ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଅକ୍ଟୋବର ୨୯(ଓଡ଼ିଶା ଡ଼ଟ୍ କମ୍) ରାଜ୍ୟରେ ନିର୍ମାଣାଧିନ ବିଭିନ୍ନ ପ୍ରକଳ୍ପର କାର୍ଯ୍ୟ ଦୀର୍ଘଦିନ ଧରି ଶେଷ ହୋଇପାରୁ ନଥିବାରୁ ବିଧାନସଭାର ପବ୍ଳିକ୍ ଆକାଉଣ୍ଟ କମିଟି (ପିଏସି) ଉ୍ବେଗ ପ୍ରକାଶ କରିଛି ।
ଏହି ପ୍ରକଳ୍ପଗୁଡ଼ିକର କାମ ଶୀଘ୍ର ଶେଷ କରିବାକୁ ଶୁକ୍ରବାର ବିରୋଧି ଦଳ ନେତା ତଥା କମିଟି ଅଧ୍ୟକ୍ଷ ଭୂପିନ୍ଦର ସିଂହଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସରକାରଙ୍କୁ ପରାମର୍ଶ ଦିଆଯାଇଛି ।
ନିର୍ମାଣଧିନ ପ୍ରକଳ୍ପ ଗୁଡ଼ିକ ପାଇଁ ନିଯୁକ୍ତ ଠିକ।ଦାରଙ୍କ କାମର ନିୟମିତ ଯାଞ୍ଚ ବ୍ୟବସ୍ଥା କରାଯାଇଛି ବୋଲି ବୈଠକରେ ମୁଖ୍ୟ ଶାସନ ସଚିବ କହିଛନ୍ତି ।
ବୈଠକରେ ୧୦ଟି ବିଷୟ ଉପରେ ଆଲୋଚନା ହେବାର କାର୍ଯ୍ୟକ୍ରମ ଥିବା ବେଳେ ମାତ୍ର ଚାରୋଟି ବିଷୟ ଉପରେ ଆଲୋଚନା ହୋଇଛି । ବୈଠକରେ ଯୋଗ ଦେଇଥିବା ବିଧାୟକମାନେ ବିଭିନ୍ନ ପ୍ରକଳ୍ପର ଅଗ୍ରଗତି ନେଇ ଅସନ୍ତୋଷ ପ୍ରକାଶ କରିଥିଲେ ।
ଲୋୟର ସୁକ୍ତେଲ ଓ ଲୋୟର ଇନ୍ଦ୍ର ପ୍ରକଳ୍ପର କାମ ୧୫ ବର୍ଷ ଧରି କାହିଁକି ଶେଷ ହୋଇପାରୁ ନାହିଁ ବୋଲି ସେମାନେ ପ୍ରଶ୍ନ କରିଥିଲେ । ପ୍ରକଳ୍ପ ପାଇଁ ଠିକ୍ରେ ସର୍ଭେ କରାଯାଇଛି କି ନାହିଁ ତାହା ସେମାନେ ଜାଣିବାକୁ ଚାହିଁଥିଲେ ।
ପ୍ରକଳ୍ପର କାମରେ ବିଳମ୍ବ ହେବାରୁ ବ୍ୟୟ ଅଟ୍ଟକଳ ବୃଦ୍ଧି ପାଉଛି । ବିଭିନ୍ନ ପ୍ରକଳ୍ପ ପାଇଁ ଠିକ୍ରେ ସର୍ଭେକରାଯାଉନଥିବା ସଭ୍ୟମାନେ ଅଭିଯୋଗ କରିଥିଲେ ।
ବୈଷୟିକ ଜ୍ଞାନ ସଂପର୍ଣ୍ଣ ବ୍ୟକ୍ତିଙ୍କ ଅଭାବ ରହୁଥିବାରୁ ସମସ୍ତ କାମ ପାଇଁ କନ୍ସଲଟାଣ୍ଟ ନିୟୁକ୍ତ କରାଯାଉଛି । ଆଉ କେତେକ କାମରେ ଅର୍ଥ ବ୍ୟବସ୍ଥା କରିବାରେ ବିଳମ୍ବ ହେବାରୁ କାମ ମଧ୍ୟ ବିଳମ୍ବ ହେଉଛି ବୋଲି ମୁଖ୍ୟ ଶାସନ ସଚିବ କହିଛନ୍ତି ।
ଏହି ବୈଠକରେ ବୈଠକରେ ପିଏସି ସଭ୍ୟଙ୍କ ବ୍ୟତୀତ ମୁଖ୍ୟ ଶାସନ ସଚିବ, ଅର୍ଥ, ରାଜସ୍ୱ, ପଞ୍ଚାୟତିରାଜ, ଗ୍ରାମ୍ୟ ଉନ୍ନୟନ, ନଗର ଉନ୍ନୟନ ଓ ଆଇନ ବିଭାଗର ସଚିବମାନେ ଯୋଗ ଦେଇଥିଲେ ।
ଓଡ଼ିଶା ଡ଼ଟ୍ କମ୍
