• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ମାଓବାଦୀ

ଗୁମୁଡୁମାହା ଗାଁର ରକ୍ତାକ୍ତ ରାତି; କେତୋଟି ତଥ୍ୟ

July 14, 2016 by ଓଡିଶା ଡଟ କମ Leave a Comment

road-kandhamal

କେଦାର ମିଶ୍ର

୮ ଜୁଲାଇ ଶୁକ୍ରବାର କନ୍ଧମାଳ ଜିଲ୍ଲାର କୁର୍ତ୍ତମଗଡ଼ ନିକଟବର୍ତ୍ତୀ ଗୁମୁଡୁମାହା ଗାଁରେ ଯାହା ଘଟିଲା, ତାହା ମାନବୀୟ ଇତିହାସରେ ବର୍ବରତାର ଏକ ଚରମ ଉଦାହରଣ ବୋଲି କୁହାଯାଇପାରେ ।

ମାଓବାଦୀ ଏବଂ ପୋଲିସ୍ ଗୁଳି ବିନିମୟରେ ଅନେକ ସମୟରେ ସାଧାରଣ ଲୋକେ ପ୍ରାଣ ହରାଇ ଅ।ସିଛନ୍ତି । ୮ ଜୁଲାଇ ରାତିରେ ଗୁମୁଡୁମାହା ଗାଁରେ ପୋଲିସ୍ ଓ ମାଓବାଦୀଙ୍କ ଭିତରେ ଗୁଳି ବିନିମୟ ହେଉଥିଲା ବୋଲି ପୋଲିସ୍ ତରଫରୁ କୁହାଯାଇଛି, ଯାହାକୁ ସବୁଠୁ ବଡ଼ ମିଛ ବୋଲି ପୋଲିସ୍ ଗୁଳିରେ ଆହତ ଲୋକମାନେ କହିଛନ୍ତି ।

ଦୁଇଟି ଅଟୋରେ ବସି ଗୁମୁଡୁମାହା ଗାଁ ଲୋକେ ନିକଟସ୍ଥ ବାଲିଗୁଡ଼ା ବ୍ୟାଙ୍କରୁ  ଟଙ୍କା ଉଠାଇ ଓ ଚାଉଳ କିଣି ଫେରୁଥିବାବେଳେ ସେମାନେ ରାସ୍ତା ମଝିରେ ଗୁଳିକାଣ୍ଡର ଶୀକାର ହେଲେ । ଏ ହତ୍ୟାର କାରଣ ତଦନ୍ତ କଲେ ଯାଇ ଜଣାପଡ଼ିବ ବୋଲି ପୋଲିସ୍ ଓ ପ୍ରଶାସନ କହୁଛନ୍ତି ।

ମାଓବାଦୀଙ୍କୁ ଛକି ବସିଥିବା ଓଡ଼ିଶା ପୋଲିସର ସ୍ୱତନ୍ତ୍ର ବାହିନୀ ଏକ ସର୍ବସାଧାରଣ ରାସ୍ତାରେ ଯାଉଥିବା ଯାନ ଉପରକୁ ଗୁଳି ଚଳାଇବା ଅ।ଦୌ ଗ୍ରହଣୀୟ ଯୁକ୍ତି ନୁହେଁ ବୋଲି ମାନବାଧିକାର କର୍ମୀ ମାନେ କହୁଛନ୍ତି । ପୋଲିସ୍ ବାହିନୀର କମ୍ବିଂ ଅପରେସନ୍ ପାଇଁ ଏକ ନିର୍ଦ୍ଦିଷ୍ଟ ମାନକ ବ୍ୟବସ୍ଥା ରହିଛି ।

ସେହି ମାନକ ବ୍ୟବସ୍ଥା ଅନୁଯାୟୀ ସର୍ବସାଧାରଣ ରାସ୍ତା ଓ ସର୍ବସାଧାରଣଙ୍କ ଧନଜୀବନର ସୁରକ୍ଷା ପାଇଁ ସବୁଠୁ ଅଧିକ ସତର୍କତା ଅବଲମ୍ବନ କରାଯାଏ ।

ଏହି ସତର୍କତା ଅବଲମ୍ବନ କଲାବେଳେ ସାଧାରଣ ଲୋକଙ୍କୁ ଅପରେସନ୍ ସ୍ଥଳକୁ ନ ଯିବା ପାଇଁ ସତର୍କ କରାଇଦିଅ।ଯାଏ । ଗୁମୁଡୁମାହା ଗାଁରେ ସେ ପ୍ରକାର କୌଣସି ସତର୍କତା ଅବଲମ୍ବନ କରାଯାଇନଥିଲା ଓ ଗ୍ରାମବାସୀ ରାତିରେ ଯିବା ଆସିବା ନ କରିବାକୁ କୌଣସି ସୂଚନା ଦିଆ ଯାଇନଥିଲା।

ଗୁମୁଡୁମାହା ଗାଁ ରେ ଘଟିଥିବା ଏହି ହତ୍ୟାକାଣ୍ଡ ସମ୍ପର୍କରେ କେତୋଟି ସତ୍ୟ ଓ ତଥ୍ୟ –

୧.ସନ୍ଧ୍ୟା ପ୍ରାୟ ୮ଟାରୁ ୯ଟା ଭିତରେ ଗୁଳିକାଣ୍ଡ ଘଟିଥିବାବେଳେ ସୁରକ୍ଷା ବାହିନୀ ମୃତ ଓ ଅ।ହତଙ୍କ ପାଖକୁ ସମ୍ପର୍କୀୟମାନଙ୍କୁ ଛାଡ଼ି ନଥିଲେ ବୋଲି ଗାଁ ଲୋକେ ଅଭିଯୋଗ କରିଛନ୍ତି । ଏଠି ସୂଚନା ଦିଅ।ଯାଇପାରେ ଯେ, ଗୁଳିକାଣ୍ଡ ଗୁମୁଡୁମାହା ଗାଁଠୁ ମାତ୍ର ୨୦୦ ମିଟର ଦୂରରେ ଘଟିଥିଲା ।

ସେଠାରେ ଗାଁ ଲୋକେ ପହଂଚି ଅ।ହତମାନଙ୍କୁ ହସ୍ପିଟାଲ୍ ନେଇଥିଲେ ହୁଏତ କିଛି ଜୀବନ ବଂଚି ଯାଇପାରିଥାନ୍ତା । ପୋଲିସ୍ ସେ ସୁଯୋଗ ଦେଲା ନାହିଁ ବୋଲି କ୍ରୋଧ ମିଶା କଣ୍ଠ ରେ ଗ୍ରାମବାସୀ ଓ ଆହତ ମାନେ ଅଭିଯୋଗ ଆଣିଛନ୍ତି ।

୨.ମାଓବାଦୀ ଦମନ ଅ।ଳରେ ଗୁମୁଡୁମାହା ଗାଁରେ ସେଦିନ ପୋଲିସର ଅ।ଚରଣ ଏକପ୍ରକାର ସନ୍ତ୍ରାସବାଦୀଙ୍କ ପରି ଥିଲା ବୋଲି ଗାଁ ଲୋକେ କହୁଛନ୍ତି । ସବୁଠୁ ଦୁର୍ଭାଗ୍ୟର କଥା ହେଉଛି ଅଟୋରେ ବସିଥିବା ମାତ୍ର ଦେଢବର୍ଷର ଶିଶୁ ଜିହଡ଼ ଦିଗାଲ୍ ନିଜ ମାଁ ର ଛାତିରେ ମୃତ୍ୟୁବରଣ କରିଥିଲା ।

ଶିଶୁ ଓ ମହିଲାଂକୁ ଯୁଦ୍ଧ କ୍ଷେତ୍ରରେ ମଧ୍ୟ ନିରସ୍ତ୍ର ଭାବରେ ହତ୍ୟା କରିବା ମାନବୀୟ ଅଧିକାର ବିରୋଧୀ । ତେଣୁ ଏ କ୍ଷେତ୍ରରେ ପୋଲିସ୍ ବିରୋଧରେ ଶିଶୁ ହତ୍ୟା ଭଳି ଏକ ସଂଗିନ୍ ଅଭିଯୋଗ ଲାଗିଛି ।

kandhamal୩. ମୃତ୍ୟୁ ବରଣ କରିଥିବା କୁକୁଲ ଦିଗାଲ୍ (ବୟସ ପ୍ରାୟ ୫୦ ), ତିମିରୀ ମଲ୍ଲିକ , ବୃନ୍ଗୁଲି ମଲିକ୍ ଓ ମିଡିଆଲୀ ମଲ୍ଲିକ (ସମସ୍ତେ ୪୦ ବର୍ଷରୁ କମ୍ ମହିଳା) ସେଦିନ ସନ୍ଧ୍ୟା ରେ ପ୍ରାଣ ହରାଇଲେ । ସମ୍ବିଧାନ ରେ ରହିଥିବା ଜୀବନ ର ଅଧିକାର ବା Rights to Life ର ଏହା ଖୋଲା ଉଲ୍ଲଂଘନ ହୋଇଥିବା ମାନବାଧିକାର କର୍ମୀ ମାନେ କହିଛନ୍ତି ।

୪. ଏହି ଗୁଳି କାଣ୍ଡରେ ଲୁକା ମଲ୍ଲିକ , ସୁନିତା ମଲ୍ଲିକ (ମୃତ ଶିଶୁ ଜିହଡର ବାପା ଓ ମାଁ ), ବନମାଳୀ ମଲ୍ଲିକ, ତେମ୍ବୁ ମଲ୍ଲିକ, ଗିଡିସି ଦିଗାଲ, ସହଲୁ ମଲ୍ଲିକ ଓ କଜନ୍ତି ମଲ୍ଲିକ ଗୁଳିମାଡରେ ଆହତ ହୋଇ ବାଲିଗୁଡା ଓ ବ୍ରହ୍ମପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।ଏଥିରୁ ଅନେକଂକ ଦେହରେ ଗୁଳି ବାଜିଛି।

୫. ଭାରତରେ ମାଓବାଦୀ ଏବଂ ସୁରକ୍ଷା ବାହିନୀର ଗୁଳି ବିନିମୟରେ ସବୁଠୁ ଅଧିକ କ୍ଷତିଗ୍ରସ୍ତ ହୋଇଛନ୍ତି ଅ।ମ ଦେଶର ସାଧାରଣ ଅ।ଦିବାସୀ, ଦଳିତ ଓ ନିରୀହ ମଣିଷମାନେ ।

ସରକାରୀ ତଥ୍ୟ ଅନୁଯାୟୀ ଗତ ୨୦ବର୍ଷ ଭିତରେ ୧୩୪୯୦ ଲୋକ ପୋଲିସ୍ ମାଓବାଦୀ ସଂଘର୍ଷରେ ପ୍ରାଣ ହରାଇଛନ୍ତି । ସେମାନଙ୍କ ମଧ୍ୟରୁ ୨୬୦୬ ସୁରକ୍ଷା ବାହିନୀର ଯବାନ୍ ଓ ଅଧିକାରୀ ଥିବାବେଳେ ପ୍ରାୟ ୩୦୦୯ ଜଣ ମାଓବାଦୀ କ୍ୟାଡର୍ ବୋଲି ଚିହ୍ନଟ କରାଯାଇଛି ।

ବାକି ୭୭୧୯ ହେଉଛନ୍ତି ସାଧାରଣ ଜନତା । ଗୁଳି ବିନିମୟ ବେଳେ ଅତି ସାଧାରଣ ଓ ନିରୀହ ଲୋକେ ଉଭୟ ପକ୍ଷରୁ ହିଂସାର ଶିକାର ହେଉଛନ୍ତି ।

୬.ଗତ ବର୍ଷେ ଭିତରେ ଓଡ଼ିଶାରେ ଚାରୋଟି ଫେକ୍ ଏନ୍କାଉଣ୍ଟର୍ ରେ ସାଧାରଣ ଜନତା ପ୍ରାଣ ହରାଇଥିବା ଅଭିଯୋଗ ହୋଇଛି । ମାଓବାଦୀ ଦମନ ଅ।ଳରେ ସାଧାରଣ ଲୋକଙ୍କୁ ପୋକ ମାଛି ପରି ପୋଲିସ୍ ହତ୍ୟା କରୁଛି ବୋଲି ମାନବାଧିକାର ସଂଗଠନ GASS ଓ PUCL ଅଭିଯୋଗ ଆଣିଛନ୍ତି ।

୭. ଓଡିଶା ମାନବାଧିକାର କମିଶନ ଓ ଅନ୍ୟାନ୍ୟ ସୂତ୍ରରୁ ଜଣାପଡିଛି ଯେ ୨୭ ଫେବୃଅ।ରୀ ୨୦୧୬ରେ ମନ୍ଦ କାଡ୍ରାକା ନାମକ ଜଣେ ଅ।ଦିବାସୀ ଯୁବକ ନିୟମଗିରି ଅଞ୍ଚଳରେ ସଲପ ଗଛ ଉପରେ ଚଢିଥିବାବେଳେ ତାକୁ ପୋଲିସ୍ ମାଓବାଦୀ ଭାବି ହତ୍ୟା କରିଥିଲେ । ଏ ସଂକ୍ରାନ୍ତରେ ଏକ ମାମଲା ମାନବାଧିକାର କମିଶନରେ ବିଚାରାଧିନ ରହିଛି।

ସେହିପରି ୧୬ ନଭେମ୍ବର ୨୦୧୫ ଦିନ କଳାହାଣ୍ଡି ଜିଲ୍ଲା ନିଶାନଗୁଡା ଗାଁର ହରିଶଙ୍କର ନାଏକ, ଶୁକ୍ରୁ ମାଝୀ ଓ ଜୟ ମାଝୀ ଜଙ୍ଗଲରୁ ଗାଁକୁ ଫେରୁଥିବାବେଳେ ପୋଲିସ୍ ଗୁଳିରେ ପ୍ରାଣ ହରାଇଥିଲେ ।

୮. ଠିକ୍ ବର୍ଷେ ତଳେ ୨୬ ଜୁଲାଇ ୨୦୧୫ ଦିନ କନ୍ଧମାଳ ଜିଲ୍ଲାର ପାଙ୍ଗ୍ଲା ପଦର୍ ଗାଁର ଦୁବେଶ୍ୱର ନାୟକ ଓ ତାଙ୍କ ସ୍ତ୍ରୀ ବୁଦୁଡ଼ି ନାୟକ ପାହାଡ଼ରୁ ବିଦେଶରେ ରହୁଥିବା ନିଜ ପିଲାଂକ ସହ ମୋବାଇଲ୍ ରେ କଥା ହୋଇ ଫେରୁଥିବାବେଳେ ପୋଲିସ୍ ଗୁଳିର ଶିକାର ହୋଇଛନ୍ତି । ଏମାନଙ୍କୁ କେତେବେଳେ ମାଓବାଦୀ ସମର୍ଥକ ଓ କେବେ କେମିତି ମାଓବାଦୀ ବୋଲି ପୋଲିସ୍ କହିଛି ।

୯. ତେବେ ସୁପ୍ରିମ୍ କୋର୍ଟ୍ ନିର୍ଦ୍ଦେଶ ଅନୁଯାୟୀ ପୋଲିସ୍ ଏନକାଉଣ୍ଟର (ସେ ସତ ହେଉ ବା ମିଚ୍ଛ )ତଦନ୍ତ ଲାଗି ଏକ ନିର୍ଦ୍ଦିଷ୍ଟ ବ୍ୟବସ୍ଥା ରହିଛି । ପ୍ରତ୍ୟେକ ଏନକାଉଣ୍ଟର ର ତଦନ୍ତ ନିରପେକ୍ଷ ଭାବରେ ହେବା ସହ ଏଥିପାଇଁ ଦାୟୀ ପୋଲିସ୍ ଅଧିକାରିଂକୁ ଅଦାଲତର ବିଚାର ପାଇଁ ଅଣାଯିବାର ବ୍ୟବସ୍ଥା ରହିଛି ।

୧୦. ଗୁମୁଡୁମାହା ଘଟଣାର ବିଚାର ବିଭାଗୀୟ କରାଯିବ ବୋଲି ମୁଖ୍ୟମନ୍ତ୍ରୀ ତୁରନ୍ତ ଘୋଷଣା କରିଥିବା ବେଳେ ଏହାର ପୋଲିସ୍ ତଦନ୍ତ ଲାଗି ଏକ ସ୍ବତନ୍ତ୍ର ତଦନ୍ତକାରୀ ଦଳ ମଧ୍ୟ ଗଠନ କରିଛନ୍ତି । ତେବେ ତଦନ୍ତକାରୀ ଦଳର ମୁଖିଆ ଭାବରେ ବରିଷ୍ଠ ପୋଲିସ୍ ଅଧିକାରୀ ମହେନ୍ଦ୍ର ପ୍ରତାପ୍ ନିଜେ ଅନେକ ଅଭିଯୋଗରେ ଅଭିଯୁକ୍ତ ବୋଲି ଏବେ ମତ ପ୍ରକାଶ ପାଇଛି . ଏହି ଘଟଣାରେ ଓଡିଶାର ରାଜନୀତି ମଧ୍ୟ ସରଗରମ ହୋଇ ଉଠିଛି ।

କଂଗ୍ରେସ୍ ଓ ବିଜେପି ଏହାକୁ ରାଜ୍ୟ ପ୍ରାୟୋଜିତ ଆଦିବାସୀ ହତ୍ୟା ବୋଲି କହୁଥିବା ବେଳେ ଏହି ଦୁର୍ଭାଗ୍ୟଜନକ ଘଟଣାରେ ତଦନ୍ତ କରି ଉପଯୁକ୍ତ କାର୍ଯ୍ୟ।ନୁଷ୍ଠାନ ଗ୍ରହଣ କରାଯିବ ବୋଲି ଶାସକ ବିଜେଡି ତରଫରୁ କୁହାଯାଇଛି ।

ଓଡିଶା ଡଟ କମ
ଓଡିଶା ଡଟ କମ

Filed Under: ମାନବାଧିକାର Tagged With: ଅ।ଦିବାସୀ, ଗୁମୁଡୁମାହା, ଦଳିତ, ଧନଜୀବନ, ପୋଲିସ୍, ମାଓବାଦୀ, ସତର୍କତା, ସର୍ବସାଧାରଣ

ମାଓବାଦୀଙ୍କ ବିସ୍ଫୋରଣରେ ତିନି ବିଏସଏଫ ଯବାନ ସମେତ ଚାରି ମୃତ

August 26, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦ ଦାତା

ମାଲକାନଗିରି, ଅଗଷ୍ଟ ୨୬ (ଓଡିଶା ଡଟ କମ) ମାଲକାନଗିରି ଜିଲ୍ଲା ବିଚ୍ଛିନ୍ନାଞ୍ଚଳ ଚିତ୍ରକୋଣ୍ଡା ଯାନବାଇ ଘାଟି ନିକଟରେ ମାଓଙ୍କ ଦ୍ଵାରା ଖଞ୍ଜା ଯାଇଥିବା ଲ୍ୟାଣ୍ଡମାଇନ ବିସ୍ଫୋରଣରେ ତିନ ଜଣ ଯବାନଙ୍କ ସମେତ ଚାରି ଜଣଙ୍କ ମୃତ୍ୟୁ ହୋଇଥିବା ବେଳେ ଛଅ ଜଣ ଯବାନ ଗୁରୁତର ଭାବେ ଆହତ ହୋଇଥିବା ପୁଲିସ କହିଛି ।

ବିଏସଏଫ ଯବାନ ମାନେ ମାଓ ବିରୋଧୀ ଅଭିଯାନ ଚଳାଇଥିବା ବେଳେ ଏହି ବିସ୍ଫୋରଣ ଘଟିଥିବା ରାଜ୍ୟ ପୁଲିସ ମୁଖ୍ୟ ସଂଜୀବ ମାରିକ ଓଡିଶା ଡଟ କମକୁ କହିଛନ୍ତି ।

ମୃତ ଯବାନଙ୍କ ମଧ୍ୟରେ ଜଣେ ଏଏସଆଇ, ଜଣେ ହାବିଲଦାର ଓ ଜଣେ କନେଷ୍ଟବଳ ରହିଛନ୍ତି । ଆହତ ହୋଇଥିବା ଯବାନମାନଙ୍କୁ ମାଲକାନଗିରି ମୁଖ୍ୟ ଚିକିତ୍ସାଳୟରେ  ଭର୍ତ୍ତି କରାଯାଇ ଚିକିତ୍ସା କରାଯାଉଛି । ବିସ୍ଫୋରଣ ପରେ ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯିବା ସହ ବ୍ୟାପକ ଖାନ ତଲାସ କରାଯାଉଛି ।

ଓଡିଶା ଡଟ୍ କମ୍

ନିଉଜ ଡେସ୍କ
ନିଉଜ ଡେସ୍କ

Filed Under: ଅପରାଧ Tagged With: ବିସ୍ଫୋରଣ, ମାଓବାଦୀ, ମାଲକାନଗିରି

ପୋଲିସ ଗୁଳିରେ ତିନି ମାଓବାଦୀଙ୍କ ମୃତ୍ୟୁ

July 31, 2015 by ନିଉଜ ଡେସ୍କ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ମାଲକାନଗିରି,୩୧ ଜୁଲାଇ (ଓଡିଶା ଡଟ୍ କମ୍): ମାଲକାନଗିରି –ଛତିଶିଗଡ ସୀମାର ତଣ୍ଡିକି ଠାରେ ପୋଲିସ ଗୁଳିରେ ଦୁଇ ଜଣ ମହିଳା ମାଓବାଦୀଙ୍କ ସମେତ ତିନିଜଣ ମାଓବାଦୀ ମୃତ୍ୟୁ ବରଣ କରିଥିବା ଡ଼ିଜିପି ସଞ୍ଜୀବ ମାରିକ ସୂଚନା ଶୁକ୍ରବାର ଦେଇଛନ୍ତି।

‘ପ୍ରାଥମିକ ରିପୋର୍ଟ ଅନୁଯାୟୀ ଗୁଳିବିନିମୟ ହୋଇଥିବା ସ୍ଥାନରେ ଦୁଇଟି ବନ୍ଧୁକ ସହ କିଛି ମାରଣାସ୍ତ୍ର ଜବତ କରାଯାଇଥିବା, ସେ କହିଛନ୍ତି।

ସ୍ଥାନୀୟ ଜଙ୍ଗଲରେ ମାଓବାଦୀମାନଙ୍କର ଏକ ବୈଠକ ଆୟୋଜନ କରାଯାଉଥିବା ସୂଚନା ପାଇ ଜିଲ୍ଲା ପୁଲିସ ମୁଖ୍ୟଙ୍କ ନେତୃତ୍ଵରେ ଏକ ପୋଲିସ ଟିମ ସେହି ସ୍ଥାନରେ ପହଞ୍ଚିଥିଲା ।

ସେଠାରେ ଉଭୟ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ଘଟଣାସ୍ଥଳରେ ହିଁ ତିନିଜଣ ମାଓବାଦୀ ମୃତ୍ୟୁ ବରଣ କରିଥିବା ସେ କହିଛନ୍ତି ।

ଓଡିଶା ଡଟ୍ କମ୍

ନିଉଜ ଡେସ୍କ
ନିଉଜ ଡେସ୍କ

Filed Under: ଅପରାଧ Tagged With: ଗୁଳି ବିନିମୟ, ମାଓବାଦୀ

ମାଲକାନଗିରିରେ ୫ ମାଓବାଦୀଙ୍କ ଆତ୍ମସମର୍ପଣ

July 23, 2015 by ନିଉଜ ଡେସ୍କ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ମାଲକାନଗିରି,୨୩ ଜୁଲାଇ (ଓଡିଶା ଡଟ୍ କମ୍): ଦୁଇଜଣ ମହିଳାଙ୍କ ସମେତ ପାଞ୍ଚ ଜଣ ମାଓବାଦୀ ଗୁରୁବାର ମାଲକାନଗିରି ଜିଲ୍ଲା ଏସପିଙ୍କ ନିକଟରେ ଆତ୍ମସମର୍ପଣ କରିଛନ୍ତି ।

ସେମାନେ ହେଲେ ଶୁଭ ମାଡକାମୀ(ରାଜୁ), ଲାକା କବୀସୀ, ଭୀମେ ମାଢୀ, ସୋମା ପଡିଆମୀ ଓ ଦେବେ ମାଡକାମୀ।

ଆନ୍ଧ୍ର ଓ ଛତିଶଗଡର ପ୍ରାୟ ୫୦ ରୁ ଅଧିକ ମାଓ ହିଂସାରେ ସାମିଲ ଥିବା ଏହି ମାଓବାଦୀ ମୋବାଇଲ ଟାୱାର ବିସ୍ଫୋରଣ, ଜିଲ୍ଲାର ଏମପିଭି-୨୧ ଗ୍ରାମରେ ନିର୍ବାଚନୀ ହିଂସା, କୋରାପୁଟର ଦାମନଯୋଡ଼ିରେ ଆକ୍ରମଣ ଓ ପୋଲିସ୍ ଇନଫର୍ମର ସନ୍ଦେହରେ ବହୁ ନିରୀହ ଆଦିବାସୀଙ୍କୁ ହତ୍ୟା ଆଦି ମାମଲାରେ ଜଡିତ ଥିବା ପୁଲିସ ଦାବି କରିଛି ।

ସେମାନଙ୍କ ମଧ୍ୟରୁ ରାଜୁ ଓ ସୋମାଙ୍କ ନାମରେ ପୂର୍ବରୁ ରାଜ୍ୟସରକାର ଏକ ଲକ୍ଷ ଟଙ୍କ।ର ପୁରସ୍କାର ରାଶି ଘୋଷଣା କରିଛନ୍ତି ।

ମାଓ କ୍ୟାମ୍ପରେ ଦିଆଯାଉଥିବା ଶାରୀରିକ ନିର୍ଯାତନା ସହିନପାରି ସେମାନେ ଆତ୍ମସମର୍ପଣ କରିଥିବା ସମସ୍ତେ ପୋଲିସକୁ କହିଛନ୍ତି । ସରକାରୀ ନିୟମ ଅନୁସାରେ ଆତ୍ମସମର୍ପଣ କରିଥିବା ଏହି ମାଓବାଦୀମାନଙ୍କୁ ଥଇଥାନ କରାଯିବ ବୋଲି ଜିଲ୍ଲା ପୁଲିସ ମୁଖ୍ୟ କହିଛନ୍ତି ।

ଓଡିଶା ଡଟ୍ କମ୍

ନିଉଜ ଡେସ୍କ
ନିଉଜ ଡେସ୍କ

Filed Under: ଅପରାଧ Tagged With: ଆତ୍ମସମର୍ପଣ, ମାଓବାଦୀ

ମାଓବାଦୀ ଗିରଫ ହେବାପରେ ସାଥିର ଆତ୍ମହତ୍ୟା

July 12, 2015 by ନିଉଜ ଡେସ୍କ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବଲାଙ୍ଗୀର,୧୨ ଜୁଲାଇ(ଓଡ଼ିଶା ଡ଼ଟ୍ କମ୍): ଛତିଶଗଡ ମାଓବାଦୀ ଦଳର ଜଣେ ମହିଳା କ୍ୟାଡର ପୋଲିସ ଦ୍ଵାରା ଗିରଫ ହେବ ପରେ ତାର ଜଣେ ସାଥି ଭୟରେ ଆତ୍ମହତ୍ୟା କରିଥିବା ପୁଲିସ କହିଛି ।

ନିର୍ମଳା ନାମକ ଏହି ମହିଳା ସାଥି ଗୌତମ ବାଗ ସହିତ ପଡୋଶୀ ରାଜ୍ୟ ବିଶାଖାପାଟଣାକୁ ଚିକିତ୍ସିତ ହେବାକୁ ଯାଉଥିବା ବେଳେ ବଲାଙ୍ଗୀର ପୋଲିସ କୌଣସି ସୂତ୍ରରୁ ସୂଚନା ପାଇ ତାକୁ ଚିହ୍ନଟ କରି ଗିରଫ କରିଥିଲା ।

ପୋଲିସ ଗୌତମ ବାଗ କୁ ପଚରାଉଚରା କରିବାପରେ କଣ୍ଟାବାଞ୍ଜି ଥାନା ଅନ୍ତର୍ଗତ ଜୁରାବନ୍ଧ ଗାଁରେ ଥିବା ତା’ଘର ଉପରେ ଚଢାଉ କରି ଏକ ପିସ୍ତଲ୍ ସହ ମାଓବାଦୀମାନେ ବ୍ୟବହାର କରୁଥିବା ଅନ୍ୟାନ୍ୟ ସାମଗ୍ରୀ ସବୁ ଜବତ କରିଛି ।

ତେବେ ଗିରଫଦାରୀ ଭୟରେ ପୋଲିସ୍ ବ୍ୟାରେକରେ ପଶି ଗୌତମ ଆତ୍ମହତ୍ୟା ପାଇଁ ଉଦ୍ୟମ କରିବା ପରେ ତାକୁ ସ୍ଥାନୀୟ ଚିକିତ୍ସାଳୟକୁ ନିଆଯାଇଥିଲା । ସେ ଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ।

ନିର୍ମଳା ବହୁଗୁଡିଏ ଜଘନ୍ୟ ଅପରାଧରେ ଜଡିତ ଥିବା ସହ ବଲାଙ୍ଗୀର ଜିଲ୍ଲାର ବହୁ ମାଓ ଗତିବିଧିରେ ସକ୍ରିୟ ଭୂମିକା ଗ୍ରହଣ କରୁଥିଲା ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ଅପରାଧ Tagged With: ମାଓବାଦୀ

ଠିକାଦାର କ୍ୟାମ୍ପରେ ମାଓବାଦୀଙ୍କ ପୋଡା ଜଳା

June 12, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

କୋରାପୁଟ,୧୨ ଜୁନ(ଓଡିଶା ଡଟ୍ କମ୍): କୋରାପୁଟ ଜିଲ୍ଲା ପଟାଙ୍ଗୀ ବ୍ଲକର ଗଞ୍ଜେଇପଦରରେ ରାସ୍ତାକାମ କରାଉଥିବା ଜଣେ ଠିକାଦାରଙ୍କ କ୍ୟାମ୍ପ ଉପରେ ଗୁରୁବାର ମଧ୍ୟରାତ୍ରିରେ ମାଓବାଦୀମାନେ ଆକ୍ରମଣ କରି ଏକ ଜେସିବି ମେସିନ ସହ ୩ଟି ଗାଡି ପୋଡି ଦେଇ ଥିବା ଉକ୍ତ ଠିକାଦାର ଅଭିଯୋଗ କରିଛନ୍ତି ।

ପ୍ରାୟ ୩୦ ଜଣ ମାଓବାଦୀ ଦଳଗତ ଭାବେ ଏହି କାଣ୍ଡ ଘଟାଇଥିବା ସେ ସୂଚନା ଦେଇଛନ୍ତି। ଜଳା ପୋଡା କରି ଫେରିବା ସମୟରେ ଠିକାଦାର କ୍ୟାମ୍ପରେ ଦୁଇଟି ଚିଠି ଛାଡିଯିବା ସହ ସେ ଜାଗା ଶୀଘ୍ର ଖାଲି କରିବା ପାଇଁ ନିର୍ମାଣ କାର୍ଯ୍ୟ କରୁଥିବା କର୍ମଚାରୀଙ୍କୁ ଧମକ ଦେଇଥିବା ସେ କହିଛନ୍ତି ।

ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ବେଳେ ଠିକାଦାର କ୍ୟାମ୍ପ ଉପରେ ମାଓବାଦୀଙ୍କ ଅଚାନକ ଏପରି ଆକ୍ରମଣର କାରଣ ସ୍ପଷ୍ଟ ହୋଇପାରିନାହିଁ ।

ଓଡିଶା ଡଟ୍ କମ୍

News Bureau
News Bureau

Filed Under: ଅପରାଧ Tagged With: ଜଳାପୋଡା, ମାଓବାଦୀ

ମାଓବାଦୀଙ୍କ ସହ ଯାଇଥିବା ଗ୍ରାମବାସୀଙ୍କ ପ୍ରତ୍ୟାବର୍ତ୍ତନ

April 16, 2015 by ନିଉଜ ଡେସ୍କ Leave a Comment

ମାଲକାନଗିରି, ଏପ୍ରିଲ ୧୬ (ଓଡିଶା ଡଟ କମ) ମାଲକାନଗିରି ଜିଲ୍ଲାର କେତେକ ଗ୍ରାମରୁ କିଛିଦିନ ତଳେ ମାଓବାଦୀ ନେଇଯାଇଥିବା ସମସ୍ତ ଏଗାର ଜଣ ବ୍ୟକ୍ତି  ପ୍ରତ୍ୟାବର୍ତ୍ତନ କରିଥିବା ପୁଲିସ ଗୁରୁବାର କହିଛି ।

maoistsପ୍ରଥମେ ସେମାନେ ଅପହରଣ ହୋଇଥିବା ସନ୍ଦେହ ପ୍ରକାଶ କରାଯାଇଥିବା ବେଳେ, ସେମାନେ ନିଜ ଇଚ୍ଛାରେ ମାଓବାଦୀଙ୍କ ସହ ଯାଇଥିବା ପୁଲିସ ସନ୍ଦେହ କହିଛି ।

ସେମାନଙ୍କୁ ମାଓ ସମର୍ଥକ ଆଖ୍ୟା ଦେଇ ପୁଲିସ କହିଛି ଯେ ଦୁଇ ଜଣ ବୁଧବାର ରାତିରେ ଘରକୁ ଫେରିଥିବା ବେଳେ, ଅନ୍ୟ ନଅ ଜଣ ଗୁରୁବାର ନିଜ ଘରକୁ ଫେରିଛନ୍ତି ।

ଘରକୁ ଫେରିଥିବା ଗ୍ରାମବାସୀଙ୍କୁ ପଚରା ଉଚୁରା କରି ସେମାନଙ୍କର ମାଓବାଦୀ ସହ କି ସଂପର୍କ ରହିଛି ତାହା ମଧ୍ୟ ପୁଲିସ ଅନୁଧ୍ୟାନ କରୁଛି ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ଅପରାଧ Tagged With: ଗ୍ରାମବାସୀ, ମାଓବାଦୀ

୭ ମାଓବାଦୀ ଗିରଫ: ବିପୁଳ ବିସ୍ପୋରକ ଜବତ

February 4, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

କୋରାପୁଟ,ଫେବୃଆରି ୩ (ଓଡିଶା ଡଟ୍ କମ୍)-ଲକ୍ଷ୍ମୀପୁର ବ୍ଲକ ମୁର୍ଲାପୁଟ ଜଙ୍ଗଲରେ ୭ ଜଣ ମାଓବାଦୀଙ୍କୁ ଗିରଫ କରାଯିବା ସହ ବିପୁଳ ବିସ୍ପୋରକ ସାମଗ୍ରୀ ଜବତ କରାଯାଇଛି ।

ଏହି ଜଙ୍ଗଲରେ ମାଓବାଦୀଙ୍କ କ୍ୟାମ୍ପ ଚାଲିଥିବାର ଖବର ପାଇ ସ୍ଥାନୀୟ ପୋଲିସ ଓ ସୀମା ସୁରକ୍ଷାବାହିନୀ ପକ୍ଷରୁ ମିଳିତ ଚଢାଉ କରାଯାଇଥିଲା । ସୁରକ୍ଷାବାହିନୀ ସହ ସଂଘର୍ଷରେ ୭ ମାଓବାଦୀ ଧରାପଡିଥିଲେ ବୋଲି କୋରାପୁଟ ଏସ୍ପି ଅବିନାଶ କୁମାର ସୂଚନା ଦେଇଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: କୋରାପୁଟ, ପୋଲିସ, ମାଓବାଦୀ

ମାଓବାଦୀ ଗୁଳିରେ ପୂର୍ବତନ ସମିତି ସଭ୍ୟ ନିହତ

January 30, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଚିତ୍ରକୋଣ୍ଡା, ଜାନୁଆରୀ ୩୦(ଓଡିଶା ଡଟ୍ କମ୍)-ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଜଳଭଣ୍ଡାର ଅପରପାଶ୍ୱର୍ରେ ଥିବା ବିଚ୍ଛିନ୍ନାଞ୍ଚଳ ବଡ଼ପଡ଼ା ପଞ୍ଚାୟତର ପୂର୍ବତନ ସମିତି ସଭ୍ୟ କମୁଳୁଲୋଚନ ଅନୁକମ(୩୦)ଙ୍କୁ ପୁଲିସ ଗୁପ୍ତଚର ସନ୍ଦେହରେ ମାଓବାଦୀମାନେ ମଙ୍ଗଳବାର ଦିନ ୧୨ଟାରେ ଗୁଳିକରି ହତ୍ୟା କରିଛନ୍ତି ।

ପୋଲିସ କମଳୁଙ୍କ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ଗତ ୬ମାସ ମଧ୍ୟରେ ମାଓବାଦୀଙ୍କ ବିଚ୍ଛିନ୍ନାଞ୍ଚଳରେ ଏହା ତୃତୀୟ ହତ୍ୟାକାଣ୍ଡ ହୋଇଥିବାବେଳେ ଚଳିତ ବର୍ଷର ଏହା ମାଓବାଦୀଙ୍କ ପ୍ରଥମ ହିଂସାକାଣ୍ଡ ।

ଜିଲାପାଳ ଭିନୀଲ କ୍ରୀଷ୍ଣା ଅପହରଣ ସମୟରେ ପ୍ରଶାସନର ମଧ୍ୟସ୍ଥି ସାଜି ଆଦିବାସୀଙ୍କୁ ଉସକାଉଥିବା ସଂପର୍କରେ ମାଓବାଦୀମାନେ ତାଙ୍କୁ ବହୁ ପୂର୍ବରୁ ଟାର୍ଗେଟ କରିଥିବା ଜଣାପଡିଛି ।

ବିଭିନ୍ନ ସରକାରୀ, ବେସରକାରୀ କର୍ମଚାରୀମାନେ ଉକ୍ତ ବଡ଼ପଡ଼ା ଓ ପାପରପେଟଲା ପଞ୍ଚାୟତରେ କୌଣସି ଉନ୍ନୟନ ମୂଳକ କାର୍ଯ୍ୟ କରିବା ପୂର୍ବରୁ ତାସହ ଆଲୋଚନା କରୁଥିବା, ପୁଲିସ ସହିତ ଯୋଗସୂତ୍ର ରଖି ମାଓବାଦୀ କ୍ୟାମ୍ପ ଉପରେ ଚଢ଼ଉ କରାଇବା ଆଦି ଘଟଣାରେ ସମ୍ପୃକ୍ତ ଥିବା ସନ୍ଦେହକରି ପ୍ରାୟ ୮ରୁ୧୦ଜଣ ସଶସ୍ତ୍ର ମାଓବାଦୀ କମୁଳୁ ଘରୁ ଡ଼ାକିନେଇଥିଲେ । ବିଚ୍ଛିନ୍ନାଞ୍ଚଳ ଜାନବାଇ ଡ଼ଙ୍ଗାଘାଟ ନିକଟସ୍ଥ ବାଇଲିଗୁମ୍ମାଠାରେ ଦିନ ୧୨ଟାରେ ଗୁଳିକରି ହତ୍ୟା କରିଥିବା ଜଣାପଡିଛି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଚିତ୍ରକୋଣ୍ଡା, ଜିଲାପାଳ ଭିନୀଲ କ୍ରୀଷ୍ଣା, ମାଓବାଦୀ

ସରକାର-ମାଓ ସଂପର୍କନେଇ ବିଧାନସଭା ହୁଲସ୍ତୁଲ

December 17, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୭(ଓଡିଶା ଡଟ୍ କମ୍)-ମାଓବାଦୀଙ୍କ ସହ ସରକାରଙ୍କ ସଂପୃକ୍ତି ଅଭିଯୋଗ ନେଇ ସୋମବାର ଦିନ ବିଧାନସଭା ସରଗରମ ହୋଇଛି । ବିରୋଧି କଂଗ୍ରେସ କହିଛି ରାଜନେତା ଓ ପ୍ରଶାସନଙ୍କୁ ମୁକୁଳେଇବା ପାଇଁ ସରକାର ଦେଇଛନ୍ତି ଛଅ କୋଟି ଟଙ୍କା । ଜାତୀୟ ତଦନ୍ତକାରୀ ସଂସ୍ଥା ଏନ୍ଆଇଏ ଦଦ୍ୱାରାଏହାର ତଦନ୍ତ କରାଯାଉ ।

ମାଓବାଦୀଙ୍କୁ ଯେଉଁ ଟଙ୍କା ଦିଆଯାଇଛି ତାହା କେଉଁ ସୂତ୍ରରୁ ଆସିଛି ସେ ବିଷୟରେ ଗୃହରେ ସରକାର ମତ ରଖନ୍ତୁ ବୋଲି ବିରୋଧୀଦଳ ଦାବି କରିଛି ।

ପ୍ରଥମେ ମାଓ ମଧ୍ୟସ୍ତି ଦଣ୍ଡପାଣି ମହାନ୍ତି ଓ ପରେ ସାଂସଦ ପ୍ୟାରୀମୋହନ ମହାପାତ୍ର ଏହି ଅଭିଯୋଗ ଆଣିଥିଲେ । ସ୍ୱାଧୀନ ବିଧାୟକ ପ୍ରତାପ ଷଡଙ୍ଗୀ କହିଛନ୍ତି ଯେ,ସେହି ଟଙ୍କା ହେଉଛି ଦରିଦ୍ର କରଦାତାଙ୍କର ପଇସା । ଆମ ରାଜକୋଷର ପଇସା ।

ତେଣୁ ମୁଖ୍ୟମନ୍ତ୍ରୀଙ୍କ ବିରୋଧରେ ଅପରାଧ ମାମଲା ରୁଜ କରାହେବାକଥା । ତାଙ୍କୁ ଜେରା କରାଯାଉ ବୋଲି ସେ ଦାବି କରିଛନ୍ତି । ଏସବୁ ଅଭିଯୋଗକୁ ଖଣ୍ଡନ କରିଛି ଶାସକ ଦଳ । ଏ ଘଟଣାକୁ ନେଇ ଶାସକ ଦଳର ଉପମୁଖ୍ୟ ସଚେତକ ସଂଜୟ ଦାସବର୍ମା କହିଛନ୍ତି ବିରୋଧୀଙ୍କ ଏ ସବୁ ଅଭିଯୋଗ ସମ୍ପୂର୍ଣ୍ଣ ମିଥ୍ୟା । ରାଜନୈତିକ ଉଦେ୍ଧଶ୍ୟ ପ୍ରଣୋଦିତ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: ବିଧାନସଭା, ମାଓବାଦୀ, ରାଜନିତି, ସରକାର-ମାଓ ସଂପର୍କ

  • Go to page 1
  • Go to page 2
  • Go to page 3
  • Interim pages omitted …
  • Go to page 18
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ