ଯାଜପୁର

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

ଯାଜପୁର, ଡ଼ିସେମ୍ବର ୭(ଓଡ଼ିଶା ଡ଼ଟ୍ କମ୍) ଯାଜପୁର ଜିଲ୍ଲାରେ ଜଣେ ଯୁବକ ତାଙ୍କ ପରିବାରର ତିନି ଜଣଙ୍କୁ ହତ୍ୟା କରିଥିବା ପୋଲିସ ବୁଧବାର କହିଛି ।

ମଙ୍ଗଳପୁର ଥାନା ଅର୍ନ୍ତଗତ କାଟିକଟା ଗ୍ରାମର ସୌଭାଗ୍ୟ ରଂଜନ ପାଢୀ ମଙ୍ଗଳବାର ବିଳମ୍ବିତ ରାତିରେ ନିଜ ମା, ଭାଇ ଓ ଭଉଣୀଙ୍କୁ ହତ୍ୟା କରିଥିବା ମଙ୍ଗଳପୁର ଥାନା ଅଧିକାରୀ ଗୌରହରି ସାହୁ କହିଛନ୍ତି ।

ଜଣେ ଗ୍ରାମବାସୀ ଅଭିଯୁକ୍ତଙ୍କ ଘରକୁ ବୁଧବାର ସକାଳୁ କ୍ଷୀର ଆଣିବାକୁ ଯିବାପରେ ଏହି ଘଟଣା ଲୋକଲୋଚନକୁ ଆସିଥିବା ସେ କହିଛନ୍ତି ।

ମୃତକମାନେ ହେଲେ ୫୩ ବର୍ଷ ବୟସ୍କ ଉଷାରାଣୀ ପାଢୀ, ତାଙ୍କ ଝିଅ ମଧୁସ୍ମିତା ଏବଂ ପୁଅ ଦୀପ୍ତୀ ରଂଜନ ପାଢୀ । ଅଭିଯୁକ୍ତର ଆକ୍ରମଣରେ ଗୋଟିଏ ଗାଈର ମଧ୍ୟ ମୃତ୍ୟୁ ହୋଇଛି ଏବଂ ଅନ୍ୟ ତିନୋଟି ଗାଈ ଗୁରୁତର ଆହତ ହୋଇଥିବା ସେ କହିଛନ୍ତି ।

ତେବେ ଘଟଣା ପରେ ସଂପୃକ୍ତ ଯୁବକ ଫେରାର ହୋଇଯାଇଥିବା ବେଳେ ହତ୍ୟାକାଣ୍ଡରେ ବ୍ୟବହୃତ ସାମଗ୍ରୀ ପୋଲିସ ଜବତ କରିଛି ।

ଓଡ଼ିଶା ଡ଼ଟ୍ କମ୍
ଗୋଟିଏ ପରିବାରର ତିନି ଜଣଙ୍କୁ ହତ୍ୟା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଯାଜପୁର, ଅପ୍ରେଲ ୨୩(ଓଡ଼ିଶା ଡ଼ଟ୍ କମ୍) ହତ୍ୟା, ଅପହରଣ, ଲୁଟ୍ ଭଳି ବିଭିନ୍ନ ଅପରାଧରେ ସଂପୃକ୍ତ ଜଣେ ନାବାଳକସମେତ ତିନି ଜଣ ମାଓବାଦୀ ଶନିବାର ଯାଜପୁର ପୋଲିସ ନିକଟରେ ଆତ୍ମସମର୍ପଣ କରିଥିବା ଜଣେ ଅଧିକାରୀ କହିଛନ୍ତିା

ବନମାଳୀ ଜେନା ୫୦, ହରିଶ ବରା ୨୩ ଏବଂ ତାର ଭାଇ ଲବ ବରା ୧୫ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି । ଏହି ମାଓବାୀମାନେ ଯାଜପୁର ଓ କେନ୍ଦୁଝର ଜିଲ୍ଲାରେ ସକ୍ରିୟ ଥିଲେ ।

ଏମାନେ ସମସ୍ତେ ମାଓବାଦୀ କ୍ୟାଡ଼ରର । ମାଓବାଦୀ କ୍ୟାମ୍ପରେ ସେମାନଙ୍କୁ ନିର୍ଯ୍ୟାତନା ଦିଆଯାଉଥିବା ସେମାନେ ପ୍ରକାଶ କରିଛନ୍ତି ବୋଲି ଜିଲ୍ଲା ପୋଲିସ ମୁଖ୍ୟ ଡ଼ି.ଏସ୍.କୁଟ୍ଟେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ୍ କମ୍ : ଅମୂଲ୍ୟ ପତି

ଯାଜପୁର, ଜାନୁୟାରୀ ୨ (ଓଡିଶା ଡଟ୍ କମ୍) ଯାଜପୁର ଜିଲ୍ଲା କଳିଙ୍ଗନଗର ଶିଳ୍ପାଞ୍ଚଳରେ ଘଟିଥିବା ଗୁଳିକାଣ୍ଡର ପାଞ୍ଚ ବର୍ଷ ପୂର୍ତ୍ତୀ ଉପଲକ୍ଷେ ରବିବାର ସେଠାରେ ଆଦିବାସୀଙ୍କ ସମାବେଶ ଅନୁଷ୍ଠିତ ହୋଇଥିବା ବେଳେ ଏହାକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଏଥିରେ ମହିଳା ଓ ଶିଶୁ ମାନେ ସେମାନଙ୍କ ପାରମ୍ପରିକ ଅସ୍ତ୍ରଶସ୍ତ୍ର, ବ୍ୟାନର ପୋଷ୍ଟର ଧରି ଗୁଳିକାଣ୍ଡ ସ୍ଥଳ ଆମ୍ବଗାଡ଼ିଆର ବୀରଭୂମି ଠାରୁ ସାତ କିମି ବ୍ୟାପୀ ର୍ୟାଲିରେ ବାହାରି ସହୀ ସ୍ମୃତି ସ୍ତମ୍ଭ ନିକଟରେ ପହଂଚିଥିଲେ ।

ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଲୋକମାନେ ସରକାର, ଜିଲ୍ଲା ପ୍ରଶାସନ, ପୋଲିସ ଓ ଟାଟା ବିରୋଧରେ ସ୍ଲୋଗାନ ବୋ ସହ ଜମି ଅଧିଗ୍ରହଣକୁ ନିନ୍ଦା କରିଥିଲେ । ଆୟୋଜିତ ର୍ୟାଲିରେ ଝାଡ଼ଖଣ୍ଡ, ବିହାର, ଛତିଶଗଡ଼, ପଶ୍ଚିମବଙ୍ଗ, ଆନ୍ଧ୍ରପ୍ରଶେ ଓ ମଧ୍ୟପ୍ରଶେର ବହୁ ଆଦିବାସୀ ଯୋଗ ଦେଇଥିଲେ ।

ବିସ୍ଥାପନ ବିରୋଧୀ ଜନମଞ୍ଚ ପକ୍ଷରୁ ଗୁଳିକାଣ୍ଡରେ ମୃତ୍ୟୁବରଣ କରିଥିବା ବ୍ୟକ୍ତିମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇ ଏକ ସ୍ମୃତି ସଭାର ଆୟୋଜନ କରାଯାଇଥିଲା ।

“”ଆଦିବାସୀଙ୍କ ସ୍ୱାର୍ଥ ରକ୍ଷା ପାଇଁ ୧୪ ଜଣ ବ୍ୟକ୍ତି ଜୀବନ ହରାଇଛନ୍ତି । ଏଥିପାଇଁ ଆମେ ମଧ୍ୟ ଜୀବନ ଦେବାକୁ ପ୍ରସ୍ତୁତ ଅଛୁ କିନ୍ତୁ କଳିଙ୍ଗନଗରରେ ଟାଟା ପ୍ରକଳ୍ପକୁ ବିରୋଧ ଜାରି ରଖିବୁ” ବିସ୍ଥାପନ ବିରୋଧି ଜନମଞ୍ଚ ସଂପାଦକ ରବୀନ୍ଦ୍ର ଜାରିକା କହିଛନ୍ତି । ଆଦିବାସୀ ଓ ସେମାନଙ୍କ ଜୀବନ ଜୀବୀକା ସହ ସାଲିସ କରି କୌଣସି ଶିଳ୍ପାନୁଷ୍ଠା ହେବା ଉଚିତ୍ ନୁହେଁ, ସେ କହିଛନ୍ତି ।

ଆଦିବାସୀ ନେତା ଶୁକ୍ରୁ ମୁଣ୍ଡା, ପ୍ରଫୁଲ୍ଲ ସାମନ୍ତରା, ମହେନ୍ଦ୍ର ପରିଡ଼ା, ନଟବର ଷଡ଼ଙ୍ଗୀ ଓ ଅନ୍ୟମାନେ ଆୟୋଜିତ ସଭାରେ ଉଦ୍ଧବୋଧନ ଦେଇଥିଲେ ।

ସେହିପରି ଉକ୍ତ ପ୍ରକଳ୍ପର ସପକ୍ଷବଦୀମାନେ ମଧ୍ୟ ଶିଳ୍ପାଞ୍ଚଳର ତ୍ରିଜଙ୍ଗା କଲୋନୀରେ ଏକ ସଭାର ଆୟୋଜନ କରିଥିଲେ । ଏଥିରେ ଶତାଧିକ ଟାଟା ସପକ୍ଷବାଦୀ ଯୋଗ ଦେଇଥିବା ବେଳେ ଆଦିବାସୀ ନେତ୍ରୀ ପ୍ମଶ୍ରୀ ତୁଳସୀ ମୁଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

ଏହି ସମୟରେ କୌଣସି ଅପ୍ରୀତିକର ଘଟଣାକୁ ଦୃଷ୍ଟିରେ ରଖି ଛଅ ପ୍ଲାଟୁନ ପୋଲିସ୍ ଫୋର୍ସ ମୁତୟନ କରାଯାଇଛି ।

ଟାଟା ପ୍ରକଳ୍ପକୁ ବିରୋଧ କରି ଆଦିବାସୀମାନେ ୨୦୦୬ ମସିହା ଜାନୁୟାରୀ ୨ ତାରିଖରେ ବିକ୍ଷୋଭ ପ୍ରଦର୍ଶନ କରୁଥିବାବେଳେ ପୋଲିସ୍ ସହିତ ସେମାନଙ୍କର ସଂଘର୍ଷ ହୋଇଥିଲା । ପୋଲିସ୍ ଗୁଳିରେ ୧୪ ଜଣ ଆଦିବାସୀ ମୃତ୍ୟୁବରଣ କରିଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଯାଜପୁର, ଜାନୁୟାରୀ ୨(ଓଡ଼ିଶା ଡ଼ଟ୍ କମ୍) ଯାଜପୁର ଜିଲ୍ଲାରେ ରବିବାର ଭୋର ସମୟରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ପାଞ୍ଚ ଜଣ ମାଓବାଦୀ ନିହତ ହୋଇଥିବା ପୋଲିସ କହିଛି ।

ଟମ୍କା ଥାନା ଅନ୍ତର୍ଗତ ଏକ ଜଙ୍ଗଲରେ ପୋଲିସ ଓ ଏସ୍ଓଜି ଯବାନମାନେ ଏକ ମାଓବାଦୀ କ୍ୟାମ୍ପ ଉପରେ ଚଢାଉ ସମୟରେ ଏହି ଗୁଳି ବିନିମୟ ହୋଇଥିଲା । ମୃତକଙ୍କ ମଧ୍ୟରେ ତିନି ଜଣ ମହିଳା ମାଓବାଦୀ ଥିବା ପୋଲିସ ଆଇଜି ସଂଜୀବ ମାରିକ ଓଡ଼ିଶା ଡ଼ଟ୍ କମ୍ କୁ କହିଛନ୍ତି ।

ଏକ ଘଣ୍ଟା ଧରି ଚାଲି ଥିବା ଗୁଳି ବିନିମୟରେ କୌଣସି ପୋଲିସ କର୍ମଚାରୀ ମୃତାହତ ହୋଇ ନାହାନ୍ତି । ଘଟଣାସ୍ଥଳରୁ ଦୁଇଟି ଦେଶୀ ବନ୍ଧୁକ, ଆଠଟି ରାଇଫଲ ଓ ଅନ୍ୟାନ୍ୟ ମାରଣାସ୍ତ୍ର ଉଦ୍ଧାର କରାଯାଇଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍