ଭୁବନେଶ୍ୱର

ଓଡ଼ିଶା ଡ଼ଟ୍ କମ୍ ସମ୍ବାଦାତା

ଭୁବନେଶ୍ୱର,ସେପ୍ଟେମ୍ବର ୨୦(ଓଡ଼ିଶା ଡ଼ଟ୍ କମ୍)-ଓଡିଶା ପ୍ରଦେଶ କଂଗ୍ରେସର ସେପ୍ଟେମ୍ବର-୬ ପରିବର୍ତ୍ତନ ଆହ୍ୱାନ ସମାବେଶରେ ହୋଇଥିବା ହିଂସାକାଣ୍ଡ ମଧ୍ୟରେ ମହିଳା କନେଷ୍ଟବଳ ପ୍ରମିଳା ପାଢୀଙ୍କୁ ବର୍ବରୋଚିତ ଆକ୍ରମଣର ତଦନ୍ତ ପାଇଁ ଜାତୀୟ ମହିଳା କମିଶନ ଅଧ୍ୟକ୍ଷାଙ୍କ ତରଫରୁ ଏକ ଟିମ୍ ଭୁବନେଶ୍ୱରରେ ପହଞ୍ଚିଛନ୍ତି ।

କମିଶନ ସଦସ୍ୟା ତଥା ଓଡିଶା ଦାୟିତ୍ୱରେ ଥିବା ଡ.ଚାରୁବାଳା ଖାନ୍ନାଙ୍କ ନେତୃତ୍ୱରେ ଏହି ଟିମ୍ ପହଞ୍ଚିଛନ୍ତି । କମିଶନଙ୍କ ଏହି ଟିମ୍ ଆହତ ମହିଳା କନେଷ୍ଟବଳ,କମିଶନରେଟ ପୋଲିସ,କଂଗ୍ରେସ କାର୍ଯ୍ୟକର୍ତା ଆଦିଙ୍କୁ ଭେଟି ଘଟଣା ସମ୍ବନ୍ଧରେ ଆଲୋଚନା କରିବେ ।

ତଦନ୍ତ ରିପୋର୍ଟ ମହିଳା କମିଶନ ଅଧ୍ୟକ୍ଷାଙ୍କୁ ବୋପରେ ଏହାର ପୂର୍ଣ୍ଣାଙ୍ଗ ରିପୋର୍ଟ ଓଡିଶା ସରକାରଙ୍କୁ ପ୍ରଦାନ କରାଯିବ । ଏହି ଘଟଣା ପାଇଁ କୌଣସି ରାଜନୈତିକ ଦଳକୁ ଦୋଷ ଦେଇ ହେବନି ।

ଏ ଘଟଣାରେ ସଂପୃକ୍ତ ଆସୀମୀ ମାନଙ୍କୁ ପୋଲିସ ଗିରଫ ନକରିବା ଅତି ପରିତାପର ବିଷୟ । ୧୦ଦିନ ମଧ୍ୟରେ ସେ କମିଶନରଙ୍କୁ ରିପୋଟ ପ୍ରଦାନ କରିବେ,ଏ ଘଟଣା ପାଇଁ ବିଚାର ବିଭାଗୀୟ ତଦନ୍ତ ଆବଶ୍ୟକ ବୋଲି ଡ.ଖାନ୍ନା କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୧୭(ଓଡ଼ିଶା ଡ଼ଟ୍ କମ୍)- ଗତ ୧୬ ଓ ୧୭ଦୁଇଦିନ ଧରି ଅଧିବକ୍ତା ପରିଷଦର ଜାତୀୟ କାର୍ଯ୍ୟକାରିଣି ସ୍ଥାନିୟ ୟୁବିଏସ୍ଏସ୍ ସଭାଗୃହରେ ଅନୁଷ୍ଠିତ ହୋଇଯାଇଛି । ଏଥିରେ ୨୨ଟି ରାଜ୍ୟରୁ ପ୍ରତିନିଧିମାନେ ଅଂଶ୍ରଗହଣକରିଥିଲେ ବୋଲି ପରିଷଦର ଭୁବନେଶ୍ୱର ସଂପାଦକ ଆଇନଜୀବି ଶ୍ରୀମନ୍ତ କୁମାର ସାମନ୍ତରାୟ ପ୍ରକାଶ କରିଛନ୍ତି ।

ପରିଷଦର ରାଷ୍ଟ୍ରୀୟ ସଭାପତି ଅବସରପ୍ରାପ୍ତ ବିଚାରପତି ଜଷ୍ଟିସ ପର୍ବତ ରାଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଶତାଧିକ ଆଇନଜୀବୀ ଅଂଶଗ୍ରହଣ କରିଥିଲେ ।

ଏଥିରେ ସଂଗଠନର ବ୍ୟବସ୍ଥା, ଆଗାମୀ ଯୋଜନା ଏବଂ ରାଷ୍ଟ୍ରର ସାଂପ୍ରତିକ ପରିସ୍ଥିତିରେ ଅଧିବକ୍ତା ପରିଷଦର ଭୂମିକା ଏବଂ କାର୍ଯ୍ୟ ସଂପାଦକରେ ଗଠନ ମୂଳକ ଆଲୋଚନା କରାଯାଇଥିଲା ।

ପରିଷଦର ରାଷ୍ଟ୍ରୀୟ ଅଧିବେଶନ ଆଗାମୀ ୨୦୧୨ ଡିସେମ୍ବର ମାସ ୨୬,୨୭ ଓ ୨୮ ତାରିଖରେ ଓଡିଶାର ଭୁବନେଶ୍ୱର ଠାରେ ଅନୁଷ୍ଠିତ ହେବ ବୋଲି ଘୋଷଣା କରାଯାଇଥିଲା । ଏଥିରେ ସମଗ୍ର ଭାରତ ବର୍ଷରୁ ଏକ ହଜାର ପାଞ୍ଚ ଶହ ଆଇନଜୀବୀ ଯୋଗଦେବେ ବୋଲି ଏଠାରେ ସ୍ଥିର କରାଯାଇଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭବାନୀପାଟନା, ଅଗଷ୍ଟ ୧୧(ଓଡ଼ିଶା ଡ଼ଟ୍ କମ୍) ଦୀର୍ଘ ବର୍ଷର ପ୍ରଚେଷ୍ଟା ପରେ ଭବାନୀପାଟଣା-ରାୟଗଡ଼ା-ଭୁବନେଶ୍ୱର ଲିଙ୍କ ଏକ୍ସପ୍ରେସ ଶନିବାର ଚଳାଚଳ ଆରମ୍ଭ ହୋଇଛି ।

ଫଳରେ ଲୋକଙ୍କ ବହୁଦିନର ସ୍ୱପ୍ନ ପୂରଣ ହୋଇଛି । କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ ତଥା ସାଂସଦ ଭକ୍ତଚରଣ ଦାସ ନବ ନିର୍ମିତ ଭବାନୀପାଟଣା ରେଳ ଷ୍ଟେସନକୁ ଉ୍ଘାଟନ କରିବା ସହ ଲିଙ୍କ ଏକ୍ସପ୍ରେସ୍କୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ଭୁବନେଶ୍ୱର ଏବଂ ରାୟପୁରକୁ ୨ଟି ଟ୍ରେନ ଯାତାୟତ କରିବ ।

ଦୀର୍ଘଦିନର ଆଶା ପୂରଣ ପାଇଁ ସାଂସଦ କଳାହାଣ୍ଡି ବାସୀଙ୍କୁ ଧନ୍ୟବାଦ ଜଣାଇବା ସହ ନର୍ଲାଠାରେ ରେଳଡବା କାରଖାନା ପାଇଁ ଜମି ଯୋଗାଇ ଦେଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଥିଲେ । ଖୁବ ଶୀଘ୍ର ଜୁନାଗଡ ପର୍ଯ୍ୟନ୍ତ ନୂତନ ରେଳପଥ ସଂପ୍ରସାରଣ ସହ ଏହି ରେଳପଥ ପାଇଁ ୨୦୦ କୋଟି ଟଙ୍କାର ବଜେଟ ହୋଇଥିବାରୁ କେନ୍ଦ୍ର ରେଳମନ୍ତ୍ରୀଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି ।

୧୯୯୧ରେ ତତ୍କାଳୀନ ପ୍ରଧାନମନ୍ତ୍ରୀ ସ୍ୱର୍ଗତ ପି.ଭି ନରସିଂହ ରାଓ, ମୁଖ୍ୟମନ୍ତ୍ରୀ ସ୍ୱର୍ଗତ ବିଜୁ ପଟ୍ଟନାୟକ ଏବଂ ତତ୍କାଳୀନ କଳାହାଣ୍ଡି ସାଂସଦ ସୁବାଶ ଚନ୍ଦ୍ର ନାୟକ ଲାଞ୍ଜିଗଡ ରୋଡ-ଜୁନାଗଡ ନୂତନ ରେଳପଥ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ଜୁଲାଇ ୭(ଓଡ଼ିଶା ଡ଼ଟ୍ କମ୍) ନୂଆଦିଲ୍ଲୀ ସ୍ଥିତ ଅଖିଳ ଭାରତ ଆୟୁର୍ବିଜ୍ଞାନ ପ୍ରତିଷ୍ଠାନ (ଏମ୍ସ)ର ସ୍ନାୟୁ ବିଭାଗ ବିଶେଷଜ୍ଞ ଡ଼ାକ୍ତର ଅଶୋକ ମହାପାତ୍ରଙ୍କୁ ଭୁବନେଶ୍ୱର ଏମ୍ସ ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି ।

ନିଯୁକ୍ତି ସଂକ୍ରାନ୍ତ କ୍ୟାବିନେଟ କମିଟିର ଅନୁମୋଦନ ପରେ କେନ୍ଦ୍ର ସରକାର ଭୁବନେଶ୍ୱର ସମେତ ନୂତନ ଭାବେ ପ୍ରତିଷ୍ଠା ହୋଇଥିବା ଛଅଟି ଏମ୍ସ ପ୍ରତିଷ୍ଠାନର ନିର୍ଦ୍ଦେଶକଙ୍କୁ ନିଯୁକ୍ତ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୬(ଓଡ଼ିଶା ଡ଼ଟ୍ କମ୍) ଆସନ୍ତା ଜୁନ୍ ମାସରେ ଭାରତୀୟ ଖାଦ୍ୟ ନିଗମ (ଏଫ୍ସିଆଇ) ରାଜ୍ୟରୁ ବଳକା ଚାଉଳରୁ ୫୦ ହଜାର ଟନ୍ ଉଠାଇବ ବୋଲି କେନ୍ଦ୍ର ଖାଦ୍ୟ ଓ ଯୋଗାଣ ସଚିବ ବି.ସି. ଗୁପ୍ତା ଭୁବନେଶ୍ୱରରେ କହିଛନ୍ତି ।

ଶନିବାର ଏକ ପ୍ରତିନିଧି ଦଳ ଭୁବନେଶ୍ୱରରେ ପହଂଚି ରାଜ୍ୟ ଯୋଗାଣ ସଚିବ ମଧୁସୂନ ପାଢୀ ଓ ଅନ୍ୟାନ୍ୟ ଅଧିକାରୀଙ୍କ ସହିତ ଆଲୋଚନା କରିଛନ୍ତି ।

୫୦ ହଜାର ଟନ୍ ବଳକା ଚାଉଳକୁ ଅନ୍ୟ ରାଜ୍ୟକୁ ପଠାଇବାର ବ୍ୟବସ୍ଥା କରାଯିବ ବୋଲି ଗୁପ୍ତା କହିଛନ୍ତି । ରାଜ୍ୟରୁ ସଂଗୃହୀତ ଚାଉଳ ଯେଭଳି ପିଡିଏସ୍ରେ ବଂଟନ କରାଯାଉଛି ତାହା ଠିକ୍ ବୋଲି ସେ କହିଛନ୍ତି ।

ଗରିବ ପରିବାର ପାଇଁ ଉଦ୍ଧିଷ୍ଟ ଚାଉଳକୁ ସରକାର ଠିକ୍ ସମୟରେ ଉଠାଉ ନାହାଁନ୍ତି ବୋଲି ସେ ଜାଣିବାକୁ ପାଇ ଅସନ୍ତୋଷ ପ୍ରକାଶ କରିଛନ୍ତି ।

ରାଜ୍ୟରେ ବଳକା ଥିବା ଚାଉଳକୁ ଏଫ୍ସିଆଇ ଉଠାଉ ନଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅସନ୍ତୋଷ ପ୍ରକାଶ କରି ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖିଥିଲେ ।

ଗତ ଅପ୍ରେଲ ମାସ ଠାରୁ ଏଫ୍ସିଆଇ କୌଣସି ଚାଉଳ ରାଜ୍ୟରୁ ଉଠାଇନଥିବାରୁ ଗୋଦାମ ଘର ଅଭାବରୁ ରବି ଋତୁର ଚାଉଳ ସଂଗ୍ରହ ନେଇ ଆଶଙ୍କା ସୃଷ୍ଟି ହୋଇଛି ବୋଲି ସେ ଦର୍ଶାଇଥିଲେ ।

ତେଣୁ ପ୍ରତି ମାସରେ ଏକ ଲକ୍ଷ ଟନ୍ ଚାଉଳ ଉଠାଣ ପାଇଁ ଏଫ୍ସିଆଇକୁ ନିର୍ଦ୍ଦେଶ ଦେବାକୁ ସେ ଚିଠିରେ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୬(ଓଡ଼ିଶା ଡ଼ଟ୍ କମ୍) ସମଗ୍ର ରାଜ୍ୟରେ ଗ୍ରୀଷ୍ମପ୍ରବାହ ଜାରି ରହିଥିବା ବେଳେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି ।

ଆଭ୍ୟନ୍ତରୀଣ ଓଡ଼ିଶାର କେତେକ ସ୍ଥାନରେ ଆସନ୍ତା ୨୪ ଘଂଟା ପର୍ଯ୍ୟନ୍ତ ଗ୍ରୀଷ୍ମପ୍ରବାହ ଜାରି ରହିବ ବୋଲି ଆଂଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ କୁହାଯାଇଛି ।

ଶନିବାର ସମ୍ବଲପୁରର ସର୍ବୋଚ୍ଚ ତାପମାତ୍ରା ୪୬.୭ ଡ଼ିଗ୍ରୀ ସେଲ୍ସିଅସ୍ ରେକର୍ଡ଼ କରାଯାଇଥିବା ବେଳେ ୧୩ଟି ସହରର ତାପମାତ୍ରା ୪୨ ଡ଼ିଗ୍ରୀ ଉପରେ ରହିଛି ।

ସେହିପରି ସୋନପୁର ଏବଂ ହୀରାକୁର ତାପମାତ୍ରା ୪୬.୨ ଡ଼ିଗ୍ରୀ ସେଲ୍ସିଅସ୍, ଝାରସୁଗୁଡ଼ା ୪୬.୦, ଟିଟିଲାଗଡ଼ ୪୫.୮, ବଲାଙ୍ଗୀର ୪୫.୫, ସୁନ୍ଦରଗଡ଼ ୪୫.୦ ଏବଂ ଭବାନୀପାଟଣାର ତାପମାତ୍ରା ୪୪.୭ ଡ଼ିଗ୍ରୀ ସେଲ୍ସିଅସ୍ ରେକର୍ଡ଼ କରାଯାଇଛି ।

ସରକାରୀଭାବେ ଗ୍ରୀଷ୍ମ ପ୍ରବାହ ଯୋଗୁଁ  ଅଂଶୁଘାତରେ ୧୯ ଜଣଙ୍କ ମୃତ୍ୟୁ ହୋଇଥିବା ବେଳେ ବେସରକାରୀ ଭାବେ ୭୯ ଜଣଙ୍କ ମୃତ୍ୟୁ ଅଭିଯୋଗ ହୋଇଛି ।

ଓଡ଼ିଶା ଡ଼ଟ୍ କମ୍