• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ରାଜ୍ୟ

ରଘୁନାଥ ପାଣିଗ୍ରାହୀ ; ଗାୟନ ଓ ଜୀବନ କୁ ନେଇ କେତୋଟି କଥା

August 21, 2017 by ଓଡିଶା ଡଟ କମ 2 Comments

odi2

କେଦାର ମିଶ୍ର

ଫଟୋ- ସଂଜୟ କାନୁନଗୋ

କେବେ ସକାଳୁ ଉଠି ତାଂକ ସ୍ଵରରେ ଗୀତ ଗୋବିନ୍ଦ ଶୁଣିଛନ୍ତି ? କେବେ ଭାବିଛନ୍ତି ତାଂକ ଗୀତରେ କି ଭାବ ଥାଏ ଯାହା ଜାତି, ଧର୍ମ ଓ ଜାତୀୟତାର ସୀମାରେଖା ଲିଭେଇ ଦେଇ ଏକ ବିଶୁଦ୍ଧ ଭାବ ରାଜ୍ୟର ନିର୍ମାଣ କରେ ?

ସେ ଗାଉଥିବା ଗୀତ ହୁଏତ ହିନ୍ଦୁ ଧର୍ମର ଏକ ବହୁ ଚର୍ଚିତ ଶାସ୍ତ୍ରରୁ ଆସିଛି, ହେଲେ ସେ ଗୀତରେ ଯେଉଁ ପ୍ରେମର ଅନୁଭବ ତାର ଧର୍ମ ହେଉଛି ମାନବିକତା। ତାଂକ ଗୀତ ଶୁଣି ଓଡିଆ ଶ୍ରୋତା ଯେତିକି ମୁଗ୍ଧ ହୁଏ, ତାଂକ ସୁରର ଯାଦୁକରୀରେ ତେଲୁଗୁ ଓ ତାମିଲ୍ ଶ୍ରୋତା ମଧ୍ୟ ସେତିକି ମୋହିତ ହୁଅନ୍ତି।

ତାଂକ ଗୀତର ମୋହନ ଶକ୍ତି ପ୍ରାୟ ଗୋଟେ ଦଶନ୍ଧି ଧରି ଇଟାଲୀ ର ଖ୍ୟାତନାମା ନାଟ୍ୟଶିଳ୍ପୀ ଇଉଜିନିଓ ବାର୍ବା ଓ ତାଂକର ସାଥୀ ମାନଂକୁ ମଧ୍ୟ ପ୍ରଭାବିତ କରିଥିଲା ।

ସାରା ଭାରତର ଶ୍ରୋତା ତାଂକର ଗୀତ ଗୋବିନ୍ଦର ମଧୁର ପରିବେଷଣରେ ମୁଗ୍ଧ ଥିବା ବେଳେ, ଷାଠିଏ ଦଶକରେ ସେ ଥିଲେ ତାମିଲ୍ ଓ ତେଲୁଗୁ ସିନେମାର ଚର୍ଚିତ ଗାୟକ। ଓଡିଆ ସିନେମା ଓ ରେଡିଓରେ ତାଂକର ସ୍ଵର ଥିଲା ଏକ ପ୍ରକାର କୁହୁକ ପରି ।

“ସୁଷମା ଗୋ ତୁମ ଅଂଗେ ଅଂଗେ ଭରା ମଧୁ ଜୋଛନା”, “ନ ଯା ରାଧିକା ଏକା ଏକା” କିମ୍ବା “ପକା କମ୍ବଳ ପୋତ ଛତା “ ଭଳି ଲୋକପ୍ରିୟ ଓଡିଆ ଗୀତ ତାଂକୁ ଓଡିଶାର ଘରେ ଘରେ ପରିଚିତି ଦେଇଥିଲା ।

od1
ସେ ଗାୟକ ଭାବରେ ଓଡିଶାର ଏକମାତ୍ର ତାରକା, ଯାହାଂକୁ ଭାରତର ପ୍ରାୟ ସବୁ ମହାନ ସଂଗୀତଜ୍ଞ ପାଦ ଛୁଇଁ ମୁଣ୍ଡିଆ ମାରୁଥିଲେ। ତାଂକ ସୁର ଓ ଲୟ ଆଗରେ ବହୁ ବହୁ ମହାନ ହସ୍ତୀ ନତ ମସ୍ତକ ହେବାର ଆମେ ଦେଖିଛୁ ଓ ତାଂକ ଓଡିଆ ପରିଚୟକୁ ଗର୍ବର ସହ ଛାତିରେ ଝୁଲେଇଛୁ ।

ସେ ଅନନ୍ୟ ଓ ଅତୁଳନୀୟ ସୁରଶିଳ୍ପୀ ଆଉ କେହି ନୁହନ୍ତି, ସେ ସୁରମଣି ରଘୁନାଥ ପାଣିଗ୍ରାହୀ । ତାଂକ ଗୀତ ଗୋବିନ୍ଦ ଗାୟନର ସ୍ଵତନ୍ତ ଶୈଳୀ ଓ ଶୁଦ୍ଧତା ପାଇଁ ମହାନ ଅଭିନେତା ପୃଥ୍ଵୀରାଜ କପୁର ରଘୁନାଥଂକୁ ଶ୍ରଦ୍ଧା ରେ ଡାକୁଥିଲେ ଗୀତ ଗୋବିନ୍ଦ ପାଣିଗ୍ରାହୀ।

ଓଡିଶୀ ଗାୟନ ପରମ୍ପରାରେ ସେ ଥିଲେ ସର୍ବଶ୍ରେଷ୍ଠ ଓ ସର୍ବମାନ୍ୟ। ୧୯୮୨ ରେ ଫ୍ରାନ୍ସ୍ ସରକାର ତାଂକୁ ଗ୍ରାଂ ପ୍ରିକସ୍ ପୁରସ୍କାର ଦେବାର ପ୍ରାୟ ପଚିଶ ବର୍ଷ ପରେ ଭାରତ ସରକାର ତାଂକୁ ପଦ୍ମଶ୍ରୀ ସମ୍ମାନ ଦେଇଥିଲେ , ଅଥଚ ସେ ଥିଲେ ସବୁ ସମ୍ମାନର ବହୁ ଉପରେ।

ଓଡିଆ ଓ ଓଡିଶୀ ଜୀବନର ଏହି ମହାନାୟକ ରଘୁନାଥ ପାଣିଗ୍ରାହୀଙ୍କ ଜନ୍ମ ଜୀବନ ଓ କଳା କୁ ନେଇ କେତୋଟି ମଂଜ କଥା-

୧. କୋରାପୁଟ୍ ଜିଲ୍ଲାର ଛୋଟିଆ ସହର ଗୁଣୁପୁର ରେ ରଘୁନାଥ ଜନ୍ମ ନେଇଥିଲେ ୧୦ ଅଗଷ୍ଟ ୧୯୩୨ ରେ । ବାପା ନୀଳମଣି ପାଣିଗ୍ରାହୀ ଥିଲେ ସୌଖିନ୍ ଗାୟକ। ଘରେ ସଂଗୀତର ଚର୍ଚା ଓ ସାଧନା ର ବାତାବରଣ ରହିଥିଲା ।

ଗୁଣପୁର ଓ ପୁରୀରେ ପ୍ରାଥମିକ ସଂଗୀତ ଶିକ୍ଷା ପରେ ସେ ମାଦ୍ରାସ ଯାଇଥିଲେ ସଂଗୀତରେ ଅଧିକ ତାଲିମ୍ ପାଇଁ।

odi3୨. ମାଦ୍ରାସ ତାଂକୁ ସଂଗୀତର ସବୁଠୁ ବଡ ଗୁରୁ କେବଳ ଦେଇନଥିଲା, ମାଦ୍ରାସରେ ସେ ନିଜ ସଂଗୀତ ଜୀବନର ସବୁଠୁ ବଡ ସଫଳତା ଓ ସିଦ୍ଧି କୁ ମଧ୍ୟ ଭେଟିଥିଲେ। ହିନ୍ଦୁସ୍ତାନୀ ସଂଗୀତର କିମ୍ବଦନ୍ତି ପୁରୁଷ ଡି.ଭି. ପୋଲୁସ୍ଖରନ୍କୁ ଗୁରୁ ଭାବରେ ପାଇବା ତାଂକ ଜୀବନର ଏକ ମୋଡ ପରିବର୍ତନ ଥିଲା ।

ତା ପୂର୍ବରୁ ସେ ପଣ୍ଡିତ ବିଶ୍ଵନାଥ ଦାସ ଏବଂ ପଣ୍ଡିତ ନରସିଂହ ନନ୍ଦଙ୍କ ଠାରୁ ପାରମ୍ପରିକ ଓଡ଼ିଶୀ ସଂଗୀତ ଶିକ୍ଷା କରିଥିଲେ । ପରେ ସଂଗୀତଜ୍ଞ ମଦୁ ପାପ୍ପା ରାଓଙ୍କ ଠାରୁ କର୍ଣ୍ଣାଟକୀ ସଂଗୀତ ଶିକ୍ଷା ଲାଭ କରିଥିଲେ । ଓଡିଶୀ, କର୍ନାଟକୀ ଓ ହିନ୍ଦୁସ୍ତାନୀ- ତିନୋଟି ଯାକ ସଂଗୀତ ଶୈଳୀର ସେ ଥିଲେ ଜ୍ଞାତା ।

୩. ମାଦ୍ରାସ୍ ରଘୁନାଥଂକୁ ଗୋଟେ ବଡ ସୁଯୋଗ ଦେଇଥିଲା ।ଷାଠିଏ ଦଶକରେ ଘଣ୍ଟଶାଳା ଓ ପି.ବି.ଶ୍ରୀନିବାସଂକ ପରି ମହାନ ସଂଗୀତ ନିର୍ଦେଶକଂକ ସହ ତାଂକୁ କାମ କରିବାର ସୁଯୋଗ ମିଳିଥିଲା। ତାମିଲ୍ ଓ ତେଲୁଗୁ ସିନେମା ରେ ଅଳ୍ପ କେତୋଟି ଗୀତ ଗାଇ ସେ ଲୋକପ୍ରିୟତାର ଶୀର୍ଷ ରେ ପହଂଚିଥିଲେ।

ଏସ. ଦକ୍ଷିଣମୂର୍ତିଂକ ପ୍ରସିଦ୍ଧ ସିନେମା “ଇଲାବେଲୁପୁ” ର “ଚଲାନୀ ରାଜା ଓ ଚନ୍ଦାମାମା” ଗୀତଟି ତାଂକୁ ଆଜିବି ଲୋକପ୍ରିୟ କରି ରଖିଛି।

୪. ତେବେ ମାଦ୍ରାସ ବାହାରେ ତାଂକୁ ଅପେକ୍ଷା କରିଥିଲା ଭିନ୍ନ ଏକ ଇତିହାସ ।ଦକ୍ଷିଣ ଭାରତୀୟ ସିନେମାର ପ୍ରତିଷ୍ଠା ଓ ପ୍ରତିପତ୍ତି କୁ ଠୋକର ମାରି ସେ ଫେରି ଆସିଲେ ଜନ୍ମଭୂମି ଓଡିଶାକୁ ।

ଏହି ସମୟରେ ମାଦ୍ରାସ କଳାକ୍ଷେତ୍ରରେ ତରୁଣ ରଘୁନାଥ ପ୍ରେମରେ ପଡନ୍ତି, ସେତେବେଳର ଭରତନାତ୍ୟମ ଶିଳ୍ପୀ ସଂଯୁକ୍ତା ମିଶ୍ର (ଯିଏ ପରେ ଓଡିଶୀ ନୃତ୍ୟର କିମ୍ବଦନ୍ତି ନାୟିକା ସଂଯୁକ୍ତା ପାଣିଗ୍ରାହୀ ) ସହିତ। ବମ୍ବେ ସହରରେ ସେମାନେ ବିବାହ କରନ୍ତି ଓ ସେଇଠୁ ଆରମ୍ଭ ହୁଏ ଓଡିଶା ଇତିହାସର ଏକ ନୁଆ ଅଧ୍ୟାୟ ।

୫. ଆକାଶବାଣୀ ଓ ଓଡିଆ ସିନେମା ରେ ରଘୁନାଥ ବେଶ୍ ପ୍ରସିଦ୍ଧି ପାଆନ୍ତି । ଶ୍ରୀ ପତିତପାବନ (୧୯୬୩) ରୁ “ଭାଇ ଭାଉଜ”, ମୁକ୍ତି, ଅଭିନେତ୍ରୀ, ଅହଲ୍ୟା ପର୍ଯନ୍ତ ଓଡିଆ ସିନେମାରେ ତାଂକର ପଦଚିହ୍ନ ଅତ୍ୟନ୍ତ ସ୍ପଷ୍ଟ ।ଶହ ଶହ ଓଡିଆ ଗୀତ ସେ ଗାଇଛନ୍ତି ଓ ସବୁ ଗୀତରେ ନୁଆ ଏକ ଅନୁଭବ ବାଣ୍ଟିଛନ୍ତି।

୬. ତାଂକର ସବୁଠୁ ଚର୍ଚିତ ଗୀତ ସିନେମା ଅପେକ୍ଷା ଆକାଶବାଣୀ ଓ ଏଚ୍ଏମଭି ରେକର୍ଡ଼ ରେ ରହିଥିଲା ।

ଚକାନୟନକୁ ପତିତ କେହି…ଆହେ ନୀଳ ଶଇଳ ପ୍ରବଳ ମତ୍ତ ବାରଣ …ମନସିଜ ମନମୋହନ …..ରୂପ ରେଖ ନାହିଁ ହେ ….ଜୀବନରେ ଥିବି ଯେବେ ଜୀବୀ ବୃନ୍ଦାବନ…..ସଂଗିନିରେ ରାସ ରଂଗୀନୀରେ …ଏମିତି ଅଗଣିତ କାଳଜୟୀ ଗୀତ ତାଂକର ଓଡିଶାର ଜଣ ଜୀବନରେ ଆଜିବି ବଂଚି ରହିଛି ଓ ରହିଥିବ ।

୭. ଗୋଟେ ସମୟ ପରେ ଗୀତ ଗୋବିନ୍ଦ ତାଂକ ପ୍ରାଣର ଅଂଶ ପାଲଟି ଗଲା।ସବୁ ଗୀତର ମାଧୁର୍ଯ୍ୟ ଓ ପ୍ରଭାବ ଗୀତ ଗୋବିନ୍ଦ ଆଗରେ ଫିକା ପଡିଗଲେ ।

ଅଷ୍ଟପଦୀ ଗାୟନର ଏକ ବଳିଷ୍ଠ ଓଡିଶୀ ଧାରା ର ସେ ଥିଲେ ସୂତ୍ରଧର।ଗୀତ ଗୋବିନ୍ଦର ସ୍ବର ନିର୍ମାଣ ଓ ବିନ୍ୟାସ କରିବାରେ ତାଂକ ସମକକ୍ଷ ଶିଳ୍ପୀ ବିରଳ।

odi4
୮. ଓଡିଶୀ ଓ ଓଡିଶା ପାଇଁ ରଘୁନାଥ ନିଜ ଜୀବନର ସବୁଠୁ ବଡ ତ୍ୟାଗ ସ୍ଵୀକାର କରିଛନ୍ତି । ଜାତୀୟ ସ୍ତରରେ ଜଣେ ପ୍ରଛଦ ଶିଳ୍ପୀ ହେବାର ମୋହ ପରିତ୍ୟାଗ କରିଥିଲେ।

ଜୀବନର ଶେଷ ତିନି ଦଶନ୍ଧି ସେ କେବଳ ଓଡିଶୀ ସଂଗୀତ ପାଇଁ ବିନିଯୋଗ କରିଥିଲେ। ସଂଯୁକ୍ତା ଓ ରଘୁନାଥ ପାଣିଗ୍ରାହୀ ନଥିଲେ ଓଡିଶୀ ନୃତ୍ୟ ଆଜି ଯେଉଁ ସ୍ତରରେ ପହଂଚିଛି, ସେଠି ପହଂଚିବାର ସମ୍ଭାବନା ନଥିଲା ।

ରଘୁନାଥଂକ ସୁର ଓ ସଂଯୁକ୍ତାଂକ ଛନ୍ଦର ମାଧୁରୀ ଓଡିଶୀକୁ ବିଶ୍ଵ ରଂଗମଂଚ ରେ ପ୍ରତିଷ୍ଠା ଦେଇଥିଲା ।

୯. ସଂଗୀତ ଓ କଳା କ୍ଷେତ୍ରରେ ତାଂକର ଅବଦାନ ଯାହା, ତା’ର କୌଣସି ତୁଳନା ନାହିଁ । ବହୁ ଜାତୀୟ ଓ ଆନ୍ତର୍ଜାତୀୟ ସମ୍ମାନ ତାଂକୁ ମିଳିଥିଲା । ଅଥଚ ପଦ୍ମଶ୍ରୀ ଭଳି ସାମାନ୍ୟ ସମ୍ମାନ ତାଂକୁ ମିଳିଲା ମୃତ୍ୟୁ ର ମାତ୍ର ବର୍ଷେ ଆଗରୁ।

ଓଡିଆ ସିନେମାର ସବୁଠୁ ବଡ ସମ୍ମାନ ଦେବାରେ ତାଂକ ପ୍ରତି ଆମେ ଉଦାସୀନ ରହିଲେ।

୧୦. ୨୫ ଅଗଷ୍ଟ ୨୦୧୩ ରେ ଏହି ମହାନ ଶିଳ୍ପୀ ଅମରତ୍ଵ ଲାଭ କଲେ। ତାଂକ ସ୍ମୃତିକୁ ସାଇତି ରଖିବାରେ ଆମେ ଏତେ ବିଫଳ ଯେ ତାଂକ ସହ ଇତିହାସର ଏକ ବିରାଟ ଅଧ୍ୟାୟ ପୋଛି ହୋଇ ଯାଉଛି, ସେକଥା ଆମ ମୁଣ୍ଡରେ ପଶୁନାହିଁ ।

ଓଡିଶା ଡଟକମ

ଓଡିଶା ଡଟ କମ
ଓଡିଶା ଡଟ କମ

Filed Under: ମନୋରଞ୍ଜନ Tagged With: ଇତିହାସ, ଓଡିଆ, ଗାୟନ, ଗୀତ ଗୋବିନ୍ଦ, ଗୀତ ଗୋବିନ୍ଦ ପାଣିଗ୍ରାହୀ, ଜାତି, ଜାତୀୟତା, ଜୀବନ, ଧର୍ମ, ମାନବିକତା, ରଘୁନାଥ ପାଣିଗ୍ରାହୀ, ରାଜ୍ୟ, ରେଡିଓ, ସିନେମା, ହିନ୍ଦୁ ଧର୍ମ

ରାଜ୍ୟରେ ସର୍ବନିମ୍ନ ମଜୁରି ଦୁଇଶହ ଟଙ୍କାକୁ ବୃଦ୍ଧି

May 1, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ମେ ୧ (ଓଡିଶା ଡଟ କମ) ଶ୍ରମିକ ମାନଙ୍କ ହିତକୁ ଦୃଷ୍ଟିରେ ରଖି ରାଜ୍ୟ ସରକାର ସର୍ବନିମ୍ନ ମଜୁରୀ ୨୦୦ ଟଙ୍କାକୁ ଶୁକ୍ରବାର ବୃଦ୍ଧି କରିଛନ୍ତି ।

ଜୟଦେବ ଭବନରେ ରାଜ୍ୟ ଶ୍ରମ ବିଭାଗ ପକ୍ଷରୁ ଆୟୋଜିତି ରାଜ୍ୟସ୍ତରୀୟ ମଇ ଦିବସ ସମାରୋହକୁ ଉଦଘାଟନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ମଜୁରୀ ବୃଦ୍ଧି ଘୋଷଣା କରିଛନ୍ତି।

ତଦନୁଯାୟୀ ଅଣକୁଶଳୀ ଶ୍ରମିକଙ୍କ ମଜୁରୀ ୨୦୦ ଟଙ୍କାକୁ ବୃଦ୍ଧି କରାଯାଇଥିବା ବେଳେ ଅର୍ଦ୍ଧକୁଶଳୀ ଶ୍ରମିକଙ୍କ ମଜୁରୀ ୨୨୦ ଟଙ୍କାକୁ, କୁଶଳୀ ଶ୍ରମିକଙ୍କ ମଜୁରୀ ୨୪୦ ଟଙ୍କାକୁ ଓ ଉଚ୍ଚ ଦକ୍ଷତା ସମ୍ପନ୍ନ କୁଶଳୀ ଶ୍ରମିକଙ୍କ ମଜୁରୀ ୨୬୦ ଟଙ୍କାକୁ ବୃଦ୍ଧି କରାଯାଇଛି,ବୋଲି ମୁଖ୍ୟମନ୍ତ୍ରୀ କହିଥିଲେ।

ଶ୍ରମିକ ମାନଙ୍କୁ ବିକାଶର ସାରଥି ଭାବରେ ବର୍ଣ୍ଣନା କରି ମୁଖ୍ୟମନ୍ତ୍ରୀ ଦେଶ ଗଠନରେ ସେମାନଙ୍କ ତ୍ୟାଗର ଉଚ୍ଚ ପ୍ରଶଂସା କରିଥିଲେ। ଶ୍ରମିକମାନଙ୍କ କଲ୍ୟାଣ ପାଇଁ ରାଜ୍ୟ ସରକାରଙ୍କ ବିଭିନ୍ନ ପଦକ୍ଷେପ ସମ୍ପର୍କରେ ସୂଚନା ଦେବା ସହିତ ପଟ୍ଟନାୟକ ସମସ୍ତଙ୍କ ସହଯୋଗରେ ଶ୍ରମିକମାନଙ୍କ ପାଇଁ ଏକ ସୁସ୍ଥ ଓ ସୁନ୍ଦର ପରିବେଶ ସୃଷ୍ଟି କରାଯାଇପାରିବ ବୋଲି ଆଶାପୋଷଣ କରିଛନ୍ତି।

ରାଜ୍ୟରେ ଶିଶୁଶ୍ରମିକ ପ୍ରଥାର ବିଲୋପ ତଥା ଶ୍ରମିକମାନଙ୍କ କଲ୍ୟାଣ ଯୋଜନାକୁ କାର୍ଯ୍ୟକାରୀ କରିବା ପାଇଁ ରାଜ୍ୟ ସରକାର ଆରମ୍ଭ କରିଥିବା ସ୍ଟେଟ୍ ଆକ୍ସନ ପ୍ଳାନ ଯେପରି ସବୁସ୍ତରରେ ସମନ୍ନୟ ରକ୍ଷାକରି ଶ୍ରମିକମାନଙ୍କ କଲ୍ୟାଣ ପାଇଁ କାର୍ଯ୍ୟ କରିବା ଉପରେ ମୁଖ୍ୟମନ୍ତ୍ରୀ ପୁନଶ୍ଚ ଆରୋପ କରିଥିଲେ।

ରାଜ୍ୟ ଶ୍ରମ ମନ୍ତ୍ରୀ ପ୍ରଫୁଲ କୁମାର ମଲ୍ଲିକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ସାଂସଦ ପ୍ରସନ୍ନ ପାଟ୍ଟଶାଣୀ, ବିଧାୟକ ବିଜୟ ମହାନ୍ତି, ପ୍ରିୟଦର୍ଶୀ ମିଶ୍ର, କୋଠାବାଡ ଓ ନିର୍ମାଣ ଶ୍ରମିକ କଲ୍ୟାଣ ବୋର୍ଡର ଅଧକ୍ଷ ସୁବାସ ସିଂ, ବିଭାଗୀୟ ସଚିବ ଜି ଶ୍ରୀନିବାସ ପ୍ରମୁଖ ଉଦବୋଧନ ଦେଇଥିଲେ।

ଓଡିଶା ଡଟ କମ

News Bureau
News Bureau

Filed Under: ରାଜନୀତି Tagged With: ମଜୁରି, ରାଜ୍ୟ, ଶ୍ରମିକ, ସରକାର

କେନ୍ଦ୍ରୀୟ ଯୋଜନାରେ ଆସୁଥିବା ଅର୍ଥକୁ ନେଇ ଅନିଶ୍ଚିତତା

April 27, 2015 by News Bureau Leave a Comment

ବିଶେଷ ସଂବାଦଦାତା

ଭୁବନେଶ୍ଵର, ଏପ୍ରିଲ ୨୭ (ଓଡିଶା ଡଟ କମ) କେନ୍ଦ୍ର ସରକାର ବିଭିନ୍ନ ଯୋଜନାରେ ଓଡିଶାକୁ ଦେଉଥିବା ଅର୍ଥର ପରିମାଣ ଉପରେ କୌଣସି ସ୍ପଷ୍ଟ ଚିତ୍ର ଏ ପର୍ଯ୍ୟନ୍ତ ଦେଇନଥିବାରୁ ଏହାକୁ ନେଇ ପ୍ରଶାସନିକ ମହଲରେ ରାଜ୍ୟରେ ଅନିଶ୍ଚିତତା ସ୍ତୃଷ୍ଟି ହୋଇଛି ।

କେନ୍ଦ୍ର ସରକାର ରାଜ୍ୟରେ କାର୍ଯ୍ୟକାରୀ ହେଉଥିବା ଆଠୋଟି କେନ୍ଦ୍ରୀୟ ଯୋଜନାକୁ ବନ୍ଦ କରି ତା ପାଇଁ ଆଉ ଅର୍ଥ ଦେବେ ନାହିଁ ବୋଲି କହିଥିବା ବେଳେ, ପ୍ରାୟ ୨୪ ଟି ଅନ୍ୟ କେନ୍ଦ୍ରୀୟ ଯୋଜନାର ଅର୍ଥ ଆବଣ୍ଟନ ପ୍ରକ୍ରିୟାରେ ପରିବର୍ତନ କରିବାର ସୂଚନା ଦେଇଛନ୍ତି ।

ଯେଉଁ ଆଠୋଟି ଯୋଜନା ପାଇଁ ସରକାର ଅର୍ଥ ଦେବେ ନାହିଁ ସେଗୁଡିକ ମଧ୍ୟରେ ରହିଛି ପଛୁଆ ଅଞ୍ଚଳ ବିକାଶ ଅନୁଦାନ, ଜାତୀୟ ଇ-ଗଭରନେସ ଯୋଜନା, ପୁଲିସ ଫୋର୍ସ ଆଧୂନିକୀକରଣ ଯୋଜନା, ରାଜୀବ ଗାନ୍ଧୀ ପଞ୍ଚାଯତ ସଶକ୍ତିକରଣ ଯୋଜନା, ରାଜ୍ୟରେ ରପ୍ତାନି ଭିତ୍ତିଭୂମି ବିକାଶ ପାଇଁ ଅନୁଦାନ ଯୋଜନା, ଛଅ ହଜାର ମଡେଲ ସ୍କୁଲ ସ୍ଥାପନ ଯୋଜନା ଓ ପର୍ଯ୍ୟଟନ ଭିତ୍ତିଭୂମି ବିକାଶ ଯୋଜନା ।

କେନ୍ଦ୍ର ସରକାର ଆଉ ଅର୍ଥ ଦେବେ ନାହିଁ ସୂଚନା ଦେବା ପରେ ଏହି ଯୋଜନା ରାଜ୍ୟ ସରକାର ନିଜ ଅର୍ଥରେ ଚାଲୁ ରଖିବେ କି ବନ୍ଦ କରିବେ ସେ ନେଇ ଅନିଶ୍ଚିତତାର ବାତାବରଣ ସ୍ତୃଷ୍ଟି ହୋଇଛି ।

୨୪ ଟି ଅନ୍ୟ କେନ୍ଦ୍ରୀୟ ଯୋଜନାରେ କେନ୍ଦ୍ର ତାଙ୍କର ଅନୁଦାନର ପରିମାଣ କମାଉଥିବାରୁ ରାଜ୍ୟ ସରକାର ସେଇ ଯୋଜନା ଗୁଡିକ କିଭଳି ଚଳାଇବେ ସେ ନେଇ ସଂଶୟ ସ୍ତୃଷ୍ଟି ହୋଇଛି ।

କେନ୍ଦ୍ର ସରକାର ଯୋଜନା ଆୟୋଗ କୁ ପରିବର୍ତନ କରି ନୀତି ଆୟୋଗ ଗଠନ କରିଥିବା ବେଳେ ରାଜ୍ୟ ମାନଙ୍କୁ ବିଭିନ୍ନ ଟିକସ ବାବଦରେ ଅଧିକ ଅର୍ଥ ଦେବା ପାଇଁ ନିଷ୍ପତ୍ତି ନେଇଛନ୍ତି । ନିଜର ଆବଶ୍ୟକତା ଅନୁସାରେ ରାଜ୍ୟ ସରକାର ଏହା ଦ୍ଵାରା ଅଧିକ ଅର୍ଥ ଖର୍ଚ କରି ପାରିବେ ।

ତେବେ ଏ ସମ୍ପର୍କରେ ଏ ପର୍ଯ୍ୟନ୍ତ ସମସ୍ତ ଚିତ୍ର ସ୍ପଷ୍ଟ ହୋଇନଥିବାରୁ ରାଜ୍ୟର ପ୍ରଶାସନିକ ମହଲରେ ବିଭିନ୍ନ ଯୋଜନାର କାର୍ଯ୍ୟକାରିତାକୁ ନେଇ ସଂଶୟ ସ୍ତୃଷ୍ଟି ହୋଇଛି ।

ଗ୍ରାମ ଉନ୍ନୟନ ବିଭାଗର ଜଣେ ବରିଷ୍ଠ ଅଧିକାରୀଙ୍କ କହିବ ଅନୁଯାୟୀ ଜାତୀୟ ଗ୍ରାମୀଣ ପାନୀୟ ଜଳ ଯୋଗାଣ ଯୋଜନାରେ ରାଜ୍ୟକୁ କେନ୍ଦ୍ର ସରକାର ପଚାଶ ଭାଗ ଅନୁଦାନ ଦେଇଥାଏ । ପ୍ରତିବର୍ଷ କେନ୍ଦ୍ର ସରକାର ଠାରୁ ରାଜ୍ୟ ପ୍ରାୟ ୨୫୦ କୋଟି ଟଙ୍କା ଏହି ଯୋଜନା ବାବଦରେ ପାଉଥିବା ବେଳେ, ନୂଆ ବ୍ୟବସ୍ଥା କାର୍ଯ୍ୟକାରୀ ହେଲେ ରାଜ୍ୟକୁ ମାତ୍ର ୧୦୦ କୋଟି ଟଙ୍କା ମିଳିବ ବୋଲି ଆଶଙ୍କା କରାଯାଉଛି ।

ଏହି ଯୋଜନାରେ ରାଜ୍ୟ ସରକାର ନଳକୂପ ମରାମତି, ନୂଆ ନଳ କୂପ ଖନନ, ଗ୍ରାମାଞ୍ଚଳରେ ପାଇପ ପାଣି ଯୋଗାଣ ଆଦିର ବ୍ୟବସ୍ଥା କରିଥାନ୍ତି । ଚଳିତ ବର୍ଷ ପ୍ରାୟ ୩୩,୦୦୦ ନଳ କୂପ ମରାମତି ଆଦିକାମ ଜାରି ରହିଥିବା ବେଳେ ଯଦି କେନ୍ଦ୍ରସରକାର ସମ୍ପୂର୍ଣ ଅନୁଦାନ ପ୍ରଦାନ ନ କରନ୍ତି ରାଜ୍ୟକୁ ନିଜ ଯୋଜନା ଅର୍ଥରୁ ଖର୍ଛ କରିବାକୁ ପଡିବ ।

ଓଡିଶାରେ ରାଜ୍ୟର ବଜେଟ କେନ୍ଦ୍ରୀୟ ବଜେଟ ପୂର୍ବରୁ ଆଗତ ହେଉଥିବା ବେଳେ, ସରକାରଙ୍କ ପାଇଁ ଏହା ଆହୁରି ଅସୁବିଧା ସ୍ତୃଷ୍ଟି କରିଛି । ତେବେ ରାଜ୍ୟ ସରକାର କେନ୍ଦ୍ରୀୟ ଅନୁଦାନ ସମ୍ପର୍କିତ ନିର୍ଦେଶକୁ ଅପେକ୍ଷା ନକରି ଏହି ଯୋଜନା ଚାଲୁରଖିବା ସହ ଅର୍ଥ ବିଭାଗକୁ ଦୁଇଶହ କୋଟି ଟଙ୍କା ଗ୍ରାମ୍ୟ ଉନ୍ନୟନ ବିଭାଗକୁ ଯୋଗାଇ ଦେବାପାଇଁ ନିର୍ଦେଶ ଦେଇଛନ୍ତି ।

ଓଡିଶା ଡଟ କମ

News Bureau
News Bureau

Filed Under: ବିଶେଷ ଖବର, ରାଜନୀତି Tagged With: ଓଡିଶା, କେନ୍ଦ୍ରୀୟ ଯୋଜନା, ଗ୍ରାମ୍ୟ ଉନ୍ନୟନ, ରାଜ୍ୟ

ଅଧିକ ତିନି ବାଟାଲିୟନ୍ ଅର୍ଦ୍ଧସାମରିକ ବାହିନୀ ପାଇଁ ଦାବି

April 16, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆିଲ୍ଲୀ, ଅପ୍ରେଲ ୧୬(ଓଡ଼ିଶା ଡ଼ଟ୍ କମ୍) ରାଜ୍ୟରେ ମାଓବାଦୀ ସହ ବିଭିନ୍ନ ସୁରକ୍ଷା ସମସ୍ୟାର ମୁକାବିଲା ପାଇଁ ଅଧିକ ତିନି ବାଟାଲିୟନ୍ ଅର୍ଦ୍ଧସାମରିକ ବାହିନୀ ଯୋଗାଇ ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର କେନ୍ଦ୍ର ନିକଟରେ ଦାବି ଜଣାଇଛନ୍ତି ।

ଆଭ୍ୟନ୍ତରୀଣ ନିରାପତ୍ତା ନେଇ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଅଧ୍ୟକ୍ଷତାରେ ନୂଆଦିଲ୍ଲୀରେ ଅନୁଷ୍ଠିତ ମୁଖ୍ୟମନ୍ତ୍ରୀ ମାନଙ୍କ ସମ୍ମିଳନୀରେ ଯୋଗଦେବା ଅବସରରେ ନବୀନ ଏହି ଦାବି ଉପସ୍ଥାପନ କରିଛନ୍ତି ।

ଓଡ଼ିଶା ସମେତ ବିଭିନ୍ନ ମାଓ ପ୍ରବଣ ରାଜ୍ୟ ଗୁଡ଼ିକର ସମସ୍ୟା ଓ ମୁକାବିଲାରେ କେନ୍ଦ୍ର ସରକାର
ସହଯୋଗ କରୁନଥିବାର ଦର୍ଶାଇ ସେ ଉଦେଗ ପ୍ରକାଶ କରିଛନ୍ତି ।

ରାଜ୍ୟର ସଂଘୀୟ ଅଧିକାର ଉପରେ ଶୀଘ୍ର ଜାତୀୟ ସମ୍ମିଳନୀ ଡ଼ାକିବାକୁ ସେ ସମ୍ମିଳନୀରେ ଦୃଢ଼ ଦାବି କରିଛନ୍ତି । ଏନ୍ସିଟିସି ଭଳି ପ୍ରସଙ୍ଗ ଉପରେ କେନ୍ଦ୍ର ଓ ରାଜ୍ୟ ଗୁଡିକ ମଧ୍ୟରେ ଆଲୋଚନାରେ ଯେତେ ବିଳମ୍ବ ହେବ ତାହା ଆଇନଶୃଙ୍ଖଳା ସମସ୍ୟା ମୁକାବିଲାକୁ ଅଧିକ ଜଟିଳ କରିବ ବୋଲି ନବୀନ କହିଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ତିନି ବାଟାଲିୟନ୍, ରାଜ୍ୟ

ଜନଜାତି ଉପଯୋଜନା ଅଂଚଳରେ ଭୂମିହୀନଙ୍କୁ ଜମି

April 11, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅପ୍ରେଲ ୧୨(ଓଡ଼ିଶା ଡ଼ଟ୍ କମ୍) ରାଜ୍ୟର ଅନୁସୂଚିତ ଜନଜାତି ଉପଯୋଜନା ଅନ୍ତର୍ଗତ ଗାଁରେ ବାସ କରୁଥିବା ସମସ୍ତ ଭୂମିହୀନ ଆଦିବାସୀ ପରିବାରଙ୍କୁ ଅଗ୍ରାଧିକାର ଭିତ୍ତିରେ ଜମି ଯୋଗାଇ ଦେବା ପାଇଁ ନିଷ୍ପତି ଗ୍ରହଣ କରାଯାଇଛି ।

୧୧୮ଟି ବ୍ଳକର ୧୭,୯୭୪ଟି ଗ୍ରାମରେ ବାସ କରୁଥିବା ପରିବାରଙ୍କୁ ଏହା ଯୋଗାଇ ଦିଆଯିବ ବୋଲି ବୁଧବାର ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କୁହାଯାଇଛି ।

ଏଥିରେ ବିଭିନ୍ନ ସରକାରୀ ବିଭାଗ ଦ୍ୱାରାପରିଚାଳିତ ହେଉଥିବା ଅର୍ଥନୈତିକ କାର୍ଯ୍ୟକ୍ରମର ସଂଯୁକ୍ତିକରଣ କରାଯାଇ ଜମିର ଉନ୍ନତିକରଣ ନିମନ୍ତେ ଯୋଜନା ପ୍ରସ୍ତୁତ କରାଯାଇଛି ।

ଏହି କାର୍ଯ୍ୟକ୍ରମରେ ଭୂମିହୀନ ପରିବାର ଚିହ୍ନଟ, ସରକାରୀ ଅନାବାଦୀ ଜମି ନିରୂପଣ, ଅଭିଜ୍ଞତା ଥିବା ସ୍ଥାନୀୟ ବ୍ୟକ୍ତିମାନଙ୍କୁ ଭୂମି ସଂଯୋଜକ ଭାବେ ନିଯୁକ୍ତ କରାଯିବ ।

ତିନୋଟି ପର୍ଯ୍ୟାୟରେ ହେବାକୁ ଥିବା ଏହି କାର୍ଯକ୍ରମରେ ପ୍ରଥମ ପର୍ଯ୍ୟାୟ ୨୦୧୨-୧୩ରେ ଗଜପତି, ନବରଙ୍ଗପୁର, କୋରାପୁଟ, ମାଲକାନାଗିରି, ରାୟଗଡା, କଳାହାଣ୍ଡି ଓ କନ୍ଧମାଳ ଜିଲ୍ଲାର ୩୦ଟି ବ୍ଳକ ଅନ୍ତର୍ଗତ ୬୦୯୪ଟି ଗାଁରେ କାର୍ଯ୍ୟକାରୀ ହେବ ।

ଦ୍ୱିତୀୟ ପର୍ଯ୍ୟାୟ ୨୦୧୪-୧୫ରେ ଏହି ୭ଟି ଜିଲ୍ଲାର ୩୧ଟି ବ୍ଳକ ଅନ୍ତର୍ଗତ ୩୯୭୦ଟି ଗାଁରେ କାର୍ଯ୍ୟକାରୀ ହେବ । ପ୍ରଥମ ଓ ଦ୍ୱିତୀୟ ପର୍ଯ୍ୟାୟ କାର୍ଯ୍ୟକ୍ରମ ଓଡ଼ିଶା ଆଦିବାସୀ ସଶକ୍ତିକରଣ ତଥା ଜୀବୀକା ନିର୍ବାହ କାର୍ଯ୍ୟକ୍ରମ ଦ୍ୱାରାକାର୍ଯ୍ୟକାରୀ କରାଯିବ ।

ତୃତୀୟ ପର୍ଯ୍ୟାୟ ୨୦୧୬-୧୭ରେ ମୟୂରଭଞ୍ଜ, କେଉଁଝର, ବାଲେଶ୍ୱର, ସମ୍ବଲପୁର ଓ ସୁନ୍ଦରଗଡ
ଏହି ୫ଟି ଜିଲ୍ଲାର ୫୭ଟି ବ୍ଳକ ଅନ୍ତର୍ଗତ ୭୯୧୦ଟି ଗାଁରେ କାର୍ଯ୍ୟକାରୀ ହେବ ।

ଏହି ଯୋଜନାର ସଫଳତା ଦ୍ୱାରା୨୦୧୬-୧୭ ସୁଦ୍ଧା ରାଜ୍ୟର ଅନୁସୂଚିତ ଜନଜାତି ଯୋଜନା
ଅଂଚଳରେ ସମସ୍ତ ଅନୁସୂଚିତ ଜନଜାତି ପରିବାରକୁ ଜମି ଯୋଗାଇ ଦିଆଯାଇ ପାରିବ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଜନଜାତି, ରାଜ୍ୟ

ଆଉ ଚାରୋଟି ଜିଲ୍ଲାରେ ଜିଏନ୍ଏମ୍ ସ୍କୁଲ

March 3, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମାର୍ଚ୍ଚ ୩(ଓଡ଼ିଶା ଡ଼ଟ୍ କମ୍) ରାଜ୍ୟର କଳାହାଣ୍ଡି, କନ୍ଧମାଳ, ସୁନ୍ଦରଗଡ ଓ ଢେଙ୍କାନାଳ ଜିଲ୍ଲାରେ ଗୋଟିଏ ଲେଖାଁଏ ନୂତନ ଜିଏନ୍ଏମ ସ୍କୁଲ ପ୍ରତିଷ୍ଠା କରିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ଶନିବାର କୁହାଯାଇଛି ।

ଏହାଦ୍ୱାରାରାଜ୍ୟରେ ଆବଶ୍ୟକ ପଡୁଥିବା ତାଲିମ୍ ପ୍ରାପ୍ତ ସେବିକାଙ୍କ ଆବଶ୍ୟକତା ପୂରଣ ହୋଇ ପାରିବ ବୋଲି ବିଭାଗୀୟ ମନ୍ତ୍ରୀ ପ୍ରସନ୍ନ ଆଚାର୍ଯ୍ୟ କହିଛନ୍ତି ।

ପୂର୍ବରୁ ରାଜ୍ୟ ପକ୍ଷରୁ ଦିଆଯାଇଥିବା ଏହି ପ୍ରସ୍ତାବକୁ କେନ୍ଦ୍ର ସରକାର ମଞ୍ଜୁର କରିଥିବା ବେଳେ ପ୍ରତ୍ୟେକ ସ୍କୁଲ ପାଇଁ ୧୦ କୋଟି ଟଙ୍କା ଖର୍ଚ୍ଚ ହେବ ।

ଆବଶ୍ୟକ ପଡୁଥିବା ମୋଟ୍ ୪୦ କୋଟି ଟଙ୍କା ମଧ୍ୟରୁ ୮୫ ଭାଗ କେନ୍ଦ୍ର ସରକାର ଯୋଗାଇ ଦେବେ ଓ ରାଜ୍ୟ ସରକାର ତାଙ୍କର ଅଂଶଧନ ବାବଦରେ ଅବଶିଷ୍ଟ ୧୫ ପ୍ରତିଶତ ଅର୍ଥ ପ୍ରଦାନ କରିବେ ।

ଏଥି ସହିତ ଗତ ବର୍ଷଠାରୁ ରାଜ୍ୟରେ ନିର୍ମାଣ ଆରମ୍ଭ ହୋଇଥିବା ଗୋଟିଏ ଜିଏନ୍ଏମ୍ ଏବଂଦୁଇଟି ଏଏନ୍ଏମ୍ ସ୍କୁଲର କାର୍ଯ୍ୟକୁ ତ୍ୱରାନ୍ନିତ କରିବାକୁ ବିଭାଗୀୟ ଅଧିକାରୀ ମାନଙ୍କୁ ସେ ନିର୍ଦ୍ଦେଶ ଦେଇଛନ୍ତି ।

ବର୍ତମାନ ବିଭିନ୍ନ ରୋଗର ବିବିଧତାକୁ ଦେଖି ଏହାର ମୁକାବିଲା ପାଇଁ କେନ୍ଦ୍ର ସରକାର ସମଗ୍ର ଦେଶରେ ୮ ଟି ରିଜିଓନାଲ ଇନଷ୍ଟିଟ୍ୟୁଟ ଅଫ୍ ପାରାମେଡିକ ସାଇନ୍ସ ଖୋଲିବାକୁ ନିଷ୍ପତ୍ତି ନେଇଛନ୍ତି ଏବଂ ସେଥିରୁ ଗୋଟିଏ ଓଡିଶାରେ ପ୍ରତିଷ୍ଠା କରାଯାଉଛି ବୋଲି ସେ କହିଛନ୍ତି ।

୭୪ କୋଟି ଟଙ୍କା ବ୍ୟୟ ଅଟକଳରେ ପ୍ରତିଷ୍ଠା ହେବାକୁ ଥିବା ଏହି ଆଂଚଳିକ ପ୍ରତିଷ୍ଠାନ ପାଇଁ ରାଜ୍ୟ ସରକାର ରାଜଧାନୀ ଉପକଣ୍ଠରେ ୫ ଏକର ଜମି ଯୋଗାଇ ଦେଇଛନ୍ତି । ଏହି ପ୍ରତିଷ୍ଠାନ ପ୍ରତିଷ୍ଠା ପାଇଁ କେନ୍ଦ୍ର ସରକାର ୭୫ ଭାଗ ଅର୍ଥ ଦେବାକୁ ଥିବା ବେଳେ ଅବଶିଷ୍ଟ ୨୫ ଭାଗ ଅର୍ଥ ରାଜ୍ୟ ସରକାର ବହନ କରିବେ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଜିଏନ୍ଏମ, ରାଜ୍ୟ

୨୦୧୧ରେ ରାଜ୍ୟର କେତେକ ପ୍ରମୁଖ ଘଟଣାବଳୀ

December 30, 2011 by ଓଡିଶା ଡଟ କମ

ଓଡିଶା ଡଟ୍ କମ୍

ଭୁବନେଶ୍ୱର, ଡିସେମ୍ବର ୩୧ (ଓଡିଶା ଡଟ୍ କମ୍) ମାଲକାନଗିରି ଜିଲ୍ଲାପାଳ ଆର୍.ଭିନୀଲ କ୍ରୀଷ୍ଣାଙ୍କୁ ମାଓବାଦୀଙ୍କ ଅପହରଣ ତଥା ବରିଷ୍ଠ ବିଜେଡ଼ି ନେତା ଦାମୋର ରାଉତଙ୍କ ମନ୍ତ୍ରୀମଣ୍ଡଳରୁ ଇସ୍ତଫା ଠାରୁ ଆରମ୍ଭ କରି ବିଧାୟକଙ୍କୁ ହତ୍ୟା ଆଦି କେତେକ ଘଟଣା ୨୦୧୧ରେ ରାଜ୍ୟରେ ଚର୍ଚ୍ଚାରେ ରହିଥିଲା ।

ଘଟଣାବଳୀ:

ଜାନୁୟାରୀ ୧୩: ରାଜଧାନୀ ଭୁବନେଶ୍ୱର ଉପକଣ୍ଠରେ ସ୍ଥାନୀୟ ଲୋକଙ୍କ ମାଡ଼ରେ ଚିତା ବାଘର
ମୃତ୍ୟୁ ।
———————-
ଜାନୁୟାରୀ ୧୫: ସମାଜସେବୀ ପ୍ମଶ୍ରୀ ତୁଳସୀ ମୁଣ୍ଡାଙ୍କୁ ଭୁବନେଶ୍ୱରରେ ଶିକ୍ଷା ଓ ଅନୁସନ୍ଧାନ
ବିଶ୍ୱବ୍ୟିାଳୟ ପକ୍ଷରୁ ସମ୍ମାନସୂଚନ ଡ଼କ୍ଟରେଟ ପ୍ରଦାନ କରାଯାଇଛି ।
———————-
ଜାନୁୟାରୀ ୧୭:ବିଶିଷ୍ଟ ସାହିତ୍ୟିକ ପ୍ରଫେସର ଚିତରଞ୍ଜନ ଦାସଙ୍କ  ୮୭ବର୍ଷ ବୟସରେ ପରଲୋକ ।
———————-
ଜାନୁୟାରୀ ୧୭: ରାଜଧାନୀ ଭୁବନେଶ୍ୱରରେ ବିଜେପି ପକ୍ଷରୁ ଆୟୋଜିତ ଭ୍ରଷ୍ଟାଚାର ହଟାଅ
ସମାବେଶରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ନୀତିନ୍ ଗଡ଼କରୀଙ୍କ ଉଦବୋଧନ।
———————–
ଜାନୁୟାରୀ ୨୨: ଅଷ୍ଟ୍ରେଲୀୟ ଧର୍ମ ଯାଜକ ଗ୍ରାହାମ ଷ୍ଟେନ୍ସ ଓ ତାଙ୍କର ଦୁଇ ଶିଶୁ ପୁତ୍ରଙ୍କୁ ହତ୍ୟା କରିବା ଅଭିଯୋଗରେ ହାଇକୋର୍ଟ ଦ୍ୱାରାଦୋଷୀ ସାବ୍ୟସ୍ତ ହୋଇଥିବା ଦାରା ସିଂହର ଦଣ୍ଡାଦେଶକୁ ସୁପ୍ରିମ କୋର୍ଟ କାଏମ ରଖିଥିଲେ ।
———————–
ଜାନୁୟାରୀ ୨୫: ଆୟବର୍ହିଭୂତ ସଂପତି ଠୁଳ ଅଭିଯୋଗରେ ଅବସରପ୍ରାପ୍ତ ଆଇଏଏସ୍ ପୂର୍ବତନ ବୌଦ୍ଧ ଜିଲ୍ଲାପାଳ ତଥା ପୂର୍ବତନ କଟକ ଉନ୍ନୟନ କର୍ତୃପକ୍ଷ(ସିଡ଼ିଏ) ଉପାଧ୍ୟକ୍ଷ ସଂଜୀବ କୁମାର ରାୟଙ୍କୁ ତିନି ବର୍ଷ କାରାଦଣ୍ଡାଦେଶ ।
———————–
ଜାନୁୟାରୀ ୩୦: ରାଜ୍ୟର ପ୍ରଥମ ମହିଳା ଗ୍ରାଣ୍ଡମାଷ୍ଟର କିରଣ ମନିଷା ମହାନ୍ତିଙ୍କୁ ସମ୍ମାନଜନକଏକଲବ୍ୟ ପୁରସ୍କାର ।
———————-
ଫେବୃୟାରୀ ୫: ରାଜ୍ୟରେ ହୋଇଥିବା ଡ଼ାଲି ଦୁର୍ନୀତି ଅଭିଯୋଗରେ ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରମିଳା ମଲ୍ଲିକଙ୍କ ଇସ୍ତଫା ।
———————–
ଫେବୃୟାରୀ ୧୫: ପତ୍ନୀଙ୍କୁ ନିର୍ଯାତନା ଦେବା ଅଭିଯୋଗରେଓଡ଼ିଶା ରଣଜୀ ଦଳର ପୂର୍ବତନଅଧିନାୟକ ପ୍ରଭଞ୍ଜନ ମଲ୍ଲିକଙ୍କୁ ଜେଲ ଦଣ୍ଡ ।
————————
ଫେବୃୟାରୀ ୧୭: ମାଲକାନଗିରି ଜିଲ୍ଲାପାଳ ଆର୍.ଭିନିଲ କ୍ରୀଷ୍ଣା ଓ କନିଷ୍ଠଯନ୍ତ୍ରୀଙ୍କୁ ମାଓବାଦୀଙ୍କ ଅପହରଣ ।
————————-
ଫେବୃୟାରୀ ୨୫: ଲାଂଚ ନେବା ଅଭିଯୋଗରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ନ୍ୟାସନାଲଆଲୁମିନିୟମ କମ୍ପାନୀ(ନାଲ୍କୋ) ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଏ.କେ. ଶ୍ରୀବାସ୍ତବ ଓ ତାଙ୍କ ପତ୍ନୀଙ୍କ ସମେତ ଚାରି ଜଣ ନୂଆଦିଲ୍ଲୀରୁ ଗିରଫ ।
—————————
ଫେବୃୟାରୀ ୨୭: ପୁରୀ ସ୍ଥିତ ଏମାର ମଠର ବନ୍ଦ କୋଠରୀ ମଧ୍ୟରେ ଥିବା କାଠ ସିନ୍ଧୁକରୁ ପ୍ରାୟ ୯୦ କୋଟି ଟଙ୍କାର ୫୨୨ଟି ରୁପା ଇଟା ଉଦ୍ଧାର ।
—————————
ମାର୍ଚ୍ଚ୧: ଓଡ଼ିଆ ଆଇପିଏସ୍ ଅଫିସର ଅରୂପ ପଟ୍ଟନାୟକ ମୁମ୍ବାଇର ପୋଲିସ କମିଶନର ଭାବେଅବସ୍ଥାପିତ ।
—————————
ମାର୍ଚ୍ଚ ୨୮: ଆଇପିଏସ୍ ଅଫିସର ଡ଼ିଆଇଜି ଯଶବିନ୍ଦର ସିଂହଙ୍କ ହତ୍ୟା ଘଟଣାରେ ତାଙ୍କର ବ୍ୟକ୍ତିଗତ ସୁରକ୍ଷା କର୍ମୀଙ୍କୁ ଦଣ୍ଡାଦେଶ ।
————————–
ମଇ ୧୨: କେନ୍ଦ୍ରୀୟ ଲୋକସେବା ଆୟୋଗ(ୟୁପିଏସ୍ସି) ଦ୍ୱାରା:ପରିଚାଳିତ ୨୦୧୦ ବର୍ଷର ସିଭିଲ ସର୍ଭିସ ପରୀକ୍ଷାରେ ଓଡ଼ିଶାର ଶ୍ୱେତା ମହାନ୍ତି ସର୍ବଭାରତୀୟ ସ୍ତରରେଦ୍ୱିତୀୟ ସ୍ଥାନ ହାସଲ କରିଛନ୍ତି ।
————————–
ମଇ ୧୬: ମସ୍କୋରେ ଅନୁଷ୍ଠିତ ତୃତୀୟ ବିଶ୍ୱ ବାଲୁକା କଳା ଚାମ୍ପିୟନସିପ୍ ୨୦୧୧ରେ ଓଡ଼ିଶାରବାଲୁକା ଶିଳ୍ପୀ ସୁର୍ଶନ ପଟ୍ଟନାୟକଙ୍କ ପିପୁଲ ଚଏସ୍ ପୁରସ୍କାର ସହ ସ୍ୱର୍ଣ୍ଣ ପଦକ ହାସଲ ।
—————————
ମଇ ୧୦: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱାଧିନ ରାଜ୍ୟ ମନ୍ତ୍ରୀମଣ୍ଡଳରେ ପ୍ରଥମ ଥର ପାଇଁପାଂଚ ଜଣ ନୂଆ ମନ୍ତ୍ରୀଙ୍କ ଶପଥ ଗ୍ରହଣ ।
—————————
ମଇ ୯: ମନ୍ତ୍ରୀମଣ୍ଡଳ ସଂପ୍ରସାରଣ ପୂର୍ବରୁ ବିଜୁ ଜନତା ଳ(ବିଜେଡ଼ି)ର ବରିଷ୍ଠ ନେତା ତଥା କୃଷିମନ୍ତ୍ରୀ ଦାମୋର ରାଉତଙ୍କ ଇସ୍ତଫା ।
—————————–
ମଇ ୨୯: ପୂର୍ବତନ ମନ୍ତ୍ରୀ ତଥା ବରୀ ବିଧାୟକ ଦେବାଶିଷ ନାୟକ ଦଳ ବିରୋଧି କାର୍ଯ୍ୟ ପାଇଁ ବିଜୁ ଜନତା ଦଳ(ବିଜେଡି)ରୁ ନିଲମ୍ବିତ ।
—————————
ଜୁନ୍ ୭: ବହୁ କଳ୍ପନାଜଳ୍ପନା ପରେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ନିରଞ୍ଜନ ପଟ୍ଟନାୟକ
ଓଡ଼ିଶା ପ୍ରଦେଶ କଂଗ୍ରେସ କମିଟିର ନୂତନ ସଭାପତି ଭାବେ ନିଯୁକ୍ତ ।
—————————-
ଜୁନ୍ ୨: ଆନ୍ଧ୍ରପ୍ରଶେ ପୋଲିସ ମୁଖ୍ୟଙ୍କ ନିକଟରେ ଆତ୍ମସମର୍ପଣ କରିଥିବା ମାଓନେତା ଆଜା ଓରଫ ଦୁନା କେଶବ ରାଓଙ୍କୁ ଓଡ଼ିଶା ପୋଲିସ ରିମାଣ୍ଡରେ ଆଣିଥିଲା ।
—————————
ଜୁନ୍ ୧୫: ରାଜ୍ୟସଭା ନିର୍ବାଚନରେ ଦଳୀୟ ହୁଇପ ନମାନି ଭୋଟ୍ ଦାନରୁ ବିରତ ରହିଥିବା ଲାଞ୍ଜିଗଡ଼ କଂଗ୍ରେସ ବିଧାୟକ ଶିବାଜୀ ମାଝୀ ଦଳରୁ ନିଲମ୍ବିତ ।
—————————
ଜୁନ୍ ୨୭: ଓଡ଼ିଆ ଚଳଚ୍ଚିତ୍ର ଜଗତର ବିଶିଷ୍ଟ ପ୍ରଯୋଜକ ତଥା ନିର୍ଦ୍ଦେଶକ ବସନ୍ତ ନାୟକଙ୍କ ୭୪ ବର୍ଷ ବୟସରେ ପରଲୋକ ।
————————–
ଜୁଲାଇ ୮: ପ୍ରସ୍ତାବିତ ପୋସ୍କୋ ଅଞ୍ଚଳକୁ ରମଣ ମେଗାଶିଷ ପୁରସ୍କାର ପ୍ରାପ୍ତ ବିଶିଷ୍ଟ ସ୍ତମ୍ଭକାର ତଥାସାମ୍ବାଦିକ ପି.ସାଇନାଥଙ୍କ ଗସ୍ତ ।
—————————
ଜୁଲାଇ ୬: ଯାଜପୁର ଜିଲ୍ଲାରେ ବରଯାତ୍ରୀ ଗାଡ଼ି ଦୁର୍ଘଟଣାରେ ଶ ଜଣଙ୍କ ମୃତ୍ୟୁ ।
—————————
ଜୁଲାଇ ୧୨: କେନ୍ଦ୍ର ମନ୍ତ୍ରୀମଣ୍ଡଳ ସଂପ୍ରସାରଣରେ ସାର ଓ ରସାୟନ ରାଷ୍ଟ୍ରମନ୍ତ୍ରୀ ଥିବା ଓଡ଼ିଶାର ଶ୍ରୀକାନ୍ତ ଜେନାଙ୍କୁ ପରିସଂଖ୍ୟାନ ଓ କାର୍ଯ୍ୟକ୍ରମ ରୂପାୟନ ବିଭାଗର ରାଷ୍ଟ୍ରମନ୍ତ୍ରୀ (ସ୍ୱାଧୀନ) ଭାବେ ଅତିରିକ୍ତ ଦାୟିତ୍ୱ ।
————————–
ଜୁଲାଇ ୧୮: କ୍ରୀଡ଼ା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଭାରୋତଳକ କେ.ରବି କୁମାରଙ୍କୁ ଅର୍ଜୁନ ପୁରସ୍କାର ।
————————–
ଜୁଲାଇ ୨୦:ବଲାଙ୍ଗୀରରେ ଡେଙ୍ଗୁ ଜ୍ୱରରେ ଆକ୍ରାନ୍ତ ହୋଇ ଜଣେ ଯୁବକଙ୍କ ମୃତ୍ୟୁ ।
————————–
ଅଗଷ୍ଟ ୧୮: ରାଜ୍ୟ ବିଧାନସଭାର ଉପବାଚସ୍ପତି ଭାବେ ବାରିପଦା ବିଜେଡ଼ି ବିଧାୟକ ସାନନ୍ଦ ମାରାଣ୍ଡି ସର୍ବସମ୍ମତି କ୍ରମେ ନିର୍ବାଚିତ ହୋଇଛନ୍ତି ।
————————-
ସେପ୍ଟେମ୍ବର ୧୨: ରାଜ୍ୟରେ ହୋଇଥିବା ବନ୍ୟାରେ ୨୧ଟି ଜିଲ୍ଲା ପ୍ରଭାବିତ ହେବା ସହ ଏଥିରେ ୮୪ ଜଣଙ୍କ ମୃତ୍ୟୁ ହୋଇଥିଲା ।
————————-

ସେପ୍ଟେମ୍ବର ୨୩: ଜମି ପଟ୍ଟା ବଂଟନ କରିବାକୁ ଯାଇଥିବା ବେଳେ ଦୁର୍ବୁତଙ୍କ ଗୁଳିମାଡ଼ରେ ବିଧାୟକ ଜଗବନ୍ଧୁ ମାଝୀଙ୍କ ମୃତ୍ୟୁ ।
————————-
ସେପ୍ଟେମ୍ବର ୨୯: ବିଶିଷ୍ଟ ଗବେଷକ ତଥା ଲେଖକ ପ୍ରଫେସର ଗୌରୀ କୁମାର ବ୍ରହ୍ମାଙ୍କର ୯୧ବର୍ଷ ବୟସରେ ଭୁବନେଶ୍ୱର ସ୍ଥିତ ଏକ ଘରୋଇ ଡାକ୍ତରଖାନାରେ ପରଲୋକ ।
————————-
ଜୁଲାଇରୁ ସେପ୍ଟେମ୍ବର ମାସ ମଧ୍ୟରେ ଡ଼େଙ୍ଗୁ ଜ୍ୱରରେ ୩୨ ଜଣଙ୍କ ମୃତ୍ୟୁ ହୋଇଥିବା ବେଳେ ୨୧ଟି ଜିଲ୍ଲାରେ ହଜାର ହଜାର ଲୋକ ଆକ୍ରନ୍ତ ହୋଇଥିଲେ ।
——————–
ଅକ୍ଟୋବର ୧୧: ବିଜୁ ପଟ୍ଟନାୟକଙ୍କ ଓଡ଼ିଆ ପ୍ରୀତି ଓ ଓଡ଼ିଶାର ବିକାଶ ଚେତନାକୁ ଲୋକଙ୍କ ମଧ୍ୟରେ ପହଂଚାଇବା ଲକ୍ଷ୍ୟରେ ମନ୍ତ୍ରୀ ପରୁ ଇସ୍ତଫା ଦେବା ପରେ ବରିଷ୍ଠ ବିଜେଡ଼ି ନେତା ଦାମୋର ରାଉତଙ୍କ ଦ୍ୱାରା”ବିଜୁ ବିଚାର ମଂଚ’ ଗଠନ ।
————————–
ଅକ୍ଟୋବର ୧୨: କ୍ଷିଣଆଫ୍ରିକାର କେପ୍ଟାଉନ୍ର ଗୁଡ଼ହୋପ୍ ସେଂଟରରରେ ୟୁଥ୍ ଆଣ୍ଡ ଜୁନିୟର୍ ୱେଟ୍ଲିଫ୍ଟିଂ ରାଜ୍ୟଗୋଷ୍ଠୀ କ୍ରୀଡ଼ାରେ ଓଡ଼ିଶାର ତିନି ଜଣଙ୍କୁ ସ୍ୱର୍ଣ୍ଣ ପଦକ ।
————————-
ଅକ୍ଟୋବର ୨୦: ପୂର୍ବତନ ବିଧାୟକ ଉମା ବଲ୍ଲଭ ରଥଙ୍କ ଭାରତୀୟ ଜନତା ପାର୍ଟି(ବିଜେପି)ରୁ ଇସ୍ତଫା ।
————————–
ଅକ୍ଟୋବର ୨୩: ୁର୍ନୀତି ବିରୁଦ୍ଧରେ ଆୟୋଜିତ ଜନଚେତନା ଯାତ୍ରାରେ ବରିଷ୍ଠ ବିଜେପି ନେତା ଲାଲକୃଷ୍ଣ ଆଡ଼ଭାନୀଙ୍କ ଓଡ଼ିଶା ଗସ୍ତ ।
————————-
ନଭେମ୍ବର ୪: କେନ୍ଦ୍ର ସରକାର ଗତ ନଭେମ୍ବର ୪ ତାରିଖରେ ଆନୁଷ୍ଠାନିକ ଭାବେ ‘ଓରିଶା’ପରିବର୍ତେ’ ‘ଓଡ଼ିଶା’ ଏବଂ ଓରିଆ ପରିବର୍ତେ’ ଓଡିଆ ପାଇଁ ଗେଜେଟ୍ ନୋଟିଫିକେସନ୍ ଜାରି କରିଥିଲେ । ସଂସଦର ଉଭୟ ସନରେ ଓ ରାଷ୍ଟ୍ରପତିଙ୍କ ସ୍ୱୀକୃତି ପରେ ବିଦ୍ଧିବଦ୍ଧ ଭାବେ ଆଇନରେ ପରିଣତ ହୋଇଥିଲା ।
————————-
ନଭେମ୍ବର ୧୫: ଭଦ୍ରକ ଜିଲ୍ଲା ହ୍ୱୀଲର ଦ୍ୱୀପରୁ ଆଣବିକ କ୍ଷମତା ସଂପନ୍ନ କ୍ଷେପଣାସ୍ତ୍ର “ଅଗ୍ନି-୪’ରସଫଳ ପରୀକ୍ଷଣ । ଏହି କ୍ଷେପଣାସ୍ତ୍ରର ୨୫୦୦ରୁ ୩୦୦୦ କିମି ପର୍ଯ୍ୟନ୍ତ ଲକ୍ଷ୍ୟଭେଦ କରିବାର କ୍ଷମତା ରହିଛି ।
————————
ନଭେମ୍ବର ୧୬: କେନ୍ଦ୍ରାପଡ଼ା ପୌର ନିର୍ବାଚନରେ ବିଜୁ ଜନତା ଳର ବାଜିମାତ । ଏହି ନିର୍ବାଚନରେ ବିଜେଡ଼ି ୧୩ଟି ୱାର୍ଡ଼ରେ, କଂଗ୍ରେସ ୫ଟି ଏବଂ ବିଜେପି, ଏନ୍ସିପି ଓ ସ୍ୱାଧିନ ପ୍ରାର୍ଥୀ ଗୋଟିଏ ଲେଖାଏଁ ୱାର୍ଡ଼ରେ ବିଜୟୀ ହୋଇଥିଲେ ।
————————-
ନଭେମ୍ବର୧୬: ବିଜୁ ଶ୍ରମିକ ସଂଗଠନ ପକ୍ଷରୁ ଆୟୋଜିତ ଏକ ସମାବେଶରେ ଯୋଗ ଦେବାକୁ ଯାଉଥିବା ବେଳେ ଚଳନ୍ତା ଗାଡ଼ିରେ ବାଣ ବିସ୍ଫୋରଣ ଘଟି ଚାରିଜଣଙ୍କ ମୃତ୍ୟୁ । ଏହି ଘଟଣାକୁ ନେଇ ସ୍ଥାନୀୟ ଅଂଚଳରେ ରାଜନୈତିକ ଅସ୍ଥିରତା ।
————————–
ନଭେମ୍ବର ୨୦: ଡ.ବୈଷ୍ଣବ ଚରଣ ତ୍ରିପାଠୀ ରେଭେନ୍ସା ବିଶ୍ୱବ୍ୟିାଳୟର କୁଳପତି ଓ ଡ.ବିଜୟକୁମାର ନନ୍ଦ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବ୍ୟିାଳୟର କୁଳପତି ଭାବେ ନିଯୁକ୍ତି ।
————————-
ନଭେମ୍ବର ୨୫: ପୋସ୍କୋ ପ୍ରତିରୋଧ ସଂଗ୍ରାମ ସମିତି ନେତା ଅଭୟ ସାହୁ ମଣିଜଂଗା ଅଂଚଳର ନୂଆପୋଖରୀ ନିକଟରୁ ପୋଲିସ ଦ୍ୱାରାଗିରଫ ।
————————-
ନଭେମ୍ବର ୨୯: କେନ୍ଦୁଝର ଜିଲ୍ଲା ପଳାସପଙ୍ଗା ଠାରେ ଯାତ୍ରୀବାହୀ ବୋଲେରୋ ଓ ଡ଼ମ୍ପର ମଧ୍ୟରେ
ମୁହାଁମୁହିଁ ଧକ୍କା ବୋରୁ ୧୧ ଜଣଙ୍କ ମୃତ୍ୟୁ ହୋଇଥିଲା ।
————————–
ଡ଼ିସେମ୍ବର ୪: ବିଶିଷ୍ଟ ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ମନ୍ତ୍ରୀ କିରଣଚନ୍ଦ୍ର ଦେଓସିଂଙ୍କ ହୃଦଘାତରେ ପରଲୋକ
—————————-
ଡ଼ିସେମ୍ବର ୪: ନବରଙ୍ଗପୁର ଜିଲ୍ଲା ଉମରକୋଟ ବିଧାନସଭା ଆସନ ପାଇଁ ହୋଇଥିବା ଉପ ନିର୍ବାଚନରେ ଶାସକ ବିଜୁ ଜନତା ଦଳ ପ୍ରାର୍ଥୀ ସୁବାସ ଗଣ୍ଡ ବିଜୟୀ । ଦୁର୍ବୃତଙ୍କ ଗୁଳିମାଡ଼ରେ ବିଧାୟକ ଜଗବନ୍ଧୁ ମାଝିଙ୍କ ମୃତ୍ୟୁ ପରେ ଏହି ଆସନ ପାଇଁ ଭୋଟ୍ ଗ୍ରହଣ ହୋଇଥିଲା ।
—————————–
ଡ଼ିସେମ୍ବର ୭: ବହୁ ଚର୍ଚ୍ଚିତ ଖଣି ଦୁର୍ନୀତିର ତନ୍ତ ପାଇଁ ଜଷ୍ଟିସ ଏମ୍ବି ଶାହାଙ୍କ ନେତୃତ୍ୱରେ ଏକ ସାତ ଜଣିଆ ସ୍ୱତନ୍ତ୍ର ଦଳ ଭୁବନେଶ୍ୱରରେ ପହଂଚିଲେ ।
—————————-
ଡ଼ିସେମ୍ବର ୨୧: ଆଠଗଡ ନିର୍ବାଚନ ମାମଲାରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ବିଧାୟକ ରମେଶ ରାଉତଙ୍କ ସଭ୍ୟ ପଦ ରଦ୍ଦ ଓ ସମସ୍ତ ସୁବିଧା ସୁଯୋଗ ପ୍ରତ୍ୟାହାର ।
—————————-
ଡ଼ିସେମ୍ବର ୨୩: ପ୍ରସ୍ତାବିତ ପୋସ୍କୋ ପ୍ରକଳ୍ପ ଅଂଚଳରେ ହୋଇଥିବା ସଂଘର୍ଷ ଘଟଣାରେ ଠିକ।ଦାର ବାପି ସର୍ଖେଲ ପୋଲିସ ଦ୍ୱାରାଛତିଶଗଡ଼ ରାଜଧାନୀ ରାୟପୁରରୁ ଗିରଫ ।
——————————–
ଡ଼ିସେମ୍ବର ୨୩: ଗିନିଜ ବୁକ୍ ଅଫ୍ ରେକର୍ଡ଼ରେ ଓଡ଼ିଶୀ ନୃତ୍ୟକୁ ସାମିଲ କରିବା ଲକ୍ଷ୍ୟରେ କଳିଙ୍ଗ ଷ୍ଟାଡ଼ିୟମରେ ପାଂଚ ଶହରୁ ଉଦ୍ଧ୍ୱର୍ ଶିଳ୍ପୀଙ୍କ ଓଡ଼ିଶୀ ନୃତ୍ୟ ପରିବେଷଣ । ଏହି କାର୍ଯ୍ୟକ୍ରମରେ ପ୍ରାୟ ୨୦ଟି ଦେଶର ନୃତ୍ୟଶିଳ୍ପୀ ଅଂଶଗ୍ରହଣ କରିଥିଲେ ।
——————————
ଡ଼ିସେମ୍ବର ୨୪: ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ରାମଚନ୍ଦ୍ର ଉଲାକାଙ୍କ ୭୭ ବର୍ଷବୟସରେ ହୃଦଘାତରେ ପରଲୋକ ଓ ଏହାକୁ ନେଇ ପାରିବାରିକ ବିବାଦ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ମାଲକାନଗିରି, ରାଜ୍ୟ

ରାଜ୍ୟକୁ ବନ୍ୟା ସହାୟତା ୯୧୮ କୋଟି ଟଙ୍କା

December 28, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୨୮(ଓଡ଼ିଶା ଡ଼ଟ୍ କମ୍) ଗତ ସେପ୍ଟେମ୍ବର ମାସରେ ରାଜ୍ୟରେଦୁଇଟି ପର୍ଯ୍ୟାୟରେ ହୋଇଥିବା ବନ୍ୟାରେ କ୍ଷୟକ୍ଷତି ବାବଦକୁ କେନ୍ଦ୍ର ସରକାର ବୁଧବାର ଓଡ଼ିଶା ପାଇଁ ୯୧୮କୋଟି ଟଙ୍କା ମଞ୍ଜୁର କରିଛନ୍ତି ।

ବନ୍ୟାରେ ହୋଇଥିବା କ୍ଷୟକ୍ଷତିର ଭରଣା ପାଇଁ ରାଜ୍ୟ ସରକାର ୩୨୬୫ କୋଟି ଟଙ୍କା ସହାୟତା ପ୍ରଦାନ କରିବାକୁ କେନ୍ଦ୍ର ସରକାରଙ୍କ ନିକଟରେ ଦାବି କରିଥିଲେ ।

ବନ୍ୟା ଯୋଗୁଁ ରାଜ୍ୟର ୨୧ଟି ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଥିବା ବେଳେ ଅନ୍ୟ ରାଜ୍ୟ ତୁଳନାରେ ଓଡ଼ିଶାକୁ କମ୍ ସହାୟତା ପ୍ରଦାନ କରାଯାଇଛି ବୋଲି ସରକାରଙ୍କ ପକ୍ଷରୁ କୁହାଯାଇଛି ।

ବନ୍ୟା ଅଂଚଳରେ ରିଲିଫ୍ ଓ ଉଦ୍ଧାର କାର୍ଯ୍ୟ ପାଇଁ ସରକାର ନିଜସ୍ୱ ପାଣ୍ଠିରୁ ୧୨ଶହ କୋଟି ଟଙ୍କାରୁ ଅଧିକ ଖର୍ଚ୍ଚ କରିଥିବା ବେଳେ ଜାତୀୟ ବିପର୍ଯ୍ୟୟ ପାଣ୍ଠିରୁ କେନ୍ଦ୍ର ସରକାର ମଞ୍ଜୁର କରିଥିବା ସହାୟତା ରାଶି ବହୁତ କମ୍ ବୋଲି କୁହାଯାଇଛି ।

ନିକଟରେ କେନ୍ଦ୍ର ସରକାର ପଶ୍ଚିମବଙ୍ଗକୁ ୭୭୫୦କୋଟି ଟଙ୍କାର ସହାୟତା ପ୍ରଦାନ କରିଥିବା ବେଳେ ବିହାର କୋଶୀ ନଦୀ ବନ୍ୟା ବେଳେ ୧୦ହଜାର କୋଟି ଟଙ୍କା ସହାୟତା ଦିଆଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ବନ୍ୟା, ରାଜ୍ୟ

୧୯୭ ଡାକ୍ତରଙ୍କୁ ଆଡହକ୍ ନିଯୁକ୍ତି

December 15, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୧୫(ଓଡ଼ିଶା ଡ଼ଟ୍ କମ୍) ରାଜ୍ୟରେ ଖାଲି ଥିବା ଡାକ୍ତର ପଦବି ପୂରଣ ପାଇଁ ସରକାର ଗୁରୁବାର ୧୯୭ ଜଣ ଡ଼ାକ୍ତରଙ୍କୁ ଆଡ୍ହକ୍ ନିଯୁକ୍ତି ପ୍ରଦାନ କରିଛନ୍ତି ।

ଏମାନଙ୍କ ମଧ୍ୟରୁ ଅନୁଗୁଳ ଜିଲ୍ଲାରେ ୧୪ ଜଣଙ୍କୁ ନିଯୁକ୍ତି ପ୍ରଦାନ କରାଯାଇଥିବା ବେଳେ
ବାଲେଶ୍ୱରରେ ଜଣେ , ବରଗଡ ୬ ଜଣ, ଭଦ୍ରକ ୮ ଜଣ , ବଲାଙ୍ଗିର ୨ ଜଣ, ବୌଦ୍ଧ ୪ ଜଣ ,
କଟକରେ ୬ ଜଣଙ୍କୁ ନିଯୁକ୍ତି ଦିଆଯାଇଛି ।

ସେହିପରି ଦେବଗଡ ଜିଲ୍ଲାରେ ଜଣଙ୍କୁ , ଢେଙ୍କାନାଳରେ ୭ ଜଣ, ଗଜପତିରେ ୨ ଜଣ, ଗଞ୍ଜାମରେ
୭ ଜଣ, ଜଗତସିଂହପୁରରେ ୬ ଜଣ, ଯାଜପୁରରେ ୧୧ ଜଣ , ଝାରସୁଗୁଡାରେ ଜଣ, କଳାହାଣ୍ଡି
ଜିଲ୍ଲାରେ ୨ ଜଣଙ୍କୁ ନିଯୁକ୍ତି ଦିଆଯାଇଛି ।

କନ୍ଧମାଳ ଜିଲ୍ଲାରେ ୧୬ ଜଣଙ୍କୁ , କେନ୍ଦ୍ରାପଡା ୨୩ ଜଣଙ୍କୁ , କେନ୍ଦୁଝର ୮ ଜଣଙ୍କୁ , ଖୋର୍ଦ୍ଧା ୨
ଜଣଙ୍କୁ , କୋରାପୁଟ ୬ ଜଣଙ୍କୁ , ମାଲକାନଗିରି ୬ ଜଣଙ୍କୁ, ମୟୁରଭଞ୍ଜ ୭ ଜଣଙ୍କୁ , ନବରଙ୍ଗପୁର
୨୦ ଜଣଙ୍କୁ , ନୟାଗଡ ୮ ଜଣଙ୍କୁ ,ନୂଆପଡା ୨ ଜଣଙ୍କୁ ଏବଂ ପୁରୀ ଜିଲ୍ଲାରେ ୪ ଜଣଙ୍କୁ ନିଯୁକ୍ତି
ଦିଆଯାଇଛି ।

ରାୟଗଡାରେ ୫ ଜଣଙ୍କୁ , ସମ୍ବଲପୁରରେ ୫ ଜଣଙ୍କୁ , ସୋନପୁରରେ ଜଣଙ୍କୁ ଏବଂ ସୁନ୍ଦରଗଡ
ଜିଲ୍ଲାରେ ୬ ଜଣଙ୍କୁ ନିଯୁକ୍ତି ପ୍ରଦାନ କରାଇଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି |

ଆସନ୍ତା ୭ଦିନ ମଧ୍ୟରେ ଏହି ଡ଼ାକ୍ତରମାନେ ନିଜ ନିଜର ନିଯୁକ୍ତି ସ୍ଥାନରେ କାର୍ଯ୍ୟରେ ଯୋଗ ଦେବାକୁ କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଡ଼ାକ୍ତର, ରାଜ୍ୟ

କମ୍ ବୃଷ୍ଟିପାତ ଜନିତ ପରିସ୍ଥିତିର ମୁକାବିଲା ପାଇଁ ନିର୍ଦ୍ଦେଶ

December 13, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୧୩(ଓଡ଼ିଶା ଡ଼ଟ୍ କମ୍) ରାଜ୍ୟରେ କମ୍ ବୃଷ୍ଟିବାତ ଜନିତ ପରିସ୍ଥିତିର ମୁକାବିଲା ପାଇଁ ତ୍ୱରାନ୍ୱିତ ଭାବେ କାମ କରିବାକୁ ମୁଖ୍ୟମନ୍ତ୍ରୀ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି ।

ମୁଖ୍ୟମନ୍ତ୍ରୀ ଭିଡ଼ିଓକନ୍ଫରେନ୍ସିଂ ମାଧ୍ୟମରେ ଜିଲ୍ଲାପାଳ ମାନଙ୍କ ସହ ଆଲୋଚନା କରି ନିର୍ଦ୍ଦେଶ
ଦେଇଛନ୍ତି । ଚଳିତ ବର୍ଷ ଜୁଲାଇ ଓ ଅଗଷ୍ଟ ମାସରେ କମ୍ ବୃଷ୍ଟିପାତ ଯୋଗୁଁ ୧୭ଟି ଜିଲ୍ଲାର ୧୧୩ଟି ବ୍ଲକରେ ଚାଷ ସମସ୍ୟା ସୃଷ୍ଟି ହୋଇଛି ।

ଶରତ ଋତୁ ପାଇଁ ଧାନ କଟା କାର୍ଯ୍ୟ ସରିଛି ଏବଂ ଶୀତ ଋତୁ ପାଇଁ ଫସଲ କଟା କାର୍ଯ୍ୟ ଚାଲିଥିବାରୁ ଏଥିରୁ ପରିସ୍ଥିତିର ଆକଳନ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

ଏହାସହ ରାଜ୍ୟରେ ଅଚଳ ଉଠା ଜଳସେଚନ ପଏଂଟକୁ ସଚଳ କରିବା ପାଇଁ ୬୫ କୋଟି ଟଙ୍କା,
କୁସବନ୍ଧ ପାଇଁ ୩.୧୫ କୋଟି ଟଙ୍କା ଦିଆଯାଇଛି । ରବି ଫସଲ ପାଇଁ ବିହନ ଯୋଗାଣ ଓ ଡ଼ିଜେଲ ପମ୍ପସେଟ୍ ଆଦି ରିହାତି ଦରର ଦେବା ପାଇଁ ନିଷ୍ପତି ହୋଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: ବୃଷ୍ଟିବାତ, ରାଜ୍ୟ

  • Go to page 1
  • Go to page 2
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ