ରାଉରକେଲା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ଡ଼ିସେମ୍ବର ୧୬(ଓଡ଼ିଶା ଡ଼ଟ୍ କମ୍) ସମନ୍ୱିତ ଇସ୍ପାତ କାରଖାନା ବର୍ଗରୁ ଉଲ୍ଲେଖନୀୟ ଶକ୍ତି ପରିଚାଳନା ପାଇଁ ରାଉରକେଲା ଇସ୍ପାତ କାରଖାନା ଜାତୀୟ ଶକ୍ତି ସଂରକ୍ଷଣ ପୁରସ୍କାରରେଦ୍ୱିତୀୟ ପୁରସ୍କାର ଲାଭ କରିଛି ।

ଗତ ୧୪ ତାରିଖରେ ନୂଆଦିଲ୍ଲୀ ଠାରେ ଶକ୍ତି ସଂରକ୍ଷଣ ଦିବସ ଅବସରରେ ବ୍ୟୁରୋ ଅଫ୍ ଏନର୍ଜି  ଏଫିସିଏନ୍ସି ପକ୍ଷରୁ କେନ୍ଦ୍ର ଶକ୍ତିମନ୍ତ୍ରୀ ସୁଶୀଲ କୁମାର ସିନେ୍ଧ ଏହି ପୁରସ୍କାର ପ୍ରଦାନ କରିଛନ୍ତି ।

ଇସ୍ପାତ କାରଖାନା ଏହାର ଯୋଜନାବଦ୍ଧ ପ୍ରୟାସ ଦ୍ୱାରାଶକ୍ତି କ୍ଷେତ୍ରରେ ନିଜର ଦକ୍ଷତା ଆହୁରି ଅଭିବୃଦ୍ଧି କରିବ ବୋଲି କାରଖାନାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଜିଏସ୍ ପ୍ରସାଦ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୪(ଓଡ଼ିଶା ଡ଼ଟ୍ କମ୍) ରାଉରକେଲା ଇସ୍ପାତ କାରଖାନାର ଆଧୁନିକୀକରଣ କାର୍ଯ୍ୟରେ ଗତ ଦୁଇଦିନରେ ଦୁଇ ଜଣ ଶ୍ରମିକଙ୍କ ମୃତ୍ୟୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦବେଗ ପ୍ରକାଶ କରିବା ସହ ଏଭଳି ଘଟଣା ପୁନର୍ବାର ନଘଟିବା ପାଇଁ ପଦକ୍ଷେପ ନେବାକୁ ସେ କେନ୍ଦ୍ର ଇସ୍ପାତ ମନ୍ତ୍ରୀଙ୍କୁ ପତ୍ରଲେଖି ଦ।ବି କରିଛନ୍ତି ।

ସେଲ ହେଉଛି ଦେଶର ବୃହତମ ଇସ୍ପାତ ଉତ୍ପାଦନକାରୀ ଓ ଏହା ଏକ ମହାରତ୍ନ କମ୍ପାନୀ, ତେଣୁ ଏଠାରେ ସୁରକ୍ଷାର ମାନ ବିଶ୍ୱସ୍ତରୀୟ ହେବା ଆବଶ୍ୟକ । ଶ୍ରମିକ ମାନଙ୍କ ସୁରକ୍ଷା ସହିତ କୌଣସି ସାଲିସ କରାଯାଇ ପାରିବ ନାହିଁ ବୋଲି କେନ୍ଦ୍ରମନ୍ତ୍ରୀ ବେଣୀପ୍ରସାଦ ବର୍ମାଙ୍କୁ ଲେଖିଥିବା ପତ୍ରରେ ସେ ଦର୍ଶାଇଛନ୍ତି ।

ଭବିଷ୍ୟତରେ ଦୁର୍ଘଟଣାକୁ ପ୍ରତିହତ କରିବା ପାଇଁ ସେଫ୍ଟି ଷ୍ଟାଣ୍ଡାର୍ଡ଼କୁ କଡ଼ାକଡ଼ି ଭାବରେ ପାଳନ କରିବା ପାଇଁ ସଂପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ଦେବା ପାଇଁ ସେ ଦ।ବି କରିଛନ୍ତି ।

ଏହାସହ ଦୁର୍ଘଟଣାରେ ପ୍ରାଣ ହରାଇଥିବା ଶ୍ରମିକ ମାନଙ୍କ ନିକଟତମ ଆତ୍ମୀୟମାନେ ଯେଭଳି ପର୍ଯ୍ୟାପ୍ତ କ୍ଷତିପୂରଣ ପାଇବେ ଏବଂ ଆହତ ବ୍ୟକ୍ତି ଉପଯୁକ୍ତ ଚିକିତ୍ସା ପାଇବେ ସେଥିପ୍ରତି ସ୍ୱତନ୍ତ୍ର ଦୃଷ୍ଟି ଦେବାକୁ ପଟ୍ଟନାୟକ ଅନୁରୋଧ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା,ଡ଼ିସେମ୍ବର୩(ଓଡ଼ିଶା ଡ଼ଟ୍ କମ୍)ମହାରତ୍ନ ଭାରତୀୟ ଇସ୍ପାତ ପ୍ରାଧିକରଣ ସଂସ୍ଥା(ସେଲ୍)ପରିଚଳିତ ରାଉରକେଲା ଇସ୍ପାତ କାରଖାନା ଗତ ନଭେମ୍ବରରେ ଉତ୍ପାନରେ ରେକର୍ଡ଼ ସୃଷ୍ଟି କରିଛି ।

କାରଖାନା ଉକ୍ତ ମାସ ୨,୦୦,୦୫୨ଟନ୍ ଉତପ୍ତ ଧାତୁ ଏବଂ ୪୫,୦୮୫ଟନ୍ ପ୍ଲେଟ୍ ମିଲ୍ ପ୍ଲେଟ୍ସ
ଉତ୍ପାଦନ କରି ଏହି ରେକର୍ଡ଼ ସୃଷ୍ଟି କରିଛି । କାରଖାନା ସ୍ଥାପନ ହେଲାଦିନଠାରୁ କୌଣସି
ନଭେମ୍ବରରେ ଏଭଳି ଉତ୍ପାଦନ ହୋଇନଥିଲା ।

ଓଡ଼ିଶା ଡ଼ଟ୍ କମ୍

 

ରାଉରକେଲା ଷ୍ଟିଲପ୍ଲାନ୍ଟ୍ ପକ୍ଷରୁ ଶିଶୁ ଦିବସ ପାଳନ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ନଭେମ୍ବର ୯(ଓଡ଼ିଶା ଡ଼ଟ୍ କମ୍) ଲାଞ୍ଚ ନେବା ବେଳେ ସୁନ୍ଦରଗଡ଼ ଜିଲ୍ଲା ପାନପୋଷ ଉପ ଜିଲ୍ଲାପାଳଙ୍କୁ ବୁଧବାର ଭିଜିଲାନ୍ସ ଗିରଫ କରିଛି ।

ଏକ ବାଲିଘାଟ ଲିଜ୍ ପାଇଁ ନିଜ ବାସଭବନ କାର୍ଯ୍ୟାଳୟରେ ଜଣେ ବ୍ୟକ୍ତିଙ୍କ ଠାରୁ ଦଶ ହଜାର ଟଙ୍କା ନେଉଥିବା ବେଳେ ଉପଜିଲ୍ଲାପାଳ ରୂପକ ପଟ୍ଟନାୟକଙ୍କୁ ଗିରଫ କରିଥିବା ଜଣେ ଅଧିକାରୀ କହିଛନ୍ତି ।

ଲିଜ୍ ସଂକ୍ରାନ୍ତୀୟ ଫାଇଲ ମଧ୍ୟ ଜବତ କରିଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅପ୍ରେଲ ୨୬(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲା ରାଉରକେଲାରେ ଜଣେ ବିଚାରପତିଙ୍କ ଉପରେ ହୋଇଥିବା ଦୁର୍ବ୍ୟବହାର ମାମଲାର ତଦନ୍ତ ପାଇଁ ହାଇକୋର୍ଟ ମଙ୍ଗଳବାର ଅବସରପ୍ରାପ୍ତ ବିଚାରପତି ଏ.ଏସ୍ ନାଇଡ଼ୁଙ୍କୁ ନିଯୁକ୍ତ କରିଛନ୍ତି ।

ଆସନ୍ତା ତିନି ମାସ ମଧ୍ୟରେ ଏହି ଘଟଣାର ରିପୋର୍ଟ ଦେବାକୁ କୋର୍ଟନିର୍ଦ୍ଦେଶ ଦେଇଛନ୍ତି । ନାଇଡ଼ୁଙ୍କ ନିଯୁକ୍ତି ପାଇଁ ପୂର୍ବରୁ ହାଇକୋର୍ଟ ପରାମର୍ଶ ଦେଇଥିଲେ ଓ ରାଜ୍ୟ ସରକାର ଏହାକୁ ଗ୍ରହଣ କରିଥିଲେ ।

କେଉଁ ପରିସ୍ଥିତିରେ ବିଚାରପତିଙ୍କୁ ପୋଲିସ ମାଡ ମାରିଲା, ପୋଲିସ ତା’ର ଦାୟିତ୍ୱ ଠିକ୍ ଭାବେ ତୁଲାଇଛି କି ନାହିଁ, ସେସବୁ ବିଷୟରେ କମିଶନ ତଦନ୍ତ କରିବେ ବୋଲି ଗୃହ ସଚିବ ଉପେନ୍ଦ୍ରନାଥ ବେହେରା କହିଛନ୍ତି ।

ଏସ୍ଡ଼ିଜେଏମ୍ ଦାୟିତ୍ୱରେ ଥିବା ଅରୁଣ କୁମାର ପଟ୍ଟନାୟକଙ୍କୁ ଗତ ୨ ତାରିଖ ରାତିରେ ଉଦିତନଗର ଥାନା ଆଇଆଇସି ସାନନ୍ଦ ପୂଜାରୀ ଦୁର୍ବ୍ୟବହାର କରିବା ସହ ମାଡ଼ ମାରିଥିବା ଅଭିଯୋଗ ହୋଇଥିଲା । ଅଭିଯୋଗ ପରେ ତାଙ୍କୁ ନିଲମ୍ବିତ କରାଯାଇଥିଲା ।

ଏହି ଘଟଣା ପରେ ବିଭିନ୍ନ ଓକିଲ ସଂଘ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଥିଲା ଓ ସଂପୃକ୍ତ ଥାନା ଅଧିକାରୀଙ୍କୁ ଗିରଫ ଏବଂ ଏସ୍ପିଙ୍କ ବଳି ।ବିରେ ଓକିଲମାନେ କାର୍ଯ୍ୟବନ୍ଦ ଆନ୍ଦୋଳନ କରିଥିଲେ । ସରକାର ଏହି ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି ।

କୋର୍ଟଙ୍କ ନିର୍ଦ୍ଦେଶ କ୍ରମେ ଗତ ୬ ତାରିଖରେ ଗୃହ ସଚିବ ଓ ରାଉରକେଲା ଏସ୍ପି ବିଚାରପତିଙ୍କୁ ପୋଲିସର ଦୁର୍ବ୍ୟବହାର ଅଭିଯୋଗ ସଂପର୍କରେ ଷ୍ଟାଟସ ରିପୋର୍ଟ ଦେଇଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା,ଅପ୍ରେଲ ୧୭(ଓଡ଼ିଶା ଡ଼ଟ୍ କମ୍) ରେଳ ଚଳାଚଳ ଦାବିରେ ରବିବାର ରାଉରକେଲା ଡେଭଲପମେଣ୍ଟ ଷ୍ଟିଅରିଂ କମିଟି ପକ୍ଷରୁ ରେଳ ରୋକ କରାଯାଇଥିବା ବେଳେ ପୋଲିସ ଶତାଧିକ ଆନ୍ଦୋଳନକାରୀଙ୍କୁ ଗିରଫ କରିଛି ।

ଆନ୍ଦୋଳନକାରୀମାନେ ରେଳ ଲାଇନ ଉପରେ ବସି ରହି ରେଳ ରୋକ କରିବାରୁ ବହୁ ସମୟ ଧରି ରେଳ ଚଳାଚଳ ବାଧାପ୍ରାପ୍ତ ହୋଇଥିଲା । ସିଟୁ ରାଜ୍ୟ ସାଧାରଣ ସମ୍ପାଦକ ମହାନ୍ତିଙ୍କ ସମେତ ପ୍ରାୟ ଚାରିଶହରୁ ଊଦ୍ଧ୍ୱର୍ ଆନ୍ଦୋଳନକାରୀଙ୍କୁ ପୋଲିସ ଗିରଫ କରିଛି ।

ରେଳବାଇ ଅବହେଳା ବିରୁଦ୍ଧରେ ସିପିଆଇଏମ୍, ସିପିଆଇ,ଏସୟୁସିଆଇ, ସିଟୁ, ଗୁରୁସିଂହ ସଭା,ଚାମ୍ବ ରଅଫ୍ କମର୍ସ ସମେତ ବିଭିନ୍ନ ସଂଗଠନ ଏହି ରେଳରୋକରେ ଯୋଗ ଦେଇଥିଲେ ।

ରେଳବାଇ ଅବହେଳାକୁ ବରାସ୍ତ କରାଯିବ ନାହିଁ ଓ ଏହା ବିରୁଦ୍ଧରେ ବ୍ୟାପକ ଆନ୍ଦୋଳନ କରାଯିବ ବୋଲି  ଆନ୍ଦୋଳନକାରୀମାନେ ସ୍ଲୋଗାନ ଦେଇଥିଲେ । ଏହାକୁଦୃଷ୍ଟିରେ ରଖି ରେଳଷ୍ଟେସନ ସମେତ ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ୧୪୪ ଧାରା ଜାରି କରାଯାଇଥିଲା ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ଫେବୃୟାରୀ ୧୧(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲାର ଏକ ସ୍ଥାନରେ ଶୁକ୍ରବାର ପୋଲିସ ଓ ସୁରକ୍ଷାକର୍ମୀଙ୍କ ସହ ଗୁଳି ବିନିମୟରେ ତିନି ଜଣ ମାଓବାଦୀଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ପୋଲିସ ଓ ସୁରକ୍ଷାକର୍ମୀ ମାଓଦମନ ଅଭିଯାନରେ ଯାଇଥିବା ବେଳେ ବିଶ୍ରା ନିକଟସ୍ଥ ଜଙ୍ଗଲରେ ମାଓବାଦୀମାନେ ସେମାନଙ୍କ ଉପରକୁ ଗୁଳି ଚଳାଇଥିଲେ ।

ନିହତ ମାଓବାଦୀଙ୍କ ମଧ୍ୟରୁ ଜଣେ ସିପିଆଇ ମାଓବାଦୀ ସଂଗଠନର ଏରିଆ କମାଣ୍ଡର ଓ ସେ କିଛି ମାସ ତଳେ ପୋଲିସ ହେପାଜତରୁ ଖସିପଳାଇଥିଲା ବୋଲି ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।

ସେହିପରି କନ୍ଧମାଳ ଜିଲ୍ଲାରେ ମାଓବାଦୀମାନେ ଜଣେ ସ୍ୱତନ୍ତ୍ର ପୋଲିସ ଅଧିକାରୀ(ଏସ୍ପିଓ)ଙ୍କୁ ଗୁଳି କରି ହତ୍ୟା କରିଛନ୍ତି । ଥାନାକୁ ଯାଉଥିବା ସମୟରେ ନରେଙ୍ଗା ମଲ୍ଲିକଙ୍କୁ ଡ଼େଙ୍ଗୁଡ଼ା ଗ୍ରାମ ନିକଟରେ ମାଓବାଦୀମାନେ ହତ୍ୟା କରିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ଡ଼ିସେମ୍ବର ୯(ଓଡ଼ିଶା ଡ଼ଟ୍ କମ୍) ରାଜ୍ୟରେ ମାଓବାଦୀ ମାନେ ଗୁରୁବାର ତିନି ଜଣଙ୍କୁ ହତ୍ୟା କରିଥିବା ପୋଲିସ କହିଛି ।

ପ୍ରାୟ ୩୦/୪୦ ଜଣ ମାଓବାଦୀ ରାଉରକେଲା ନିକଟସ୍ଥ ଲଙ୍ଗଳକଟା ଗ୍ରାମର ହେଙ୍କୋ ସିଂ ଓ ବିସ୍ରା ସିଂଙ୍କୁ ଘରୁ ଡ଼ାକିନେଇ ଝାଡ଼ଖଣ୍ଡ ସୀମାର ଏକ ଜଙ୍ଗଲରେ ହତ୍ୟା କରିଛନ୍ତି ବୋଲି ଜିଲ୍ଲା ପୋଲିସ ମୁଖ୍ୟ ଦୀପ୍ତେଶ ପଟ୍ଟନାୟକ କହିଛନ୍ତି ।

ପୋଲିସକୁ ସହଯୋଗ କରୁଥିବାରୁ ଏମାନଙ୍କୁ ହତ୍ୟା କରାଯାଇଛି ବୋଲି ସେମାନେ ଘଟଣାସ୍ଥଳରେ ଛାଡ଼ିଯାଇଥିବା ପ୍ରଚାରପତ୍ରରେ ଉଲ୍ଲେଖ କରାଯାଇଛି । ଗତ ତିନି ଦିନ ତଳେ ମାଓବାଦୀମାନେ ପୋଲିସ ଇନଫର୍ମର ସନ୍ଦେହରେ ଏହି ଅଞ୍ଚଳରେ ତିନି ଜଣଙ୍କୁ ହତ୍ୟା କରିଥିଲେ ।

ସେହିପରି କୋରାପୁଟ ଜିଲ୍ଲା ନାରାୟଣପାଟଣା ଅନ୍ତର୍ଗତ ଓଡ଼ିଆପେଣ୍ଠ ଗ୍ରାମର ସମ୍ବାରୁ ହୁଇକା ନାମକ ବ୍ୟକ୍ତିଙ୍କୁ ମାଓବାଦୀମାନେ ଘରୁ ଡ଼ାକିନେଇ ହତ୍ୟା କରିଛନ୍ତି । ପିଏଲ୍ଜିଏ ସପ୍ତାହ ପାଳନର ଶେଷ ଦିନରେ ମାଓବାଦୀମାନେ ଏହି ହତ୍ୟାକାଣ୍ଡ ଘଟାଇଛନ୍ତି ।

ଓଡ଼ିଶା ଡ଼ଟ୍ କମ୍