ଭଦ୍ରକ ଜିଲ୍ଲା

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ମାର୍ଚ୍ଚ ୨୯(ଓଡ଼ିଶା ଡ଼ଟ୍ କମ୍) ଚାରି ଦଫା ଦ।ବିରେ ଭଦ୍ରକ ଜିଲ୍ଲାର ୧୬ ଜଣ ପ୍ରାଣୀ ଚିକିତ୍ସକ ଓ ସହକାରୀ ଅତିରିକ୍ତ ପ୍ରାଣୀ ଚିକିତ୍ସକ ଗୁରୁବାର ଠାରୁ କଳାବ୍ୟାଜ ପରିଧାନ କରି ସମୂହ ଛୁଟିରେ ଯାଇଛନ୍ତି ।

ଷଷ୍ଠ ବେତନ କମିଶନ ସୁପାରିସ ଅନୁଯାୟୀ ରାଜ୍ୟର ଅନ୍ୟ ଡ଼ାକ୍ତର ଓ ପ୍ରାଣୀ ଚିକିତ୍ସକ ସମାନ ବର୍ଗର ହୋଇଥିବା ବେଳେ ସରକାର ଅନ୍ୟ ଡ଼ାକ୍ତରଙ୍କୁ କନିଷ୍ଠ ପ୍ରଥମ ଶ୍ରେଣୀର ମାନ୍ୟତା ପ୍ରଦାନ କରିଛନ୍ତି ।

କିନ୍ତୁ ପ୍ରାଣୀ ଚିକିତ୍ସକଙ୍କୁ ତାହା ଦେଇ ନାହାନ୍ତି ବୋଲି ରାଜ୍ୟ ପ୍ରାଣୀ ଚିକିତ୍ସକ ସଂଘ ଭଦ୍ରକ ଶାଖା ପକ୍ଷରୁ କୁହାଯାଇଛି ।

ଠିକା ଭିତ୍ତିକ ପ୍ରାଣୀ ଚିକିତ୍ସକ ମାନଙ୍କୁ ନିୟମିତ କରିବା, ପ୍ରାଣୀ ଚିକିତ୍ସକଙ୍କୁ କ୍ୟାଡ଼ର ଭିତ୍ତିକ କରିବା, ଠିକା ନିଯୁକ୍ତି ବଳରେ ଆଡ଼ହକ ଆଧାରରେ ନିଯୁକ୍ତି ପାଇଁ ସେମାନେ ଦ।ବି କରିଛନ୍ତି ।

ପ୍ରତ୍ୟେକ ପ୍ରାଣୀ ଚିକିତ୍ସକ ଯୁକ୍ତ ୨ ପାସ କରି ୫ବର୍ଷ ପାଠ ପଢ଼ିବାପରେ ଡ଼ିଗ୍ରୀ ହାସଲ କରୁଥିବା ବେଳେ ଅନ୍ୟ ଡ଼ାକ୍ତରମାନେ ମଧ୍ୟ ଅନୁରୂପ ଢ଼ଙ୍ଗରେ ଡ଼ିଗ୍ରୀ ହାସଲ କରୁଛନ୍ତି । ତେଣୁ ସରକାରଙ୍କ ଏପ୍ରକାର ବୈମାତୃକ ମନୋଭାବକୁ ସଂଘ ଦୃଢ଼ ବିରୋଧ କରିଛି ବୋଲି ଡ଼ାକ୍ତର ନିର୍ମଳ ଦ।ସ କହିଛନ୍ତି ।

ବ୍ୟକ୍ତିଗତ ଅସୁବିଧା ପାଇଁ ଛୁଟି ନେବାରେ କୌଣସି ଅସୁବିଧା ନାହିଁ । କିନ୍ତୁ ବିନା ଦରଖାସ୍ତରେ କୌଣସି ଡ଼ାକ୍ତର ଛୁଟିରେ ଥିବା ମୋ ନଜରକୁ ଆସିଲେ ନିଶ୍ଚିତ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସକ ଡ଼ାକ୍ତର ଦେବବ୍ରତ ରଥ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାଲେଶ୍ୱର, ଫେବୃୟାରୀ ୧୦(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲା ହ୍ୱିଲରଦ୍ୱୀପ ରୁ ଇନ୍ଟରସେପ୍ଟର
(କ୍ଷେପଣାସ୍ତ୍ର ବିଧ୍ୱଂସୀ କ୍ଷେପଣାସ୍ତ୍ର)ର ଶୁକ୍ରବାର ସଫଳ ପରୀକ୍ଷଣ କରାଯାଇଛି ।

ପ୍ରଥମେ ଚାନ୍ଦିପୁର ସ୍ଥିତ ସମନ୍ୱିତ ପରୀକ୍ଷଣ କେନ୍ଦ୍ରର ୩ ନମ୍ବର ଲଂଚ ପ୍ୟାଡ଼ରୁ ୧୦ଟା ୧୩ରେ
ମୋବାଇଲ ଲଂଚର ଯୋଗେ ମଧ୍ୟମ ଦ୍ରୁତଗାମୀ କ୍ଷେପଣାସ୍ତ୍ର “ପୃଥ୍ୱୀ’କୁ ଉତକ୍ଷେପଣ କରାଯାଇଥିଲା ଏବଂ
ଏହାର ତିନି ମିନିଟ୍ ପରେ ହ୍ୱିଲର ଦ୍ୱୀପ ରୁ ଇନ୍ଟରସେପ୍ଟରକୁ ଛଡ଼ାଯାଇଥିଲା ।

ସ୍ୱଦେଶୀ ଜ୍ଞାନକୌଶଳରେ ନିର୍ମିତ ୭.୫ ମିଟର ଲମ୍ବ ବିଶିଷ୍ଟ ଏହି କ୍ଷେପଣାସ୍ତ୍ର ୧୫ କିମି ଦୂରତାରେ
କ୍ଷେପଣାସ୍ତ୍ରକୁ ଧ୍ୱଂସ କରିଥିଲା ।

ପୂର୍ବରୁ ୨୦୦୬, ୨୦୦୭, ୨୦୦୯, ୨୦୧୦ ଏବଂ ଶେଷ ଥର ପାଇଁ ଗତ ୨୦୧୧ ମାର୍ଚ୍ଚ ୬ରେ
ଏହାର ସଫଳ ପରୀକ୍ଷଣ କରାଯାଇଥିଲା ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଫେବୃୟାରୀ ୬(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲାରେ ମିଥ୍ୟା ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ପ୍ରଦାନ କରି ଚାକିରୀ କରୁଥିବା ଦୁଇ ଜଣ ଶିକ୍ଷା ସହାୟକଙ୍କୁ ବହିଷ୍କାର କରାଯାଇଛି ।

ଜିଲ୍ଲା ପ୍ରକଳ୍ପ ସଯୋଜକ ଭଣ୍ଡାରିପୋଖରୀ ବ୍ଲକ ଅର୍ନ୍ତଗତ ଫତେପୁର ଗ୍ରାମରେ ଅଜିତ କୁମାର ଜେନା ଏବଂ କିସ୍ମତପୁରକୃଷ୍ଣ ଗ୍ରାମର ସୁଶାନ୍ତ କୁମାର ଭୋଇଙ୍କୁ ବହିଷ୍କାର କରିଛନ୍ତି ।

ଜେନା ଚାକିରୀ ପାଇବା ପୂର୍ବରୁ ଧନ୍ଦାମୂଳକ ଶିକ୍ଷାଗତ ଯୋଗ୍ୟତାର ଯେଉଁ ପ୍ରମାଣପତ୍ର ପ୍ରଦାନ କରିଥିଲେ ତାହା ପରବର୍ତୀ ସମୟରେ ମିଥ୍ୟା ପ୍ରମାଣିତ ହୋଇଥିବା ବେଳେ ଭୋଇ ମନ୍ଦାରୀ କଲେଜରୁ ଯୁକ୍ତ ୨ଫେଲ ହେବାପରେ ଏକ ଜାଲ କଲେଜ ଲିଭିଂ ପ୍ରମାଣପତ୍ର ଯୋଗାଡ଼ କରି ଚାକିରୀ କରିଥିବା ପ୍ରମାଣିତ ହୋଇଥିଲା ।

କେବଳ ଏହିଦୁଇଟି ଘଟଣା ନୁହେଁ ବରଂ ଏଭଳି ଅନେକ ଜାଲ ପ୍ରମାଣପତ୍ର ଧାରୀ ଶିକ୍ଷା ସହାୟକ ପରେ ଅବସ୍ଥାପିତ ହୋଇଥିବା ସନ୍ଦେହ କରାଯାଉଛି । ଏହିପରି ଘଟଣାର ଏକ ବିଧିବଦ୍ଧ ତଦନ୍ତର ଆବଶ୍ୟକତା ରହିଛି ବୋଲି ସ୍ଥାନୀୟ ଅଂଚଳର ଲୋକମାନେ କହିଛନ୍ତି ।

ଯଦି ଶିକ୍ଷକମାନେ ମିଥ୍ୟା ପ୍ରମାଣପତ୍ର ଦେଇ ଚାକିରୀ କରିବେ ତେବେ ପ୍ରାଥମିକ ଶିକ୍ଷାର ଗୁଣାତ୍ମକ ମାନ ହ୍ରାସ ପାଇବା ସ୍ୱଭାବିକ ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଡ଼ିସେମ୍ବର ୨୨(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲାର ସାଳନ୍ଦୀ ସଂସ୍କାର ଯୋଜନା ଦ୍ୱାରା  ବିସ୍ଥାପିତ ହୋଇଥିବା ଲୋକମାନେ ଦୀର୍ଘ ଦିନ ବିତିଯାଇଥିଲେ ମଧ୍ୟ ନ୍ୟାୟ ମିଳିବା ଆଶାରେ ଅପେକ୍ଷା କରି ରହିଛନ୍ତି ।

ଏହି ଯୋଜନାରେ ବ୍ୟାପକ ଅନିୟମିତତା ଅଭିଯୋଗ ଜାତୀୟ ମାନବାଧିକାର କମିଶନଙ୍କ ଆଗମନ ପରେ ପ୍ରମାଣିତ ହୋଇଥିଲେ ମଧ୍ୟ କ୍ଷତିଗ୍ରସ୍ତ ଜମିହରାଙ୍କ ଦୁଃଖ ଲାଘବ ହୋଇନାହିଁ ।

ରାଜ୍ୟପାଳ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେ ଗତ ନଅ ମାସ ତଳେ ଏସଂପର୍କରେ ତଦନ୍ତ କରିବାକୁ ଜିଲ୍ଲା  ପ୍ରଶାସନକୁ ନିର୍ଦ୍ଦେଶ ଦେଇଥିଲେ ମଧ୍ୟ ବର୍ତମାନ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବାରୁ ଏହା ବୁଦ୍ଧିଜୀବୀଙ୍କୁ ବିସ୍ମିତ କରିଛି ।

ଯୁବ ଆଇନଜୀବୀ ରାଧାକାନ୍ତ ତ୍ରିପାଠୀଙ୍କ ଉ୍ୟମରେ ଯୋଜନାରେ ହୋଇଥିବା ଦୁର୍ନୀତି ପ୍ରମାଣିତ ହୋଇଥିଲେ ମଧ୍ୟ ଏହି ଅନିୟମିତତା ପଛରେ ଥିବା ଲୋକଙ୍କ ବିରୁଦ୍ଧରେ ପ୍ରଶାସନିକ ସ୍ତରରେ କୌଣସି କାର୍ଯ୍ୟାନୁଷ୍ଠାନ କରାଯାଇନଥିବାରୁ ଯୋଜନାର ସଫଳତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।

ଉଲ୍ଲେଖଯୋଗ୍ୟ, ଭଦ୍ରକକୁ ସାଳନ୍ଦୀ ତଥା ଏହାର ଶାଖା ନଦୀ ମାନଙ୍କରେ ଆସୁଥିବା ବନ୍ୟା କବଳରୁ ରକ୍ଷା କରିବା ସହ ଚାଷୀମାନଙ୍କର ବିକାଶ ପାଇଁ ଏନ୍ଡିଏ ସରକାରଙ୍କ ଅମଳରେ ଶହେକୋଟି ଟଙ୍କା ବ୍ୟୟରେ ସାଳନ୍ଦୀ ନଦୀ ଖନନ ପାଇଁ ଉଦ୍ୟମ ହୋଇଥିଲା ।

ତେବେ ଏହା ବର୍ତମାନ କେତେକ ପ୍ରଶାସନିକ ଅଧିକାରୀଙ୍କ ପାଇଁ ପ୍ରହସନରେ ପରିଣତ ହୋଇଛି । ଏହି ସଂସ୍କାର ଯୋଜନାରେ ଜମି ହରାଇଥିବା ବ୍ୟକ୍ତିଙ୍କ ଜମିର ମୂଲ୍ୟାୟନ କରୁଥିବା ବିଭାଗୀୟ ଅଧିକାରୀମାନେ ବହୁ ଅବନୈତିକ ପନ୍ଥା ଅବଲମ୍ବନ କରିଥିବା ଅଭିଯୋଗ ହୋଇଛି ।

ଜମି ଅଧିଗ୍ରହଣ ସମୟରେ ପ୍ରଚୁର ପରିମାଣର ଲାଂଚ ପ୍ରାନ କରି ନିଜ ପ୍ରାପ୍ୟ କ୍ଷତିର ପରିମାଣ ଠାରୁ ବହୁ ଅଧିକ ଅର୍ଥ କ୍ଷତିପୂରଣ କରିବାରେ ସକ୍ଷମ ହୋଇଛନ୍ତି ।

ତେବେ ଜମି ହରାଇଥିଲେ ମଧ୍ୟ ଲାଂଚ ଦେଇପାରିନଥିବା ବ୍ୟକ୍ତିଙ୍କ ଜମିରେ ଲକ୍ଷାଧିକ ଟଙ୍କାର ଗଛ ଥିବା ସତ୍ୱେ ସଂପୃକ୍ତ ସ୍ଥାନରେ ଗୋଟିଏ ବି ଗଛ ନଥିବା ରେକର୍ଡ ପ୍ରସ୍ତୁତ କରାଯାଇଥିବା ଅଭିଯୋଗ ହୋଇଛି ।

୨୦୦୬ରୁ ଏହି ଯୋଜନା ସାଳନ୍ଦୀ ଜଳସେଚନ ବିଭାଗ ଦ୍ୱାରାଆରମ୍ଭ କରାଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରାଶୁଭାରମ୍ଭ କରାଯାଇଥିଲା ।

ଏହାମଧ୍ୟରେ ବହୁ ବର୍ଷ ବିତିଯାଇଥିଲେ ମଧ୍ୟ ସାଳନ୍ଦୀ ସଂସ୍କାର ପ୍ରକଳ୍ପର ସମସ୍ତ ବିସ୍ଥାପିତଙ୍କୁ ଭୂ-ଅଧିଗ୍ରହଣ ପରିସରକୁ ଅଣାଯାଇ ନଥିବାରୁ କ୍ଷତିଗ୍ରସ୍ତମାନେ ନ୍ୟାୟ ପାଇଁ ଚାହିଁ ବସିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭଦ୍ରକ, ନଭେମ୍ବର ୩(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲା ସରପୁର ସ୍ଥିତ ଅଧ୍ୟାତ୍ମିକ ଅନୁଷ୍ଠାନ ଜୀବନଦର୍ଶନ ପରିଷ ପକ୍ଷରୁ ୨୯ତମ ବାର୍ଷିକ ଉତ୍ସବ ଆରମ୍ଭ ହୋଇଛି ।

ଗତ ୨ ତାରିଖରୁ ଆରମ୍ଭ ହୋଇଥିବା ଏହି ଉତ୍ସବ ନଅଦିନ ଧରି ଚାଲିବ ଓ ଆସନ୍ତା ୧୦ ତାରିଖରେ
ଯ୍ୟାପିତ ହେବାର କାର୍ଯ୍ୟକ୍ରମ ରହିଛି ।

ପରିଷ ପକ୍ଷରୁ ଆୟୋଜିତ ଏକ କଳସ ଶୋଭାଯାତ୍ରାରେ ଶତାଧିକ କଳସଯାତ୍ରୀ ନିକଟସ୍ଥ କପାଳି ନଦୀରୁ ଜଳ ଆଣି କାର୍ଯ୍ୟସୂଚୀ ସମ୍ବଳିତ ଉତ୍ସବ ଆରମ୍ଭ ହୋଇଛି । ମହିଳା ମାନଙ୍କ କଳସଯାତ୍ରା ସହ ପୁରୁଷ ମାନଙ୍କ ଶୃଙ୍ଖଳିତ ପଟୁଆର ବେଶ୍ ମନଛୁଅାଁ ହୋଇଥିଲା ।

ବିଭିନ୍ନ ଜିଲ୍ଲାରୁ ଅଂଶଗ୍ରହଣ କରିଥିବା ଭକ୍ତମାନଙ୍କ ଗହଣରେ ଜୀବନ ଦର୍ଶନ ପରିଷର ପ୍ରାଣ ପ୍ରତିଷ୍ଠାତା ଅକ୍ଷୟ କୁମାର ପତି ଏହାର ଶୁଭାରମ୍ଭ କରିଥିଲେ ।

ଏହି ଅବସରରେ ତିନିଦିନ ବ୍ୟାପୀ ସାଂସ୍କୃତିକ କାର୍ଯ୍ୟକ୍ରମ କରିବା ପାଇଁ ଯୋଜନା କରାଯାଇଛି । ରାହାସ ପୂର୍ଣ୍ଣିମାରେ ଅଗଣିତ ଭକ୍ତଙ୍କ ଗହଣରେ ଅନ୍ୟ ବର୍ଷ ଭଳି ଚଳିତ ବର୍ଷ ମଧ୍ୟ ମହୋତ୍ସବ ପାଳନ କରାଯିବ ।

ଜନ ସମାଜରେ ହିନ୍ଦୁ ସଂସ୍କୃତିର ମହନୀୟତା, ଶାନ୍ତି, ମୈତ୍ରୀର ପ୍ରତୀକ । ଆଧ୍ୟାତ୍ମିକ ଚେତନା ଜାଗ୍ରତ କରାଇବା ଏହାର ମୂଲ ଲକ୍ଷ୍ୟ । ଆଗାମୀଦିନରେ ଜିବନ ଦର୍ଶନ ପରିଷ ତୃତୀୟ ଥର ପାଇଁ ତାର ସ୍ୱୟଂଭୁ ପତ୍ରିକା ଲୋକାର୍ପଣ କରିବ ବୋଲି ପତି କହିଛନ୍ତି ।

ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ କଣ୍ଠଶିଳ୍ପୀ ତଥା ମନମୋହନ ସଙ୍ଗୀତ ପରିଷର ଗାୟକମାନେ ଭଜନ, ସଂକୀର୍ତ୍ତନ ଓ ପ୍ରବଚନର କାର୍ଯ୍ୟକ୍ରମ ରହିଥିବା ପରିଷର ଭଣେ ସଦସ୍ୟ କହିଛନ୍ତି ।

ଏହି ଅବସରରେ ରାଜ୍ୟର ବିଭିନ୍ନ ସ୍ଥାନରୁ ଆସୁଥିବା ବରିଷ୍ଠ ତଥା ସଫଳ ନାଗରିକ ମାନଙ୍କୁ ସମ୍ବର୍ଦ୍ଧନା ଦିବାକର କାର୍ଯ୍ୟକ୍ରମ ରହିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ହେମନ୍ତ ରାଉତ

ବାଲେଶ୍ୱର, ନଭେମ୍ବର ୨୫(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲା ହ୍ୱିଲର ଦ୍ଵୀପରୁ ଭୂପୃଷ୍ଠରୁ ଭୂପୃଷ୍ଠକୁ ନିକ୍ଷେପ କରାଯାଇ ପାରୁଥିବା ମଧ୍ୟମ ଦୁରଗାମୀ କ୍ଷେପଣାସ୍ତ୍ର ଅଗ୍ନି-୧ର ଗୁରୁବାର ସଫଳ ପରୀକ୍ଷଣ କରାଯାଇଥିବା ଜଣେ ଅଧିକାରୀ କହିଛନ୍ତି ।

୧୦ଟା ୧୦ରେ ପରୀକ୍ଷଣ କରାଯାଇଥିବା ଏହି କ୍ଷେପଣାସ୍ତ୍ର ଏକ ହଜାର କିଗ୍ରା ପର୍ଯ୍ୟନ୍ତ ଯୁଦ୍ଧାସ୍ତ୍ର ବହନ କରିପାରୁଥିବା ବେଳେ ସାତ ଶହ କିମି ପର୍ଯ୍ୟନ୍ତ ଲକ୍ଷ ଭେଦ କରିବାର କ୍ଷମତା ରହିଛି ।

୧୯୮୯ରେ ଏହି କ୍ଷେପଣାସ୍ତ୍ରର ପ୍ରଥମ ପରୀକ୍ଷଣ କରାଯାଇଥିବା ବେଳେ ଗତ ମାର୍ଚ୍ଚ ୨୮ରେ ଶେଷଥର ପାଇଁ ପରୀକ୍ଷଣ କରାଯାଇଥିଲା । ସେନା ବାହିନୀରେ ଏହାକୁ ପୂର୍ବରୁ ସାମିଲ କରାଯାଇଛି ।

ଓଡ଼ିଶା ଡ଼ଟ୍ କମ୍