Connecting Odias
ଓଡିଶା ଡଟ କମ ସଂବାଦ ଦାତା
ଭୁବନେଶ୍ଵର, ମଇ ୧ (ଓଡିଶା ଡଟ କମ) ପ୍ରଦର୍ଶନ କଳା , ଅଭିନୟ ଓ ଦୃଶ୍ୟ କଳାରେ ଉଲ୍ଲେଖନୀୟ କୃତିତ୍ଵ ହାସଲ କରିଥିବା ରାଜ୍ୟର ୩୦ ଜଣ କଳାକାରଙ୍କୁ ସରକାର ଶୁକ୍ରବାର ‘ମୁଖ୍ୟମନ୍ତ୍ରୀଙ୍କ ଟ୍ରଫି’ ପ୍ରଦାନ କରିଛନ୍ତି ।
ସ୍ଥାନୀୟ ରବୀନ୍ଦ୍ର ମଣ୍ଡପରେ ରାଜ୍ୟ ସଂସ୍କୃତି ବିଭାଗ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟମନ୍ତ୍ରୀ ନବୀନ ପଟନାୟକ ଏହି ଟ୍ରଫି ପ୍ରଦାନ କରିଛନ୍ତି ।
ଓଡିଶା ଡଟ କମ
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଫେବୃଆରୀ ୧୮,(ଓଡ଼ିଶା ଡ଼ଟ୍ କମ୍)-ଆସନ୍ତା ୧୯ ତାରିଖରୁ ସର୍ବପୁରାତନ ନାଟ୍ୟ ଅନୁଷ୍ଠାନ ଶତାବ୍ଦୀର କଳାକାର ପକ୍ଷରୁ ବହୁଭାଷୀ ନାଟକ ୧୫ତମ କଳିଙ୍ଗ ନାଟ୍ୟ ମହୋତ୍ସବ ଅନୁଷ୍ଠିତ ହେବ । ଏହି ମହୋତ୍ସବ ରବୀନ୍ଦ୍ରମଣ୍ଡପଠାରେ ୭ ଦିନ ବ୍ୟାପୀ ଆୟୋଜିତ ହେବ ।
ଏଥିରେ ୩ଟି ଓଡ଼ିଆ ନାଟକ ମଞ୍ଚସ୍ଥ ହେବାକୁ ଥିବାବେଳେ ଗୋଟିଏ ବଙ୍ଗଳ।, ହିନ୍ଦୀ , ଛତିଶଗଡି, କାଶ୍ମିର ଆଦି ଭାଷାରେ ନାଟକ ମଞ୍ଚସ୍ଥ ହେବାର କାର୍ଯ୍ୟକ୍ରମ ରହିଛି ।
ଏହି ମହୋତ୍ସବକୁ ୧୯ ତାରିଖ ସଂଧ୍ୟାରେ ରବୀନ୍ଦ୍ର ମଣ୍ଡପଠାରେ ସଂସ୍କୃତି ଓ ପର୍ଯ୍ୟଟନ ବିଭାଗ ମନ୍ତ୍ରୀ ମହେଶ୍ୱର ମହାନ୍ତି ଆନୁଷ୍ଠାନିକ ଭାବେ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି ବୋଲି ଏକ ସାମ୍ବାଦିକ ସମ୍ମିଳନୀରେ ଶତାବ୍ଦୀର କଳାକାର ଅନୁଷ୍ଠାନର ସଭାପତି ଧୀର ମଲ୍ଲିକ ସୂଚନା ଦେଇଛନ୍ତି ।
ସେ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ୭ ଦିନ ବ୍ୟାପୀ ଆୟୋଜିତ ହେବାକୁ ଥିବା ଏହି ନାଟକ ମହୋତ୍ସବରେ ପ୍ରଥମେ ଶତାବ୍ଦୀର କଳାକାର ପକ୍ଷରୁ ଓଡ଼ିଆ ନାଟକ ଖାରବେଳ ମଞ୍ଚସ୍ଥ କରାଯିବ ।
ସେହିପରି ଅନ୍ତିମ ଦିବସ ଅର୍ଥାତ ୨୫ ତାରିଖରେ ଭୁବନେଶ୍ୱର ନାଟ୍ୟ ଅନୁଷ୍ଠାନ ପକ୍ଷରୁ ଓଡ଼ିଆ ନାଟକ ସମାଧି ମଞ୍ଚସ୍ଥ ହେବ ବୋଲି ଅନୁଷ୍ଠାନ ପକ୍ଷରୁ ସୂଚନା ମିଳିଛି । ଅନୁଷ୍ଠାନ ପକ୍ଷରୁ ବିଶିଷ୍ଟ ବ୍ୟକ୍ତିବିଶେଷଙ୍କୁ ଅତିଥିମାନଙ୍କ ଦ୍ୱାରା ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି ।
ଏଥିରେ ବିଶିଷ୍ଟ ସାହିତ୍ୟିକ କେନ୍ଦ୍ରସାହିତ୍ୟ ଏକାଡେମୀ ପୁରସ୍କାର ବିଜେତା ଡ. ଗୌରହରି ଦାସଙ୍କୁ ସ୍ୱତନ୍ତ୍ର ସମ୍ବର୍ଦ୍ଧନା କରାଯିବାକୁ ଥିବାବେଳେ ବିଶିଷ୍ଟ ଅଭିନେତ୍ରୀ ସଂଯୁକ୍ତା କରଙ୍କୁ ସୁମିତ୍ରା ସମ୍ମାନ,ଅଭିନେତା ତଥା ନିର୍ଦ୍ଦେଶକ ଦେବେନ୍ଦ୍ରନାଥ ମଲ୍ଲିକଙ୍କୁ ଅଲେଖ ସମ୍ମାନ ପ୍ରଦାନ କରାଯିବା ସହ ସେମାନଙ୍କୁ ନଗଦ ୧୦ହଜାର ଟଙ୍କା ଅର୍ଥରାଶି ପ୍ରଦାନ କରାଯିବ ।
ସେହିପରି ଦୈନିକ ଖବର କାଗଜ ‘ଓଡ଼ିଶା ଭାସ୍କର’ର ବ୍ୟୁରୋ ଚିପ୍ କୌସ୍ତୁଭ ଦାସ,ନାଟ୍ୟକାର ଡ. ଶୈଳେଶ୍ୱର ନନ୍ଦ, ନିର୍ଦ୍ଦେଶକ ପ୍ରୀତିରଞ୍ଜନ ମିଶ୍ର, ଅଭିନେତା ବିନାୟକ ମିଶ୍ର, ନିର୍ଦ୍ଦେଶକ ଗୌରୀଶ୍ୟାମ ମହାପାତ୍ର, ଅଭିନେତା ବିଜୟ କୁମାର ପଟ୍ଟନାୟକ, ସାମ୍ବାଦିକ ନୀଳାମ୍ବର ରଥ, ମିସ୍ ଡାଇନା ସାହୁ ଓ ଫଟୋ ସାମ୍ବାଦିକ ଜିତେନ୍ଦ୍ର ମହାନ୍ତିଙ୍କୁ ଶତାବ୍ଦୀର କଳାକର ସମ୍ମାନରେ ସମ୍ମାନିତ କରାଯିବ ।
ଅନ୍ୟମାନଙ୍କ ମଧ୍ୟରେ ଏହି ସାମ୍ବାଦିକ ସମ୍ମିଳନୀରେ ଅନୁଷ୍ଠାନର ସାଂସ୍କୃତିକ ସଂପାଦକ ଦର୍ପନାରାୟଣ ସେଠୀ, କାର୍ଯ୍ୟକାରୀ ସଭାପତି ରମାକାନ୍ତ ବାନାର୍ଜୀ ପ୍ରମୁଖ ଉପସ୍ଥିତ ଥିଲେ ।
ଓଡ଼ିଶା ଡ଼ଟ୍ କମ୍
ଭୁବନେଶ୍ୱର, ଅଗଷ୍ଟ ୧୬ (ଓଡ଼ିଶା ଡ଼ଟ୍ କମ୍) ମହାନ ଏ ଦେଶ । ମହାନ ଏହାର ଇତିହାସ । ସ୍ୱାଧୀନତାର ୬୫ ବର୍ଷ ପୂର୍ତ୍ତି ଉପଲକ୍ଷେ ରାଜ୍ୟ ପର୍ଯଟନ ଓ ସଂସ୍କୃତି ବିଭାଗ ଆନୁକୂଲରେ ଓଡ଼ିଶା ସଙ୍ଗୀତ ନାଟକ ଏକାଡ଼େମୀ ପକ୍ଷରୁ ଆୟୋଜିତ ଦେଶାତ୍ମବୋଧକ ସଙ୍ଗୀତ ଉତ୍ସବ ଭାରତୀୟର ବର୍ଣ୍ଣାଢ଼୍ୟ ପରିବେଶରେ ରବୀନ୍ଦ୍ର ମଣ୍ଡପ ଥିଲା ଭରପୁର । ଦେଶପ୍ରେମରେ ମଜ୍ଜିଯାଇଥିଲେ ସମସ୍ତେ ।
୧୫ ସଂଧ୍ୟାର ପ୍ରଥମ ସଙ୍ଗୀତ ଆରମ୍ଭ ହୋଇଥିଲା ସମବେତ ସଙ୍ଗୀତ ସାରେ ଯାହାଁସେ ଆଚ୍ଛା ହିନ୍ଦୁସ୍ତିତା ହାମାରାରୁ ପରେ ପରେ ଲକ୍ଷ୍ମୀକାନ୍ତ ପାଲିତ ପରିବେଷଣ କରିଥିଲେ ଉଠ କଙ୍କାଳ ଛିଡ଼ୁ ଶୃଙ୍ଖଳ ।
ପର୍ଯଟନ ଓ ସଂସ୍କୃତି ବିଭାଗ ଓ ଓଡ଼ିଶା ସଙ୍ଗୀତ ନାଟକ ଏକାଡ଼େମୀର ଏହି ଅଭିନବ ପ୍ରୟାସକୁ ଶ୍ରୋତାମାନେ ମନଭରି ଉପଭୋଗ କରିଥିଲେ । ପ୍ରତେକଟି ସଙ୍ଗୀତରେ ଦେଶପ୍ରେମ ଓ ଦେଶଭକ୍ତିର ନିର୍ଝରିଣୀରେ ରସିକ ଦର୍ଶକମାନେ ପ୍ଲାବିତ ହୋଇଥିଲେ ଏବଂ ପରିବେଶ ହୋଇଉଠିଥିଲା ଭାବପୂର୍ଣ୍ଣ ଓ ରସଶିକ୍ତ ଯାହା ସମସ୍ତଙ୍କୁ ଅଭିଭୁତ କରିଥିଲା ।
ଉତ୍ସବର ଅତିଥିମାନେ ଥିଲେ ପ୍ରମୁଖ ଶାସନ ସଚିବ ପର୍ଯଟନ ଓ ସଂସ୍କୃତି ଅଶୋକ କୁମାର ତ୍ରିପାଠୀ; ସଂସ୍କୃତି ନିଦେ୍ର୍ଧଶକ ସୁଶୀଲ କୁମାର ଦାସ; ଓଡ଼ିଶା ସଙ୍ଗୀତ ନାଟକ ଏକାଡ଼େମୀ ସଭାପତି ଡ଼. ଶରତ ପୁଜାରୀ ଓ ସଚିବ ଚିତତ୍ତରଞ୍ଜନ ମଲିଆ । କାର୍ଯକ୍ରମ ପରିଚାଳନା କରିଥିଲେ ଦେବ ପ୍ରସାଦ ଦାଶ ଏବଂ କମଲ କିରଣ ।
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମାର୍ଚ୍ଚ ୨୦(ଓଡ଼ିଶା ଡ଼ଟ୍ କମ୍) ଓଡ଼ିଶୀ ନୃତ୍ୟ କ୍ଷେତ୍ରରେ ଉଲ୍ଲେଖନୀୟ କୃତିତ୍ୱ ପାଇଁ ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ମିନତି ପ୍ରଧାନଙ୍କୁ ମାହାରୀ ସମ୍ମାନ ପ୍ରଦାନ କରାଯାଇଛି ।
ରବୀନ୍ଦ୍ର ମଣ୍ଡପରେ ଗୁରୁ ପଙ୍କଜ ଉତ୍ସବର ଉଦ୍ୟାପନୀ ସଂଧ୍ୟାରେ ସୋମବାର ରାଜ୍ୟପାଳ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେ ଏହି ପୁରସ୍କାର ପ୍ରଦାନ କରିଛନ୍ତି । ପୁରସ୍କାର ବାବଦରେ ତାଙ୍କୁ ନଗ ୨୫ ହଜାର ଟଙ୍କା, ମାନପତ୍ର ଓ ସ୍ମୃତି ଫଳନ ପ୍ରଦାନ କରାଯାଇଛି ।
ସମ୍ମାନ ପ୍ରଦାନ ପରେ ବହୁ ପ୍ରତିଷ୍ଠିତ କଳାକାର ତଥା ନୃତ୍ୟଶିଳ୍ପୀଙ୍କ ଏକକ ଓଡ଼ିଶୀ ନୃତ୍ୟ ଖେିବାକୁ ମିଳିଥିଲା । ମଧୁଲିତା ମହାପାତ୍ରଙ୍କ ଓଡ଼ିଶୀ ନୃତ୍ୟ ପରିବେଷଣ ଉଦ୍ୟାପନୀ ସଂଧ୍ୟାର ମୁଖ୍ୟ ଆକର୍ଷଣ ଥିଲା ।
ସେ ପ୍ରଥମେ ଅଭିନୟ “ସଖୀ ଗୋ ମୋର କୁଞ୍ଜକୁ ଆଜ’ ଓ ଅଭିନୟ “ୟାହି ମାଧବ’ ପରିବେଷଣ
କରିଥିଲେ । ଶେଷରେ ନୃତ୍ୟଶିଳ୍ପୀ ଗୋବିନ୍ଦ ଚନ୍ଦ୍ର ପାଲ ଗୀତ ଗୋବିନ୍ଦକୁ ନୃତ୍ୟରେ ସଜାଇଥିଲେ ।
ଓଡ଼ିଶା ଡ଼ଟ୍ କମ୍