦେଶକ ଓ ଅନ୍ୟ ଅଧିକାରୀମାନେ ଯୋଗ ଦେଇଥିଲେ ।

ରାଜ୍ୟ ଭିତରେ ଓ ରାଜ୍ୟ ରାଜ୍ୟ ମଧ୍ୟରେ ବିମାନ ସେବା ପାଇଁ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଆବଶ୍ୟକ ଅନୁମୋନ ଓ ପ୍ରମାଣପତ୍ର ପ୍ରଦାନ କରିସାରିଛନ୍ତି ।

ଏୟାର ଇଣ୍ଡିଆ ପକ୍ଷରୁ ବିଭିନ୍ନ ଅଞ୍ଚଳକୁ ଏହି ସେବା ଯୋଗାଇ ଦିଆଯିବ । ଭୁବନେଶ୍ୱର-ରାଉରକେଲା-କଲିକତା, ଭୁବନେଶ୍ୱର-ଝାରସୁଗୁଡ଼ା-କଲିକତା, ଭୁବନେଶ୍ୱର-ଭାଇଜାଗ୍-ରାୟପୁର ମଧ୍ୟରେ ପ୍ରଥମେ ବିମାନ ଚଳାଚଳ କରିବାକୁ ଯୋଜନା କରାଯାଇଛି ।

ଏହାବ୍ୟତୀତ କୋରାପୁଟ, ଅନୁଗୁଳ, ଝାରସୁଗୁଡ଼ା ଓ ଭୁବନେଶ୍ୱର ସହିତ ସଂଯୋଗ କରିବା ଦିଗରେ ଆବଶ୍ୟକ ପଦକ୍ଷେପ ନେବାକୁ ପ୍ରସ୍ତାବ ଦିଆଯାଇଥିବା ସେ କହିଛନ୍ତି । ଶୀତ ଋତୁରେ ତିରୁପତି ଓ ଶିରିଡ଼ିକୁ ବିମାନ ସେବା ଆରମ୍ଭ କରିବାକୁ ଯୋଜନା କରାଯାଇଛି ।

ବର୍ତମାନ ଦଶ ଆସନ ବିଶିଷ୍ଟ ଏୟାର କ୍ରାଫ୍ଟ ଚଳାଚଳ କରିବ ଓ ପରବର୍ତୀ ସମୟରେ ଆବ୍ୟକତାକୁ ଦୃଷ୍ଟିରେ ରଖି ୧୯ ଆସନ ବିଶିଷ୍ଟ ଏୟାର କ୍ରାଫ୍ଟ ଚାଲିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଏୟାର ଇଣ୍ଡିଆ, ବିମାନସେବା

Primary Sidebar

RSS LATEST

  • ଚଳିତ ବର୍ଷ କାନ୍ସ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହେବ ବଛାବଛା ୧୦ଟି ଓଡିଆ ସିନେମା
  • 9th International Art of Giving Day Celebrated
  • ମଦୁଆ ଗାଡ଼ି ଚାଳକଙ୍କୁ କୋର୍ଟ ଚାଲାଣ
  • ଝାରସୁଗୁଡାରେ ଆଜିକାର ତାପମାତ୍ରା ୩୯ ଡିଗ୍ରୀ
  • ହୀରାକୁଦରେ ଆଜିକାର ତାପମାତ୍ରା ୩୯.୧ ଡିଗ୍ରୀ
  • ଭବାନୀପାଟଣାରେ ଆଜିକାର ତାପମାତ୍ରା ୪୧ ଡିଗ୍ରୀ
  • ଟିଟିଲାଗଡ଼ରେ ଆଜିକାର ତାପମାତ୍ରା ୪୧ ଡିଗ୍ରୀ
  • ସୋନପୁରରେ ଆଜିକାର ତାପମାତ୍ରା ୪୦.୩ ଡିଗ୍ରୀ
  • ନୟାଗଡରେ ଆଜିକାର ତାପମାତ୍ରା ୪୦ ଡିଗ୍ରୀ
  • ସୁନ୍ଦରଗଡ଼ରେ ଆଜିକାର ତାପମାତ୍ରା ୪୨ ଡିଗ୍ରୀ