ମାଲକାନଗିରି

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ମାଲକାନଗିରି, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ମାଓବାଦୀମାନେ ବୁଧବାର ଜଣେ ଗାଁ ମୁଖିଆଙ୍କୁ ହତ୍ୟା କରିଥିବା ପୋଲିସ କହିଛି ।

ଦୁଇଦିନଆ ବନ୍ଦ ଡ଼ାକରାର ପ୍ରଥମଦିନରେ ସେମାନେ ଏମ୍ଭି-୭୯ ପଂଚାୟତର ପୂର୍ବତନ ସରପଂଚ ତଥାଗାଁ ମୁଖିଆ ରାମା କୁଞ୍ଜଙ୍କୁ ହତ୍ୟା କରିଥିବା ଜଣେ ଅଧିକାରୀ କହିଛନ୍ତି ।

ସକାଳେ ଗାଁ ପାଖରେ କୁଞ୍ଜଙ୍କ ଶବ ପଡ଼ିଥିବା ଦେଖି ଲୋକମାନେ ପୋଲିସକୁ ଖବର ଦେଇଥିଲେ ।
ଘଟଣାସ୍ଥଳରେ କୌଣସି ପୋଷ୍ଟର ମିଳିନଥିବା ବେଳେ ଏହା ମାଓବାଦୀଙ୍କ କାଣ୍ଡ ବୋଲି ସେ କହିଛନ୍ତି ।

ପୂର୍ବତନ ମାଲକାନଗିରି ଜିଲ୍ଲାପାଳ ଭିନିଲ କ୍ରୀଷ୍ଣାଙ୍କ ମୁକ୍ତି ସମୟରେ ସରକାର କରିଥିବା ଚୁକ୍ତିର ଖିଲାପ ବିରୋଧରେ ମାଓବାଦୀମାନେ ୧୬ ଓ ୧୭ ତାରିଖ ଦୁଇଦିନଆ ବନ୍ଦ ଡ଼ାକରା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ମାଲକାନଗିରି, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ମାଓବାଦୀମାନେ ବୁଧବାର ବନ୍ଦ ଡ଼ାକରା ଦେଇଥିବା ବେଳେ ଏହାର ପ୍ରଭାବରେ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି ।

ଜିଲ୍ଲାର କାଳିମେଳା, ପୋଟେରୁ, ମୋଟୁ, ଏମ୍ଭି ୩୯ ଅଂଚଳରେ ଦୋକାନ ବଜାର, ସରକାରୀ କାର୍ଯ୍ୟାଳୟ ଓ ସ୍କୁଲ କଲେଜ ମଧ୍ୟ ବନ୍ଦ ରହିଛି ।

କେତେକ ସ୍ଥାନରେ ମାଓବାଦୀମାନେ ଗଛ ପକାଇ ରାସ୍ତା ଅବରୋଧ କରିଥିବା ବେଳେ ଜୟପୁର ମାଲକାନଗିରି ରାସ୍ତାରେ ଗାଡ଼ି ଚଳାଚଳ ସଂପୂର୍ଣ୍ଣ ବନ୍ଦ ରହିଛି । ବନ୍ଦ ଡ଼ାକରାରେ ସାଧାରଣ ଲୋକମାନେ ସାମିଲ ହେବାକୁ ସେମାନେ ବିଭିନ୍ନ ସ୍ଥାନରେ ପୋଷ୍ଟର ଲଗାଇଛନ୍ତି ।

ବନ୍ଦକୁ ଦୃଷ୍ଟିରେ ରଖି ଜିଲ୍ଲାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଜିଲ୍ଲା ଭିତରକୁ ଆସୁଥିବା ସମସ୍ତ ଗାଡ଼ିକୁ ଯାଞ୍ଚ କରାଯାଉଛି ।

ମାଲକାନଗିରି ପୂର୍ବତନ ଜିଲ୍ଲାପାଳ ଭୀନିଲ କ୍ରିଷ୍ଣାଙ୍କ ମୁକ୍ତି ସମୟରେ ସରକାର କରିଥିବା ସର୍ତ ବର୍ତମାନ ପର୍ଯ୍ୟନ୍ତ ପୂରଣ ହୋଇନଥିବା ଅଭିଯୋଗ କରି ମାଓବାଦୀମାନେ ଦୁଇଦିନିଆ ବନ୍ଦ ଡ଼ାକରା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ରତ୍ନାକର ଦ।ଶ

ମାଲକାନଗିରି, ମଇ ୫(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ମାଓବାଦୀମାନେ ଗୁରୁବାର ଭୋର ସମୟରେ ଏକ ପଞ୍ଚାୟତ ଗୃହକୁ ବିସ୍ଫୋରଣ କରି ଧ୍ୱଂସ କରିେଇଥିବା ପୋଲିସ କହିଛି ।

ପଦିଆ ବ୍ଲକ ନିକଟରେ ଥିବା ନିଲିଗୁଡ଼ା ପଞ୍ଚାୟତର ଅଫିସ ଗୃହକୁ ସେମାନେ ଲ୍ୟାଣ୍ଡମାଇନ ଲଗାଇ ବିସ୍ଫୋରଣ କରିଥିବା ଜିଲ୍ଲା ପୋଲିସ ମୁଖ୍ୟ ଅନିରୁଦ୍ଧ ସିଂ କହିଛନ୍ତି । ବିସ୍ଫୋରଣ ସମୟରେ ସେଠାରେ କେହି ନଥିଲେ ବୋଲି ସେ କହିଛନ୍ତି |

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ମାଲକାନଗିରି, ଅପ୍ରେଲ ୨୮(ଓଡ଼ିଶା ଡ଼ଟ୍ କମ୍) ମାଓବାଦୀଙ୍କ ୨୪ ଘଣ୍ଟିଆ ବନ୍ଦ ଡ଼ାକରା ଯୋଗୁଁ ଗୁରୁବାର ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରେ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି ।

ଆକ୍ରମଣର ଆଶଂକା କରି କାଳିମେଳା ଓ ମୋଟୁ ଅଞ୍ଚଳରେ ଘରୋଇ ଏବଂ ସରକାରୀ ବସ୍ ଚଳାଚଳ ବନ୍ଦ ରହିଥିବା ଜଣେ ଅଧିକାରୀ କହିଛନ୍ତି ।

ଅପହୃତ ମାଲକାନଗିରି ଜିଲ୍ଲାପାଳ ଓ କନିଷ୍ଠ ଯନ୍ତ୍ରୀଙ୍କ ମୁକ୍ତି ପାଇଁ ସରକାର ମଧ୍ୟସ୍ଥିଙ୍କ ସହ କରିଥିବା ଚୁକ୍ତିର ଖିଲାପ କରୁଥିବା ଦର୍ଶାଇ ସେମାନେ ଏହି ବନ୍ଦ ଡ଼ାକରା ଦେଇଛନ୍ତି ।

ଗତ ଫେବୃୟାରୀ ମାସରେ ମାଓବାଦୀମାନେ ଜିଲ୍ଲାପାଳ ଓ କନିଷ୍ଠ ଯନ୍ତ୍ରୀଙ୍କୁ ଅପହରଣ କରିନେଇଥିଲେ । ମାଓବାଦୀଙ୍କଦ୍ୱାରା ମନୋନୀତ ମଧ୍ୟସ୍ଥିଙ୍କ ସହ ସରକାରଙ୍କ ଆଲୋଚନା ପରେ ସେମାନେ ମୁକ୍ତ ହୋଇଥିଲେ ।

ରାଜ୍ୟର ବିଭିନ୍ନ ଜେଲରେ ଥିବା ପ୍ରାୟ ୭୦୦ ଆିବାସୀଙ୍କୁ ମୁକ୍ତ, ମାଓବାୀ ବିରୋଧି ଅଭିଯାନ ବନ୍ଦ କରିବା ସହ ୧୪ଟି ଦାବି ପୂରଣ କରିବାକୁ ସରକାର ପ୍ରତିଶୃତି ଦେବା ପରେ ସେମାନେ ଉଭୟଙ୍କୁ ମୁକ୍ତ କରିଥିଲେ ।

ମାଓ ଦମନ ଅଭିଯାନ ବନ୍ଦ କରିବା ତଥା ଜେଲରେ ଥିବା ନୀରିହ ଆଦିବାସୀଙ୍କୁ ମୁକ୍ତ କରିବା ପାଇଁ ସେମାନେ ବିଭିନ୍ନ ସ୍ଥାନରେ ପୋଷ୍ଟର ଲଗାଇଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

କଟକ, ମାର୍ଚ୍ଚ ୨(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାପାଳ ଆର୍ ଭିନିଲ ଓ କନିଷ୍ଠ ଯନ୍ତ୍ରୀ ପବିତ୍ର ମୋହନ ମାଝିଙ୍କ ଅପହରଣ ଓ ମୁକ୍ତି ନେଇ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ ହୋଇଛି ।

ବହୁ ଚର୍ଚ୍ଚିତ ଡ଼ାଲି ଦୁର୍ନୀତିକୁ ଘୋଡ଼ାଇବା ପାଇଁ ଏହି ଅପହରଣ ନାଟକ ରଚାଯାଇଥିବା ଦର୍ଶାଇ ମଙ୍ଗଳବାର ଆବେଦନକାରୀ ମାନସ କୁମାର ପରିଡ଼ା ଏହାର ସିବିଆଇ ତଦନ୍ତ କରିବା ନିମନ୍ତେ ନିବେଦନ କରିଛନ୍ତି ।

ଏଥିରେ ମୁଖ୍ୟ ଶାସନ ସଚିବ, ଗୃହ ସଚିବ, ପଞ୍ଚାୟତିରାଜ ସଚିବ, ପୋଲସ ଡ଼ିଜି, କେନ୍ଦ୍ର ଗୃହ ବିଭାଗ ଓ ସିବିଆଇ ନିର୍ଦ୍ଦେଶକଙ୍କୁ ପକ୍ଷଭୁକ୍ତ କରାଯାଇଛି ।

ଗତ ୧୬ ତାରିଖରେ ଜିଲ୍ଲାପାଳ ଓ କନିଷ୍ଠ ଯନ୍ତ୍ରୀ ଏକ ସରକାରୀ କାର୍ଯ୍ୟକ୍ରମରେ ଯୋଗ ଦେଇ ଫେରୁଥିବା ବେଳେ ମାଓବାଦୀମାନେ ତାଙ୍କୁ ଅପହରଣ କରିନେଇଥିଲେ । ଉଭୟଙ୍କୁ ମୁକ୍ତ କରିବା ପାଇଁ ସେମାନେ ସରକାରଙ୍କ ନିକଟରେ ୧୪ଟି ସର୍ତ୍ତ ରଖିଥିଲେ ।

ଅପହୃତଙ୍କୁ ମୁକ୍ତ ପାଇଁ ଗୃହ ସଚିବ ଓ ପଞ୍ଚାୟତିରାଜ ସଚିବଙ୍କୁ ସରକାର ଦ।ୟିତ୍ୱ ଦେଇଥିଲେ । ଆଲୋଚନା ସମୟରେ କେନ୍ଦ୍ର ସରକାରଙ୍କ ମତାମତ ନିଆଯାଇନଥିଲା ଏବଂ ପୋଲିସ ମହାନିର୍ଦ୍ଦେଶକଙ୍କୁ ମଧ୍ୟ ଏଥିରେ ସାମିଲ କରାଯାଇନଥିଲା ।

ମାଓବାଦୀଙ୍କ ସମସ୍ତ ସର୍ତ୍ତରେ ସରକାର ରାଜି ହୋଇଥିଲେ । ରାଜ୍ୟ ସରକାର ମାଓ ମନ କାର୍ଯ୍ୟକ୍ରମରେ କେନ୍ଦ୍ର ସରକାରଙ୍କ ଠାରୁ ସହାୟତା ଲୋଡ଼ୁଥିବା ବେଳେ ଉକ୍ତ ଆଲୋଚନାରେ କେନ୍ଦ୍ର ସରକାରଙ୍କ କୌଣସି ପ୍ରତିନିଧିଙ୍କୁ ସାମିଲ କରାନଯିବାରେ କାରଣ କ’ଣ ବୋଲି ଆବେନକାରୀ ପ୍ରଶ୍ନ କରିଛନ୍ତି ।

ଏହା ଏକ ସମ୍ବେନଶୀଳ ପ୍ରସଙ୍ଗ ହୋଇଥିଲେ ମଧ୍ୟ କ୍ୟାବିନେଟ ବୈଠକ ଡ଼କାଯାଇ ନଥିଲା । ଏହି ସବୁ ଘଟଣାରୁ ସରକାରଙ୍କ ସନ୍ଦେହଜନକ ଭୂମିକା ଜଣାପଡ଼ୁଛି ବୋଲି ସେ ଅଭିଯୋଗ କରିଛନ୍ତି । ତେଣୁ ଏହି ଘଟଣାର ସିବିଆଇ ତନ୍ତ ପାଇଁ ନିର୍ଦ୍ଦେଶ ଦେବାକୁ ସେ ପିଟିସନରେ ନିବେଦନ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୨୧(ଓଡ଼ିଶା ଡ଼ଟ୍ କମ୍) ସୋମବାର ରାଜ୍ୟରେ ମାଓବାଦୀଙ୍କ ୨୪ ଘଣ୍ଟିଆ ବନ୍ଦ ଡ଼ାକରା ଯୋଗୁଁ କେତେକ ସ୍ଥାନରେ ସାଧାରଣ ଜୀବନଯାତ୍ରା ପ୍ରଭାବିତ ହୋଇଥିବା ପୋଲିସ କହିଛି ।

ଗତ ୧୬ ତାରିଖ ଠାରୁ ମାଲକାନଗିରି ଜିଲ୍ଲାପାଳ ଆର୍.ଭିନିଲ କ୍ରିଷ୍ଣା ଓ କନିଷ୍ଠ ଯନ୍ତ୍ରୀ ପବିତ୍ର ମାଝୀଙ୍କୁ ଅପହରଣ କରିନେଇଥିବା ମାଓବାଦୀମାନେ ଦାବି ପୂରଣ ନିମନ୍ତେ ସରକାରଙ୍କ ଉପରେ ଚାପ ପକାଇବା ପାଇଁ ଏହି ବନ୍ଦ ଡ଼ାକରା ଦେଇଛନ୍ତି ।

ମାଓବାଦୀ ଅପରେଶନ ବନ୍ଦ କରିବା, ରାଜନୈତିକ ବନ୍ଦୀ ମାନଙ୍କୁ ଖଲାସ କରିବା ତଥା ପୋଲିସ ହେପାଜତରେ
ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିବାରକୁ କ୍ଷତିପୂରଣ ଦେବାକୁ ସେମାନେ ଦାବି କରିଛନ୍ତି ।

ରାୟଗଡ଼ା, କୋରାପୁଟ, ମାଲକାନଗିରି, କନ୍ଧମାଳ ଓ ଗଜପତି ଜିଲ୍ଲାରେ ସରକାରୀ ବସ୍ ଚଳାଚଳ ବନ୍ଦ ରହିଥିବା ବେଳେ କୋରାପୁଟ ଓ ରାୟଗଡ଼ା ଜିଲ୍ଲାରେ ରେଳ ଚଳାଚଳ ବାଧାପ୍ରାପ୍ତ ହୋଇଛି । ସଂପୃକ୍ତ ଜିଲ୍ଲାର ଗ୍ରାମାଞ୍ଚଳରେ ଦୋକାନ ବଜାର ଓ ଘରୋଇ ବସ୍ ଚଳାଚଳ ମଧ୍ୟ ବନ୍ଦ ରହିଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।।ତା

ଭୁବନେଶ୍ୱର, ଫେବୃୟାରୀ ୧୭(ଓଡ଼ିଶା ଡ଼ଟ୍ କମ୍) ଅପହୃତ ମାଲକାନଗିରି ଜିଲ୍ଲାପାଳଙ୍କ ମୁକ୍ତି ନିମନ୍ତେ ମାଓବାୀଙ୍କ ସହ ଆଲୋଚନା କରିବାକୁ ପ୍ରସ୍ତୁତ ଥିବା ଗୁରୁବାର ସଂଧ୍ୟାରେ ଓଡ଼ିଶା ସରକାରଙ୍କ ପକ୍ଷରୁ କୁହାଯାଇଛି ।

ଏ ସଂପର୍କରେ ସରକାର ସେମାନଙ୍କ ସହ ଆଲୋଚନା କରିବାକୁ ପ୍ରସ୍ତୁତ ବୋଲି ରାଜ୍ୟ ଗୃହ ସଚିବ ଉପେନ୍ଦ୍ରନାଥ ବେହେରା ସାମ୍ବାଦିକ ମାନଙ୍କୁ କହିଛନ୍ତି ।

ରାଜ୍ୟରେ ସମସ୍ତ କୁମ୍ବିଂ ଅପରେଶନ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି ଓ ଜିଲ୍ଲା ସ୍ତରରେ କିମ୍ବା ରାଜ୍ୟ ସ୍ତରରେ ଏ ସଂପର୍କରେ ଆଲୋଚନା ହୋଇ ପାରିବ, ସେ କହିଛନ୍ତି ।

“”ଅପହରଣକାରୀମାନେ ସେମାନଙ୍କ ପ୍ରତିନିଧିଙ୍କ ଜରିଆରେ ଆମ ସହ ଆଲୋଚନା କରିପାରିବେ । ଏଥିପାଇଁ ସରକାର ସମସ୍ତ ପ୍ରକାର ଦ୍ଵାରା ଖୋଲା ରଖିଛନ୍ତି” ସେ କହିଛନ୍ତି ।

ମାଓବାଦୀ ଓ ସରକାରଙ୍କ ମଧ୍ୟରେ ଆଲୋଚନା ପାଇଁ ମଧ୍ୟସ୍ଥତା କରିବାକୁ ସମାଜସେବୀ ସ୍ୱାମୀ ଅଗ୍ନିବେଶ କେତେକ ଟିଭି ଚ୍ୟନେଲରେ ପ୍ରସ୍ତାବ ଦେଇଥିବା ବେଳେ ଏନେଇ ସରକାର ତାଙ୍କ ସହ ଯୋଗାଯୋଗ କରି ମଧ୍ୟସ୍ଥତା କରିବାକୁ ଅନୁରୋଧ କରିଛନ୍ତି ବୋଲି ସେ କହିଛନ୍ତି ।

ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ବଡ଼ପଡ଼ା ଠାରେ ବୁଧବାର ପ୍ରଶାସନ ପକ୍ଷରୁ ଆୟୋଜିତ ଏକ ଜନସଂପର୍କ ଶିବିରରେ ଯୋଗ ଦେଇ ଫେରୁଥିବା ବେଳେ ଜିଲ୍ଲାପାଳ ଆର୍.ଭିନିଲ ଓ କନିଷ୍ଠ ଯନ୍ତ୍ରୀ ପବିତ୍ର ମୋହନ ମାଝୀଙ୍କୁ ମାଓବାଦୀମାନେ ଅପହରଣ କରିନେଇଥିଲେ ।

ଜିଲ୍ଲାରେ ମାଓବାଦୀ ଅପରେଶନ ବନ୍ଦ କରିବା ଓ ଗିରଫ ହୋଇ ଜେଲରେ ଥିବା ସମସ୍ତ ମାଓବାଦୀଙ୍କୁ ମୁକ୍ତ କରିବା ପାଇଁ ସେମାନେ ସରକାରଙ୍କୁ ୪୮ ଘଣ୍ଟା ସମୟ ଦେଇଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୧୭(ଓଡ଼ିଶା ଡ଼ଟ୍ କମ୍) ଅପହରଣ କରିନେଇଥିବା ମାଲକାନଗିରି ଜିଲ୍ଲାପାଳ ଓ ଯନ୍ତ୍ରୀଙ୍କୁ ମୁକ୍ତ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ମାଓବାଦୀଙ୍କୁ ନିବେଦନ କରିଛନ୍ତି ।

“ଘଟଣାର ତଦାରଖ କରାଯାଉଛି । ସେମାନଙ୍କର ମୁକ୍ତି ପାଇଁ ମୁଁ ମାଓବାଦୀଙ୍କୁ ନିବେଦନ କରିଛି” ମୁଖ୍ୟମନ୍ତ୍ରୀ ସାମ୍ବାଦିକ ମାନଙ୍କୁ କହିଛନ୍ତି ।

ବୁଧବାର ସଂଧ୍ୟାରେ ଜିଲ୍ଲାର ଚିତ୍ରକୋଣ୍ଡା ଅଞ୍ଚଳରୁ ଅପହରଣ କରିନେଇଥିବା ଜିଲ୍ଲାପାଳ ଆର୍.ଭିନିଲ.କ୍ରିଷ୍ଣା ଓ କନିଷ୍ଠ ଯନ୍ତ୍ରୀ ପବିତ୍ର ମୋହନ ମାଝୀଙ୍କ ମୁକ୍ତି ପାଇଁ ମାଓବାଦୀମାନେ ସରକାରଙ୍କ ନିକଟରେ ସର୍ତ୍ତ ରଖିଛନ୍ତି ।

ଜିଲ୍ଲାରେ ମାଓବାଦୀ ଅପରେଶନ ବନ୍ଦ କରିବା ଓ ଗିରଫ ହୋଇ ଜେଲରେ ଥିବା ସମସ୍ତ ମାଓବାଦୀଙ୍କୁ ମୁକ୍ତ କରିବା ପାଇଁ ସେମାନେ ସରକାରଙ୍କୁ ୪୮ ଘଣ୍ଟା ସମୟ ଦେଇଛନ୍ତି ।

“ସେମାନଙ୍କ ସର୍ତ୍ତ ନେଇ ପରୀକ୍ଷା ଚାଲିଛି । ସେମାନେ ଜିଲ୍ଲାରେ ମାଓବାଦୀ ଅପରେଶନ ବନ୍ଦ କରିବା ତଥା ଗିରଫ
ମାଓବାଦୀଙ୍କୁ ମୁକ୍ତ କରିବାକୁ ସର୍ତ୍ତ ରଖିଛନ୍ତି । ପରବର୍ତ୍ତୀ କାର୍ଯ୍ୟକ୍ରମ ପାଇଁ ତଥ୍ୟ ସଂଗ୍ରହ କରାଯାଉଛି” ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ ସାମ୍ବାଦିକ ମାନଙ୍କୁ କହିଛନ୍ତି ।

ଏହି ଘଟଣା ସଂପର୍କରେ ବିରୋଧି ଦଳ ମୁଖ୍ୟମନ୍ତ୍ରୀଙ୍କ ବିବୃତି ଦାବି କରି ଗୁରୁବାର ବିଧାନସଭାରେ ହଟ୍ଟଗୋଳ କରିଛନ୍ତି । ରାଜ୍ୟରେ ପ୍ରଥମ ଥର ପାଇଁ ମାଓବାଦୀମାନେ ଜଣେ ଭାରତୀୟ ପ୍ରଶାସନିକ ସେବା ଅଧିକାରୀଙ୍କୁ ଅପହରଣ କରିଛନ୍ତି ।

ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ବଡ଼ପଡ଼ା ଠାରେ ବୁଧବାର ପ୍ରଶାସନ ପକ୍ଷରୁ ଆୟୋଜିତ ଏକ ଜନସଂପର୍କ ଶିବିରରେ ଯୋଗ ଦେଇ ଫେରୁଥିବା ବେଳେ ଜିଲ୍ଲାପାଳ ଓ କନିଷ୍ଠ ଯନ୍ତ୍ରୀଙ୍କୁ ମାଓବାଦୀମାନେ ଅପହରଣ କରିନେଇଥିଲେ ।

୩୦ ବର୍ଷ ବୟସ୍କ କ୍ରିଷ୍ଣା ୨୦୦୫ରେ ଭାରତୀୟ ପ୍ରଶାସନିକ ସେବାରେ ଯୋଗ ଦେଇ ୧୬ ମାସ ତଳେ ମାଲକାନଗିରି
ଜିଲ୍ଲାପାଳ ଭାବେ ଦାୟିତ୍ୱ ଗ୍ରହଣ କରିଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ରତ୍ନାକର ଦାଶ

ମାଲକାନଗିରି, ଫେବୃୟାରୀ ୧୭(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାପାଳ ଆର୍.ଭିନିଲ କ୍ରୀଷ୍ଣାଙ୍କୁ ମାଓବାଦୀମାନେ ଅପହରଣ କରିନେଇଥିବା ପୋଲିସ ଗୁରୁବାର କହିଛି ।

ଜିଲ୍ଲା ସଦରମହକୁମା ସ୍ଥିତ ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ବଡ଼ପଡ଼ା ଠାରେ ବୁଧବାର ପ୍ରଶାସନ ପକ୍ଷରୁ ଆୟୋଜିତ ଏକ ଜନସଂପର୍କ ଶିବିରରେ ଯୋଗ ଦେବା ପାଇଁ ଜିଲ୍ଲାପାଳ ଅନ୍ୟ ଅଧିକାରୀଙ୍କ ସହ ସେଠାକୁ ଯାଇଥିଲେ ।

ପରେ ସେ ରାଜୀବ ଗାନ୍ଧୀ ଗ୍ରାମିଣ ବିଦ୍ୟୁତ ଯୋଜନାର ଅଗ୍ରଗତି ସଂପର୍କରେ ଜାଣିବା ପାଇଁ ଆଇଟିଡ଼ିଏ କନିଷ୍ଠ ଯନ୍ତ୍ରୀ ଓ ଅନ୍ୟ ତିନି ଜଣଙ୍କ ସହ ମଟର ସାଇକେଲରେ ବଡ଼ପଡ଼ାରୁ ପେପରମେଟଲା ଅଞ୍ଚଳକୁ ଯାଉଥିଲେ ।

ତେବେ ସେଠାରେ ପହଞ୍ଚିବା ପୂର୍ବରୁ ଜଙ୍ଗଲ ରାସ୍ତାରେ ମାଓବାଦୀମାନେ ଏମାନଙ୍କୁ ଅଟକାଇ ଜିଲ୍ଲାପାଳଙ୍କୁ ଅପହରଣ କରିନେଇଥିଲେ । ରାଜ୍ୟରେ ପ୍ରଥମ ଥର ପାଇଁ ମାଓବାଦୀମାନେ ଜଣେ ଆଇଏଏସ୍ ଅଧିକାରୀଙ୍କୁ ଅପହରଣ କରିନେଇଛନ୍ତି ।

ଜିଲ୍ଲାପାଳଙ୍କ ସହ ଅନ୍ୟ ଜଣେ ସରକାରୀ କର୍ମଚାରୀଙ୍କୁ ମଧ୍ୟ ସେମାନେ ଅପହରଣ କରିନେଇଥିବା ରାଜ୍ୟ ଗୋଇନ୍ଦା ବିଭାଗର ଜଣେ ଅଧିକାରୀ କହିଛନ୍ତି ।

ଜିଲ୍ଲାରେ ମାଓବାଦୀ ବିରୋଧୀ ଅଭିଯାନ ବନ୍ଦ କରିବା ସହ ଗିରଫ ହୋଇଥିବା ସମସ୍ତ ମାଓବାଦୀଙ୍କୁ ଛାଡ଼ି ଦେବାକୁ ସେମାନେ ସର୍ତ୍ତ ରଖିଛନ୍ତି ।

୩୦ ବର୍ଷ ବୟସ୍କ କ୍ରୀଷ୍ଣା ଆନ୍ଧ୍ରପ୍ରଦେଶର ସ୍ଥାୟୀ ବାସିନ୍ଦା ହୋଇଥିବା ବେଳେ ୨୦୦୫ରେ ଭାରତୀୟ ପ୍ରଶାସନିକ ସେବାରେ ଯୋଗ ଦେଇଥିଲେ । ୧୬ ମାସ ତଳେ ମାଲକାନଗିରି ଜିଲ୍ଲାପାଳ ଭାବେ ସେ ଦାୟିତ୍ୱ ଗ୍ରହଣ କରିଥିଲେ ।

ଓଡିଶା ଡଟ୍ କମ୍