ଭୁବନେଶ୍ୱର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୧୯(ଓଡ଼ିଶା ଡ଼ଟ୍ କମ୍) ରାଜଧାନୀ ଭୁବନେଶ୍ୱର ନିକଟସ୍ଥ ଏକ ସ୍ଥାନରେ ମୃଦୁ ଭୂକମ୍ପ ଅନୁଭୂତ ହୋଇଥିବା ମଙ୍ଗଳବାର ଜଣେ ଅଧିକାରୀ କହିଛନ୍ତି ।

ଖୋର୍ଦ୍ଧା ନିକଟସ୍ଥ ନିରାକାରପୁର ଠାରେ ଭୋର ପ୍ରାୟ ୩.୧୪ରେ ଏହା ଅନୁଭୂତ ହୋଇଥିବା ବେଳେ ରିକ୍ଟର ସ୍କେଲରେ ଏହାର ତୀବ୍ରତା ୨.୯ ବୋଲି ପାଣିପାଗ କାର୍ଯ୍ୟାଳୟର ନିର୍ଦ୍ଦେଶକ ଶରତ ଚନ୍ଦ୍ର ସାହୁ କହିଛନ୍ତି ।

ଭୁବନେଶ୍ୱରର ଦକ୍ଷିଣ-ପଶ୍ଚିମ ର ୫୦ କିମି ଦୂରରେ ଏହାର କେନ୍ଦ୍ର ରହିଥିଲା । ତେବେ ଏହାର ପ୍ରଭାବରେ କୌଣସି କ୍ଷୟକ୍ଷତି ହୋଇନଥିବା ରାଜସ୍ୱ ନିୟନ୍ତ୍ରଣ କକ୍ଷର ଜଣେ ଅଧିକାରୀ କହିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ଭୁବନେଶ୍ୱର, ଫେବୃୟାରୀ ୮(ଓଡ଼ିଶା ଡ଼ଟ୍ କମ୍)  ଭୁବନେଶ୍ୱର ସ୍ଥିତ ଚନ୍ଦ୍ରମା କମ୍ପେ୍ଲକ୍ସ ଗୁଳିମାଡ଼ ଘଟଣାରେ ବିଧାୟକ ରମେଶ ଜେନାଙ୍କୁ ଗିରଫ କରିଥିବା ପୋଲିସ ମଙ୍ଗଳବାର କହିଛି ।

“”ନିକଟରେ ଭୁବନେଶ୍ୱର ସ୍ଥିତ ଆପାର୍ଟମେଣ୍ଟରେ ପୋଲିସ ଉପରକୁ ହୋଇଥିବା ଗୁଳିମାଡ଼ ଘଟଣାର ମୁଖ୍ୟ ଅଭିଯୁକ୍ତ ଭାବରେ ତାଙ୍କୁ ଗିରଫ କରାଯାଇଛି” ପୋଲିସ କମିଶନର ବିଜୟ ଶର୍ମା ଓଡ଼ିଶା ଡ଼ଟ୍ କମ୍କୁ କହିଛନ୍ତି ।

ପୁରୀ ଜିଲ୍ଲା ବ୍ରହ୍ମଗିରି ଅଞ୍ଚଳର ଗଡ଼ରୋଡ଼ଙ୍ଗ ଗ୍ରାମରୁ ସୋମବାର ରାତିରେ କମିଶନରେଟ ପୋଲିସ ତାଙ୍କୁ ଗିରଫ କରିଛି । ଆଜି ତାଙ୍କୁ କୋର୍ଟ ଚାଲାଣ କରାଯିବ ।

ଗତ ୧ ତାରିଖରେ କେତେକ ଅପରାଧି ଲୁଚିଥିବା ଖବର ପାଇ ପୋଲିସ କଂଗ୍ରେସ ବିଧାୟକ ଜେନା ରହୁଥିବା ଚନ୍ଦ୍ରମା ଆପାର୍ଟମେଣ୍ଟରେ ଚଢାଉ କରିଥିଲା ।

ଏହି ସମୟରେ ଅପରାଧିମାନେ ପୋଲିସ ଉପରକୁ ଗୁଳି ଚଳାଇଥିଲେ ଓ ପରେ ପୋଲିସ ସେଠାରୁ ଆଠ ଜଣଙ୍କୁ ଗିରଫ କରିଥିଲା ।

ଜେନାଙ୍କ ଗିରଫ ପ୍ରତିବଦାରେ ତାଙ୍କ ସମର୍ଥକମାନେ ବ୍ରହ୍ମପୁରରେ ଟାୟାର ଜାଳି ରାସ୍ତା ଅବରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୨୯(ଓଡ଼ିଶା ଡ଼ଟ୍ କମ୍) ରାଜଧାନୀ ଭୁବନେଶ୍ୱର ସ୍ଥିତ ଏକ ବସ୍ତି ଉଚ୍ଛେଦକୁ ନେଇ ଶନିବାର ସ୍ଥାନୀୟ ବାସିନ୍ଦା ଓ ପୋଲିସ ମୁହାଁମୁହିଁ ହୋଇଛନ୍ତି ।

ଆଠ ନମ୍ବରରେ ଥିବା ମାଁ ନାରାୟଣୀ ବସ୍ତି ଉଚ୍ଛେଦ କରିବାକୁ ସକାଳୁ ବିଏମ୍ ସି, ବିଡ଼ିଏ ଓ ସାଧାରଣ ପ୍ରଶାସନ ବିଭାଗ ଅଧିକାରୀ ପୋଲିସ ସହ ଯାଇଥିବା ବେଳେ ଲୋକମାନେ ସେମାନଙ୍କୁ ବିରୋଧ କରିଥିଲେ ।

ବହୁ ଦିନରୁ ସେଠାରେ ରହିଆସୁଥିବାରୁ ଜାଗା ଛାଡ଼ି ଯିବୁ ନାହିଁ ବୋଲି ବସ୍ତିବାସିନ୍ଦାମାନେ ଜିଦ ଧରିଥିଲେ ଫଳରେ ପୋଲିସ ସହ ସେମାନଙ୍କର ଧସ୍ତାଧସ୍ତି ହୋଇଥିଲା । ଲୋକମାନେ ପୋଲିସ ଉପରକୁ ଟେକା ପଥର ମାଡ଼ କରିଥିଲେ ।

ଘଟଣା ସ୍ଥଳରେ ପାଞ୍ଚପ୍ଲାଟନୁ ପୋଲିସ ଫୋର୍ସ ମୁତୟନ କରାଯାଇଛି । ପୂର୍ବରୁ ବହୁବାର ବସ୍ତି ଉଚ୍ଛେଦ କରିବାକୁ ଆସିଥିଲେ ମଧ୍ୟ ଲୋକଙ୍କ ବିରୋଧ ଯୋଗୁଁ ବିଭାଗୀୟ ଅଧିକାରୀମାନେ ବିଫଳ ହୋଇଥିଲେ ।

ଓଡିଶା ଡଟ୍ କମ୍

 

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୩(ଓଡ଼ିଶା ଡ଼ଟ୍ କମ୍) ରାଜଧାନୀ ଭୁବନେଶ୍ୱର ଉପକଣ୍ଠସ୍ଥ ଏକ ଗ୍ରାମରେ ଗୁରୁବାର ସ୍ଥାନୀୟ ଲୋକଙ୍କ ମାଡ଼ରେ ଗୋଟିଏ ଚିତା ବାଘର ମୃତ୍ୟୁ ହୋଇଥିବା ଜଣେ ଅଧିକାରୀ କହିଛନ୍ତି ।

ଭୋର ସକାଳୁ ଗଣ୍ଡରପୁର ଗାଁର ଲୋକମାନେ ବାଘଟିକୁ ଖେିଥିଲେ । ବାଘଟି ଅନିଦା ରାଉତ ଓ ବିଜୟ ରାଉତ ନାମକ ଦୁଇ ଜଣ ବ୍ୟକ୍ତିଙ୍କୁ ଆକ୍ରମଣ କରିବା ପରେ ଉତ୍ତ୍ୟକ୍ତ ଲୋକଙ୍କ କ୍ରିକେଟ ବ୍ୟାଟ ଓ କାଠ ଫାଳିଆ ମାଡ଼ରେ ବାଘର ମୃତ୍ୟୁ ହୋଇଥିଲା ।

ଆତ୍ମରକ୍ଷା ପାଇଁ ବାଘକୁ ମାରି ଦିଆଯାଇଥିବା ଗ୍ରାମବାସୀମାନେ କହିଥିବା ବେଳେ ଏସଂପର୍କରେ ତଦନ୍ତ ଚାଲିଥିବା ବନ୍ୟପ୍ରାଣୀ ବିଭାଗର ଜଣେ ଅଧିକାରୀ କହିଛନ୍ତି ।

ବାଘର ମୃତ ଦେହ ଉଦ୍ଧାର କରାଯାଇ ପୋଷ୍ଟମର୍ଟମ ପାଇଁ ପଠାଯାଇଥିବା ଜଣେ ଜଙ୍ଗଲ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୨୮(ଓଡ଼ିଶା ଡ଼ଟ୍ କମ୍) ଅଦିନିଆ ବର୍ଷାରେ ରାଜ୍ୟରେ ହୋଇଥିବା କ୍ଷୟକ୍ଷତିର ଆକଳନ କରିବା ପାଇଁ ମଙ୍ଗଳବାର ଏକ କେନ୍ଦ୍ରୀୟ ଅନୁଧ୍ୟାନକାରୀ ଦଳ ଭୁବନେଶ୍ୱରରେ ପହଞ୍ଚି କ୍ଷତିଗ୍ରସ୍ତ ଅଞ୍ଚଳ ଯାଇଛନ୍ତି ।

ଆଜି ଗୋଟିଏ ଦଳ ଗଞ୍ଜାମ ଜିଲ୍ଲା ଗସ୍ତରେ ଯାଇ ପରିସ୍ଥିତି ଅନୁଧ୍ୟାନ କରିବା ସହ ଚାଷୀଙ୍କ ସହ ଆଲୋଚନା କରିଛନ୍ତି । ସଂପୃକ୍ତ ଜିଲ୍ଲା ଧାନ ଚାଷ ବ୍ୟାପକ କ୍ଷତି ହୋଇଥିବା ସେମାନେ କହିଛନ୍ତି ।

କେନ୍ଦ୍ର କୃଷି ମନ୍ତ୍ରଣାଳୟର ଯୁଗ୍ମ ସଚିବ ପଙ୍କଜ କୁମାରଙ୍କ ନେତୃତ୍ୱରେ ଆସିଥିବା ଆଠ ଜଣିଆ ଅନୁଧ୍ୟାନକାରୀ ଦଳ ପ୍ରଥମେ ଆଠଟି ଜିଲ୍ଲା ଗସ୍ତ କରିବାର କାର୍ଯ୍ୟକ୍ରମ ରହିଛି । ସେମାନେ ଖୋର୍ଦ୍ଧା, ବଲାଙ୍ଗୀର, ନୟାଗଡ଼, ପୁରୀ, ନବରଙ୍ଗପୁର, କେନ୍ଦୁଝର ଓ ବରଗଡ଼ ଜିଲ୍ଲା ଗସ୍ତ କରିବେ ।

ଜଳ ସଂପଦ ବିଭାଗର ଅଶୋକ ଗୋୟଲ, ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟର ଏନ୍.କେ.ସାହୁ, ପାନୀୟ ଜଳ ମିଶନର ଆର୍.ଏମ୍. ଶେପାଣ୍ଡେ, ପଶୁସମ୍ପ ମନ୍ତ୍ରଣାଳୟର ଭି.ବି.ଦାସ, କୃଷି ଓ ସମବାୟ ମନ୍ତ୍ରଣାଳୟର ଏମ୍.ସି.ଦିବାକର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟର ବି.ଏନ୍.ମହାରଣା ପ୍ରମୁଖ ଏହି ଦଳରେ ଅଛନ୍ତି ।

ଏହି ଦଳ କ୍ଷୟକ୍ଷତି ରିପୋର୍ଟ ଦେବା ପରେ କେନ୍ଦ୍ର ସରକାର ସହାୟତା ପ୍ରଦାନ କରିବେ । ଚଳିତ ମାସ ଦ୍ଵିତୀୟ ସପ୍ତାହରେ ରାଜ୍ୟରେ ବର୍ଷା ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୨୧(ଓଡ଼ିଶା ଡ଼ଟ୍ କମ୍) ବିଶ୍ୱବିଦ୍ୟାଳୟ ମାନ୍ୟତା ପାଇନଥିବା ବେଳେ ଶ୍ରୀଶ୍ରୀ ବିଶ୍ୱବିଦ୍ୟାଳୟ ନାମ ଲେଖା ପାଇଁ ବିଜ୍ଞାପନ ପ୍ରକାଶ କରିଥିବାରୁ ଏହାକୁ ନେଇ ସରକାର ମଙ୍ଗଳବାର କାରଣ ଦର୍ଶାଅ ନୋଟିସ୍ ଜାରି କରିଛନ୍ତି ।

ନୋଟିସ୍ ପାଇବାର ଏକ ସପ୍ତାହ ମଧ୍ୟରେ ସ୍ପଷ୍ଟିକରଣ ବୋକୁ ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି ।

ସୂଚନାଯୋଗ୍ୟ ଯେ ନରାଜ ନିକଟସ୍ଥ ବିଦ୍ୟାଧରପୁର ଠାରେ ଏହି ବିଶ୍ୱବିଦ୍ୟାଳୟ ସ୍ଥାପନ ପାଇଁ ବିଧାନସଭାରେ ଏକ ସ୍ୱତନ୍ତ୍ର ବିଧେୟକ ଗୃହୀତ ହୋଇଛି । କିନ୍ତୁ ବିଶ୍ୱବିଦ୍ୟାଳୟ ମାନ୍ୟତା ନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇନାହିଁ ।

ଏହା ହେବା ପୂର୍ବରୁ କର୍ତ୍ତୃପକ୍ଷ ଏମ୍ବିଏ ପାଠ୍ୟକ୍ରମରେ ନାମ ଲେଖାଇବା ପାଇଁ ଏକ ଖବର କାଗଜରେ ବିଜ୍ଞାପନ ଦେଇଥିଲେ । ଯାହାକି ଆଇନ ସମ୍ମତ ନୁହେଁ । ଏ ବିଷୟ ଉଚ୍ଚଶିକ୍ଷା ବିଭାଗର ଦୃଷ୍ଟିକୁ ଆସିବା ପରେ କାରଣ ଦର୍ଶାଅ ନୋଟିସ୍ ଜାରି କରାଯାଇଛି ବୋଲି ବିଭାଗୀୟ ସଚିବ ମଧୂସୁଦନ ପାଢୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୨୧(ଓଡ଼ିଶା ଡ଼ଟ୍ କମ୍) ଚଳିତ ମାସ ପ୍ରଥମ ସପ୍ତାହରେ ରାଜ୍ୟରେ ଅଦିନିଆ ବର୍ଷା ବିପର୍ଯ୍ୟୟ ଯୋଗୁଁ କ୍ଷତିଗ୍ରସ୍ତ ହୋଇଥିବା ଚାଷୀଙ୍କ ପାଇଁ ସରକାର ଘୋଷଣା କରିଥିବା କ୍ଷତିପୂରଣ ପ୍ୟାକେଜ ଗ୍ରହଣୀୟ ନୁହେଁ ବୋଲି ଉଭୟ ଶାସକ ଓ ବିରୋଧି ବିଧାୟକମାନେ ଅଭିଯୋଗ କରିଛନ୍ତି ।

ବର୍ଷା ଯୋଗୁଁ ରଙ୍ଗ ବଦଳିଯାଇଥିବା ଧାନର ବିକ୍ରୀ ପାଇଁ କୌଣସି ବ୍ୟବସ୍ଥା ହୋଇନଥିବାରୁ ମଙ୍ଗଳବାର ସେମାନେ ବିଧାନସଭାରେ ଉଦ୍ବେଗ ପ୍ରକାଶ କରିଛନ୍ତି ।

କ୍ଷତିଗ୍ରସ୍ତ ଚାଷୀମାନେ ମୁଖ୍ୟମନ୍ତ୍ରୀଙ୍କ ଠାରୁ ବହୁତ କିଛି ଆଶା କରୁଥିଲେ ମାତ୍ର ମୁଖ୍ୟମନ୍ତ୍ରୀ ସେମାନଙ୍କୁ ନିରାଶ କରିଛନ୍ତି ।

ସହାୟତା ଦେବା ପାଇଁ ସେ ଆନ୍ତରିକତା ପ୍ରଦର୍ଶନ କଲେ ନାହିଁ ବୋଲି ଶୂନ୍ୟକାଳରେ ବିରୋଧି ଦଳ ନେତା ଭୂପିନ୍ଦର ସିଂହ କରିଥିଲେ ।

ଯାହା ସବୁ ସହାୟତା ଘୋଷଣା କରିଛନ୍ତି ତାହା ପ୍ରଚଳିତ ରିଲିଫ କୋଡ଼୍ ରୁ ଉର୍ଦ୍ଧ୍ଵରେ ନୁହେଁ । ଏଭଳି ଆଶଂକା କରି ବିରୋଧି ଦଳ ଏକ ଗୃହ କମିଟି ଗଠନ କରିବାକୁ ପୂର୍ବରୁ ଦାବୀ କରିଥିଲା । ତାହାକୁ ସରକାର ଗ୍ରହଣ କଲେ ନାହିଁ ବୋଲି ସେ କହିଥିଲେ ।

ସରକାର ଚାଷୀଙ୍କୁ ନିରାଶ କରିଛନ୍ତି । ଦେଶରେ ଯେଉଁସବୁ ରାଜ୍ୟରେ ବିଜେପି ଶାସନ କରୁଛି ସେଠାରେ କ୍ଷତିଗ୍ରସ୍ତ ଚାଷୀଙ୍କୁ ବୋନସ୍ ଦିଆଯାଉଛି । ଓଡ଼ିଶାରେ ମଧ୍ୟ ତାହା କରାଯାଉ ବୋଲି ବିଜେପି ବିଧାୟକ ଜୟନାରାୟଣ ମିଶ୍ର କହିଥିଲେ ।

ଘୋଷିତ ପ୍ୟାକେଜରେ ଚାଷୀମାନେ ବାସ୍ତବରେ ଉପକୃତ ହୋଇ ପାରିବେ ନାହିଁ । ଆଗାମୀ ଦିନରେ ଚାଷୀ ମାନେ କିପରି ରବି ଚାଷ ମାଧ୍ୟମରେ ଉପକୃତ ହୋଇପାରିବେ ତାହା ଏଥିରେ ସ୍ପଷ୍ଟ ଭାବରେ ଉଲ୍ଲେଖ ନାହିଁ । ସରକାର ଚାଷୀଙ୍କ ପାଇଁ ଅଧିକ ସହାୟତା ଘୋଷଣା କରନ୍ତୁ ବୋଲି ବିଜେଡ଼ି ବିଧାୟକ ପ୍ରଦୀପ ମହାରଥି କହିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡ଼ିସେମ୍ବର ୨୦(ଓଡ଼ିଶା ଡ଼ଟ୍ କମ୍) ରାଜ୍ୟରେ ଅନେକ ବ୍ୟବସାୟିକ ଯୋଜନା ଏବଂ ଆର୍ନ୍ତଜାତୀୟ ଶିଳ୍ପପତି ମାନଙ୍କ ମଧ୍ୟରେ ଗଠବନ୍ଧନ ସ୍ଥାପନ ସହିତ ତିନି ଦିନ ଧରି ଚାଲିଥିବା ଇନଭେଷ୍ଟ ଭୁବନେଶ୍ୱର ସମ୍ମିଳନୀ ସୋମବାର ଶେଷ ହୋଇଛି ।

ତାଇୱାନର ନ୍ୟୁଲାଇଟ କର୍ପୋରେସନ୍ ୨୦୦ ନିୟୁତ ଡଲାର ବିନିଯୋଗରେ ଏକ ଏଲଇଡି ଉତ୍ପାନ କାରଖାନା ସ୍ଥାପନ କରିବାକୁ ଯୋଜନା କରିଛି । ଏହା ଘରୋଇ ଲାଇଟ ସହିତ ଷ୍ଟି୍ରଟ ଲାଇଟ ତିଆରି କରିବ ।

ରୁସାପ ସିପ ଇଣ୍ଟରନ୍ୟାସନାଲ ପକ୍ଷରୁ ରାଜ୍ୟ ସରକାରଙ୍କ ନିକଟରେ ଏକ ଶହ କୋଟି ଟଙ୍କା ବିନିଯୋଗରେ ଏକ ପ୍ୟାସେର କମ୍ କାର୍ଗୋର ବ୍ୟବସ୍ଥା ରହିଛି ଯାହା ପୁରୀରୁ କୋଲକାତା ପର୍ଯ୍ୟନ୍ତ ଚାଲିବ ଏବଂ ଏହା ବହୁ ଶୀଘ୍ର କାର୍ଯ୍ୟକାରୀ ହେବ ବୋଲି ଆଶା କରାଯାଉଛି ।

ସେହିପରି ସିଭି ରମଣ ଗ୍ରୁପ୍ ଅଫ୍ ଇନଷ୍ଟିଚ୍ୟୁଟ ଏବଂ ବେଷ୍ଟ ୱେର୍ଷ୍ଟନ ଗ୍ରୁପ୍ର ମିଳିତ ସହଯୋଗରେ ରାଜ୍ୟରେ ଏକ ହୋଟେଲ ମ୍ୟାନେଜମେଣ୍ଟ କଲେଜ୍ ଖୋଲିବାର ବ୍ୟବସ୍ଥା ରହିଛି ।

ଆସନ୍ତା ମଇ ୨୦୧୧ରେ ଓଡ଼ିଶା ସରକାର ଇନଭେଷ୍ଟ ଭୁବନେଶ୍ୱର ସଦସ୍ୟଙ୍କୁ ନେଇ ସିଲିକନ ଭ୍ୟାଲି ଗସ୍ତରେ ଯିବେ । ଏହି ପ୍ରତିନିଧି ଦଳ ଡାଲାସ, ଦୁବାଇ, ସିଡ୍ନି, ତାଇପାଇ, ଇସରାଇଲ୍ ଆଦି ସ୍ଥାନ ଗୁଡ଼ିକ ଭ୍ରମଣ କରି ଇନଭେଷ୍ଟମେଣ୍ଟ ପ୍ରକ୍ରିୟାକୁ ତ୍ୱରାନିତ କରିବେ, ଏହି ଅବସରରେ ପର୍ଯ୍ୟଟନ ମନ୍ତ୍ରୀ ଦେବୀ ପ୍ରସାଦ ମିଶ୍ର କହିଛନ୍ତି ।

ଏହି ସମ୍ମିଳନୀ ସମସ୍ତ ଇନଭେଷ୍ଟର ମାନଙ୍କୁ ଆକର୍ଷିତ କରିବା ସହିତ ସେମାନଙ୍କୁ ଏକ ନୂତନ ମଞ୍ଚ ଯୋଗାଇଥାଏ, ଇନଭେଷ୍ଟ ଭୁବନେଶ୍ୱରର କନ୍ଭେନର୍ ଧନନ୍ଦା ମିଶ୍ର କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ନଭେମ୍ବର ୩୦(ଓଡ଼ିଶା ଡ଼ଟ୍ କମ୍) ରାଜ୍ୟର ଆଇନଶୃଙ୍ଖଳା ପରିସ୍ଥିତି ନେଇ ମଙ୍ଗଳବାର ବିଧାନସଭାରେ ବିରୋଧୀ ବିଧାୟକମାନେ ଉ୍ବେଗ ପ୍ରକାଶ କରିବା ସହ ଏନେଇ ସରକାର ଶ୍ୱେତପତ୍ର ପ୍ରକାଶ କରନ୍ତୁ ବୋଲି ଦାବି କରିଛନ୍ତି ।

ଏବେ ରାଜ୍ୟରେ ମାଓବାଦୀ କାର୍ଯ୍ୟକଳାପ ବୃଦ୍ଧି ପାଇଥିବା ବେଳେ ଆଦିବାସୀ ମାନଙ୍କୁ ଶୋଷଣ କରାଯାଉଛି ଓ ଦୁର୍ବୃତ୍ତଙ୍କ ଆକ୍ରମଣରେ ବହୁ ନିରିହ ଲୋକ ମୃତାହତ ହେଉଛନ୍ତି ବୋଲି ସେମାନେ ଅଭିଯୋଗ କରିଛନ୍ତି ।

ଏହାସତ୍ତ୍ୱେ ସରକାର ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣ ରହିଛି ବୋଲି କହୁଛନ୍ତି । ଯଦି ଏହା ସତ ତେବେ ଏ ସଂପର୍କରେ ତୁରନ୍ତ ଶ୍ୱେତପତ୍ର ଉପସ୍ଥାପନ କରନ୍ତୁ, ସେମାନେ କହିଛନ୍ତି ।

ଓଡ଼ିଶା ଡ଼ଟ୍ କମ୍