• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ

ପୁଲିସର ‘ମୋ ସାଥି’ ଆପ ପ୍ରତି ମହିଳାଙ୍କ ବ୍ୟାପକ ଆଗ୍ରହ

May 27, 2015 by News Bureau Leave a Comment

ଓଡିଶା ଡଟ୍ କମ୍ ସଂବାଦଦାତା

ଭୁବନେଶ୍ଵର, ମଇ ୨୭(ଓଡିଶା ଡଟ୍ କମ୍): ଭୁବନେଶ୍ଵର ଓ କଟକରେ ମହିଳାଙ୍କ ସୁରକ୍ଷା ପାଇଁ କମିସନରେଟ ପୁଲିସ ଜାରି କରିଥିବା ମୋବାଇଲ ଆପ୍ଲିକେସନ “ମୋ ସାଥି”  ପ୍ରତି ଛାତ୍ରୀ , ଯୁବତୀ ଓ ମହିଳା ମାନଙ୍କ ମଧ୍ୟରେ ବ୍ୟାପକ ଆଗ୍ରହ ଦେଖିବାକୁ ମିଳିଛି ।

ଏହି ଆପ ଡାଉନ ଲୋଡ କରିବା ପାଇଁ ପ୍ରାୟ ପାଞ୍ଚ ହଜାର ରୁ ଅଧିକ ମହିଳା ଆବେଦନ କରିଥିବା ପୁଲିସ କହିଛି  ।

mo saathiପୁରୁଷ ମାନେ ମଧ୍ୟ କୌତୁହଳ ବସତଃ ଏହି ଆପ ଡାଉନ ଲୋଡ କରୁଥିବା ଦେଖିବାକୁ ମିଳିଛି । ଦେଶ ବାହାରେ ଥିବା କିଛି ମହିଳା ଏହି ଆପ ଡାଉନ ଲୋଡ କରିବାପାଇଁ ନିଜକୁ ପଞ୍ଜୀକୃତ କରିବ ପାଇଁ ଆବେଦନ କରିଛନ୍ତି । ତେବେ ସେସବୁକୁ ଖାରଜ କରିଦିଆ ଯାଇଛି ।

ଏପର୍ଯ୍ୟନ୍ତ ପାଞ୍ଚ ହଜାର ଆବେଦନକୁ ବୈଧ ବୋଲି ଘୋଷଣା କରାଯାଇ ସେମାନଙ୍କ ମଧ୍ୟରୁ ଛଅ ଶହ ପଞ୍ଚଷଠି ଟି ଜଣଙ୍କୁ ପଞ୍ଜୀକୃତ କରାଯାଇଥିବା ପୁଲିସ କହିଛି ।

ବର୍ତମାନ ଏହି ଆପକୁ ନେଇ ଅଧିକ ସଚେତନତା ଆବଶ୍ୟକ ବୋଲି କମିସନରେଟ ପୁଲିସ ପକ୍ଷରୁ କୁହାଯାଇଛି । ଏହାକୁ ଲୋକପ୍ରିୟ କରିବା ପାଇଁ ଏକ ତିନି ମିନିଟ ର ଭିଡିଓ ପ୍ରସ୍ତୁତ କରାଯାଇ ଫେସବୂକ ରେ ପୁଲିସ ଦେଇଛି ।

କମିସନରେଟ ପୁଲିସ ଜାରି କରିଥିବା ଏହି ଆପ କୁ ମଇ ୧୫ ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଥିଲେ ।

ଓଡିଶା ଡଟ୍ କମ୍

News Bureau
News Bureau

Filed Under: ଅପରାଧ, ରାଜନୀତି Tagged With: କମିସନରେଟ ପୁଲିସ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ମୋ ସାଥି ଆପ

ବୋହୁଙ୍କ ଯୌତୁକ ନିର୍ଯ୍ୟାତନା ଅଭିଯୋଗ ପରେ ମନ୍ତ୍ରୀ ରଘୁନାଥ ମହାନ୍ତିଙ୍କ ଇସ୍ତଫା

March 15, 2013 by ଓଡିଶା ଡଟ କମ Leave a Comment

ପ୍ରଫୁଲ ଦାଶ

ଭୁବନେଶ୍ୱର,ମାର୍ଚ ୧୫ (ଓଡ଼ିଶା ଡ଼ଟ୍ କମ୍)ବୋହୁ ଦ୍ୱାରା ଦିଆଯାଇଥିବା ଯୌତୁକ ନିର୍ଯ୍ୟାତନାର ଅଭିଯୋଗ ପରେ ନଗର ଉନ୍ନୟନ ମନ୍ତ୍ରୀ ରଘୁନାଥ ମହାନ୍ତି ଶୁକ୍ରବାର ମନ୍ତ୍ରୀପଦରୁଇସ୍ତଫା ଦେଇଛନ୍ତି ।

“”ମୁଁ ନୈତିକତା ଦୃଷ୍ଟିରୁ ଇସ୍ତଫା ଦେଉଛି । ଏହି ଅଭିଯୋଗ ପଛରେ କୌଣସି ସତ୍ୟତା ନାହିାଁ ”ବୋଲି ମହାନ୍ତି କହିଥିବା ବେଳେ ବିରୋଧୀଦଳ ତାଙ୍କୁ ଏବଂ ତାଙ୍କ ପରିବାରର ସଦସ୍ୟମାନଙ୍କୁ ତୁରନ୍ତ ଗିରଫ କରିବା ପାଇଁ ଦାବି କରିଛନ୍ତି ।

ମହାନ୍ତି ନଗର ଉନ୍ନୟନ ବିଭାଗ ସହିତ ଆଇନ ଏବଂ ସୂଚନା ଏବଂ ପ୍ରଯୁକ୍ତି ବିଦ୍ୟା ବିଭାଗର ମଧ୍ୟ ମନ୍ତ୍ରୀ ଥିଲେ ।

ଗୁରୁବାର ବାଲେଶ୍ୱର ଥାନାରେ ତାଙ୍କର ବୋହୁ ବର୍ଷା ସୋନି ଚୌଧୁରୀ ଏକ ଲିଖିତ ଅଭିଯୋଗ କରିଥିଲେ ଯେ ତାଙ୍କୁ ତାଙ୍କ ଶ୍ୱଶୁର ଘର ଲୋକେ ନଗଦ ୨୫ଲକ୍ଷ ଟଙ୍କା ଏବଂ ଏକ ସ୍କର୍ପିଓ ଗାଡ଼ି ବାପଘରୁ ଯୌତୁକ ଭାବେ ଆଣିବା ପାଇଁ ବିଭିନ୍ନ ସମୟରେ ନିର୍ଯ୍ୟାତନା ଦେଇ ଆସୁଥିଲେ ।

ବର୍ଷା ଆହୁରି ମଧ୍ୟ ଉଲେଖ କରିଥିଲେ ଯେ ଜୁନ୨୦୧୨ରେ ମନ୍ତ୍ରୀ ଶ୍ରୀ ମହାନ୍ତିଙ୍କ ପୁଅ ରାଜଶ୍ରୀଙ୍କୁ ସେ ବିବାହ କରିବା ପରଠାରୁ ତାଙ୍କୁ ବିଭିନ୍ନ ସମୟରେ ଉଭୟ ଶାରୀରିକ ଓ ମାନସିକ ନିର୍ଯ୍ୟାତନା ଦିଆଯାଉଥିଲା ।

ସେ ଦାବି କରିଛନ୍ତି ଯେ,ବିବାହ ସମୟରେ ଯୌତୁକ ଦାବି ମୁତାବକ ତାଙ୍କ ବାପଘର ଲୋକେ ନଗଦ୧୦ଲକ୍ଷ ଟଙ୍କା ଯୌତୁକ ଆକାରରେ ଦେଇଥିଲେ ସୁଦ୍ଧା ଆହୁରି ୨୫ଲକ୍ଷ ଟଙ୍କା ଓ ଏକ ଗାଡ଼ି ସେମାନେ ଦାବି କରୁଥିଲେ ।

ପୋଲିସ ମହାନ୍ତି ଏବଂ ତାଙ୍କ ପରିବାରର ଅନ୍ୟ ଚାରିଜଣଙ୍କ ନାମରେ ଯୌତୁକ ବିରୋଧି ଆଇନରେ ମାମଲା ରୁଜୁ କରିଛି ।

କିନ୍ତୁ ଏହି ସମସ୍ତ ଅଭିଯୋଗ ଭିତିହୀନ ବୋଲି ମହାନ୍ତି ସଫେଇ ଦେଇଛନ୍ତି । “ଆମେ ଏପରି କୌଣସି କାର୍ଯ୍ୟ କରିନାହୁଁ । ପୋଲିସ ତଦନ୍ତ କରୁ ,ବହୁତ ଶୀଘ୍ର ସତ୍ୟଜଣାପଡ଼ିବ ”ବୋଲି ସେ କହିଛନ୍ତି ।

ଏହାକୁ ନେଇ ଶୁକ୍ରବାର ବିଧାନସଭାରେ ତୁମୁଳ ହଟଗୋଳ ହୋଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହାନ୍ତିଙ୍କ ଇସ୍ତଫା ଗ୍ରହଣ କରିବା ସହ ପୋଲିସର ମାନବାଧିକାରସେଲକୁ ତଦନ୍ତ ଦାୟିତ୍ୱ ଦିଆଯାଇଥିବା କହିବା ସତ୍ୱେ ବିରୋଧୀମାନେ ହଟଗୋଳ ଜାରି ରଖିଥିଲେ । ଫଳରେ ବାଚସ୍ପତିଙ୍କୁ ବାରମ୍ବାର ବିଧାନସଭା ମୁଲତବୀ କରିବାକୁ ପଡ଼ିଥିଲା ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ପ୍ରଯୁକ୍ତି ବିଦ୍ୟା, ବର୍ଷା ସୋନି, ବାଲେଶ୍ୱର, ମନ୍ତ୍ରୀ ରଘୁନାଥ ମହାନ୍ତିଙ୍କ ଇସ୍ତଫା, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ଯୌତୁକ ନିର୍ଯ୍ୟାତନା, ସ୍କର୍ପିଓ ଗାଡ଼ି

ଲିଜ୍ ଜମି ୩ ବର୍ଷ ପଡିରହିଲେ ଫେରାଇ ଆଣିବେ ସରକାର

February 1, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୧(ଓଡିଶା ଡଟ୍ କମ୍)-ଯେଉଁମାନଙ୍କୁ ସରକାରୀ ଜମି ଲିଜରେ ଦିଆଯାଇଛି ସେମାନେ ସେହି ଜମିକୁ ବ୍ୟବହାର ନକିର ପଡିଆ ରଖିଲେ ୩ ବର୍ଷ ପରେ ସରକାର ଜମି ଫେରସ୍ତ ନେବେ । ଏଥିପାଇଁ ସରକାରୀ ଜମି ବନ୍ଦୋବସ୍ତ ଆଇନ ୧୯୬୨ର ଧାରା-୩(ବି)ରେ ସଂଶୋଧନ କରାଯିବ ।

ଭୂମିହୀନ ଓ ବାସହୀନ ଲୋକଙ୍କୁ ଜମି ଦିଆଯାଇଥିଲେ ସେମାନଙ୍କ କ୍ଷେତ୍ରରେ ଏହି ଆଇନ ଲାଗୁହେବନାହିଁ ବୋଲି ଆଜି କ୍ୟାବିନେଟରେ ନିଷ୍ପତି ନିଆଯାଇଛି ବୋଲି ବୈଠକ ଶେଷରେ ମୁଖ୍ୟ ଶାସନ ସଚିବ ବିଜୟ କୁମାର ପଟ୍ଟନାୟକ ଏହି ସୂଚନା ଦେଇଛନ୍ତି ।

ଶୁକ୍ରବାରବାର ଦିନ ରାଜ୍ୟ କ୍ୟାବିନେଟର ବୈଠକ ଅନୁଷ୍ଠିତ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଏହି କ୍ୟାବିନେଟ ବୈଠକରେ ୧୭ଟି ପ୍ରସ୍ତାବ ଉପରେ ଆଲୋଚନା ହୋଇଥିବାର ସୂଚନା ମିଳିଛି ।

ଗ୍ରୁପ-ସି,ଡି ପଦରେ ଠିକା ନିଯୁକ୍ତି ନିଷିଦ୍ଧ, ୬ ବର୍ଷ କାମ କରିଥିଲେ ଠିକା କର୍ମଚାରୀ ନିୟମିତ ହେବେ । ସର୍ଭିସପ୍ରୋଭାଇଡର ଦେଇଥିବା କର୍ମଚାରୀକୁ ପରୀକ୍ଷା ଦେବାକୁ ପଡିବ ।

ରେଂଜର ନିଯୁକ୍ତିରେ ଫରେଷ୍ଟ୍ରି ପିଲାଙ୍କ ସଂରକ୍ଷଣ,ଜନ୍ମ-ମୃତ୍ୟୁ ପ୍ରମାଣ ପତ୍ରରେ ମାଆଙ୍କ ନାମ ବାଧ୍ୟତାମୂଳକ ।

ଟ୍ରାଫିକ ପୋଲିସଙ୍କ ଲାଗି ସ୍ୱତନ୍ତ୍ର ଚାକିରି ନିୟମାବଳୀ,ସରକାରୀ ଜମି ବନ୍ଦୋବସ୍ତ ଆଇନ ୧୯୬୨ରେ ସଂଶୋଧନ, ଏମ୍ସକୁ ୦.୬୪୨ ଡିସିମିଲ ଜମି ପ୍ରଦାନ ଆଦି ବିଷୟରେ କ୍ୟାବିନେଟ ବୈଠକରେ ଆଲୋଚନା ହୋଇଯାଇଛି ।

ଓଡିଶା ଡଟ୍କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: କ୍ୟାବିନେଟ, ଜନ୍ମ-ମୃତ୍ୟୁ ପ୍ରମାଣ ପତ୍ର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ଲିଜ୍ ଜମି, ସରକାର

ଓଡିଶା ବିଜେପି ନିର୍ବାଚନ: ରାଜନାଥଙ୍କ ସହ ସାକ୍ଷାତ କଲେ ଜୁଏଲ

February 1, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ପେବୃୟାରୀ ୧ (ଓଡିଶା ଡଟ୍ କମ୍)- ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ରାଜନାଥ ସିଂହଙ୍କ ସହିତ ଓଡିଶା ରାଜ୍ୟ ସଭାପତି ଶ୍ରୀ ଜୁଏଲ ଓରାମ ଆଜି ପୂର୍ବାହ୍ନରେ ଅଶୋକ ରୋଡ୍ ସ୍ଥିତ ପାର୍ଟି କାର୍ଯ୍ୟାଳୟରେ ସୌହାର୍ଦ୍ଧ୍ୟମୂଳକ ସାକ୍ଷାତ କରିଛନ୍ତି ।

DSC_0417

ଉକ୍ତ ଆଲୋଚନା ସମୟରେ ଓଡିଶାରେ ଘଟିଥିବା ବିଭିନ୍ନ ଦୁର୍ନୀତି ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଲୋକପ୍ରିୟତା ହ୍ରାସ ହେବା ସଂପର୍କରେ ବିଷୟମାନ ଉଠିଥିଲା ।

କେନ୍ଦ୍ରରେ ଦେଶର ଆଭ୍ୟନ୍ତରିଣ ତଥା ବର୍ହିଃସୁରକ୍ଷା କ୍ଷେତ୍ରରେ, ଦରଦାମ୍ ବୃଦ୍ଧି, ବିଭିନ୍ନ ସ୍କାମ୍ ଏବଂ ଉପାସରକାରର ମେଣ୍ଟ ଅଂଶିଦାରଙ୍କ ମଧ୍ୟରେ ମନମାଳିନ୍ୟକୁ କେନ୍ଦ୍ରକରି ବାହାରେ ଯେଉଁ ଦୁର୍ବଳତା ପ୍ରକାଶ ପାଇଛି ତଦଦ୍ୱାରାଓଡିଶାରେ ମଧ୍ୟ ଦୁର୍ବଳ ସ୍ଥିତି ତାହା ସଂପର୍କରେ ଆଲୋଚନା ହୋଇଥିଲା ।

ଓଡିଶାର ଭାଜପା କାର୍ଯ୍ୟକର୍ତାଙ୍କ ମଧ୍ୟରେ ତୃଣମୂଳସ୍ତରରେ ଉତ୍ସାହ ଏବଂ ଅଗାମୀ ନିର୍ବାଚନରେ ଦକ୍ଷତାର ସହ ସଫଳତା ହାସଲ କରିବା ସଂପର୍କରେ ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ସିଂହଙ୍କୁ ଶ୍ରୀ ଜୁଏଲ୍ ଓରାମ ଅବଗତ କରାଇଥିଲେ ।

ଶେଷରେ ଓଡିଶାରେ ବହୁ୍ରତିକ୍ଷିତ ରାଜ୍ୟ ସଭାପତି ନିର୍ବାଚନ ଅତିଶୀଘ୍ର ସମାହିତ ହେବବୋଲି ଶ୍ରୀ ସିଂହ ପ୍ରତିଶୃତି ଦେଇଥିଲେ । ଏ ପ୍ରସଙ୍ଗରେ ଶ୍ରୀ ଓରାମ ରାଷ୍ଟ୍ରୀୟ ସାଧାରଣ ସଂପାଦକ (ସଂଗଠନ) ଦାୟୀତ୍ୱରେ ଥିବା ଶ୍ରୀ ରାମଲାଲଙ୍କ ସହ ଆଉଏକ ଆଲୋଚନା ପରେ ତାରିଖ ଏବଂ ଅନ୍ୟାନ୍ୟ ଆବଶ୍ୟକୀୟ ପଦକ୍ଷେପ ଚୁଡାନ୍ତ ହେବ ବୋଲି ସୂଚନା ଦେଇଛନ୍ତି ।

ଏ ସମସ୍ତ କାର୍ଯ୍ୟ ପେବୃୟାରୀ ୧୫ ତାରିଖ ପୂର୍ବରୁ ତଥା ଜାତୀୟ ପରିଷଦର ନିର୍ଦ୍ଧାରିତ ବୈଠକ ପୂର୍ବରୁ ସମାପ୍ତ ହେବବୋଲି ରାଷ୍ଟ୍ରୀ୍ରୟ ଅଧ୍ୟକ୍ଷ ଶ୍ରୀ ରାଜନାଥ ସିଂହ ପ୍ରତିଶୃତି ଦେଇଛନ୍ତି ।

ଓଡିଶା ଡଟ୍କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: ଓଡିଶା, ବିଜେପି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ଶ୍ରୀ ଜୁଏଲ ଓରାମ, ଶ୍ରୀ ରାଜନାଥ ସିଂହ

କଂଗ୍ରେସ କିମ୍ବା ବିଜେପି ସହିତ ବୁଝାମଣାର ସମ୍ଭାବନା ନାହିିଁ :ନବୀନ

January 20, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୦(ଓଡିଶା ଡଟ୍ କମ୍)- ଆଗାମୀ ନିର୍ବାଚନରେ କଂଗ୍ରେସ କିମ୍ବା ବିଜେପି ସହିତ କୌଣସି ପ୍ରକାର ବୁଝାମଣାର ସମ୍ଭାବନା ନାହିଁ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

19-1-2013=3naveen

କଂଗ୍ରେସ ବିଜେଡି ଏବଂ ଜେଡି(ୟୁ) ଭଳି ସମଭାବାପନ୍ନ ଦଳ ସହିତ କଥାବାର୍ତା ପାଇଁ ଦ୍ୱାର ଉନ୍ମୁକ୍ତ ରହିଛି ବୋଲି ଜୟପୁରଠାରେ ଅନୁଷ୍ଠିତ କଂଗ୍ରେସର ଚିନ୍ତନ ଶିବିରରେ ଯୋଗଦେବା ଅବସରରେ କେନ୍ଦ୍ର ମନ୍ତ୍ରୀ କମଳନାଥ ଗଣମାଧ୍ୟମକୁ ବିବୃତି ଦେଇଥିଲେ ।

ଏଥିରେ ପ୍ରତିକ୍ରିୟା ପ୍ରକାଶ କରି ମୁଖ୍ୟମନ୍ତ୍ରୀ କହିଛନ୍ତି ଯେ ସେ ପୂର୍ବରୁ ଏ ସମ୍ପର୍କରେ ସ୍ପଷ୍ଟ ମତରଖିସାରିଛନ୍ତି । ତେଣୁ କଂଗ୍ରେସ କିମ୍ବା ବିଜେପି ସହିତ କୌଣସି ପ୍ରକାର ବୁଝାମଣାର ସମ୍ଭାବନା ନାହିଁ ବୋଲି ଶ୍ରୀ ପଟ୍ଟନାୟକ ସାମ୍ବାଦିକମାନଙ୍କୁ କହିଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: କଂଗ୍ରେସ, ନିର୍ବାଚନ, ବିଜେପି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ସାମ୍ବାଦିକମାନେ

ବୁଧବାର ଅନ୍ନପୂର୍ଣ୍ଣାଦେବୀଙ୍କର ଶେଷକୃତ୍ୟ

January 1, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

କଟକ,ଜାନୁଆରୀ ୧(ଓଡିଶା ଡଟ୍ କମ୍)-ସୋମବାର ରାତି ୧୦ଟା୨୦ରେ ୯୬ବର୍ଷ ବୟସରେ ତାଙ୍କ କଟକ ବାଖରାବାଦ ବାସଭବନରେ ଆଖିବୁଜି ଦେଇଛନ୍ତି ବର୍ଷିୟାନ ଗାନ୍ଧିବାଦୀ ,ସର୍ବୋଦୟ ନେତ୍ରୀ ତଥା ସମାଜସେବୀ ଅନ୍ନପୂର୍ଣ୍ଣା ମହାରଣା । ସମଗ୍ର ରାଜ୍ୟ ଶୋକରେ ବୁଡି ଯାଇଛି ।

ଆସନ୍ତାକାଲି ପୂର୍ବାହ୍ନରେ ଖାନନଗର ଶ୍ମଶାନରେ ଅନ୍ନପୂର୍ଣ୍ଣାଦେବୀଙ୍କର ଶେଷକୃତ୍ୟ ସମ୍ପନ୍ନ ହେବାର କାର୍ଯ୍ୟକ୍ରମ ରହିଛି । ମୃତ୍ୟୁ ଶଯ୍ୟା ନିକଟରେ ତାଙ୍କର ଭାଉଜ ସୁମିତ୍ରା ଚୌଧୁରୀ, ଦଦୁଇ ପୁଅ ଡଃ ଜ୍ଞାନଦେବ ଓ ଡଃ କର୍ମଦେବଙ୍କ ସମେତ ବହୁ ଆତ୍ମୀୟସ୍ୱଜନ ଉପସ୍ଥିତ ଥିଲେ ।

କଟକର ବାଖରାବାଦସ୍ଥିତ ଏକ ମୁକ୍ତି ସଂଗ୍ରାମୀ ପରିବାରରେ ୧୯୧୭ ନଭେମ୍ବର ୩ରେ ଅନ୍ନପୂର୍ଣ୍ଣା ଜନ୍ମଲାଭ କରିଥଲେ । ଦେଶ ଓ ଦଶର ସେବା ପାଇଁ ସେ ନିଜକୁ ସମ୍ପୂର୍ଣ୍ଣ ଉତ୍ସର୍ଗ କରିଥିଲେ ।

ଜୀବନବ୍ୟାପୀ ଜନସେବାର ସ୍ୱୀକୃତି ସ୍ୱରୂପ ଉତ୍କଳ ବିଶ୍ୱବିଦ୍ୟାଳୟ ଓ କେନ୍ଦ୍ରୀୟ ବିଶ୍ୱବିଦ୍ୟାଳୟ ପକ୍ଷରୁ ତାଙ୍କୁ ସମ୍ମାନସୂଚକ ଡକ୍ଟରେଟ ଉପାଧି ପ୍ରଦାନ କରାଯାଇଥିଲା । “ଉତ୍କଳ ସାହିତ୍ୟ ସମାଜ’ ପକ୍ଷରୁ “ଉତ୍କଳରତ୍ନ’ ଉପାଧି ଏବଂ ରାଧାନାଥ ରଥ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ରାଧାନାଥ ରଥ ସେବା ସମ୍ମାନରେ ତାଙ୍କୁ ସମ୍ମାନିତ କରାଯାଇଥିଲା ।

ସେବା ଓ ତ୍ୟାଗର ବିରଳ ମଣିଷପଣିଆ ତାଙ୍କଠାରେ ଥିଲା । ସେ ଥିଲେ ଏକ ମହନୀୟ ବ୍ୟକ୍ତିତ୍ୱ । ନିଶାନିବାରଣ ଓ ମଦ୍ୟପାନ ବିରୋଧରେ ସେ ଆମୃତୁ୍ୟ ସଂଗ୍ରାମୀ ଥିଲେ ।

ଅତ୍ୟାଚାରୀ ଇଂରେଜ ପୁଲିସଙ୍କ ଦ୍ୱାରାସେ ଅକଥନୀୟ ନିର୍ଯାତନା ଭୋଗିବା ସହ ମାତ୍ର ୧୩ବର୍ଷ ବୟସରେ ପ୍ରଥମ କାରାବରଣ କରିଥିଲେ । ଜଣେ ବାନରସେନା ରୂପେ ମାତୃଭୂମି ପାଇଁ ସାହସର ସହିତ ଲଢ଼େଇକରି ସମସ୍ତଙ୍କର ଆଦରଣୀୟ ହୋଇପାରିଥିଲେ ।

ମହାତ୍ମା ଗାନ୍ଧିଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ଶ୍ରୀମତୀ ମହାରଣା ମା’ ରମାଦେବୀ ଓ ବାପା ଗୋପବନ୍ଧୁ ଚୌଧୁରୀ, ଭାଇ ମନମୋହନ ଚୌଧୁରୀ, ଦାଦା ନବକୃଷ୍ଣ ଚୌଧୁରୀ, ଖୁଡ଼ୀ ମାଳତୀ ଦେବୀ ଓ ସ୍ୱାମୀ ଶରତ ମହାରଣାଙ୍କ ସହିତ ସ୍ୱାଧୀନତା ସଂଗ୍ରାମରେ ଝାସ ଦେଇଥିଲେ ।

୧୯୩୦ ଲବଣ ସତ୍ୟାଗ୍ରହ ଆନ୍ଦୋଳନ ଓ ୧୯୪୨ ଭାରତଛାଡ଼ ଆନ୍ଦୋଳନରେ ସେ ସକ୍ରିୟଭାବେ ଅଂଶଗ୍ରହଣକରି କାରାବରଣଥିଲେ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ,ପିସିସି ସଭାପତି ନିରଜଂନ ପଟ୍ଟନାୟକ ଓ ଅନାଦି ସାହୁ ପ୍ରମୁଖ ରାଜ୍ୟର ବହୁ ମାନ୍ୟଗଣ୍ୟ ବ୍ୟକ୍ତିମାନେ ତାଙ୍କ ବସାଭବନକୁ ଯାଉ ଶେଷ ଦର୍ଶନ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଉତ୍କଳ ବିଶ୍ୱବିଦ୍ୟାଳୟ, ଉତ୍କଳରତ୍ନ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ସମାଜସେବୀ ଅନ୍ନପୂର୍ଣ୍ଣା

ଚଳିତ ବର୍ଷ ରାଜ୍ୟରେ ଖୋଲିବ ୪୧ଟି ନୂଆ ଦମକଳ କେନ୍ଦ୍ର

December 25, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୨୫(ଓଡିଶା ଡଟ୍ କମ୍)-ଚଳିତବର୍ଷ ରାଜ୍ୟରେ ୪୧ଟି ଦମକଳ କେନ୍ଦ୍ର ଖୋଲାଯିବ । ଏ ସଂକ୍ରାନ୍ତରେ ଆସିଥିବା ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି ।

ରାଜ୍ୟର ପ୍ରତି ବ୍ଳକରେ ଦମକଳ କେନ୍ଦ୍ର ଖୋଲିବା ପାଇଁ ସରକାର ନିଷ୍ପତି ଗ୍ରହଣ କରିଛନ୍ତି । ତଦନୁଯାୟୀ ଦମକଳ କେନ୍ଦ୍ର ନଥିବା ବ୍ଲକମାନଙ୍କ ମଧ୍ୟରୁ ୪୧ଟି ବ୍ଲକରେ ୨୦୧୨-୧୩ ଆର୍ଥିକ ବର୍ଷରେ ଦମକଳ କେନ୍ଦ୍ର ଖୋଲାଯିବ ।

ଏଥିପାଇଁ ୬୧୫ଜଣ କର୍ମଚାରୀଙ୍କ ନିଯୁକ୍ତି ପ୍ରକ୍ରିୟା ଆରମ୍ଭ କରିବାକୁ ସରକାର ନିଷ୍ପତି ନେଇଛନ୍ତି । ତନ୍ମଧ୍ୟରୁ ୪୧ଜଣ ଷ୍ଟେସନ ଅଫିସର, ୮୨ଜଣ ଲିଡ଼ିଂ ଫାୟାରମ୍ୟାନ, ୮୨ଜଣ ଡ୍ରାଇଭର ହାବିଲଦାର ଏବଂ ୪୦ଜଣ ଫାୟାରମ୍ୟାନ ପଦରେ ନିଯୁକ୍ତି ପାଇବେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଦମକଳ କେନ୍ଦ୍ର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ

ମହିଳା ବିଶ୍ୱକପ ଦଳରେ ବଲାଙ୍ଗୀରର ରୋଶନ୍ନାରା

December 25, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୨୫(ଓଡିଶା ଡଟ୍ କମ୍ )-୨୦୧୩ ଜାନୁୟାରୀ ୩୧ରୁ ଫେବୃୟାରୀ ୧୭ ପର୍ଯ୍ୟନ୍ତ ବମ୍ବେରେ ଆୟୋଜିତ ହେବ ଆଇସିସି ମହିଳା କ୍ରିକେଟ ବିଶ୍ୱକପ । ଏହଥିପାଇଁ ସୋମବାର ଘୋଷିତ ଭାରତୀୟ ଦଳରେ ଓଡିଶାର ରୋଶନ୍ନାରା ପରବିନ ସ୍ଥାନ ପାଇଛନ୍ତି ।

balangir1

ଚଳିତବର୍ଷ ଆଇସିସି ମହିଳା ଟ୍ୱେଂଟି୨୦ ବିଶ୍ୱକପ ଓ ଟ୍ୱେଂଟି୨୦ ଏସିଆ କପ ପରେ ୫୦ ଓଭରର ବିଶ୍ୱକପ ଲାଗି ଭାରତୀୟ ଦଳରେ ସ୍ଥାନ ପାଇଛନ୍ତି ବଲାଙ୍ଗୀରର ରୋଶନ୍ନାରା । ପ୍ରଥମ ଓଡ଼ିଆ ଭାବେ ମହିଳା ଟ୍ୱେଂଟି୨୦ ବିଶ୍ୱକପ ଖେଳିବାର ଗୌରବ ହାସଲ କରିଥିବା ରୋଶନ୍ନାରା ପ୍ରଥମ ଓଡ଼ିଆ ଭାବେ ବିଶ୍ୱକପ ଖେଳିବାକୁ ସୁଯୋଗ ପାଇଛନ୍ତି ।

ରୋଶନ୍ନାରା ବିଶ୍ୱକପ ପାଇଁ ଭାରତୀୟ ଦଳରେ ସ୍ଥାନ ପାଇଥିବାରୁ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଓସିଏ ସମ୍ପାଦକ ଆଶୀର୍ବାଦ ବେହେରା ତାଙ୍କୁ ଅଭିନନ୍ଦନ ଜଣାଇବା ସହ ତାଙ୍କର ସଫଳତା କାମନା କରିଛନ୍ତି ।

ହାଟପଦାପଡ଼ା ନିକଟସ୍ଥ ବିଭୁତି ପଡ଼ାରେ ଭଡ଼ା ଘରେ ରହନ୍ତି ରୋଶନ୍ନାରା । ରୋଶନ୍ନାରାଙ୍କ ବାପା କେଫାତୁଲ୍ଲା ଖାନ ଜଣେ ଛୋଟ ବ୍ୟବସାୟୀ । କୋଚ୍ ଅରୁଣ ନାୟକଙ୍କ କହିବା ହେଲା, ଏସିଆ କପ୍ ପରେ ଭାରତ-ଅଷ୍ଟ୍ରେଲିଆ ସିରିଜ୍କୁ ଦୃଷ୍ଟିରେ ରଖି ରୋଶନ୍ନାରା କଠିନ ପରିଶ୍ରମ କରିଛି ଏବଂ ଏହି ସିରିଜ୍ ରେ ଉନ୍ନତମାନର ଖେଳ ପ୍ରଦର୍ଶନ କରି ଟିମ୍କୁ ସଫଳତା ଦେବା ସେ ଲକ୍ଷ୍ୟ ରଖିଛି ।

ଏହା ସହ ରୋଶନ୍ନାରା ଜଣେ ଭଲ ସ୍ପିନର ହୋଇଥିବାରୁ ଏଥର ରୋଶନ୍ନାରାଙ୍କ ବୋଲିଂ ପ୍ରଦର୍ଶନ ଉଚ୍ଚକୋଟୀର ହେବ ବୋଲି ଶ୍ରୀ ନାୟକ କହନ୍ତି ।
ବଲାଙ୍ଗୀରର ୨୧ ବର୍ଷ ବୟସ୍କା ରୋଶନ୍ନାରା ଚଳିତବର୍ଷ ପ୍ରଥମଥର ପାଇଁ ଶ୍ରୀଲଙ୍କାରେ ଆୟୋଜିତ ୨୦୧୨ ମହିଳା ଟ୍ୱେଂଟି ୨୦ ପାଇଁ ଭାରତୀୟ ଦଳରେ ସ୍ଥାନ ପାଇ ଚମତ୍କାର ବୋଲିଂ କରିଥିଲେ ।

ପରେ ଅକ୍ଟୋବରରେ ଚୀନରେ ଆୟୋଜିତ ମହିଳା ଟ୍ୱେଂଟି୨୦ ଏସିଆ କପରେ ମଧ୍ୟ ରୋଶନ୍ନାରା ଭାରତୀୟ ଦଳରେ ସ୍ଥାନପାଇ ଭଲ ପ୍ରଦର୍ଶନ କରିଥିଲେ । ଭାରତୀୟ ମହିଳା କ୍ରିକେଟ ଦଳରେ ସ୍ଥାନ ପାଇବାରେ ରୋଶନ୍ନାରା ୨ୟ ଓଡ଼ିଆ । ତାଙ୍କ ପୂର୍ବରୁ ସେହି ବଲାଙ୍ଗୀରର ମାଧୁରୀ ମେହେଟ୍ଟା ଭାରତୀୟ ଦିନିକିଆ ଦଳରେ ସ୍ଥାନପାଇ ୱେଷ୍ଟଇଣ୍ଡିଜ ଗସ୍ତ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ବଲାଙ୍ଗୀର, ମହିଳା ବିଶ୍ୱକପ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ

ହଟ୍ଟଗୋଳ ମଧ୍ୟରେ ସରିଲା ଶୀତ ଅଧିବେଶନ

December 22, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୨୨(ଓଡିଶା ଡଟ୍ କମ୍)-ଶୀତ ଅଧିବେଶନର ଶେଷ ଦିନରେ ବଧାନସଭାରେ ହୋଇଥିଲା ପ୍ରବଳ ହଟ୍ଟଗୋଳ ଓ ଫାଇଲ ଫିଙ୍ଗା । ଏହିପରି ଭାବରେ ଶେଷ ହୋଇଛି ଚଳିତ ବର୍ଷର ଶୀତ ଅଧିବେଶନ ।

ଶନିବାର ଦିନ ବିଧାନସଭାର ଶେଷ ଦିବସରେ ବିରୋଧୀ ଦଳର ସଦସ୍ୟମାନେ କୃଷକ ସମସ୍ୟାକୁ ନେଇ ହଙ୍ଗାମା କରିଛନ୍ତି । ଚାଷୀଙ୍କ ସମସ୍ୟାକୁ ନେଇ କଂଗ୍ରେସ ବିଧାୟକମାନେ ଫ୍ଲା କାଡ ଦେଖାଇଥିଲେ । ଚାଷୀଙ୍କ ସମସ୍ୟାନେଇ କଂଗ୍ରେସ ତରଫରୁ ଯେଉଁ ମୁଲତବୀ ପ୍ରସ୍ତାବ ଆସିଥିଲା ବାଚସ୍ପତି ତାକୁ ଗ୍ରହଣ କରିନଥିଲେ ।

ପ୍ରଶ୍ନୋତରକାଳର ମାତ୍ର ପାଞ୍ଚ ମିନିଟ ପରେ ୧୨.୩୦ ପର୍ଯ୍ୟନ୍ତ ବାଚସ୍ପତି ଗୃହକାର୍ଯ୍ୟ ବନ୍ଦ କରିବାକୁ ବାଧ୍ୟ ହୋଇଥିଲେ ।

ଏହାପରେ ବିରୋଧୀ ବିଧାୟକମାନେ ବିଧାନସଭା ପରିସରରେ ଧାରଣା ଦେଇଥିଲେ । ଅପରାହ୍ନ ଅଧିବେଶନରେ ସମବାୟ ସଂଶୋଧନ ବିଲ୍ ଅନୁମୋଦିତ ହେବା ବେଳେ ପୁଣି ହୋହାଲ୍ଲା କରିଥିଲେ କଂଗ୍ରେସ ବିଧାୟକ ।

କଂଗ୍ରେସ ଦଳର ସଦସ୍ୟମାନେ ବାଚସ୍ପତିଙ୍କ ପୋଡିୟମ ଉପରକୁ ଚଢି ଫାଇଲପତ୍ର ଫୋପାଡି ଦେଇଥିଲେ । ପ୍ରାୟ ଅଧଘଣ୍ଟା କାଳ ଗୃହକୁ ହୁଲୁସ୍ତୁଲ କରିଥିଲେ କଂଗ୍ରେସ ସଦସ୍ୟମାନେ । ତାମଧ୍ୟରେ ଗୃହିତ ହୋଇଯାଇଥିଲା ବିଲ୍ ।

ଏ ଘଟଣାକୁ ନେଇ ବିରୋଧୀ ଦଳର ମୁଖ୍ୟ ସଚେତକ ପ୍ରସାଦ ହରିଚନ୍ଦନ କହିଛନ୍ତି ଯାହା ଆଜି ଘଟିଗଲା ତାହା ହେଉଛି ସବୁଠୁଁ କଳଙ୍କମୟ ଦିନ । ଆଜିର ଦିନଟି ହେଉଛି କଳା ଦିବସ ।

ଓଡିଶା ବିଧାନସଭା ଇତିହାସରେ ଯେଭଳି ଭାବରେ ଗୃହ ପରିଚାଳନା କରାଯାଉଛି । ଏଠି ସରକାର ଯାହା ଚାହିଁବେ ତାହା ହିଁ ହେବ । ଗଣତନ୍ତ୍ର ଏଠି ନାହିଁ ବୋଲି ଶ୍ରୀ ହରିଚନ୍ଦନ ପ୍ରକାଶ କରିଛନ୍ତି ।

ବିଜେପି ବିଧାୟକ ଜୟନାରାୟଣ ମିଶ୍ର କହିଛନ୍ତି ଶାସକ ଦଳ କେଉଁ ପରିସ୍ଥିତିରେ କେଉଁଭଳି କାର୍ଯ୍ୟ କରୁଛନ୍ତି ତାହା ବୁଝାଯାଉନାହିଁ । ବିଧାନସଭାରେ ବିରୋଧୀଙ୍କ ଆଚରଣକୁ ନିନ୍ଦା କରିଛନ୍ତି ଶାସକ ଦଳର ମୁଖ୍ୟ ସଚେତକ ପ୍ରଭାତ କୁମାର ତ୍ରିପାଠୀ ।

ପ୍ରଥମେ ୧୨.୩୦ମି. ପରେ ଅପରାହ୍ନ ୩ ଘଟିକା ପର୍ଯ୍ୟନ୍ତ ଗୃହ ମୁଲତବୀ ହୋଇଥିଲା । ତାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିବୃିତି ରଖିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଏହି ଅଧିବେଶନ ଭଲ ଭାବରେ ଶେଷ ହୋଇଛି ଓ ଶାନ୍ତି ପୂର୍ଣ୍ଣ ଥିଲା ।

ଏହି ଅଧିବେଶନରେ ମୋଟ ୧୫ଟି ବିଲ୍ ପାସ ହୋଇଛି । ରାଜ୍ୟବାସୀଙ୍କ ହିତଲାଗି ଅନେକ ବିଷୟରେ ଆଲୋଚନା ହୋଇଛି । ସେତେବେଳେ ମଧ୍ୟ କଂଗ୍ରେସ ବିଧାୟକମାନେ ସରକାର ବିରୋଧୀ ସ୍ଲୋଗାନ ଦେଇଥିଲେ । ଫଳରେ ବାଚସ୍ପତି ଅନିଦିଷ୍ଟ କାଳପାଇଁ ଗୃହକୁ ମୁଲତବୀ ଘୋଷଣା କରିଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: କଂଗ୍ରେସ ସଦସ୍ୟ, ଗଣତନ୍ତ୍ର, ବିଧାନସଭା, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ଶୀତ ଅଧିବେଶନ

ରେଳବାଇ ଅବହେଳା ପ୍ରତିବାଦରେ ବିଜେଡ଼ିର ଅର୍ଥନୈତିକ ଅବରୋଧ

December 18, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୮(ଓଡିଶା ଡଟ୍ କମ୍)-ବିଜୁ ଯୁବ ଜନତା ଦଳ ଆହ୍ୱାନରେ ଆଜି କେନ୍ଦ୍ର କଂଗ୍ରେସ ସରକାର ଓଡ଼ିଶାର ରେଳ ବିକାଶ ପ୍ରତି ପୋଷଣ କରୁଥିବା ଚରମ ଅବହେଳା ପ୍ରତିବାଦରେ ଭୁବନେଶ୍ୱରସ୍ଥିତ ମଞ୍ଚେଶ୍ୱର ରେଳଡ଼ବା ମରାମତି କାରଖାନାକୁ ଅର୍ଥନୈତିକ ଅବରୋଧ କରିବା ସହ ବିଜୁ ଯୁବ ଜନତା ଦଳ ନେତା ଓ କର୍ମୀ ବିକ୍ଷୋଭ ପ୍ରଦର୍ଶନ କରିଥିଲେ ।

bjd youth dharana

ଓଡ଼ିଶାରେ ଦ୍ରୁତ ଶିଳ୍ପାୟନ, ବନ୍ଦର ସଂଯୋଗୀକରଣ ଓ ମାଓ ପ୍ରବଣ ଅଞ୍ଚଳରେ ରେଳ ସଂଯୋଗୀକରଣ ପାଇଁ ରାଜ୍ୟ ସରକାରଙ୍କ ପକ୍ଷରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କ ପାଖରେ ୨୦୧୨-୧୨ ଆର୍ଥିକ ବର୍ଷ ପାଇଁ ୨୩୪୫କୋଟି ଟଙ୍କାର ବ୍ୟୟ ବରାଦ ପାଇଁ ପ୍ରସ୍ତାବ ରଖିଥଲେ ।

ତେବେ କେନ୍ଦ୍ର ରେଳ ମନ୍ତ୍ରଣାଳୟ ମାତ୍ର ୭୨୩କୋଟି ଟଙ୍କା ବ୍ୟବସ୍ଥା କରିଥିଲେ । ଓଡ଼ିଶାର ନିର୍ମାଣଧୀନ ରେଳ ପ୍ରକଳ୍ପ ଗୁଡ଼ିକ ବାଧାପ୍ରାପ୍ତ ହୋଇଥିବା ବେଳେ ବ୍ୟୟବରାଦ ଅର୍ଥରୁ ଗତ ଜୁନ୍ ମାସରେ ୧୮୬କୋଟି ଓ ସେପ୍ଟେମ୍ବର ମାସରେ ୩୪କୋଟି ଘୋଷିତ ବଜେଟରୁ କାଟି ଦିଆଯାଇଥିଲା ।

ବର୍ତ୍ତମାନ ପୁଣି ଏଭଳି ନଗଣ୍ୟ ବ୍ୟୟ ବରାଦରୁ ୬୦କୋଟି କାଟିବା, କେନ୍ଦ୍ର ରେଳବାଇ ବିଭାଗର ଓଡ଼ିଶାପ୍ରତି ଏହା କେବଳ କ୍ରମାଗତ ଅବିଚାର ନୁହେଁ, ବରଂ ଚରମ ଉପହାସ କହିଲେ ଅତ୍ୟୁକ୍ତି ହେବନାହିଁ ବୋଲି ବିଜୁ ଯୁବ ଜନତା ଦଳର ରାଜ୍ୟ ସଭାପତି ତଥା ସରକାରୀ ଉପମୁଖ୍ୟ ସଚେତକ ସଂଜୟ ଦାସବର୍ମା କହିଥିଲେ ।

ଦାସବର୍ମାଙ୍କ ନେତୃତ୍ୱରେ ୨୦୦୦ରୁ ଉର୍ଦ୍ଧ୍ଵ କର୍ମୀ ସାମିଲ୍ ହୋଇ ମଞ୍ଚେଶ୍ୱର ରେଳଡ଼ବା ମରାମତି କାରଖାନାକୁ ଅଚଳ କରି ଦେଇଥିଲେ । ମୁଖ୍ୟ ଫାଟକକୁ ଅବରୋଧ କରିବା ଫଳରେ କର୍ମ·ରୀମାନେ କାର୍ଯ୍ୟରେ ଯୋଗଦେଇ ପାରିନଥିଲେ ମଧ୍ୟ ଦଳର ଏଭଳି ଓଡ଼ିଶା ସ୍ୱାର୍ଥ ସମ୍ବଳିତ ଦାବିକୁ ପରୋକ୍ଷରେ ସମର୍ଥନ ଜଣାଇଥିଲେ ।

କେନ୍ଦ୍ର ସରକାରଙ୍କର ଏଭଳି ଓଡ଼ିଶା ବିରୋଧି ବୈମାତୃକ ମନୋଭାବ ବିରୁଦ୍ଧରେ ବିଜୁ ଜନତା ଦଳ ରାଜ୍ୟବ୍ୟାପି ଆନ୍ଦୋଳନ ଡ଼ାକରା ଦେଇ ଆଜି ଭୁବନେଶ୍ୱରରୁ ଶୁଭାରମ୍ଭ କରୁଛି । ଏହି ଆନ୍ଦୋଳନ ଆଗାମୀ ଦନରେ ପଲ୍ଳୀଠାରୁ ଦିଲ୍ଲୀ ପର୍ଯ୍ୟନ୍ତ ବ୍ୟାପକ କରାଯିବ ।

କେନ୍ଦ୍ର ରେଳବାଇ ସର୍ବାଧିକ ରାଜସ୍ୱ ପାଉଥିବା ବେଳେ ଓଡ଼ିଶାରେ ରେଳ ବିକାଶକୁ ଗତିରୋଧ କରିବା ପାଇଁ ଯେଉଁ ଷଡ଼ଯନ୍ତ୍ର କରୁଛନ୍ତି ଏହାକୁ ରାଜ୍ୟବାସୀ କଦାପି ଗ୍ରହଣ କରୁନାହାଁନ୍ତି ଏବଂ ଆଗାମୀ ଦିନରେ ଏଭଳି ଏକ ରାଜ୍ୟବିକାଶ ବିରୋଧି କେନ୍ଦ୍ର ସରକାରଙ୍କୁ ଗାଦିଚ୍ୟୁତ କରିବା ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଦୃଢ ଜବାବ ଦେବେ ବୋଲି ଦାସବର୍ମା ଚରମ ଚେତାବନୀ ଜଣାଇଛନ୍ତି ।

ପୁଲିସ୍ ଏହି ଆନ୍ଦୋଳନରେ ସାମିଲ ହୋଇଥିବା ସମସ୍ତ ବିଧାୟକ, ମେୟର ଓ ୭୦୦ରୁ ଉଦ୍ଧ୍ୱର୍ କର୍ମୀମାନଙ୍କୁ ଗିରଫ କରି ଭୁବନେଶ୍ୱର ପୋଲିସ୍ ରିଜର୍ଭ ଲାଇନ୍ ମୁକ୍ତ ଆକାଶ ଜେଲ୍ରେ ବନ୍ଦୀକରି ରଖିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଅର୍ଥ-ବ୍ୟବସାୟ, ଓଡିଶା ଖବର Tagged With: କେନ୍ଦ୍ର ସରକାର, ବିଜେଡ଼ି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ, ରେଳ

  • Go to page 1
  • Go to page 2
  • Go to page 3
  • Interim pages omitted …
  • Go to page 8
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ