• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଯାଜପୁର ଜିଲ୍ଲା

ଆନ୍ତର୍ଜାତିକ ମହିଳା ଦିବସ ଅବସରରେ ଗଣ ବିବାହ

March 11, 2012 by admin

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

କେନ୍ଦ୍ରାପଡ଼ା, ମାର୍ଚ୍ଚ ୧୧(ଓଡ଼ିଶା ଡ଼ଟ୍ କମ୍) ଆନ୍ତର୍ଜାତିକ ମହିଳା ଦିବସ ଅବସରରେ ଯାଜପୁର ଜିଲ୍ଲାରେ ଗଣ ବିବାହ ଅନୁଷ୍ଠିତ ହୋଇଯାଇଛି ।

ଗତ ଗୁରୁବାର ନବ ଉତ୍କଳ ମହିଳା ସମିତି ଦ୍ୱାରାଆୟୋଜିତ ଏହି ଉତ୍ସବରେ ୪୫ ଜଣ ନବ ଦମ୍ପତି ବିବାହ ବନ୍ଧନରେ ଆବଦ୍ଧ ହୋଇଛନ୍ତି ।

ନିକଟସ୍ଥ ଷ୍ଟାଡ଼ିୟମରେ ରଙ୍ଗାରଙ୍ଗ ପରିବେଶ ମଧ୍ୟରେ ଅନୁଷ୍ଠିତ ଏହି ଉତ୍ସବରେ ଯାଜପୁର ତଥା ଆଖପାଖ ଅଂଚଳର ଶତାଧିକ ଲୋକ ଯୋଗ ଦେଇ ନବମ୍ପତି ମାନଙ୍କୁ ଆର୍ଶୀବାଦ କରିଥିଲେ ।

ନବ ବିବାହିତଙ୍କ ମଧ୍ୟରୁ ଅଧିକାଂଶ ନିକଟସ୍ଥ ଗ୍ରାମର ଓ ସେମାନେ ମଧ୍ୟବିତ୍ତ ଶ୍ରେଣୀର । ଦଶ ଜଣ ବ୍ରାହ୍ମଣ ବିବାହ ଉତ୍ସବରେ ମନ୍ତ୍ର ଉଚ୍ଚାରଣ କରିଥିଲେ । ଅନାବଶ୍ୟକ ଖର୍ଚ୍ଚ ବଂଚାଇବା ପାଇଁ ଏଭଳି ଗଣ ବିବାହର ଆୟୋଜନ କରିବା ପାଇଁ ଉତ୍ସାହିତ କରାଯିବା ଉଚିତ୍ ବୋଲି ସ୍ଥାନୀୟ ଲୋକମାନେ କହିଛନ୍ତି ।

“”ଯୌତୁକ ପ୍ରଥାକୁ ବନ୍ଦ କରିବା ଲକ୍ଷ୍ୟରେ ପାଇଁ ଆମେ ଏଭଳି ୪୫ ଜଣ ମ୍ପତିଙ୍କ ବିବାହର  ଆୟୋଜନ କରିଥିଲୁ । ଏହାଦ୍ୱାରାଯୌତୁକ ପ୍ରଥା ବନ୍ଦ ହୋଇପାରିବ” ମହିଳା ସମିତିର ସଂପାଦକ ଜୟନ୍ତୀ ଜେନା କହିଛନ୍ତି ।

ବରଯାତ୍ରୀମାନେ ଯାଜପୁର ରୋଡ଼ରୁ ଶୋଭାଯାତ୍ରାରେ ବାହାରି ଷ୍ଟାଡ଼ିୟମରେ ପହଂଚିଥିଲେ ଏବଂ ପୂର୍ବରୁ ପ୍ରସ୍ତୁତ ହୋଇଥିବା ମଣ୍ଡପରେ ବିବାହ ସଂପନ୍ନ ହୋଇଥିଲା ।

ଆଜିକାଲିର ଖର୍ଚ୍ଚ ବହୁଳ ବିବାହ ଉତ୍ସବର ଆୟୋଜନ କରିପାରୁ ନଥିବା ଯୁବତୀ ମାନଙ୍କ ପାଇଁ ଏହି ମହିଳା ସମିତି ପକ୍ଷରୁ ଏଭଳି ଗଣ ବିବାହର ଆୟୋଜନ କରାଯାଇଥିଲା ।

ଆମେ ନିଜେ କେବେ ମଧ୍ୟ ଏପରି ସୁନ୍ଦର ଭାବରେ ବାହାଘର ଆୟୋଜନ କରିପାରି ନଥାନ୍ତୁ ବୋଲି ଉଲ୍ଲରା ଗ୍ରାମର ନବ ବିବାହିତା ମମତା ଜେନା କହିଛନ୍ତି ।

ଭଗବାନଙ୍କ ଆର୍ଶୀବାଦରୁ ଗତ ଚାରି ମାସ ଧରି ଆମେ ଏହାର ଆୟୋଜନ ପାଇଁ ପ୍ରସ୍ତୁତି ଚଳାଇ ଆସୁଥିଲୁ ଏବଂ ଏଥିପାଇଁ ସ୍ୱେଚ୍ଛାସେବୀ ମାନେ ୨୪ ଘଂଟା ଧରି ପରିଶ୍ରମ କରୁଥିଲେ ବୋଲି ଜୟନ୍ତୀ କହିଛନ୍ତି ।

ଏହି ଅବସରରେ ସ୍ଥାନୀୟ ଲୋକମାନେ ନବବିବାହିତ ଦମ୍ପତିଙ୍କୁ ବିଭିନ୍ନ ସାମଗ୍ରୀ ପ୍ରଦାନ କରିଥିବା ବେଳେ ବିବାହ ଉତ୍ସବକୁ ଆସିଥିବା ଲୋକଙ୍କୁ ଖାଦ୍ୟପେୟ ପରିବେଷଣ କରାଯାଇଥିଲା ।

ଓଡ଼ିଶା ଡ଼ଟ୍ କମ୍

admin
admin

Filed Under: ଓଡିଶା ଖବର, ମୁଖ୍ୟ ଖବର Tagged With: ଆନ୍ତର୍ଜାତିକ ମହିଳା ଦିବସ, ଯାଜପୁର ଜିଲ୍ଲା

ବିରୋଧ ସତ୍ୱେ ମନ୍ଦିରରେ ପଶୁବଳି

October 27, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

କେନ୍ଦ୍ରାପଡ଼ା, ଅକ୍ଟୋବର ୨୭(ଓଡ଼ିଶା ଡ଼ଟ୍ କମ୍) ବିଭିନ୍ନ ସଂଗଠନର ବିରୋଧ ସତ୍ୱେ ଯାଜପୁର ଜିଲ୍ଲାରେ କାଳିପୂଜା ଅବସରରେ ଗୁରୁବାର ଏକ ମନ୍ଦିରରେ ପଶୁବଳି ଦିଆଯାଇଛି ।

ପ୍ରତିବର୍ଷ ଭଳି ଏବର୍ଷ ମଧ୍ୟ ଶତାଧିକ ପଶୁଙ୍କୁ ବଳି ଦିଆଯାଇ କାକଟପୁର ସ୍ଥିତ କାଳୀ ମନ୍ଦିରରେ ପୂଜାର୍ଚ୍ଚନା କରାଯାଇଛି । ବଳି ପ୍ରଥାକୁ ବନ୍ଦ କରିବା ପାଇଁ ସଂଗଠନ ଗୁଡ଼ିକ ପକ୍ଷରୁ ଦ।ବି କରାଯାଇଥିଲେ ମଧ୍ୟ ଅନ୍ୟ ବର୍ଷ ତୁଳନାରେ ଚଳିତ ବର୍ଷ ଏଠାରେ ଭକ୍ତଙ୍କ ସଂଖ୍ୟା ବୃଦ୍ଧି ପାଇଛି ।

“”ଏହା ଏକ ପାରମ୍ପରିକ ପ୍ରଥା”ଦଶ ବର୍ଷ ବୟସରୁ ପୂଜାରେ ଅଂଶ ଗ୍ରହଣ କରି ଆସୁଥିବା ସ୍ଥାନୀୟ ଅଞ୍ଚଳର ୪୫ ବର୍ଷ ବୟସ୍କ ମନୋଜ ସାହୁ କହିଛନ୍ତି ।

ଆମେ ଯଦି କିଛି ଚାହୁଁଛୁ ଏବଂ କିଛି ଆଣି ଦେଵୀଙ୍କୁ ଅର୍ପଣ କରୁଛୁ ତେବେ ଅଳ୍ପ ସମୟ ମଧ୍ୟରେ ଆମର ସ୍ୱପ୍ନ ପୂରଣ ହେବ, ସେ କହିଛନ୍ତି ।

ଦୁଇଟି ବଳି ଦିଆଯାଇ ମାଁ କାଳୀଙ୍କ ପୂଜାର୍ଚ୍ଚନା ଆରମ୍ଭ କରାଯାଇଥିଲା ଏବଂ ଏଥିପାଇଁ ରାସ୍ତର ଉଭୟ ପାଶ୍ୱର୍ରେ ଲୋକଙ୍କ ପ୍ରବଳ ଗହଳି ଲାଗି ରହିଥିଲା । ପରେ ଉକ୍ତ ମନ୍ଦିରରେ ୧୪୦ରୁ ଉଦ୍ଧ୍ୱର୍ ବଳି ଦିଆଯାଇଛି ।

“”ଏହା ନୃଶଂସ ଏବଂ ଅମାନବିକତା କାର୍ଯ୍ୟ । ଆମେ ଅନ୍ଧବିଶ୍ୱାସରେ ବିଶ୍ୱାସ କରୁ କିନ୍ତୁ ବଳିପ୍ରଥା ହିନ୍ଦୁ ଧର୍ମର ଅଂଶ ବିଶେଷ ହେବା ଉଚିତ୍ ନୁହେଁ” ପିପୁଲ ଫର୍ ଏନିମଲର ଜିଲ୍ଲା ସଂପାଦକ ସୁଧାଂଶୁ ପରିଡ଼ା କହିଛନ୍ତି ।

ବଳି ଦେବା ପାଇଁ ଲୋକଙ୍କ ସଂଖ୍ୟା ଆଶ୍ଚର୍ଯ୍ୟଜନକ ଭାବେ ବୃଦ୍ଧି ପାଉଛି ଏବଂ  ସମାଜରେ ଦୂର୍ନୀତି ଏହାର କାରଣ, ସେ କହିଛନ୍ତି । ଗୋଟିଏ ଛେଳିର ଦ।ମ୍ ୧୨୦୦ରୁ ୨୦୦୦ ଟଙ୍କା ହୋଇଥିବା ବେଳେ ଜଣେ ଦୁର୍ନୀତି ନ’କଲେ ବଳି ଦେଇପାରିବ କି ? ସେ ପ୍ରଶ୍ନ କରିଛନ୍ତି ।

ମନ୍ଦିରରେ ବଳି ଦିଆଯାଇଥିବାରୁ ମୁଁ ଖୁସ୍ ଏବଂ ଲୋକମାନଙ୍କ ଆଶା ପୂରଣ ହେବ ବୋଲି ମନ୍ଦିରର ପୂଜକ ଆଦିକନ୍ଦ ପଣ୍ଡା କହିଛନ୍ତି । ପୂଜା ପାଇଁ ବଳି ଜରୁରୀ, ଯେହେତୁ ଆମେ କାଳୀପୂଜା କରୁଛୁ ଏଥିପାଇଁ ବଳି ଆବଶ୍ୟକ ଓ ଏହା ଶକ୍ତିର ପ୍ରତୀକ, ସେ କହିଛନ୍ତି ।

ତେବେ ଏଭଳି ବଳି ପ୍ରଥାକୁ ମନ୍ଦିରର ଅନ୍ୟ ଜଣେ ପୂଜକ ଧୀରେନ୍ଦ୍ର ପଣ୍ଡା ବିରୋଧ କରିଛନ୍ତି । ବହୁ ବର୍ଷ ଧରି କାଳୀପୂଜା ଅବସରରେ ଏଠାରେ ଲୋକମାନେ ବଳି ଦେଇ ଆସୁଥିବା ବେଳେ ଜିଲ୍ଲା ପ୍ରଶାସନ କିମ୍ବା ଆଇନ ଏହା ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରୁ ନାହାନ୍ତି, ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: v, ପଶୁବଳି, ଯାଜପୁର ଜିଲ୍ଲା

କଳିଙ୍ଗନଗର ସମସ୍ୟାର ସମାଧାନ ପାଇଁ ସଚିବ ସ୍ତରୀୟ କମିଟି

November 23, 2010 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) ଯାଜପୁର ଜିଲ୍ଲା କଳିଙ୍ଗନଗର ସ୍ଥିତ ବିଭିନ୍ନ ଶିଳ୍ପସଂସ୍ଥା ସମ୍ମୁଖିନ ହେଉଥିବା ସମସ୍ୟାର ସମାଧାନ ପାଇଁ ସରକାର ଏକ ତିନି ଜଣିଆ ସଚିବ ସ୍ତରୀୟ କମିଟି ଗଠନ କରିବାକୁ ନିଷ୍ପତ୍ତି ନେଇଛନ୍ତି । ଶିଳ୍ପ ସଚିବଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯିବ ।

ଏଥିରେ ଖଣି ଓ ପରିବହନ ସଚିବ ସଦସ୍ୟ ରହିବେ । ଏହି କମିଟି ଏକ ମାସ ମଧ୍ୟରେ ରିପୋର୍ଟ ପ୍ରଦାନ କରିବ ଏବଂ ଏହାକୁ ଭିତ୍ତି କରି ପକ୍ଷେପ ନିଆଯିବ ବୋଲି ସୋମବାର ଏକ ବୈଠକରେ ସ୍ଥିର ହୋଇଛି ।

ଅର୍ଥମନ୍ତ୍ରୀ ପ୍ରଫୁଲ୍ଲ ଘଡ଼ାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଶିଳ୍ପମନ୍ତ୍ରୀ ରଘୁନାଥ ମହାନ୍ତି, ମୁଖ୍ୟ ଶାସନ ସଚିବ ଓ କଳିଙ୍ଗନଗର ଶିଳ୍ପ ସଂଘର ପ୍ରତିନିଧିମାନେ ଯୋଗ ଦେଇଥିଲେ ।

ସଂଘର ପ୍ରତିନିଧିମାନେ ମୁଖ୍ୟତଃ ଚାରୋଟି ଦାବୀ ଉପସ୍ଥାପନ କରିଥିଲେ । ଆବଶ୍ୟକ ଅନୁଯାୟୀ କଞ୍ଚାମାଲ ଯୋଗାଣ ସହିତ ବିଭିନ୍ନ ପରିବହନ ସଂସ୍ଥାର ମୂଲ୍ୟ ସମାନ କରାଯିବା, ଖଣି ନିଗମ ମାଧ୍ୟମରେ ଧାର୍ଯ୍ୟମୂଲ୍ୟରେ କଞ୍ଚାମାଲ ଦିଆଯିବା ଆଦି ଉପରେ ଆଲୋଚନା କରାଯାଇଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: କଳିଙ୍ଗନଗର, ମୁଖ୍ୟ ଖବର, ଯାଜପୁର ଜିଲ୍ଲା

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ