ରାଉରକେଲା

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୪(ଓଡିଶା ଡଟ୍ କମ୍)-ରାଜ୍ୟର ସମସ୍ତ ଜେଲର କର୍ମଚାରୀମାନଙ୍କ ଆମରଣ ଅନଶନ ଆଜି ଦ୍ୱିତୀୟ ଦିନରେ ପହଁଚିଛି । ଏହି ଅନଶନ ଯୋଗୁଁ ବ୍ରହ୍ମପୁର ଓ ରାଉରକେଲାରେ ପାଞ୍ଚ ଜଣ ଅନଶନକାରୀ ଅସୁସ୍ଥ ହୋଇ ପଡିଛନ୍ତି ।

ମଙ୍ଗଳବାର ଦିନ ବ୍ରହ୍ମପୁର କାରାଗାରରେ ଅନଶନରତ ଦୁଇ ଜଣ କର୍ମଚାରୀ ହଠାତ ଅସୁସ୍ଥ ହୋଇ ପଡିଥିଲେ । ଏହାପରେ ଜେଲ ପରିସରରେ କିଛି ସମୟ ପାଇଁ ଉତେଜନା ଦେଖାଦେଇଥିଲା । ଅସୁସ୍ଥ ହୋଇଥିବା ଦଦୁଇ ଜଣ ୱାଡର ହେଲେ ରଙ୍ଗନାଥ ପାଢୀ, ପ୍ରମୋଦ କୁମାର ମୁଦୁଲି । ଏଦୁଇଜଣଙ୍କୁ ଚିକିତ୍ସାପାଇଁ ବ୍ରହ୍ମପୁର ବଡ ମେଡିକାଲରେ ଭର୍ତିକରାଯାଇଛି ।

ଦାବି ପୁରଣ ହେଲା ପର୍ଯ୍ୟନ୍ତ ଅନଶନ ଜାରି ରହିବ ବୋଲି ବହ୍ମପୁର ସର୍କଲ କମିଟି ସଭାପତି ତଥା ବ୍ରହ୍ମପୁର ମଣ୍ଡଳ କାରାଗାରର ଜେଲର ସୁଶାନ୍ତ କୁମାର ରାଉତ ସ୍ପଷ୍ଟ କରିଛନ୍ତି । ସେ କହିଛନ୍ତି ଆଜିର ଘଟଣା ନେଇ ଉଚ୍ଚ କତୃପକ୍ଷଙ୍କୁ ଅବଗତ କରିବା ସହ ଜିଲ୍ଲା ପ୍ରଶାସନ ଏଥିରେ ହସ୍ତକ୍ଷେପ କରନ୍ତୁ ।

ରାଉରକେଲା ସ୍ୱତନ୍ତ୍ର କାରାଗାରର କର୍ମଚାରୀମାନେ ମଧ୍ୟ ଅନଶନରେ ବସିରହିଛନ୍ତି । ସେମାନଙ୍କ ମଧ୍ୟରୁ ସଂଗଠନର ରାଉରକେଲା ଶାଖା ସଭାପତି ପ୍ରଫୁଲ କୁମାର ଜେନା ହଠାତ ଅସୁସ୍ଥ ହୋଇ ପଡିଥିଲେ । ତାଙ୍କୁ ଆଇଜିଏଚ୍ ରେ ଭର୍ତି କରାଯାଇଛି । ଏଠାରେ ମଧ୍ୟ ଆଉ ଦଦୁଇ ଜଣ କର୍ମଚାରୀ ଅସୁସ୍ଥ ହୋଇଥିଲେ ।

ଏହି ଅନଶନରେ ରାଜ୍ୟର ସମସ୍ତ ୯୧ଟି କାରାଗାରର ୧୪୦୦ କର୍ମଚାରୀ ସାମିଲ ହୋଇଛନ୍ତି । ନିଖିଳ ଓଡ଼ିଶା ଜେଲ କର୍ମଚାରୀ ସଂଘ ପକ୍ଷରୁ ସେମାନଙ୍କ ନ୍ୟାଯ୍ୟ ଦାବି ନେଇ ଏକାଧିକବାର ସରକାରଙ୍କୁ ଜଣାଇ ଆସୁଥିଲେ ସୁଦ୍ଧା ବିଭିନ୍ନ ଆଳ ଦେଖାଇ ବରିଷ୍ଠ ଅଧିକାରୀମାନେ ଏହାକୁ ଏଡାଇ ଯାଉଥିଲେ ।

ବାରମ୍ବାର ପ୍ରତାରିତ ହେବା ପରେ ରାଜ୍ୟବ୍ୟାପୀ ଜେଲ କର୍ମଚାରୀମାନେ ୨୮ତାରିଖରୁ କଳାବ୍ୟାଚ ପରିଧାନ କରିଥିଲେ । ସରକାର ସେମାନଙ୍କ ଦାବି ପ୍ରତି କୌଣସି କର୍ଣ୍ଣପାତ ନ କରିବାରୁ ପୂୂର୍ବ ଘୋଷଣା ମୁତାବକ ସୋମବାର ଠାରୁ କର୍ମଚାରୀମାନେ ଆମରଣ ଅନଶନରେ ବସିଛନ୍ତି ବୋଲି ନିଖିଳ ଓଡିଶା ଜେଲ କର୍ମଚାରୀ ସଂଘ ସୂଚନା ଦେଇଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା,ଅକ୍ଟୋବର ୧୫(ଓଡ଼ିଶା ଡ଼ଟ୍ କମ୍) –କୋଇଲା ବ୍ଲକ ଆବଣ୍ଟନକୁ ନେଇ ହୋଇଥିବା ତଥାକଥିତ ଦୁର୍ନୀତି ଉପରେ ସିବିଆଇର ଏକ ଟିମ୍ ରାଉରକେଲାରେ ବିଶିଷ୍ଟ ଶିଳ୍ପପତି ତଥା ଖଣିମାଲିକ ପ୍ରଶାନ୍ତ ଆଲୁୱାଲିଆ ଙ୍କ ବାସଭବନ ଓ ଅଫିସ ସୋମବାର ଖାନତଲାସ୍ କରିଛନ୍ତି ।

ନୂଆଦିଲ୍ଲୀରୁ ଆସିଥିବା ଏହି ଟିମ୍ ଦ୍ୱାରାକରାଯାଇଥିବା ଖାନତଲାସ୍ ସ୍ଥାନୀୟ ସିବିଆଇ କାର୍ଯ୍ୟାଳୟର ଅଧିକାରୀମାନଙ୍କ ସହଯୋଗରେ ହୋଇଥିବା ସିବିଆଇ ଡ଼ିଏସ୍ପି ବି.କେ.କବି ଓଡ଼ିଶା ଡ଼ଟ୍ କମ୍ କୁ କହିଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ, ରାଜ୍ୟର ସୁନ୍ଦରଗଡ଼ ଏବଂ କେନ୍ଦୁଝର ଜିଲ୍ଲାରେ ଆଲୁୱାଲିଆଙ୍କ ଖଣି ସଂକ୍ରାନ୍ତୀୟ ବ୍ୟବସାୟ ରହିଛି ।

ଓଡ଼ିଶା ଡ଼ଟ୍ କମ୍