ଯୁକ୍ତ ଦୁଇ ପରୀକ୍ଷା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୩୦(ଓଡ଼ିଶା ଡ଼ଟ୍ କମ୍) ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ ଦୁଇ କଳା, ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ବୁଧବାର ପ୍ରକାଶ ପାଇଛି ।

ବିଜ୍ଞାନରେ ମୋଟ୍ ୭୨.୫୩ ପ୍ରତିଶତ ଛାତ୍ର ଛାତ୍ରୀ ପାସ୍ କରିଥିବା ବେଳେ କଳାରେ ୭୦.୬୩ ପ୍ରତିଶତ ଏବଂ ବାଣିଜ୍ୟରେ ୬୭.୦୩ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି ।

ସେମାନଙ୍କ ମଧ୍ୟରୁ ବିଜ୍ଞାନରେ ସର୍ବାଧିକ ୧୭ ହଜାର ୧୯୬ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ କଳାରେ ୧୨ ହଜାର ୩୮୧ ଜଣ ଏବଂ ବାଣିଜ୍ୟରେ ୪ ହଜାର ୬୩୬ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୬(ଓଡ଼ିଶା ଡ଼ଟ୍ କମ୍) ଆସନ୍ତା ମଇ ୩୦ ତାରିଖରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରାପରିଚାଳିତ ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇବ ବୋଲି ପରିଷଦ ପକ୍ଷରୁ କୁହାଯାଇଛି ।

ଏକା ସଙ୍ଗରେ କଳା, ବିଜ୍ଞାନ ଓ ବାଣିଜ୍ୟ ଫଳ ପ୍ରକାଶ ପାଇବ ଓ ବାରିପଦା, ସମ୍ବଲପୁର, ବ୍ରହ୍ମପୁରରେ ମଧ୍ୟ ଫଳାଫଳ ପୁସ୍ତିକା ବିକ୍ରି ହେବ ।

ସକାଳ ୯ଟା ୩୦ରେ ସଚିବାଳୟରେ ଉଚ୍ଚଶିକ୍ଷା ମନ୍ତ୍ରୀ ଫଳାଫଳ ପୁସ୍ତିକା ଉନ୍ମୋଚନ କରିବେ ଓ ଏହା ଦଶଟାରେ ଇନ୍ଟରନେଟ୍ ରେ ଉପଲବ୍ଧ ହେବ । ଫଳାଫଳ ପ୍ରକାଶ ପାଇବା ପରେ ଛାତ୍ରଛାତ୍ରୀଙ୍କୁ ମାର୍କ ସିଟ୍ ଓ ସାର୍ଟିଫିକେଟ ପ୍ରଦାନ କରାଯିବ ବୋଲି କୁହାଯାଇଛି ।

ଚଳିତ ବର୍ଷ ୨ ଲକ୍ଷ ୭୦ ହଜାର ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

 

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ଭୁବନେଶ୍ୱର, ମାର୍ଚ୍ଚ ୧୧(ଓଡ଼ିଶା ଡ଼ଟ୍ କମ୍) ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଚଳିତ ବର୍ଷର ଯୁକ୍ତୁ ଦୁଇ କଳା, ବିଜ୍ଞାନ ଓ ବାଣିଜ୍ୟ ପରୀକ୍ଷା ଶୁକ୍ରବାର ଠାରୁ ଆରମ୍ଭ ହୋଇଛି ।

୧୦୬୦ଟି କେନ୍ଦ୍ରରେ ମୋଟ୍ ୨ ଲକ୍ଷ ୫୦ ହଜାର ୭୭୪ ଜଣ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି । କଳାରେ ୧୬୩୦୪୭ ଜଣ, ବିଜ୍ଞାନରେ ୨୩୧୩୪ ଜଣ ଓ ବାଣିଜ୍ୟରେ ୫୭୧୧୬ ଜଣ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି । ସେହିପରି ଧନ୍ଦାମୂଳକ ପରୀକ୍ଷାରେ ୭୪୭୭ ଜଣ ପରୀକ୍ଷା ଦେଉଛନ୍ତି ।

ପୂର୍ବ ବର୍ଷ ଗୁଡ଼ିକ ପରି ପରୀକ୍ଷା ଆରମ୍ଭର ୧୫ ମିନିଟ ପୂର୍ବରୁ ପ୍ରଶ୍ନ ପତ୍ର ଦିଆଯାଇ ନାହିଁ । ଠିକ୍ ପରୀକ୍ଷା ସମୟରେ ପ୍ରଶ୍ନପତ୍ର ଦିଆଯାଇଛି । ଦୁଇଟି ସିଟିଂରେ ପରୀକ୍ଷା ହେଉଥିବା ବେଳେ ପ୍ରଥମ ସିଟିଂ ୧୦ଟାରୁ ୧ଟା ଓ ଦ୍ୱିତୀୟ ସିଟିଂ ୨ଟାରୁ ୫ଟା ପର୍ଯ୍ୟନ୍ତ ହେବ ।

ପରୀକ୍ଷା ପରିଚାଳନା ପାଇଁ ତିନି ଶହ ଅଧ୍ୟାପକଙ୍କୁ ସ୍କ୍ୱାର୍ଡ଼ ଭାବେ ନିୟୋଜିତ କରାଯାଇଥିବା ବେଳେ ଜିଲ୍ଲା ଗୁଡ଼ିକରେ ତ୍ରିସ୍ତରୀୟ ସ୍କ୍ୱାର୍ଡ଼ ଗଠନ କରାଯାଇଛି । ଜିଲ୍ଲାପାଳ ଓ ଉପଜିଲ୍ଲାପାଳ ଏହାର ତଦାରଖ କରିବେ ।

ଆସନ୍ତା ଅପ୍ରେଲ ୧୧ ପର୍ଯ୍ୟନ୍ତ ଏହି ପରୀକ୍ଷା ଚାଲିବ ।

ଓଡିଶା ଡଟ୍ କମ୍