ଓଡିଶା ଡଟକମ ସଂବାଦଦାତା
କେନ୍ଦୁଝର , ଅକ୍ଟୋବର ୫ (ଓଡିଶା ଡଟ କମ) କେନ୍ଦୁଝର ଜିଲ୍ଲାରେ କୁଶେଇ ନଦୀ ଉପରେ ବ୍ରିଜ୍ ନିର୍ମାଣକୁ ନେଇ ସ୍ତୃଷ୍ଟି ହୋଇଥିବା ବିବାଦ ପରେ ଖଡଗ୍ପୁର ଆଇଆଇଟିର ଏକ ବୈଷୟିକ ଦଳ ପ୍ରସ୍ତାବିତ ସେତୁ ନିର୍ମାଣସ୍ଥଳ ପରିଦର୍ଶନ କରିଦେଖିଛନ୍ତି ।
ଏହି ତିନି ଜଣିଆ ଟିମରେ ଇଞ୍ଜିନିୟର ସଭାଥି ଶତପଥି,କୁଲଦିପ୍ ସ୍ବର୍ଣ୍ଣକାର ଓ ତର୍ପଣ ତିଲକ ପାତ୍ର ରହିଛନ୍ତି ।
ସେତୁ ନିର୍ମାଣସ୍ଥଳ ପରିଦର୍ଶନ କରିସାରିବାପରେ ସେମାନେ ସ୍ଥାନୀୟ ଲୋକଙ୍କ ସହ ଆଲୋଚନା କରିଛନ୍ତି । ଖୁବ୍ଶୀଘ୍ର ଏହି ଟିମ କେନ୍ଦ୍ର ସଡକ ପରିବହନ ମନ୍ତ୍ରୀଙ୍କୁ ଏନେଇ ରିପୋର୍ଟ ପ୍ରଦାନ କରିବ ।
ଗତ ଜୁଲାଇ ମାସରେ ଏହି ସେତୁର ନିର୍ମାଣକୁ କେନ୍ଦ୍ରକରି ଜନତା ଓ ପୋଲିସଙ୍କ ମଧ୍ୟରେ ଖଣ୍ଡଯୁଦ୍ଧ ହୋଇଥିଲା ଯେଉଁଥିରେ ଶତାଧିକ ଲୋକ ଗିରଫ ହୋଇଥିଲେ । ଘଟଣାକୁନେଇ ରାଜ୍ୟ ରାଜନୀତି ବି ସରଗରମ ହୋଇଥିଲା ।
ପରେ ସ୍ଥାନୀୟ ଲୋକ କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଥିଲେ । ଏଥିସହିତ ରାଜ୍ୟ ବିଜେପିର ଏକ ପ୍ରତିନିଧି ଦଳ ମଧ୍ୟ ଏପ୍ରସଙ୍ଗରେ ନୀତିନ ଗଡକାରୀଙ୍କ ସହିତ ଆଲୋଚନା କରିଥିଲେ ।
ଓଡିଶା ଡଟ କାମ
ମାନବାଧିକାର କର୍ମୀ ଶ୍ରୀ ଅଖଣ୍ଡଙ୍କ ଆବେଦନ ଉପରେ ବିଚାର କରି କମିଶନ ଏହି ନିଦେ୍ର୍ଧଶ ଦେଇଛନ୍ତି । ଆବେଦନକାରୀ ଦର୍ଶାଇଥିଲେ ଯେ, ଗତ ଜୁଲାଇ ୭ ତାରିଖ ଦିନ ବେଲବାହାଳିରେ କୁଶେଇ ନଦୀରେ ବ୍ରିଜ୍ ନିର୍ମାଣକୁ ବିରୋଧ କରି ଚାଲିଥିବା ଗଣଧାରଣାକୁ ଭଣ୍ଡୁର କରିବା ପାଇଁ ପୁଲିସ୍ ଅଚାନକ ଲାଠିଚାର୍ଜ କରିବା ସହିତ ଲୁହବୁହା ଗ୍ୟାସ୍ ପ୍ରୟୋଗ କରିଥିଲା ।