• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ବିୟୋଗ

କଲାମଙ୍କ ବିୟୋଗରେ ଓଡିଶାରେ ଶୋକ

July 28, 2015 by ନିଉଜ ଡେସ୍କ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ପୁରୀ,୨୮ ଜୁଲାଇ (ଓଡିଶା ଡଟ୍ କମ୍): ପୂର୍ବତନ ରାଷ୍ଟ୍ରପତି ତଥା ଭାରତ ରତ୍ନ ଏପିଜେ ଅବଦୁଲ କଲାମଙ୍କ ବିୟୋଗରେ ସାରା ଓଡିଶାରେ ଶୋକର ଛାୟା ଖେଳିଯାଇଛି ।

ଓଡିଶା ସହ ଅଙ୍ଗାଙ୍ଗି ଭାବେ ଜଡିତ ରହିଥିବାରୁ କଲାମଙ୍କ ବିୟୋଗର ଖବର ବହୁ ଲୋକଙ୍କୁ ବିଚଳିତ କରିଛି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୋକ ପ୍ରକାଶ କରି କହିଛନ୍ତି, ଅବଦୁଲ କଲାମ ଜଣେ ଦୂରଦୃଷ୍ଟି ସମ୍ପନ୍ନ ବ୍ୟକ୍ତିତ୍ଵ ସହ ଦେଶର ଲୋକପ୍ରିୟ ରାଷ୍ଟ୍ରପତି ମଧ୍ୟ ଥିଲେ ।

ସେ ଦେଶର ଶିଶୁମାନଙ୍କ ପାଇଁ ପ୍ରେରଣାର ଉତ୍ସ ଥିଲେ, ତାଙ୍କପରି ଜଣେ ବରପୁତ୍ରର ବିୟୋଗରେ ଦେଶରେ ଏକ ଅପୂରଣୀୟ ଶୂନ୍ୟସ୍ଥାନ ସୃଷ୍ଟି ହୋଇଛି।

କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ କହିଛନ୍ତି କଲାମ ଜଣେ ବିରଳ ବ୍ୟକ୍ତିତ୍ଵ ଥିଲେ । ଭାରତର କ୍ଷେପଣାସ୍ତ୍ର ଓ ଆଣବିକ ଅସ୍ତ୍ରର ଅନୁସନ୍ଧାନ ଓ ବିକାଶରେ ତାଙ୍କର ମୁଖ୍ୟ ଭୂମିକା ରହିଥିଲା ।

କେନ୍ଦ୍ର ପେଟ୍ରୋଲିୟମ ଓ ପ୍ରକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କୁ ଯୁବଶକ୍ତିର ପ୍ରେରଣା ଉତ୍ସ ଦର୍ଶାଇ କହିଛନ୍ତି, ଏକ ଗରିବ ପରିବାରରେ ଜନ୍ମ ହୋଇ ବିଭିନ୍ନ ପ୍ରତିକୂଳ ପରିସ୍ଥିତିର ସାମ୍ନା କରି ସେ ଜଣେ ବଡମଣିଷ ହୋଇପାରିଥିଲେ। ତାଙ୍କର ବିୟୋଗରେ ଦେଶ ଏକ ବିରାଟ କ୍ଷତି ସହିଛି।

ସେହିଭଳି ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ କହିଛନ୍ତି ଯେ ଦେଶ ଜଣେ ମିଜାଇଲ ମାନବ କୁ ହରାଇଲ।

ସ୍ୱାସ୍ଥ୍ୟ ମନ୍ତ୍ରୀ ଅତନୁ ସବ୍ୟସାଚ୍ଚୀ ନାୟକ, ଆଇନ ମନ୍ତ୍ରୀ ଅରୁଣ ସାହୁ, ଶକ୍ତି ମନ୍ତ୍ରୀ ପ୍ରଣବ ପ୍ରକାଶ ଦାସ, ପିସିସି ସଭାପତି ପ୍ରସାଦ ହରିଚନ୍ଦନ, ଏବଂ କିଟ୍ ଓ କିସ୍ ର ପ୍ରତିଷ୍ଠତା ଅଚ୍ୟୁତ ସାମନ୍ତ ପ୍ରମୁଖ ଏପିଜେ ଅବଦୁଲ କଲାମଙ୍କ ବିୟୋଗରେ ଗଭୀର ଶୋକ ପ୍ରକାଶ କରି ତାଙ୍କର ବିୟୋଗ ଦେଶର ଏକ ଅପୂରଣୀୟ କ୍ଷତି ବୋଲି ଦର୍ଶାଇଛନ୍ତି।

ସୋମବାର ମେଘାଳୟର ରାଜଧାନୀ ସିଲିଂ ଆଇଆଇଏମରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ସ୍ନାତକୋତ୍ତର ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଉଥିବା ସମୟରେ ହଠାତ କଲାମ ଅସୁସ୍ଥ ହୋଇ ତଳେ ପଡିଯାଇଥିଲେ।

ତତକ୍ଷଣାତ ତାଙ୍କୁ ସେହି ଅନୁଷ୍ଠାନ ନିକଟସ୍ଥ ବେଥାନି ହସ୍ପିଟାଲରେ ଭର୍ତି କରଯାଇଥିଲା। ହେଲେ ସେଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ମୃତ୍ୟୁ ବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା।

ତାଙ୍କ ବିୟୋଗରେ କେନ୍ଦ୍ର ସରକାର ୭ ଦିନିଆ ରାଷ୍ଟ୍ରୀୟ ଶୋକ ଘୋଷଣା କରିଥିବା ବେଳେ ରାଜ୍ୟ ସରକାର ମଙ୍ଗଳବାର ରାଜ୍ୟର ସମସ୍ତ ସରକାରୀ ଓ ଘରୋଇ ସ୍କୁଲ, କଲେଜ, ଏବଂ ସମସ୍ତ ଶିକ୍ଷାନୁଷ୍ଠାନଗୁଡିକର ଛୁଟି ପାଇଁ ଘୋଷଣା କରିଛନ୍ତି।

୧୯୩୧ ଅକ୍ଟୋବର ୧୫ରେ ତାମିଲନାଡୁର ରାମନାଥପୁରମ୍ ଜିଲ୍ଲା ଅନ୍ତର୍ଗତ ରାମେଶ୍ଵରମ୍ ଠାରେ ଜଣେ ଗରିବ ମୁସଲିମ ଡଙ୍ଗା ଚାଳକ ପରିବାରରେ ଜନ୍ମ ଗ୍ରହଣ କରିଥିବା କଲାମ ବହୁଘାତ ଓ ପ୍ରତିଘାତ ସତ୍ଵେ ନିଜକୁ ଜଣେ ବିଶିଷ୍ଠ ବ୍ୟକ୍ତି ଭାବେ ପ୍ରମାଣ କରିଥିଲେ ।

ଭାରତୀୟ କ୍ଷେପଣାସ୍ତ୍ରର ଜନକ କୁହାଯାଉଥିବା କଲାମ ଅତିକମରେ ୩୦ଟି ବିଶ୍ଵବିଦ୍ୟାଳୟରୁ ସମ୍ମାନଜନକ ଡକ୍ଟରେଟ ଉପାଧି ଲାଭକରିବା ସହ ୧୯୮୧ରେ ପଦ୍ମଭୂଷଣ, ୧୯୯୦ରେ ପଦ୍ମ ବିଭୂଷଣ ପ୍ରାପ୍ତ କରିଥିଲେ। ୧୯୯୭ରେ ଇନ୍ଦିରାଗନ୍ଧି ଜାତୀୟ ଏକତା ସମ୍ମାନ, ୧୯୯୮ରେ ବୀର ସର୍ବରାକର ସମ୍ମାନ, ୨୦୦୦ରେ ରାଜା ରାମାନୁଜନ ସମ୍ମାନ, ଓ ୨୦୦୭ ରେ ୟୁକେ ରୟାଲ ସୋସାଇଟି ଦ୍ଵାରା କିଙ୍ଗ କାର୍ଲସ ପଦକ ଆଦି ପ୍ରାପ୍ତ କରିଥିଲେ।

ଏହାବ୍ୟତୀତ ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନ ଓ ଡକ୍ଟର ଜାକିର ହୁସନେଙ୍କ ପରେ ସେ ହେଉଛନ୍ତି ତୃତୀୟ ବ୍ୟକ୍ତିତ୍ଵ ଯିଏ ରାଷ୍ଟ୍ରପତି ହେବ ପୁର୍ବରୁ ଭାରତର ସର୍ବୋଚ୍ଚ ନାଗରିକ ସମ୍ମାନ ‘ଭାରତ ରତ୍ନ’ ପ୍ରାପ୍ତ କରିଥିଲେ।
ଏପରି ଜଣେ ମହାନ ବ୍ୟକ୍ତିତ୍ଵଙ୍କର ହଠାତ ବିୟୋଗରେ ଦେଶ ଓ ସାରା ରାଜ୍ୟରେ ଏକ ଶୋକାକୁଳ ପରିବେଶ ଓ ପରିସ୍ଥିତି ସୃଷ୍ଟି ହୋଇଛି ।

ତାଙ୍କର ବିୟୋଗରେ ରାଷ୍ଟ୍ରପତି ଶୋକ ପ୍ରକାଶ କରି କହିଛନ୍ତି, ଦେଶ ତା’ର ଜଣେ ମହାନ ସନ୍ତାନକୁ ହରାଇଲ ଯିଏ ସଦାସର୍ବଦା ଜାତି ଓ ଦେଶ ପାଇଁ ନିଜ ପ୍ରାଣ ଉତ୍ସର୍ଗୀକୃତ କରୁଥିଲା।

ସେହିପରି ଭାରତର ବିଜ୍ଞାନକୁ ଏକ ନୂଆ ଶିଖରରେ ପହଞ୍ଚାଇଥିବା ଜଣେ ମାର୍ଗଦର୍ଶକକୁ ହରାଇଥିବା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।

କଂଗ୍ରେସ ଅଧକ୍ଷା ସୋନିଆ ଗାନ୍ଧୀ କହିଛନ୍ତି, ଦେଶର ବିଜ୍ଞାନ ଓ ଗବେଷଣା କ୍ଷେତ୍ରରେ ଅତୁଳନୀୟ ଅବଦାନ ଥିବା କଲାମଙ୍କ ପରି ଜଣେ ମହାନ ବୈଜ୍ଞାନିକ ଓ ଶିକ୍ଷାବିତକୁ ହରାଇ ଦେଶର ଏକ ଅପୂରଣୀୟ କ୍ଷତି ସୃଷ୍ଟି ହୋଇଛି।

ଓଡିଶା ଡଟ୍ କମ୍

ନିଉଜ ଡେସ୍କ
ନିଉଜ ଡେସ୍କ

Filed Under: ରାଜନୀତି Tagged With: କଲାମ, ବିୟୋଗ

ଜାନକୀଙ୍କ ବିୟୋଗରେ ବିଭିନ୍ନ ମହଲରେ ଶୋକ

April 21, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦ ଦାତା

ଭୂବନେଶ୍ଵର, ଏପ୍ରିଲ ୨୧ (ଓଡିଶା ଡଟ କମ) ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ବିୟୋଗରେ ବିଭିନ୍ନ ମହଲରେ ଶୋକ ପ୍ରକାଶ ପାଇଛି ।

ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ, କଂଗ୍ରେସ ମୁଖ୍ୟା ସୋନିଆ ଗାନ୍ଧୀ, ମୁଖ୍ୟମନ୍ତ୍ରୀ, ନବୀନ ପଟନାୟକ, ରାଜ୍ୟପାଳ ଏସସି ଜମିର, କେନ୍ଦ୍ରମନ୍ତ୍ରୀ ଜୁଏଲ  ଓରାମ, ଧର୍ମେନ୍ଦ୍ର ପ୍ରଧାନ ତଥା ବିଭିନ୍ନ ଦଳର ନେତା, ସରକାରୀ ଓ ବେସରକାରୀ ସଙ୍ଗଠନର ପଦାଧିକାରୀ ଭିନ୍ନ ଭିନ୍ନ ବାର୍ତ୍ତା ଜରିଆରେ ନିଜର ଶୋକ  ପ୍ରକାଶ କରିଛନ୍ତି।

ଏହା ସହ ପଢନ୍ତୁ

ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ପରଲୋକ

 

“ଓଡିଶାର ବିକାଶ ଦିଗରେ ଜାନକୀ ବଲ୍ଲଭ ପଟ୍ଟନାୟକଙ୍କ ଭୂମିକା ଅବିସ୍ମରଣୀୟ । ସେ ଜଣେ ଲୋକପ୍ରିୟ ନେତା ଥିଲେ, ପ୍ରଧାନମନ୍ତ୍ରୀ ମୋଦୀ ନିଜ  ଶୋକ ବାର୍ତ୍ତାରେ କହିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜ ବାର୍ତ୍ତାରେ କହିଛନ୍ତି ଜାନକୀ ବଲ୍ଲଭ ପଟ୍ଟନାୟକଙ୍କ ବିୟୋଗ ରାଜ୍ୟ ପାଇଁ ଏକ ଅପୂରଣୀୟ କ୍ଷତି ।

କେନ୍ଦ୍ରମନ୍ତ୍ରୀ ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ଶୋକ ପ୍ରକଟ କରି କହିଛନ୍ତି ,”ଭାରତ ଆଜି ଜଣେ ବିଶିଷ୍ଠ ରାଜନେତା ତଥା  ସମାଜସେବୀଙ୍କୁ ହରାଇ ଦେଇଛି। ଓଡିଶା ପ୍ରତି ତାଙ୍କର ଅତୁଳନୀୟ ଅବଦାନ ରହିଛି । ପଟ୍ଟନାୟକ ତିନି ଥର ଓଡିଶା ର ମୁଖ୍ୟମନ୍ତ୍ରୀ ପଦରେ  ଅଳଙ୍କୃତ ହୋଇଥିଲେ।

ସେ ଜଣେ ମିଷ୍ଠଭାଷୀ, ଜ୍ଞାନୀ ଓ ସୁସାହିତ୍ୟିକ ହୋଇଥିବା ସହ କଂଗ୍ରେସ ପାର୍ଟିର ଜଣେ ଆଗଧାଡିର ନେତା ହିସାବରେ ରାଷ୍ଟ୍ରୀୟ ସ୍ତରରେ ମଧ୍ୟ ତାଙ୍କର ଯୋଗଦାନ ଥିଲା । ସେ କେନ୍ଦ୍ରମନ୍ତ୍ରୀ ଭାବରେ ଅନେକ ମହତ୍ଵପୂର୍ଣ କାର୍ଯ୍ୟ କରିଥିଲେ, ଓ ଆସାମର ରାଜ୍ୟପାଳ ଦାୟିତ୍ଵ ମଧ୍ୟ ସେ ସୂଚାରୁରୂପେ ତୁଲାଇଥିଲେ।” ଓରାମ କହିଛନ୍ତି ।

‘ତାଙ୍କର ବିୟୋଗ ରେ ରାଜନୀତି କ୍ଷେତ୍ରରେ ଏକ ଶୂନ୍ୟସ୍ଥାନ ସ୍ତୃଷ୍ଟି ହୋଇଛି ବୋଲି କହି ସ୍ଵର୍ଗତ ପଟ୍ଟନାୟକଙ୍କ ପରିବାର ଓ ଅନୁଗତଙ୍କ ପ୍ରତି  ଓରାମ ଗଭୀର ସମବେଦନା ଜଣାଇଛନ୍ତି ।

ବିଜେପି ନେତା ସୁରେଶ ପୂଜାରୀ,କହିଛନ୍ତି ପଟ୍ଟନାୟକ ତିନି ଥର ମୁଖ୍ୟମନ୍ତ୍ରୀ ହୋଇଥିବା ବେଳେ ତାଙ୍କୁ ଓଡିଶା ରାଜନୀତିର ‘ଭିଷ୍ମ ପିତାମହ’  ବୋଲି କୁହାଯାଏ ।

ତାଙ୍କ ପରି ଜେଣେ ସୁନାମଧନ୍ୟ ସାହିତ୍ୟିକ, ଲେଖକ ଓ ରାମାୟଣ, ମହାଭାରତ, ଶ୍ରୀମଦ ଭାଗବତ ଗୀତା ଭଳି ମହାନ ପୁସ୍ତକ  ଅନୁବାଦ କରିଥିବା ବ୍ୟକ୍ତି ବିଶେଷ ଆଜି ଅକ୍ଷୟ ତୃତୀୟା ଭଳି ପବିତ୍ର ଦିନରେ ମରଧାମ ତ୍ୟାଗ କରିଛନ୍ତି। ସେ ଓଡିଶା ରାଜନୀତିରେ ଜଣେ ପ୍ରତିଭାବନ ବ୍ୟକ୍ତି ଥିଲେ। ତାଙ୍କର ବିୟୋଗ ରେ ଗୋଟେ ଯୁଗର ଅବସାନ ଘଟିଛି, ସେ କହିଛନ୍ତି।

ଭାରତୀୟ ଜାତୀୟ କଂଗ୍ରେସ ର ମୁଖପାତ୍ର ଭକ୍ତ ଚରଣ ଦାସ, କହିଛନ୍ତି ”ଜେ.ବି ପଟ୍ଟନାୟକ ମୁଖ୍ୟମନ୍ତ୍ରୀ ଥିବାବେଳେ ଲୋକମାନଙ୍କର ପ୍ରଗତି ଓ ବିଭିନ୍ନ ସମସ୍ୟାର ସମାଧାନ କ୍ଷେତ୍ରରେ କାମ କରି ଦେଶ ଉନ୍ନତି ପାଇଁ ଯୋଗଦାନ ଦେଇଥିଲେ । ରାଜନୀତିରେ ସେ ଏକ ପ୍ରେରଣା ଦାୟକ ବ୍ୟକ୍ତିବିଶେଷ ଥିଲେ, ତାଙ୍କର ବିୟୋଗରେ ଦେଶର ରାଜନୀତିରେ ଏକ ଅପୂରଣୀୟ କ୍ଷତି ହୋଇଛି।

ଜାନକୀ ବାବୁ ଓଡିଶା ରାଜନୀତିର ଚାଣକ୍ୟ ଥିଲେ ଓ ସେ ବହୁ ପ୍ରତିଭାର ଅଧିକାରୀ ଥିଲେ,ତାଙ୍କର ସ୍ଥାନ ଓଡିଶା ରାଜନୀତିରେ ଅପୂରଣୀୟ ଅଟେ  ବରିଷ୍ଠ ବିଜେଡି ନେତା ତଥା ମନ୍ତ୍ରୀ ଡ.ଦାମୋଦର ରାଉତ କହିଛନ୍ତି।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ରାଜନୀତି Tagged With: ଜାନକୀ ବଲ୍ଲଭ ପଟ୍ଟନାୟକ, ତିରୋଧାନ, ବିୟୋଗ

Primary Sidebar

RSS LATEST

  • MO school to promote scientific learning
  • ବରିଷ୍ଠ ଅଭିନେତା ବିରାଜ ଦାସଙ୍କ ପରଲୋକ
  • ଡ଼ମ୍ପିଂ ରୁ ଅଳିଆ ଉଠୁ ନ ଥିବାରୁ ଅସନ୍ତୋଷ
  • ମହିଳା ନିର୍ବାଚିତ ଜନ ପ୍ରତିନିଧି ମାନଙ୍କ ତାଳିମ୍ ଅନୁଷ୍ଠିତ
  • ସନ୍ତୋଷୀ ମାଙ୍କ ମନ୍ଦିର ପ୍ରତିଷ୍ଠା ପାଇଁ ୧୦୮ କଳସ ଯାତ୍ରା
  • ପ୍ରଶାସନ ଓ ଜିଲ୍ଲା ପେଟ୍ରୋଲ ପମ୍ପ ମାଲିକମାନଙ୍କ ମଧ୍ୟରେ ସମନ୍ଵୟ ବୈଠକ
  • ନାବାଳିକା ନିର୍ଯାତନା ମାମଲାରେ କନଷ୍ଟେବଳ ଗିରଫ
  • ଖୋର୍ଦ୍ଧାରେ ଆଜିକାର ତାପମାତ୍ରା ୩୫ ଡିଗ୍ରୀ
  • ଗୋପାଳପୁରରେ ଆଜିକାର ତାପମାତ୍ରା ୩୩.୨ ଡିଗ୍ରୀ
  • ପାରାଦୀପରେ ଆଜିକାର ତାପମାତ୍ରା ୩୪.୪ ଡିଗ୍ରୀ