Connecting Odias
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବ୍ରହ୍ମପୁର, ମାର୍ଚ୍ଚ ୧(ଓଡ଼ିଶା ଡ଼ଟ୍ କମ୍) ଗଞ୍ଜାମ ଜିଲ୍ଲା ପୋଲିସ ନିକଟରେ ଗୁରୁବାର ଜଣେ ମାଓବାଦୀ ଅତ୍ମସମର୍ପଣ କରିଥିବା ଜଣେ ଅଧିକାରୀ କହିଛନ୍ତି ।
ଏସ୍ପି ରାଜେଶ ପଣ୍ଡିତଙ୍କ ନିକଟରେ ବଡ଼ଗଡ଼ ଅଞ୍ଚଳର ମାଓବାଦୀ ତୋଫାନ ସାହୁ ଆତ୍ମସମର୍ପଣ କରିଥିବା ବେଳେ ସେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କ ଘନିଷ୍ଠ ସହଯୋଗୀ ବୋଲି ସେ କହିଛନ୍ତି ।
ଗତ କିଛିଦିନ ତଳେ ଦୁଇ ଜଣ ମହିଳାଙ୍କ ସହ ତିନି ଜଣ ମାଓବାଦୀ ଆତ୍ମସମର୍ପଣ କରିଥିଲେ ।
ଓଡ଼ିଶା ଡ଼ଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଫେବୃୟାରୀ ୨୯(ଓଡ଼ିଶା ଡ଼ଟ୍ କମ୍) ବ୍ରହ୍ମପୁର ସହରକୁ ଜଳ ଯୋଗାଣ ପାଇଁ ନିର୍ମାଣଧିନ ଟ୍ରିଟ୍ମେଂଟ ପ୍ଲାଂଟ ଚଳିତ ଅପ୍ରେଲ ୧୫ ସୁଦ୍ଧା କାର୍ଯ୍ୟକ୍ଷମ ହେବ ବୋଲି ବୁଧବାର ଏକ ଉଚ୍ଚ ସ୍ତରୀୟ ବୈଠକରେ କୁହାଯାଇଛି ।
ଏହାଦ୍ୱାରାସହରବାସୀଙ୍କୁ ଦୈନିକ ଅଧିକ ୨୦ ମିଲିଅନ ଲିଟର ପାନୀୟ ଜଳ ଯୋଗାଣ ହୋଇ ପାରିବ । ବର୍ତମାନ ସହରବାସୀଙ୍କୁ ବିଭିନ୍ନ ସୂତ୍ରରୁ ଦୈନିକ ୩୭ ମିଲିଅନ ଲିଟର ଜଳ ଯୋଗାଣ କରାଯାଉଛି । ନୂଆ ପ୍ଲାଂଟ କାର୍ଯ୍ୟକ୍ଷମ ହେବାପରେ ଦୈନିକ ୫୭ ମିଲିଅନ ଲିଟର ଜଳ ଯୋଗାଣ କରାଯାଇ ପାରିବ ।
ସହରକୁ ୨୪ ଘଂଟିଆ ଜଳ ଯୋଗାଣ ଭିତ୍ତିଭୂମି ସୁୃଢୀକରଣ ପ୍ରକଳ୍ପ ପାଇଁ ୫୯ କୋଟି ଟଙ୍କା ବିନିଯୋଗ କରିବାକୁ ନିଷ୍ପତି ହୋଇଛି ।
ସେହିପରି ସହରର ଦୀର୍ଘକାଳୀନ ଆବଶ୍ୟକତାକୁ ଦୃଷ୍ଟିରେ ରଖି ଏକ ବୃହତ୍ ପ୍ରକଳ୍ପ ପାଇଁ ରିପୋର୍ଟ ପ୍ରସ୍ତୁତ କରାଯାଇଛି । ଆସନ୍ତା ୩୦ ବର୍ଷର ଆବଶ୍ୟକତା ପାଇଁ ଜାନିଭିଲି ଆନିକଟରୁ ୧୨୫ ମିଲିଅନ ଲିଟର ଜଳ ଉଠାଣ ପାଇଁ ଯୋଜନା ପ୍ରସ୍ତୁତ କରାଯାଇଛି । ଏଥିପାଇଁ ପ୍ରାୟ ୨୫୦ କୋଟି ଟଙ୍କା ଖର୍ଚ୍ଚ ହେବ ବୋଲି କୁହାଯାଇଛି ।
ଓଡ଼ିଶା ଡ଼ଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବ୍ରହ୍ମପୁର, ଫେବୃୟାରୀ ୧୪(ଓଡ଼ିଶା ଡ଼ଟ୍ କମ୍) ଗଞ୍ଜାମ ଜିଲ୍ଲାରେ ପୋଲିସ ମଙ୍ଗଳବାର ଦୁଇ ଜଣ ମହିଳାଙ୍କ ସମେତ ତିନି ଜଣ ମାଓବାଦୀଙ୍କୁ ଗିରଫ କରିଛି ।
ଜିଲ୍ଲା ପୋଲିସ ଓ ସିଆର୍ପିଏଫ୍ ଯବାନମାନେ ମିଳିତ ଭାବେ ଚଢ଼ାଉ କରି ଏହି ତିନି ଜଣଙ୍କୁ ଗିରଫ କରିଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ।
ଗିରଫ ମାଓବାଦୀମାନେ ହେଲେ ମାଳତୀ ମାଝି, ତଲୋମ ସନୋ ଓରଫ ରତ୍ନା ଓ କଦମ୍ବ ବୁଲୁ ଓରଫ ବିଜଲ । ମାଳତୀ ୨୦୦୭ରେ ମାଓବାଦୀ ସଂଗଠନରେ ଯୋଗଦେଇଥିବା ବେଳେ ସେ ନୟାଗଡ଼ଆକ୍ରମଣ ସହ ଅନ୍ୟ ଘଟଣାରେ ସଂପୃକ୍ତ ଥିବା ଏସ୍ପି ଗଣମାଧ୍ୟମକୁ କହିଛନ୍ତି ।
ସେହିପରି ତଲୋମ ୨୦୧୦ରେ ସଂଗଠନରେ ଯୋଗଦେଇ ଛତିଶଗଡ଼ ସିଆର୍ପିଏଫ୍ କ୍ୟାମ୍ପ ଆକ୍ରମଣ ଘଟଣାରେ ସଂପୃକ୍ତ ଏବଂ ବିଜଲ ୨୦୦୮ରେ ଛତିଶଗଡ଼ ମାଓ ସଂଗଠନରେ ଯୋଗେଇ ଶ୍ରୀରାମପୁର ବିସ୍ଫୋରଣ ସହିତ ଅନ୍ୟ ବିସ୍ଫୋରଣ ଘଟଣାରେ ସାମିଲ ଥିଲା ବୋଲି ସେ କହିଛନ୍ତି ।
ରତ୍ନା ଓ କମ୍ବ ଭଞ୍ଜନଗର ଛତିଶଗଡ଼ ଡିଭିଜନର ମାଓବାଦୀ ହୋଇଥିବା ବେଳେ ମାଳତୀ ସବ୍ୟସାଚୀ ପଣ୍ଡାଙ୍କ ଦେହରକ୍ଷୀ ଭାବେ ଭାବେ କାର୍ଯ୍ୟ କରୁଥିଲେ, ସେ କହିଛନ୍ତି ।
ଓଡ଼ିଶା ଡ଼ଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବ୍ରହ୍ମପୁର, ଫେବୃୟାରୀ ୨(ଓଡ଼ିଶା ଡ଼ଟ୍ କମ୍) ଗଞ୍ଜାମ ଜିଲ୍ଲା ଅଙ୍ଗାରଗାଁ ପଂଚାୟତର ନୂଆଗଡ଼ରେ ବେଆଇନ ଭାବେ ଚାଲିଥିବା ଏକ ଦେଶୀ ବନ୍ଧୁକ କାରଖାନା ଗୁରୁବାର ପୋଲିସ ଠାବ କରିବା ସହ ଜଣେ ବ୍ୟକ୍ତିଙ୍କଚ ଗିରଫ କରିଛି ।
ପୋଲିସ ଉକ୍ତ କାରଖାନାରୁ ପାଂଚଟି ଦେଶୀ ବନ୍ଧୁକ ଏବଂ ବନ୍ଧୁକ ତିଆରି ବିଭିନ୍ନ ସାମଗ୍ରୀ ଜବତ କରିଥିବା ଜଣେ ପୋଲିସ ଅଧିକାରୀ କହିଛନ୍ତି ।
ପୋଲିସ କୌଣସି ସୂତ୍ରରୁ ଖବର ପାଇ ବୁଧବାର ରାତିରେ ଜଣେ ବ୍ୟକ୍ତିଙ୍କ ଘର ଉପରେ ଚଢ଼ାଉ କରି ଦୁଇଟି ଦେଶୀ ବନ୍ଧୁକ ଓ ଅନ୍ୟାନ୍ୟ ସାମଗ୍ରୀ ଜବତ କରିଥିଲା ।
ସଂପୃକ୍ତ ବ୍ୟକ୍ତିଙ୍କୁ ପଚରାଉଚରା ସମୟରେ ସେ ଏହି କାରଖାନା ସଂପର୍କରେ ସୂଚନା ଦେବାରୁ ପୋଲିସ ସେଠାରେ ଚଢାଉ କରିଥିଲା ।
ଓଡ଼ିଶା ଡ଼ଟ୍ କମ୍
ଜାନୁୟାରୀ ୧୭ ମଙ୍ଗଳବାର ବ୍ରହ୍ମପୁର ମହାନଗର ମହୋତ୍ସବ ପକ୍ଷରୁ ବରିଷ୍ଠ ସାମ୍ବାଦିକ ତଥା ଓଡ଼ିଶା ଡ଼ଟ୍ କମ୍ର ସଂପାଦକ ପ୍ରଶାନ୍ତ ପଟ୍ଟନାୟକଙ୍କୁ ସମ୍ମାନୀତ କରାଯାଇଛି ।
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବ୍ରହ୍ମପୁର,ଡ଼ିସେମ୍ବର୭(ଓଡ଼ିଶା ଡ଼ଟ୍ କମ୍)ଗର୍ଭବତୀ ମହିଳା ଓ ନବଜାତ ଶିଶୁମାନଙ୍କୁ ସ୍ୱାସ୍ଥ୍ୟସେବା ଯୋଗାଇବୋ ପାଇଁ ବ୍ରହ୍ମପୁରଠାରେ ଥିବା ପ୍ରସୂତି ଚିକିତ୍ସାଳୟ ଏବେ ଜରାଜୀର୍ଣ୍ଣ ଅବସ୍ଥାରେ ପଡ଼ିରହିଛି ।
ଏହି ଚିକିତ୍ସାଳୟ ୧୯୬୦ମସିହାରେ ଆର୍ନ୍ତଜାତୀୟ ରେଡ଼୍କ୍ରସ ସଂଘ ସହାୟତାରେ ନିର୍ମାଣ କରାଯାଇଥିଲା । ଏଠାରେ ପ୍ରସବ କରାଇଲେ ମହିଳାମାନେ ସରକାରଙ୍କ ଦ୍ୱାରାଯୋଗାଇ ଦିଆଯାଉଥିବା “ମମତା’ ଓ “ଜନନୀ ସୁରକ୍ଷା’ ଯୋଜନାଗୁଡ଼ିକର ସୁଫଳ ପାଇପାରୁନାହାନ୍ତି ।
ତେଣୁ ପ୍ରାୟତଃ ଗର୍ଭବତୀ ମହିଳାମାନ ଏଠାକୁ ଆସିବା ପାଇଁ ରାଜି ହେଉନାହାନ୍ତି । “”ଏହି ଡ଼ାକ୍ତରଖାନାକୁ ଜଣେ ବି କେହି ଗର୍ଭବତୀ ମହିଳା ପ୍ରସବ କରାଇବା ପାଇଁ ଆସୁନାହାନ୍ତି ।
ସେମାନେ କେବଳ ମାସିକ ସ୍ୱାସ୍ଥ୍ୟ ପରୀକ୍ଷା କରାଇବା ପାଇଁ ଆସିଥାଆନ୍ତି”ବୋଲି ବ୍ରହ୍ମପୁର ସିଟି ହସପିଟାଲରୁ ଡ଼େପୁଟେସନରେ ଆସିଥିବା ଜଣେ ଡ଼ାକ୍ତର କହିଛନ୍ତି ।
“”ହସ୍ପିଟାଲର ଆର୍ଥିକ ଦୂରାବସ୍ଥା ଯୋଗୁଁ ଆମେ ଏହାର ଶଯ୍ୟା ତଥା କର୍ମଚାରୀ ସଂଖ୍ୟା ହ୍ରାସ କରିଦେଇଛୁ । ଏ ସଂପର୍କରେ ମୁଁ ଉଭୟ ରେଡ଼୍କ୍ରସ ଓ ରାଜ୍ୟ ସରକାରଙ୍କୁ ପତ୍ର ଦେଇଥିଲେ ମଧ୍ୟ ତାହାର କୌଣସି ସୁଫଳ ମିଳିପାରିନାହିଁ ”ଏହାର ଅବୈତନିକ ଅଧୀକ୍ଷକ ଡା଼. ଏନ୍.ସି ପାଢୀ କହିଛନ୍ତି ।
ଓଡ଼ିଶା ଡ଼ଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ନଭେମ୍ବର ୮(ଓଡ଼ିଶା ଡ଼ଟ୍ କମ୍) କାର୍ତିକ ପୂର୍ଣ୍ଣିମା, ପଂଚୁକ ତଥା ଛାଡ଼ଖାଇ ପାଇଁ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ପୁରୀ ଏବଂ ବ୍ରହ୍ମପୁର ମଧ୍ୟରେ ସ୍ୱତନ୍ତ୍ର ଟ୍ରେନ୍ ଚଳାଚଳ ପାଇଁ ପୂର୍ବତଟ ରେଳବାଇ ପକ୍ଷରୁ ମଙ୍ଗଳବାର କୁହାଯାଇଛି ।
ବ୍ରହ୍ମପୁର-ପୁରୀ ସ୍ୱତନ୍ତ୍ର ଟ୍ରେନ୍ ବ୍ରହ୍ମପୁରରୁ ୯ ତାରିଖଦିନ ୧ଟାରେ ବାହାରି ସେହିଦିନ ୭.୩୦ରେ ପୁରୀରେ ପହଂଚିବ । ଫେରିବା ବେଳେ ଟ୍ରେନ୍ଟି ପୁରୀରୁ ୧୦ ତାରିଖ କାର୍ତିକ ପୂର୍ଣ୍ଣିମାଦିନ ୧୧ଟାରେ ବାହାରି ୧୧ ତାରିଖ ଭୋର ୫ଟାରେ ବ୍ରହ୍ମପୁରରେ ପହଂଚିବ ।
ସେହିପରି ଅନ୍ୟ ଏକ ଯାତ୍ରୀବାହୀ ଟ୍ରେନ୍ ୧୧ ତାରିଖ ଛାଡ଼ଖାଇଦିନ ୯ଟାରେ ପୁରୀରୁ ବାହାରି ସେହିିଦିନ ୨ଟା ୩୦ରେ ବ୍ରହ୍ମପୁରରେ ପହଂଚିବ । ଏହି ଯାତ୍ରୀବାହୀ ଟ୍ରେନ ଗୁଡ଼ିକ ପୁରୀ-ବ୍ରହ୍ମପୁର ମଧ୍ୟରେ ସମସ୍ତ ଷ୍ଟେସନରେ ରହିବ ।
ଓଡ଼ିଶା ଡ଼ଟ୍ କମ୍