ମୟୁରଭଞ୍ଜ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ମଇ ୭(ଓଡ଼ିଶା ଡ଼ଟ୍ କମ୍) ମୟୁରଭଞ୍ଜ ଜିଲ୍ଲା ଶିମିଳିପାଳ ବନ୍ୟଜନ୍ତୁ ଅଭୟାରଣ୍ୟରୁ ୪ ହାତୀଙ୍କ କଙ୍କାଳ ଉଦ୍ଧାର କରାଯାଇଥିବା ଜଣେ ଅଧିକାରୀ ସୋମବାର କହିଛନ୍ତି ।

ବ୍ୟାଘ୍ର ସଂରକ୍ଷଣ ପ୍ରକଳ୍ପ ନଅଣା ରେଞ୍ଜ ଡ଼ୁବୁରୁଚମ୍ପା ଅନ୍ତର୍ଗତ ଏକ ନାଳ ନିକଟରୁ ରବିବାର ଏହି ହାତୀ କଙ୍କାଳ ମିଳିଥିବା ବ୍ୟାଘ୍ର ସଂରକ୍ଷିତ କ୍ଷେତ୍ରର ଉପନିର୍ଦ୍ଦେଶକ ଗଣମାଧ୍ୟମକୁ କହିଛନ୍ତି ।

ଶିକାରୀମାନେ ହାତୀ ମାନଙ୍କୁ ବିଷ ଦେଇ ମାରିବା ପରେ ଶବଗୁଡ଼ିକୁ ପୋତିଦେଇ ପତ୍ରରେ ଘୋଡାଇ ଦେଇଥିଲେ ବୋଲି ସେ କହିଛନ୍ତି । ଏହି ଖବର ପାଇବା ପରେ ବନ କର୍ମଚାରୀମାନେ ସେଠାକୁ ଯାଇ ହାତୀ କଙ୍କାଳ ଉଦ୍ଧାର କରିଛନ୍ତି ।

ମିଳିଥିବା କଙ୍କାଳ ଗୁଡ଼ିକର ପରୀକ୍ଷା କରାଯିବ ବୋଲି ସେ କହିଛନ୍ତି । ଏହି ଘଟଣା ଲୋକଲୋଚନକୁ ଆସିବା ପରେ ପରିବେଶବିତ୍ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପା, ଜାନୁୟାରୀ ୧୮(ଓଡ଼ିଶା ଡ଼ଟ୍ କମ୍) ମୟୁରଭଞ୍ଜ ଜିଲ୍ଲାରେ ବାର୍ଡ଼ଫ୍ଲୁ ଭୂତାଣୁ ଚିହ୍ନଟ ପରେ ବୁଧବାର ଠାରୁ ସେଠାରେ କୁକୁଡ଼ା ମରା ଅଭିଯାନ ଆରମ୍ଭ ହୋଇଛି ।

କେନ୍ଦ୍ର ସରକାରଙ୍କ ଅନୁମୋନ କ୍ରମେ ବାହାନଡ଼ା ଅଂଚଳର ତିନି କିଲୋମିଟର ମଧ୍ୟରେ କୁକୁଡ଼ା, ବତକ ମାରିବା ପାଇଁ ରାଜ୍ୟ ସରକାର ଅନୁମତି ବୋ ପରେ ୨୦ଟି ରାପିଡ଼୍ ରିଆକ୍ସନ ଟିମ୍ ଏହି କାର୍ଯ୍ୟରେ ନିୟୋଜିତ ହୋଇଛନ୍ତି ।

ଶଟି ଟିମ୍କୁ କୁକୁଡ଼ା ମାରିବା ତଥା ସେମାନଙ୍କୁ ପୋତିବା କାର୍ଯ୍ୟରେ ନିୟୋଜିତ କରାଯାଇଥିବା ବେଳେ ଅନ୍ୟ ଦଶଟି ଟିମ୍ ଲୋକଙ୍କୁ ସଚେତନ କରିବା କାର୍ଯ୍ୟରେ ନିୟୋଜିତ ହୋଇଛନ୍ତି ।

ସମୁାୟ ୩୦ଟି ଗ୍ରାମର ପାଂଚ ହଜାର କୁକୁଡ଼ା ଏବଂ ବତକଙ୍କୁ ମରାଯିବ । ଖୋର୍ଦ୍ଧା ଜିଲ୍ଲା କେରଙ୍ଗ ଭଳି ଏଠାରେ ମଧ୍ୟ କ୍ଷତିଗ୍ରସ୍ତ ଲୋକଙ୍କୁ ସହାୟତା ପ୍ରଦାନ କରାଯିବ ବୋଲି ଜଣେ ଅଧିକାରୀ କହିଛନ୍ତି ।

ଜିଲ୍ଲାରେ ବାର୍ଡ଼ଫ୍ଲୁ ନେଇ ଅଭିଯୋଗ ଆସିବା ପରେ ୪୧ଟି ରକ୍ତ ନମୂନା ସଂଗ୍ରହ କରାଯାଇ ଭୋପାଳପରୀକ୍ଷା ପାଇଁ ପଠାଯାଇଥିଲା ଏବଂ ଏଥିରୁ ବାହାନଡ଼ା ଗ୍ରାମରୁ ଯାଇଥିବା ନମୂନାରେ ଏଚ୍୫ଏନ୍୧ ଭୂତାଣୁ ଥିବା ଚିହ୍ନଟ ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୬(ଓଡ଼ିଶା ଡ଼ଟ୍ କମ୍) ଖୋର୍ଦ୍ଧା ଜିଲ୍ଲା କେରଙ୍ଗ ପରେ ମୟୁରଭଞ୍ଜ ଜିଲ୍ଲାରେ ବାର୍ଡ଼ଫ୍ଲୁ ଚିହ୍ନଟ ହୋଇଥିବା ସୋମବାର ଜଣେ ଅଧିକାରୀ କହିଛନ୍ତି ।

ଏହି ଅଂଚଳରୁ ଭୋପାଳସ୍ଥିତ ପରୀକ୍ଷାଗାରକୁ ପଠାଯାଇଥିବା ୪୧ଟି ନମୂନା ମଧ୍ୟରୁ ଗୋଟିକରେ ବାର୍ଡ଼ଫ୍ଲୁ ଭୂତାଣୁ ଥିବା ଜଣାପଡ଼ିଛି, ମତ୍ସ୍ୟ ଓ ପଶୁ ସଂପଦ ବିଭାଗର ଜଣେ ଅଧିକାରୀ କହିଛନ୍ତି ।

ସଂପୃକ୍ତ ଅଂଚଳର ୩ କିଲୋମିଟର ପରିଧି ମଧ୍ୟରେ କୁକୁଡା ଓ ଅଣ୍ଡା ନେବା ଆଣିବା ଉପରେ କଟକଣା ଜାରି କରାଯାଇଛି ।

ସେହିପରି ଗତ ଚାରିଦିନ ମଧ୍ୟରେ କେରଙ୍ଗ ଓ ଏହାର ଆଖପାଖ ଅଂଚଳରୁ ୩୪ ହଜାରରୁ ଉଦ୍ଧ୍ୱର୍ କୁକୁଡା ଓ ବତକ ମରାଯାଇଛି ଏବଂ ପ୍ରାୟ ୨୦ ହଜାର ଅଣ୍ଡା ନଷ୍ଟ କରାଯାଇଛି ।

ବାର୍ଡ ଫ୍ଲୁ ସଂପର୍କରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ଜିଲ୍ଲା ପ୍ରଶାସନ ପକ୍ଷରୁ ଅଭିଯାନ
ଆରମ୍ଭ କରାଯାଇଛି ।

ଓଡ଼ିଶା ଡ଼ଟ୍ କମ୍

ବାରିପଦା, ଡ଼ିସେମ୍ବର ୨୦(ଓଡ଼ିଶା ଡ଼ଟ୍ କମ୍) ମୟୁରଭଞ୍ଜ ଜିଲ୍ଲାରେ ସୋମବାର ତିନି ଜଣ ଦୁର୍ଦ୍ଧାନ୍ତ ମାଓବାଦୀଙ୍କୁ ଗିରଫ କରିବା ସହ ସେମାନଙ୍କୁ ଠାରୁ ଅସ୍ତ୍ରଶସ୍ତ୍ର ଜବତ କରିଥିବା ପୋଲିସ କହିଛି ।

ଜିଲ୍ଲା ପୋଲିସ ଓ ପଶ୍ଚିମବଙ୍ଗ ଝାଡ଼ଗ୍ରାମ ପୋଲିସର ମିଳିତ କୁମ୍ବିଂ ଅପରେଶନ ବେଳେ ମୟୁରଭଞ୍ଜ-ପଶ୍ଚିମବଙ୍ଗ ସୀମା ଅନ୍ତର୍ଗତ ସୁଳିଆପା ଅଞ୍ଚଳରୁ ଏମାନଙ୍କୁ ଗିରଫ କରାଯାଇଛି ।

ସେମାନଙ୍କ ଠାରୁ ଦେଶୀ ବନ୍ଧୁକ, ୧୪ଟି ଜୀବନ୍ତ ଗୁଳି ଓ ୨୧ଟି ଜିଲାଟିନ ଜବତ କରାଯାଇଥିବା ଜିଲ୍ଲା ପୋଲିସ ମୁଖ୍ୟ ୟାଲ ଗଙ୍ଗୱାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।

ଗିରଫ ମାଓବାଦୀମାନେ ହେଲେ ଉମାକାନ୍ତ ବେହେରା, ସୁବାଷ ବଡ଼ୁକ ଓ ରୁପକ ମହନ୍ତ । ଏମାନଙ୍କ ବୟସ ୨୦ରୁ ୨୫ ବର୍ଷ ମଧ୍ୟରେ ହୋଇଥିବା ବେଳେ ହତ୍ୟା, ଅପହରଣ ଭଳି ବିଭିନ୍ନ ଅପରାଧରେ ସଂପୃକ୍ତ ଥିବା ସେମାନେ ସ୍ୱୀକାର କରିଛନ୍ତି ।

ଏମାନେ ପଶ୍ଚିମବଙ୍ଗର ପଶ୍ଚିମ ମେଦିନାପୁର ଜିଲ୍ଲା ଓ ମୟୁରଭଞ୍ଜ ଜିଲ୍ଲାର ଚାନ୍ଦିଆ ଅଞ୍ଚଳରେ ସକ୍ରିୟ ଥିଲେ । ଏହି ଦଳ ଗତ ଜୁଲାଇ ୧୪ରେ ପୋଲିସ ଇନ୍ଫର୍ମର ସନ୍ଦେହରେ ସୁଲିଆପା ଥାନା ଅନ୍ତର୍ଗତ ହାଣ୍ଡିଭଙ୍ଗା ଗ୍ରାମର ସୁକାନ୍ତ ମୁର୍ମୁଙ୍କୁ ହତ୍ୟା କରିଥିଲେ ।

ଓଡ଼ିଶା ଡ଼ଟ୍ କମ୍