ରାଜ୍ୟ ସରକାର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୨୧(ଓଡ଼ିଶା ଡ଼ଟ୍ କମ୍)-ବହୁ ଚର୍ଚ୍ଚିତ ପିପିଲି ଗଣବଳତ୍କାର ଘଟଣାରେ ଜାତୀୟ ମହିଳା କମିଶନ ସଦସ୍ୟା ଉଦ୍ଦବେଗ ପ୍ରକାଶ କରିବା ସହିତ ପୀଡିତାଙ୍କ ପରିବାରକୁ ସାକ୍ଷାତ କରି ଘଟଣା ସଂର୍ପକରେ ଅବଗତ ହୋଇଥିଲେ ।

ଏହାପରେ ସେ ଆଜି ଭୁବନେଶ୍ୱରରେ ଡିଜିିପି କ୍ୟାମ୍ପରେ ଡିଜିପି ପ୍ରକାଶ ମିଶ୍ରଙ୍କୁ ସାକ୍ଷାତକରି ପୀଡିତାଙ୍କ ପରିବାର ଲୋକଙ୍କ ସ୍ଥିତି ସଂର୍ପକରେ ଜଣାଇଥିଲେ ।

ପୀଡିତାଙ୍କ ବାପାଙ୍କୁ ଧମକ ଚମକ ମିଳୁଥିବା ହେତୁ ସେ ଗାଁକୁ ଯାଇପାରୁନଥିବା ସଦସ୍ୟା ଡିଜିପିଙ୍କୁ ଜଣାଇଛନ୍ତି । ପୀଡିତାଙ୍କ ପରିବାରକୁ ସୁରକ୍ଷା ଦିଆଯାଉ ବୋଲି ଜାତୀୟ ମହିଳା କମିଶନ ସଦସ୍ୟା ଚାରୁୱାଲି ଖାନ୍ନା ପ୍ରକାଶ କରିଛନ୍ତି ।

ଏହି ଘଟଣା ସଂର୍ପକରେ ରାଜ୍ୟ ସରକାର କେନ୍ଦ୍ର ମହିଳା କମିଶନକୁ ସୂଚନା ଦେଇ ନାହାଁନ୍ତି ।

ଓଡ଼ିଶା ଡ଼ଟ୍ କମ୍

ବଲାଙ୍ଗୀର, ସେପ୍ଟେମ୍ବର ୧୦(ଓଡ଼ିଶା ଡ଼ଟ୍ କମ୍)- ଦାରିଦ୍ର୍ୟ, ଅନାହାର, ଦାଦନ, ଚାଷୀ ଆତ୍ମହତ୍ୟା ଓ ମରୁଡ଼ି ପ୍ରବଣ ଜିଲ୍ଲା ଭାବେ ପରିଚିତ ବଲାଙ୍ଗୀର ସ୍ୱାଧୀନତାର ୬୫ ବର୍ଷ ପରେ ମଧ୍ୟ ଜଳସେଚନ ସୁବିଧାରୁ ବଞ୍ଚିତ ରହିଛି ।

ଏଇ ଅବସ୍ଥାରେ ଜିଲାବାସୀଙ୍କ ପାଇଁ ଲୋୟର ସୁକ୍ତେଲ୍ ପ୍ରକଳ୍ପ ନିର୍ମାଣର ଆବଶ୍ୟକତା ଥିବାବେଳେ ଏହା ମରିଚିକା ପାଲଟିଗଲାଣି । ଏହି ପ୍ରକଳ୍ପ ଦାବୀରେ ଜିଲ୍ଲାବାସୀ ଦୀର୍ଘ୧୩ଦିନ ତଳୁ ଅନସନରେ ବସିଛନ୍ତି ।

ଅନଶନକାରୀଙ୍କ ମଧ୍ୟରୁ ୨୫ରୁଉର୍ଦ୍ଧ୍ଵ ଗୁରୁତର ଅସୁସ୍ଥ ହୋଇ ବିଭିନ୍ନ ଡ଼ାକ୍ତରଖାନାରେ ଚିକିତ୍ସାଧୀନ ଅଛନ୍ତି । ରାଜ୍ୟ ସରକାର ଆସନ୍ତା ୨୭ ତାରିଖରୁ ପ୍ରକଳ୍ପ କାର୍ଯ୍ୟ ଆରମ୍ଭ କରିବାକୁ ପଦକ୍ଷେପ ନେଉଥିବା ଜଣାପଡ଼ିଛି । ହେଲେ ଆନ୍ଦୋଳନକାରୀ ମାନେ ଏସଂପର୍କରେ ବରିଷ୍ଠ ପ୍ରଶାସନିକ ଅଧିକାରୀଙ୍କ ସହିତ ଆଲୋଚନା କରିବାକୁ ଜିଦ ଧରିଛନ୍ତି ।

କିନ୍ତୁ ଏଥିପ୍ରତି ସରକାରଙ୍କର ଆନ୍ତରିକତା ଥିବା ଭଳି ମନେ ହେଉନାହିଁ । ପ୍ରକାଶଥାଉକି, ବଲାଙ୍ଗୀରର ଲୋକସଭା ସଦସ୍ୟ ଥିଲାବେଳେ ଶରତଚନ୍ଦ୍ର ପଟ୍ଟନାୟକଙ୍କ ଉଦ୍ୟମ କ୍ରମେ ୧୯୯୪-୯୫ ମସିହାରେ ଅଷ୍ଟମ ପଞ୍ଚବାର୍ଷିକ ଯୋଜନାରେ ଏହି ପ୍ରକଳ୍ପ ପାଇଁ ଆର୍ଥିକ ମଞ୍ଜୁର କରାଯାଇଥିଲା । ମରୁଡ଼ିପ୍ରବଣ ବଲାଙ୍ଗୀର ଜିଲ୍ଲାରେ ଖରାଦିନେ ବାସିନ୍ଦାମାନଙ୍କୁ ପିଇବା ପାଣି ମଧ୍ୟ ମିଳି ନଥାଏ ।

ଜଳସେଚନ ପାଇଁ ଚାଷୀମାନେ ପାଣି ପାଉନଥିବାରୁ ଏହି ଜିଲ୍ଲାର ଚାଷ କ୍ଷତିଗ୍ରସ୍ତ ହେବା ସଙ୍ଗେସଙ୍ଗେ ପ୍ରତିବର୍ଷ ୧ଲକ୍ଷରୁ ଉର୍ଦ୍ଧ୍ଵ କୃଷି ଶ୍ରମିକ ଦାଦନ ଖଟିବାକୁ ରାଜ୍ୟ ବାହାରକୁ ଚାଲିଯାଉଛନ୍ତି ।

ଏହି ଜିଲ୍ଲାରେ ଜଳସେଚିତ ଜମିର ପରିମାଣ ମାତ୍ର ୪ ଭାଗ ହୋଇଥିବା ବେଳେ ଏହି ପ୍ରକଳ୍ପ ନିର୍ମାଣରେ ବିଳମ୍ବ ଘଟୁଥିବାରୁ କେନ୍ଦ୍ର ସରକାର ୨୦୧୩ ମସିହା ସୁଦ୍ଧା ଏହାର କାର୍ଯ୍ୟ ସଂପୂର୍ଣ୍ଣ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।

ତତ୍କାଳିନ ମୁଖ୍ୟମନ୍ତ୍ରୀ ସ୍ୱର୍ଗତ ବିଜୁ ପଟ୍ଟନାୟକ ମଧ୍ୟ ବଲାଙ୍ଗୀର, କଳାହାଣ୍ଡି ପ୍ରଭୃତି ପଶ୍ଚିମାଞ୍ଚଳ ଜିଲ୍ଲା ମାନଙ୍କରେ ଏହି ଅବସ୍ଥା ଦେଖି ଏଠାରେ ଜଳସେଚନ ସୁବିଧା କରିବାକୁ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିବାକୁ ଶରତ ଚନ୍ଦ୍ର ପଟ୍ଟନାୟକଙ୍କୁ ସେ ସମୟରେ ଚିଠି ଲେଖିଥିଲେ ।

ତତ୍କାଳୀନ କେନ୍ଦ୍ର ଯୋଜନା ବୋର୍ଡ଼ର ଉପାଧ୍ୟକ୍ଷଙ୍କୁ ଶରତ ପଟ୍ଟନାୟକ ନିଜେ ବାରମ୍ବାର ଭେଟି ନିମ୍ନ ସୁକ୍ତେଲ୍ ପ୍ରକଳ୍ପ ପାଇଁ ଅର୍ଥ ମଞ୍ଜୁର କରାଇଥିଲେ । ଏବେ ମଞ୍ଜୁର ଅର୍ଥ ୧୨ ଶହ କୋଟି ଟଙ୍କା ପଡ଼ି ରହିଥିଲେ ହେଁ ରାଜ୍ୟ ସରକାରଙ୍କ ଉଦାସୀନତା ଯୋଗୁଁ ଏହା କାର୍ଯ୍ୟକାରୀ ହୋଇପାରୁ ନାହିଁ ।

ଏହି ପ୍ରକଳ୍ପ ତୁରନ୍ତ ନିର୍ମାଣ କରିବାକୁ ପୂର୍ବତନ ଲୋକସଭା ସଦସ୍ୟ ଶ୍ରୀ ପଟ୍ଟନାୟକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖି ଦାବୀକରିଛନ୍ତି । ପ୍ରକଳ୍ପ କାର୍ଯ୍ୟକାରୀ ହୋଇପାରୁ ନଥିବାରୁ ସମଗ୍ର ଜିଲ୍ଲାରେ ବନ୍ଦ୍ ପାଳନ କରାଯିବା ସହିତ ତୀବ୍ର ଅସନ୍ତୋଷ ପ୍ରକାଶ ପାଇଛି ।

ଗତ ବିଧାନସଭା ଅଧିବେଶନ ସମୟରେ ଜିଲ୍ଲାର ବିଧାୟକମାନେ ଧାରଣା ଦେଇ ଏ ସଂପର୍କରେ ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ । ରାଜ୍ୟ ସରକାର ଖୋଲାଖୋଲି ଭାବେ ଆନ୍ଦୋଳନକାରୀ ମାନଙ୍କ ସହିତ ଆଲୋଚନା ନକରିବା ପର୍ଯ୍ୟନ୍ତ ଆନ୍ଦୋଳନ ଚାଲୁ ରହିବ ବୋଲି କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୯(ଓଡ଼ିଶା ଡ଼ଟ୍ କମ୍)- ୧୦ତାରିଖରେ କଂଗ୍ରେସ ପକ୍ଷରୁ ଓଡ଼ିଶା ବନ୍ଦ ଡାକରା ସରକାରଙ୍କର ଚିନ୍ତାକୁ ଦ୍ବୁଗୁଣିତ ବଢାଇ ଦେଇଛି । ଏହି ସମୟରେ ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯିବା ସମ୍ଭାବନା ରହିଛି । କଂଗ୍ରେସ ପକ୍ଷରୁ ଏହି ବନ୍ଦ ଡାକରାକୁ ଭୁବନେଶ୍ୱର ଅଟୋଚାଳକ ସଂଘ, ଭୁବନେଶ୍ୱର ଓ କଟକ ବାର ଆସୋସିଏସନ ସମର୍ଥନ ଜଣାଇଛନ୍ତି ।

ବନ୍ଦ ବେଳେ ସିଟି ବସ ସେବା ବନ୍ଦ ରହିବ ବୋଲି ଜଣେ ଅଧିକାରୀ ଓଡିଶା ଡଟ୍ କମ୍ କୁ କହିଛନ୍ତି । ବନ୍ଦବେଳେ କୌଣସି ଅତ୍ୟାବଶ୍ୟକ ସେବା ବନ୍ଦ ହେବ ନାହିଁ । ବିଭିନ୍ନ ଘରୋଇ ଶିକ୍ଷାନୁଷ୍ଠାନ ମଧ୍ୟ ୧୦ ତାରିଖକୁ ଛୁଟି ଘୋଷଣା କରିଛନ୍ତି ।

କଂଗ୍ରେସ ସମାବେଶକୁ ପ୍ରତିହିତ କରିବାପାଇଁ ସରକାର ଯେଭଳି ପୁଲିସ ବଳପ୍ରୟୋଗ କଲେ ତାହାର ପ୍ରତି ଯବାବ କଂଗ୍ରେସ ଦେବାପାଇଁ ପ୍ରସ୍ତୁତି ଆରମ୍ଭ କରିଛି । ପ୍ରତ୍ୟେକ ଜିଲା କମିଟିକୁ ଓଡ଼ିଶା ବନ୍ଦ ଡାକରା ସଫଳ କରିବାକୁ ଦଳ ନିର୍ଦ୍ଦେଶ ଦେଇଛି ।

ଏଥିପାଇଁ ସବୁଜିଲ୍ଲା ଓ ବ୍ଲକ ଗୁଡିକରେ ବ୍ୟାପକ ପ୍ରସ୍ତୁତି ସରିଛି ।

କଂଗ୍ରେସ କର୍ମୀଙ୍କ ଉପରେ ହୋଇଥିବା ପୁଲିସର ଆକ୍ରମଣକୁ ଓଡ଼ିଆ ଏକତା ମଞ୍ଚ ନିନ୍ଦା କରିବା ସହ ଯେଉଁ ପୁଲିସମାନେ ମାଡ ଖାଇଛନ୍ତି ତାହା ପୁଲିସର ଭୁଲ ପାଇଁ ହୋଇଛି ବୋଲି ଦର୍ଶାଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୧୦(ଓଡ଼ିଶା ଡ଼ଟ୍ କମ୍)- ଆଜି କଂଗ୍ରେସ ଭବନରେ ପୂର୍ବତନ ମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ନରସିଂହ ମିଶ୍ର ଏକ ସ୍ୱତନ୍ତ୍ର ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଘରୋଇ ବିଭାଗର ଅଧିନରେ ଥିବା ଥାନା ଗୁଡିକ ପକ୍ଷପାତି କରୁଛନ୍ତି ପ୍ରକାଶ କରିଛନ୍ତି ।

୬ ତାରିଖ ସମାବେଶକୁ ନେଇ ଉପୁଜିଛି ବିବାଦ । ବିଜେଡି ଓ କଂଗ୍ରେସ ଉଭୟ ଦଳ ଆରୋପ ଓ ପ୍ରତ୍ୟାରୋପରେ ବ୍ୟସ୍ତ ଅଛନ୍ତି ।

ବିଜେଡି କଂଗ୍ରେସ ବିରୋଧରେ ଦେଇଥିବା ଏଫେଆଇଆରକୁ କ୍ୟାପିଟାଲ ଥାନା ଗ୍ରହଣ କରିଥିବା ବେଳେ କଂଗ୍ରେସ ତରଫରୁ ଆଣିଥିବା ଅଭିଯୋଗକୁ ଏଫ୍ଆଇଆର ଭାବେ କ୍ୟାପିଟାଲ ଥାନା ଆଇଆଇସି ଗ୍ରହଣ କରିବାକୁ ଅନିଛା ପ୍ରକାଶ କରିବା ଅଗଣତାନ୍ତ୍ରିକ ବୋଲି ଶ୍ରୀ ମିଶ୍ର ଅଭିଯୋଗ କରିଛନ୍ତି । ସେ ଅଭିଯୋଗ କରିଛନ୍ତି ଯେ ଥାନା ଏବେ କାହାର ବ୍ୟକ୍ତିଗତ ସମ୍ପତି ହୋଇ ଯାଇଛି ।

ଆମର ଅଭିଯୋଗକୁ ଗ୍ରହଣ କରାଯାଇ ନାହିଁ । ଏହା କେତେଦୂର ଯୁକ୍ତିଯୁକ୍ତ ଓଡିଶାର ଜନସାଧାରଣ ବିଚାର କରନ୍ତୁ ବୋଲି ମିଶ୍ର ପ୍ରକାଶ କରିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଆଯ୍ୟକୁମାର ଜ୍ଞାନେନ୍ଦ୍ର ଉପସ୍ଥିତ ଥିଲେ । କଂଗ୍ରସ ପକ୍ଷରୁ କୁହାଯାଇଛି ଯେ ମହିଳା କନେଷ୍ଟବଳକୁ ଆମ କର୍ମୀ ମାରିନାହିାଁନ୍ତି ବିଜେଡି ଲୋକମାନେ ହିଁ ମାରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ,ଅଗଷ୍ଟ ୨୩ (ଓଡ଼ିଶା ଡ଼ଟ୍ କମ୍)-ବହୁ ଚର୍ଚ୍ଚିତ ଅଙ୍ଗନବାଡି କେନ୍ଦ୍ରର କାନ୍ଥ ଭୁଷୁଡି ୭ ଶିଶୁଙ୍କ ମୃତ୍ୟୁ ମାମଲାରେ ନିଲମ୍ବିତ ପ୍ରଧାନ ଶିକ୍ଷୟତୀଙ୍କ ବିରୋଧରେ କାହିଁକି ଫୌଜଦାରୀ ମାମଲା ରୁଜୁ ନହେଲା ସେ ସଂପର୍କରେ କାରଣ ଦର୍ଶାଇବାକୁ ହାଇକୋର୍ଟ ରାଜ୍ୟ ସରକାରଙ୍କୁ ନୋଟିସ ଜାରି କରିଛନ୍ତି ।

ନୟାଗଡ ଜିଲ୍ଲାର ରଣପୁର ବ୍ଲକ୍ ଅନ୍ତଗତ ସୁଆଁସିଆ ସାହି ପ୍ରାଥମିକ ବିଦ୍ୟାଳୟ ପରିସରରେ ଥିବା ଅଙ୍ଗନବାଡି କେନ୍ଦ୍ରର କାନ୍ଥ ଭୁଷୁଡି ୭ ଜଣ ଶିଶୁଙ୍କ ପ୍ରାଣହାନି ଘଟିବା ସର୍ମ୍ପକରେ ଆଗତ ଏକାଧିକ ଜନସ୍ୱାର୍ଥ ସମ୍ବଳିତ ମାମଲାର ଏକତ୍ର ଶୁଣାଣି ଅନୁଷ୍ଠିତ ହୋଇଥିଲାା

ଓଡିଶା ହାଇକୋର୍ଟର ମୁଖ୍ୟ ବିଚାରପତି ଭି.ଗୋପାଳ ଗୌଡ ଓ ବିଚାରପତି ବିଶ୍ୱନାଥ ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିଥିଲେ । ଏହି ଘଟଣାର ଅନ୍ୟତମ ଆବେନକାରୀ ମାନବିକ ଅଧିକାର ସଂଗଠନ କ୍ଲାପ୍ ପକ୍ଷରୁ ଯୁକ୍ତି କରାଯାଇଥିଲା ।

ଓଡ଼ିଶା ଡ଼ଟ୍ କମ୍