Connecting Odias
ଓଡିଶା ଡଟ୍ କମ୍ ସଂବାଦଦାତା
ଭୁବନେଶ୍ଵର,ମଇ ୩୦ (ଓଡିଶା ଡଟ୍ କମ୍): ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଅଂଶୁଘାତ ଜନିତ ମୃତ୍ୟୁ ସଂଖ୍ୟା ୨୧ କୁ ବୃଦ୍ଧି ପାଇଥିବା ସ୍ଵତନ୍ତ୍ର ରିଲିଫ କମିଶନରଙ୍କ ଅଫିସ ଶନିବାର କହିଛି ।
ଅଂଶୁଘାତରେ କେନ୍ଦ୍ରାପଡା ଜିଲ୍ଲାରେ ପାଞ୍ଚଜଣ, ଗଞ୍ଜାମ ଓ ବରଗଡ ଜିଲ୍ଲାରେ ତିନି ଜଣ, ରାୟଗଡା ଓ କଟକ ଜିଲ୍ଲାରେ ଦୁଇ ଜଣ ଲେଖାଏଁ ମୃତ୍ୟୁ ବରଣ କରିଛନ୍ତି।
ସେହିପର ପୁରୀ,ଢେଙ୍କାନାଳ,ବଲାଙ୍ଗିର,ବାଲେଶ୍ଵର, ଅନୁଗୁଳ ଓ ଖୋର୍ଦ୍ଧା ଜିଲ୍ଲାରେ ଜଣେ ଲେଖାଏଁ ଅଂଶୁଘାତ ଜନିତ ମୃତ୍ୟୁର ସମ୍ମୁଖୀନ ହୋଇଥିବା ଏହି ଅଫିସ କହିଛି ।
ଓଡିଶା ଡଟ୍ କମ୍
ଡେଲାଙ୍ଗ, (ପୁରୀ ) ଏପ୍ରିଲ ୧୭ (ଓଡିଶା ଡଟ କମ ) ଟ୍ରେନରୁ ପଡି ଜଣେ ଯୁବକଙ୍କ ମୃତ୍ୟୁ ଘଟିବାର ପ୍ରତିବାଦରେ ପୁରୀ ଜିଲ୍ଲା ଡେଲାଙ୍ଗ ରେଳ ଷ୍ଟେସନରେ ଶୁକ୍ରବାର ସ୍ଥାନୀୟ ଲୋକେ ବ୍ୟାପକ ପୋଡାଜଳା କରିବା ସହ ଛିଡା ହୋଇଥିବା ଏକ ଟ୍ରେନର ଗୋଟିଏ ବଗିରେ ନିଆଁ ଲଗାଇ ଦେଇଛନ୍ତି ।
ଗୁରୁବାର ରାତିରେ ଗୁଲିଆପଡା ଗ୍ରାମର ଉକ୍ତ ଯୁବକ ପୁରୀ ବଡ଼ବିଲ ଏକ୍ସପ୍ରେସ ଟ୍ରେନରୁ ଡେଲାଙ୍ଗ ରେଳ ଷ୍ଟେସନ ନିକଟରେ ଖସିପଡି ମୃତ୍ୟୁ ବରଣ କରିଥିଲା । ଘଟଣା ସମ୍ପର୍କରେ ଖବର ପାଇ ସ୍ଥାନୀୟ ବାସିନ୍ଦା ରେଳ ଷ୍ଟେସନକୁ ଆସି ବ୍ୟାପକ ଭଙ୍ଗାରୁଜା କରିଥିଲେ । ସେମାନେ ରେଳ ଲାଇନ ଉପରେ ମଧ୍ୟ ବସିରହିଥିଲେ । ପରେ ଉକ୍ତ ଟ୍ରେନର ଗୋଟିଏ ବଗିରେ ଅଗ୍ନି ସଂଯୋଗ କରିଥିଲେ ।
ଶୁକ୍ରବାର ମଧ୍ୟ ସ୍ଥାନୀୟ ବାସିନ୍ଦା ନିଜର ପ୍ରତିବାଦ ଜାରି ରଖି ରାସ୍ତା ରୋକୋ କରିଥିଲେ ଫଳରେ ଯାନ ବାହନ ଚଳାଚଳ ବ୍ୟାହତ ହୋଇଥିଲ। ପୁଲିସ ଓ ରେଳବାଇ ଅଧିକାରୀ ଘଟନା ସ୍ଥଳରେ ପହଞ୍ଚି ବିରୋଧ ପ୍ରଦର୍ଶନକାରୀଙ୍କୁ ବୁଝାସୁଝା କଲାପରେ ଯାନ ବାହନ ଚଳା ଚଳ ସ୍ଵାଭାବିକ ହୋଇଥିଲ। ।
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବାଲେଶ୍ୱର, ଅକ୍ଟୋବର ୧୨(ଓଡ଼ିଶା ଡ଼ଟ୍ କମ୍) ବାଲେଶ୍ୱର ଜିଲ୍ଲାର ଏକ ସ୍ଥାନରେ ବୁଧବାର ସଡ଼କ ଦୁର୍ଘଟଣାରେ ଛଅ ଜଣଙ୍କ ମୃତ୍ୟୁ ହୋଇଥିବା ବେଳେ ଚାରି ଜଣ ଆହତ ହୋଇଥିବା ପୋଲିସ କହିଛି ।
ମୟୁରଭଞ୍ଜ ଜିଲ୍ଲା କପ୍ତିପାଦରୁ ଦଶ ଜଣଙ୍କୁ ନେଇ ପୁରୀ ଅଭିମୁଖେ ଯାଉଥିବା ଏକ ଜିପ୍ ଭୋର ସମୟରେ ମାର୍କେଣୀ ଠାରେ ଏକ ଟ୍ରକକୁ ପଛପଟୁ ଧକ୍କା ଦେଇଥିଲା ।
ଫଳରେ ଘଟଣାସ୍ଥଳରେ ଜଣେ ମହିଳାଙ୍କ ସମେତ ପାଞ୍ଚ ଜଣଙ୍କ ମୃତ୍ୟୁ ହୋଇଥିଲା ଏବଂ ଡ଼ାକ୍ତରଖାନାରେ ଜଣଙ୍କ ମୃତ୍ୟୁ ହୋଇଛି । ଅନ୍ୟ ଚାରି ଜଣ ଗୁରୁତର ଆହତ ହୋଇଛନ୍ତି । ଆହତ ମାନଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଗତ ରବିବାର ମଧ୍ୟ ବାଲେଶ୍ୱର ଜିଲ୍ଲାର ସିମୁଳିଆ ନିକଟରେ ଦୁର୍ଘଟଣା ଘଟି ପଶ୍ଚିମବଙ୍ଗର ଆଠଜଣ ତୀର୍ଥଯାତ୍ରୀ ପ୍ରାଣ ହରାଇଥିଲେ ।
ଓଡ଼ିଶା ଡ଼ଟ୍ କମ୍
